Category: Uncategorized

Ibi bihembo bizatangirwa i Kigali ku wa 20 Ukwakira 2023 muri BK Arena. Ni ubwa mbere bigiye gutangirwa mu Rwanda, kandi bizaba hizihizwa imyaka 20 ishize Televiziyo Trace Africa igira uruhare mu guteza imbere abahanzi bo ku migabane itandukanye.

Umuyobozi wa Trace Africa akaba n’umwe mu bashinze Trace Group, Olivier Laouchez aherutse kubwira itangazamakuru ko iki cyiciro cya EAC bacyongeyemo mu rwego rwo gufasha abahanzi bo mu Rwanda kwisanga ku isoko ry'umuziki Mpuzamahanga.

Yavuze ko Trace Africa bashaka ko izaba ikiraro gihuza abahanzi b'imico inyuranye. Bruce Melodie niwe muhanzi wenyine wo mu Rwanda uhatanye muri iki cyiciro. Bibaye icyiciro cya kabiri ahatanyemo, kuko ari no mu cyiciro cy'abahanzi bo mu Rwanda gusa ahuriyemo na Kenny Sol, Bwiza, Ariel Wazy na Chriss Eazy.

Mu cyiciro 'Best East African' ahanganye na Diamond, umunyamuziki wo muri Tanzania uri mu muziki kuva mu 2006. Arazwi cyane uhereye ku ndirimbo ze zirimo ‘Number One’ yakoranye na Davido. Imyaka amaze mu muziki imushyira imbere mu bahanzi bo muri Afurika, kandi yitaye cyane ku kuririmba injyana ya Bongo Flava.

Aherutse i Kigali aho yaririmbye mu iserukiramuco ‘Giants of Africa’. Ni we washinze Label yise WCB, ibitangazamakuru nka Wasafi Media, yanakoze ishoramari muri Wasafi Bet n’ibindi.

Bruce Melodie kandi ahatanye na Zuchu, umuhanzikazi watangiye guca ibintu kuva mu 2020. Uyu mukobwa wamamaye mu ndirimbo zirimo nka ‘Hakuna Kulala’ ntasiba mu itangazamakuru avugwa mu rukundo na ‘Boss’ we Diamond.

Ni umukobwa w’ikimero witaye cyane ku kuririmba indirimbo zubakiye ku mudiho wa Afro-Pop, R&B na Bongo Flava.

Afite ubuhanga mu kubyina, bituma benshi mu bareba indirimbo ze badakuraho ijisho. Muri iki cyiciro kandi harimo umuhanzikazi Nadia Mukani. Ni umukobwa wo muri Kenya, wabonye izuba ku wa 9 Ugushyingo 1996. Muri 2017 yashyize hanze indirimbo yise ‘Kesi’ yatumye benshi batangira kumuhanga ijisho. Imbaraga ze mu gukora indirimbo zubakiye ku mudiho wa ‘Afro-Po’ zituma benshi batamushidikanyaho. Afite impano nyinshi, kandi afite Label yise ‘Sevens Creative Hub’.

Umuraperi Khaligraph nawe ari ku rutonde rw’abahataniye iki gikombe. Yongeye kwisanga ahatanye na Bruce Melodie, kuko bigeze guhatanira mu irushanwa rya Coke Studio mu 2017. Ni umwe mu baraperi beza Kenya yagize wavutse yitwa Brian Ouko Omollo.

Arazwi cyane binyuze mu ndirimbo zirimo nka ‘Mazishi’ ‘Yego’ n’izindi. Mu rugendo rwe yegukanye ibikombe byakomeje izina rye. Bruce Melodie anafitanye indirimbo Khaligraph bise 'Sawa Sawa'.

Umuhanzikazi Azawi witegura gushyira hanze album ye yahuriyemo n’abarimo Mike Kayihura nawe ari kuri uru rutonde. Uyu mukobwa akora cyane indirimbo zubakiye ku mudiho wa Afrobeats, Soul ndetse na R&B.

Mu 2019 yasohoye indirimbo ‘Quinamino’ yakomeje izina rye. Aherutse guca agahigo aba umukobwa wa mbere wagaragaye ku byapa bya ‘Times Square’ mu Mujyi wa Los Angeles.

Ibi bihembo bitegurwa na Televiziyo Mpuzamahanga yitwa Trace Africa, izwiho guteza imbere umuziki w'abahanzi ku Isi, by'umwihariko abo muri Afurika.

Trace Global ifite insakazamashusho za Trace [Trace Africa, Trace Urban…] ifite itsinda ry’abahanga mu muziki ryicara rigahitamo indirimbo ikwiye gutambuka n’itabirikwiye.

Ni ku nshuro ya mbere bigiye gutangwa bihatanyemo abo mu Rwanda. Ni mpuzamahanga, kandi bigamije guteza imbere abanyamuziki bafite impano zinyuranye by’umwihariko abubakiye inganzo y’abo ku muziki wa Afrobeat.

U Rwanda nirwo ruzakira umuhango wo gutanga ibi bihembo. Byatumye hongerwamo icyiciro cy’abahanzi bo mu Rwanda cyiswe ‘Best Rwandan Artist'.

Diamond wo muri Tanzania uheruka gutaramira i Kigali, ahatanye mu cyiciro cy’umuhanzi w’umugabo [Best Male], n’icyiciro cy’indirimbo ifite amashusho meza [Best Music Video].

Ni mu gihe Azawi, Levixone na Ghetto Kids aribo bahagarariye Uganda muri ibi bihembo byahujwe n’iserukiramuco rya ‘Trace Awards&Festival’ byateguwe ku bufatanye na Visit Rwanda, Sosiyete ya RwandAir, Ikigo cy’Igihugu cy’Itangazamakuru (RBA) n'abandi.

Kuva mu Majyepho, u Burasirazuba n’u Burengerazuba, Umugabane wa Afurika urahagarariwe muri ibi bihembo binyuze mu bahanzi bakora injyana nka Afrobeat, Genge, Kizomba, R&B, Rumba, Dancehall n’izindi.

Bahatanye mu byiciro 22. Kandi ni abo mu bihugu birimo birimo Amerika y'Amajyepfo, Caribbean, Uburayi, Algeria, Angola, Brazil, Cameroon, Cape Verde, Comoros, DRC, France, French Guiana, Gabon, Ghana, Guadeloupe, Haiti, Ivory Coast, Jamaica, Kenya, Madagascar, Martinique, Mayotte, Mauritius, Morocco, Mozambique, Nigeria, Reunion, Rwanda, Senegal, South Africa, Swaziland, Tanzania, Tunisia, U Bwongereza na Uganda.

Buri umwe uzatsinda azahabwa igikombe cyahanzwe n’umunye-Congo, Dora Prevost watanze ishusho y’uburyo kigomba kuba kigaragara.

Nigeria n’iyo ya mbere ifite abahanzi benshi bagera kuri 40 bahatanye muri ibi bihembo. Harimo nka Davido, Wizkid, Tiwa Savage, Ayra Starr, Burna Boy, YemiAlade, Fireboy DML na Rema.

Icyiciro cy’umuhanzikazi w’umugore (Best Female Artist) gihatanyemo Soraira Ramos wo muri Cape Verde, Josey wo muri Côte d’Ivoirem, Viviane Chidid wo muri Senegal, Nadia Mukami wo muri Kenya, Tiwa Savage na Ayra Starr bo muri Nigeria.

Umuraperi K.O ahatanye mu byiciro bitatu birimo Best Male, Song of The year ndetse na Best Collaboration. Musa Keys uherutse gukorana indirimbo ‘Who is Your Guy?’ na Tiwa Savage ahatanye muri Best Live, Best Collaboration ndetse na Best Music Video.

Ni mu gihe umuhanzi Pabi Cooper ahatanye mu cyiciro cy’umuhanzi mushya (Best NewComer). Dj Uncles Waffles wo muri Swaziland ahatanye mu cyiciro cya ‘Best Dj’. 

Ibi bihembo byitezweho kuzakurikirwa n’abantu barenga Miliyoni 500 mu bihugu 190 byo ku Isi. Kandi amatora ahesha amahirwe buri muhanzi yatangiye kuva kuri uyu wa Mbere tariki 21 Kanama 2023.

KANDA HANOUBASHE GUTORA UWO USHYIGIKIYE MURI ABA BAHANZI

Umunyamuziki Diamond ahataniye igikombe mu byiciro byinshi muri ibi bihembo

Bruce Melodie niwe munyarwanda rukumbi washyizwe muri iki cyiciro cyahariwe EAC

Umuraperi Khaligraph Jones ahataniye igikombe muri Trace Awards

Umuhanzikazi Zuchu yisanze muri batandatu bahatanira igikombe

Azawi witegura gushyira hanze album ye ahataniye igikombe n'abakomeye mu muziki

Nadia Mukami wo muri Kenya yongeye kwisanga muri ibi bihembo

Ubusanzwe akabyiniro (Night club) ntabwo abarokore bajyaga babyumva kimwe n’abajya muri utu tubyiniro kubera ibikorwa bitari byiza bivugwa ko bikorerwa muri utwo tubyiniro harimo ubusinzi ndetse n’ubusambanyi.

N’ubwo havugwa iyo mico itari myiza, benshi mu bajyayo bavuga ko utubyiniro tubafasha kuruhuka mu mutwe bakabyina bakishima bakiyibagiza ibibazo baba bafite cyane ko muri iyi minsi ibibazo bimaze kuba byinshi. 

Amakuru ducyesha Tv10 ni uko hagiye kubakwa akabyiniro k’abarokore aho bazajya bahurira bakaganira bakabyina indirimbo zo guhimbaza Imana, bakishimana bagasangira bakirengagiza ibibazo.

Umwe mu bategura uyu mushinga, yavuze ko impamvu yo gutegura uyu mushinga ari ukugira ngo abarokore babone aho nabo bazajya bahurira bakaganira bakishimana mu rwego rwo kubarinda kugira agahinda gakabije.

Ati 'Abantu bo mu rusengero iyo bavuyeyo nta handi bagira ho gusohokera bigatuma bifata ntibagire ubundi busabane. Akenshi ni ho haturuka agahinda gakabije (Depression) kandi twitwa abizera, rero ni umwanya mwiza wo kugira ngo bahure basangire ariko banaramya Imana.'

Nyamara n’ubwo mu tundi tubyiniro abantu basanzwe banywa inzoga z’amoko yose, muri aka kabyiniro kazaba kitwa Gospel Club nta bisindisha bizajya biharangwa cyangwa se ibindi bintu byose byaba bitandukanye n’amahame y’amadini y’abarokore nk’uko umwe mu babitegura yabyemeje.

Yagize ati 'Buri rugo rugira amahame yarwo, twebwe ntabwo tuzanywa inzoga cyangwa ibindi bisindisha, tuzajya tunywa imitobe, icyayi, ibyo kunywa byoroheje bizatuma abantu basangira bagasabana.'

Biteganyijwe ko aka kabyiniro kazajya gafungura buri wa Gatanu wa mbere w'ukwezi, kuri Saint Paul mu mujyi rwagati. Kuri uyu wa Gatanu nta gihindutse, abarokore bararara mu kabyiniro.

Kiyovu Sports yongeye gutsindwa muri FIFA iyitegeka kwishyura uwahoze ari umukinnyi wayo, Muzamiru Mutyaba miliyoni 11 z’amafaranga y’u Rwanda.

Kiyovu Sports imaze iminsi mu itangazamakuru ivugwamo inkuru zitandukanye cyane cyane izitari nziza.

Ibyari bishyushye muri iyi minsi uburyo ikipe yakuwe muri Kiyovu Sports igarurwa gucungirwa mu Muryango wa Kiyovu Sports ni mu gihe Umuyobozi wa Kiyovu Sports Company Ltd, Mvukiyehe Juvenal atabyemera.

Mu gihe bitarafata umurongo neza, muri iyi kipe hongeye kuza indi baruwa iturutse mu Mpuzamashyirahamwe y’Umupira w’Amaguru ku Isi (FIFA) iyimenyesha ko yatsinzwe ikirego yarezwemo n’umugande, Muzamiru Mutyaba.

Muri 2021 nibwo Muzamiru Mutyaba yasinyiye Kiyovu Sports amasezerano y’imyaka 2 aho bumvikanye amafaranga y’u Rwanda miliyoni 20.

Muri aya mafaranga yishyuwe miliyoni 10, andi akomeza kugenda yishyuza ariko arinda asoza amasezerano ye muri Nyakanga 2023 atishyuwe.

Uyu mugabo yanagiye ikipe imufitiye n’ibirarane by’umushahara ndetse n’uyu mwenda. Muzamiru Mutyaba yahise ajya kurega muri FIFA.

Tariki ya 25 Kanama 2023 FIFA yamenyesheje Kiyovu Sports ko igomba kwishyura uyu mukinnyi miliyoni y’amafaranga y’u Rwanda y’umushahara yari afitiwe.

Akaba agomba kwishyurwa kandi miliyoni 10 z’amafaranga y’u Rwanda nk’amafaranga yaguzwe yari asigawemo, yiyongeraho inyungu ya 5% yayo ku mwaka kuva tariki ya 31 Nyakanga 2022 kugeza igihe azishyurirwa.

Iyi kipe yahawe iminsi 45 yo kwishyura aya mafaranga kuva tariki ya 25 Kanama 2023 itabikora ikazabuzwa kwandikisha abakinnyi bashya.

Muzamuru Mutyaba abatsinze nyuma ya Vuvu Pinoki na we bishyuye ndetse n’abanya-Sudani, John Mano ndetse Shiboub bayitsinze muri FIFA.

Iyi kipe kandi haheruka gusohoka ibaruwa ya Igitego Hotels yishyuza Kiyovu Sports miliyoni zigera ku 153 za serivisi bayihaye.

Ku wa  Gatanu w'Icyumweru gishize , ubwo yari mu kiganiro Breakfast With Stars gitambuka kuri Radio Kiss FM, kigakorwa na Sandrine Isheja, Andy Bumuntu n'Umunyarwenya Rusine Patrick, Umuhanzi Bruce Melodie yahishuye ko we n'abo bakorana bashobora gutangira gufasha abandi bahanzi.

Mu kiganiro cyamaze isaha irengaho iminota mike, uyu muhanzi yakomoje kuri gahunda ya 1.55 AM Entertainment yo gutangira kureberera inyungu z'abahanzi nyarwanda batandukanye, ndetse no kwinjiza abahanga mu gufata no gutunganya amajwi y'indirimbo [Producers] muri Studio nshya bamaze iminsi batangije.

Bruce Melodie ubwo yabazwaga impinduka zamubayeho nyuma yo kubona Sosiyete bakorana ikacunga ibikorwa bye bya muzika, yasubije avuga ko icya mbere cyahindutse ari ikijyanye n'amafaranga, kugabanuka kw'imvune yahuraga nazo ndetse n'uburyo iyo ibibazo bije bahuza imbaraga bakirwanaho.

Uyu muhanzi kandi yongeyeho ko nyuma yo kuzuza Studio nshya, iri kubarizwamo Producer Element umaze igihe ahetse umuziki nyarwanda, bafite gahunda yo kwinjizamo abandi bahanzi n'abahanga mu gufata no gutunganya amajwi y'indirimbo [Producers].

Yagize ati 'Akazi kari kugenda neza ugereranyije n'uburyo twakoraga mbere, mu bijyanye n'amafaranga, no kubona uburyo bwiza bwo gukora kuko ubu dufite studio nziza irimo Element, turimo no kwinjizamo abandi bahanzi n'aba-Producers.'

Ni bande bahanzi bahanzwe ijisho muri iyi gahunda?

Nyuma y'uko Bruce Melodie ahishuye ibyo gutangira kwinjizamo abahanzi bashya, byatumye ntera akajijsho ku mbuga nkoranyambaga zitandukanye yaba iz'abahanzi nyarwanda, izikoreshwa na 1.55 AM ndetse n'iza Producer Element n'abandi baba hafi y'iyi sosiyete.

Nyuma yo kugenzura ibiri kujya mbere ku mbuga nkoranyambaga, nasanze abahanzi barimo Kevin Kade na Yampano uri kuzamuka neza mu muziki ari abo kwibazwaho cyane, kubera umubano udasanzwe bari kugaragaza hagati yabo na Studio ya 1.55 AM ndetse n'abayiyobora.

Abakurikirana aba bahanzi ku mbuga nkoranyambaga, ntekereza ko aho tugeze turi kumwe kuko mpereye ku muhanzi Kevin Kade amaze igihe agaragara ari kumwe n'Umushoramari Karomba Gael uzwi nka Coach Gael, mu tubyiniro dutandukanye ndetse akagaragara kenshi ari kumwe na Producer Element muri Studio ya 1.55 AM.

Uretse ibyo  imbuga nkoranyambaga za  1.55 AM Entertainment zikurikira abantu 320, baherutse kongeramo uno muhanzi Kevin Kade, bakarenzaho gutanga ibitekerezo ku byo atangaza ku mbuga nkoranyambaga ze bwite. Ni urukundo rutagarukira aho gusa kuko Kevin Kade na Coach Gael uyobora 1.55 AM  inshuro nyinshi bakomeje kwerekana ubushuti buhambaye kugeza aho bitana abavandimwe.

Birumvikana ko Kevin Kade ashobora kuba ari umwe mu bahanzi bari imbere ku rutonde rw'abashobora kwinjizwa muri 1.55 AM Studio. Yampano ugezweho i Kigali abikesheje indirimbo nshya yise 'Ndikwikubita' nawe amaze igihe agaragara kuri Studio ndetse ku mbuga nkoranyambaga agahishura ko yifuza gukorana n'abayibarizwamo.

Uyu musore ukiri muto nyuma yo gusohora indirimbo 'Ndikwikubita', yifashishije urubuga rwa Instagram yatangaje ko kubera uburyo iyi ndirimbo ari nziza, Bruce Melodie akwiye kuyiha umugisha bakayisubiranamo kandi ko yizeye ko byagira ingaruka nziza ku mwuga we.

Ubu butumwa bwarasakaye cyane bugera kuri Kenny Mugarura uri mu bayobozi bakuru ba 1.55 AM, asaba abantu ku mbuga nkoranyambaga kubutangaho ibitekerezo ubundi bakareba icyakorwa, nyuma ntawamenye aho uwo mushinga ugeze niba waremewe cyangwa utaremewe.

Nyuma y'uko Yampano atanze iki cyifuzo, umubano wakomeje kwiyongera kugeza aho imbuga nkoranyambaga za 1.55AM zimwongeye mu bo zikurikira kuri Instagram, ndetse uyu musore yakomeje gushyira hanze amafoto n'amashusho agaragaza ari muri iyi studio inshuro nyinshi.

Ni iki 1.55 AM ivuga kuri iyi gahunda yo gusinyisha abahanzi bashya?

Mu kiganiro cyihariye na InyaRwanda, bwana Kenny Mugarura uri mu bayobozi bakuru ba 1.55AM yavuze ko ari ukuri ko bafite iyo gahunda yo gusinyisha abahanzi bashya, yemeza ko iyi Sosiyete yakoze urutonde ruriho abahanzi bifuza gukorana nabo kandi ko abo twagarutseho haruguru bariho.

Yavuze ko ibiganiro biri gukorwa hagati y'iyi Sosiyete ndetse na bamwe mu bahanzi bazinjizwamo ariko ko batarafata gahunda ihamye yo kubishyira hanze, cyane ko ibiganiro bari kugirana n'aba bahanzi bigiye byihariye bitewe n'uburyo abo bahanzi bifuza gukoranamo na 1.55 AM.

Yagize ati ' Mu by'ukuri rero icyemezo tugifata turi abantu benshi, ntabwo navuga ngo ni uyu cyangwa uriya. Ariko hakozwe urutonde rw'abahanzi kandi n'abo wavuze bariho. Ni abahanzi benshi ntabwo ari babiri bonyine.'

Mugarura yongereyeho  ko ibiganiro bigeze ahashimishe, ariko ko byihariye kuri buri muhanzi bitewe n'uburyo yifuza gukoramo, inshingano afite zisanzwe ndetse n'aho yifuza kugeza ibikorwa bye. Kugeza ubu 1.55 AM ibarizwamo abahanzi batatu aribo Bruce Melodie, Ross Kana na Producer Element uri kwinjira mu mwuga wo kuririmba.

Si ubwa mbere Bruce Melodie n'abo bakorana bagiye gufasha abandi bahanzi, aba mbere bari he?

Mu 2019 irangira umuhanzi Bruce Melodie n'abo bakoranaga batangiye gahunda yo gufasha abahanzi bakizamuka ariko bafite impano ikeneye akaboko. Icyo gihe bahereye kuri Kenny Sol wari umaze iminsi atandukanye n'Itsinda rya Yemba Voice, ndetse na Juno Kizigenza wari urangije amashuri yisumbuye.

Iki gihe aba bahanzi bakoze indirimbo zakunzwe zirimo 'Mpa Formula' ya Juno Kizigenza, 'Agafire' ya Kenny Sol, n'izindi zatumye bahangwa amaso n'abakunzi b'umuziki nyarwanda kugeza mu 2021 irangira batandukanye na Igitangaza Music.

Kugeza ubu abo bahanzi batewe ingabo mu bitugu na Bruce Melodie  bageze ku rwego rushimishe ku buryo bahanganira ibihembo bikomeye, bagahigana kuyobora intonde z'imiziki hirya no hino mu gihugu ndetse bagahurira ku rubyiniro mu bitaramo bitandukanye.

Birumvikana ko hari amahirwe menshi, yo kuba aba bahanzi bagiye gutizwa umurindi bashobora kugera ku rwego rushimishije nk'urwo abandi bafashijwe mbere byagenze. Bruce Melodie aherutse gutangaza ko yishimira urwego amaze kugeraho nyuma yo gutangira gukorana na 1.55 AM.

Bivuze ko aba bahanzi bashya bagiye kwinjizwa muri 1.55 AM bashobora kugwa ahashashe nk'aha Bruce Melodie, ho kudahangayikira ibibazo by'ubushobozi bwo gukora umuziki, kubaho ndetse no kugenderera ibindi bihugu mu rwego rwo kwagura imbibe z'ibikorwa bye.

Mvuze ko Itahiwacu Bruce wamamaye nka Bruce Melodie yihariye uyu muco mu bahanzi bafite ibigwi mu Rwanda, wo gucira inzira abahanzi bakizamuka, ntawantera amabuye kuko byamusaba kunyereka ibindi bimenyetso bitari ibyo nagarutseho muri iyi nkuru.

Kevin Kade afitanye umubano udasanzwe n'abayobozi ba 1.55 AM, bishimangira ko ashobora kuba mu ba mbere bazaterwa iteka

Kevin Kade na Coach Gael uyobora 1.55 AM bitana abavandimwe ku mbuga nkoranyambaga

Imbuga Nkoranyambaga za 1.55 AM zikurikira abantu bake, ziherutse kongeramo Kevin Kade

Yampano aherutse kugaragaza icyifuzo cyo gukorana na Bruce Melodie, ibintu byongereye umubano n'Ubuyobozi bwa 1.55 AM

Yampano amaze igihe agaragara muri Studio ya 1.55 AM, ari kumwe na Producer Element Eleeeh

Imbuga nkoranyambaga za 1.55 AM zikurikira abantu bake, ziherutse kumwongeramo

Bruce Melodie niwe uherutse guhishura ko Studio abarizwamo igiye gusinyisha abandi bahanzi bashya

Kenny Mugarura aganira na InyaRwanda yahamije ko abo bahanzi twagarutseho  bari ku rutonde rw'abagomba kwegerwa