Category: Uncategorized

Perezida w’ikipe ya Rayon Sports, Uwayezu Jean Fidele yavuze ko ikipe y’abagore ije mu cyiciro cya mbere guhangana ku ruhando mpuzamahanga.

Kuri uyu wa Gatanu tariki ya 6 Ukwakira 2023 nibwo Rayon Sports yerekanye ikipe y’abagore izakina bwa mbere icyiciro cya mbere umwaka w’imikino 2023-24 uzatangira ku munsi w’ejo ku wa Gatandatu.

Ni ikipe yashinzwe umwaka ushize ku bufatanye bwa Rayon Sports n’umuterankunga wayo mukuru, Skol, yahereye mu cyiciro cya kabiri ndetse ihita yegukana shampiyona yacyo ari nabwo yatsindiraga kuzamuka mu cyiciro cya mbere.

Muri uyu muhango wo perezida wa Rayon Sports, Uwayezu Jean Fidele yavuze ko nubwo iyi kipe ije mu cyiciro itaje gutembera ahubwo intego ya Rayon Sports aho iva ikagera ni ugutsinda.

Ati “Intego ya Rayon Sports mu bikorwa byose ikora, yaba shampiyona y’abagabo, yaba shampiyona y’abagore ni ugutsinda ntabwo dushyizeho ikipe y’abari n’abategarugori yo kubaho itariho, tuje mu cyiciro cya mbere gutsinda.”

Yakomeje avuga ko batazubaka iyi kipe bagamije kwitwara neza mu Rwanda ahubwo bayubaka bafite intumbero yo ku ruhando mpuzamahanga.

Ati “Muri Rayon Sports umukinnyi w’umuhungu tumufata kimwe n’umukobwa.
Tugomba kubaka ikipe ya Rayon Sports tutayubakira ku makipe ya hano mu Rwanda, tugomba kureba, tugomba kubaka Rayon Sports y’abagore ikomeye mu Karere n’Afurika yose, Rayon Sports y’abakobwa, Rayon Sports y’abahungu tugomba kuzubaka zikarenga imbibi za hano.”

Umuyobozi wa Skol, yavuze ko impamvu bahisemo gukomeza gukorana na Rayon Sports ari uko ari ikipe nziza yo gukorana nayo.

Ati “Ni ikipe nziza yo gutera inkunga, ni umubano mwiza dufitanye, ni uburyo bwiza iyobowemo. Rayon Sports ni ikipe nziza yo gutera inkunga. “

Mu rwego rwo kwiyubaka neza yahisemo kurekura bamwe mu bakinnyi yari ifite mu cyiciro cya kabiri kuba yabarekura igashaka abandi barimo n’abanyamahanga.

Yanakoze impinduka mu buyobozi aho Benie Kana Axella wari ushinzwe imenyekanishabikorwa muri Rayon Sports y’abagore yagizwe umunyamabanga mushya w’iyi kipe.

Rayon Sports kandi ikaba muri uyu muhango yerekaniyemo abakinnyi izakoresha (bose ntibaje kuko nk’abanyamahanga hari abataragera mu Rwanda), yerekanye abakinnyi 27 yanamuritse imyambaro izakoresha mu mwaka w’imikino wa 2023-24 aho mu rugo izajya yambara ubururu, yasohoka ikambara umweru ni mu gihe abanyezamu bazajya bambara umutuku.

APR FC yabuze amahirwe yo gufata umwanya wa mbere ku rutonde rwa shampiyona nyuma gutsinda Musanze FC iwufite ibitego 2-1.

Wari mu mukino w’ikirarane cy’umunsi wa 4 kitakiniwe igihe kuko APR FC yari mu mikino Nyafurika.

Kuri uyu uwa Gatanu tariki ya 6 Ukwakira 2023 nibwo habaye uyu mukino ubera kuri Kigali Pelé Stadium.

Bagiye gukina Musanze FC ari yo iyoboye urutonde rwa shampiyona umwaka w’imikino 2023-24 n’amanota.

Hakiri kare ku munota wa 9 nibwo APR FC yabonye igitego cya mbere gitsinzwe na Ruboneka Bosco ku mupira yatereye ku murongo w’urubuga rw’amahina.

Ku munota wa 20 nibwo rutahizamu wa APR FC ukomoka muri Nigeria utaremeza abakunzi b’iyi kipe nibwo yafunguye konti y’ibitego bye muri shampiyona y’uyu mwaka ubwo yayitsindiraga igitego APR FC cya kabiri.

Iyi kipe y’Ingabo z’Igihugu yagerageje gushaka ibindi bitego ndetse ibona n’amahirwe ariko ntiyayabyaza umusaruro ni mu gihe na Musanze FC nayo yagerageje kwishyura ibona kimwe ku munota wa 88 cyatsinzwe na Turatsinze Pacifique, umukino urangira ari 2-1.

Nyuma yo gutsinda uyu mukino, Musanze FC yagumye ku mwanya wa mbere n’amanota 10 inganya na APR FC ariko Musanze FC izigamye ibitego 4 mu gihe APR FC ari 4.

69″ Musanze FC ikoze impinduka, Nicholas avuye mu kibuga hinjira Munyurangabo Leonidas

65″ Victor Mbaoma ahishije igitego ari wenyine imbere y’izamu, aho yari asigaranye n’umunyezamu ariko umupira awumutera mu biganza.

Musanze FC nayo yatangiye gukina ishaka kwishyura

Musanze FC yakoze impinduka, Tuyisenge Pacifique yinjiye mu kibuga, Mugheni Kakule avamo

47″ Kufura ya APR FC ku ikosa rikorewe Mugisha Gilbert. Mugisha ni nawe wihaniye ikosa umupira ukubita ipoto.

45″ Igice cya kabiri kiratangiye 

45″ igice cya mbere kirarangiye, amakipe yombi agiye kuruhuka APR FC iyoboye n’ibitego 2-0 bwa Musanze FC

41″ APR FC yatatse izamu n’umuvuduko mwinshi, ku mupira uzamukanwe na Mugisha, ahereza Ruboneka, wahise nawe awuha Niyibizi Ramadhan wateye ishoti rikomeye cyane umupira uca hejuru y’izamu.

40″ Musanze FC irimo kugerageza gusatira izamu ikoresheje imipira miremire, ariko ntacyo biri gutanga

Musanze FC irasabwa kudatsindwa ibindi bitego kugira ngo irebe ko yasubira I Musanze igifite umwanya wa mbere. Mugisha wagoye Musanze FC cyane, ntabwo akunze kubanza mu kibuga, gusa kuri uyu mukino, umutoza yamugiriye ikizere

umunyezamu Jobe wa Musanze FC, arikugaragaza urwego rwo hasi, kuko ari gukina nk’umuntu ufite umunaniro, byateje ibitego 2 Musanze FC imaze gutsindwa

20″ igitego cya kabiri cya APR FC. Kuri kufura nziza itewe na Victor Mbaoma, umuoira ukubita mu rukuta, uhindura icyerekezo, ujya aho umuzamu atari ahagaze, ukubita igiti cy’izamu, uruhukira mu izamu.

18″ Kufura ya APR FC. umuoira uteretse ahantu hakomeye cyane kuri Musanze FC, kuko ni nka metero 20 uvuye imbere y’izamu

10″ igitego cya mbere cya APR FC. Ku mupira uzamukanwe na Mugisha Gilbert afunga inguni agana muri koroneri, akata umupira ujya mu rubuga rw’amahina, usanga Ruboneka Jean Bosco wari uhagaze neza, nta kindi akoze usibye gutereka umupira mu izamu.

07″ Koroneri ya mbere ya APR FC ikaba iya mbere ya muri uyu mukino, itewe na Bacca, ariko ntiyagira icyo itanga

01″ kufura ya Musanze FC, ku ikosa rikorewe na Musanze FC

17:58″ Umukino uratangiye. Ikipe ya Musanze FC niyo itangije umupira nk’ikipe yasuye. Musanze yambaye imyenda y’umutuku hose, mu gihe APR FC nayo yambaye umweru hose.

Abakinnyi 11 APR FC yabanje mu kibuga

Pavel Nzila

Ombolenga Fitina

Ishimwe Christian 

Niyigena Clement

NSHIMIYIMANA Yunussu

Taddeo Lwanga

Niyibizi Ramadhan

Ruboneka Jean Bosco

Victor Mbaoma

Mugisha Gilbert

Kwitonda Alain Bacca.

Abakinnyi 11 Musanze FC yabanje mu kibuga

Madu Jobe

Muhire Anicet

Bakaki Shafik

Nkurunziza Felicen

Nduwayo Valeur

Kwizera Tresor

Kakule Mugheni

Ntijyinama Patrick

Mathaba Lethabo

Nicholas Ayomide

Peter Agblevor

17:53 pm” amakipe yombo abakinnyi bagarutse mu kibuga umukino ukaba mukanya gato cyane uraba utangiye

byageze saa 17:00 pm abafana bakiri bacye cyane

Mugheni Kakule, ufite utuntu mu mutwe, asanzwe amenyereye guhura na APR FC cyane

Modou Jobe ubanza ibumoso, niwe ugiye kubanza mu izamu, akaba ari umunyezamu w’ikipe y’igihugu ya Gambia

Mugiraneza Miggy wakiniye APR FC, ubu ni umutoza wungirije wa Musanze FC

Danny Ndikumana, yongeye kugaragara mu bakinnyi bari bwifashishwe kuri uyu mukino, ariko ntawuzi niba aribukine

17:41″ Amakipe yombi asubiye mu Rwambariro akaba agiye guhindura imyenda, bakagaruka umukino utangira

Amateka avuga iki kuri aya makipe?

Ni inshuro ya 24 aya makipe agiye guhura muri shampiyona y’icyiciro cya mbere mu Rwanda. Mu nshuro 23 ziheruka, APR FC yatsinze 17, banganya inshuro 4, Musanze FC itsinda ebyiri.

Habimana Sosthene Lumumba, aheruka guhura na APR FC ari umutoza wa Musanze FC mu 2017 ubwo banganyije igitego 1-1 i Nyamirambo

Inshuro ya mbere Musanze FC itsinda APR FC, byari tariki 28 Mutarama 2015, naho ubwo iheruka kuyitsinda, byari tariki 16 Gashyantare 2022 nabwo Musanze FC ikaba yari yakiriye.

Musanze FC ntabwo irabasha gutsindira APR FC i Kigali, cyereka bibaye kuri iyi nshuro. Umukino APR FC iheruka kwakiramo Musanze FC yayitsinze ibitego 2-1, mu gihe umukino uheruka guhuza aya makipe, Musanze FC yatsinzwe na APR FC ibitego 3-0.

17:15″ Amakipe aje kwishyushya, ndetse n’abasifuzi bageze mu kibuga

APR FC nyuma yo gusezererwa mu mikino ya CAF Champions League igarutse mu kibuga mu mukino wa shampiyona w’icyirarane cy’umunsi wa kane aho bakiriye Musanze FC iyoboye urutonde rwa shampiyona. Ni umukino ugiye kubera kuri sitade ya Kigali Pele Stadium kuva ku isaha ya Saa 18:00 PM.

Ukwezi n’igice birirenze Musanze FC iri ku mwanya wa mbere, aho kuri ubu iyoboye urutonde rwa shampiyona n’amanota 10. Mu gihe APR FC yatsinda uyu mukino yanganya amanota na Musanze FC ariko bikayisaba gutsinda ibitego biri hejuru ya 3.

Nyuma y'amezi atatu itangiye gukora, Winner Bet Rwanda yafunguye ibikorwa byayo mu Rwanda ku mugaragaro kuri uyu wa Gatanu tariki 6 Ukwakira 2023. Bitandukanye n'ibisanzwe, iyi sosiyete ikoresha ikoranabuhanga kuko nta duka igira abantu bajyamo bagatega bakoreshe udupapuro ahubwo gutega bizajya bikorerwa kuri interineti.

Umuyobozi Mukuru wa Winner Bet Rwanda, Shaul Haztir yavuze ko bahisemo gushora imari mu Rwanda kubera ko ari igihugu gitekanye. Yagize ati 'Mbere na mbere ndashima Leta y'u Rwanda ituma igihugu gitekana bityo n'abashoramari tukumva ubucuruzi bwacu butekanye. Dufite imikino myinshi yo guteka kandi twizeye ko abanyarwanda bazayikunda.'

Shaul Haztir umuyobozi wa Winner Bet Rwanda, yemeza ko ubucuruzi  bukorewe kuri interineti mu Rwanda bumaze kugera ku rwego rwo hejuru, ariyo mpamvu bahisemo gukoresha iyi nzira 

Winner Bet Rwanda yazanye umwihariko utasanga ku yandi masosiyete, aho umuntu ukoze ipaki y’amakipe hakagira ikipe imwicira, bamusubiza amafaranga ye agatangira bundi bushya.

Umuyobozi wa Winner Rwanda mu gihugu, Paul Kigula, nawe yavuze ko bahisemo gukorera kuri interineti kugira ngo byorohere umukiriya gutega aho ari hose. 

Ati 'Uretse gushyigikira gahunda ya Leta yo gukoresha ikoranabuhanga, bizanafasha umukiriya gutega aho ari hose akoresheje telefone ye cyangwa ikindi gikoresho cy'ikoranabuhanga bityo abashe kurengera amatike n'umwanya yagakoresheje aza ku iduka.'

Ku mikino y’amahirwe ntabwo ari imikino yo ku kibuga abantu bazajya bategaho gusa, ahubwo hari n’uburyo bwa kasino bufite imikino igezweho, harimo n’umukino w’indege umaze gukundwa na benshi. 

Clement Mbabazi, umuyobozi ushinzwe iyamamaza bikorwa muri Winner Bet Rwanda, avuga ko sosiyete yabo ifite imikorere n’ikoranabuhanga bidasanzwe, kuko kuva batangira gukora  nta mukiriya wabo n’umwe urahura n’ikibazo cyo kubura amafaranga ye nk’uko hari aho bikunze kuba 

Umunyamakuru Hagenimana Benjamin “Gicumbi” ni umwe mu bashinzwe kumenyekanisha ibikorwa bya Winner Bet Rwanda 

Winner Bet Rwanda izanye ikosora mu mikino y’amahirwe

Kanda hano urebe amafoto menshi yaranze gufungura Winner Bet Rwanda

AMAFOTO: Ngabo Serge – InyaRwanda.com