Webrwanda Backend

Category: Uncategorized

  • The Ben na Pamella bahanzwe amaso! Ubukwe buh… – #rwanda #RwOT

    Niba ukurikiranira hafi biragoye kuba kuva muri 2019 ubwo hatangiraga kunugwanugwa inkuru z'urukundo rwa The Ben na Pamella kugeza uyu munsi, waba utarumva ko ubukwe bwabo buri mu mpera z'umwaka wa 2023, kuko ibyo kuba bakundana byo abanyarwanda bose bamaze kubimenya yewe na benshi mu bakurikiranira hafi imyidaduro y'Akarere.

    Dore ko aba bombi bakomeje kugenda bagaragara bari kumwe mu bihugu bitandukanye birimo Uganda, Tanzania, u Burundi n'ibindi binyuranye, sibwo bukwe bwa mbere bw'ibyamamare nyarwanda bubaye ariko buri mu bwitezwe na benshi muri iki gihe.

    Ahanini bishingiye ku mazina aremeye abagiye kurushinga bafite kimwe no ku bintu by'udushya byatangiye ku buranga mu bihe by'imyiteguro birimo kuba baramaze gufungura urubuga uwifuza kabatwerera cyangwa kugura itike yo kuzabwitabira yakwifashisaha ruzwi nka thebenandpamella.com bakaba kandi bazakomeza ku rwifashisha banyuzaho amakuru anyuranye y'ubuzima bwabo yaba muri ibi bihe na nyuma yabyo.

    Uzumva hari abakora ikigereranyo ko binyuze mu ntwererano, The Ben na Pamella bashobora kuzabona abarirwa muri za  Miliyari.

    Hamwe n'iyi nkuru igezweho twifuje kugira ngo tubagezeho ubundi ubukwe bwigeze kubaho mu mateka y'Isi bwatwaye akayabo, burimo ubwatwaye Miliyari zisaga 110Frw.

    (10) Ubukwe bwa Elizabeth Taylor na Larry Fortensky

    Aba bombi bakaba barasezeranye mu mwaka wa 1991, ubukwe bwabo butwara arenga Miliyari 4Frw, bwitabiriwe n'abatumirwa 160, bubera mu gace ka Michael Jackson's Neverland muri Santa Yney Valley ho muri California.

    Ni ubukwe bwitabiwe n'ibyamamare bitandukanye byo muri Hollywood, amafaranga menshi akaba yaragiye mu gushaka abashinzwe umutekano ngo ubukwe bwaba bombi bubashe kurangira mu mahoro, aho abarenga 100 bahawe akazi barimo n'uwahoze ari umusirikare w'igihugu cya Israel.

    Umugore muri ubu bukwe yaserukanye ikanzu ya Miliyoni zisaga 250Frw, baje gutandukana nyuma y'imyaka 5 babanye gusa bakomeza kuba inshuti magara kugera muri 2011 ubwo Taylor yitabaga Imana.

    (09) Ubukwe bwa Liza Minnelli na David Gest

    Bwatwaye arenga Miliyari 4.2Frw, bwabaye mu mwaka wa 2002, bubera muri New York, bwitabiriwe n'abantu 600. Mu busanzwe Liza akaba ari umuririmbyi wigwijeho ibigwi mu gihe David yari umwe mu bashakira amasoko abahanzi bagezweho byari ibicika.

    Ubukwe bwatashywe n'ibyamamare bitandukanye ndetse Michael Jackson ari mu basore bari bagaragiye umugeni. Ibyishimo byabo gusa ntiibyatinze kuko baje gutandukana ndetse nabi bidatinze.

    (08) Ubukwe bwa Chelsea Clinton na Marc Mezvinsky

    Arenga Miliyari 5Frw niyo yagiye ku bukwe bwaba bombi,  bwabaye muri Nyakanga 2010 bwitabirwa n'abarenga 500, bubera muri New York.

    Ubu bukwe bw'umukobwa w'uwahoze ari Perezida wa Leta Zunze Ubumwe za Amerika, Bill Clinton na Senateri Hillary Clinton buri mu bwavugishije benshi ku Isi kugeza n'ubu.

    Muri ubu bukwe umugeni yambaye ikanzu ebyiri, iyari ihenze ikaba yaratwaye asaga Miliyoni 200Frw mu gihe andi mafaranga yagiye mu bindi bintu bitandukanye birimo indabo za Miliyoni 500Frw, kurimbisha icyanya cyabereyemo ibi birori Miliyoni 600Frw, kimwe na Miliyoni 200Frw zishyuwe mu birebana n'umutekano.

    (07) Ubukwe bwa Wayne Rooney na Coleen McLoughlin

    Bwatwaye asaga Miliyari 8Frw,bwabaye mu mwaka wa 2008 bubera mu gace ka Cervara hafi ya Genoa ho mu  Butaliyani, bwitabiriwe n'abashyitsi b'imena 64 bo mu  Bwongereza.

    Amafaranga menshi yakoreshejwe muri ubukwe [Miliyari 4.2Frw], bakaba barayishyuwe n'ibinyamakuru byifuzaga amafoto yihariye y'ubu bukwe yo gukoresha mu nkuru zabo.

    (06) Ubukwe bwa Lolita Osmanova na Gaspard Avdolyan

    Ntibuzibagirana kubera amateka yaburanze n’akayabo kabugiyeho gahora kagaruka umunsi ku wundi. Bwabereye muri Los Angeles,mu mwaka wa 2017, bwatwaye arenga Miliyari 10Frw.

    Bwari ubukwe budasanzwe bw'umukobwa w'umunyemari kabuhariwe mu gihugu cy'u Burusiya, abahanzi baburirimbyemo ni  Jason Derula na Lady Gaga,byemezwa ko bishyuwe asaga Miliyari 2Frw.

    (05) Ubukwe bwa Michael Jordan na Yvette Prieto

    Bwabaye muri Mata 2013, butwara Miliyari zisaga 10Frw, bwitabiriye n'abantu 300 bubera muri Florida.

    Ubukwe bwabo bwasusurukijwe n'ibyamamare mu muziki nka Usher, K'John na Robin Thicke.

    (04) Ubukwe bwa Angelababy na Huang Xiaoming

    Bwabaye mu mwaka wa 2015,butwara asaga  Miliyari 31Frw, bwitabiwe n'abantu b’ibikomerezwa bagera ku bihumbi 2, bubera mu mujyi rurangiranwa mu Bushinwa wa Shangai.

    Bimwe mu bintu bitazibagirana muri ubu bukwe, ni umutsima muremure bari bakoresheje [Gato] kimwe n'imyambaro ya Dior bari bambaye.

    (03) Ubukwe bwa Prince William na Kate Middleton

    Buri mu bwatwaye akayabo ka Miliyari 34Frw ,hari mu mwaka wa 2011 imbere y'abantu 1900 bari bateraniye mu ngoro ya Westmister Abbey.

    Aba bombi bikaba byitezwe ko ntakabuza igihe kizagera bakaba aribo bafata intebe y'u Bwami bw'u Bwongereza nk'Umwami n'Umwamikazi.

    Umutekano ukaba uri mu byatwaye amafaranga menshi hamwe n’ikanzu yari yambawe na Kate Middleton y’asaga Miliyari 434Frw.

    (02) Ubukwe bwa Vanisha Mittal na Amit Bhatia

    Bwabaye mu mwaka wa 2004, bwitabirwa n'abantu 1000,bukaba bwaratwaye asaga Miliyari 66Frw.

    Mu gace Veau le Vicomte umuherwe uri mu ba mbere batunze agatubutse mu Isi, Lakshmi Mittal,yatunguje umukobwa we Vanisha Mittal ubukwe bw’akataraboneka.

    Umuhanzikazi Kylie Minoguwe ari mu baririmbiye abageni, yishyuwe Miliyoni zirenga gato 330Frw.

    Ntibyatinze ariko kuko baje gutandukana mu mwaka wa 2013.

    (01) Ubukwe bwa King Charles na Princess Diana

    Imyaka  42 irirenze  habaye  ubukwe budasanzwe mu Bwami bw'u Bwongereza.Bwabaye mu  1981 ubwo Umwami w'u Bwongereza uriho ubu yasezeranaga na nyakwigendera Princess Diana.

    Aba bombi bakaba aribo babyaranye Prince Harry na Prince William amazina aremeye Isi ya none.

    Ubu bukwe bwabereye muri Katederali ya St Paul, bukaba bwaritabiwe n'abanyacyubahiro bagera ku 3500.

    Bwatwaye akayabo k'asaga  Miliyari 110Frw,nubwo hari kera ariko binyuze kuri televiziyo zitandukanye ku Isi bwakurikiwe na Miliyoni 750.

    Miliyoni 150Frw nizo zatanzwe mu kurimbisha ahabereye ibi birori byakoreshejwemo gato zinyuranye zigera kuri 27. 

    Source : https://inyarwanda.com/inkuru/137464/the-ben-na-pamella-bahazwe-amaso-ubukwe-buhenze-mu-mateka-yisi-harimo-ubwatwaye-asaga-mili-137464.html

  • Isengesho ryihariye rya Chiffa wari umukunzi… – #rwanda #RwOT

    Urukundo ni ikintu gikomeye dore ko rushingiyeho byose ibiriho n'ibitakiriho dore ko n'abahanga bavuga ko Imana ari urukundo kandi ariyo yatanaze byose mu buhanga bwayo.

    Uwo rufashe bikaba biba ibindi byagera ku wagize umugisha wo kubona uwo baganira ku ngingo y’uko bazabimana iminsi yose kugeza iryinyo ribaye  rimwe imvi zikaba uruyenzi bikaba ibindi.

    Iyi si rero nayo igira ibyayo hari ubwo igira itya ikajyana uwo mwari mufitanye uwo mushinga kure yawe bitewe n'impamvu runaka zirimo n’iyo gutabaruka.

    Ibi bikaba aribyo byabaye ku mukobwa mwiza wamenyekanye muri Kanama 2022 ubwo Yvan Buravan yitabaga Imana yitwa Chiffa Marty biteguraga kubana.

    Uyu mukobwa wababaye cyane aho kugeza ubu kuri Instagram habaho ifoto imwe rukumbi ya Yvan Buravan bari barahuje byose bakaganira bikagera kure no kumubare w'abana bazabyara.

    Yashyize hanze isengesho usoma mu rurimi rw'icyongereza ukumva ko akumbuye kandi yabuze ikimwomorera umutima  inguma z'urukundo zikinyenya.

    Ugenekereje mu Kinyarwanda Chiffa ati'Ndasengera uwo mukobwa waheze muri iyo nzira azi neza ko atari nziza kuri we.

    Umukobwa ushaka kureka ngo ibyo birangire ariko bikanga.

    Ndasengera uwo mukobwa wahungabanye usenga asaba urukundo akwiriye nyamara bitagishoboka ko yarubona.

    Ndasengera umutima wangiritse urira gukira.

    Kuri abo bangijwe n'ibihe byaje kubangiza.

    Ku bakobwa bato badatekanye. 

    Ndabasabira amahoro no gukira kw’imitima yabo.

    Abafite intekerezo zuzuye kujijinganya n'umubabaro.

    Mbashyize mu biganza by'Imana.

    Amina!'

    Yvan Buravan akaba ari umwe mu bahanzi babayeho mu mateka y'u Rwanda ku myaka mike, bubatse ibigwi bitangaje banigarurira imitima ya benshi.

    Ndetse kuri ubu ibitekerezo bye, ibihangano bye n'umurage yasize bikaba bikomeza kubungabugwa uko bucya bukira binyuze muri YB Foundation ubona ko Chiffa ari mu bayishyigikiye ugenadeye ku butumwa agenda anyuza kuri 'Instagram Stories'.

    Chiffa Marty wari umukunzi wa Yvan Buravan witabye Imana ibikomere biracyari byoseChiffa yashyize hanze isengesho rigaragaza uko kugeza ubu yiyumva anazirikana abameze nkawe

    Source : https://inyarwanda.com/inkuru/137462/isengesho-ryihariye-rya-chiffa-wari-umukunzi-wa-yvan-buravan-wanze-kwakira-ko-yagiye-137462.html

  • Abafashe telefone za “macye macye” basigaye bashyira amafaranga kuri konte zabo bwacya bakayabura, kandi baramaze kwishyura – YEGOB #rwanda #RwOT

    Abafashe telefone za 'macye macye' basigaye bashyira amafaranga kuri konte zabo bwacya bakayabura, kandi baramaze kwishyura

    Mu minsi ya shize bamwe mu baturage bagiye bafata telefone za macye macye zazanywe na MTN, bazindukiye ku cyicaro kibishinzwe bajya guteza ingaru.

    Ni nyuma yuko aba bantu bataka ko bamaze kwishyura ideni bayirimo ariko ikaba ikomeza kugenda iboroka (ifunga) telefone zabo ntayindi mpamvu ihari.

    Ngo si ibyo gusa kuko bavuga ko basigaye bashyira amafaranga kuri konte zabo bwacya bakayabura kandi baramaze kwishyura ideni ryizo telefone.

    Ndetse igitangaje ngo ntibatwara make kuko ushobora no gusigaho ibihumbi 200 bugacya atariho.

    MTN ivuga ko iki kibazo cyabayeho ariko ko ubu cyamaze gucyemurwa. Ni mu gihe abaturage bo barekarama gusubizwa ayabo.

    Source : https://yegob.rw/abafashe-telefone-za-macye-macye-basigaye-bashyira-amafaranga-kuri-konte-zabo-bwacya-bakayabura-kandi-baramaze-kwishyura/

  • Ntabwo akiri ingaragu! Umunyamakuru w’imikino kuri RBA yakoze ubukwe n’umukunzi we yatoranyije mu bandi – AMAFOTO – YEGOB #rwanda #RwOT

    Umunyamakuru w'imikino kuri RBA ishami rya Nyagatare, Olivier Tuyishimire yakoze ubukwe n'umukunzi we Niyodusenga Antoinette.

    Radio Nyagatare uyu musore akoreraho, ibinyujije ku rukuta rwayo rwa X, yifutije urugo ruhire uyu munyamakuru wabo.

    Ati 'Twifurije urugo ruhire umunyamakuru wacu Olivier Tuyishimire warushinganye na Niyodusenga Antoinette. Imana izabe mu ruhande rwanyu.'

    Source : https://yegob.rw/ntabwo-akiri-ingaragu-umunyamakuru-wimikino-kuri-rba-yakoze-ubukwe-numukunzi-we-yitozanyije-mu-bandi-amafoto/

  • “Ubuse hari umuntu utaziko 7+1=8?” Kiyovu Sports yageneye ubutumwa buhabura Rayon Sports habura amasaha 24 ngo besurane – AMAFOTO – YEGOB #rwanda #RwOT

    Ikipe ya Kiyovu Sports yageneye ubutumwa buhabura Rayon Sports, mu gihe habura uminsi umwe gusa ngo izi kipe zesurane.

    Abafana ba Kiyovu Sports bafashe urupapuro maze bandikaho umubare 7, babinyujije ku rukuta rw'ikipe yabo ya Kiyovu Sports, bagira bati 'Ubuse hari umuntu utaziko 7+1 =8?'

    Bishatse kuvuga ko Kiyovu Sports imaze imikino 7 idatsindwa na Rayon Sports, rero bakaba bashatse kuvuga ko ku mukino bafitanye ejo ku wa kabiri uzaba umukino wa 8 Rayon Sports itabatsinda.

    Source : https://yegob.rw/ubuse-hari-umuntu-utaziko-718-kiyovu-sports-yageneye-ubutumwa-buhabura-rayon-sports-habura-amasaha-24-ngo-besurane-amafoto/

  • Mu ibaruwa yandikishije intoki, uwari umunyamabanga mukuru mu ikipe yo mu Rwanda yeguye kumirimo ye – YEGOB #rwanda #RwOT

    Uwari umunyamabanga mukuru mu ikipe yo mu Rwanda yeguye kumirimo ye.

    Turakwamamariza kuri macye ashoboka. Uko yaba angana kose.

    Mu ibaruwa yandikishije intoki, Elia Byukusenge yasezeye ku mwanya w'Umunyamabanga Mukuru w'ikipe ya Etoile de l'Est.

    Source : https://yegob.rw/mu-ibaruwa-yandikishije-intoki-uwari-umunyamabanga-mukuru-mu-ikipe-yo-mu-rwanda-yeguye-kumirimo-ye/

  • Ku rutonde rwa Shampiyona, rurageretse hagati ya Rayon Sports WFC na AS Kigali WFC – YEGOB #rwanda #RwOT

    Shampiyona y'Icyiciro cya mbere mu mupira w'amaguru mu bagore, igeze aharyoshye, aho igeze ku munsi wa 10 gusa Rayon Sports WFC na AS Kigali WFC zamaze gusiga izindi.

    Rayon Sports WFC na AS Kigali WFC zombi zinganya amanota 28 ku rutonde rwa Shampiyona, aho izikurikiye zizirusha amanota 9.

    Source : https://yegob.rw/ku-rutonde-rwa-shampiyona-rurageretse-hagati-ya-rayon-sports-wfc-na-as-kigali-wfc/

  • Hagamijwe kuburizamo amatora muri Kivu y'Amajyepfo, ububiko bw'ibikoresho by'amatora mu mujyi wa Bukavu byahawe inkongi! #rwanda #RwOT

    Amakuru ava i Bukavu, umujyi mukuru w'Intara ya Kivu y'Amajyemo, aravuga ko kuri iki cyumweru ububiko bwa Komisiyo y'Amatora bwatwitswe, bugakongoka uko bwakabaye.

    Ayo makuru aravuga ko muri iyo nzu hahiriyemo ibikoresho byose byagombaga kwifashishwa mu matora rusange, arimo n'ay'umukuru w'igihugu ateganyijwe mu minsi 9 gusa iri imbere.

    Mu byakongotse harabarurwamo imashini za mudasobwa 1700, lisite z'abemerewe gutora, impapuro ziriho amafoto n'amazina y'abakandida n'ibindi.

    Icyaba cyateye iyi nkongi y'umuriro ntikirasobanuka, icyakora abakandida bahanganye na Félix Tshisekedi barashinja ubutegetsi kuba inyuma y'ubu bigizi bwa nabi, ngo bugamije kuburizamo amatora muri iriya ntara ya Kivu y'Amajyepfo, binavugwa ko Tshisekedi atahafite abanywanyi benshi.

    Hari n'abemeza ariko ko ibyabaye ari nk'ukinamico, kuko hakekwa ko n'ibyo bikoresho bivugwa ko byahiye ahubwo nta n'ibyigeze bihazanwa, hakaba rero ngo hatwitswe iyarara ry'ibyashaje, byakoreshejwe mu matora yandi yatambutse.

    Mu gihe rero Kivu y'Amajyepfo yakwamburwa uburenganzira bwo gutora, yaba yiyongerwye kuri teritwari za Rutshuru na Masisi zo muri Kivu y'Amajyaruguru, dore ko byamaze kwemezwa ko zo zitazatora ngo kubera ikibazo cy'intambara, nk'uko byanashimangiwe na Perezida Tshisekedi ubwe.

    Umutwe wa M23 wigaruriye twinshi mu duce tugize izo Teritwari, usaba ko habaho ibiganiro na Leta, intambara igahagarara, bityo abaturage bose bakabasha kwihitiramo abayobozi. Ibi Leta ya Kongo ntibikozwa.

    Hagati aho igihugu cya Angola cyatangaje ko kitazabasha kubahiriza icyifuzo cya Leta ya Kongo, yari yasabye Angola kuyitiza indege zakoreshwa mu gukwirakwiza mu duce tunturanye ibikoresho by'amatora, dore ko ahenshi ibyo bikoresho bitarahagera.

    Abakurikiranira hafi ibyo muri Kongo barasanga Leta yari izi neza ko izo ndege za Angola zitazaboneka, ahubwo ikaba yarishakiraga urundi rwitwazo rwo gusobanura impamvu amatora adashoboka mu duce twinshi, cyane cyane ahiganje abayoboke b'umukandida Moïse Katumbi, uhangayikishije cyane Félix Tshisekedi.

    Mu gihe cyo kwiyamamaza hari uduce Tshisekedi yavugirijwemo induru, bamwita umujura n'umubeshyi, byongera kumwereka ko gutuka uRwanda na Perezida Kagame birahagije mu kwigarurira imitima y'Abakongomani, ko ahubwo agomba gushaka ubundi buriganya bwo kuburizamo amatora, yaramuka anabaye hagategurwa amayeri yo kwiba amajwi.

    Impungenge rero zikomeje kuba nyinshi ko aya matora ya Kongo ashobora gukurura imidugararo ndetse izamena amaraso menshi, yiyongera ku ntambara n'amacakuviri bisanzwe byarayogoje iki gihugu. Ni amatora ashobora kongera ibinyoro mu bibembe.

    The post Hagamijwe kuburizamo amatora muri Kivu y'Amajyepfo, ububiko bw'ibikoresho by'amatora mu mujyi wa Bukavu byahawe inkongi! appeared first on RUSHYASHYA.

    Source : https://rushyashya.net/hagamujwe-kuburizamo-amatora-muri-kivu-yamajyepfo-ububiko-bwibikoresho-byamatora-mu-mujyi-wa-bukavu-byahawe-inkongi/?utm_source=rss&utm_medium=rss&utm_campaign=hagamujwe-kuburizamo-amatora-muri-kivu-yamajyepfo-ububiko-bwibikoresho-byamatora-mu-mujyi-wa-bukavu-byahawe-inkongi

  • Koffi Olomide yashimiye umugabo wamukuye mu mazi abira #rwanda #RwOT

    Koffi Olomide wagombaga gutabwa muri yombi akabuzwa kuririmba mu gitaramo yari afite muri Kenya kubera amadeni yari abereyemo abashinzwe kwamamaza ibitaramo [ Jules Nsana Production ], yatabawe n'uwitwa Wajackoya wahagaritse Police yari ije gufata uyu muhanzi.

     

    Umugabo uzwi nka Proffessor Wajackoya, niwe wakuye mu mazi abira  Koffi Olomide wari ugiye gufungwa akabuzwa kuririmba mu gitaramo cyebereye mu Mujyi wa Nairobi.

    Koffi Olomide yari yashyiriweho impapuro zo kumufata bakamuta muri yombi  na Jules Nsana Production, kubera ibyo yakoze muri 2016 ubwo yashinjwaga gukubita umubyinnyi we ari kukibiga cy'Indege akagenda atishyuye cyangwa ngo aririmbe nk'uko yari yishyuwe.

     

    Jules, bavuga ko yananiwe kwishyura amafaranga y'ibyo yari yariye, aho yari yaraye, ndetse n'ibindi bitandukanye dore ko yasabwaga Miliyoni 7.Amakuru , avuga ko Police yagiye kucyumba aho Koffi Olomide yararaga mbere y'umunsi umwe ngo igitaramo kibe, bakahahurira na Proffessor Wajackoya akamufasha.

     

    Muri iki gitaramo Koffi Olomide yari yambaye , ikoti ry'umweru, inkweto z'umweru z'abagore ndetse n'isapo w'umweru iriho ibendera ry'Igihugu cye cya Congo,Grand Mopao, yaririmbye kugeza ubwo yavuye kurubyiniro bose bifuza ko yazagaruka.

    Iki gitaramo cyabereye ahitwa ASK Dome , muri Kenya mu Mujyi wa Nairobi , kiba kuri uyu wa Gatandatu tariki 09 Ukuboza 2023.Ubwo yari ageze ku rubyiniro abakunzi be bafatanyije nawe , bararirimbana karahava bamwerekako indiririmbo ze bazizi.

     

    Uyu muhanzi waririmbaga anabyina, yazanye umugore we kurubyiniro , baririmbana indirimbo ngo bafatanyije kwandika.Nyuma yo kuririmba , Koffi Olomide, yanditse kumbuga Nkoranyambaga ze ati:'Mwakoze Kenya'.

     

    The post Koffi Olomide yashimiye umugabo wamukuye mu mazi abira appeared first on The Custom Reports.

    Source : https://thecustomreports.com/koffi-olomide-yashimiye-umugabo-wamukuye-mu-mazi-abira/

  • Bruce Melodie yerekeje muri Amerika #rwanda #RwOT

    Umuhanzi Nyarwanda, Bruce Melodie yasubiye muri Leta Zunze Ubumwe za Amerika aho afite igitaramo gisoza umwaka wa 2023 azahuriramo n’Abanyarwanda.

    Bruce Melodie yaherukaga muri USA ubwo yataramiraga mu gitmaramo yahuriyemo na Shaggy tariki ya 28 Ugushyingo 2023.

    Yahise agaruka mu Rwanda aho yagombaga kuririmba mu gitaramo cya ‘Move Afrika’ muri Kigali Arena cyabaye ku wa 6 Ukuboza 2023 yahuriyemo na Kendrick Lamar.

    Ejo hashize ku Cyumweru tariki ya 10 Ukuboza 2023 yafashe rutemikirere asubira muri Amerika aho n’ubundi azahurira na Shaggy ku rubyiniro tariki ya 16 Ukuboza 2023.

    Nyuma y’iki gitaramo biteganyijwe ko tariki ya 30 Ukuboza 2023, Bruce Melodie azataramira mu Mujyi wa Portland ku wa 30 Ukuboza 2023 mu gitaramo cyo gusoza umwaka.

    Bruce Melodie yasubiye muri Amerika

    Source : http://isimbi.rw/imyidagaduro/article/bruce-melodie-yerekeje-muri-amerika