Category: Uncategorized

Miss Mutesi Jolly uherutse kwizihiza isabukuru y’amavuko mu birori by’agatangaza, kuri ubu ari mu byishimo nyuma yo kwegukana igihembo cy’umunyafurika uvuga rikijyana mu bihembo mpuzamahanga bya Zikomo Africa Awards 2023 byatangiwe muri Zambia.

Muri ibi bihembo, Miss Jolly yari ahatanyemo n’abandi bantu bakomeye barimo Epi Mabika uturuka muri Zimbabwe, Paul Magola uturuka muri Tanzania, Simon Ssenkaayi ukomoka muri Kenya ndetse na Timothy Zambia ukomoka mu gihugu cya Zambia.

Muri ibi bihembo byari bihatanyemo n’abandi banyarwanda mu ngeri zitandukanye ariko nta wundi wigeze agira amahirwe yo kwegukana igihembo uretse Miss Jolly.

Zikomo Africa Awards, ni ibihembo ngarukamwaka bitangirwa muri Lusaka ho muri Zambia. Ibi bihembo bimaze kuba bimwe by’inganzamarumbo mu bitangirwa muri Afurika bikora mu nguni zirimo ubuzima, siyanse, imikino, tekinoloji n’imyidagaduro.

Ibi bihembo biterwa inkunga n’ibigo bikomeye birimo n’ibinyamakuru bifite izina ku isi. Mu baterankunga ba Zikomo Africa Awards 2023 harimo Coca Cola, Noneho Events, Afrocharts n’abandi.

Mutesi Jolly yegukanye igihembo cy’umuntu uvuga rikumvikana muri Afurika

Mutesi Jolly yabaye Miss Rwanda mu mwaka wa 2016

Mu gihe umwaka wa 2023 uri gusatira umusozo, abaraperikazi bo ku mugabane wa Afurika nabo ntibiraye kuko hari abakoze ibikorwa bifatika ndetse bikanakundwa n'abatari bake.

Hari benshi mu b'igitsina-gore baba baratangiye neza muri iyi njyana ndetse bakanakundwa cyane, ariko nyuma bakaza kuzima bitewe n'impamvu zitandukanye zirimo no gucibwa intege na sosiyete. Mu bashyizemo imbaraga muri uyu mwaka harimo:

1.     Fifi Raya

Umuraperikazi Fifi Raya watangiye umuziki muri 2018, ni umwe mu bahanzikazi badafite ibihangano byinshi ariko bakunzwe n'abatari bake ku bw'ubuhanga bwe mu njyana ya Hip Hop. Uyu mukobwa ufashwa na Dumba Muzafari, afite indirimbo yakoze muri uyu mwaka zirimo 'Wisara' Cyane, Liquor Store, n'izindi.

2.     Nessa

Nessa, umuraperikazi ufashwa na Producer Beat Killer, nawe ni umwe mu baraperikazi bakoze cyane muri uyu mwaka wa 2023 uri kugana ku musozo. Mu ndirimbo yakoze muri uyu mwaka, harimo 'Ishori,' Munsi y'akenda, Amaturunovis, 'Lale' yakoranye na Symphony n'izindi nyinshi.

3.     Rose Ree

Rose Ree, umuraperikazi w'imyaka 28 ukomoka mu gihugu cya Tanzania, ni umwe mu baraperi bigaragaje cyane muri uyu mwaka binyuze mu bihangano bye. Uyu mukobwa ufite ijwi ritangaje yakoze indirimbo zirimo 'Awuoh,' Kanairo, Rose Coco, Amen na I'm Not Fine.

4.     Gigi Lamayne

Umuraperikazi Gigi Lamayne w'imyaka 29 y'amavuko, ubusanzwe yitwa Genesis Gabriella Tina Manney, akaba akomoka muri Afurika y'Epfo. Mu ndirimbo yashyize hanze muri uyu mwaka, harimo 'Menzi Ngubane' yakoranye n'abandi bahanzi, WER U R n'izindi. Uyu mukobwa, ni umuhanga mu mitondekere y'amagambo ndetse n'imiririmbire.

5.     Femi One

Umuhanzikazi Wanjiku Kimani wamamaye nka Femi One ukomoka Nairobi muri Kenya, afite imyaka 29 y'amavuko. Uyu muraperikazi, yibitseho igihembo cya 'Best Female Rapper of the Year' mu bihembo bya Afrima 2022.

Muri uyu mwaka, yashyize hanze indirimbo nka 'Under The Influence,' Suspect yakoranye na Katapilla, Pewa, Heshima n'izindi ziri kuri EP yise 'Dem Kutoka Mwiki.'

The Ben yakuyeho urijijo kuri saga zimaze iminsi zimuhamagarira Igitaramo cyo guhangana na Bruce Melodie. Yavuze ko Amateka u Rwanda rwanyuzemo atemera ihangana.

Yabwiye abafana ko habayeho Igitaramo abafana ba The Ben n’aba Bruce Melodie bataha bishimye ariko ijambo “Battle” asaba ko ryareka gukoreshwa.

Yerekeje muri Canada aho azataramira abazitabira ihuriro ry’Uribyiruko riteganyijwe ku itariki 25-26 Ugushyingo 2023. Yabigarutseho mu kiganiro kigufi yahaye InyaRwanda ku kibuga Mpuzamahanga cy’Indege kiri i Kanombe mbere yo kurira indege.

Yagize ati”:Ubundi hateguwe Igitaramo abafana ba The Ben na ba Bruce Melodie tukabashimisha byaba byiza. Ijambo Battle muryirinde kuko amateka y’igihugu cyacu yerekana ko ihangana ricamo abantu ibyiciro atari ryiza. Bitewe n’amateka y’igihugu cyacu nta Battle dukeneye”.

The Ben azaririmba muri ririya huriro ry’Uribyiruko rizabera Ottawa na Gatineau. Abarimo Masamba Intore, Muyoboke Alex, Noopja nabo bivugwa ko bazajya Canada.

The Ben asize afashe amashusho y’indirimbo yuzuye imitoma ikaba ishobora gusohoka mbere y’ubukwe butegerejwe na benshi barimo abafana, abakunzi, inshuti, umuryango n’itangazamakuru ryagendanye nawe mu myaka 15 ishize ari ku ruhembe mu muziki nyarwanda no mu karere.

Iyo urebye kuri murandasi ubona ko kuva iKigali werekeza Ottawa bitwara amasaha 23 bivuze ko azagerayo nyuma y’umunsi uhereye isaha yahagurukiye i Kanombe.

Umuraperi Bull Dog aherutse kubwira InyaRwanda ko yaba The Ben cyangwa Bruce Melodie ari amazina manini adakwiriye kumvikana mu ihangana rya hato na hato ahubwo ko bakwiriye gutahiriza umugozi umwe bagasunika Muzika nyarwanda ikibona ku isoko Mpuzamahanga.

Ibihugu nka Uganda bigeze aho abahanzi bahangana bagamije gucuruza ku buryo na Minisitiri w’urubyiruko bwana Utumatwishima yari yasabye ko habaho igitaramo aba bahanzi  bahuriramo  ariko bitiswe guhangana.

Cyakora umuziki uri kwiyubaka ntabwo hana hakenewe ihangana ahubwo haba hakwiriye ubufatanye noneho abahanzi bazasaza bagasigara bahangana kuko nta cyo biba byangiza.

Dore zimwe muri filime nyarwanda zikunzwe na bamwe mu byamamare  bazikinamo:

      1.     Bamenya Series

'Bamenya Series' ni imwe muri filime nyarwanda y’uruhererekane  ikundwa na benshi.

Benimana Ramadhan wamenyekanye nka Bamenya muri ' Bamenya Series' nyiri  iyi filime yigarurira benshi. Iyi filime ya Bamenya ikinamo bamwe mu bakinnyi bakunzwe nka Kecapu,Kanimba ndetse na Bamenya.

Bamenya wamenyekanye muri ” Bamenya series” ni nawe nyirayo

Mu duce tw’iyi filime tumaze kujya hanze harimo agace kashyizwe hanze   aho mu minsi  Itandatu kamaze kurebwa n’abagera ku bihumbi 276 (S11 EP 22) 

      2.     Impanga series

Filime y'uruhererekane izwi ku izina rya ' Impanga Series' ni imwe mu zikunzwe mu Rwanda ndetse no hanze yarwo. Impanga Series imwe muri filime za Bahavu Jeannette umukinnyi wa filime nyarwanda.Iyi filime ikinamo bamwe mu bakinnyi ba filime bakunzwe barimo Kami na James.

Kamwe mu duce tugize iyi filime kamaze icyumweru kagiye hanze, kamaze kurebwa n’abagera ku bihumbi 110 mu minsi irindwi gusa 

      3.     Papa Sava

Filime ya ' Papa Sava' ni imwe muri filime ziri kurebwa n'abatari bake b'abanyarwanda n'abanyamahanga.Iyi filime yakunzwe na  benshi barimo Ndimbati, Papa Sava, Madederi n'abandi.

Agace ka 873  kamaze kurebwa n’abagera ku bihumbi 115 mu minsi ine

      4.     City Maid

Filime izwi nka 'City Maid' ni imwe mu zikunzwe muri filime  nyarwanda igakinwa na benshi bamamaye muri uyu mwuga.

Iyi filime igaragaramo Ndayizeye Emmanuel wamenyekanye ku izina rya Nick n’abandi batandukanye yakunzwe na benshi, ndetse iracyakurura amarangamutima yabo.

5.Seburikoko

Filime ya Seburikoko yakinwe n'abakinnyi bamamaye binyuze muri sinema nyarwanda, ni imwe mu zikundwa. Iyi filime yakinnyemo Karisa Ernest uzwi nka Samusure aha yakinnye yitwa Rulinda, Uwamahoro Antoinette uzwi nka Siperansiya (Intare y'Ingore), Seburikoko uzwi nka Papa Sava n'abandi.

      6.     The Secret

Filime ' The Secret' ikunzwe muri filime nyarwanda ikinamo Bertin na Saranda bakunzwe cyane. Iyi filime igaruka ku buzima bw'urukundo,kwizwera cyane, gutakariza icyizere umuntu, ndetse n'inzira zo kunga abagize amakimbirane mu rukundo.

     7.    Umuturanyi

Filime ' Umuturanyi Series' ikunzwe muri nyinshi zikinwa mu Rwanda. Iyi filime ikundwa binyuze mu bakinnyi bakinamo nka Clapton Kibonge, Rufonsina n'abandi, ni imwe mu zirebwa na benshi bakunda filime nyarwanda, kuko isetsa abantu ikagaruka no ku buzima bwabo.

Iyi filime ya Clapton Kibonge ifite agace kamaze amasaha  agera kuri abiri kageze hanze aho kamaze kurebwa n’abantu barenga  ibihumbi 16.

      8.     Indoto Series

Indoto Series filime ikurikirwa na benshi mu Rwanda no hanze yarwo. Iyi filime ikinamo Muhire na Israel iri ku isonga muri filime nyarwanda zikurikirwa cyane.

      9.     Isi Dutuye

Isi dutuye ni imwe muri filime zitanga icyizere ikagaragaza kwaguka mu ishusho yayo. Iyi filime ikinamo Robert Mutabazi uzwi nka Mc Nario, Sarah Kampire ndetse na Sam ukina uzwi nka Paru Rukundo.

Iyi filime igaruka ku buzima n'ibibazo biboneka mu mibanire y'abantu.

Kamwe mu duce tumaze gushyirwa ahagaragara harimo akamaze amezi abiri kamaze kurebwa n’abagera ku bihumbi 181.

 10. My Heart

“My Heart” ni imwe muri filime za Killer Man  zigakurikirwa n’abatari bake.Iyi filime ikinamo Killerman, Ngenzi, Nana, Miss Nyambo  n’abandi, ikomeje gutanga inyigisho zitandukanye zijyanye n’imibanire y’abantu.

My Heart imwe muri filime za Killer Man ni imwe mu ziri gukurura benshi. Agace ka 175  kamaze kurebwa n’abagera ku bihumbi 12 mu masaha abiri.

“>Umuturanyi Series ni imwe muri Filime zikunzwe mu Rwanda 

“>

Amashusho ya Mbappe mwarimu arimo amukura amatwi amubwira ko ntacyo azimarira akomeje gutangaza benshi bitewe n'umushahara ubu Mbappe ahembwa n'uwo ubu mwarimu ahembwa.

 

Ku mbuga nkoranyambaga hakomeje kuzenguruka amashusho ya mwarimu wa Mbappe arimo amukurura amatwi kera akiri umwana, amubwira ko ari umunyeshuri mubi ndetse ko ntacyo azimarira.

Aya mashusho akomeje gutangaza benshi bitewe n'umushahara ubu Mbappe asigaye ahembwa n'uwo mwarimu ahembwa.

Kuri ubu mwarimu ahembwa amayero € 3440 ku kwezi  naho Mbappe agahembwa amayero €25000 ku isaha. Reba videwo

View this post on Instagram

A post shared by Oliver show (@oliver_show250)