Category: Uncategorized

Ni umwanzuro wasomwe n’urukiko rw’ibanze rwa Kicukiro ku gicamunsi cy’uyu wa Gatatu tariki 25 Ukwakira 2023. Manirakiza Theogene yemerewe kujuririra iki cyemezo mu minsi 5.

Kuwa 24 Ukwakira 2023, ni bwo Manirakiza Théogène washinze umuyoboro wa YouTube n'ikinyamakuru Ukwezi.com, yitabye urukiko bwa mbere aburana ku ifungwa n'ifungurwa ry'agateganyo ku cyaha akurikiranyweho cyo gukangisha gusebanya yakoreye Nzizera Aimable.

Urubanza rwa Manirakiza Theogene rwabereye mu karere ka Kicukiro ahazwi nko mu Kagarama ku rukiko rw'ibanze rwa Kicukiro. Abacamanza binjiye mu cyumba cy'iburanisha 8:58.

Saa tatu za mu gitondo zuzuye ni bwo urubanza rwari rwanzitse. Umucamanza nk'uko bisanzwe yahaye umwanya Ubushinjacyaha bwari buhagarariwe n'abashinjacyaha babiri. Umucamanza yari umwe n'umwanditsi w'urukiko. Ntabwo itangazamakuru ryari ryarasabye uburenganzira bwo gufata amajwi n'amashuho mu rukiko.

Manirakiza Théogène yari afite abamwunganira 2; Maitre Jean Paul Ibambe na Maitre Umulisa Alice. Ubushinjacyaha bwatangiye busobanura icyaha akurikiranyweho. Bwavuze ko akurikiranyweho icyaha cyo gukoresha ibikangisho.

Ni icyaha yakoreye Nzizera Aimable mu bihe bitandukanye. Ubushinjacyaha bavuze ko Manirakiza Theogene yagiye yoherereza link z'ibiganiro zigaragaza ko afite ibiganiro bimusebya yamukozeho.

Ubushinjacyaha bwavuze ko muri Mutarama ya 2023, Nyakanga no mu Ukwakira 2023 hari amafaranga Nzizera Aimable yahaye Manirakiza Théogène. Hari umutwe w'inkuru ugira uti: 'Nzizera Aimable uzwiho guhemukira rubanda icyo agamije ni ugusebya umurimo w'Imana'.

Ubushinjacyaha bwavuze ko Nzizera Aimable hari amafaranga yamuhereye i Nyamirambo n'ayo yamuhereye ku biro 'office' ya sosiyete ya Nzizera Aimable. Ubushinjacyaha bwavuze ko ibi byose Manirakiza yabikoze agamije guhindanya no gutesha agaciro Nzizera Aimable.

INKURU WASOMA

Manirakiza Théogène atabwa muri yombi, RIB yavuze ko yafatanywe 500,000 Frw ari kwakira ruswa. Byabaye ku itariki 11 Ukwakira 2023. Mu rukiko, Ubushinjacyaha bwavuze ko iki cyaha cyahinduriwe inyito bitewe n'icyiciro bigezeho 'stage'. Guhinduka kw’inyito y'ikirego mu mategeko birashoboka.

Ubushinjacyaha bwasanze atari ngombwa ko aregwa icyo cyaha bitewe n'ibigize icyaha yakoze. Ubushinjacyaha bwamusabiye ko afungwa iminsi 30 y'agateganyo bunagaragaza impamvu zo kumusabira iriya minsi. Icyakora bwavuze ko bugikora iperereza kandi ko arekuwe yabangamira iperereza.

Ubushinjacyaha bwakoresheje ingingo yo mu gitabo mpanabyaha ya 129 y'itegeko ryo 2018 riteganya ibyaha n'ibihano muri rusange aho riteganya ko ukurikiranyweho icyo cyaha agihamijwe yafungwa guhera ku mwaka umwe kugeza kuri 3. Ubushinjacyaha buvuga ko icyaha akurikiranyweho gihanishwa imyaka iri hejuru y'ibiri agomba gukurikiranwa afunzwe.

Umunyamakuru ManirakizaThéogène n'abamwunganira 2 bireguye

Manirakiza Théogène yireguye avuga ko amaze kugerwaho n'abavoka 7 b'imiryango mpuzamahanga “banyereka ko narenganyijwe na Leta”. Manirakiza Théogène yireguye akoresheje amasezerano y'iyamamazabikorwa 'advertising contract'.

Yasobanuye ko ibyavuzwe n'Ubushinjacyaha atari ukuri kuko hari amasezerano yo kurengera ibikorwa no kurengera inyungu za sosiyete ya Nzizera Aimable. Yongeye ko guha link y'ibiganiro Nzizera Aimable yagombaga kubanza kureba ibiyikubiyemo noneho bakaganira bakareba niba hari ibyo bongeramo noneho ikiganiro cyangwa se inkuru igasohoka.

Inkuru yagombaga gukenera uruhande rwa nyiri ubwite ari naho Ubushinjacyaha bwahereye bwita iki cyaha ibikangisho. Ubushinjacyaha buvuga ko muri Mutarama 2023, Manirakiza yakoze inkuru isebya Nzizera Aimable ifite umutwe ugira uti 'Nzizera uzwiho guhemukira Rubanda icyo agamije ni ugusebya umurimo w'Imana.'

Iyi nkuru ngo Nzizera yishyuye amafaranga y'u Rwanda ibihumbi 100 kugira ngo Manirakiza ayikureho. Muri Kanama 2023 kandi ngo Manirakiza yongeye koherereza Nzizera Aimable ikiganiro kigamije kumutera ubwoba, gifite umutwe ugira uti 'Operasiyo mafia: Uko Nzizera yemeye gukorana n'Interahamwe ngo azagororerwe isambu.'

Ibi ngo yabishingiraga ku rubanza rwari ruherutse kuba rw'uwitwa Nkundabanyanga Eugenie wari warambuwe isambu ndetse akurikiranyweho ibyaha bya Jenoside yakorewe Abatutsi mu 1994.

Ubushinjacyaha bwavuze ko icyo gihe Nzizera yatanze ibihumbi 200 Frw ngo iyo nkuru atayitambutsa, kuko yari yamuhaye ikiganiro ariko kitarashyirwa aho buri wese ashobora kukireba [Unlisted].

Bukomeza buvuga ko Nzizera yabonye Manirakiza akomeje kumutera ubwoba ahitamo kumusaba ko bagirana amasezerano y'imikoranire, agamije guhagarika iryo terabwoba no kumubuza gukomeza kumukoraho inkuru zimusebya.

Aya masezerano yagombaga gutangira kubahirizwa tariki ya 1 Mutarama 2024, ariko mu Ukwakira 2023 Manirakiza yasabye Nzizera ko bamuha miliyoni 2 Frw, ngo ibyo kubasebya bihagarare.

Nzizera ngo yamusubije ko ayo mafaranga atayabona, ariko ko yaba amuhaye ibihumbi 500 frw, bahana umunsi wo kuyamuha ari na bwo Manirakiza yatawe muri yombi amaze kuyakira.

Manirakiza Théogène yemera koko ko ayo mafaranga yayafatanywe ariko ko batamufatiye mu cyuho yakira ruswa, ahubwo ko bari bamaze gusinyana amasezerano y'imikoranire na Nzizera.

Ubushinjacyaha buvuga ko hari impamvu zikomeye zituma Manirakiza Théogène akekwaho icyaha, zirimo inyandiko igaragaza ko yafatanywe amafaranga ibihumbi 500 frw, amasezerano yagiranye na Nzizera amubuza gukomeza gukora ibikorwa byo kumusebya, ubutumwa Manirakiza yagiye yoherereza Nzizera n'imvugo z'abatangabuhamya.

Busaba ko yakomeza gukurikiranwa afunzwe kubera ko hari impamvu zikomeye zituma akekwaho icyaha, kandi ko iperereza rigikomeje bityo ashobora kuribangamira.

Manirakiza Théogène yemera ko yafatiwe mu biro bya Nzizera ariko ko atari aje kwaka ruswa, ahubwo ko ari amafaranga bari bemeranyije mu masezerano y'imikoranire bari bafitanye.

Yasobanuye ko mu masezerano y'imikoranire bari bagiranye yari agamije kwamamaza ibikorwa bya sosiyete y'ubwubatsi yitwa Amarebe Investment, y'umudugudu bari bagiye kubaka.

Manirakiza kandi avuga ko ubushinjacyaha bwirengagije ibimenyetso bimushinjura bufite, bikubiye mu biganiro yagiye agirana na Nzizera mu bihe bitandukanye.

Yanavuze ako atigeze agambirira gukangisha Nzizera kumukoraho inkuru, ahubwo ko umuntu wese ufite amakuru y'ikintu kibi undi yakoze iyo abikozeho inkuru ataba agamije kumusebya.

Ahamya ko mu biganiro bagiranye, yagiye abwira Nzizera ko igihe cyose yagira icyo ashaka kuvuga ku nkuru zimuvugwaho azajya amuha umwanya.

Manirakiza kandi yagaragaje ko nubwo ubushinjacyaha buvuga ko amasezerano yari gutangira kubahirizwa muri Mutarama 2024, ariko harimo ingingo ivuga ko bashoboraga no gutangira mbere yaho, bivuga ko igihe yakiraga amafaranga amasezerano yari yamaze gutangira kubahirizwa.

Yasabye Urukiko guca Urubanza rw'intabera, ubutabera bukazatangwa mu nyungu za rubanda.

Yavuze ko amaze kugerwaho n'abavoka barindwi boherejwe n'imiryango mpuzamahanga irengera uburenganzira bwa muntu bamwereka ko ari kurenganywa na Leta bashaka kumwunganira mu mategeko bityo ko ikirego yahimbiwe kiri gusebya isura y'igihugu.

Yavuze ko ibyaha akurikiranyweho ari ibihimbano, bidafite ishingiro.

Me Ibambe Jean Paul umwunganira yavuze ko inzego z'ubutabera zidakwiye kugwa mu mutego w'umuntu ufite umugambi we wihariye ushaka guhemukira umukiliya we.

Yagaragaje ko gukorana amasezerano hagati ya Manirakiza na Nzizera hatabayeho kumukangisha kumusebya.

Yagaragaje ko bidasobanutse kuba u Rwanda rudahana icyaha cyo gusebanya nyamara gukangisha gusebanya byo bikagirwa icyaha nubwo umukiliya we ntabyo yakoze.

Yavuze ko nta gusebanya kwigeze kubaho ahubwo ko Nzizera yashatse gukangisha Manirakiza ko yamufungisha kubera amakuru atandukanye yari amufiteho.

Me Ibambe yavuze ko nta byagezweho bihagije byatuma Manirakiza akekwaho icyaha bityo ko yakurikiranwa adafunzwe byaba ngombwa Urukiko rugategeka ibyo agomba kubahiriza.

Yasabye kandi gusuzuma niba bishoboka ko Manirakiza yatanga ingwate agakurikiranwa adafunzwe.

Manirakiza yemera gutanga ingwate y'umutungo we utimukanwa, ugizwe n'ubutaka n'inzu ibwubatsemo. Uwo mutungo uherereye mu Ntara y'Amajyepfo, Akarere ka Kamonyi mu Murenge wa Runda ukaba ufite agaciro k'arenga Miliyoni 53 Frw.

Me Umulisa Alice na we umwunganira yavuze ko ikibazo uwo yunganira afitanye na Nzizera gishingiye ku masezerano. Yavuze ko ubuhamya bw'abatangabuhamya butashingirwaho ngo bufatwe nk'impamvu ikomeye ituma Manirakiza akekwaho icyaha kuko bavuga ibyo batahagazeho. 

Ubushinjacyaha bwagaragaje ko Manirakiza adakurikiranyweho icyaha kubera ko ari umunyamakuru, ahubwo akurikiranywe nk'undi muturage wese wakoze icyaha giteganywa n'itegeko.

Bwagaragaje ko nubwo hahinduwe inyito y'icyaha ariko ibikorwa bigize icyaha yafatiwe ari byo akurikiranyweho kugeza n'uyu munsi. Yavuze ko umugenzacyaha ashobora gukurikiranaho umuntu icyaha, agahindura inyito y'ibyaha bihujwe n'ibikorwa n'amategeko.

Nyuma y'impaka ndende umucamanza yapfundikiye iburanisha, avuga ko icyemezo cy'urubanza kizasomwa ku wa Gatatu tariki ya 25 Ukwakira 2023, saa cyenda z'umugoroba. Umwanzuro w’urubanza wasomwe kuri uyu wa Gatatu, Manirakiza akatirwa gufungwa iminsi 30 y’agateganyo.

Umunyamakuru Manirakiza yakatiwe gufungwa iminsi 30 y’agateganyo

Manirakiza Theogene niwe washinze Ukwezi Tv na Ukwezi.com

Itangwa ry'ibihembo bya Trace Awards 2023 ryagaragaje urwego umuziki nyarwanda uriho, imyitwarire y'abahanzi nyarwanda ku rubyiniro ndetse n'ibyo kwiga ku buryo imyaka 2 isigaye bazahacana umucyo bagatanga isomo aho kurihabwa n'ababasanze.

Ijoro ryo ku itariki 21 Ukwakira 2023 ryari imbaturamugabo ku bakunda ibirori bifitanye isano n'umuziki. Mu nyubako y'imikino ya BK Arena ijya itizwa cyangwa se igakodeshwa ku bitaramo by'abahanzi hari hateraniye abahanzi, abatunganya imiziki, abavanga imiziki, Abanyamakuru, abashoramari, abayobozi, abafana n'abandi turatondoye. 

Ryari ijoro ry'amateka ritazibagirana mu mateka y'umuziki w'Afurika. Ni ibirori byacaga imbona nkubone ku nsakamazashusho 22 za Trace, ibitangazamakuru by'igihugu (RBA), ibitangazamakuru byo mu karere, mu burengerazuba bw'Afurika nka Nigeria n'ahandi, I Burayi, Amerika, Ubushinwa, no mu zindi nguni z'isi. 

Imibare yari yatanzwe na Trace Group hamwe n'Urwego rw'iterambere mu Rwanda ivuga ko abantu basaga miliyoni 500 bo mu bihugu 190 bari bakurikiye ibi birori. Nibura buri gihugu cyari gifite umuhanzi wahawe ubutumire cyangwa se uhatanye mu byiciro bitandukanye iwabo basigaye bamuhanze amaso ngo barebe uko abaserukira.

Bimwe mu byo abahanzi nyarwanda bakwiriye gusigarana bigahindura uko bigaragaza imbere y'abafana babo

Uzumva umufana avuga ngo ndagura itike ngiye mu gitaramo kureba iki? birutwa no gushyiramo indirimbo zabo nkazumva kuko nta gishya niteze! Izi mvugo iyo uzumvanye umufana w'umuziki nyarwanda ushobora kugira agahinda bitewe nuko umufana ari we utunga umuhanzi. 

Ni ukuvuga ngo nta bafana ntabwo umuhanzi yacuruza. Niyo mpamvu umuhanzi ufite abafana benshi akaba azi kubabyaza umusaruro nta kabuza ni we utera imbere. Ibigo byamamaza bitanga akazi iyo bidashingiye ku kimenyane, ruswa cyangwa se indakuzi ubundi bitanga akazi hashingiwe ku bwinshi bw'abafana umuhanzi afite akuko aba azahuza serivisi za bya bigo n'abakiriya bashya.

Kugirango umufana afate iya mbere agure itike biva ku bintu byinshi cyane ariko ikiruta byose ni ukwishima kuko nta kiguzi kibaho cyo kwishima. Impamvu benshi mu bafana banga kwitabira ibitaramo bakunze guhuriza ku kuba uko warebye umuhanzi muri Mutarama ya 2017 ni nako uzamureba muri Mutarama ya 2024 kuko nta gishya umutegerejeho. 

Ibi birababaza kuko kwishyura itike ya 20,000 Frw ukajya muri BK Arena ugataha ubabaye aho gutahana ibyishimo niho hava intandaro yo kuzinukwa.

1. Abahanzi nyarwanda bakwiriye gukora umuziki ushingiye ku bucuruzi

Umuntu wakuriye urubyiniro rwa BK Arena mu itangwa rya Trace Awards yabonye igisobanuro cy'umuhanzi w'umucuruzi n'igisobanuro cy'umuhanzi ubikora uko abyumva. Reka dufate urugero kuri Diamond Platnumz wazanye ababyinnyi 17 ku rubyiniro. Yinjiye urubyiniro abari imbere babona impinduka. 

Uyu muhanzi w'umunyamafaranga ntabwo ajya yirara kuko azi agaciro k'abafana . Nibo bamukuye mu buzunguzayi none asigaye agenda mu ndege ye. Ni urugero rwiza rw'umuhanzi ushaka gucuruza umuziki. 

Abahanzi nka Bruce Melodie uherutse kwizihiza ikinyacumi mu muziki ntabwo yari yamenya agaciro k'abafana be. Urebye uko yitwaye ku rubyiniro rwa MTN Iwacu Muzika Festival i Rubavu niho yitwaye neza kurusha muri Trace Awards nyamara wari umwanya mwiza wo kumurikira isi yose umuziki nyarwanda.

Wenda ntabwo yaganirijwe ngo amenye ko ari ku rubyiniro ruriho abahanzi bamenyereye kwigarurira imitima y'ababakurikiriye. Umuziki ushingiye ku bucuruzi ugomba kurenga gutumirwa no guhabwa akazi. Umuhanzi umaze imyaka 10 ari ku ruhembe rw'umuziki nyarwanda akwiriye kuba yarakoze ibikorwa by'ishoramari bifitanye isano n'umuziki birimo inzu zitunganya imiziki 'Recording studio', inzu ifasha abahanzi 'Recording label' no kuba ahora ahanga udushya ku rubyiniro. 

Utu dushya tujyana n'imyambarire, uko agaragara ku rubyiniro, uko ahuza n'abafana be (hano hagomba kubaho ubwumvikane hagati y'umuhanzi n'abafana, abaganiriza, abaririmbisha, ababyinira n'ibindi). Usibye Riderman watangije Ibisumizi Records nabwo kubera yakoze umuziki mu bihe bigoye, usanga abahanzi bagira iterambere bagatera umugongo umuziki kandi ari wo bagashoyemo bikabaherekeza mu myaka y'ubusaza bwabo. 

Bruce Melodie yavuye ku busa agera ku buhangange ariyo mpamvu ahora ahanzwe amaso yo gukora ibirenze. Birashoboka cyane guhindura umuvuno mu gihe yakwicara akisuzuma akareba niba ibyo atanga ku rubyiniro ari byo abafana be bakwiriye, yasanga hari ibindi agahanga udushya.

2. Gutegura urubyiniro

Isano iri hagati y'umuhanzi n'umufana ni ibyo amuha. Ibyo amuha ni ibihangano/indirimbo, gukora amakuru, kwambara neza no kwitwara neza ku rubyiniro. Akenshi abafana baba biteze ko umuhanzi aca impaka bagatungurwa no gusanga nta kintu yabahaye. Urubyiniro rwa Trace Awards rwari rugoye kandi rusaba gutekereza kabiri. 

Icya mbere kwemera gushora ugahanga udushya ukahatambukana umucyo cyangwa se kuhanyura ugasiga bagukwena. Byari bihenze ko wakodesha ababyinnyi 10 bari bahagaze miliyoni hafi enye (3,700,000 Frw) ariko na none gushimisha abafana ntibisaba ababyinnyi. Gukoresha indirimbo yawe uzi ko ari ikimenyabose bishobora kukorohera kwigarurira imitima y'abakurikiye. 

Ntabwo buri muhanzi yari afite ababyinnyi ariko abahanzi benshi bakoresheje indirimbo zabaye isereri mu mitwe y'abafana. Wari umwanya mwiza wo kwereka isi icyo umuhanzi ashoboye ari nako wiyereka isoko rishya n'abashoramari bashya ndetse no kunguka abafana mu Nguni zitandukanye z'isi.

Hari abahanzi batambutse ku itapi itukura noneho bagarukana ya myenda ku rubyiniro. Benshi mu bitwaye neza ku rubyiniro ni abari babiteguye ku buryo bazanye imyambaro itandukanye. Iyo gutambuka ku itapi, iyo kujyana ku rubyiniro abari bafite amikoro banateganyije imyambaro yo kujyana ku rubyiniro gufata ibihembo. 

Benshi mu bakurikiranira hafi imyidagaduro yo mu Rwanda bakunze kunenga uburyo ibyamamare biseruka mu ruhame. Ntabwo bikwiriye ko umuhanzi/kazi ajya ku rubyiniro yambaye imyambaro isanzwe cyangwa se arushwa kwambara neza n'umufana waje kumureba. Aha niho rero usanga umufana aca amazi wa muhanzi kandi afite umuziki mwiza. 

Kwita ku mufana bijyana no gutanga akazi ku bantu bakikije umuhanzi. Ntabwo bikwiriye ko umuhanzi ajya ku rubyiniro adafite ufata umufatira amafoto, amashusho ya buri gikorwa cyose n'aho agiye hose. Uko urushaho kwereka abagukurikira ni na ko barushaho kugukunda no kumenya ubuzima bwawe bwa buri munsi. 

Ni kenshi uzasanga umuhanzi asaba umufotozi w'igitangazamakuru kumuha amafoto. Nyamara yakabaye afite gafotozi uhoraho uzi neza isura ye, azi neza ifoto ze zicuruza ku buryo ahora mu mitwe no mu maso y'abafana. Uzasanga abahanzi Nyarwanda bita cyane ku babacungira umutekano 'bouncers'. 

Aba bacunga umutekano nta musaruro batanga ku bucuruzi bw'umuhanzi kurusha kwitwaza ufata amafoto cyangwa se amashusho'highlight' z'ibikorwa runaka. Ahantu henshi abahanzi bajya usanga batanazwi ku buryo bagira ikibazo cy'umutekano muke. 

Niba winjira muri sale ukarinda ujya kwicara nta muntu ugusariye ngo afate agafoto muri kumwe bivuze ko utaremeza ab'iwanyu. Kandi kubemeza ni ugukora inkuru, ukaba amafoto ukabereka uko icyamamare kibaho ku buryo bagira amatsiko yo kukubona amaso ku maso.

3. Gukora ingendoshuri mu bihugu bifite abahani bavuga rikijyana ku isi

Ubuhanzi ni ubucuruzi bwambukiranya imipaka. Rimwe na rimwe umuziki nta rurimi ugira nta nubwo ugira imipaka. Ariko rero umuhanzi akwiriye gutembera akajya aho bamusize akicara akiga. Akanyoni katagurutse ntikamenya iyo bweze. Kwiga kubyaza umusaruro izina ryawe ntabwo wabimenya uhora ugendana n'abantu bategereje ko ubaremera bakarya saa sita. 

Bisaba ko ubiyaka by'igihe gito ukajya kwiga uko warushaho gucuruza izina ryawe. Niba umuhanzi amaze imyaka 10 mu muziki ntiyabura abafana 5000 bamukunda bya nyabyo bashobora kumwitangira, bakaba bagura ibicuruzwa yashyira ku isoko. 

Si ngombwa kubyitirira amazina yawe kuko inaha haba munyangire ku buryo umuntu ashobora kwanga kugura igicuruzwa cyawe kandi agikeneye nyamara agirango udatera imbere ukamusiga. Hari abafite umutima mubi bahora bumva babona bagenzi babo bari hasi ntacyo bagezeho.

Birashoboka gutangiza ubucuruzi ku buryo rwose nawe uba umukiriya usanzwe ntihagire umenya ko ufitanye isano n'ubwo bucuruzi. Ariko si byiza kumara ikinyacumi mu muziki ukaba nta n'inyanya cyangwa se inkwavu ucuruza. Birababaje cyane kuko nibwo usanga amasaziro ateye agahinda.

Kuba wajya kwiga uko umuziki, izina ryawe bibyara umusaruro ni bimwe mu byo abahanzi nyarwanda bakibura bakaba rimwe na rimwe basuzugurwa kubera ko atari abanyamafaranga. Aho ifaranga rikubise haroroha. 

Ubaye ufite agatubutse ntabwo umuhanzi waturutse ahandi yaza ngo ahabwe icyubahiro kandi ari wowe urenze iwanyu. Byose biva ku mikoro make, abo mugendana n'imitekerereze yawe ihora ari imwe kuva muri Mutarama kugeza mu Ukubonza. 

Ntabwo bisanzwe ko Umunyarwenya Fally Merci ategura Gen-z Comedy Show iba kabiri mu kwezi akabona abafana nyamara umuhanzi umaze imyaka 3 ahagaze neza mu muziki akaba agitegereje ko Mushyoma Joseph 'Boubou' amuha ikiraka mu gitaramo nka kabiri mu mwaka.  

Rwose umuhanzi ugitegereza guhabwa akazi mu bitaramo biragoye kuzagira ubukaka muri iyi isi y'ubwamamare kuko ubu ifaranga rirayoboye. Reka mbahe urugero rw'ifaranga.

Muri BK Arena aho nari nicaye hari muri Vvip. nagiye kubona mbona haje ikipe y'abantu nka 8 bari kumwe na Davido. Haje abateguye Trace Awards basaba intebe yos 'umurongo w'intebe nka 15' barabahagurutsa hatitawe kuvuga ngo aba rero bishyuye akayabo. Jyewe nakomeje kwicara kuko nari mu kazi. 

Davido yicaye ari kumwe n'ikipe ye n'umusore uhorana icupa rya Hennesy ushinzwe kuyongera mu gakombe ka Davido. Narebye imbere y'urubyiniro nsanga hari abahanzi bacu bahagaze baticaye numva birambabaje. Hashize umwanya baje kwicara bisanzwe ubona nta cyabaye kandi bakabaye bahabwa agaciro ku buryo ubabona mu ishusho y'ibyamamare. 

Muri make umuntu ufite izina niyige kuribyaza umusaruro ni cyo kizamuhesha kubahwa ahantu hose akenewe. Twabibutsa ko nta muhanzi wishyuwe ngo ataramire abitabiriye Trace Festival & Awards. Abahanzi basaga 50 baciye ku rubyiniro babikoze bitanga mu gushimangira uruhare rwa Trace Group mu iterambere ry'imyidagaduro yo muri Afurika. 

Ni nayo mpamvu tutabonye abahanzi nka Burna Boy, Asake, Fally Ipupa n'abandi muri biriya bihembo kuko basabye ko bishyurwa birangira Trace ibihoreye kuko iyo yishora mu byo kwishyura abahanzi yari kuhatakariza asaga Miliyoni 10$ asaga Miliyali 12,500,000,000 Frw. Trace Festival & Awards ni yo yabashije guhuriza hamwe abahanzi basaga 50 hano muri Afurika. 

Ibi hembo byabaye ku bufatanye na Leta y'u Rwanda binyuze mu Rwego rw'Igihugu w’Iterambere 'RDB', MTN Rwanda, RBA, RwandAir, University of Rwanda, BK Arena, Africa&Colors, Kiss Fm yatanze igihembo cy'umuhanzi nyarwanda wahize abandi, Martel yenga imivinyo ikaba ari iya Pernord Ricard. 

Ni ibihembo bizabera mu Rwanda mu myaka itatu yikurikiranya. Trace Afrika yabiteguye, yizihizaga imyaka 20 imaze iteza imbere umuziki ufite imizi muri Afurika no muri Diaspora y'Afurika.

BK Arena yakiriye Trace Awards yarimo abahanzi basaga 50

Davido yahinduye imyenda inshuro 2

Davido ku itapi itukura yari yitamirije imyambaro ikoze mu mabuye ya Diamond

Imyenda yajyanye gutwara ibihembo siyo yatambukanye ku itapi itukura. Kariya gakombe gahoramo Hennessy

Davido na Musa Keys batanze isomo ryo kwambara

Davido ni urugero rwiza rwo kwita ku myambaro

Davido yambara ibihenze kandi bikeye

Diamond Platnumz yahinduye imyenda inshuro 2

Diamond Platnumz yahinduye imyenda kandi hose akajyanisha

Diamond Platnumz yari yambaye ibijyanye kandi bihenze

Imyambaro yatambukanye ku itapi itukura niyo yajyanye ku rubyiniro, ni nayo yari kujyana gutanga igihembo nuko yaje yakererewe agasanga cyatanzwe

Yemi Alade yahinduye imyambaro

Zuchu yahinduye imyenda, iyo ku itapi siyo yazanye ku rubyiniro

Bruce Melodie imyambaro yo ku itapi itukuru yayijyanye kuririmba anayisubiranayo gufata igihembo

Hano batambukaga bafotora ku itapi itukura

Ku rubyiniro nta mpinduka. Akwiriye guhanga udushya kugira ngo yigarurire abafana baba baje kumureba

Yari yarimbye imikufi ihenze

Bruce Melodie akwiriye kurushaho gushaka ibishimisha abafana imbere yabo

Bruce Melodie yaririmbye indirimbo itarasohoka kandi yari amahirwe yo kwigaragariza isi yose

Bruce Melodie akwiriye guhindura uko ataramira abafana kugira ngo yigwizeho abandi bashya

Azawi uhagaze neza muri Uganda yahinduye imyenda 2

Umunya-Haiti, Rutshelle yahinduye imyambaro 2 anasiga inkuru i musozi

2BABA yaserutse mu myambaro ihenze cyane. Nibura kuyidoda ntabwo biri munsi ya Miliyoni Frw bitewe n’aho uyikoresheje ishobora kugera muri Miliyoni 10 Frw. Yaserutse neza kandi arusha kwambara neza abaririmbye

Azawi wo muri Uganda yaserukanye imyambaro itandukanye

Azawi ari mu bahanzi bahagaze neza muri Uganda

Chriss Eazy ku rubyiniro yari umwe, ndetse yagowe no kurukwira kuko rwari runini bitandukanye cyane n’uko asanzwe yitwaza ababyinnyi

Chriss Eazy yarishimiwe cyane muri BK Arena

Chriss Eazy yakoresheje indirimbo izwi bituma ajyana n’abafana

Alyn Sano yatanze igihembo

Umunyamideri Sandrine akwiriye kujya afasha abahanzi bakamenya uko baseruka barimbye

Uru rubyiniro bwari ubwa mbere rukoreshejwe mu Rwanda. Rwagoye abahanzi batari bitwaje ababyinnyi

Mr Eazi yaririmbye indirimbo ziri kuri album yise The Evil Genius birangira ateye ariyikiriza. Umuhanzi wakoresheje ibihangano bitazwi yahavanye isoni

Kwambara neza kandi ibihenze ni intwaro ufasha ibyamamare

Bruce Melodie akwiriye gushaka ikintu cyatuma abafana bashyuha

Bruce Melodie na Producer Element bahagaze neza mu Rwanda

Bruce Melodie ni we muhanzi wahize abandi mu Rwanda mu mwaka wa 2023 nk’uko yashimiwe na Trace Award

Televiziyo mpuzamahanga y’Abashinwa yari iri kubitambutsa imbonankubone. Ikoresha ururimi rw’icyongereza

Televiziyo 22 za Trace Group zabitambutsaga imbonankubone

REBA IKIGANIRO KIGARUKA KURI TRACE AWARDS

AMAFOTO: FREDDY RWIGEMA

VIDEO: DIEUDONNE MURENZI

Abakinnyi batatu bari mu Budage bahamagawe mu ikipe y’igihugu y’abatarengeje imyaka 15 yitegura CECAFA U15, bamaze gusanga abandi mu mwiherero.

Abo bakinnyi ni umunyezmu Mutangwa Cedrick, Ishimwe Elie ukina yugarira ku ruhande rw’ibumoso na rutahizamu Hategekimana Abdouladhim.

Uko ari batatu bakaba bari mu bakinnyi 10 bakubutse mu Budage mu mwiherero w’amarerero wa Bayern Munich aho u rwasoje ku mwanya wa 5 mu bihugu 8.

Bivuze ko ubu abakinnyi bose uko ari 23 bahamagawe mu kipe y’igihugu y’abatarengeje imyaka 15 bamaze kuhagera ndetse aba uko ari batatu barakorana n’abandi imyitozo irimo ibera i Nyamata.

Iyi CECAFA y’abatarengeje imyaka 15 izabera muri Uganda kuri FUFA technical centre i Njeru guhera tariki 4 Ugushyingo 2023 kugeza tariki 18 Ugushyingo 2023. Ikipe y’igihugu, Amavubi biteganyijwe ko izahaguruka mu Rwanda tariki 2 Ugushyingo yerekeza muri Uganda aho iri rushanwa rizabera.

Mvukiyehe Juvenal yavuze ko nta mpungenge z’uko ikipe ye ya Addax SC itazahita yemerwa mu Ishyirahamwe ry’Umupira w’Amaguru mu Rwanda, FERWAFA kuko atari nshya ahubwo ari isanzwe yahinduriwe izina.

Ku mugoroba w’ejo hashize nibwo Mvukiyehe Juvenal yasoje gahunda zo kugura ikipe ya Rugende FC yakinaga mu cyiciro cya kabiri aho yahise anayihindurira izina yitwa Addax SC.

Hibazwaga niba iyi kipe izahita yemererwa gukina amarushanwa ya FERWAFA ikaba yanazamuka mu cyiciro cya mbere cyane ko ubundi umuntu abanza gusaba kuba umunyamuryango wa FERWAFA kugira ngo yemererwe muri gahunda zose za FERWAFA.

Mvukiyehe Juvenal yavuze ko nta mpungenge bafite kubera ko byose babirebyeho mbere kandi ikaba ari kipe yaguzwe atari ikipe nshyashya, icyabaye ni uguhindura izina.

Ati “byose twabirebyeho. Nta mpungenge kubera ntabwo ari ikipe nshya, ni ikipe isanzwe ya Rugende FC yahindutse Addax SC, icyo tuzakora ni ukumenyesha FERWAFA ko izina ryahindutse. Ibyo wavugaga biba bireba ikipe nshya kandi twe ntituri bashya.”

Yemeje ko kandi Bokota Kamana Labama wakiniye APR FC, Rayon Sports n’Amavubi yinjiye muri iyi kipe nk’umutoza wungirije uzungiriza Fils wari usanzwe uyitoza.

Gospel nyarwanda kugeza uyu munsi, iyobowe n'abahanzi bashya binjiye muri uyu muziki mu myaka ya za 2020 cyangwa mbere yaho gato. Aba bahanzi iyo babajijwe uko biyumva nyuma y'uko nta n'imyaka itanu bamaze baririmba nk'umwuga nyamara bakaba baramaze kuba ibimenyabose, nabo ubwabo basubiza ko ari ibitangaza by'Imana gusa.

Usibye kuba ari igisekuru gishya mu muziki wo kuramya no guhimbaza Imana, abenshi muri aba bahanzi baracyari na bato mu myaka cyane ko hari n'abakiri ku ntebe y'ishuri, ariko uyu munsi ibikorwa byabo bikaba byivugira ndetse binyura imitima ya benshi.

Muri abo bahanzi twavuga nka:

1.     Josh Ishimwe

“>

Uyu musore w'imyaka 23 y'amavuko, ubusanzwe yitwa Ishimwe Joshua. Ni umwe mu bahanzi bakiri bato mu mwuga wo kuririmba indirimbo zihimbaza Imana ariko umaze kwigarurira imitima y'abatari bake, by'umwihariko mu Rwanda no mu Burundi. 

Yinjiye muri uyu mwuga muri 2020, awinjiramo mu buryo butari bumenyerewe cyane bwo guhuza Gakondo na Gospel. Amenyerewe cyane mu ndirimbo akunda gusubiramo zo mu gitabo cy'indirimbo ndetse na zimwe mu zikunzwe muri Kiliziya Gatolika. 

Kuri ubu, yibitseho album imwe yamuritse muri Kanama uyu mwaka. Yakunzwe cyane mu ndirimbo nka Sinogenda Ntashimye, Reka Ndate Imana Data, Yezu Wanjye, Yesu Ndagukunda n'izindi nyinshi.

2.     Chryso Ndasingwa

“>

Ndasingwa Jean Chrysostome wamenyekanye nka Chryso Ndasingwa yatangiye umwuga wo kuririmba indirimbo ziramya zikanahimbaza Imana mu gihe cya Covid-19 mu mwaka wa 2020. Ubusanzwe, akorera ivugabutumwa mu Itorero rya Newlife Bible Church. 

Uyu muhanzi ukiri muto, amaze kugira indirimbo nyinshi zuje amagambo asubizamo intege imitima iguye isari, abari babuze ibyiringiro bakongera kwizera Imana no kuyikunda kurushaho. Mu ndirimbo ze zakoze ku mitima ya benshi harimo iyitwa Wahozeho, Ndakwihaye, Mu Bwihisho, Wakinguye Ijuru n'izindi.

3.     Yvette Uwase

“>

Uwase Yvette ni umukobwa ukiri muto ukorera umurimo w'ivugabutumwa riciye mu ndirimbo muri Leta Zunze Ubumwe za Amerika. Amaze igihe gito yijiye mu mwuga wo kuririmba izi ndirimbo zo kuramya no guhimbaza Imana kuko yabitangiye muri 2020. 

Afite indirimbo yakoranye n'abandi baramyi bakomeye zakunzwe cyane harimo iyo yakoranye na Serge Iyamuremye yitwa 'Nzahagarara,' 'Ndareba' yakoranye na Adrien Misigaro n'izindi. Mu minsi mike ishize, yashyize hanze indirimbo yo mu rurimi rw'icyongereza yitwa 'Living Testimony' ihamya ibitangaza Imana yakoze mu buzima bwe.

4.     Sarah Uwera

“>

Uwera Sanyu Sarah yamenyekanye cyane muri korali ikunzwe na benshi mu itorero ry'Abadiventist b'Umunsi wa Karindwi, Ambassadors of Christ. Urugendo rwe rwo kuririmba wenyine yarutangiriye ku ndirimbo yitwa 'Mwana Wanjye' muri 2020. 

Abitangira, yatangaje ko igitekerezo yagikuye mu busabe bw'abantu benshi babimusabye nyuma y'uko aririmbiye umugabo we mu bukwe bwabo. Kuri ubu, izina rye rimaze gushinga imizi, kuko afite indirimbo zimaze gukundwa na benshi zirimo Umunsi Mushya, Omora, na Mwana w'Umuntu.

5.     Jesca Mucyowera

 “> 

 Mucyowera Jesca wamenyekanye mu ndirimbo ye yakunzwe n'abatari bake yise 'Arashoboye,' yatangiye kuririmba ku giti cye mu 2020 nyuma yo kumenyekana nk'umuririmbyi wa Injili Bora, imwe mu makorali akomeye mu Rwanda. 

Uyu muramyi akaba n'umubyeyi, ni umwe mu bahanzi bahise bigarurira imitima y'abantu binyuze mu kuririmba ibihangano byiganjemo amagambo ahamya imbaraga z'Imana nyuma yo kuzibonera mu buzima bwe nk'uko we ubwe akunze kubyivugira. Izindi ndirimbo ze zakunzwe harimo Urera, Niyo Mana, Eloyi, Isanzure n'izindi.

6.     Charles Kagame

 “>

 Umunyempano Charles Kagame ufite ubuhamya bukomeye bw'uko yigeze gukora impanuka ikomeye ariko ku bw'ineza y'Imana akaza kuyirokoka, nawe ni umwe mu bahanzi ba Gospel nyarwanda bazamutse mu gihe gito cyane.

 Nyuma y'iminsi mike atangiye umuziki wo kuramya no guhimbaza Imana, Charles yahise yinjira muri Moriah Entertainment, imwe muri kompanyi zikomye mu Rwanda zireberera inyugu z'abahanzi. 

Charles Kagame watangiye umuziki nk'umwuga mu mpera za 2019, yatangaje ko ibikorwa bye byaje gukorwa mu nkokora na Covid 19, aza no kugira ibyago akora impanuka ari naho yakuye indirimbo yakunzwe cyane yise 'Amakuru.' Mu zindi ndirimbo ze zakunzwe harimo Naragukunze, Ntuzibagirwe, Amateka, Umurimbo amaze iminsi mike asohoye n'izindi.

7.     Vumilia Mfitimana

  “>

Uyu, ni umwe mu bakobwa bakiri bato bafite inzozi zo kwagura ubwami bw'Imana bifashishije impano Imana yabahaye yo kuririmba. Vumilia Mfitimana ubarizwa mu Itorero ry’Abadivantiste w’Umunsi wa Karindwi yatangiye kuririmba indirimbo zihimbaza Imana muri 2020. 

Mu nozi ze harimo kugeza umuziki we hanze y'u Rwanda kandi zamaze kuba impamo kuko ibihangano bye bimaze kumenyekana. Zimwe mu ndirimbo ze zakunzwe harimo iyo yise 'Amahoro,' Nyigisha, Kuri Buri Segonda, Mbahumurize, n'izindi nyinshi.

8.     Jessie

“> 

 Ndikumukiza Samuella Jessie ni umwana muto cyane ufite impano itangaje, watangiye umuziki wo kuramya no guhimbaza Imana muri 2021 afite imyaka itanu gusa. Uyu mwaka kuri ubu ufite imyaka irindwi y'amavuko, akomeje kuzamura amarangamutima ya benshi, kubera ukuntu ari muto bihagije ariko akaba afite impano idasanzwe. 

Yaririmbye indirimbo nka Ntuzandeka, ubundi asubiramo iz'abandi nka Ushimwe ya Tonzi n'izindi. Mu ndirimbo nyinshi, uyu mwana akunze kugaragara ari kumwe na Se, Ndikumukiza Sam, umwe mu ba Producer bakomeye muri Gospel nyarwanda. Akunzwe mu ndirimbo zirimo Ushimwe, Tuganire, Imbuto Foundation, Yesu akunda abana, n’izindi.

9.     Aloys Habi

  “>

Habiyambere Aloys [Aloys Habi] ufite ubuhamya buremereye burimo n'uko yavukiye amezi 12 akanavukana ubumuga bwo kutavuga, ni umwe mu bahanzi ba Gospel bamenyekanye mu gihe gito. Uyu, akunzwe cyane mu ndirimbo ye bigoye gusiba mu mitwe ya benshi yitwa 'Mbitse Inyandiko.' 

Indirimbo ze nyinshi, ziba zihamya ibyo Imana ikora, zinakanakebura abasubijwe n'Uwiteka ariko nyuma bakibagirwa. Aloys watangiye umurimo wo kuririmba indirimbo ziramya zikanahimbaza Imana muri 2020, yakoze indirimbo nyinshi zakunzwe zirimo Ikinegu, Mu Mugambi, Ibiryo by'Ibwami, ndetse n'Indahiro aherutse gukorana na Charles Kagame

10.  Vestine na Dorcas

 “>

Aba bana n'abakobwa bakiri bato, batangiye umwuga wo kuririmba indirimbo ziramya Imana mu 2020 bafashwa na Murindahabi Irené bigeze no kugirana ibibazo ariko nyuma bikaza gukemuka. 

Aba bana, barakunzwe cyane karahava kubera ukuntu bazi kuririmba, amajwi yabo meza, n'impano idasanzwe bafite. Kurubu, Vestine aracyari mu mashuri yisumbuye, mu gihe Dorcas we yamaze kuyasoza. Abahanzikazi Kamikazi Dorcas na Ishimwe Vestine bakoze indirimbo zakunzwe cyane zirimo Umutaka, Nzakomoram Isaha, Si Bayali, Simpagarara, n'izindi. 

Muri uyu mwaka kandi Vestine & Dorcas bamuritse album yabo ya mbere igizwe n'indirimbo icyenda tariki 24 Ukuboza 2023 muri Kigali Conference and Exhibition Village ahazwi nka Camp Kigali.

Kuri iki cyumweru tariki 29 Ukwakira, APR FC izakira Rayon Sports mu mukino w’umunsi wa 9 wa shampiyona. Uyu mukino wa mbere mu Rwanda ukomeye, uzabera kuri sitade ya Pele Stadium kuva ku isaha ya saa 15:00 PM.

Kuri iyo tariki kandi i Kigali hazaba hari igiteramo cyateguwe n’umuhanzikazi Mwiza Zawadi afatangiye na Danny Mutabazi ndetse na Gisubizo Ministries. Iki gitaramo cyiswe ‘Imirimo Yawe Live Concert’, kizabera kuri Bethesda Holy Church hafi y’agakinjiro ka Gisozi.

Ubwo uyu mupasiteri twise P.O yatumirwaga muri iki gitaramo cy’ivugabutumwa, yavuze ko ataboneka kuko hazaba hari umukino wa APR FC na Rayon Sports. Yagize ati: “Rayon Sports izaba iri gukina nari kuzaza.” Yanavuze ko yamaze kugura itike y’ibihumbi 10 Frw.

Icyateye uyu mupasiteri kwikangamo ni uko umukino w’ikipe ya Rayon Sports yihebeye uzabera ku isaha imwe n’iki gitaramo cy’ivugabutumwa, kuko haba mu rusengero no kuri sitade ya Pele, bazahuha mu ifirimbi ku isaha ya saa 15:00 PM.

Mwiza Zawadi ufite igitaramo kuri iki cyumweru, ari mu bahanzi bahagaze neza muri Gospel mu Rwanda. Yamenyekanye mu ndirimbo “Imirimo yawe”. Ni umunyempano wo guhangwa amaso, kandi yize ku Nyundo. Impano ye idashidikanwaho yatumye yiyambazwa mu birori byo Kwiza Izina byabaye tariki 1 Nzeri 2023.

Rayon Sports imaze iminsi ishimisha abafana bayo iyo yahuye na APR FC, kuko imikino 2 iheruka bayitsinze 

APR FC na Rayon Sports, niwo mukino ukundwa n’abantu benshi kuko ingeri zitandukanye ziba zabukereye 

Igitaramo cy’ivugabutumwa nacyo kizaba cyabucyereye ku Gisozi

REBA INDIRIMBO “IMIRIMO” YA MWIZA ZAWADI

Iyi ndirimbo kuva yasohoka yacengeye cyane mu mitima ya benshi, cyane cyane abakoresha ururimi rw'Igiswahili. Umubare w'insengero n'Abakristu bayisubiramo ugenda wiyongera umunsi ku munsi, ari na ko benshi bayasakaza ku mbuga nkoranyambaga.

'Nina Sir' yakuye ku mwanya wa mbere indirimbo 'Enjoy' ya Diamond na Jux yari imaze igihe iri kuri uyu mwanya. 'Enjoy' yahise ijya ku mwanya wa kabiri.

Ku mwanya wa Gatatu hariho indirimbo ‘Nimependa’ ya Guardian Angel na Deus Derick na Sammy G, ni mu gihe ‘Honey’ ya Zuchu yaje ku mwanya wa Gatatu ikurikirwa na ‘Majina Yote Mazuri’ ya Hymmnos 2.

Israel wavukiye i Mulenge muri Repubulika Iharanira Demokarasi ya Congo (RDC), yumvikanisha ko yahamagawe n'Imana kuyibera icyambu yifashisha igera ku bwoko bwayo, kandi akayikorera binyuze mu bihangano n'ivugabutumwa ryagutse.

Ni umwe mu bahanzi b'indirimbo zihimbaza Imana, kandi ufite igikundiro cyihariye. 'Channel' ye ya Youtube yafunguye ku wa 16 Gashyantare 2012, iriho ibihangano 62 bimaze kurebwa cyangwa se kumvwa n'abantu barenga Miliyoni 93.

Israel Mbonyi aherutse kubwira InyaRwanda ko akora indirimbo 'Nina Siri' yari afite gushidikanya muri we yiyumvisha ko itazakundwa cyane, ahanini biturutse ku kuba yarakunze kuririmba cyane mu rurimi rw'ikinyarwanda.

Uyu muhanzi yavuze ko kuva yasohora iyi ndirimbo yabonye ubutumwa bw'abantu benshi bashimye uburyo yayikozemo n'ubutumwa bukubiyemo.

Yumvwa cyane n'abantu bakoresha ururimi rw'Igiswahili. Ati '… Byatumye ntekereza uburyo nashyira imbaraga mu bihangano biri mu giswahili, urabona ko yakunzwe mu gihe gito kandi abantu bakomeje kuyumva cyane.'

Imyaka itanu irashize u Rwanda rwemeje Igiswahili nk'ururimi rwa Kane mu zemewe zikoreshwa. Igiswahili ni rumwe mu ndimi 10 zivugwa cyane ku Isi aho abarenga Miliyoni 200 barukoresha.

Ibarura rusange ry'abaturage ryatangajwe muri Gashyantare 2023 ryerekanye ko Igiswahili mu Rwanda kivugwa n'abagera kuri 2,97%.

Indirimbo 'Nina Siri' iri kuri Album Israel Mbonyi aherutse gushyira hanze yise 'Nk'Umusirikare' yakoreye mu Intare Conference Arena.

Uyu muhanzi ari kwitegura gukora igitaramo cye bwite ku wa 25 Ukuboza 2023. Ubwo yari mu gitaramo cya Shalom Choir cyabereye muri BK Arena, Israel Mbonyi yabwiye abakristo bacyitabiriye kuzabana nawe muri iki gitaramo.

Ati 'Nanjye ndabatumiye mu gitaramo dufite kuri Noheli muri uyu mwaka hano muri BK Arena, ntimuzabure. Imana ibahe umugisha, niteguye kuzababona mwese.'

Agiye gukora iki gitaramo nyuma y'uko tariki 25 Ukuboza 2022 aciye agahigo, aba umuhanzi wa mbere wo mu Rwanda wabashije kuzuza inyubako ya BK Arena.

Icyo gihe ari mu gitaramo, uyu muhanzi yagaragaje ko atabona amagambo asobanura uburyo yiyumva nyuma y'uko abakunzi be bamushyigikiye by'ikirenga.

Yabaze inkuru y'uburyo yakuriye mu murango ukikijwe umutoza kumenya Imana. Ati 'Navukiye mu muryango ukijijwe bantoza kumenya Imana, umunsi umwe bari kutwigisha ku ishuri baratubwira ngo niba utaratura ngo uvuge ko Yesu ari umwami n'umukiza mu buzima bwawe, ntabwo urakizwa.' 

Israel yavuze ko kwakira agakiza kuri we ari inzira itari yoroshye, kuko yari asanzwe ari umucuranzi mu rusengero, agira isoni zo kujya mu bandi bakiriye agakiza ubwo umukozi w'Imana yasabaga abiyumvamo gusanga Kristu kwegera imbere.

Yavuze ko yakiriye agakiza ari ahantu habaga ubwiherero. Ati 'Nari nsanzwe ncuranga mu rusengero ndi umucuranzi, numva nagize isoni z'ukuntu mvuga ngo ngiye gukizwa kandi bazi ko ndi umukozi w'Imana. 

Naragiye niherera ahantu inyuma ahabaga ubwiherero ndavuga ngo Mana niba biriya uriya mugabo yavugaga aribyo nanjye ndashaka gukizwa.'

Uyu munyamuziki ufite igikundiro cyihariye yabwiye urubyiruko ko kuba umukristo bitakubuza gukomeza gukora imirimo yawe.

Ati 'Gukizwa ntabwo bituma utaba umu 'Jeune' mwiza usa neza uganira neza, urakizwa ugakomeza ukaba umuntu wisanzura. Abantu rero bababwiye ko gukizwa ari ukwambara ipantaro ijyamo abantu batanu, ishati ijyamo babiri nkawe, barababeshye! Ushobora gukizwa ukagumana 'vibes' zawe.'

Indirimbo 'Nina Siri' ya Israel yaciye agahigo mu gihugu cya Kenya

Indirimbo ya Israel yari imaze igihe iri ku mwanya wa Gatatu muri Kenya

Israel Mbonyi avuga ko iyi ndirimbo yatumye atangira gushyira imbaraga mu guhimba indirimbo ziri mu rurimi rw'Igiswahili

KANDA HANO UREBEAMASHUSHO Y'INDIRIMBO 'NINA SIRI' YA ISRAEL MBONYI

“> 

Mu rwego rwo guhindura imyumvire idahwise bamwe mu banyarwanda bagifite ku mwuga w'ubutetsi, InyaRwanda yaganiriye na bamwe mu banyeshuri biga ibijyanye n'amahoteli n'ubukerarugendo muri kaminuza ya East African University, abasoje kubyiga babikora nk'umwuga wa buri munsi, ndetse n'umuyobozi mukuru w'iyi Kaminuza.

Muhoza Christine Binta ni umunyeshuri wiga mu mwaka mbere ibijyanye n'ubutetsi bw'umwuga, kandi unafite inzozi zo kuzaba umutetsi mwiza. Mu kiganiro na InyaRwanda, Binta yasobanuye ko impamvu nyamukuru yahisemo kwiga ibyo guteka aruko ikintu cya mbere cy'ingenzi mu buzima bw'umuntu ari ukurya kandi akarya neza kugira ngo abeho neza. 

Yongeraho ko nk'uko ashoboye kwiyitaho akarya neza, yumva ko akwiye no kugira uruhare mu gutuma n'abandi barya neza kandi bakabaho neza.

Binta yavuze ko nubwo kuri we uyu mwuga ari ingenzi cyane, hari benshi bakiwufata nk'umwuga udafite agaciro, ndetse banamuca integer bamwubwira ko ntacyo bizamumarira.

Ati: 'Hari benshi bajya bansha intege bambwira ko nta gaciro bifite, nta kintu bizamarira, nta mafaranga nzakuramo, n'ibindi byinshi. Kandi niba hari abantu bahembwa neza muri iki gihugu, ni aba chef ntabwo ndayakoraho ariko nta cyambuza kugira icyizere.'

Yasoje agira inama bagenzi be gukora icyo bakunda kandi bakagikorana umutima wabo wose. Abasaba kutumva ababaca intege, ahubwo bakarushaho kwita kubyo bifuza kugeraho. Yasabye abagifite imyumvire mibi ko yahinduka, asobanura ko 'muri ubu buzima ntacyo umuntu atiga. Ikintu cyose iyo ukiyumvamo, iyo ukize biba byiza kurushaho.'

Ngabo Augustin, nawe wiga guteka muri East African University Rwanda, yavuze ko ahura n'abamuca intege kimwe n'abamutera imbaraga. Ariko yongeraho ko nubwo hari abatumva impamvu umuntu ahitamo kwiga ubutetsi, umuntu wese abaho neza mu gihe gusa yariye ibiryo biteguye neza kandi birimo intungamubiri zose umubiri ukenera. Avuga ko iyo wabyize uba ubisobanukiwe neza, uzi ibifitiye akamaro umubiri w'umuntu kandi ukamenya kubisimburanya.

Avuga ko abakunze kumuca intege bamubwira ko nta mugabo uteka, guteka byagenewe abagore. Aboneraho no gusaba abafite imyumvire nk'iyi kuyihindura kuko hagezweho igihe cy'uburinganire, aho uwo ariwe wese yateka kandi agateka neza. 

Yavuze ko umuntu uteka kinyamwuga aba atandukanye n'umutetsi usanzwe, kuko ubikora kinyamwuga wanabyigiye aba azi ibijyanye n'intungamubiri, mu gihe ubifitemo ubumenyi buke usanga ahora mu ndyo imwe.

Gatesi Francoise nawe wiga ubutetsi, yavuze ko abyiga abikunze kandi yizeye ko ko nagera no hanze y'ishuri azabasha kwihangira umurimo. Gatesi yatangaje ko benshi bamuca intege bumva ko ntacyo bizamumarira kandi mu by'ukuri ari umwuga w'ingenzi uzanamufasha nk'umukobwa igihe azaba yashinze urugo rwe.

Yongeyeho ko ababyeyi benshi bangira abana babo kwiga ibijyaanye n'amahoteli kubera impungenge baba bafite, batekereza ko bagiye kuhangirikira bitewe na serivisi bitanga ziba zirimo kwakira abantu, kubasasira n'ibindi. Nubwo izo mpungenge zitabura, ariko Gatesi yasabye abantu bose gufata uyu mwuga nk'indi yose kuko nawo ubeshaho abawukora neza.

Sindayigaya Ramadhan uzwi nka Chef Rama ku bw'umwuga akora w'ubutetsi, ni umuyobozi ushinzwe kwandika ndetse no gushyira hamwe abatetsi b'umwuga mu Muryango w'Abatetsi mu Rwanda (RCA).

Avuga ku kijyanye n'imyumvire ikwiye guhinduka yagize ati: 'Umwuga w'ubutetsi uri mu myuga hano muri iki gihugu uhemba neza, kandi unubashywe kuko mu bushakashatsi maze gukora, abantu bashobora kuba bafite imishahara iri hejuru ugereranije aba chef bari mu bantu bahembwa neza. 

Uyu ni umwuga umuntu akora kubera ko awufitemo impano kandi awukunze, kuri njye umwuga ni uguteka ibindi mbifata nk'amahirwe. Nta guteka, nta buzima!'

Prof. Callixte Kabera, umuyobozi wa East African University Rwanda yavuze ko imwe mu mpamvu iri gutuma ubukerarugendo bukomeje gutera imbere mu Rwanda, ari uko imitekere na serivisi zo mu mahoteli zikomeje kunozwa. Yongeyeho ko umunsi w'abatetsi b'umwuga uherutse kwizihizwa bwa mbere mu Rwanda, wizihijwe mu rwego rwo guha agaciro umwuga n'abawukora.

Ati: 'Ikintu bantu bataramenya nuko umwuga wo guteka ari umwuga mwiza uhemba neza, ndetse ku isi ni uw'agaciro gakomeye cyane. Uyu mwuga iyo uwukoze neza, biragaragara ko ushobora kugutunga wowe n'umuryango wawe, kandi ugateza imbere n'igihugu. No muri aba ba chef ubona aha ntibigutangaze ko harimo abahembwa hjuru ya miliyoni eshanu.'

Uyu muyobozi yasoje avuga ko hakenewe abatetsi benshi b'umwuga (Chefs) mu rwego rwo guhangana n'ikibazo gikunze kugarukwaho cy'isuku nke mu mahoteli ndetse n'amaresitora. 

Ni mu gihe mu Rwanda, habarurwa aba batetsi b'umwuga basaga 450 biyandikishije mu muryango wabo wa Rwanda Chefs Alliance (RCA), nubwo hakigaragara umubare munini w'abatariyandikisha.

Abiga guteka bahangayikishijwe n’imyumvire mibi abanyarwanda bagifite ku mwuga wabo

Mu Rwanda, hakenewe abatetsi benshi b’umwuga mu rwego rwo guhangana n’ikibazo cy’imirire mibi ndetse n’isuku nke ivugwa mu mahoteli n’amaresitora

Ku mugoroba wo kuri uyu wa Kabiri tariki 24 Ukwakira ni bwo Bokota wahoze ari rutahizamu w’ikipe y’igihugu “Amavubi” yagaragaye akoresha imyitozo ikipe Addax Sports Club, nayo amasezerano yo kuyigura akaba yari ageze kure.

Mu buryo bwo kongerera imbaraga ‘Staff’ y’iyi kipe, Mvukiyehe Juvenal yahisemo gusinyisha Bokota Kamana Labama nk’umwe mu bakinnyi bazi umupira w’amaguru mu Rwanda, ndetse akaba umwe mu bakinnyi bakoze amateka ubwo yageraga muri shampiyona y’u Rwanda.

Ni ubwa mbere uyu musore agiye gutaramira mu Rwanda. Yageze ku kibuga cy'indege Mpuzamahanga cya Kigali mu ijoro ryo kuri uyu wa Kabiri tariki 24 Ukwakira 2023 yakirwa na Mazimpaka Japhet.

Uyu musore yitabiriye kiriya gitaramo kizabera muri Kigali Conference and Exhibition Village ahazwi nka Camp Kigali, ku Cyumweru tariki 29 Ukwakira 2023.

Ni igitaramo Japhet agiye gukora nyuma yo gusoza urugendo rw'ibitaramo yakoreye muri Kaminuza zitandukanye zo mu Rwanda, kandi bamwe mu banyarwenya bashya bagaragaje impano muri ibi bitaramo yakoze, batera urwenya muri iki gitaramo azakorera muri Camp Kigali.

Ni ubwa mbere Japhet agiye gukora igitaramo nk'iki cyagutse ataramira abanya-Kigali, ari wenyine-Ariko azaba ashyigikiwe n'abanyarwenya bo muri Nigeria, u Rwanda ndetse na Uganda.

Agaragaza ko yateguye iki gitaramo mu rwego rwo gushyira itafari rye ku rugendo rwa 'Comedy' mu Rwanda.

Phronesis watumiwe muri iki gitaramo ni umunyarwenya umaze imyaka myinshi yigaragaza mu bitaramo aho akora ari wenyine ibizwi nka 'Stand up Comedy'.

Nibura buri mwaka akora ibitaramo bibiri byagutse, aherutse gutaramira mu Mujyi wa Lagos ndetse na Abuja, akorana n'abanyarwenya barimo Kenny Blaq uzwi cyane muri 'stand up comedy shows'.

Japhet aherutse kubwira InyaRwanda ko yamutumiye ashingiye ku kuntu 'ahozaho mu rugendo rwe rwo gutera urwenya n'ubuhanga agaragaza'. Ati 'Mbese abantu bazamwibonera mu gitaramo cye cya mbere i Kigali.'

Igitaramo cya Japhet kizabera kizagaragaramo abandi banyarwenya barimo nka Babu Joe, MCA Tracy wo muri Kenya, Michael Sengazi, Josh2funny n'abandi barimo uwo muri Uganda n'uwo muri Nigeria.