Category: Uncategorized

Mu itangazo ryasohotse kuri uyu wa Kabiri rivuye mu buyobozi bwa  BAL, ryatangaje ko ikipe ya Dynamo itagikomeje mu marushanwa yo gushaka itike y’imikino ya nyuma ya BAL 2024, nyuma yo kunanirwa kubahiriza amabwiriza y’irushanwa arimo kwambara imyenda iriho umuterankunga mukuru w’irushanwa ariwe Visit Rwanda.

Iyi kipe yagombaga guhura n’ikipe ya Petro de Luanda yo muri Angola, gusa yahise iterwa mpaga kuko n’ubundi yari yavuze ko idashobora kwambara impuzankano ziriho ibirango bya Visit Rwanda.

Ikibazo cya Dynamo Basketball na BAL kuri Visit Rwanda cyatangiye gute?

Ku wa Gatandatu tariki 9 Werurwe, nibwo ikipe ya Dynamo BBC yatangiye imikino y’ijonjora rya Kalahari Conference aho yagombaga gukina n’ikipe ya Cape Town Tigers yo muri Afurika y’Epfo. Uyu mukino warangiye ikipe ya Dynamo BBC iwutsinze amanota 86 kuri 76. Muri uwo mukino ikipe ya Dynamo yakinnye yambaye imyenda itariho ibirango bya Visit Rwanda kuko bari babipfutse mu buryo butagaragara. Ibi byaje guteza ikibazo ndetse nyuma bukeye bwaho BAl ifata umwanzuro wo gutera mpaga ikipe ya Dynamo BBC.

Ubuyobizi bw’iyi kipe ndetse n’abakinnyi batangiye gutakambira igihugu cy’u Burundi ndetse n’ishyirahamwe ry’umukino wa Basketball ko babareka bagakina imikino ya BAL bambaye imyenda iriho Visit Rwanda ariko Leta y’u Burundi ibatera utwatsi.

Mu ijoro ryatambutse, abakinnyi n’ubuyobozi bw’ikipe ya Dynamo BBC bakomeje gutakamba ndetse bigera no ku mukuru w’igihugu, ariko nabwo biba iby’ubusa bababwira ko nibaramuka bakinnyi umukino wo kuri uyu wa kabiri bambaye imyeka iriho Visit Rwanda bazabyirengera.

Umukino wo ku wa 6 Dynamo yari yawukinnye yambaye imyenda yapfutse ahari Visit Rwanda 

Umunsi w’umukino warinze ugera nta kirakorwa, ndetse BAL ibaza Dynamo BBC imyenda bari bukinane nabwo bababwira ko batakina bambaye imyenda iriho visit Rwanda, bahita baterwa mpaga ziba zibaye 2 ndetse ikipe ihita isezerwa mu irushanwa.

Leta y’u Burundi yangiye ikipe ya Dynamo BBC yari ibahagarariye muri iyi mikino ya Basketball ikomeye muri Afurika, biturutse ku bibazo by’amakimbirane yishoyemo ndetse tariki 11 Mutarama bakaba barafashe iya mbere mu gufunga imipika ibahuza n’u Rwanda, ibintu bamwe mu baturage b’abarundi batishimiye

Dynamo Basketball Club yari mu tsinda rimwe na Fus Rabat, Petro de Luanda, Cape town tigers

Ishyirahamwe ry’umukino wa basketball mu Burundi rishobora guhagarikwa muri uyu mikino mu gihe cy’imyaka 5

Mu ntangiriro z’umwaka w’imikino wa 2022-23, ni bwo ikipe ya AS Kigali yasinyishije Sali Boubacar ukomoka muri Cameroon. Uyu mukinnyi ntabwo yatindanye n’iyi kipe kuko bahise batandukana.

Nyuma uyu musore yaje gutanga ikirego muri FIFA, ndetse kuri uyu wa Mbere, FIFA imenyesha AS Kigali ko yatsinzwe urubanza yarezwemo na Sali Aboubakar.

FIFA yategetse AS Kigali kwishyura ibihumbi 8 by’amadorari kubera gutandukana n’umukinnyi binyuranyije n’amategeko, ndetse bashyiraho n’andi mafaranga y’andi mezi, yarimo hagati ku masezerano y’imyaka ibiri yari yasinye, byose bigera kuri Miliyoni 20 zirenga tuyashyize mu manyarwanda.

AS Kigali ifite n’ikibazo cy’imishahara kuko ubu amezi agiye kuba 4 idahemba abakinnyi 

AS Kigali yahawe iminsi 45 yo kuba yamaze kwishyura aya mafaranga

Alarm Ministries iri mu matsinda yashinzwe bwa mbere mu Rwanda, dore ko ryashinzwe mu 1999. Yakoze kandi ishyira ahagaragara indirimbo nyinshi ziri ku mitima ya benshi nka 'Turakomeye', 'Songa Mbele', 'Hashimwe', 'Jehovah ushyizwe hejuru' n'izindi nyinshi.

Mu Rwanda hari amatsinda atandukanye akunzwe mu muziki usingiza Imana aho twavugamo Healing Worship Team, Gisubizo Ministries, Kingdom of God Ministries, True Promises Ministry, USEI Ministries, n’andi, gusa iyo uvuze Alarm Ministries, benshi babyumva kabiri dore ko yaboneye izuba amatsinda atari macye ya hano mu Rwanda ukongeraho kuba yarakoze indirimbo zinyuranye zahembuye benshi. 

Ikindi ni uko abaririmbyi ba Alarm Ministries batanze umusanzu ukomeye mu yandi matsinda yaba mu kubagira inama no mu kubabera urugero rwiza mu miririmbire.

Kugeza ubu, iri tsinda rigizwe n'abanyamuryango basaga 100 barimo abaririmbyi n'abandi bakora imirimo inyuranye mu murongo w'ivugabutumwa.

Mu 2019, iri tsinda ryakoze igitaramo bise '20 Years Anniversary Celebration Live Concert' bizihiza imyaka 20 yari ishize babonye izuba. Cyabereye mu ihema rya Kigali Cultural and Exhibition Village [KCEV] hahoze hitwa Camp Kigali.

Ku wa 2 Ukwakira 2022 nabwo Alarm Ministries bakoreye igitaramo bise ‘Alarm Sound Season 1’ muri Camp Kigali, mu rwego rwo guhimbaza Imana bataramana n’abakunzi babo nyuma y’imyaka ibiri yari ishize y’icyorezo cya Covid-19 batabasha gutaramana nabo kubera ingamba zagiye zikazwa hagamijwe kwirinda.

Mu mwaka ushize, umuramyi Josh Ishimwe wamamaye mu ndirimbo nka 'Yezu wanjye' n'izindi zihimbaza Imana yagiye asubiramo,  yiyambaje iri tsinda mu gitaramo cye cy mbere yise 'Ibisingizo bya Nyiribiremwa,' cyabereye muri Kigali Conference and Exhibition Village ahazwi nka Camp Kigali ku wa 20 Kanama 2023.

Alarm Ministries batumbagirijwe izina binanyuze mu ndirimbo zitandukanye zirimo nka Songa Mbele, Hariho impamvu, Hejuru y’Amajuru, Nzakomeza Nkwizere, Hashimwe, Goligota, Hahiriwe Umuntu n’izindi zitandukanye.

Iri tsinda, rigiye gutarama mu gitaramo cyiswe “Ewangelia Easter Celebration Concert” kizaba tariki 31 Werurwe 2024. Ni igitaramo bazahuriramo na James na Daniella, Chrisus Regnat, Ambassadors Choir, Shalom Choir ndetse na Jehovah Jireh Choir, aho bazahurira ku rubyiniro rwa BK Arena bagafatanya n’abakiristo kwizihiza umunsi wa Pasika.

Si bwo bwa mbere Alarm Ministries yaba igiye gutaramana na Ambassadors of Christ Choir ndetse na Shalom Choir, kuko no mu 2018, aba baririmbyi bahuriye mu gitaramo cyari gifite imbaraga zidasanzwe cyiswe 'The Bible Is The Source Of Melody Concert,' cyateguwe ku bufatanye n'Umuryango wa Bibiliya mu Rwanda.

Ibiciro byo kwinjira muri iki gitaramo kigiye kubera muri BK Arena biri mu byiciro bine (4) aho bihera ku mafaranga ibihumbi bitanu gusa (5000 RWF) ahasanzwe, ahisumbuyeho ni ibihumbi icumi (10000 RWF), muri VIP ni ibihumbi cumi na bitanu (15,000 RWF), muri VVIP ni ibihumbi makumyabiri (20,000 RWF) naho kumeza yicarwago n’abantu batandatu (6) ni ibihumbi magana abiri (200,000 RWF).

Abifuza kugura amatike y’iki gitaramo cy’imboneka rimwe cyo kwizihiza Pasika cyiswe ‘Ewangelia Easter Celebration’, bayagura banyuze ku rubuga rwa WWW.TICQET.RW.

Iki gitaramo cya Pasika cyiswe “Ewangelia Easter Celebration Concert”, cyateguwe ku bufatanye n’Umuryango wa Bibiliya mu Rwanda (BSR).

BSR imaze iminsi mu bukangurambaga bwo gushyigikira Bibiliya ngo itazabura, akaba ari gahunda yafunguwe n’Umuvugizi Mukuru w’Umuryango wa Bibiliya mu Rwanda, Cardinal Antoine Kambanda.

Alarm Ministries itegerejwe mu gitaramo cyo kwizihiza Pasika kizabera muri BK Arena

Ni rimwe mu matsinda afatwa nk’umubyeyi w’ayandi ahimbaza Imana mu Rwanda

Bafite amateka akomeye mu murimo w’ivugabutumwa bamaze imyaka isaga 24

Bitezweho gufatanya n’andi matsinda n’amakoralimu gufasha abakristo kwegerana n’Imana kuri Pasika

Ni igitaramo kizafasha abakristo kwizihiz Pasika barushaho kwegerana n’Imana

Reba hano indirimbo ‘Ijambo rye Rirarema’ ya Alarm Ministries

Ikinyamakuru Home Relationship cyatangaje ibintu ukwiye kugenderaho ufata umwanzuro wo guhagarika gukunda umukunzi wawe ugatangira ubuzima bubi bwangu:

             1.    Igihe mutacyishimirana nk'abakunzi

Mu mubano w'abakundana habaho kwishimirana no kumva umwe yahora iruhande rw'undi, nyamara abamaze guhagana batangira guhunga ibiganiro bya hato na hato no kumva kumubona nta kintu bivuze ku buzima bwawe.

Ibi bishobora kuba ku muntu umwe, akumva atagikunda umuntu ndetse kuba hafi ye bikamuhindukira ikibazo. Igihe wumva kuba hafi y'umukunzi bikubihiye utifuza ko akuba hafi, ukwiye guhagarika kumukunda kuko utababaye ubwawe wamubabaza.

2. Kutamwizera

Icyizere ni kimwe mu bikomeza urukundo ndetse kigatanga umutekano mu mubano hakaba ibyishimo. Iyo mwatangiye kubana nta kwizerana ni ikimenyetso ko mushobora no gutandukana.

Impinduka zabaye ku mukunzi wawe zigatuma umutakariza icyizere wamuhaga ziba zikwiye gutekerezwaho byakomeza muri ubwo buryo ugahagarika urukundo kuko nta cyizere ntiwakubaka.

Kwizera ni ishingiro ry’umubano uwo ariwo wose. Ntushobora kugira umubano mwiza nta cyizere gihagije. Bavuga ko ko kubaka icyizere bitinda ariko kugitakaza bikaba mu kanya gato. Niba wumva itakimwizera ndetse kugarura icyizere bigoye va muri urwo rukundo.

3. Itumanaho rikennye

Abakundana barangwa no kuganira mu buryo bwose buboroheye. Igihe cyose umwanya yaguhaga awukuburiye ugomba kureba kure ukibaza impamvu ibyihishe inyuma.

Bitewe n’imiterere y’akazi cyangwa imibereho umuntu ashobora kubura umwanya, ariko amasaha 24 agize umunsi ntiwaburira umukunzi nibura akanya gato.

Umusore cyangwa umukobwa ukuburira umwanya ntawo azakubonera mwarashyingiranwe.

Ni byiza guhagarika uwo mubano n’umuntu muburana burundu.

4. Kudahuza intego

Niba intego z’ubuzima bwawe zidahuye n’iz’umukunzi wawe, ugomba kubuhagarika kuko nta cyerekezo mwazahuza.

 Rimwe na rimwe, ukundana n’umuntu kugirango umenye ndetse uhuze  intego zawe n’ize mugire icyerekezo kimwe, ariko biragoye ko abagiye mu nzira zitandukanye bahurira hamwe

Kubana n’umuntu ufite intego zidahuye n'izawe ni ikosa rikomeye kuko vuba na bwangu, uwo mubano wanyu ntuzaramba. Icyizere gike ku muntu ukunda kizana intekerezo mbi mu muntu agatakaza ibyishimo akabaho ababaye.

5. Kubura umutekano

Mu gihe uri mu bucuti buryoshye, umererwa neza ndetse ukiyumva neza, bamwe bavuga ko banabaye beza no kuruhu. Niba wowe n'umukunzi wawe mubana mu gushidikanya kandi ukumva udafite umutekano uhagije nta mpamvu yo gukomeza guhatiriza.

Urukundo ni ahantu umuntu agomba kwishimira akumva ari kure y'ibindi byose bimubabaza. Iyo ubabazwa narwo uba urutwa n'uri wenyine ariko afite umutekano.

  

Ubuyobozi bwa Basketball Africa League (BAL) bwatangaje ko bwamaze gufata umwanzuro wo gutera mpaga ya kabiri Dynamo BBC y’i Burundi kubera kwanga gukurikiza amabwiriza agenga irushanwa rya BAL, ihita inasezererwa mu irushanwa.

Ni mu itangazo ryashyizweho umukono na perezida wa BAL, Amadou Gallo kuri uyu wa Kabiri tariki ya 12 Werurwe 2024.

Iyi kipe yabarizwaga mu itsinda rya Kalahari ririmo gukinira muri Afurika y’Epfo mu gushaka itike y’imikino ya nyuma ya BAL izabera mu Rwanda, irazira kwanga gukinana imyambaro iriho ‘Visit Rwanda’ nk’umuterankunga w’irushanwa.

Tariki ya 9 Werurwe 2024 ni bwo yakinnye umukino wa mbere itsinda Cape Town Tigers 86-73, icyo gihe yakinanye imyambaro bapfutse ibirango bya Visit Rwanda.

Ibi kandi byahise bikurikirwa n’ibaruwa ya FEBABU bandikiye BAL basaba ko bareka iyi kipe igakinana imyambaro itariho umuterankunga.

BAL ku Cyumweru tariki ya 10 Werurwe, yahise isohora itangazo ko iyi kipe ya Dynamo kubera kwanga gukirikiza amabwiriza agenga amarushanwa n’imyambaro, yatewe mpaga yari ifite uwo munsi.

Iti “Dynamo BBC yatewe mpaga mu mukino wari kuyihuza na FUS Rabat ku Cyumweru saa Kumi kubera kwanga gukurikiza amategeko agenga irushanwa n’imyambaro.'

Ejo Dynamo BBC yari yandikiye BAL iyimenyesha ko yiteguye gukomeza irushanwa kandi ikubahiriza amabwiriza yose arigenga harimo no kwambara umuterankunga ku mukino bafitanye na Petro Atletico de Luanda uyu munsi.
Ibi ariko FEBABU ntibikozwa kubera ko yahise iboherereza ubutumwa isaba iyi kipe kudakora iryo kosa ko ahubwo bakinisha imyambaro ya bo basanzwe bakinisha.

Ubuyobozi bwa BAL bukaba bwasohoye itangazo buvuga ko iyi kipe yatewe mpaga ya kabiri kubera kutubahiriza amabwiriza agenga irushanwa, ikaba yanahise isezererwa mu irushanwa nk’uko itegeko ribivuga ko mpaga 2 uhita usezererwa.

Iti “Dynamo Basketball Club (Burundi), yananiwe gukurikiza amabwiriza ya Basketball Africa League ajyanye n’imyambaro, yatewe mpaga ku mukino w’uyu munsi yagombaga guhura na Petro de Luanda (Angola), ikurwa muri BAL 2024. Amategeko ya FIBA avuga ko mpaga 2 mu irushanwa rimwe, bihita bikura ikipe ako kanya mu irushanwa. Ni ibihe bitoroshye ku bakinnyi n’abafana. Imikino isigaye yo mu itsinda rya Kalahari izakomeza nk’uko yateganyijwe.”

Ibi byose bikaba bifitanye isano n’umubano utari mwiza hagati y’u Rwanda n’u Burundi aho u Burundi bwanafashe umwanzuro wo gufunga umupaka wa rwo uwuhuza n’u Rwanda.