Webrwanda Backend

Category: Uncategorized

  • Umujenosideri Pierre Kayondo wari wihishe mu Bufaransa yatawe muri yombi nyuma y'iperereza ryamaze imyaka ibiri #rwanda #RwOT

    Ruharwa w'umwicanyi Pierre Kayondo wabaye Depute na Perefe wa Kibuye mbere ya Jenoside yakorewe Abatutsi, yatawe muri yombi ku munsi w'ejo akaba akurikiranyweho uruhare muri Jenoside yakorewe Abatutsi n'ibindi byaha byibasiye inyoko muntu.

    Ifatwa rya Kayondo rije nyuma y'Iperereza ryimbitse ku byaha regwa, nyuma y'ikirego cyatanzwe n'Impuzamashyirahamwe iharanira inyungu z'abarokotse Jenoside yakorewe Abatutsi(CPCR), ibimenyetso bikagaragaza ko Pierre Kayondo yaremye imitwe y'Interahamwe mu zahoze ari komini Tambwe na Kigoma mu yari Perefegitura ya Gitarama. Izo nterahamwe zishe abatutsi beshi cyane , Pierre Kayondo ngo akaba ariwe wazihaye amabwiriza n' intwaro zakoreshejwe muri ubwo bwicanyi.

    Pierre Kayondo wahoze ari umudepite, yari umurwanashyaka ukomeye wa MRND , akaba n'umwe mu bashinze Radio rutwitsi ya RTLM, dore ko ku rutonde rw'abanyamuryango 1136 ba RTLM aza ku mwanya wa 365. Izina Pierre Kayondo ryagarutse kenshi mu madoyiye y'abajenosideri bahamwe n'ibyaha, baba ababuraniye mu Rwanda, baba n'ababuranishijwe n'Urukiko Mpuzamahanga rwa Arusha, ariko gufata uyu ruharwa no kumuburanisha bikomeza kuzarira.

    Ubwo yari amaze gutabwa muri yombi, Alain Gauthier n'umugore we, Dafroza babwiye AFP ko 'banenejwe no kuba ikirego cyabo cyaratumye hatangira iperereza ndetse abakora mu rwego rw'ubutabera bakagaragaza ubushake.'

    Kayondo yabaye Perefe wa Kibuye n'Umudepite. Bivugwa ko yagize uruhare rukomeye mu bwicanyi bwakorewe mu Ruhango n'i Tambwe muri Gitarama. We yafashije mu ishingwa ry'amatsinda y'Interahamwe ndetse anayaha intwaro byiyongera ku kuba yaritabiraga inama zayo.

    Gauthier yatangaje ko Kayondo yari umuntu wa hafi wa Colonel Aloys Simba na Ephrem Nkezabera, bombi bahamwe n'ibyaha bya Jenoside yakorewe Abatutsi.

    Ubwo yari mu ruzinduko mu Rwanda mu mpera za Gicurasi uyu mwaka, Perezida w'Ubufaransa, Emmanuel Macron, yasezeranyije Abanyarwanda ko igihe kigeze ngo igihugu cye kireke gukomeza kuba indiri y'abajenosideri. Agahuru k'imbwa karahiye rero, abibwiraga ko mwacitse ubutabera murabona ko mwibeshya.

    Twibutse ko aho mu Bufaransa hakiri abajenosideri batararyozwa ubugome bwabo, barimo Agatha Kanziga, Col Laurent Serubuga, Gen Aloys Ntiwiragabo, Padiri Wenceslas Munyeshyaka, Laurent Bucyibaruta, n'abandi bari ku rutonde rw'abo Ubushinjacyaha bw'u Rwanda rusabira gushyikiriza ubutabera.

    The post Umujenosideri Pierre Kayondo wari wihishe mu Bufaransa yatawe muri yombi nyuma y'iperereza ryamaze imyaka ibiri appeared first on RUSHYASHYA.

    Source : https://rushyashya.net/umujenosideri-pierre-kayondo-wari-wihishe-mu-bufaransa-yatawe-muri-yombi-nyuma-yiperereza-ryamaze-imyaka-ibiri/?utm_source=rss&utm_medium=rss&utm_campaign=umujenosideri-pierre-kayondo-wari-wihishe-mu-bufaransa-yatawe-muri-yombi-nyuma-yiperereza-ryamaze-imyaka-ibiri

  • Kurya igi rimwe ku munsi ni umuti ukomeye ku buzima bwa muntu #rwanda #RwOT

    Hano mu Rwanda, Leta n'abafatanyabikorwa batandukanye barimo ibigo birengera abana nka NCDA, Ministeri y'Ubuzima, Iy'ubuhinzi n'ubworozi, Imiryango itari iya Leta y'u Rwanda nka USAID binyuze mu mishinga yayo nka Orora wihaze n'abandi bahagurukiye gushishikariza abanyarwanda kurya amagi byibura rimwe ku munsi kubera intungamubiri ziyagize (amagi) bityo bituma harandurwa indwara zituruka ku mirire mibi ndetse no kurwanya igwingira.

    Reka turebere hamwe ibyiza byo kurya igi rimwe ku munsi

    Ubushakashatsi butandukanye bwagiye bwerekana ko igi rifite akamaro kenshi mu mubiri w'umuntu aho ubushakashatsi buheruka bwasanze noneho igi rishobora kuvura zimwe mu ndwara z'umutima aho buvuga ko kurirya bifitiye akamaro imijyana ku bantu bakuze, aha rero abahanga bavuga ko kurya igi rimwe ku munsi bigabanya ibyago byo kurwara umutima ku cyigero cya 12%.

    Bitewe n'ibyubaka umubiri igi ryifitemo, uwaririye bimufasha kongerera ubudahangarwa ya mijyana twavuze haruguru ndetse no kwinjiza umwuka mwiza. Muri ubu bushakashatsi kandi abahanga bavuga ko igi rimwe gusa rifasha mu kugabanya indwara zifata imigarura y'amaraso ku kigero kingana na 3 kugeza ku 10%.

    Mu bundi bushakashatsi bwashyizwe mu kinyamakuri Le journal medical mu mwaka wa 2018, buvuga ko abahanga basuzumye imirire y'abantu bageze mu za bukuru bangana n'ibihumbi 416000 basanga aba bantu bose kuko bari bafite uko barya amagi buri munsi, mu myaka 9 yonyine baje gusanga batagaragaraho indwara nka diabete ndetse n'umutima.

    Ikindi ubu bushakashatsi bwagaragaje ni uko abantu basanzwe bafata igi rimwe ku munsi baba bafite ibyago bicye byo gupfa vuba ku cyigero cya 28% ndetse bakaba banafite ibyago bicye byo kurwara indwara zifata umutima ku cyigero cya 18%.

    Burya ngo umuhondo w'igi wifitemo cholesterol ihagije umubiri w'umuntu ukenera buri munsi, si ibyo gusa kandi, igi ryifitemo vitamin zitandukanye nka vitamin,A, D, E, B5, B9 ndetse na B12 kandi rifasha umuntu kugira amaso abona neza ubundi rigafasha ubwonko gukora neza.

    Icyitonderwa: Si byiza kurya igi rirenze rimwe kuko bitewe n'intungamubiri nyinshi zirigize bishobora gutera ibibazo mu mpyiko ugasanga umuntu aguwe nabi. Ikindi ni uko abagore batwite bakwiye kujya birira umuhondo w'igi kuko umweru waryo ushobora kubagiraho ingaruka zitandukanye.

    Gira ubuzima bwiza ufata igi rimwe ku munsi

    The post Kurya igi rimwe ku munsi ni umuti ukomeye ku buzima bwa muntu appeared first on RUSHYASHYA.

    Source : https://rushyashya.net/kurya-igi-rimwe-ku-munsi-ni-umuti-ukomeye-ku-buzima-bwawe/?utm_source=rss&utm_medium=rss&utm_campaign=kurya-igi-rimwe-ku-munsi-ni-umuti-ukomeye-ku-buzima-bwawe

  • Yazanye gitari! Anne Kansiime yageze i Kigali… – #rwanda #RwOT

    Uyu mugore yageze ku kibuga cy’indege Mpuzamahanga cya Kigali mu ijoro ryo kuri uyu wa Gatandatu tariki 23 Nzeri 2023 ahagana saa yine z’ijoro, yitabiriye igitaramo cya Seka Live kizaba kuri iki Cyumweru tariki 24 Nzeri 2023 kizabera muri Kigali Conference and Exhibition Village ahazwi nka Camp Kigali.

    Yatangaje ko yishimiye kugaruka i Kigali nyuma y’uko muri Nzeri ya 2022 atanze ibyishimo bisendereye ku bakunzi be. Ati “Nishimiye kuba ndi hano. Nta kintu nta kimwe nzasiga, ndashaka kubaha buri kimwe cyose mfite, nyabuneka ejo muzaze…'

    Anne Kansiime avuga ko ‘kuba umubyeyi’ byatumye agaragaza buri mpano ye. Yavuze ko igihe cyose ashobora kuririmba no gusetsa ‘igihe mbona ko abantu banjye babishaka. Ati “Ndabyiteguye kuririmba.”

    Kansiime wazanye gitari azifashisha acurangira abazitabira iki gitaramo, yavuze ko yaje mu Rwanda ari kumwe n’itsinda ry’abamufasha mu muziki barimo Producer n’abandi bazahurira ku rubyiniro. Ati “Ntabwo ari isezerano, ntuza uzaseka.”

    Muri iki gitaramo, Anne Kansiime azahurira ku rubyiniro na Patrick Rusine, Herve Kimenyi, Dr Andre ndetse na Ambasaderi w'Abakonsomateri.

    Uyu mugore utegerejwe i Kigali, yavutse yitwa Kansiime Kubiryaba Anne. Ni umunya-Uganda w'umunyarwenya, umukinnyi wa filime, umushyushyarugamba akaba n'umushabitsi ubimazemo igihe.

    Ibinyamakuru bitandukanye muri Afurika bimwita 'Africa's Queen of Comedy'. Ni umwe mu banyarwenya batunze agatubutse muri Afurika.

    Afite akabyiniro kitwa Kubby's Club gaherereye mu gace ka Naalya akagira na Hoteli iherereye mu gace ka Kabale. Yegukanye ibihembo bikomeye birimo n'amashimwe yegukanye yahawe n'abarimo Umwamikazi w'u Bwongereza, Elizabeth II.

    Yabonye izuba ku wa 13 Mata 1986, avukira mu Mujyi wa Mparo mu Karere ka Rukiga mu Burengerazuba bwa Uganda.

     Se yari umukozi wa Banki n'aho Nyina yitabye Imana muri Kamena 2021. Amashuri abanza yize i Kabale n'aho ayisumbuye yize Bweranyangi.

    Afite icyiciro cya kabiri cya Kaminuza yakuye muri Kaminuza ya Makerere mu bijyanye na 'Social Science'. 

    Mu 2007, nibwo yatangiye urugendo rwo gutera urwenya ubwo yari muri Kaminuza ya Makerere. Ni umwe mu bari bagize itsinda ry'abanyarwenya 'Theater Factory', ryasusurukije ibirori bikomeye muri Uganda n'ahandi. 

    Yaje kuva muri iri tsinda ajya mu itsinda 'Fun Factory' ryakoraga ibitaramo buri wa Kane. Bimwe mu byo bakinaga byatambukaga kuri Televiziyo NTV ya Uganda. 

    Kansiime yanakoraga ikiganiro 'MiniBuzz' afatanyije na Brian Mulondo cyatambukaga kuri NTV, aho baganiraga n'abaturage mu muhanda ku ngingo zinyuranye. 

    Mu 2014, nibwo Kansiime yatangiye kunyuza kuri Youtube ibiganiro by'urwenya yakoraga, kuva icyo gihe atangira guhangwa amaso na benshi, ibitekerezo birisukiranya ku mpano ye.

    Impano n'igikundiro byabaye mahwi nyuma y'uko Televiziyo yo muri Kenya Citizen imuhaye akazi atangira gutambutsa ikiganiro cy'urwenya yise 'Don't' mess with Kansiime' ubundi miliyoni y'abantu barenga batangiye kumuhanga ijisho, impano ye irakura. 

    Kansiime yatanze ibyishimo mu bitaramo yakoreye i Blantyre, Gaborone, Kigali, Kuala Lumpur, Lagos, Lilongwe, London, Lusaka, Harare n'ahandi. 

    Ni Ambasaderi wa Wild Aid yo muri Afurika, DSTV bakoranye mu 2016, Sasuza Visa, Lato Yoghurt, Mukwano Indusrties, Chipper Cash n'abandi.

    Mu 2013, Kansiime yarushinze na Gerald Ojok mu birori byari binogeye ijisho, Ariko mu 2017 baratandukanye buri umwe aca inzira ze.

    Yabaye mu bihe bikomereye umutima, akira ibikomere mu 2017 arushinga n'umunyamuziki Tukahiirwa Abraham [Skylanta] bafitanye umwana bise Selassie Ataho.

    Ikinyamakuru Flash Ug News cyo muri Uganda, kivuga ko Anne Kansiime atunze miliyoni 1.5 z'amadorali.

    Ku kibuga cy’indege Anne Kansiime yakiriwe n’umunyarwenya mugenzi we Arthur Nkusi
     

    Anne Kansiime yatangaje ko mu gutera urwenya azita cyane ku byo amaze iminsi anyuranamo n’umwana we


     

    Kansiime yitwaje gitari, avuga ko yiteguye gucurangira abazitabira iki gitaramo cya Seka Live agiye gukorera i Kigali

    Kansiime yaramukanyije na Nkusi Arthur bashirana urukumbuzi. Baherukanaga mu 2022 muri Camp Kigali 

    Kansiime aganira na Bundandi Nice uri mu batangije kompanyi ya Arthur Nation

    Dr Andre, ni umwe mu banyarwenya bagezweho muri iki mu gihugu cya Uganda yaje aherekeje Anne Kansiime
    Umuvandimwe wa Anne Kansiime [Uri iburyo] yamuherekeje i Kigali. Niwe utegura akanatunganya ibiganiro anyuza kuri Televiziyo 


    Kansiime yateguje abantu guseka bagatembagara kuko azagaruka kuri byinshi amaze iminsi anyuramo




    Kuri iki Cyumweru tariki 24 Nzeri 2023 muri Camp Kigali hazabera igitaramo cyatumiwemo Anne Kansiime

    Kanda hano urebe amafoto menshi ubwo Anne Kansiime yageraga ku kibuga cy'indege

    AMAFOTO: Ngabo Serge-InyaRwanda.com

    Source : https://inyarwanda.com/inkuru/134717/yazanye-gitari-anne-kansiime-yageze-i-kigali-yitabiriye-seka-live-amafoto-134717.html

  • REG BBC yasezerewe mu irushanwa rya Kirehe Op… – #rwanda #RwOT

    Kuri uyu wa Gatandatu tariki 23 Nzeri, ni bwo irushanwa ngarukamwaka rya Kirehe Open Tournament ryatangiraga, rikaba ryabereye muri aka karere kagize uturere 7 tw’intara y’Iburasirazuba.

    Iri rushanwa ryatangiye rifite amakipe 10, harimo 7 y’abagabo n’atatu y’abagore. Uyu munsi wa mbere, imikino yatangiye ku isaha ya Saa 09:00 am,

    Mu bagabo, amatsinda yari abiri, aho itsinda rya mbere ryarimo ikipe ya Kirehe VC, Police VC na KVC. Itsinda rya kabiri, ryarimo ikipe ya APR VC, Gisagara VC, Kepler VC na REG VC.

    Uko imikino ya saa Tatu yagenze; ikipe ya Kirehe VC yatsinzwe na Police VC amaseti 3-1, Kepler itsindwa na APR VC amaseti 3-2. Gisagara yatsinzwe na REG VC amaseti 3-2, umukino wabereye muri E.S Rusumo.

    “>

    Imikino yatangiye saa yine n’igice, ikipe ya KVC yatsinzwe amaseti 0-3 na Police VC, APR itsinda REG amaseti 3-1, naho Kepler itsindwa na Gisagara amaseti 3-0.

    Imikino yasoje amatsinda, yatangiye ahagana saa 12:30 PM, aho ikipe ya Kirehe yahise ikubita KVC amaseti 3-0, Gisaraga ikubita APR VC amaseti 3-0, naho REG itsindwa na Kepler amaseti 3-0.

    Mu bagore, kuko amakipe yari atatu, bakinnye hagati yabo. Ikipe ya IPRC Kigali yatsinzwe na Police amaseti atatu kubusa, RRA itsinda IPRC Kigali amaseti atatu, naho Police itsinda RRA amaseti 3-0.

    • Ubwo iyi mikino yari igezemo hagati, batangiye imikino ya kabiri, imvura yaje kugwa ari nyinshi, ndetse bituma imikino ihagarara isubukurwa nyuma

    Kwizera Pierre Marshall utoza REG VC avuga ko bimwe mu byabateye gusezererwa harimo  n’uburyo imikino yari iteguye. Ati “Ntabwo byari bibi cyane, kuko Kepler idutsinze tumaze kunanirwa. Twakoresheje imbaraga nyinshi dutsinda Gisagara VC dukina iseti zigera kuri 5. Twagiye guhura na APR VC imbaraga zamaze kugabanuka, kuko dufite abakinnyi bacye.”

    REG VC yasezerewe nguma yaho mu 2022 ubwo iri rushanwa ryaherukaga gukinwa, yari yabaye iya kabiri, itsinzwe na Gisagara VC. 

    Kuri iki cyumweru, ni bwo hari bukomeze imikino ya 1/2 ndetse n’imikino ya nyuma, aho ku isaha ya saa 09:00 am, Police VC iribukine na APR VC, Gisagara VC ikine na Kirehe VC.  Mu bagore, Police irakina na RRA.

    Gisagara iri gushaka uko yakisubiza iki gikombe 

    • REG VC yageze aho iti ashize ivuga

    Source : https://inyarwanda.com/inkuru/134713/reg-bbc-yasezerewe-mu-irushanwa-rya-kirehe-open-tournament-ryashomejwe-imvura-amafoto-vide-134713.html

  • Team Nshobozwa yegukanye All Star Game (AMAFOTO) #rwanda #RwOT

    Kuri uyu wa Gatandatu tariki ya 23 nibwo habaye umukino w’Intoranywa muri Shampiyona ya Basketball mu Rwanda “FERWABA All Star Game 2023” ukaba wegukanywe na Team Nshobozwa yatsinze Team Turatsinze amanota 99-89.

    Ni umukino wasozaga umwaka w’imikino wa 2022-23 muri Basketball.

    Uyu mukino wabanjirijwe no guhatana mu gutsinda amanota 3 ndetse na “Slum Dunk”. Aba uko ari 3 buri umwe yahembwe ibihumbi 500.

    Mu manota 3 mu bagore umwanya wa mbere wegukanywe na Micomyiza Rosine 'Cisse’ usanzwe ukinira REG W BBC ni mu gihe mu bagabo Munyeshuri Thierry Kigali Titans ari we wahize abandi. Muri “Slum Dunk”, Dondon Elisée wa Espoir BBC ni we wegukanye umwanya wa mbere.

    Team Turatsinze yatangiye neza ibifashijwemo na kapiteni wayo, Turatsinze Olivier itsinda agace ka mbere ku manota 30-26 ya Team Nshobozwa.

    Team Nshobozwa yagarutse mu gace ka kabiri ubona irimo ihatana cyane maze ibifashijwemo n’abarimo Munyeshuri Thierry batsinze agace kabiri ku manota 36 kuri 29. Bagiye kuruhuka banganya 59-59.

    Yakomerejeho inatsinda agace ka 3 ku manota 23 kuri 18. Team Nshobozwa yanatsinze agace ka kane ku manota 17-12 maze yegukana umukino ku manota 99-89 aho Kamndoh Frank wa Team Nshobozwa ni we watsinze amanota menshi aho yatsinze 33 ni mu gihe Fulla Rolly yabaye MVP wa All Star Game.

    Muri uyu mukino kandi hashimiwe Kami Kabange wasezeye mu ikipe y’igihugu ya Basketball. Uyu mugabo ufite n’Ubwenegihugu bwa DR Congo yakiniye amakipe atandukanye nka ASB Mazembe yo muri DR Congo, APR BBC, City Oilers, Espoir BBC na REG BBC akinira uyu munsi.

    Source : http://isimbi.rw/siporo/article/team-nshobozwa-yegukanye-all-star-game-amafoto

  • Amaso yose yerekejwe ku Gisozi! Tracy na Issa… – #rwanda #RwOT

    Iki gitaramo “Tujyane Mwami Live Concert” kiraba kuri iki Cyumweru tariki 24 Nzeri 2023. Kirabera mu Mujyi wa Kigali ku Gisozi muri Dove Hotel, kikaba cyaratumiwemo abahanzi bubashywe mu muziki wo kuramya no guhimbaza Imana ari bo James na Daniella, True Promises Ministry, Danny Mutabazi na Musinga Joe usingiza Imana mu njyana Gakondo. 

    Kwinjira muri iki igitaramo cyateguwe na K2 Conference & Event Management (KSquare) isanzwe itegura inama zikomeye, ni 30,000 Frw ku muntu umwe, 40,000 Frw kuri ‘Couple’, naho umunyeshuri ni 15,000Frw. Abashaka amatike, bayagura mu buryo bwa Online ku rubuga rwa Events.noneho.com. Amatike kandi ari kuboneka kuri za Camellia, no ku nsengero zitandukanye.

    KANDA HANO UGURE ITIKE Y’IGITARAMO TUJYANE MWAMI LIVE CONCERT

    'Tujyane Mwami Live Concert” igiye kuba ku nshuro ya mbere ariko izajya iba buri gihembwe. Kuri iyi nshuro irayoborwa n’abashyushyarugamba b’amazina akomeye ari bo Tracy Agasaro ukorera Kc2 Tv na Issa Noel Karinijabo ukorera Isango Tv wanakoreye Radio O yahoze ari Authentic Radio. 

    Akarusho k’iki gitaramo ni uko abakitabira bose, bumva ijambo ry’Imana, ariko bakanasangira amafunguro. “Kutaza muri iki gitaramo ni igihombo kuko harimo ibidasanzwe nko kuba abantu bose bazasangira nk’uko byagendana mu itorero rya mbere” – KSquare.

    K Square bateguye iki gitaramo bakomeza bavuga ko “Bibiliya iravuga ngo basangiraga ibyabo, Imana ikarushaho kubongerera abakizwa. Ikindi bazahomba ibihe byiza byo kuramya no guhimbaza Imana ariko kdi n'Ijambo ry'Imana. Hazaba ubusabane budasanzwe”.

    Mu kiganiro n’itangazamakuru ku wa Gatatu w’iki cyumweru, Mandela Ndahiriwe uhagarariye abari gutegura iki gitaramo yavuze ku mwihariko wacyo, ati: “Muri iki gitaramo harimo umwihariko mwinshi cyane utandukanye n’uwo mu bindi bitaramo bisanzwe biba”.

    Yavuze ko impamvu ari uko “hazaba harimo gusengera abanyeshuri ndetse natwe ubwacu ariko twisengera kugira ngo dukomeze tugendane n’Umwami kuko buriya hari igihe umuntu aba yumva ko ariwe wigize ariko buriya sibyo”.

    Yakomeje avuga ko muri iki gitaramo kandi, abantu bose bacyitabira bari busangire amafunguro nk’uko no mu itorero rya mbere byagendaga. Iki gitaramo gihanzwe amaso ni cyo cya kabiri gihenze (VIP) muri Gospel nyuma y’igitaramo cya Aline Gahongayire aho kwinjira byari ibihumbi 100 Frw.

    Mu kiganiro n’abanyamakuru KSquare batangaje byinshi ku gitaramo ‘Tujyane Mwami Live Concert’

    Tracy Agasaro ategerejwe muri Tujyane Mwami Live Concert 

    Issa Noel ni umwe mu bari buyobore “Tujyane Mwami” kuri iki cyumweru 

    Dj Spin yiteguye kuvangavanga imiziki muri iki gitaramo 

    Igitaramo “Tujyane Mwami Live Concert” kiraba kuri iki cyumweru kuri Dove Hotel

    Source : https://inyarwanda.com/inkuru/134711/amaso-yose-yerekejwe-ku-gisozi-tracy-na-issa-nibo-bayobora-igitaramo-tujyane-mwami-cyabara-134711.html

  • Abahanzi icyenda barimo Massamba bagiye guhur… – #rwanda #RwOT

    Kuri iyi nshuro iri serukiramuco rizaba mu gihe cy'iminsi itatu, kuva ku wa 29 Nzeri 2023 kugeza ku wa 1 Ukwakira 2023.

    Abategura iri serukiramuco bavuze ko kuri iyi nshuro batumiye abahanzi bashingiye ku banyafurika bakorera umuziki ku Mugabane wa Afurika n'abakomoka kuri uyu Mugabane bakorera umuziki mu bihugu bitandukanye by'Isi.

    Iri serukuramuco rizaherekezwa n'ibikorwa by'ubugeni n'ubuhanzi, ibitaramo by'abahanzi aho bazaririmbira imbona nkubone abafana babo.

    Urutonde rwatangajwe rugaragaraho Massamba Intore wo mu Rwanda, Ndaka wo muri Angola, Ngari Ngari&Ingoma Live yo mu Burundi, Itsinda Abahebera ryo mu Burundi, Octave 7th ryo muri Phillippines, Karella/ Dj Diamond, Sangea, Sappleton na Daddy H ndetse na Snarlin Lions.

    Abategura iri serukiramuco basaba buri wese uzaryitabira kuzitwaza inkweto zo kubyina, kuko bizaba ari ibihe by'ubusabane, kubyina byagutse mu rwego rwo kugira ibihe byiza muri iri serukiramuco rizarangwa n'ibikorwa byo kugaragaza imico y'ibihugu bitandukanye.

    Rizaba bwa mbere ku wa Gatandatu tariki 29 Nzeri 2023 aho kwinjira ari amadorali 20. Kuri uriya munsi hazaba ibirori byo guhura no gusangira n'abanyamuziki batumiwe ibizwi nka 'Meet and Greet'.

    Ku wa Gatandatu tariki 30 Nzeri 2023 hazaba ibitaramo by'abahanzi n'ibindi bikorwa bizaranga iserukiramuco, aho kwinjira ari amadorali 30. Ni uguhera saa tanu z'amanywa kugeza saa moya z'ijoro. 

    Ni mu gihe kuri iriya munsi guhera saa yine z'ijoro kugeza mu masaha akuza, hazaba 'Afterparty' izacurangamo aba Dj, kwinjira ni amadorali 20.

    Ku Cyumweru tariki 1 Ukwakira 2023, aba Dj, ababyinnyi, abakaraza n'abahanzi bazahurira mu gitaramo cyihariye, aho kwinjira ari amadorali 10.

    Ni mu gihe uhisemo kwishyura iminsi itatu y'ibi bitaramo asabwa kwishyura amadorali 10.

    Massamba aherutse kubwira Televiziyo Rwanda ko gakondo irimo amafaranga, kandi abahanzi bayikora neza barunguka kurusha n’abandi. Yavuze ko “muri gakondo ntabwo tuzi gutwika” nk’abandi bakora izindi njyana.

    Massamba yasobanuye ko yatumiwe muri iri serukiramuco hagamijwe ko yerekana umwihariko w’u Rwanda mu muziki.

    Yavuze ko Abanyarwanda bakwiye gushyigikira abahanzi, kandi bakumva ko inyungu buri umwe agira igera no kuri mugenzi we.

    Uyu muhanzi wagwije ibigwi mu muziki w’u Rwanda, yanavuze ko abantu bakwiye gutandukanye ikiriyo n’ikirori. 

    Avuga ko iyo ugiye mu kirori ukwiye kumenya ko ugiye guhimbarwa utagiye gukora isesengura no kureba.

    Massamba agiye gutaramira muri Edmonton na Ottawa muri iri serukiramuco rikomeye muri Canada
    Ndaka Yo Wini, umunyamuziki wo muri Angola ukorera umuziki muri Canada azaririmba muri iri serukiramuco



    Source : https://inyarwanda.com/inkuru/134703/abahanzi-icyenda-barimo-massamba-bagiye-guhurira-mu-iserukiramuco-muri-canada-134703.html

  • Meddy ku igare ameze nk’umuhinzi, yatanze iki… – #rwanda #RwOT

    Meddy wibera muri Leta Zunze Ubumwe za Amerka, yikojeje ku rukuta rwe rwa instagram, asanzwe akurikirwaho n’abasaga ibihumbi 940 abasangiza ifoto ikomeje kurikoroza ahantu hose ku mbuga nkoranyambaga yibazwaho cyane.

    Ni ifoto imugaragaza yambaye isengeri, afite igare rishaje rihetse umufuka urimo ibintu wagira ngo ni umuhinzi mworozi ari ku mazi.

    Iyi foto yayiherekesheje amagambo akubiyemo kwigisha abantu agakiza  agira ati “Ntukemere igitutu cy’iyi si. Ntukamanike amaboko kandi ugerageze guhindura, Irinde Satani azaguhunga! Reka Kristo akumurikire. Fata umusaraba wawe ukomeze ujye mbere, Ntugire umuntu utinya kandi ntugire n’ibihe utinya”.

    Meddy muri iyi minsi asigaye yaribereye umuvugabutumwa binyuze mu ndirimbo zo kuramya no guhimbaza Imana asigaye yiririmbira, ndetse no mu butumwa asigaye agenera abantu muri iyi minsi bwerekeye agakiza.

    Uyu muhanzi mu minsi yashize ubwo yatangazaga ko ibyo kuririmba indirimbo z’isi abihagaritse, abantu babaye nk’abarya amavubi batangira kumwiha cyane bavuga ko iby’umuziki bimunaniye, abandi bakavuga ko abahemukiye ku bwo kuva mu ndirimbo bamukunzemo nka: Igipimo, Akaramata, Adi Top n’izindi zibyinitse kandi zirimo amagambo y’urukundo.

    Ibi byaje kuba akarusho ubwo yashyiraga hanze indirimbo ye ya mbere yo kuramya no guhimbaza Imana yise “Grateful” hanyuma abantu ntibayikunde neza cyane nk’uko bari basanzwe bakunda izindi ndirimbo ze zisanzwe ndetse icyo gihe n’ibyo yashyiraga ku mbuga nkoranyambaga (Posts) ze ntabwo abantu babifataga neza nk’uko byari bisanzwe.

    Ifoto ya Meddy ameze nk’umuhinzi ikomeje kuvugisha benshi

    Gusa ariko Meddy akimara gushyira iyi foto n’aya magambo ku rubuga rwa Instagram, ubona ko abantu bamwakiriye uko ari nk’umubwiriza butumwa ubajyana mu gakiza, no mu bitekerezo batanga biba bigaragara ko bari kumwe nawe mu rugendo ndetse banamushimira.

    Meddy asigaye yaribereye umuvugabutumwa

    Reba indirmbo “Grateful” ya Meddy

    “>

    Source : https://inyarwanda.com/inkuru/134708/meddy-ku-igare-ameze-nkumuhinzi-yatanze-ikibwirizwa-gikomeye-134708.html

  • Abarenga 1000 bahawe akazi mu bitaramo 2-Ikig… – #rwanda #RwOT

    Sosiyete ya Now Now yatumiye The Ben yahishuriye Inyarwanda ko kuri Eden Garden abasaga 400 baronse akazi ariko bashobora kurenga ku munsi nyirizina w'igitaramo. Kuri Jardi Public abasaga 1000 bazabona uko bikora ku munwa babikesha igitaramo The Ben azakorera I Bujumbura.

    Nishishikare Jean De Dieu nyiri Now Now yabwiye Inyarwanda binyuze mu kiganiro kigufi cya mbaza ngusubize ku murongo wa telefoni yagize ati:'Iki gitaramo gifite akamaro ku banyagihugu bitewe nuko abarenga 1400 babonye akazi kandi baziyongera ku munsi nyirizina w'ibitaramo'.

    Ababonye akazi bari ku rutonde ruri kuri mudasobwa ya Nishishikare Jean De Dieu avuga ko abacunga umutekano bari mu ikipe y'abantu basaga 60 kuri Eden Garden mu gitaramo cy'abafite umufuka ubyimbye. 

    Harimo kandi abazaba bari gutanga ibyo kunywa, kurya, kwicaza abitabiriye. Sosiyete ya Now Now ivuga ko bari gukoresha abakozi bashya barimo abashoferi, abakora mu kabari n'izindi serivisi nkenerwa.

    Uyu mushoramari avuga ko akazi ari kenshi kandi kazagirira akamaro abarundi batari bake. Dore ko igitaramo kizaba ari icy'amateka.

    Ikibazo cy'aho gucumbika I Bujumbura n'ibura ry'ibitoro yamaze abantu amakenga

    Inyarwanda yari amakuru ko aho gukinga umusaya hatangiye gushira bitewe n'abantu babimenye bagafata ibyumba rugikubita. Ikindi kibazo cy'ibitoro byari byarabaye akasamutwe I Bujumbura yagize icyo avuga. 

    Yagize ati: 'Bujumbura ni ngari ifite aho kurara henshi rwose buri wese uzaza azabona aho arara. Amahoteli arahari. Ku kibazo cya essence na Mazout twakivugutiye umuti. Uyu munsi iki kibazo cyatorewe inyishyu mu kwezi kwa 7. Ariko turi kwibikaho ibitoro ku buryo uzagira ikibazo tuzamugoboka.'

    Nishishikare Jean De Dieu yabwiye Inyarwanda ko nyuma y'igitaramo cya The Ben hari ibindi bitaramo bizakurikiraho mu Rwanda, mu Burayi no muri Amerika. Ibitaramo byagiye binahindurirwa amatariki kuko harimo mu Rwanda, Europe n'Amerika bizakurikiraho nyuma y'igitaramo cya The Ben'.

    Abanyacyubahiro bazitabira

    Nyiri Now Now avuga ko abazitabira bazaryoherwa bikwiye. Avuga ko hateguwe ibitaramo 2 kugirango buri wese azaryoherwe. Iki gitaramo biteze ko kizaba kitabiriwe cyane. Big Fizzo na Sat-B bongewe kuri The Ben bitewe nuko bashakaga kwagura ibikorwa bya Now Now I Burundi. Avuga ko Sat-B na Big Fizzo bari baratangiye kubakoresha mbere. 

    The Ben akibura umubyeyi we hari abaketse ko igitaramo kitazaba. Ati:'Hari abaririmbye basaga 3 bari gufatanya na The Ben. Twari dufite na gahunda yo gufungura ibikorwa byacu bya Now Now I Burundi. Big Fizzo na Sat-B batinze kwemeza gahunda yabo ariko nibo twari dufite muri gahunda.'. 

    Yasoje avuga ko batigeze batekereza gutumira The Ben wenyine kuko bari no kuzana umuhanzi wo muri Tanzania. Ati:'Abayobozi hafi ya bose bakomeye I Burundi bazaza kandi The Ben azagera I Burundi mbere y'iminsi 5 amenyere ikirere anitoze hamwe n'ikipe ye, anakore ibiganiro n’itangazamakuru'.

    Nishishikare Jean De Dieu nyiri Now Now yatumiye The Ben


    Bashaka gufungura ibikorwa bya Now Now mu bitaramo byatanze akazi ku barenga 1000


    Nyiri Now Now yatumiye abarimo The Ben, Sat-B na Big Fizzo


    Abayobozi bakuru yahishuye ko bazitabira igitaramo

    Ikibazo cy’ibitoro cyavugitiwe umuti

    Source : https://inyarwanda.com/inkuru/134700/abarenga-1000-bahawe-akazi-mu-bitaramo-2-ikiganiro-na-nishishikare-jean-de-dieu-watumiye-t-134700.html

  • Barimyoje barataha! Abaje gukurikira isomwa r… – #rwanda #RwOT

    Ku itariki 22 Nzeri 2023 ku Rukiko rwisumbuye rwa Nyarugenge ruherereye i Nyambirambo hari bubere isomwa ry'umwanzuro w'urubanza mu mizi rwa Ishimwe Thierry uzwi nka Tity Brown. Ku isaha ya Sita z'igicamunsi mu mbago z'urukiko n'imbere hari huzuye abaje kumva umwanzuro.

    Urubanza rwari busomwe saa saba z'amanywa. Inyarwanda yari ifite kopi y'ibaruwa yahawe n'ubwanditsi bw'urukiko yemerera Inyarwanda gukurikira uru rubanza mu buryo bw'amajwi n'amashusho. Byumvikana neza ko nta mpinduka zari zitezwe kuri uwo munsi. Reka isaha ya saa saba igere. 

    Umunyamakuru wa Inyarwanda yegereye sale yari buberemo isomwa ry'ubanza bityo atungurwa no kubona nta mpapuro zimanitse ku rugi zimenyesha imanza zihari nkuko bisanzwe bigenda mu manza zindi dukurikira. Umunyamakuru yegereye umwanditsi w'urukiko amubaza niba urubanza ruri busomwe undi ati: 'Urubanza ruzaburanwa ku itariki 13 Ukwakira 2023 saa saba z'amanywa.

    Mu gushaka kumenya impamvu itumye rusubikwa Inyarwanda yegereye Me Mbonyimpaye Elias agira ati: 'Ku itariki 18 Kamena 2023 nyuma y'uko urubanza rupfundikiwe hari ibimenyetso bya video ya Tity Brown na Mpinganzima Joyeuse bari kubyina, Ubushinjacyaha bwongeye muri dosiye. Iyo video rero ni ibimenyetso bishya bigomba kuburanwaho bundi bushya'.

    Abari bahari bagiye babazanya niba urubanza ruba adore ko wasangaga nta makuru. Icyokora Inyarwanda yari yamaze kwandika ko rwasubitswe ku nshuro ya 6. Bamwe mu babashije kugaragaza amarangamutima yabo barimo ababyinnyi bagize bati:'Jyewe ncitse intege sinzongera kugaruka hano Imana izakore ibyayo. 

    Ubuse amaherezo azaba ayahe?' Hari n'abaganiriye na Inyarwanda Babura icyo bavuga barimyoza gusa bigaragaza kumirwa no kuba nta cyo bakora ku byari bibaye. Tity Brown akurikiranyweho gusambanya umwana bivugwa ko ataruzuza imyaka y'ubukure. Ni icyaha yahakanye kuva yatabwa muri yombi kugeza ageze muri gereza aho agiye kumara imyaka isaga ibiri.

    Ibaruwa yemerera Inyarwanda gukurikira urubanza

    Me Mbonyimpaye Elias wunganira Ishimwe Thierry

    Abaturage bari hanze ku ruzituro bifuza kumenya umwanzuro

    Ku rukiko rwisumbuye buri wese yari yumiwe

    Ku rukiko inkuru yari Tity Brown hibazwa niba asomerwa

    Umubyinnyi Jojo Breezy yarumiwe

    Ababyinnyi bari baje umwanzuro

    Ibiganiro byimukiye mu matsinda

    Bacitse intege babura imbaraga zibakura ku rukiko

    Ibitangazamakuru byarimo bishaka ikihishe inyuma y’iri subikwa rimaze kurambirana

    URUBANZA RUSUBITSWE INSHURO YA 6

    AMAFOTO&VIDEO: DOX VISUAL

    Source : https://inyarwanda.com/inkuru/134698/barimyoje-barataha-abaje-gukurikira-isomwa-ryurubanza-rwa-tity-brown-batashye-bacitse-inte-134698.html