Category: Uncategorized

Guhera mu Cyumweru gishize kugeza uyu munsi kuwa Gatatu hari gukinwa imikino yo kwishyura ya 1/8 cya UEFA Champions League kugira ngo haboneke amakipe 8 azakina iya 1/4.

Kuri ubu hamaze kumenekana amakipe 6 mu gihe andi 2 nayo amenyekana mu ijoro ryo kuri uyu wa Gatatu akaba arava hagati ya Atletico Madrid iraba yakiriye Inter Milan ndetse na Borussia Dortmund iraba yakiriye PSV Eindhoven.

Muri aya makipe azakina imikino ya 1/4, atatu muri yo azaba yamamaza Visit Rwanda binyuze mu kuyambara ku myambaro ndetse no kuri sitade. Iya mbere ni Arsenal yaraye ikatishije itike itsinze FC Porto kuri penariti 4-2.

Guhera muri 2018 ni bwo binyuze mu rwego rw'Igihugu rw'Iterambere (RDB), u Rwanda rwagiranye amasezerano n’iyi kipe ya Arsenal yo muri Premier League ruyibera umuterankunga wa mbere ku maboko y'imipira, aho yambara 'Visit Rwanda' ku kuboko kw'ibumoso haba mu ikipe nkuru, iy'abatarengeje imyaka 23 no mu ikipe y'abagore.

Ikipe ya kabiri ni Paris Saint-Germain yasezereye Real Sociedad muri 1/8. Muri 2019 ni bwo u Rwanda rwagiranye amasezerano na Paris Saint-Germain ko izajya yambara ‘Visit Rwanda’ ku myenda yayo yo kwishyushyanya mbere y'umukino 'Warm up'.

Ikipe ya 3 ni FC Bayern Munich yasezereye Lazio Roma muri 1/8. U Rwanda rwagiranye amasezerano azamara imyaka 5 na FC Bayern Munich taliki 27 Kanama 2023 aho yamamaza Visit Rwanda muri sitade yayo ya Allianz Arena.

Ikipe ya Paris Saint-Germain isanzwe yamamaza Visit Rwanda yakatishije itike ya 1/4 muri Champions League 2024/2024

Arsenal yambara Visit Rwanda ku kuboko nayo yaraye ikatishije itike ya 1/4

FC Bayern Munich yamamaza Visit Rwanda muri sitade yayo ya Allianz Arena iri mu makipe 8 azakina Champions League 

Umuherwekazi w’Umugande wibera muri Afurika y’Epfo, Zari Hassan yahaye gasopo abantu bigize abajyanama mu gushaka kwiyunga hagati ye n’umugabo we Shakib Lutaaya.

Umubano wa Zari Hassan n’umugabo we Shakib Lutaaya umaze igihe urimo agatotsi kubera amashusho ya Zari Hassan na Diamond Platnumz bafatanye agatoki ku kandi yagiye hanze, gusa Zari yavuze ko atari cyo bapfuye bari bamaze igihe bafitanye ibibazo.

Mu minsi ishize ni bwo hagaragaye amashusho ya bo bivugwa ko bahuriye muri Leta Zunze Ubumwe z’Abarabu aho byavuzwe ko ari ho bagiye kwiyungira.

Mu butumwa yanyujije kuri Snapchat, Zari Hassan yavuze ko yiyamye abantu bose bivanga mu mubano we n’umugabo we bamugira inama kandi ko ntazo yiteguye kwakira.

Ati “kuza hano n’ibitekerezo nta n’umwe wabibabajije, nta n’ibyo nshaka kumenya. Sinshaka kubyumva, sinazikeneye. Mubyigumanire, sinabyitayeho. Ibyo muri munyoherereza, mugumane utwo dutekerezo twanyu.”

“Ntukaze hano ngo ungire inama. Ntabwo mwagakwiye kubikora, byigumanire, murabikeneye kuruta uko mbikeneye.”

Tariki ya 26 Gashyantare, Zari Hassan yavuze ko ayo mashusho atari yo yatumye batandukana kuko bari basanzwe bafitanye ibibazo, gusa yahishuye ko ayo mashusho yababaje Lutaaya amubwira ko asa n’uwasuzuguwe, gusa ngo yemeye ikosa anarisabira imbabazi kubera ko yakabaye yarabivuze mbere yo gufata ayo mashusho we yise ayo kwamamaza.

Icyo gihe kandi Zari Hassan yavuze ko atashimishijwe n’amashusho Shakib Lutaaya yasohoye ari kumwe n’uwahoze ari umukunzi we w’umu Dj muri Uganda, akaba yarabikoze mu rwego rwo kumwihoreraho.

Uwavuga ko uyu munsi u Rwanda rufite umubare w'abahanzikazi munini batanga icyizere mu kugeza kure umuziki nyarwanda ntiyaba abeshye. Ibi ariko, bibaye mu gito kuko mbere wasangaga ahanini umuziki wihariwe n'ab'igitsina gabo byavugwaga ko aribo bakwiye gukora uyu mwuga umukobwa yawukora akitwa icyomanzi n'andi mazina nyandagazi.

Kugeza uyu munsi, ntabwo hacyumvikana amazina y’abahanzikazi bamaze igihe kirekire muri uyu mwuga gusa, ahubwo uko bwije n'uko bukeye hagenda havuka impano nshya zitangaje mu banyarwandakazi.

Ni muri urwo rwego uyu munsi InyaRwanda yaguteguriye urutonde rw'abahanzikazi 10 b'abanyarwanda bakizamuka ariko batanga icyizere mu 2024:

1.       Fifi Raya

“>

Ishimwe Fiona umaze kumenyeka nka Fifi Raya mu muziki nyarwanda, akomeje gutanga icyizere cyo kugeza kure injyana ya Hip Hop mu Rwanda. Ni nyuma yo gushyira hanze indirimbo zakunzwe nka 'Wasara,' 'Cyane,' 'Kule,' ndetse n'inshyashya yitwa 'Mon Bebe.'

2.       France Mpundu

“>

Umuhanzikazi Gusenga Munyampundu Marie France wamamaye mu muziki ku izina rya France Mpundu, ni umwe mu bahanzikazi b'abanyarwanda batanga icyizere muri uyu mwaka. Nyuma yo gukorana indirimbo 'Darling' na Yvan Buravan igakundwa cyane, kuri ubu yamaze no gushyira hanze indi nshya yise 'Nzagutegereza.'

3.       J-Sha

“>

Itsinda rya J Sha rigizwe n'abavandimwe b’impanga ari bo Butoya Shakira na Bukuru Jennifer. Aba bakobwa bize neza umuziki kandi bawufitemo n'impano itangaje, bari kugenda bubaka icyizere mu bantu nyuma yo gushyira hanze indirimbo nka 'Mabukwe,' ndetse na 'Hobby.'

4.       Utah Nice

“>

Utakariza Nice ukoresha amazina ya Utah Nice mu muziki, ni umwe mu bahanzikazi binjiye mu muziki nyarwanda bafite intego yo gukomeza guteza imbere uruganda rumaze kuyobokwa na benshi. Uyu muhanzikazi, akora umuziki we mu njyana zitandukanye, zirimo Afropop, Afrobeat, RnB na Dancehall. Utah Nice aherutse gusubiranamo indirimbo ye yise 'Away' iri kuri EP yise 'Maadah,' n'umuhanzi Mistaek.

5.       Chrisy Neat

“>

Nyuma yo gusubiramo indirimbo zinyuranye z'abandi bahanzi bo hambere no gukora indirimbo ye iri mu rurimi rw'Icyongereza yise 'You Got Me,' umuhanzikazi ukataje mu muziki, Kanoheli Christmas Ruth [Chrisy Neat] ari mu bahanzikazi batanga icyizere mu 2024.

Izina Chrisy Neat rimaze gushinga imizi mu muziki kubera ko ari mu bari n'abategarugori bake batunganya umuziki aho akora mu nzu itunganya umuziki y'Ibisumizi.

6.       Addy d'Afrique

“>

Ishimwe Adelaide ukoresha amazina ya Addy d'Afrique mu muziki, ni umuhanzikazi ukora injyana gakondo ndetse akaba n'umusizikazi wabigize umwuga. Usibye indirimbo 'Rudasumbwa' aherutse gushyira hanze igatuma benshi batangazwa n'impano ye, afite n'indi yitwa 'Mundangire' ndetse b'ibisigo byuje ubuhanga.

7.       Oxygen

“>

Usibye kuririmba, umuhanzikazi Oxgen asanzwe akina filime nyarwanda ndetse akagaragara mu mashusho y'abandi bahanzi. Uyu, ni umwe mu batanga icyizere muri uyu mwaka nyuma yo gushyira hanze indirimbo zirimo 'Mundeke,' 'Ni Neza' n'izindi.

8.       Nadiya

“>

Nadiya ni umwe mu bakobwa bari kuzamuka neza mu muziki bakora injyana zitandukanye. Yakoze indirimbo zirimo 'Mu Mizi' ndetse n'iyitwa 'Amatako.' Mu minsi ishize, uyu mukobwa aherutse gushyira hanze iyo yise 'Way to the Top' iri mu njyana ya Hip Hop.

9.       Dabijou

“>

Munezero Rosine [Dabijou Bijou] uri mu bakobwa bamaze igihe kitari gito batigisa imbuga nkoranyambaga n'imyidagaduro bitewe ahanini n'ikimero cye gikurura abatari bake, amaze igihe gito yinjiye mu muziki, aho yamaze gushyira hanze indirimbo yise 'Jamais,' ndetse ubu akaba yateguje n'indi nshya mu minsi iri imbere.

10.  Nikayela

“>

Nikayela, ni impano nshya mu muziki nyarwanda. Nyuma yo gushyira hanze indirimbo ye ya mbere yise 'Pfusha,' abakunzi b'umuziki nyarwanda bakomeje kumuhanga amaso muri uyu mwaka.

Rwanda Premier League, yaciye amarenga ko umwaka utaha ishobora kutazakomenya n’umuterankunga witirirwaga shampiyona, aho yitwaga ‘Primus National League’.

Ibi byavuzwe ubwo hasozwaga amahugurwa y’iminsi 2 ajyanye na Club Licensing ejo hashize ku wa Kabiri tariki ya 12 Werurwe 2024.

Umukozi wa Rwanda Premier League, Harindintwari Jonathan yamenyesheje abayobozi b’amakipe harimo gushaka uko iyi shampiyona yabona abaterankunga benshi kandi batanga amafaranga menshi.

Aha ni ho yavuze ko hari abo bamaze gusinyana ndetse n’abandi bari mu biganiro barimo n’ushobora kuzitirirwa shampiyona umwaka utaha.

Ati “hari abo twamaze gusinyana n’abandi turi mu biganiro harimo n’uzitirirwa shampiyona umwaka utaha.”

Yakomeje kandi avuga ko harimo no kurebwa uburyo n’icyiciro cya kabiri na cyo cyabarizwa muri League.

Ati “ikindi ni uko turimo kubera uburyo n’icyiciro cya kabiri cyazamo. Hakaba Premier League ndetse n’icyiciro cya kabiri cya League 1, ndatekereza inteko rusange ya FERWAFA niba bazabifataho umwanzuro.”

Muri 2021 ni bwo Bralirwa binyuze muri Primus yasinyanye amasezerano na FERWAFA yo kwitirirwa Shampiyona y’icyiciro cya mbere, akaba amasezerano azarangirana n’uyu mwaka w’imikino.

Kuva mu mpera za 2017 umwuka mubi watangiye gututumba hagati y’abahanzi Itahiwacu Bruce wamamaye nka Bruce Melodie ndetse na Mugisha Benjamin uzwi nka The Ben.

Iki kibazo cyari gito iki gihe, abantu ntibamenye ko cyari kigiye kuba imbarutso y’inzika yari kumara imyaka irindwi ndetse ishobora no kurenga.

Ni ikibazo cyatewe n’uko Bruce Melodie yagiye gukorana indirimbo na The Ben hanyuma yamugeraho kuri studio akamusangana na Zizou Alpacino ndetse na Made Beats.

Icyo gihe Bruce Melodie yasanze The Ben arimo gukina umukino umenyerewe kuri telefone  na televiziyo n’ahandi uzwi nka ‘Play Station’. Aba bombi barakomeje bakina uyu mikino, Bruce Melodie nawe yagiye muri studio we na Made Beats bakora indirimbo basoje Bruce Melodie arataha,ategereza ko bazamubwira uko bumvishe iyo ndirimbo araheba.

Bruce Melodie yabibitsemo inzika ariko aza kugerageza indi ndirimbo na The Ben, indirimbo yari yakozwe na Element, icyakora iyo nayo yabaye nk’iyambere kuko hatamenyekanye irengero ryayo.

Ibi byatumye Bruce Melodie atangira kwibasira umuhanzi The Ben ku buryo muri 2020 aribwo yumvikanye mu majwi avuga ko ‘,The Ben na Meddy’ ari abanebwe, hakaba hari amakuru avuga ko ubu bwari ubutumwa bugenewe The Ben ariko akabigira rusange kugirango hatagira ikibazo kibaho.

Kera kabaye mu 2023 nibwo yahishuye ko yigeze guhamagarwa The Ben ngo bakorane umushinga ariko ntibikunde, ibintu we afata nk’agasuzuguro. Umuhanzi The Ben aherutse kwemerera itangazamakuru ko yari arimo gukina ‘Play Station’ koko, asaba imbabazi Bruce Melodie avuga ko atari azi ko yababajwe n’icyo gikorwa.

Icyo benshi bibajije kuri iki kibazo ni ese koko, umuhanzi w’umunyamwuga yari akwiriye kudakora indirimbo na mugenzi we kubera gukina ‘Play Station?.

Bamwe mu bakurikirana imyidagaduro Nyarwanda mu buryo bwa hafi, babwiye InyaRwanda ko biriya The Ben yakoze bidakwiye kuko ntawe umenya ejo hazaza.

Umunyamakuru wa Inyarwanda, Abitije Seraphin yagize ati “Iki kibazo kirakomeye ndetse cyane nuko abantu batarimo kubyumva, ariko tekereza kudakorana indirimbo na Bruce Melodie kubera gukina Play Station. Hariya The Ben yazanye ubutesi bwinshi mu kazi ka Bruce Melodie”.

Undi waganiriye Inyarwanda ariko utifuje ko dutangaza amazina ye, yagize ati “Biriya ni amakosa, twajyaga dutekereza ko Bruce Melodie akunda kwitendeka ku izina rya The Ben ariko byagaragaye ko afite impamvu, buriya ntabwo ikibazo ari ‘Play Station’ kuko wibuke ko bagerageje gukorana ubugira kabiri kandi byose bikicwa na The Ben, urumva ko nawe ari wowe byakubabaza, kariya ni agasuzuguro.

Icyakora hariya kugirango ikibazo cyabo kirangire, ni uko The Ben yakwiyambura kumva ko ari umuhanzi mukuru, agatera iya mbere agasaba imbabazi Bruce Melodie, atari ibi byo kuri murandasi kuko urabona ko ziriya mbabazi yasabye ari iza baringa.

Azahamagare Bruce Melodie bicare baganire, amusabe imbabazi nibinaba ngombwa bakorane indirimbo ariko yo gusohoka, atari iyo muri studio yo kubeshyanya naho ubundi ntago Bruce Melodie bizigera bimuvamo kuko yarasuzuguwe kandi yari umuhanzi munini nawe, wibuke ko 2017 yari amaze gutwara Gumaguma, muri 2020 bwo ni ibindi bindi kuko yari mu bihe bye byiza”.

Inyarwanda yagerageje kuvugisha Zizou Alpacino wari kumwe na The Ben ku munsi wo gukina Play Station, ngo twumve icyo abitekerezaho ndetse atubwire koko niba aba bombi bishoboka ko bakwiyunga ariko ntitwabasha kumufatisha.

Icyakora icyo benshi bahurijeho ni uko Bruce Melodie yababajwe akwiriye gusabwa imbabazi cyane zitari baringa cyane ko nawe ari umuhanzi mukuru.

The Ben benshi bemeza ko akwiye gusaba imbabazi Bruce Melodie ndetse byaba byiza bagakorana indirimbo

Bruce Melodie benshi bemeza ko yababajwe n’ukuri kuko ngo yasuzuguwe

Zizou Alpacino usanzwe ubanye neza na Bruce Melodie na The Ben niwe ushobora kunga aba bombi 

Muri 2017 ubwo Mugisha Benjamin wamamaye nka The Ben yagarukaga mu Rwanda nyuma y’imyaka igera kuri irindwi abarizwa muri Leta Zunze Ubumwe za Amerika, hageragejwe ko hakorwa indirimbo hagati ye na mugenzi we Bruce Melodie.

Ubwo iyi ndirimbo yageragezwaga, ntiyabashije kubaho kuko ubwo yagiye gukorwa, umuhanzi Bruce Melodie yasanze The Ben arimo gukina umukino wa ‘Play Station’ na Zizou Alpacino. Bruce Melodie yahise ajya muri studio na Made Beats ariko barinda bataha The Ben atabasanzeyo.

Nonese ‘Play Station’ ni iki?

Play Station ni umukino ukinirwa kuri telefoni cyangwa se kuri mudasobwa, aho umuntu aba ashobora guhitamo umukino yifuza bitewe n’uwo akunda, harimo umupira, gutwara imodoka, moto, igare, indege n’ibindi. Hari abakunda kandi gukina imikino yo kurwana n’ibindi bitewe n’ibyo wisangamo.

Iyi mikino, iguhitishamo niba ushaka gukina ku giti cyawe, ukina na mudasobwa cyangwa se ukina na mugenzi wawe mushobora guhangana muri kumwe cyangwa se mutari kumwe imbona nkubone.

Iyi mikino yatangirijwe mu Buyapani muri 1994 n’uruganda rwa Sony Interactive Entertainment, mu 1995 igera muri Amerika y’Amajyaruguru, i Burayi no muri Australia, iza gusakara nyuma igera hose ica uduhigo two kugurisha cyane kuruta iyindi ikinirwa ku ikoranabuhanga.

Urukundo rudasanzwe The Ben akunda umukino wa ‘Ply Station’ rwatumye indirimbo ye na Bruce Melodie iburizwamo

Bruce Melodie avuga ko yamutegereje amaso agahera mu kirere