Category: Uncategorized

Mu mukino w’umunsi wa 21 wa shampiyona, wahuje Rayon Sports yari yakiriye Musanze FC, warangiye nabi kuko haje kubamo impanuka y’imvune ubwo Rudasangwa Prince yahondanaga umutwe na Muhire Anicet ukinira Musanze FC.

Aba bakinnyi bombi baje kujyanwa mu bitaro, ndetse nyuma barasezererwa bamaze kubona ubutabazi bw’ibanze.

Nka InyaRwanda Tv, twifuje gusobanukirwa ubwoko bw’imvune yabaye, ubutabazi bw’ibanze buba iyo habonetse ukugongana, tuganira na Mugemana usanzwe ari umuganga mukuru wa Rayon Sports.

Mugemana yatangiye adusobanurira uko bigenda iyi mvune ikimara kubaho ndetse n’uburyo ibaho. 

Yagize ati: “Buriya bwoko bw’imvune mwabonye bubaho abakinnyi bagonganye umutwe kandi akenshi baba bari mu kirere, bose bagahura bafite imbaraga. Buri mukinnyi aba arwana no gukina umupira mu cyerekezo ashaka, bakisanga bagonganye kandi nta bugome buba burimo”.

Rudasingwa Prince nyuma yo kubona ubutabazi bw’ibanze yahise ajyanwa mu bitaro

Arakomeza ati “Iyo bamaze gusekurana rero bitewe n’uburemere ifite, buri wese agwa hasi kandi kubera bose baba batakaje ubwenge, bagwa uko babonye nta rutangira ku buryo umukinnyi agwa nk’igiti ari nabyo bituma uburwayi bwiyongera”.

Mugemana yagarutse ku bufasha bw’ibanze nyuma yo kugwa hasi. Ati: “Abakinnyi bari hafi aho bahita babona uko abakinnyi baguye, ndetse niyo ubarebye mu maso ubona ko ubwenge bwagiye ubundi hakabaho ubutabazi.

Kubera ko ubwenge buba bwagiye, nta gice na kimwe kiba kikigenda uko kibishaka. Icyo gihe rero umukinnyi iyo aguye agaramye, ururimi kuko rutakibasha kunyeganyega ruhita rusubira inyuma, rugafunga inzira y’umwuka, bigatuma umwuka utagenda ndetse bigatuma ubwonko bubura umwuka, ariyo mpamvu ururimi ruhita rukururwa rugasohorwa hanze ubundi agahumeka”.  

Mugemana Charles kandi yakomeje agaruka ku mvune zikunze kubera mu kibuga, ikizitera, ndetse n’uburyo zivurwamo. 

Muhire Anicet nawe yahise ajyanwa mu bitaro n’imodoka isanzwe kuko yari agikomerejwe

Imvune ikibaho, abakinnyi benshi bagize ubwoba babona ko hashobora kuzamo urupfu

KANDA HANO UREBE IKIGANIRO KIRAMBUYE TWAGIRANYE N’UMUGANGA WA RAYON SPORTS

INTERVIEWER: Munyantore Eric – InyaRwanda 

VIDEO: Jean Nshimiyimana – InyaRwanda 

Heritier Nzinga Luvumbu uheruka gutandukana na Rayon Sports yo mu Rwanda ariko yarahanwe na FERWAFA amezi 6, yamaze gusinyira imbanziriza masezerano na AS Vita Club y’iwabo muri DR Congo.

Uyu mukinnyi yavuye mu Rwanda muri uku kwezi kwa Gashyantare nyuma yo gusesa amasezerano yari afitanye na Rayon Sports kubera kwigaragaza nk’uvanga siporo na politiki.

Yabikoze mu mukino wa shampiyona w’umunsi wa 20 wabaye ku Cyumweru tariki ya 11 Gashyantare 2024 aho Rayon Sports yatsinzemo Police FC 2-1. Igitego cya mbere cyatsinzwe na Luvumbu.

Mu kwishimira igitego yafashe urutoki rwa mukuru wa meme arushyira ku gahanga ikindi kiganza gipfuka ku munwa. Iyi 'Geste’ ikaba yarazanywe na Leta ya Congo (yamamajwe cyane na Patrick Muyaya umuvugizi wa Guverinoma ya Congo) aho basobanuye ko Imiryango Mpuzamahanga ndetse n’Isi yose yacecetse, irebera ubwicanyi buri muri DR Congo, Leta y’iki gihugu yabigeretse ku Rwanda ariko rwo rukabyamaganira kure.

Uyu mukinnyi yahise ahagarikwa na FERWAFA amezi 6 atagaragara mu bikorwa bya ruhago, ni mu gihe na Rayon Sports na yo bahise isesa amasezerano ahita asubira iwabo.

Luvumbu yaje gutungura benshi ubwo yatangarizaga Televiziyo y’Igihugu ya Congo (RTNC) ko ubuzima bwe bwari mu kaga i Kigali nyuma yo kwishimira igitego cya mbere ikipe ye yari itsinze Police FC ku Munsi wa 20 wa Shampiyona.

Ati 'Wari umunsi w’umukino, nyuma yaho naje kwishimira igitego nk’abandi Banye-Congo mu rwego rwo kwifatanya n’abaturage bacu bakomeje kwicirwa i Goma, Masisi na Rutshuru. Nyuma y’umukino nabonye abakinnyi batangiye kongorerana utuntu mpita mbona rwose ko nirukanywe. Imodoka za gisirikare zatangiye kuzenguruka inzu yanjye, mu gihe nakomezaga kwandikirwa ubutumwa bwo kuntera ubwoba.'

Yakomeje agira ati 'Ambassade ya Congo mu Rwanda ni yo yarokoye ubuzima bwanjye, iyo ataba bo, sinari gushobora kuva mu Rwanda. Rwose leta ikwiye kubashimira bari gukora akazi gakomeye.'

Ibinyujije ku mbuga nkoranyambaga za yo, AS Vita Club yatangaje ko yamaze gusinyana na Luvumbu imbanziriza masezerano y’umwaka w’imikino wa 2024-25.

Bivuze ko Luvumbu agomba kuzatangira gukinira iyi kipe mu mwaka w’imikino wa 2024-25 (mu gihe amasezerano ye yaba yabaye ‘actif’ kuko hasinywe imbanziriza masezerano), mu yandi magambo agomba gutegereza amezi 6 yahanwe na FERWAFA akarangira akabona gutangira gukina kuko na yo ititeguye kuba yatanga ITC ibihano bitarangiye.

Ibi bibaye nyuma y’uko ku Cyumweru tariki ya 25 Gashyantare 2024, Perezida wa DR Congo Felix Tshisekedi yagiranye ikiganiro n’itangazamakuru ashimira Luvumbu ibyo yakoze, ko yabaye intwari kandi ko azamugororera. Bivugwa yasinye aya masezererano ku itegeko rya Perezida Felix Tshisekedi.

27 Gashyantare, ni itariki idasanzwe mu buzima bw'aba bombi; kuko ari bwo bateye intambwe biyemeza kubana nk'umugabo n'umugore; Imana ibaha n'urubyaro.

Muri Bibiliya mu Imigani 19:14 hagira hati 'Urugo n’amatungo umuntu abiragwa n’ababyeyi be, ariko umugore witonda amuhabwa n’uwiteka.'

Aha niho Fleury ahera avuga ko imyaka itatu ishize arushinze n'umugore isobanuye byinshi ariko ko abikubira mu rukundo n'umunezero mu rugo.

Yabwiye InyaRwanda ati 'Umunezero, ibyishimo, urukundo no kunyurwa n'umugore wanjye nibyo bisobanura imyaka itatu ishize mu rugendo rw'urugo rwacu.'

Uyu muryango uvuga ko imyaka itatu ishize babana nk'umugabo n'umugore yabaye 'iy'umugisha' kandi bashimira Imana ibaherekeza mu rugendo rw'abo.

Banishimira ko imyaka itatu ishize barungutse umwana, impano idasanzwe mu buzima bw'abo. Bati 'Turagushima Mana.'

Uko bahuye kugeza barushinze:

Mu Ukwakira 2021, bombi basohoye ikiganiro bahuriyemo cyagarutse birambuye ku rugendo rw'urukundo rw'abo.

Fleury atangira avuga ko mu mpera za 2015 ari bwo yagize igitekerezo cyo gukora filime ye bwite, atangira gushaka abakinnyi, yifashisha Kalinda utegura Inganji Awards ishimira abakinnyi ba filime, abanyarwenya n'abandi bateje imbere cinema.

Mu bakinnyi bifuje gukina muri iyo filime harimo na Jannet. Fleury avuga ko ubwo bari bahagaze Bahavu Jannet yamunyuzeho yambaye ingofero, ijipo n'inkweto atabasha kwibuka neza, yumva umutima we uramwishimiye ashaka kumuvugisha.

Uyu mugabo avuga ko yabwiye abo bari bari kumwe, kumubwirira Jannet akaza 'akamutereta'. Ngo Jannet yaritaye mu gutwi arahindukira abaza niba ari we bari kuvuga, ariko Fleury abyamaganira kure avuga ko atari we bavugaga.

Fleury avuga ko bahise bajya muri 'salle' asobanura uko iyo filime izakorwa, ariko banzura ko Bahavu azahabwa amasegonda macye muri iyi filime kubera ibyo yari gukina.

Jannet avuga ko ahura na Fleury atari azi ko ari we nyiri filime. Uyu mugore yavuze ko ubwo Fleury yahabwaga umwanya wo kwicara imbere kugira ngo aze gusobanura birambuye kuri iyo filime byamutunguye, aravuga ngo 'uriya mwana ni we nyiri umushinga.'

Ashimangira ko muri iyo filime yahawe umwanya muto wo gukina, ati “Bampayemo agace gato, mu by’ukuri numva ntakunze umushinga.”

Abiteramo urwenya, akavuga ko atigeze arota akundana n’umusore wo mu Burundi [Niho Fleury akomoka], ku buryo n’uwo munsi ahura na Fleury atiyumvishaga ko igihe kimwe azamubera umugore.

Umunsi bahura bwa mbere, ntiyibuka neza icyo umugabo we yari yambaye, gusa avuga ko ‘buriya yari yambaye Lunette kuko n’ubundi ahora yambaye Lunette’.

Fleury wegukanye igihembo cya Rwanda Movie Awards 2017, avuga ko yari yatangiye gukunda Jannet ariko akibaza aho azamuhera. Yifashishije camera yari afite yabashije kubona nimero z'umugore w'ubuzima bwe bwose.

Yavuze ko igihe kimwe bongeye gusubira gutegura filime, abona Jannet yicaye wenyine kandi ntacyo arimo gukora amusaba ko yamufata amafoto, undi arabyemera.

Fleury avuga ko yamufashe amafoto menshi kugira ngo 'aze kuzinsaba' ndetse asaba umuntu kubafotora bari kumwe, kugira ngo n'iyo bahuriyeho aze kuyimwoherereza.

Ngo akimara kumufata amafoto yamwatse nimero ya telefoni ngendanwa, kuva ubwo aba atunze nimero yifashishije ahindura amateka y'ubuzima bwe.

Ageze mu rugo, yandikiye Jannet ashaka kumuha amafoto yamufashe, ibisubizo byose biza ari 'Yego, nayakunze, ni meza (amafoto)… Uyu mugabo avuga ko yatangiye kwibaza niba urugendo agiye gutangira azahabwa ikaze.

Jannet wegukanye igihembo cy'umukinnyikazi mwiza wa filime wa 2019, avuga ko hari umunsi bagiye kwa Fleury kureba uko filime bakinnye imeze, batashye umwe mu bantu bari kumwe ababonye basohokanye ababwira ko baberanye.

Agiye gufata moto ngo ajye mu myitozo ya korali, Fleury yamubajije niba yumvise ibyo uwo muntu yababwiye, undi amusaba kubyirengagiza. Jannet avuga ko Fleury yamubereye umusore w'inzozi ze byanagejeje ku kwiyemeza kurushinga.

Ibyo wamenya kuri Zanzibar, aho Bahavu n'umugabo we bari kubarizwa

Zanzibar ni hamwe mu hantu hakurura ba mukerarugendo ku Isi. Ni kimwe bigize igihugu cya Tanzania, giherereye mu Nyanja y'Abahinde. Ni ikirwa gituwe n'abaturage barenga ibihumbi 800 ku buso bwa kilometerokare 1554.

Umubare munini w'Abaturage batuye ibirwa bya Zanzibar ni aba Islam, ni mu gihe abatuye Tanzania bensi muri bo ari Abakristu.

Zanzibar imaze kuba ikirwa gikunzwe cyane na ba mukerarugendo, cyane cyane abahanzi bahakundira uburyo amashusho y'indirimbo zabo aba acyeye cyane. Hari abahafatira amashusho ku mucanga n'ibindi birwa byaho biryoshya cyane amashusho.

Iherereye hafi y'injyana y'u Buhinde mu Birometero 50. Ifite ubukungu butajegajega icyesha inyungu ikura mu bukerarugendo, aho benshi bayisura bitewe n'imiterere n'ibinyabuzima bitandukanye bihaboneka.

Zanzibar ni Akarere gafite ubwigenge bucagase kagizwe n’ibirwa byinshi ko mu nyanja y’u Buhinde. Nubwo Zanzibar ari ikirwa cyigenga ariko kibarurwa ku gihugu cya Tanzania.

Muri Werurwe 2021, Minisitiri w'Ubukerarugendo muri iki gihugu, Lela Muhamed Mussa yasabye ba mukerarugendo bahasokera kujya bambara bikwije, ntibanyuranye n'umuco waho.

Minisitiri Lela yabwiye BBC ishami ry'Igiswayile ko hari ba mukerarugendo bagenda mu muhanda bameze “nk’aho bambaye ubusa”. Uyu muyobozi yavuze ko abazarenga kuri aya mabwiriza bazacibwa amande atari munsi y'ibihumbi 690 Frw.

 

Bahavu ari kumwe n’imfura ye Amora berekeza mu kirwa cya Zanzibar

Fleury ari kumwe n’umukobwa we muri Zanzibar, kimwe mu birwa bigize Tanzania
Bahavu n’umukobwa we baryohewe n’ubuzima muri Zanzibar, hamwe mu hantu hakurura ba mukerarugendo
Fleury avuga ko imyaka itatu ishize y’urugo yaranzwe n’urukundo n’umunezero udashira
Bahavu asobanura ko bwa mbere ahura na Fleury atiyumvishaga ko ubushuti bwabo buzageza ku kurushinga
Fleury avuga ko umunsi wa mbere abona Bahavu wabaye intangiriro yo kwiyemeza kumenyana nawe 

Imyaka itatu ishize, Bahavu na Fleury bavuga ko Imana yabaye mu ruhande rw’abo 

REBA HANO IMWE MURI FILIME ITEGURWA NA BAHAVU

“>

Rizabera ahitwa Röda Sten mu Mujyi wa Göteborg mu gihugu cya Suède kuva tariki 5 kugeza tariki 7 Nyakanga 2024. Ni ubwa mbere Bruce Melodie azaba yitabiriye iri serukiramuco, kandi abaritegura barisobanura nk'umunya mwiza wo kuba abahanzi bo muri Afurika bakungurana ibitekerezo ku cyakomeza guteza imbere inganzo yabo.

Kwitabira iri serukiramuco bizatuma Bruce Melodie aba umuhanzi wa mbere wo mu Rwanda uritumiwemo. Urutonde rwagiye hanze rw'abahanzi, rugaragaraho abarimo Ruger, Skales, Innoss'B bakoranye indirimbo 'A l'aise', Izzyno wo muri Sierra Leone, Miss Jobizz wo muri Gambia bazahurira ku rubyiniro n'abandi.

Abaritegura banategekereje ku ba Dj bazasururutsa abantu mu gihe cy'iminsi itatu barimo Dj Nike, Dj Junior, Dj Miss Jen, Dj Alice Gyal wo mu Bufaransa, Shoopsdoo wo mu Bwongereza ndetse n’umushyushyarugamba Charlene wo muri Cameroon uzayobora iki gitaramo.

Iri serukiramuco risobanurwa nk'urubuga rwo guhuza abahanzi bo muri Afurika babarizwa mu bihugu bitandukanye hishimirwa intera y'umuziki w'abo, gusangizanya ubumenyi, kumurika imico y'ibihugu, amafunguro, ubuhanzi n'ibindi hagamije ko bigera ku isoko mpuzamahanga.

Ni ryo serukiramuco rya mbere ryubakiye ku guteza imbere ijyana ya Afrobeats ribera mu bihugu byihurije muri Scandinavia. Mu 2021, ryabereye m Mujyi wa Jönköping wubatse ku nkengero z'ibiyaga bibiri.

Abaritegura bashimangira ko bagendereye ku kugaragza injyana ya Afrobeats nk'umuco ukwiye gutera ukwikirizwa n'abahanzi ba Afurika.

Muri uriya mwaka, abo muri Suede no mu bindi bihugu bya Scandinavia bataramiwe n'abahanzi barimo: Skales, Harmonize wo muri Tanzania, Eugy, Ms bank, Naira Marley, Young T, Bugsey n'abandi benshi.

Muri 2023 iri serukiramuco ryabereye mu Mujyi wa Gothenburg, ni nyuma y'uko abaritegura babonye ko uriya mujyi ubereye kwakira iri serukiramuco kurusha indi mijyi. Bati 'Twasanze uyu mujyi wishimirwa cyangwa se abantu bose ari ho bashaka kujya.'

Bavuze ko byabasabye kwandika basaba Polisi uburenganzira bwo kuba bakorera iri serukiramuco muri uriya mujyi 'mu rwego rwo kurengera abazatugana'. Ati 'Twishimiye ko twahawe uburenganzira, ubu twakomeje imyiteguro bakitwemerera.'

Mu 2023 batumiye bitaye cyane ku bahanzi bo muri Nigeria ndetse banatumira n'abo mu Burundi. Abitabiriye ririya serukiramuco bataramiwe na Yemi Alade uheruka i Kigali muri Giants of Africa, Harmonize, Skales, Kuami Eugene, Winnie Nwagi, Sat B n'abandi.

Bruce Melodie agiye kuba umuhanzi wa mbere wo mu Rwanda uririmbyemu iserukiramuco Suède

Ruger wamenyekanye mu ndirimbo zirimo nka ‘Girlfriend’, ‘Asiwaju’, ‘Blown Boy’ategerejwe mu iserukiramuco muri Suède

Innoss’B uzwi cyane mu ndirimbo zirimo nka ‘Olandi’, ‘Best’ n’izindiazaririmbira abazitabira iserukiramuco muri Suède

Skales wavuzwe cyane mu Rwanda ubwo yari mu rukundo na Neza Patriciaategerejwe muri Suède

Abahanzi batangajwe bazaririmba mu iserukiramuco ‘One Love Africa Music’

Muri 2023, abarimo Harmonize, Yemi Alade bataramiye mu gihugu cya Suede 

KANDA HANO UREBE AMASHUSHO Y’INDIRIMBO ‘A L’AISE’ YA BRUCE MELODIE NA INNOSS’B

“>

Mu kiganiro yanyujije ku rubuga rwe rwa Youtube Ama – G the Black Official, umuhanzi Hakizimana Aman bita Ama – G the Black uririmba injyana ya Hip Hop,  yagarutse ku bivugwa ku kuba umunyamakuru Phil Peter akaba n’umuhanzi yaribwe Channel za Youtube, avuga atemera ko Channel za Youtube z’ibyamamare ziba zibwe ahubwo ikibyihishe inyuma ari amayeri abavuga ko zibwe bakoresha bashaka kongera umubare w’abantu babakurikirana ku mbuga nkoranyambaga.

Muri iki kiganiro Ama -G  the Black yatangiye avuga ko hari indirimbo y’ikipe ya Gasogi  United yakoze  nk’umukunzi wayo ndetse anavuga mu bihe biri imbere hari ibitaramo azaririmbamo arikumwe n’umuhanzi ukomoka mu gihugu cya Uganda, bizakorwa abahanzi bazabyitabira bazenguruka igihugu.

Muri iki kiganiro Ama-G the agaragaza ko ibyamamare bivugwa ko byibwa Channel zakoreshaga mu gusangiza ababakurikirana ibihangano byabo ,ko icyo kuba zibwa atacyemera ahubwo haba hari uburyo zihindurwa bakazikoresha mu buryo bukurura abantu benshi .

Abajijwe n’umufasha kuyobora icyo kiganiro icyo avuga ko byavuzwe ko Umunyamakuru Phil Peter yibwe umuyoboro ibiri ya YouTube ,Ama – G  The Black yavuze ko atemera ko ibyamamare byibwa imiyoboro bikoresha kuri YouTube yagaragaje ko hari amayeri ibyamamare byo mu rwanda bikoresha kugira ngo ababakurukira biyongere .

Yagize ati” Phil Peter ndamwubaha ,ndamwemera hari n’utuntu tw’udutafari yashyize kuri sisiteme yanjye kugira ngo umuntu amenyekane nanjye hari utwo nashyizeho nawe ngo amere neza ibyago bye sinabyishimamo.”

Ama -G The Black yak omeje ati”Ntabwo ushobora kubura Channel. Kunyumvisha ko umuntu yabuze Channel zikanabura ari uko yasohoye indirimbo.Shadboo yigeze kubura Instagram ayigarura  yabaye Miliyoni , Melodie yavuze ko Channel yabuze ahubwo ninjye kigoryi utazi kuburisha Channel ngo mbashe gutwika .”

Ama – G The Black yunzemo ati”Indirimbo igarura Channel?niba Phil peter yarabuze Channel ebyiri!Ziriya Channel nizaramuka zigarutse uzangarukeho nanjye nzigarukeho”.

Muri iki kiganiro Ama- G The Black yankoreye kuri Channel ye, yagaragaje ko Channel z’ibyamamare zivugwaho kwibwa abona ibivugwa atari ukuri ahubwo   ba nyirubwite bazikoresha mu buryo bukurura abantu bagamije kongera umubare w’abantu babakurikirana  ku mbuga nkoranyambaga zabo nyuma bakongera bakazisubiza uko zari zimeze mbere.

Kuri ubu abakinnyi ba Bugesera FC baritegura kwakira amafaranga y’ibirarane by’amezi atanu bari baberewemo n’ubuyobozi bw’ikipe. Iyi nkuru nta kipe turi bwibandeho ku buryo bwihariye, usibye Bugesera FC turibukoreshe nk’urugero kuko iri mu makipe yari amaze igihe adahemba abakinnyi bayo.

Ubusanzwe buri kipe ibarizwa mu mupira w’amaguru hano mu Rwanda mbere y’uko shampiyona itangira, ikora inteko rusange ndetse ikerekana ingengo y’imari izakoresha nibura iba iyemerera kuzayitunga amezi 10 muri 12 agize umwaka.

Amakipe menshi y’umupira w’amaguru mu Rwanda, amenshi abayeho ku nkunga y’uturere aho usanga amafaranga hafi 80% aba azakoresha ava mu Karere iyo kipe ibarizwamo.

Kuki ubuyobozi bw’ikipe butinda guhemba kandi bwari bwaragaragaje amafaranga buzakoresha mbere?

Dufatiye ku ikipe ya Bugesera FC mu mezi 7 shampiyona y’umwaka w’imikino 2023-24 imaze ikinwa, ubuyobozi bw’iyi kipe bwahembyemo amezi abiri gusa. Uramutse ugendeye kuri ibi, byaba bivuze ko Bugesera FC yatangiye shampiyona ifite amafaranga yo guhemba amezi abiri gusa.

Abayobozi benshi b’amakipe bakoresha amafaranga y’abakinnyi mu nyungu zabo

Dufate urugero rw’ikipe X. Impamvu nyamukuru mubona Abakinnyi b’amakipe atandukanye bahora bataka imishahara yabo, impamvu nyamukuru ni abayobozi baba barakoresheje amafaranga yabo.

Bugesera FC yaherukaga guhemba mu Ukwakira umwaka ushize nabwo ihemba igice cy’uko kwezi, bikaba biteganyijwe ko amafaranga yose yari ibereyemo abakinnyi izayatanga kuri uyu wa Kane. 

Umuyobozi w’ikipe X, ashobora gufata amafaranga y’imishahara y’amezi 3,4 cyangwa 6, ayo mafaranga akayajyana kuri Bank bakayafunga igihe yatanze cyagera ya mafaranga akayakuramo hariho inyungu. Muri icyo gihe rero ni bwo wumva abakinnyi bataka cyangwa bavuga ko ikipe yabo imaze igihe itabahemba.

Umuyobozi w’ikipe X ashobora gufata amafaranga akayashora mu bucuruzi, ku buryo ajya guhemba, agahemba ya mafaranga harimo n’inyungu yungutse.

Birashoboka ko amafaranga ikipe yateganyaga gukoresha yashira mbere nibura mu minsi ya nyuma ikaba yarashiriwe, ariko ntabwo byumvikana uburyo ikipe itangira shampiyona nyuma y’amezi abiri gusa ukumva ngo irimo ibirarane abakinnyi.

Mukura yigeze kumara amezi 7 idahemba abakinnyi, bivuze ko abakinnyi bakinnye hafi shampiyona yose badahembwa