Category: Uncategorized

Shampiyona y’icyiciro cya mbere mu Rwanda umwaka w’imikino 2023-24 irakomeza uyu munsi hakinwa umunsi wa 10 aho 3 ari bo batamerewe gukina.

Iratangira kuri uyu wa Gatanu aho hateganyijwe umukino umwe saa 15h wo Police FC iri bwakiremo Gorilla FC kuri Kigali Pelé Stadium.

Indi mikino izaba ejo aho umukino ufatwa nk’uw’umunsi ari uwo Rayon Sports izakiramo Mukura VS ku munsi w’ejo kuri Kigali Pelé Stadium.

Abakinnyi 3, Peter Agbelov wa Musanze FC wahawe ikarita itukura ku mukino wa AS Kigali, Irakoze Darcy wa Gorilla FC wahawe ikarita itukura ku mukino wa Marines FC na Rwema Amza wa Etoile del’Est wujuje amakarita 3 y’imihondo ni bo batemerewe gukina umunsi wa 10 wa shampiyona.

Gahunda y’umunsi wa 10

Ku wa Gatanu tariki ya 3 Ugushyingo 2023

Police FC vs Gorilla FC

Ku wa Gatandatu tariki ya 4 Ugushyingo 2023

Marines FC vs Amagaju FC
Rayon Sports vs Mukura VS
Muhazi United vs APR FC
Musanze FC vs Kiyovu Sports

Ku Cyumweru tariki ya 5 Ugushyingo 2023

Etoile del’Est vs Gasogi United
AS Kigali vs Sunrise FC
Etincelles vs Bugesera FC

Mu ntangiro z’umwaka ushize wa 2022 nibwo Kim Kardashian na Kanye West uzwi nka Ye batandukanye mu mategeko nyuma y’imyaka umunani babana ari umugabo n’umugore. 

N’ubwo bari mu byamamare byamaranye igihe kirekire, batandukanye nyuma y’uko Kim Kardashian yavugaga ko ananizwa cyane na Kanye West amutegekesha igitugu ndetse hakiyongeraho no gucana inyuma.

Bimwe mu byananije Kim Kardashian ni amategeko Kanye West yari yarashyizeho ategeka ko Kim Kardashian agomba kuyakurikiza byanze bikunze ndetse mu myaka ye bamaranye akaba yaragerageje kuyakurikiza.

Dore amategeko Kanye West yari yarashyizeho; 

• Kim Kardashian ntiyemerewe kuvugana n'abashijwe umutekano we.

• Nta telefone yemerewe gufata igihe bari ku meza.

• Kanye akunda cyane Kim Kardashian iyo nta birungo by'ubwiza(Make Up) yisize.

• Kim agomba guhanga amaso Kanye ari kurubyiniro(stage)

• Imyenda ya Kanye igomba gufurirwa ukwayo yonyine

• Kanye ni we uhitamo imyenda Kim yambara iyo atwite.

• Kim Kardashian ntagomba kuvugana n'abo yatandukanye nabo.

• Abacunga umutekano w'umugorewe bagomba kwambara imyenda y'irabura gusa.

Ibi byose nibyo byatumye Kim Kardashian yumva abangamiwe cyane hanyuma ahitamo gutandukana na Kanye West bari bafitanye abana. Icyo gihe basesa isezerano bagiranye ryo kubana mu mwaka wa 2014 mu butariyani, Kim Kardashian niwe wasigaranye inzu bari batuyemo.

Nyuma yo gutandukana kwabo, Kanye West yagerageje gusubirana na Kim ariko biranga burundu ahitamo gutangira ubuzima bwe bwite ashaka n’undi mukunzi mushya.

N’ubwo Kim Kardashian aherutse gutangaza ko atajya avuga ku bantu batandukanye cyangwa ngo avuge ku mubano w’abandi, yashyize avug ko Kanye West abaye mu buzima bubi cyane.

Mu kiganiro Kardashian aheruka gushyira hanze yavuze ko umukobwa wabo yasanze Kanye West atuye mu buzima bubi cyane aho atuye mu nzu zikodeshwa ndetse akaba ari nta mutetsi agira. 

Kim Kardashian yagize ati “North yagiye kwa se aravuga ngo ‘Papa ni uwa mbere nta mutetsi agira ndetse aba mu nzu yo gukodesha nta barinzi bahagije afite. Aho atuye nta mutekano uhari. North yararize cyane ambaza impamvu twebwe tudafite inzu zo gukodesha.”

Uyu mukobwa North wamenye uko papa we abayeho nabi, ni we mwana wa mbere Kim Kardashian na Kanye West babyaranye avuka ku wa 15 Kamena 2013.

North West buwe wavuze ubuzima Kanye West abayemo

Kanye West yabanye na Kim Kardashian mu mwaka wa 2014.

Nyuma y’imyaka 8, Kim Kardashian yaje gutandukana na Kanye West.

Kim Kardashian yavuze ko North akunda kwibera ka se kubera ko ari hato kandi hari abantu benshi kubera atuye muri apartment.

Umunyezamu w’Ikipe y’Igihugu Amavubi na AS Kigali, Kimenyi Yves n’umukunzi we Uwase Muyango Claudine bashyize hanze integuza y’ubukwe bwabo buzaba muri Mutarama 2023.

Mu nteguza Muyango ukorera ISIBO TV na Kimenyi Yves bashyize hanze ni uko ubukwe buzaba tariki ya 6 Mutarama 2024.

Basohoye iyi nteguza “Save the Date” mu gihe ku wa Mbere w’iki cyumweru ari bwo Kimenyi Yves yabazwe imvune ikomeye yagiriye ku mukino wa AS Kigali na Musanze FC tariki ya 29 Ukwakira 2023.

Mu nkuru iheruka ISIMBI yabagejejeho ni uko ubu bukwe bwari buteganyijwe mu Kuboza 2023 ariko kubera iyi mvune biba ngombwa ko bimura amatariki, amakuru avuga ko umunsi yabagiweho ari na bwo bagombaga gusezerana imbere y’amategeko.

Tariki ya 28 Gashyantare 2021 nibwo Kimenyi Yves yafashe icyemezo yambika impeta y’urukundo, Uwase Muyango Claudine wegukanye ikamba rya Nyampinga uzi kwifotoza kurusha abandi muri 2019 “Miss Photogenic 2019” maze amusaba ko yazamubera umugore undi arabyemera.

Ni umuhango wabereye mu Busitani bwa Centerpiece hafi ya Kaminuza ya ULK, mu Karere ka Gasabo mu murenge wa Gisozi.

Ntabwo byahise bikunda ko bakora ubukwe ariko baribaniye nk’umugore n’umugabo ubu bakaba bafitanye n’umwana w’umuhungu, Kimenyi Miguel Yannis.

Bagiye gukora ubukwe nyuma y’imyaka hafi 5 y’uburyohe bw’urukundo. Mu Kuboza 2019 ubwo yaganiraga n’ikinyamakuru ISIMBI, Kimenyi Yves yavuze ko nubwo abantu bamenye urukundo rwabo muri Kanama 2019 ariko bari bamaze nk’amezi abiri bakundana ariko bari baramenyanye mbere.

Yagize ati'hari hashize igihe gito, hari igihe ikintu kiba gito ariko kigahita kikuzamo vuba vuba, ntabwo byatinze kumenyekana cyane kuko kugira ngo bijye hanze byari bimaze nk’ukwezi n’igice cyangwa 2, ni ukuvuga ko kuri twebwe hari intambwe byari bimaze gufata. Twari dusanzwe tuvugana ariko guhura twahuriye mu isabukuru (anniversaire) y’umushuti we ariko njye ni we nari ngiye kureba mpita nikomereza.'

Aba bombi bahura bwa mbere bahuriye mu isabukuru y’umukobwa wari inshuti yabo bombi batangira kugenda bavugana biza kuvamo urukundo.

Bashyize hanze integuza y’ubukwe bwabo

Bagiye kubana nyuma y’uburyohe bw’urukundo bw’imyaka 5

Kuba mu mwaka umwe gusa abahanzi batatu bakomoka muri Nigeria barimo Davido, Burna Boy na Rema bamaze kuririmba mu birori bitatu bikomeye by'umupira w'amaguru ku Isi, byatumye ibitangazamakuru mpuzamahanga by’imyidagaduro bitangaza ko injyana ya Afro Beat yiganjemo abahanzi bo muri Nigeria, imaze kwigarurira Isi aho usanga abayikora aribo bari kwitabazwa mu birori bikomeye.

Ibi ariko nubwo bigaragaye mu mwaka umwe gusa, ntabwo bitangiye ubu kuko no mu myaka yashize abahanzi bo muri Nigeria bakunze kujya batumirwa mu birori bikomeye by’umupira wa maguru, ndetse kugeza ubu bamaze kuba abahanzi 5 bo muri Nigeria bamaze kuririmba muri ibi birori. Ibi nibyo bikomeje kugaragaza ko umuziki nyafurika uyobowe n’aba bahanzi bo muri Nigeria.

Urutonde rw’abahanzi 7 bo muri Nigeria bamaze kuririmba mu birori bikomeye by’umupira wa maguru:

1. D’ banj

Umuhanzi w’icyamamare ku rwego mpuzamahanga, Dayo Daniel Oyebanjo uzwi cyane nka D’banj uherutse kuyobora ibihembo bya ‘Trace Awards 2023’ byatangiwe i Kigali, niwe muhanzi wa mbere muri Nigeria waririmbye mu birori bikomeye by’umupira wa maguru.

Mu 2013 D’banj yaririmbye mu mikino y’igikombe cy’ibihugu bya Africa African Cup of Nations AFCON) yabereye mu mujyi wa Johannesburg muri Afurika y’Epfo. Muri iyi mikino D’banj uzwi ku izina rya ‘The Kokomaster’, yaririmbyemo indirimbo yise ‘Top Of The World’ yahimbiye iyi mikino.

2. Davido

Umuherwe akaba n’umuhanzi w’icyamamare, David Adedeji Adeleke, wamamaye ku izina rya Davido, niwe muhanzi wo muri Nigeria wabaye uwa mbere waririmbye mu birori by’igikombe cy’Isi cya 2022 cyabereye muri Qatar.

Uretse kuba Davido ari mu bahanzi baririmbye indirimbo y’igikombe cy’Isi cya 2022, yanahawe umwanya anajya ku rubyiniro aririmba zimwe mu ndirimbo ze zakanyujijeho. Davido akaba yararirimbye mbere y’umukino wa nyuma wahuzaga ikipe y’igihugu ya Argentine n’ikipe y’igihugu y’Ubufaransa.

3. Rema

Umuhanzi ukiri muto Divine Ikubor uzwi cyane nka Rema, ukomeje kwibikaho uduhigo ku myaka ye 23 gusa, yongeye guca ibintu ubwo yabaga umuhanzi wa mbere ukomoka muri Afurika ushoboye kuririmba mu birori byo gutanga igihembo cya Ballon d'Or cyitabiriwe n’ibihangange muri ruhago, Lionel Messi akaba ariwe uhabwa iki gikombe. Ibi byatumye benshi bakurira ingofero Rema ukomeje kugaragara mu birori bikomeye ku rwego mpuzamahanga.

4. Burna Boy

Damini  Ebonoluwa Ogulu wamamaye nka Burna Boy yabaye umuhanzi wa mbere wo muri Africa ukomoka muri Nigerira uririmbye mu mikino ya Basketball ikomeye ku Isi ya NBA. Muri uyu mwaka ni bwo Burna Boy yaririmbye mu mikino ya ‘NBA All Star Games’ yabereye muri Leta Zunze Ubumwe z’Amerika. Indirimbo ze nka ‘Last Last’ na ‘It’s Plenty’ nizo yaririmbye muri iyi mikino.

5. Kizz Daniel

Umuhanzi Oluwatobiloba wamamaye nka Kizz Daniel nawe ari mu bahanzi barimbye mu birori bikomeye by’umupira wa maguru. Mu 2022 ubwo habaga imikino y’igikombe cy’Isi yabereye i Qatar, Kizz Daniel yatumiwe kuririmba mu birori bya ‘FIFA Fan Fest’ aho yaririmbiye abaherwe bo muri Qatar indirimbo ze zabiciye zirimo nka Buga na Cough maze akabanyeganyeza.

6. Patoranking

Patrick Okorie umuhanzi ugezweho mu njyana ya Dancehall na Afro Beat, nawe ari mu bahanzi bo muri Nigeria bamaze kuririmba mu birori bikomeye by’umupira w’amaguru, aho mu 2022 kimwe na Kizz Daniel, nawe yaririmbye mu birori bya ‘FIFA Fan Fest’ byabaye mu gihe kimwe n’imikino y’igikombe cy’Isi muri Qatar.

7. CKay

Chukwuma Ekweani umuhanzi umaze kubaka izina ku rwego mpuzamahanga nka ‘CKay’ ni umwe mu bahanzi bo muri Nigeri bamaze kuririmba ku rubyiniro rukomeye mu birori by’umupira w’amaguru.  

Mu 2023 CKay yaririmbye mu mukino wa nyuma wa CHAN (African Nations Championship) wabereye mu gihugu cya Algeria. Aha yaririmbye indirimbo ye ‘Love Nwatiti’ yasohoye mu 2019 kugeza nubu igikunzwe na benshi.

Biteganyijwe ko aya matora ari kubera kuri Noneho.com azashyirwaho akadomo kuwa Gatandatu Ugushyingo 2023, hagahita hamenyekana abanyempano 7, basanga 3 babonye itike ku ikubitiro, bakazahurira kuri Finali izaba kuwa 11 Ugushyingo 2023.

Iki kimwe cya kabiri cya Music Up Competition cyaranzwe no kuririmba imbere y’akanama nkemurampaka kari kayobowe na Pakkage umwe mu ba Producers ba Country Records.

Amanota bagize mu kuririmba yari kuri 60/100 azahuzwa n’azava mu matora ari kuri 40/100 mu kumenya abasanga abandi kuri Finali.

Batatu ba mbere nibo bazahembwa ibihembo birimo gukorerwa indirimbo z’amajwi n’amashusho biyongeraho umukobwa umwe mu rwego rwo gushyigikira umwari n’umutegarugori mu muziki.

Ishimwe Sylvie akaba ariwe ukomeje kuza imbere y’abandi 15. Afite amajwi 524. Mugisha Prince ari ku mwanya wa kabiri n’amajwi 120, Shyaka Jean Pierre ari ku mwanya wa gatatu n’amajwi 101. Ku mwanya wa nyuma hariho benshi bafite amajwi 0.

Genius On This One mu kiganiro aheruka kugirana na InyaRwanda yatangaje ko yifuza gukomeza gushyigikira impano zikizamuka kandi ko azakora iyo bwabaga bikabasha kugerwaho.

Ishimwe ari ku mwanya wa mbere mu kugira amajwi menshi

Mugisha Prince ari ku mwanya wa kabiri muri iri rushanwa

Kidhebe ni umwe mu banyempano bahatanye muri iri rushanwa

Nkubito Egide ni umwe mu banyempano bahatanye muri iri rushanwa

Shyaka Jean Pierre ni umwe mu banze kurekura

Iri rushanwa rizashyirwaho akadomo kuwa 11 Ugushyingo 2023

KANDA HANO UTORE UMUNYEMPANO USHAKA GUHESHA AMAHIRWE

Iyo bavuze ‘Ikinyusi’, uhita wumva igikweto cyashaje kandi cyacitse ndetse cyanataye agaciro. Ku muntu wese wakinnye umupira akiri umwana iri jambo nta kuntu yaba atarizi. Wasangaga abana bakina umupira, ukumva bamwe baravuze ngo “uriya yazanye igikweto cy’ikinyusi”, mu kumvikanisha ko inkweto ze zishaje cyane.

Cyangwa se nk’igihe abantu barimo kugenda, ukajya kumva ukumva umwe aravuze ngo “Dore kiriya gikweto cy’ikinyusi cyashaje”. Hari n’abandi bana ku ishuri uzumva basererezanya bavuga ngo “Dore uriya yambaye igikweto cy’ikinyusi cyacitse”.

Ikinyusi ubundi mu magambo make ni igikweto cyashaje. Hanyuma Bruce Melodie we avuga ko kera agitangira muzika ye, abantu bajyaga bamwitiranya n’igikweto gishaje “Kinyusi”, akumva bimuteye agahinda gakomeye.

Mu mashusho mato yanyujijwe ku rukuta rwa Intagrama rwa 1:55AM, Melodie yagize ati: “Kera iyo umuntu yanyitaga Kinyusi narababaraga cyane, kandi Yanga niwe wajyaga abinyita nkajya numva agahinda karanyishe. Ikinyusi ariko uracyumva?, ni igikweto cyacitse. Hanyuma ugaca ku muntu, ngo ni umufana wawe, yarangiza ngo ‘Kinyusi Melodie’, ibintu byanteraga agahinda gakomeye”.

Nubwo Melodie yahuraga n’ibyo bigeragezo, avuga ko bitigeze bimuca intege kuko yemera ko izina ari irikujije umuntu. Agira ati: “Ariko ubu ngubu njyewe aho mpagaze, narabyemeye izina ni irikujije, ahubwo ngiye no kuzarishyira kuri Bio ya Instagram yanjye, nge nitwa Kinyusi Melodie kuko ntabwo bikintera ipfunwe n’isoni”.

Bruce Melodie, ni umwe mu bahanzi bake mu Rwanda batajya bahisha amateka ashaririye banyuzemo mu rugendo rw’umuziki. Mu biganiro byinshi yagiye yumvikanamo, agaruka ku buzima bugoye n’imbogamizi yanyuzemo mu gihe yihiringaga mu muziki kugeza n’aho avuga ko yigeze gukora imwe mu mirimo y’ingufu ariko we afite icyo ashaka. 

Avuga ko kuba isi nta kintu itamwigishije, ari byo bituma yicisha bugufi akumva ko byose bishoboka bikanamutera n’imbaraga zo gukomeza gukora cyane. Kuva muri izo mbogamizi zose kugeza kuri ubu, Melodie ari mu bahanzi bayoboje inkoni y’icyuma muzika nyarwanda ndetse bimirije imbere kuyambutsa imipaka ikagera ku rwego mpuzamahanga, dore ko yanabitangiye. 

Bruce Melodie yakoranye n’abahanzi bakomeye mu bihugu bya Afurika y’Iburasirazuba, harimo Harmonize (Tanzania) bakoranye Totally Crazy; Khaligraph Jones (Kenya) bakoranye Sawa Sawa; Eddy Kenzo (Uganda) bakoranye Nyoola; Double Jay na Kirikou Akili (Burundi) bakoranye Inzoga n’ibebi, n’abandi.

Kuri ubu afite indirimbo yitwa ‘When She Is Around’ yakoranye n’umunyabigwi Shaggy ufite inkomoko muri Leta Zunze Ubumwe za America ndetse na Jamaica. Iyi ndirimbo iri kuvugisha n’iyonka bitewe n’uduhigo ikomeye kwesa.

Abakomeye bari kuyumva mu modoka zabo, mu birori n’ahandi. Niyo igezweho mu itangazamakuru ryo mu Rwanda ndetse iri kwandikwa n’ibitangazamakuru mpuzamahanga bikomeye ku isi, urugero ni Rap Tv. Ni ibintu Melodie avuga ko yishimira bidasanzwe.

Bruce Melodie yahishuye agahinda yakuranye bamuhimba “Kinyusi”

Reaba indirimbo Inzoga n’ibebi ya Double Jay na Kirikou bafatanije na  Melodie 

“>

Reba indirimbo “Totally Crazy” ya Melodie na Harmonize

Reab indirimbo “Sawa Sawa” ya Melodie na Khaligraph Jones

“>

Reba indirimbo “Nyoola” ya Melodie na Eddy Kenzo

“>

Reba indirimbo ya Melodie “When She Is Around” ari kumwe na Shaggy

“>

 

Chief Ibiagbanidokibubo Asenite wamenyekanye nka Agbani Darego niwe mwirabura wa mbere w'umunyafurika wanditse amateka yo kwegukana ikamba rya Nyampinga w'Isi. Darego wabonye izuba mu 1982, yavukiye Lagos muri Nigeria, akaba umwana wa gatandatu mu bana umunani bavukana.

Ku myaka micye, Darego yapfushije nyina umubyara nyuma y'igihe yarazahajwe na kanseri y'ibere. Iki gihombo, avuga ko yakifashishije nk'intwaro yamufashije guhangana n'ibibazo byinshi yahuye nabyo.

Yinjiye mu bijyanye n'imideli atarageza imyaka 20, ndetse yagiye yitabira n'amarushanwa akomeye arimo 'M-Net Face of Africa modelling competition.'

Amashuri abanza n'ayisumbuye, yayigiye mu wundi mujyi wa Nigeria, Port Harcourt aho bimukiye afite imyaka ibiri gusa y'amavuko. Nyuma yo gusoza ayisumbuye, Darego yahise ajya muri kaminuza ya Port Harcourt, aho yize ibijyanye n'imibare ndetse na 'Computer Sceince.'

Muri 2001, ni bwo Darego yatorewe kuba Nyampinga wa Nigeria. Nyuma y'igihe gito yambitswe ikamba, yahise yandika amateka yo kwitabira irushanwa rya Miss Universe, ndetse aca agahigo ko kuba umukobwa wa mbere ukomoka muri Nigeria wakandagije ikirenge mu bakobwa icumi bari bahataniye iryo kamba.

Ntibyatinze, mu Ugushyingo uwo mwaka, Darego yanditse amateka atazibagirana muri Afurika, maze aba umunyafurika wa mbere w'umwirabura wegukanye ikamba rya Nyampinga w'Isi wa 2001. Intsinzi ye icyo gihe yakiriwe bidasanzwe n'abanya-Nigeria ndetse n'abanyafurika muri rusange.

Yambitswe iri kamba ku myaka ye 18 y'amavuko, ubwo iri rushanwa ryaberaga muri Afurika y'Epfo ku nshuro yaryo ya 51. Iri kamba yaryamitswe na Priyanka Chopra umukinnyi wa filime w'umuhindekazi uri mu bahembwa neza, wabaye Nyampinga w'Isi wa 2000.

Nyuma y'ibijyanye n'imideli, wagutse cyane nyuma y'aho yitabiriye Miss Universe aho yahise atumirwa n'umunyamideli ukomeye w'umwongereza, Naomi Campbell Frock ‘n’ Roll, ikirori cyo kumurika imideli cyaberaga muri Barcelona. 

Ibyo, byamuhaye amahirwe yo gutangira gukorana na Trump Model Management yatangijwe ndetse ikaza no guhagarirwa n'uwahoze ari Perezida wa Leta Zunze Ubumwe za Amerika, Donald Trump.

Usibye kuba umunyamideli ukomeye no kuba yarabaye Nyampinga w'Isi, Darego yagiye no mu kanama nkemurampaka ka Miss World 2014, Miss England 2002, Mr. Scotland 2002, ndetse n'andi marushanwa y'imideli nka Elite Model Look Nigeria 2012, 2014 n'ayandi.

Aho agiriye muri New York, Darego yinjiye muri kaminuza yaho ajya kwiga ibijyanye na 'Psychology' nuko abisoza muri 2012. Muri 2017 ni bwo yasezeranye kubana akaramata na Ishaya Danjuma, umuhungu w'umubiliyoneri, General Theophilus Yakubu Danjuma mu birori by'akataraboneka byabereye i Marrakesh, umujyi ukomeye wa kane wa Morocco. Kuri ubu, aba bombi bafitanye abana babiri b'abahungu, uw'imfura babyaye muri 2018 ndetse n'undi bibarutse mu mpera za 2020.

Agbani Daredo wabaye Miss World 2001

Ni umunyamideli ukomeye

Yambitswe ikamba na Priyanka Chopra wabaye Miss World 2000

Wari umunsi udasanzwe kuri we, Nigeria na Afurika yose muri rusange

Darego n’umugabo we bamaranye imyaka 6

Antoinette Rehema ni umuhanzikazi ukomeye mu muziki wa Gospel, akaba akorera umuziki muri Canada. Afite izina rikomeye mu Karere ugendeye ku bikorwa yahakoze mu myaka yashize birimo iby’ubugiraneza ndetse n’iby’umuziki wo kuramya no guhimbaza Imana.

Tariki 21 Ukwakira 2017 ni bwo yakoreye igitaramo gikomeye mu mujyi wa Kampala mu gihugu cya Uganda aho yari yatumiye Gaby Irene Kamanzi na Pastor Wilson Bugembe. Kwinjira byari amashiringi ya Uganda 20.000 muri VIP n'amashiringi 10.000 mu myanya isanzwe.

Nyuma y’imyaka 3 atumvikana mu muziki, kuri ubu Rehema yawugarukanyemo indirimbo nshya yise “Kuboroga”. Ni indirimbo ifite amagambo akomeye agaruka cyane ku mpamvu zo kuborogera Itorero. Avuga ko Itorero ryanyazwe, abakristo bakorwa n’Isoni kubera ibisigaye bibera mu itorero birimo no kuba gusenga bisigaye ari umugenzo.

Antoinette Rehema ahanika ijwi agira ati “Ko mbona inkike zibaye amatongo, intwari ku murimo zagiye hehe.? Ko gusenga byabaye umugenzo, icyizere cyo kurama cyava hehe? Ibizira byimikiwe ahera, ubupfapfa bunejeje imitima, ibirura bifatwa nk’ibiryoshye; igitinyiro cyaranganga ubwoko bw’Imana cyarayoyotse”.

“Maze kubona ibyo byose, nshigutse umutima, yemwe bagore bose muzi kuboroga, muze dufatanye kuborogera itorero (…) Uwiteka Imana nawe niko kuvuga ati ‘Kuko baretse amategeko nabashyize imbere, bakanga kumvira no gukurikiza ijwi ryanjye ahubwo bayobejwe n’imitima yabo inangiye n’ibigirwa mana bya bayari”.

Mu kiganiro na inyaRwanda, Antoinette Rehema ukomeje kwishimirwa cyane mu ndirimbo ye nshya yise “Kuboroga” yasohokanye n’amashusho yayo, yavuze ko ashima Imana yongeye kumushoboza kugaruka mu murimo yamuhagariye. Ati “Igihe cyari kinyuzemo ni kinini uretse n’abankurikira nanjye ubwanjye numvaga bimvuna mu mutima!”.

Yavuze inkomoko y’iyi ndirimbo ye, ati “Nzanye ibihimbano by'Umwuka nahawe nyuma yo gufata igihe nkegera Imana nyisaba kumpa icyo kuvuga. Uwiteka yumvise gusaba no nkwinginga kwanjye anyibutsa ubutumwa yari yarampaye buri muri Yeremiya 9 nkoramo indirimbo yitwa “Kuboroga” “.

Uyu muramyi ushavujwe n’ubuzima Itorero ribayemo muri iyi minsi, yakomeje avuga ko mu mwaka wa 2021 mu kwezi kwa Gashyantare (2) yakoze impanuka y’imodoka “yatumye ndyama amezi 8 mu rugo! Narigaga mbura 1 mois et demi ngo mbone diplôme mpita nkora impanuka birahagarara!”.

Ati: “Muri icyo gihe cya njyenyine niho Mwuka Wera yarushijeho kumpa aya magambo aboneka muri Yeremiya 9: 13-19, hanyuma nagiranye ubusabane bwimbitse n'Imana maze korohera, ngira urugendo aho nerekeje mpahurira n’izindi ngorane aho nahamiririjwe ko ngomba gutanga iyi message, noneho mpitamo guhita nkora iyi ndirimbo nahaye izina ‘Kuboroga’ “.

Rehema avuga ko atazongera kubura kuko Imana “yampaye n'ibindi byiza mbahishiye nabyo bitazatinda muzabibona ngenda mbibagezago gahoro gahoro”. Aragira ati “Mbijeje ko ntazongera guhita mbura mu gihe nkifite ‘package’ Ijuru ryampaye ndajya mbahamo iyo Mwuka Wera anyemeje kubagezaho mu gihe cye cyiza gikwiriye kandi kitarambiranye”.

Antoinette Rehema yahagurukiye kuborogera Itorero ndetse arasaba buri umwe uzi kuboroga kumufasha

‘”Ese ntimubona ko umwanzi yatunyaze byinshi,..” Rehema mu ndirimbo ye nshya “Kuboroga”

Antoinette Rehema yateguje izindi ndirimbo nyinshi mu minsi iri imbere

REBA INDIRIMBO “KUBUROGA” YA ANTOINETTE REHEMA