Category: Uncategorized

Mushiki wa Diamond Platnumz, Esma Khan yavuze ko uyu muhanzi yahagaritse ubukwe yari agiye gukora kubera ko yabonaga igihe kitaragera.

Ni mu kiganiro Esma Khan yagiriye kuri Radio ya Wasafi Fm, aho yavuze ko hari igihe cyageze bazi ko agiye gukora ubukwe kuko bari bamuhatirije cyane.

Ati “twavuganye na we byinshi, Imana yemera buri kimwe. Dushobora kumuhatiriza kurongora ariko igihe cy’Imana ntikiragera.”

Yakomeje avuga ko buri kimwe cyari mu murongo ndetse n’inkwano zaratanzwe, Babona ko Diamond agiye gushaka uyu mukobwa witwa Sofia (niko Esma yavuze ko ryari ryo zina rye), gusa ubukwe bupfa hasigaye iminsi mike.

Ati “twagerageje guhatiriza Diamond gushaka uyu mukobwa witwa Sofia, twanatanze inkwano. Diamond yari yamaze gutegura buri kimwe ariko habura iminsi mike abivamo.”

Ngo yababwiye ko impamvu abivuyemo ari uko yabonaga igihe kitaragera. Ati “na mama yagerageje kumuhatiriza ariko aranga atubwira ko azakora ubukwe igihe nikigera.”

Diamond w’imyaka 34 kuva yatandukana na Zari muri Gashyantare 2018 amaze gukundana n’abakobwa benshi barimo Tanasha, ubu Zuchu ni we bari mu rukundo muri iki gihe.

Ijonjora ryo muri Musanze rizaba ku wa Gatandatu tariki 16 Werurwe 2024, ahitwa kuri Isonga Center guhera saa yine z'amanywa. Aya majonjora yubakiye ku gukangurira urubyiruko kugaragaza impano zabo mu rwego rwo kuzibyaza umusaruro w'ejo hazaza (Manifest your Talent for a better Future).

Umuyobozi wa Rwanda Gospel Stars Live, Nzizera Aimable yabwiye InyaRwanda ko amajonjora ya mbere bakoreye i Rusizi tariki 27 Gashyantare 2024, yabasigiye ishusho y'uko hari impano nyinshi zo gushyigikirwa no gushorwamo ubushobozi.

Yavuze ko ibi biri mu mpamvu zatumye Akanama Nkemurampaka gahitamo abanyempano barindwi bakomeza mu kindi cyiciro, aho guhitamo batatu nk'uko byari biteganyijwe.

Yagize ati 'Ishusho twasigaranye ni uko ubona ko impano ari nyinshi kandi ubona ko hari ikibazo kuko ziba zihari ariko zitazwi. Kuko urumva twagiye dushaka guhitamo abantu batatu mu Karere ka Rusizi ariko birangira duhisemo abanyempano barindwi.'

Akomeza ati 'Ishusho rero twasiganye ni uko impano ari nyinshi mu gihugu kandi zikeneye abantu bo kuzitaho kugirango buri wese azishyigikire no kugirango bazizamure n'abo bantu bazifite babashe kumenyekana.'

Uwamahoro Jeannette [Nimero 31], Ntaganda Chandelier [Nimero 07], Mungwariho Jean Nepomuscene [Nimero 26], Ishimwe Rehema [Nimero 09], Hirwa Eric [Nimero 34], Uwimbabazi Clementine [Nimero 22] ndetse na Mugisha Cyiza [Nimero 32] nibo banyempano batangajwe batsinze i Rusizi, bategereje kuzahatana mu kindi cyiciro.

Akanama Nkemurampaka kari kwifashishwa kuri iyi nshuro kagizwe na Karangwa Mike wagiye wifashishwa mu marushanwa anyuranye, Nelson Mucyo, umunyamuziki wakunzwe mu ndirimbo zinyuranye ndetse n'umunyamakuru ubimazemo igihe kinini, Ruth Kavutse Iracyadukunda.

Ingengabihe y'aya majonjora yerekana ko nyuma yo guhitamo abanyempano mu Karere ka Musanze, tariki 30 Werurwe 2024 bazakomereza mu Karere ka Rubavu.

Aya majonjora azakomeza tariki 20 Mata 2024, mu Karere ka Huye, tariki 4 Gicurasi 2024 amajonjora azabera Karere ka Rwamagana n’aho tariki 18 Gicurasi 2024 amajonjora azabera mu Mujyi wa Kigali.

Mu Ntara n’Umujyi wa Kigali hazatoranywa abanyempano 18 bazahatana mu cyiciro cya ‘Pre-Selection’ kizasiga hamenyekanye abanyempano 10.

Aba 10 bazahabwa amahugurwa, hanyuma bitegure guhatana mu cyiciro cya nyuma ari nabwo hazamenyekana batatu ba mbere.

Hazifashishwa Akanama Nkemurampaka mu byiciro byose, kandi hazanitabazwa amatora yo kuri Internet no kuri SMS mu rwego rwo guhitamo umunyempano ubikwiye.

Uzaba uwa mbere azahembwa Miliyoni 3 Frw na Kontaro yo gukorana na Rwanda Gospel Stars Live mu gihe cy’umwaka umwe. Uwa kabiri azahembwa Miliyoni 2 Frw naho uwa Gatatu azahembwa Miliyoni 1 Frw. Nyuma hazategurwa igitaramo gikomeye kizashyira akadomo kuri iri rushanwa.

Ku wa 9 Nzeri 2023, nibwo abari batsindiye ibihembo mu 2022 babishyikirijwe, ni nyuma y'umwaka n'igice wari ushize babitegereje, ubuyobozi bubabwira ko bazabihabwa.

Umuhanzi wa mbere mu batsindiye ibihembo ni Israel Mbonyi, yahawe ibahasha ya Miliyoni 7Frw, anahabwa igikombe n'icyemezo cy'ishimwe nk'uwegukanye 'Rwanda Gospel Stars Live' Season 1.

Uwa kabiri yabaye Aline Gahongayire, ahembwa Miliyoni ebyiri z'Amafaranga y'u Rwanda (2,000,000Frw).

Itsinda rya Gisubizo Ministries ryabaye irya Gatatu bahembwe Miliyoni 1 Frw n’aho Rata Jah NayChah wabaye uwa kane ahabwa ibihumbi 500Frw.

   

Uwamahoro Jeannette [Nimero 31]

Ntaganda Chandelier [Nimero 07]
Mungwariho Jean Nepomuscene [Nimero 26]

Ishimwe Rehema [Nimero 09]

Hirwa Eric [Nimero 34]

Uwimbabazi Clementine [Nimero 22]

Mugisha Cyiza [Nimero 32]  

Abanyempano barindwi batsinze mu Karere ka Musanze

Abagize Akanama Nkemurampaka-Uhereye ibumoso- Nelson Mucyo, Ruth Kavutse ndetse na Mike Karangwa

Rwanda Gospel Stars Live igiye gukomereza mu Karere ka Musanze

REBA HANO UREBE AMASHUSHO Y'UMWE MU BANYEMPANO BITABIRIYE IRI RUSHANWA

Nk’uko bisanzwe buri mwaka Forbes Magazine igenda itangaza imitungo y’ibyamamare mu byiciro bitandukanye, harimo n’ikiciro cya ‘Couples’ 10 zitunze agatubutse ku Isi. Izi Couples ariko ntibivuze ko arizo zikize cyane ku Isi ahubwo nizo zikize mu gisata cy’imyidagaduro.

Dore urutonde rwa ‘Couples’ 10 mu myidagaduro zikize ku Isi mu 2024:

1. Jay Z na Beyonce

Uru rutonde ruyobowe na Jay-Z n'umugore we Beyonce, babikesha akayabo k'Amadorali Miliyari 7.1 ($7.1 Billion)  binjije uko ari bombi. Umubare munini w'aya mafaranga, Beyonce n'umugabo we Jay-Z bayakuye mu muziki kurusha ibindi bikorwa bagiye basaruramo amafaranga. Aba bombi bamuritse Albums ndetse binjiza amafaranga atari make mu bitaramo bakoze bazenguruka ibihugu bitandukanye. Byongeye aba bombi banafite ibindi bikorwa by’ubucuruzi bibinjiriza agatubutse.

2. Salma Hayek na Francois Pinault

Icyamamarekazi muri Sinema, Salma Hayek ukomoka muri Mexico hamwe n’umugabo we w’Umufaransa w’umuherwe Francois Pinault nibo bari ku mwanya wa kabiri. Aba bombi barushinze mu 1995 bafite umutungo wa Miliyari 6 z’Amadolari. Aya bayinjije binyuze mu bikorwa bya Salma Hayek byo gukina filime, hamwe no muri kompanyi y’umugabo we yitwa Kering.

3. Oprah Winfrey na Stedman Graham

Umwe mu bagore bakomeye bamamaye kuri Televiziyo, mu kwandika ibitabo n’ishoramari, Oprah Winfrey, unasanzwe ari ku rutonde rw’abiraburakazi bakize ku Isi. We n’umugabo we Stedman Graham bamaranye imyaka irenga 30 bafite umutungo wa Miliyari 3.51 z’Amadolari.

4.Rihanna na A$AP Rocky

Icyamamarekazi mu muziki, Rihanna, usigaye yarayobotse ubucuruzi bwanamuhiriye, niwe muhanzikazi wa mbere ukize ku Isi na Miliyari 1.4 z’Amadolari, mu gihe umukunzi we Rocky bamaze kubyarana abana babiri afite umutungo wa Miliyoni 25 z’amadolari. Bombi umutungo wabo ungana na Miliyari 1.425 z’Amadolari ya Amerika.

5. Jennifer Lopez na Ben Affleck

Umuhanzikazi Jennifer Lopez n’umugabo we Ben Affleck uri mu bakinnyi ba filime bakomeye i Hollywood, nabo bari muri ‘Couples’ zikize ku Isi. Umutungo w’aba bombi ungana na Miliyoni 500 z’amadolari bombi bakuye mu bikorwa bya filime dore ko Jennifer Lopez amaze igihe mu gukina filime kurusha gusohora ibihangano bimwinjiriza.

6.David na Victoria Beckham

Victoria Beckham na David Beckham baje kuri  uyu mwanya. Aba bongereza b’ibyamamare binjije Miliyoni 450 z'Amadorali binyuze mu bikorwa byabo dore ko David acyinjiza agatubutse akura mu mupira w’amaguru, mu gihe umugore we Victoria abona amafaranga menshi binyuze mu nzu ye y’imideli.

7. Will Smith na Jada Pinkett Smith

Urugo rw’ibyamamare 2 muri sinema, Will na Jada Smith bari mu ngo zikunzwe kugarukwaho cyane mu itangazamakuru, nibo bari ku mwanya wa 7 n’umutungo wa Miliyoni 380 z’Amadolari ya Amerika. Bombi bakura agatubutse mu gukina filime ndetse na kompanyi yabo izitunganya yitwa ‘Westbrook Production Company’ nayo iri mu bituma binjiza amafaranga menshi.

8. Ryan Reynolds na Blake Lively

Abandi bashakanye basanzwe bakina filime ni Ryan Reynolds na Blake Lively, aba bombi bari mu bakunzwe muri Sinema ndetse banazwiho kuba bari mu bazikina bishyurwa amafaranga menshi. Bombi umutungo wabo urabarirwa muri Miliyoni 360 z’Amadolari.

9. Justin Bieber na Hailey Baldwin

Icyamamare mu muziki, Justin Bieber n’umugore Hailey Baldwin w’umunyamideli, uretse kuba bari mu ngo z’ibyamamare zivugwa cyane, bari no muzihagaze neza mu mutungo. Kuri ubu aba bombi bafite akayabo ka Miliyoni 320 z’Amadolari.

10. Kourtney Kardashian Baker na Travis Baker

Urugo ruza ku mwanya wa cumi (10) ni urwa Kourten Kardashian Baker usanzwe ari umunyamideli ubifatanya n’ubushabitsi hamwe n’umugabo we Travis Baker uzwi mu muziki wanamamaye mu itsinda rya ‘Blink-182’. Aba bombi baherutse no kwibaruka imfura yabo, bafite umutungo wa Miliyoni 95 z’Amadolari.

Ubuyobozi bwa Kiyovu Sports, bwahagaritse kapiteni wa yo Niyonzima Olivier Seif kugeza shampiyona irangiye kubera imyitwarire idahwitse akomeje kugaragaza.

Mu ibaruwa iyi kipe yandikiye Seif tariki ya 9 Werurwe 2024, yamumenyeshaje ko kubera imyitwairire idahwitse ahagaritswe imikino 6.

Yagize ati “Dushingiye ku masezerano wagiranye na Kiyovu Sports ku wa 1 Kanama 2023 mu nshingano zikubiye muri ayo masezerano ku ngingo ya yo ya kane, dushingiye ku myitwarire idahwitse ikomeje kukugaragaraho muri Kiyovu Sports;”

“Komite Nyobozi ya Kiyovu Sports Association, nyuma yo kungurana ibitekerezo kuri iyi myitwarire, turakumenyesha ko utemerewe gukina imikino 6 ikurikiranye ya Kiyovu Sports Club izakina uhereye tariki ya 10 Werurwe 2024.”

Bivuze ko Niyonzima Olivier Seif atemerewe gukinira Kiyovu Sports kugeza shampiyona ya 2023-24 irangiye kuko ari yo mikino isigaye.

Amakuru avuga ko uyu mukinnyi ashinjwa kugumura bagenzi be bakanga gukora imyitozo igihe ikipe yiteguraga umukino w’umunsi wa 23 batsinzwemo na Etoile del’Est kubera bari bafitiwe ibirarane by’imishahara.

Niyonzima Olivier Seif akaba ubu ari mu mwiherero w’ikipe y’igihugu yitegura imikino 2 ya gicuti na Madagascar na Botswana muri uku kwezi.

Mu 2018, ni bwo Haringingo Francis yahesheje Mukura Victory Sports igikombe cya 5 cy’Amahoro, kikaba icya mbere yari yegukanye. Icyo gihe ikipe ya Mukura Victory Sports yari itsinze Rayon Sports ku mukino wa nyuma penariti 3-1, nyuma yaho umukino wari warangiye ari ubusa ku busa.

Icyo gihe mu mikino ya 1/2, Mukura yari yasezereye APR FC, umwe mu mukino Haringingo Francis yakinnye agakanga abantu.  Ntabwo amahoro yari yose mu mikino ya shampiyona, kuko Mukura Victory n’ubwo yari mu munyenga w’uko iri kwitwara mu gikombe cy’Amahoro ariko muri shampiyona byari bikomeye kuko isaha n’isaha ikipe yari kumanuka mu cyiciro cya kabiri. Mukura yagumye mu cyiciro cya mbere iri ku mwanya wa 13 n’amanota 31 irusha Gicumbi yamanutse amanota 4 gusa. 

2018 ya Mukura irashaka kuba impanga ya 2024 ya Bugesera FC

Ndahamya ko yaba umuyobozi wa Bugesera FC, abakinnyi bayo ndetse n’abakunzi bayo, buri wese yakwishimira kubona umusaruro nk’uwo Mukura yagize ubwo Haringingo Francis yari afite iyi kipe. Bugesera FC ubu iri muri 1/2 cy’igikombe cy’Amahoro, izakinamo na Rayon Sports. Bugesera FC yageze muri 1/2, imaze gutsinda Mukura igitego 1/2 mu mukino wo kwishyura wabereye i Huye.

Haringingo ntabwo bihagaze neza muri Bugesera FC n’ubwo akiri mu bikombe 2 

Bugesera FC kuri ubu yatangiye gutekereza ko yakwegukana igikombe cy’Amahoro ndetse na Haringingo Francis kuri we abona ko bishoboka kuko atari ibintu yaba akoze bwa mbere.

Gusa ku rundi ruhande, ikipe ya Bugesera FC irasumbirijwe muri shampiyona, kuko ubu tuvugana iri ku mwanya wa 14 n’amanota 23 inganya na Gorilla FC iri ku mwanya wa 15 mu gihe habura imikino 6 ngo shampiyona irangire.

Yego gutwara igikombe ni byiza ariko se kumanuka mu cyiciro cya kabiri?

Nta mutoza wanga igikombe, ndetse na n’ikipe yanga kumanika igikombe by’umwihariko kimwe mu bikombe biba bikomeye mu gihugu nk’igikombe cy’Amahoro. N’ubwo tuvuga ko Bugesera FC ifite amahirwe ku gikombe cy’Amahoro kuko iri mu makipe ane agisigayemo, ariko ifite urubanza rukomeye na Rayon Sports nayo idafite aho isigaye.

Mu 2018 Haringingo yahesheje igikombe cy’Amahoro ikipe ya Mukura, ariko igarukira ku rugi rw’icyiciro cya kabiri muri shampiyona 

Bugesera FC irasabwa imbaraga nyinshi ngo yegukane igikombe cy’Amahoro, ariko bikanayisaba imbaraga z’umurengera kugira ngo igume mu cyiciro cya mbere.

Imikino Bugesera FC isigaye gukina muri shampiyona

Shampiyona nigaruka, Bugesera FC izakira Etincelles FC ibarusha amanota 2 kandi nayo ikaba ikirwana no kutamanuka. Nyuma yaho izakurikizaho Marine FC nayo itarizera kuguma mu cyiciro cya mbere.

Nyuma yaho ni bwo izakira Rayon Sports itagifite icyo irwanira muri shampiyona. Izakurikizaho gusura Police FC, yakire Muhazi United, ku munsi wa nyuma isure Etoile de L’Est kuri ubu iri ku mwanya wa nyuma. Nibura muri iyi mikino Bugesera FC irasabwamo amanota 10 kuri 18 izakiniraho.

Haringingo Francis yakinnye gute imikino 6 ya nyuma mu 2018?

Haringingo Francis yakinnye imikino 6 mu buryo bubi cyane kuko yari ahanganye no mu gikombe cy’Amahoro. Aho bitandukanye, ni uko ku munsi wa 24 wa shampiyona mu 2018, Haringingo yari ku mwanya wa 8 n’amanota 28 bivuze ko ubu ari imbere ho amanota 5.

Bugesera FC ishobora kwisanga mu cyiciro cya kabiri mu gihe itakora impinduka zihuse mu mikino 6 isigaye 

Mukura yatsinzwe na Espoir FC, inganya na Sunrise FC na Marine FC, itsindwa na AS Kigali na Kiyovu Sports irangije inganya na Bugesera FC. Ku manota 18 Haringingo Francis yakiniye, yasaruye amanota 3 bivuze ko ari ko bigenze muri Bugesera FC, umwaka utaha iyi kipe yajya ikina saa 12:00 Am.

Hakorwa iki?

N’ibihe biba bigoye kuko imikino iba yaragiye ndetse amakipe menshi ataramenya aho bigana, ariyo mpamvu ubu aho Bugesera FC iri bigoye kuhabonera igisubizo uretse kuba yatsinda gusa.

Nibura Bugesera FC irasabwa gutsinda imikino 2 ya shampiyona ifite imbere byanarimba ibintu by’igikombe cy’Amahoro ikaba ibishyize ku ruhande. Bugesera FC ishatse yakorohereza inzira ikipe ya Rayon Sports, ubundi Rayon Sports nayo ikazayiha amanota 3 ya shampiyona kandi yayifasha.

Kuri uyu wa Kabiri ndetse no kuwa Gatatu harakinwa imikino ya nyuma yo kwishyura ya 1/8 muri UEFA Champions League 2023-2024.

Mu mikino iri bube uyu munsi, Saa yine z’ijoro ikipe ya Arsenal iraba yakiriye FC Porto yo muri Portugal kuri Emirates Stadium. Umukino ubanza ikipe ya FC Porto yatsinze igitego 1-0 cyabonetse ku munota wa 94 gitsinzwe na Galeno.

Ubwo bivuze ko nibura Arsenal igomba gutsinda ibitego 2-0 kugira ngo yizere gukomeza mu mikino ya 1/4. Mu bakinnyi iraza kuba idafite bavunitse ni Gabriel Martinelli byemejwe ku munsi w’ejo, Jurrien Timber ndetse na Takehiro Tomiyasu.

Undi mukino uraza kuba ukomeye nawo uraba uri gukinwa Saa yine z’ijoro ni uwo ikipe ya FC Barcelona yo muri Espagne iraba yakiriyemo Napoli yo mu Butaliyani kuri Estadio Olimpico Lluis Companys.

Umukino ubanza wari wabereye mu Butaliyani kuri Diego Armando Maradona wari warangiye amakipe yombi anganya igitego 1-1. 

Igitego cya FC Barcelona cyatsinzwe na Roberto Lewandowski ku munota 60 naho Napoli iza yishyura ku munota wa 75 ku gitego cya Victor Osimhen.

Ubwo bivuze ko kugira ngo haboneke ikipe ikomeza muri 1/4 birasaba ko itsinda igitego 1-0 kuzamura. Abakinnyi FC Barcelona itaba ifite kubera imvune harimo Alejandro Balde, Ferran Torres, Frankie De Jong, Gavi, Marcos Alonso, Pedri na Raphinha mu gihe Napoli yo nta n’umwe.

Kuwa Gatatu nabwo imikino izakomeza, Saa yine z’ijoro umuriro uzaba waka kuri Civitas Metropolitano aho ikipe ya Atletico Madrid izaba yakiriye Inter Milan.

Umukino ubanza warangiye Inter Milan yo mu Butaliyani yari iri mu rugo intsinze igitego 1-0 cya Arnautovic ku munota wa 70. Ubwo bivuze ko Atletico Madrid izaba iri imbere y’abafana bayo kugira ngo ikomeze igomba gutsinda nibura ibitego 2-0.

Undi mukino nawo uzaba uri kuba, Borussia Dortmund yo mu Budage izaba yakiriye PSV Eindhoven yo mu Buhorandi kuri Signal Iduna Park.

Umukino ubanza wabereye mu Buhorandi warangiye amakipe yombi anganya igitego 1-1, PSV Eindhoven yatsindiwe na Luuk De Jong ku munota wa 56 kuri penariti mu gihe Borussia Dortmund yo ari Donyell Malen ku munota wa 24.

Borussia Dortmund ihabwa amahirwe menshi yo gukomeza muri 1/4 irasabwa nibura gutsinda igitego 1-0.

Amakipe yamaze gukatisha itike ya 1/4 muri UEFA Champions League 2023-2024 kugeza ubu ni Real Madrid, Paris Saint-Germain, FC Bayern Munich ndetse na Manchester City.

FC Barcelona irasabwa gutsinda Napoli kugira ngo ikomeze muri 1/4

Arsenal irasabwa gutsinda Porto FC kugira ngo ikomeze muri 1/4

Nyuma y’amasaha make ikipe ya Dynamo BBC yandikiye BAL iyimenyesha ko yiteguye gukomeza amarushanwa kandi ikambara imyambaro iriho umuterankunga ari we Visit Rwanda, Ishyirahamwe ry’umukino wa Basketball mu Burundi (FEBABU) ryayimenyesheje ko bidashoboka.

Iyi kipe irimo kubarizwa muri Afurika y’Epfo aho itsinda Kalahari ririmo gukinira mu gushaka itike y’imikino ya nyuma ya BAL izabera mu Rwanda.

Iyi kipe umukino wa mbere batsinzemo Cape Town Tigers 86-73, bakaba barakinanye imyambaro bahishe ikirango cya Visit Rwanda nk’umuterankunga w’irushanwa.

Ibi kandi byahise bikurikirwa n’ibaruwa ya FEBABU bandikiye BAL basaba ko bareka iyi kipe igakinana imyambaro itariho umuterankunga.

BAL ku Cyumweru tariki ya 10 Werurwe, yahise isohora itangazo ko iyi kipe ya Dynamo kubera kwanga gukirikiza amabwiriza agenga amarushanwa n’imyambaro, yatewe mpaga yari ifite uwo munsi.

Iti “Dynamo BBC yatewe mpaga mu mukino wari kuyihuza na FUS Rabat ku Cyumweru saa Kumi kubera kwanga gukurikiza amategeko agenga irushanwa n’imyambaro.'

Ejo Dynamo BBC yari yandikiye BAL iyimenyesha ko yiteguye gukomeza irushanwa kandi ikubahiriza amabwiriza yose arigenga harimo no kwambara umuterankunga.

Ibi ariko FEBABU ntibikozwa kubera ko yahise iboherereza ubutumwa isaba iyi kipe kudakora iryo kosa ko ahubwo bakinisha imyambaro ya bo basanzwe bakinisha.

Ibi byose bikaba bifitanye isano n’umubano utari mwiza hagati y’u Rwanda n’u Burundi aho u Burundi bwanafashe umwanzuro wo gufunga umupaka wa rwo uwuhuza n’u Rwanda.

Anne Marie ni izina ryumvikanye kenshi mu matwi ya benshi, by’umwihariko abakunzi ba muzika. Uyu muhanzikazi, yakunze kugaragara ku mbuga nkoranyamabaga zerekana indirimbo zikunzwe cyane mu Bwongereza mu myaka yatambutse, aho yamenyekanye mu ndirimbo zirimo 'Ciao Adios' na '2002'.

Ubusanzwe uyu muhanzi w’icyamamare mu Bwongereza, yatangiye kumenyekana cyane  ubwo yakinaga mu ikipe ya karate yitwa West End akiri muto.  

Ni mu gihe mu 2013 aribwo yatangije umwuga we wenyine, asohora kaseti ye bwite yitwaga ‘Demo,’ kandi agaragara mu ndirimbo nka ‘Magnetic Man’ na ‘Rudimental.’  

Indirimbo ye ya mbere iri no mu zamwubakiye izina akamenyekana ku rwego mpuzamahanga yitwa 'Do It Right' yayishyize hanze mu 2015, imenywa na buri wese ukurikirana umuziki mu Bwongereza ndetse n’ahandi ku isi.

Anne-Marie uri mu byamamare bikunze kugira ubuzima bwabo bw’urukundo ubwiru bukomeye, ntiharamenyekana niba kugeza ubu yaba afite umukunzi.  

Mu 2018 ubwo yaganira n’ikinyamakuru Line of Best Fit ku byerekeye igitsina cye, yaragize ati: “Sinigeze nkunda abagabo gusa. Ntabwo nigeze nkunda abagore gusa. Sinigeze numva ko ari ngombwa kubwira umuntu uwo ariwe wese ko mfite ibitsina bibiri.”

Aya magambo yatangajwe n’uyu muhanzikazi, ni kimwe mu bishingirwaho bamwe bemeza ko yaba ari umwe mu bantu bashobora kuba baravukanye ibitsina bibiri, nk’uko ubushakashatsi buvuga ko hari igihe nabyo bibaho. 

Mu gihe gishize hagaragaye amafoto ari kumwe na Ed Sheeran bishimanye, ariko nyuma yayo ntihagira igitangazwa cyangwa ngo hemezwe ko hari icyaba kijya mbere hagati yabo, cyaba kiganisha ku mubano wihariye.

Kuri ubu, Ed Sheeran yashakanye na Cherry Seaborn mu 2018, babyarana abakobwa babiri, Lyra Antarctica na Jupiter Seaborn Sheeran, byemezwa neza ko nta mubano udasanzwe afitanye na Anne Marie. 

Bivugwa ko Anne-Marie afite umutungo ufite agaciro ka miliyoni £5.4 nyuma y’ishoramari ry'umutungo bwite. Kuva mu 2020, yagiye agaragara kenshi ku rutonde rw'ingaragu zikize cyane ku isi.

Mu 2018, Anne-Marie yashyize ahagaragara album ye ya mbere yise 'speak your Mind ' yagaragayeho indirimbo zamenyekanye cyane nka ‘Alarm’, ‘Ciao Adios’ ‘Heavy’, ‘Friends’, ‘2002,’ ‘Perfect to Me’ n’izindi. 

Mu mpera z’uwo mwaka, yabaye umuhanzi wa mbere wagurishije cyane ibihangano bye mu Bwongereza. 

Yaririmbye kandi afatanya n’abandi bahanzi kwandika izindi ndirimbo nyinshi nka Birthday, Rockabye, Don’t Leave Me Alone,  To Be Young, I’m lonely and Don’t Play, akorana n’abarimo Clean Bandit, Marshmello, David Guetta, Lauv, Rudimental, Doja Cat na KSI.

Muri Werurwe 2020, Anne-Marie yabaye ambasaderi w'Ishyirahamwe ryita ku buzima bwo mu mutwe Mind. 

Anne Marie ufite imyaka 33 y’amavuko, yabonye izuba ku wa 7 Mata 1991, avukira mu gace ka Tilbury muri Essex mu Bwongereza. Kugeza ubu, ni ingaragu ikunda abasore n’abakobwa nubwo adakunda kubitangariza benshi, nk’uko yabitangarije ikinyamakuru kfanhub.com.

Reba amwe mu mafoto ya Anne-Marie Rose Nicholson uvugwaho kugira ibitsina bibiri:

Mu minsi yashize byigeze guhwihwiswa ko yaba afitanye umubano udasanzwe na Ed Sheeran