Muri iyi minsi abantu benshi bitegura iminsi mikuru, no mu gihugu cya Kenya Kenya imyiteguro irarimbanije aho bari gushaka ibirugo ndetse n'ibindi byinshi byo gutaka amazu yabo kugira ngo iminsi mikuru ibasange basa neza ndetse bari kuba n'ahantu hasa neza.
Mu cyaro cyo mu Burengerazuba bw'iki gihugu cya Kenya, abantu baho bo bakoresha igitaka mu gutaka no kugira neza amazu yabo. Icyakora ntibyagenze neza kuko hari ibintu bibi byabaye byatunguye abantu benshi hirya no hino ku mbugankoranyambaga.
Amakuru ducyesha Radio yitwa Mulembe FM yo mu gihugu cya Kenya ikorera mu Burengerazuba bw'iki gihugu cya Kenya, bavuze ko abana babiri batabawe urupfu aho bari batabwe n'igitaka ubwo bari bari gucukura igitaka cyo gutaka amazu y'iwabo, mu kwitegura neza iminsi mikuru.Mu mashusho akomeje gusakara hirya no hino ku mbugankoranyambaga.
Abagabo babiri bagaragaye bari gucukura bitonze mu buryo bwo gutabara abo bana, ndetse bavuyemo bakiri bazima aho bahise bahabwa ubutabazi bw'ibanze kugira ngo barusheho gukomeza kumera neza ndetse bahise bajyanwa ku bitaro.
Â
Source: News Hub Creator
The post Kenya: Abana bataburuwe mu butaka aho bari bashyinguwe ari bazima appeared first on The Custom Reports.
Source : https://thecustomreports.com/?p=9588
Umuhanzi akaba n’umunyapolitiki,Youssou N’Dour ukomoka muri Senegal, wahoze ari Minisitiri w’Ubukerarugendo muri iki gihigu, niwe uyoboye abahanzi nyafurika binjije agatubutse mu 2023. Ku mutungo wa Miliyoni 147.5 z’Amadolari, ngo uyu mwaka yabashije kubona amafaranga menshi ayavanye mu bikorwa by’ubucuruzi bwa resitoro zigera kuri 4 afite muri Senegal, ibitaramo yakoreye mu bihugu by’i Burayi birimo u Bufaransa, Danmark n’u Bubiligi.
Aliaume Damala Badara Akon Thiam wamamaye nka Akon mu muziki, ni umwe mu bahanzi nyafurika bakomeye ndetse akaba n’umushabitsi. Uyu mugabo utunze Miliyoni 90 z’Amadolari niwe muhanzi nyafurika ukize. Mu 2023 Akon yabashije kwinjiza amafaranga atari make binyuze muri label ye ya ‘Konvict Music Label’ yasinyishijemo abahanzi bashya barimo na nyakwigendera Costa Titch wo muri Afrika y’Epfo.
Don Jazzy, umuhanzi akaba anatunganya umuziki ndetse akaba na nyiri nzu y'umuziki ya Marvin Records irimo abahanzi bari ku ibere ry’umuziki nka Rema hamwe na Ayra Starr. Don Jazzy ku mutungo wa Miliyoni 57 z’Amadolari niwe muhanzi nyafurika wa Gatatu winjije agatubutse mu 2023. Ibi ngo abikesha iyi label ye irimo abahanzi bagezweho hamwe n’urubuga rucuruza ibyo kurya kuri murandasi ruzwiho kugira icyitwa ‘Jazzy Burger’ ikunzwe muri Nigeria.
Umuhanzi akaba n’umwanditsi w’indirimbo Nkosinathi Innocent Maphumulo uzwi cyane nka Black Coffee mu muziki, akomoka muri Afurika y’Epfo akaba ari nawe muhanzi wa Kane winjije agatubutse mu 2023. Kuri Miliyoni 46.8 z’umutungo we, Black Coffee mu 2023 yinjije amafaranga menshi binyuze mu bikorwa by’umuziki n’ibyo kwamamaza. Yasinyanye na Axe yamamariza imibavu y’abagabo hamwe na kompanyi ya telefone ya Samsung.
Itsinda ry’abavandimwe b’impanga Peter na Paul Okoye bamamaye nka P-Square mu muziki, bari ku mwanya wa Gatanu mu bahanzi nyafurika binjije amafaranga menshi mu 2023. Iri tsinda rifite umutungo wa Miliyoni 37.26 z’Amadolari, mu 2023 babashije kwinjiriza mu bitaramo bakoreye i Burayi no mu bindi bihugu byo muri Afurika.Ibi bitaramo babikoze nyuma yo gutangaza ko bongeye kwiyunga bagasubirana nyuma y’imyaka 7 yari ishize badacana uwaka.
Icyamamare mu muziki w’Abafaransa, Gandhi Alimasi Djuna uzwi cyane nka Maitre Gims, ni umuraperi n’umuririmbyi ukomoka muri Congo gusa akaba abarizwa mu Bufaransa. Uyu mugabo wazamukiye mu itsinda rya ‘ Sexion d’Assaut’, afite umutungo wa Miliyoni 30.4 z’Amadolari. Mu 2023 Maitre Gims yabashije gusarura menshi ayakesha label yashinze yitwa MMC (Monstre Marin Corporation), hamwe no kuba umwe mu bagize akanama nkemurampaka k’amarushanwa ya ‘The Voice’ mu Bufaransa.
Umuhanzi David Adeleke Adedeji, uzwi cyane nka Davido niwe uri ku mwanya wa 7 mu bahanzi nyafurika binjije agatubutse mu 2023. Uyu mwaka Davido yasohoye album nshya yise ‘Timeless’ iri kumwinjiriza hirya no hino ku mbuga zicuruza umuziki. Uyu muhanzi kandi ngo yishyuwe menshi ngo yamamaze inzoga ya ‘Martell’, ndetse ngo label ye DMW (Davido Music Worldwide) yaramwinjirije hamwe no kuba ari mu bahanzi nyafurika bishyurwa neza kuri Instagram dore ko post ye imwe yishyurwa $131,000 bikamushyira ku mwanya wa 61 mu byamamare 100 byishyurwa neza kuri uru rubuga.
Ku mwanya wa Munani turahasanga umuhanzi Adoyeji Bologun uzwi nka Wizkid na Miliyoni 26 z’Amadolari. Mu 2023 Wizkid yinjije amafaranga menshi binyuze mu bikorwa bye by’umuziki cyane cyane ku mafaranga album ze zinjirije ku mbuga zicuruza umuziki. Uyu muhanzi kandi yahawe amafaranga menshi na kompanyi yamamariza zirimo Pepsi, Puma hamwe na MTN Nigeria.
Umuhanzi Damini Ogulu wamamaye nka Burna Boy niwe uza ku mwanya wa Cyenda n’umutungo wa Miliyoni 16 z’amadolari. Mu 2023 Burna Boy yasohoyemo album yise ‘I Told Them’ iri kumwinjiriza kongeraho n’ibitaramo yakoze mu Burayi harimo icy’amateka yakoreye mu Bwongereza maze akuzuza sitade ya London 02 Arena. Yabashije kandi kubona amafaranga menshi aturutse mu kwamamaza inzoga ya Hennessy hamwe n’ikinyobwa cya Star Lager.
Umuhanzi ukomeye wo muri Congo akaba n’umubyinnyi kabuhariwe, Fally Ipupa N’simba, niwe usoza urutonde rw’abahanzi nyafurika binjije agatubutse mu 2023 n’umutungo wa Miliyoni 13.6 z’Amadolari. Mu 2023 Fally Ipupa ngo yagiye yishyurwa n’abahanzi batandukanye bakoranye nawe (Featuring), ibitaramo yakoreye mu bihugu bya Afurika bivuga ururimi rw’Igifaransa, ndetse anishyurwa neza mu kuba umukemurampaka mu marushanwa ya ‘The Voice Afrique Francophone’.
