Category: Uncategorized

Inkuru nziza ku bakunzi ba Rayon Sports ndetse n’abakunzi b’umupira w’amaguru muri rusange ni uko rutahizamu wa Rayon Sports, Rudasingwa Prince wajyanywe kwa muganga atumva ubu ameze neza yasubiye mu rugo.

Hari mu mukino w’umunsi wa 22 wa shampiyona y’icyiciro cya mbere mu Rwanda umwaka w’imikino wa 2023-24 wakinwe ku munsi w’ejo hashize ku wa Gatanu tariki 23 Gashyantare 2024 aho Rayon Sports yari yakiriye Musanze FC saa 18h00′ kuri Kigali Pelé Stadium, umukino warangiye ari 1 cya Musanze FC ku busa bwa Rayon Sports.

Umukino ubwo wari ugeze ku munota wa 88, Rayon Sports irimo irwana no kwishyura ni bwo habayeho iyi mpanuka, bateye umupira mu kirere maze Muhire Anicet wa Musanze FC azamuka mu kirere ahura na Rudasingwa Prince na we wari wazamutse bashaka gukina uyu mupira n’umutwe, maze bakubitana imitwe.

Bombi bahise bikubita hasi bamera nk’abataye ubwenge maze abakinnyi bagenzi ba bo baba ari bo batabaza.

Wahise ubona ko ibintu kuri Stade bihinduye isura, mu gihe bari bategereje abagaganga, abakinnyi batangiye gutanga ubutabazi bw’ibanze, bahungiza.

Gusa rutahizamu wa Rayon Sports, Rudasingwa Prince wabonaga ari we wagize ikibazo gikomeye aho barimo barwana no kugarura ururimi kuko rwari rwagiye.

Ubundi iyi mvune yitwa “Concussion”, iterwa no kunyeganyega k’ubwonko, umuntu agahita amera nk’utaye ubwenge aho n’ururimi ruhita rumanuka rukajya gufunga mu buhumekero ari na yo mpamvu iyo umuntu agize iki kibazo bahita barwana na gutuma rutagenda kuko iminota 5 gusa iba ihagije ngo ahite yitaba Imana nk’uko umuganga wa Rayon Sports, Mugemana Charles yabibwiye ISIMBI.

Byabaye ngombwa ko imbangukiragutabara yinjira mu kibuga maze Rudasingwa ahita ajyanwa kwa muganga aho yajyanywe kuri CHUK.

Bamunyujije mu cyuma basanga nta kibazo ubwonko bwagize, yagaruye agatege ndetse saa saba z’ijoro arasezererwa arataha ubu ari mu rugo arimo kunywa imiti yandikiwe.

Ku rundi ruhande ariko na Muhire Anicet wari wasigaye ku kibuga yakomeje kuremba biba ngombwa ko ajyanwa kwa muganga mu modoka isanzwe. Gusa na we ameze neza akaba yasezerewe mu bitaro.

Mu mpera za 2023 ni bwo Rema Namakulah yatangaje ko azakorera igitaramo Melodie Of Love kuri Hoteli ya Sheraton kuwa 23 Gashyantare 2024.

Umunsi wageze abantu benshi baritabira ndetse abahanzi banyuranye bamufasha gususurutsa abakunzi be batari bacye bari baje gutaramana na we.

Igitaramo kigana ku musozo ni bwo uyu muhanzikazi yakiriye ku rubyiniro The Ben bafatanya kuririmbana indirimbo yabo 'This Is Love' ibintu byazamuye ibyishimo byabitabiye.

The Ben yagaragaje ko byamunyuze abinyujije ku mbuga nkoranyambaga ze ati'Rema uri icyamamare, uri udasanzwe, newe ishema na we. Mwakoze Uganda mubyemere mubyizera ndabakunda birenze.'

Ubwo aba bombi baririmbanaga Rema yageze kumukagaro w'indirimbo uvuga nkoraho asaba The Ben kumukoraho undi na we arabikora arangije ati'Ngukozeho.'

Uyu muhanzikazi yumvikanaga kandi abaza ati'Abanya-Kigali murihe.' Mu gusoza The Ben yabwiye abaraho bose ko akunda Rema amurata amashimwe amubwira ko yakoze igitaramo cyiza anashima abitabiye kuba baje gushyigikira Rema.

Indirimbo 'This Is Love' iri muzagize igikundiro cyo hejuru kuva yajya hanze kuwa 30 Ukuboza 2020 imaze kurebwa na Miliyoni zisaga 8 ku rubuga rwa YouTube.

Mu bitekerezo abafana batanze bagaragaragaje ko bishimiye uburyo The Ben na Rema bahuje ku rubyiniroNtabwo byari byitezwe ko The Ben ataramira abitabira igitaramo cya Melodie Of Love cya RemaThe Ben yashimiye abitabiriye igitaramo cya Rema agaruka ku rukundo akunda Uganda igihugu yanavukiyemo

 

Ibyishimo ni ibyishimo ku baturarwanda aho bari kwihera ijisho isiganwa ry’amagare rya Tour du Rwanda riri kuba ku nshuro ya 16 guhera tariki 18 Gashyantare kuzageza ku Cyumweru taliki 25.

Kuri uyu Gatanu hakinwaga agace ka 6 kavaga mu karere ka Musanze kerekeza mu mujyi wa Kigali aho kasorejwe kuri Mont Kigali mu ntera ingana n’ibilometero 93,3.

Kegukanwe na Peter Joseph Blackmore ukomoka mu gihugu cy’u Bwongereza akaba yakoresheje igihe kingana n’amasaha 2, iminota 12 n’amasegonda 44.

Uyu musore ukiri muto w'imyaka 21 asanzwe akinira ikipe ya Israel Premier Tech, kwegukana aka gace byahise bituma anayobora urutonde rusange kugeza ubu muri Tour du Rwanda ya 2024 yambara umwenda w’umuhondo awambuye Lecerf William .

Nubwo uyu mukinnyi ariwe wegukanye agace ariko ntabwo ariwe wahembwe gusa kubera ko hatangwa ibihembo no ku bandi bakinnyi baba bitwaye neza.

Muri ibi bihembo harimo n’igitangwa na MTN ibinyujije muri MOMO aho iri guhemba umukinnyi mwiza ukiri muto w’Umyafurika muri iyi Tour du Rwanda.

Uyu munsi cyatwawe na Aklilu Arefayne usanzwe ukinira Eritrea n’ubundi wanagitwaye mu duce duheruka 5 duheruka .

Uyu mukinnyi wavutse muri 2004 asanzwe akinira ikipe ya Wanty-ReUz-Technord yo mu Bubiligi.

Muri Tour du Rwanda, MTN irakangurira abakiriya bayo gahunda ya 'BivaMomoTima'

Ubu bukangurambaga bumaze imyaka ibiri, bugamije gushishikariza abantu kohererezanya amafaranga bakoresheje telephone.

Umuyobozi wa MTN Mobile Money muri MTN Rwanda, Chantal Kagame ati 'Ni ho hantu tugiye gushyira imbaraga, 2024 uzaba umwaka w'impano gusa nk'uko twabibabwiye.'

'Kwizigamira no kuguriza ni kimwe mu bintu tuzibandaho kuko tuzi ko bigira uruhare mu gukura k'ubukungu bw'Igihugu, kandi bifasha n'abakiriya bacu kuva ku rwego rumwe bakajya ku rundi, ari abatangira ubucuruzi, ari abashaka kwizigamira kugira ngo abana babo bazabashe kujya ku ishuri; turimo kureba ngo ni gute twakwigisha abantu kwizigamira bitabababaje.'

Jean Paul Musugi ushinzwe ubucuruzi muri MoMo, avuga ko abakiriya bazajya binjira muri iyi poromosiyo bakanze *182*16#, ubundi bishyure bakoresheje MoMo Pay inshuro nyinshi zishoboka.

Ati 'Abacuruzi na bo turabashishikariza gusaba ababagana kubishyura kuri MoMo pay zabo kugira ngo babashe kubona ibihembo.'

Buri cyumweru hazajya hatangwa ibihembo birimo amafaranga ibihumbi 100 Frw, ibihumbi 500 Frw, ndetse Miliyoni 1 Frw, ndetse na moto.

MTN ibinyujije muri MOMO yahembye Aklilu Arefayne  nk’Umunyafurika mwiza ukiri muto mu gace ka Gatandatu 

Aklilu Arefayne  yahembwe na MTN ibinyujije muri MOMO 

Guhera tariki 18 Gashyantare 2024 mu Rwanda hari kubera isiganwa ry’amagare ngarukamwaka rizenguruka ibice bigize u Rwanda rya Tour du Rwanda 2024.

Kuri uyu Gatanu hakinwaga agace ka 6 kavaga mu karere ka Musanze kerekeza mu mujyi wa Kigali aho kasorejwe kuri Mont Kigali mu ntera ingana n’ibilometero 93,3.

Kegukanywe na Peter Joseph Blackmore ukomoka mu gihugu cy’u Bwongereza akaba yakoresheje igihe kingana n’amasaha 2, iminota 12 n’amasegonda 44.

Uyu musore ukiri muto w'imyaka 21 asanzwe akinira ikipe ya Israel Premier Tech, kwegukana aka gace byahise bituma anayobora urutonde rusange kugeza ubu muri Tour du Rwanda ya 2024 yambara umwenda w’umuhondo awambuye Lecerf William .

Umuterankunga mukuru muri Tour du Rwanda y’uyu mwaka ,Amstel niyo yahembye Peter Joseph Blackmor dore ko n’ubundi muri rusange ariyo ihemba umukinnyi wegukanye agace.

Amstel yatekereje ku bakiriya bayo muri Tour du Rwanda,yazanye ibintu bidasanzwe kandi bishimishije bigamije gushimangira ubusabane mu nshuti no kugera ku byifuzwa kuri Tour du Rwanda.

Kuri ubu Amstel yazanye uburyo bwo gusiganwa ku magare kuri internet (E-Race) bugakorerwa ahantu hazwi cyane, nka Maison Noir, Molato, Plazzo, na Clausy Bar.

Ubu buryo buri kugarukwaho cyane, kikaba ikimenyetso ko Amstel itanga ibihe ibitazibagirana mu nshuti. Ariko ibyishimo ntabwo bigarukira aha gusa.

Muri Tour du Rwanda, Amstel yazanye abacuruzi bayo.

Umuyobozi Ushinzwe Iyamamazabikorwa muri Bralirwa, Madamu Martine Gatabazi, yavuze ko kuri iyi nshuro bazashimangira ubudasa bwa Amstel nk’ikirango cyo guhitamo mu nshuti kandi banubahiriza amategeko agenga ibyo kunywa.

Amstel niyo yahembye Peter Joseph Blackmor wegukanye agace ka Gatandatu

Peter Joseph Blackmor ahabwa umwambaro wa Amstel

Amstel niyo iri guhemba umukinnyi wegukanye agace muri Tour du Rwanda y’uyu mwaka wa 2024

Peter Joseph Blackmor  mu mwambaro wa Amstel 

Mu mukino warangiye rutahizamu wa Rayon Sports, Rudasingwa Prince ajyanywe kwa muganga atumva, Musanze FC yatsinze Rayon Sports 1-0.
Ni wo wari umukino ufungura imikino y’umunsi wa 22 wa shampiyona y’icyiciro cya mbere mu Rwanda umwaka w’imikino 2023-24, aho Rayon Sports yari yawakiriye kuri Kigali Pelé Stadium saa 18h00′ ku itara.

Iminota ya mbere y’igice cya mbere wabonaga Rayon Sports irimo isatira cyane ndetse ibona uburyo nk’umupira Charles Baale yateye ariko Muhire Anicet akawushyira muri koruneri itagize icyo itanga.

Aya mahirwe yakurikiwe n’indi mipira ibiri ya kufura yatewe na Kalisa Rashid ariko Muhawenayo Gad akayikuramo.

Musanze FC na yo yabonye amahirwe, nk’imipira Udo Inok na Adeyinka bateye ariko ikanyura hanze gato y’izamu.

Niginama Patrick Mbogamizi na we yagerageje ishoti ku munota wa 38 ariko umunyezamu Khandime Ndiaye awukuramo. Amakipe yombi yagiye kuruhuka ari ubusa ku busa.

Rayon Sports yatangiye igice cya kabiri ikora impinduka, Iradukunda Pascal aha umwanya Iraguha Hadji.

Ku munota wa 67, Charles Baale yagerageje ishoti rikomeye ariko Muhawenayo Gad awukuramo.

Ku munota wa 73 Tuyisenge Pacifique wari winjiye mu kibuga asimbura Udo Inok, yatsindiye Musanze FC cya mbere.

Rayon Sports yabonye amahirwe akomeye ku munota wa 87 ariko Rudasingwa Prince awukubita igiti cy’izamu.

Ku munota wa 88 umukino wahagazeho iminota 6, ni nyuma y’uko Muhire Anicet Gasongo yagonganye na Rudasingwa Prince wa Rayon Sports. Prince yabaye nk’utaye ubwenge Ambulance yinjira mu kibuga kumutwara kwa muganga.

Ni nako na Gasongo na we byanze agira ikibazo ahita asimburwa. Yagiye hanze akomeza guhungizwa kuko na we wabonaga atameze neza. Byabaye ngombwa ko akurwa ku kibuga mu modoka isanzwe umukino urangiye.

Umukino warangiye ari 1-0. Indi mikino y’umunsi wa 22 izakomeza ku munsi w’ejo no ku Cyumweru.

45″ Igice cya mbere kirarangiye, amakipe yombi akaba agiye kuruhuka nta kipe n’imwe irebye mu izamu

Iminota ni 42 y’igice cya mbere, amakipe yombi akaba nta nimwe irareba mu izamu .

Umunnyi wa Musanze FC Salomon Adeyinka yagoye ikipe ya Rayon Sports cyane ndetse n’uburyo buganisha habi kuri Rayon Sports, ariwe uri kubutegura.

20″ Musanze FC ihushije igitego cyari cyabazwe ku mupira uzamukanwe na Nijyinama Patrick ahereza Sulley Mohammed ahita aroba umunyezamu wari wazamutse nabi, umupira ku bw’amahirwe make upira widunda iruhande rw’izamu ujya hanze.

Umunyezamu wa Musanze FC Muhawenayo Gad ubona ko atari muri uyu mukino neza, kuko imipira yose arimo guterwa kuyifata ngo ayikomeza biri kumugora.

12″ Rayon Sports ibonye kufura itewe na Arsene, Muhawenayo Gad awukuyemo umurusha imbaraga ukomeza ujya mu izamu, ariko ku bw’amahirwe ujya muri koroneri

10″ Rayon Sports ihushije igitego ku mupira uturutse muri koroneri, Gad awukuramo n’ibipfutsi usanga Bbaale ahagaze neza arekura ishoti rikomeye umupira Anicet awukoraho ujya muri koroneri.

18:02″ Umukino Uratangiye. Ikipe ya Rayon Sports niyo itangije umukino nk’ikipe yakiriye.

Rayon Sports yambaye imyenda yayo y’umweru de kuva hasi, aeriko irimo utubara tw’ubururu, mu gihe Musanze FC nayo yambaye imyenda y’umutuku kuva hasi ariko irimo utubara twumweru.

17:58″ Abakinnyi n’abatoza ku mpande zombi bagarutse mu kibuga mukanya umukino uraba utangiye

17:45″ Amakipe yombi asubiye mu rwambariro, akaza kugaruka umukino utangira.

Abakinnyi 11 Rayon Sports yabanje mu kibuga

Khadime Ndiaye

Muhire Kevin

Mitima Isaac

Nsabimana Aimable

Bugingo Hakim

Serumogo Ali

Iradukunda Pascal

Kalisa Rashid

Kanamugire Roger

Bbaale Charles

Tuyisenge Arsene

Abakinnyi 11 Musanze FC yabanje mu kibuga

Muhawenayo Gad

Nkurunziza

Kwizera Tresor

Muhire Anicet

Bakaki Shafik

Kokote Udo

Sulley Mohammed

Ntijyinama Patrick

Nduwayo Valeur

Mathaba  Lethabo

Solomon Adeyinka

Uyu mukino urabera kuri Kigali Pele Stadium kuva ku isaha ya saa 18:00 PM, ukaba umukino ubimburira indi y’umunsi wa 22. Rayon Sports iri mu bihe byiza mu buryo budasanzwe, ndetse ikaba ariyo ihabwa amahirwe yo gutsinda uyu mukino.

Mu mikino 5 iheruka ya shampiyona, Rayon Sports yasaruye amanota yose imbumbe kuko yayitsinze.

Musanze mu mikino yo kwishyura ntabwo byagenze neza nk’uko yari yaritwaye mu mikino ibanza, aho ubu mu mikino itanu iheruka gukina ifite amanota 8 kuri 15.

Rayon Sports ifite amanota 42 iri ku mwanya wa 2 ku rutonde rwa shampiyona, mu gihe Musanze FC iri ku mwanya wa 3 n’amanota 48, bivuze ko niyo yayitsinda itafata umwanya wa 2.

Ni ibintu bidakunze kubaho ko umukinnyi w’umukino runaka aca agahigo ku munsi w’isabukuru ye, gusa kuri uyu wa Gatanu Joseph Blackmore yaciye agahigo ko kuzuza imyaka 21 y’amavuko atwara agace ka Gatandatatu muru Tour Du Rwanda 2024.

Asanzwe ari umukinnyi Mpuzamahanga w'umukino w'amagare wabigize umwuga. Yahagarariye Igihugu cy'u Bwongereza mu mikino ya Commonwealth Games yabereye i Birmingham, aho yasoje ari ku mwanya wa Gatanu.

Joseph Blackmore watwaye aka gace, ntabwo aramara igihe kinini mu masiganwa y’amagare dore ko yabitangiye mu 2019 afite imyaka 16 y’amavuko, abitangirira mu irushanwa rya ‘National Trophy Series’ rihuriramo abatarengeje imyaka 18 mu Bwongereza.

Ku isabukuru ye y’imyaka 21, Joseph Blackmore yatwaye agace ka Gatandatu muri Tour Du Rwanda 2024

Mu 2021 na 2022 na none Joseph ‘Joe’ Blackmore yongeye kwitabira aya marushanwa yarangije ari ku mwanya wa mbere bituma ahita anitabira isiganwa ry’amagare y’abatarengeje imyaka 23 rizwi nka ‘National Under 23 Championships’ yasoje ari ku mwanya wa Gatatu.

Igihugu cy’u Bwongereza cyabengutse ubuhanga bwa Joseph Blackmore maze kimwohereza mu marushanwa ya ‘Commonwealth Games’ aba umwe mu batwazi b’amagare bitabiriye iyi mikino bakiri bato.

Uyu musore yatangiye isiganwa ry’amagare afite imyaka 16 y’amavuko

Umwaka wa 2022 wabaye utazibagirana kuri Joseph Blackmore dore ko ariwo mwaka yatwayemo ibihembo byinshi nyuma yo kwitabira amarushanwa nka ‘Men’s Mountain Biking Cross Country’ yaje ku mwanya wa Gatanu, UCI Cyclocross yaje ku mwanya wa kabiri. 

Muri uyu mwaka kandi ni nabwo yitabajwe n’ikipe ya Team Inspired ayifasha gutwara igihembo cy’irushanwa rya ‘Cyclocross Championships’ yari yitabiriye ku nshuro ya kabiri.

Ni inshuro ya Kabiri Joseph Blackmore yitabiriye irushanwa rya Tour Du Rwanda

Mu 2023 uyu musore ukiri muto,yitabiriye Tour du Rwanda aho yanaje ku mwanya wa Gatandatu. Kuri iyi nshuro Blackmore uri mu batanga icyizere muri uyu mukino mu Bwongereza, yitabiriye Tour Du Rwanda 2024 aserukiye ikipe ya ‘Israel Premier Tech’ yashinzwe mu 2014.

Nubwo Joseph Blackmore ataramara igihe kinini mu gutwara amagare, ari mu bayatwara bafite umwihariko kuko azi gusiganwa ku magare mu muhanda (Road), mu ishyamba naho arebaho ‘Mountain Bike’, mu gutwara anasimbuka (Cylcro-Cross) ndetse no gutwara amagare mu gihe cy’ubukonje mu byatsi (Gravel).

Yaturikije ‘Champagne’ amaze gutwara agace ka Gatandatu ari na ko yizihiza isabukuru ye

Uyu munsi Joseph Blackmore yongeye gushimangira ubuhanga bwe yegukana agace ka Gatandatu ka Tour Du Rwanda 2024 kasorejwe kuri Mont Kigali, agatwara ku munsi yanizihijeho isabukuru y’imyaka 21 y’amavuko.

Akoresheje Instagram ye yagize ati: ‘Umuhungu wagize isabukuru, umuyobozi mushya w’isiganwa’

Kugeza ubu 1:55 AM ibarizwamo abahanzi bihagazeho mu muziki uhereye kuri Bruce Melodie, Ross Kana na Element ubihuza no gutunganya umuziki akagira n'abayobotse ibyo akora batagira ingano.Ikanagira ubuyobozi ubona ko bwihagazeho buyobowe  na Coach Gael, bituma ikomeza kuza muzihagaze neza.

Gusa ariko wakibaza mu buryo bumwe cyangwa n'ubundi Kenny Sol wabanje kunyura muri Yemba Voice yari ahuriyemo na Billy Ruzima na Mozzy akaza kuyivamo.

Yanyuzeho gato mu biganza bya Mani Martin binyuze muri Yemba Voice aza no kunyura mu Gitangaza Music ya Bruce Melodie. Hari abibaza   ko  niba koko  igihe cyari kigeze    ngo yongere  gusa n’uba mu biganza by'abandi.Ariko impamvu ingana ururo kandi ntawe usoma amazi  ngo ananirwe  inshyushyu.

Imikoranire ya Bruce Melodie na Kenny Sol mu Igitangaza

Usubiye inyuma kuri iyi ngingo y'uko Bruce Melodie yigeze gukorana na Kenny Sol,wakwibaza niba icyari cyabatandukanije cyaba cyararangiye.

Cyane ko indirimbo Haso uyu mugabo yashyize hanze bakimara gutandukana yumvikanamo agira ati'Ndimo ndashakira hit [ubwamamare] muma gee [Abantu] antega ibikwasi ngo byicarire.'

Abasesengura bakaba barakomeje kugaragaza ko Kenny Sol yavugaga Bruce Melodie nubwo uyu musore yaba atareruye ngo avuge koko ko ari we yabwiraga.

Ibyo bikwasi aho byagiye mu gihe yaba ari we yavugaga wakibaza ibyabyo kuri ubu ariko na none burya  biba byiza gukorana n'umuntu uzi neza uko ateye birafasha.

Umuntu aha yavuga ko yaba Bruce Melodie na Kenny Sol basa nkaho baba aribo bahanzi bakuru babagiye ku ba muri 1:55AM baziranye.

Intwaro y'amafaranga n'uburanararibonye bwabagize wa 1:55AM mu bucuruzi

Ku rundi ruhande kandi 1:55AM nubwo ifatwa nkaho ari iya Bruce Melodie ariko na none irimo n'abandi kandi ifite uburyo bw'imikorere yayo iyobowe n'umushoramari, Coach Gael buhamye.

Umuntu akaba yavuga ko kuri Kenny Sol yaba yungutse imbaraga z'amafaranga cyane ko ntakibazo cyerekeranye n'iyi ngingo kivugwa muri iyi nzu.Yaba abonye  n'amaboko meza mu birebana n'ubucuruzi kuko aba bagabo bumva neza ibirebana n'igishobora kuba cyabinjiriza ifaranga cyose kandi bajyanamo bose.

Ibyo bigaragara mu mushinga wa UGB ubona ko abarenga batatu basanzwe muri 1:55AM barimo Coach Gael, Bruce Melodie na Kenny bajyanyemo kimwe na Kigali Universe inyubako mberabyombi iri kuzura ku gasongero ka CHIC  izatwara  agera muri Miliyari 2Frw kandi ashobora no kwiyongera 

Iyi kompanyi kandi ikaba izwiho gushora atagira ingano mu gutunganya indirimbo imwe uhereye ku yo Bruce Melodie yahuriyemo na Harmonize ukajya kuri Fou De Toi zose ni indirimbo ubona ko zashowemo agatubutse.

Gushaka umugore kwa Kenny Sol nabyo bisaba gukoresha indi mibare

Umuntu yavuga ko ari umubare mwiza Kenny Sol yaba akoze muri iki gihe we ubwe aheruka gushaka umugore kuko hari ubwo umuntu ushatse umugore akaba atanafite abamugira inama aherayo.

Ibintu na Diamond Platnumz yigeze gukomozaho avuga ko umunsi yashatse guhagarika umuziki azashaka umugore babana umunsi ku wundi, avuga ko ibyo akora utabihuza n'inshingano z'umuryango.

Bikaba byaba ari umubare mwiza umuntu yavuga ko kwiyegereza 1:55AM kuri Kenny Sol irimo abantu bafite abagore kandi bakomeza kuba ku gasongero mu muziki byumwihariko Bruce Melodie ubihuza kandi bigakomeza gukunda.

 

Inyungu ikomeye kuri 1:55AM

Uwavuga ko ubaye uri ukora igishoro kandi ukeneye kunguka byihuse ukareba mu bahanzi bafite amahame ahamye bakora neza muri iki gihe utanyura kuri Kenny Sol.

Umugabo ufite ubuhanga mu muziki yize kandi akora neza mu gihe gito akaba ari mu bo umuntu yavuga ko bahanganiye umwanya wa mbere mu muziki w'u Rwanda.

Bityo ku ruhande rwa 1:55AM kugira Kenny Sol nk'umunyamuryango bikaba ari imbaraga ziyongera mu zindi mbega ari amata abyaye amavuta kuko gukomeza kumugumisha kure yabo igihe icyari cyose yabatungura.

Ubwinyagamburiro kuri Kenny Sol bushobora kubura

Ntawabura kuvuga ko bibaye impamo Kenny Sol akinjira muri 1:55AM, ashobora kwisanga bigoye kurusha uko byari mbere ntiyaba abeshye. Kuko hari ingingo zishoboka zerekana ko bishoboka cyane zirimo ko ari umuhanzi wasangaga ashyira indirimbo hanze mu buryo bwe.

Akaba yataramira mu birori n'ibitaramo binyuranye ibintu byatumaga akomeza kuba imbere. Nyamara bishobora kuzasa n’ibigoranyemo kuba yabikomeza nubwo umuntu atazi neza uko amasezerano yagirana nabo yaba ateye.

Ikindi akaba yari umuhanzi ubona ko na we ubwe abishyizemo imbaraga yashinga inzu ye itunganya ikanareberera umuziki.

Nk’uko twagiye tubibona kuri ba Rayvanny naba Harmonize kandi ubona ko biba amahirwe arusha uko byari kuba iyo baba bakiri muri Wasafi ubona ko Diamond yamize.

KANDA HANO WUMVE UNAREBE IKIGANIRO KIGARUKA KURI IYI NGINGO

“>