Category: Uncategorized

Yabigarutseho mu kiganiro yagiranye na Radio 10 na Royal Fm kuri uyu wa Mbere tariki 1 Mata 2024. Ni ikiganiro cyibanze ku ngingo zinyuranye zirimo urugendo rw’imyaka 30 ishize u Rwanda rwibohoye, ibikorwa byo Kwibuka ku nshuro ya 30 n’ibindi.

Muri iki kiganiro, Umukuru w’Igihugu yavuze ko Jenoside yatangiye ‘kera’ mbere y’iyi myaka 30 ishize. Yavuze ko iyo usubije inyuma amaso buri myaka 30 uhereye muri za 60 mbere yaho gato, nyuma y’aho gato, ibyabaye byatumye (…) abantu baba impunzi, abandi bapfa, gutatana mbese kw’Abanyarwanda…”

Umukuru w’Igihugu yavuze ko mu gihe u Rwanda rwitegura kwibuka ku nshuro ya 30, bisa n’aho amateka y’ivunguramoko nta masomo yasize ku mahanga kuko muri iki gihe ‘hari ibintu mu karere nabyo bisa na biriya’.

Ati “Ubu turi mu 2024, urumva ni indi myaka 30 uhereye mu 1994, 2024 icyo tuvuga turibuka ariko hari ibintu mu Karere nabyo bisa na biriya. Iyo urebye aba bantu bicwa muri Congo i Burasirazuba, impunzi dufite hano zirenga ibihumbi 100 by’abantu bahunze iwabo kubera ko bicwa, kubera ko batotozwa, kandi bagatotozwa bavuga ko aba bantu ni Abatutsi. Iby'uko ari abatutsi cyangwa Abanyarwanda bo muri Congo ntabwo ibyo bivugwa, ndetse bikajyamo no gufatanya n'interahamwe FDLR hariya muri Congo y'Iburasirazuba…'

Perezida Kagame yavuze ko ashingiye ku bibera mu Burasirazuba bwa Repubilika Iharanira Demokarasi ya Congo bisa n’aho ari Jenoside iri gukorwa. Ati “Iriya ni nka Jenoside erega bariho bakora.”

Umukuru w’Igihugu yavuze ko uretse no muri Afurika, no mu bindi bihugu byo mu mahanga ‘irondakoko, ivanguramoko’ naho bihaboneka.

Yavuze ko Politiki iciciritse y’imiyoborere ikomeje gukoma mu nkokora imiyoborere y’ibihugu byinshi, kandi ko kwimika ikibi nta nyungu bitanga ku miyoborere n’imibereho y’abantu.

Umukuru w’Igihugu yavuze ko kubaka ikintu bigira aho bishingira harimo imyumvire, gusesengura, ubuyobozi bwa Politiki bujyanye n’aho abantu bagana cyangwa ibihugu bigana.

Yavuze ko buri wese wagize uruhare muri Jenoside nta nyungu yakuyemo. Biri no mu mpamvu buri wese ashobora kwibaza ati ‘byakongera gusubirwamo ushaka iki, kubera iki?’

Umukuru w’Igihugu, yavuze ko muri Politiki habayeho kurwanya ikibi ‘nubwo cyatwaye abantu batabarwa’ ariko ‘noneho icyari gisigaye ni ukuvuga ngo tugire dute kugirango twubake ubuzima’.

Kagame yavuze ko abishe abantu ‘ntacyo wabasaba’ ahubwo icyo bakwiriye’ ni ukubibazwa cyangwa se bakabihanirwa nk’uko biteganyijwe n’amategeko.

Ariko kandi hari abatotejwe, abishwe n’abasigaye bagombaga gufashwa mu buzima kongera kwiyubaka, kubaho no kumva ko ntawuzabatoteza igihe icyo ari cyo cyose mu buzima bwabo.

Umukuru w’Igihugu yavuze ko abiciwe basabaga ubutabera kandi bagomba kubuhabwa, hanyuma icyo wabasaba ni ‘uruhare rwabo mu kongera kubaha ubuzima bw’abakiriho n’abandi batakiriho’.

Ati “Ndetse nta kuntu byagerwaho bitazanyemo na bariya bandi bamwe muri bo cyangwa ababo bagize uruhare mu kubuza ubuzima abandi, niko Igihugu cyubakwa, niko cyongera kigasubirana n’ababigizemo uruhare, abiciwe, abishwe, bose bagomba kugaruka hamwe ku gihugu cyabo, kandi birashoboka n’ubu turabibona ko bimaze kugenda bishoboka n’ubu turabibona ko bigenda bishoboka…'

Perezida Paul Kagame yavuze ko mu gihe u Rwanda rwitegura kwinjira mu Kwibuka ku nshuro ya 30, amateka y'ivanguramoko rwanyuzemo asa nk’aho ntacyo yigishije amahanga, kuko nyuma y'imyaka 30 ishize, ibikorwa nk'ibi bigaragara mu Burasirazuba bwa RDC

Kimwe n'andi mezi atangira umwaka wa 2024, ukwezi kwa Werurwe kwamaze gushyirwaho akadomo kwaranzwe no gukora cyane ku ruhande rw'abahanzi nyarwanda muri rusange, haba abakizamuka bigaragaje cyane ndetse n'abawumazemo igihe bafatwa nk'inkingi za mwamba.

Ibi ni ibishimangira ko uko bwije n'uko bukeye umuziki nyarwanda urushaho kugenda utera intambwe kandi ishimishije.

Mu ndirimbo amagana zagiye ahagaragara mu kwezi kwa Werurwe ndetse no mu mpera za Gashyantare, InyaRwanda yaguteguriye 10 z'intoranywa muri zo zacuranzwe, zikabyinwa, zigasakazwa hirya no hino ku mbuga nkoranyambaga bigatinda:

1.   Jugumila – Dj Phil Peter ft Chriss Eazy & Kevin Kade

“>

Indirimbo 'Jugumila' yahuje abahanzi bakunzwe mu Rwanda barimo Chriss Eazy, Kevin Kade na Dj Phil Peter, yagiye ahagaragara mu mpera za Gashyantare ariko ku bwo kuyamamaza cyane n'ubuhanga ikoranye, iyi ndirimbo yakomeje kuba isereri mu mitwe ya benshi cyane ko byari bigoranye kubona ahabereye ibirori nticurangwe.

2.     Imbwa Zimoka – Kinabeat & ZeoTrap

“>

Byiringiro Francois [Zeo Trap] uri mu bahanzwe amaso mu njyana y'umujinya [HipHop] mu Rwanda, ni umwe mu bakoze indirimbo zanyuze imitima ya benshi mu kwezi gushize kwa Werurwe. Imwe mu zikunzwe kugeza uyu munsi, ni iyo yakoranye na Kinabeat bise 'Imbwa Zimoka.'

3. Bwe Bwe Bwe – Bruce The 1^st ft Ish Kevin, BullDogg & Kenny K-Shot

“>

Mukiza Bruce [Bruce The 1 st] ni umuraperi wihagazeho muri iki gihe, muri Werurwe, yashyize hanze 'Bwe Bwe Bwe' yahurijemo abandi baraperi bakomeye mu Rwanda, barimo Ish Kevin, Bull Dogg na Kenny K Shot, bagaruka ku buryo hari ibinyamakuru bidaha agaciro abaraperi.

4.     Uzitabe — Butera Knowless

“>

Nyuma ya 'Oya Shn,' 'Njyenyine' yahuriyemo na Yverry n'izindi ndirimbo zagize Butera Knowless umunyabigwi mu muziki nyarwanda, aherutse gushyira hanze  indirimbo nshya ariko abantu bishimiye iyitwa “Uzitabe” ikaba ari indirimbo yibutsa abanyarwanda kurushaho gukunda igihugu.

5.     Ntabya Gang – Papa Cyangwe ft Bushali

“>

Indirimbo 'Ntabya Gang' ni imwe mu ndirimbo ikunzwe, igaragara kuri album ya mbere y'umuraperi Abijuru King Lewis [Papa Cyangwe] yahuriyemo na Bushali, yise 'Live and Die.'

6.    Akanyoni — Okkama

“>

Umuhanzi Okkama uri mu bagezweho muri iyi minsi, aherutse gushyira hanze indirimbo yise 'Akanyoni,' irakundwa ndetse iramamazwa cyane ku mbuga nkoranyambaga maze biyongerera igikundiro. Mu bakomeje kuyikundisha benshi, harimo n'umukunzi w'uyu muhanzi, Tracy Teta banabyaranye umwana w'umukobwa.

7.     Mirror — Fela Music

“>

Uwavuga ko itsinda rya Fela rigizwe na Feikel na Labii, riri muri amwe ari kugerageza kongera gutanga ibyishimo bikwiye, ntabwo yaba abeshye.

Iri tsinda rimaze gushinga imizi mu muziki nyarwanda, baherutse gushyira hanze indirimbo nshya ' Morror,' mu gihe bavuga ko bari kunyura mu bihe bitoroshye mu muziki wabo nubwo bitayibujije gukundwa na benshi cyane ko ari iy'urukundo.

8.     Nzagutegereza — France Mpundu

“>

Umuhanzikazi Gusenga Munyampundu Marie France wamamaye mu muziki ku izina rya France Mpundu, ni umwe mu bahanzikazi b'abanyarwanda batanga icyizere muri uyu mwaka. Binyuze mu mikoranire ye na Juno Kizigenza, izina ry'uyu mukobwa rimaze kuzamuka, ndetse aherutse no gushyira hanze 'Nzagutegereza,' ikomeje kunyura benshi.

9.     Mon Bebe — Fifi Raya

“>

Fiona Ishimwe uzwi mu muziki nka Fifi Raya, ni umwe mu baraperikazi b'amaraso mashya w'umuhanga kandi ugezweho mu njyana ya Hip Hop. Nyuma yo gushyira hanze izindi ndirimbo ze zakunzwe cyane, mu ntangiriro za Werurwe, uyu mukobwa yashyize hanze 'Mon Bebe' nayo ikomeje gukundwa no guhererekanwa cyane ku mbuga nkoranyambaga.

10.  Icyuki Gikaze — Diplomat ft Li John

“>

Nyuma yo gushyira hanze iyitwa 'Kalinga,' umuraperi Diplomat uri mu bafite igisobanuro gikomeye mu muziki nyarwanda aherutse kongera gukora mu nganzo ashyira hanze indirimbo yahuriyemo na Ismael Mwanafunzi na Li John.

Muri iyi ndirimbo 'Icyuki Gikaze,' yumvikanamo mu magambo akomeye aho agaruka ku buryo none umurwayi asigaye yitwa umukiliya, itsinda ry'ibihunyira rikaba ryitwa 'Parliament'.

 

Perezida wa Repubulika y’u Rwanda, Nyakubahwa Paul Kagame yavuze ko yagize amahirwe yo kureba umukino wa shampiyona y’u Bwongereza wahuje Arsenal afana ndetse na Manchester City n’ubwo bitagenze uko babyifuzaga.

Ni umukino waraye ubereye kuri Etihad Stadium mu Mujyi wa Manchester aho City yari yakiriye Arsenal y’i London maze iminota 90 irangira ari ubusa ku busa.

Mu kiganiro yagiranye na Royal Fm na Radio10, umunyamakuru Oswald Mutuyeyezu yabajije Perezida Kagame niba yaraye abashije kureba uyu mukino, avuga ko yagize amahirwe yo kuwureba.

Ati “Yego nawukurikiye, akenshi iyo mfite umwanya ndabikurikira. Ejo rero nari mfite umwanya narabikurikiye.”

Perezida Kagame kandi yavuze ko nk’abakunzi ba Arsenal bitagenze uko babyifuzaga ariko na none ngo mu mupira ni ko bigenda.

Ati “Ni byo twifuzaga. Umupira ni ko ugenda, ntabwo iteka biba amahire uko umuntu abishaka. Reka turebe iyindi mikino iri imbere uko izagenda.”

Arsenal ikaba yabuze amahirwe yo gukomeza kuyobora urutonde rwa shampiyona kuko Liverpool ni yo yahise ifata umwanya wa mbere n’amanota 67, Arsenal 65, Manchester City 64 ni mu gihe hasigaye imikino 9 ngo shampiyona irangire.

Perezida Kagame yavuze ko batahiriwe n’umukino wa nimugoroba

Arsenal yaraye inganyije na Manchester City

Cyabaye mu ijoro ryo kuri iki Cyumweru tariki 31 Werurwe 2024, mu nyubako y'imyidagaduro ya BK Arena, aho cyahuje Abakristu mu matorero n'amadini anyuranye.

Ni kimwe mu bitaramo cyari kimaze igihe cyamamazwa, abantu banyuranye bakangurirwa kuzakitabira ahanini bitewe n'abaramyi n'amakorali yatumiwe.

Cyaririmbyemo abaramyi b'amazina akomeye nka Israel Mbonyi, Zoravo wo muri Tanzania, James na Daniella, Chrisus Regnat, Elie Bahati, Alarm Ministries, Shalom Choir ndetse na Jehovah Jireh Choir.

Cyateguwe n’Umuryango wa Bibiliya mu Rwanda (BSR) mu gusoza ubukangurambaga bwiswe ‘Shyigikira Bibiliya’, bwo gushishikariza abantu gutera inkunga Bibiliya kugira ngo itazabura burundu mu Rwanda. 

Ubwo yari ayoboye igitambo cya Missa cya Pasika, ku wa Gatandatu, tariki ya 30 Werurwe 2024, Karidinali Kambanda yavuze ko Pasika ari umunsi wibutsa ko Yezu yatsinze urupfu.

Ati 'Dushime Umwami Imana waduhaye gutsinda ku bwa Yesu Kirisitu wazutse. Kuzuka kwe kwatanze urumuri rutuma tubona Yezu Kirisitu uwo ari we.''

Mu gitaramo ‘Ewangelia Celebrations’, Kambanda yashimye Imana ku bw'ibirori n'ibyishimo bya Pasika 'ukaduha impano ikomeye y'ijambo ryawe. 

Yavuze ati 'Jambo wawe yigize umuntu Yezu Kristu arabitugarigariza, igihe yabwiraga umuhengeri ati 'tuza'. Yavuze ko Kristu ari umuremyi ushobora kurema ubundi buzima bushya 'ari bwo yatugaragarije muri Pasika azuka'.

Ku munsi wa Pasika hazirikanwa amasomo atandukanye harimo Isomo ryo mu Abanyakolosi 3.1-4. 

Hagira hati 'Bavandimwe, ubwo mwazukanye na Kristu, nimuharanire ibyo mu ijuru, aho Kristu ari, yicaye iburyo bw’Imana; nimurangamire iby’ijuru, aho kurarikira iby’isi. Koko mwapfanye na Kristu, none ubugingo bwanyu bwihishe hamwe na We mu Mana. Aho Kristu azigaragariza, We bugingo bwanyu, icyo gihe namwe muzagaragara muri kumwe na We, mu ikuzo ryisesuye.'

Imyaka 25 irashize inkuru nziza igeze mu Rwanda:

Mu nyandiko ya Vincent Harolima, Umwepisikopi wa Diyosezi ya Ruhengeri akaba na Perezida wa Komisiyo y'Abapesikopi Ishinzwe Ukwemera ashima Imana kubera 'Abamisiyoneri b'Afurika bayituzaniye (inkuru nziza).'

Akomeza ati 'Nyagasani Mana, dukomereze mu kwemera, mu kwizera no mu rukundo. Duhe kuba abahamya b'ukuri n'abagabuzi b'amahoro yawe. Uko bukeye dutere indi intambwe mu nzira y'amizero. Roho Mutagatifu atumurikire, adukomeze mu nzira y'umukiro. Bikira Mariya, Nyina wa Jambo, Mwamikazi wa Kibeho, udusabire. Amen.”

Vestine na Dorcas bafashijwe muri iki gitaramo nyuma yo gutaramirwa n’abahanzi b’amazina akomeye

Umuhanzi w’indirimbo zo kuramya no guhimbaza Imana, Christian Irimbere uherutse gukora igitaramo cye bwite 

Itsinda rya James na Daniella ryahembuye imitima ya benshi muri iki gitaramo cyari kigamije gushyigikira umuryango wa Bibiliya

Byari ibihe byo kuramya no kwegerana n’Imana muri iki gitaramo cyo kwizihiza Pasika 

Christian Irimbere asuhuzanya na Fortran Bigirimana baherutse guhurira mu gitaramo

Umuhanzi w’indirimbo zo kuramya no guhimbaza Imana, Papi Clever ufatanya n’umugore we Dorcas 

Itsinda rya Alarm Ministries ryakoresheje imbaraga zikomeye muri iki gitaramo rinyura benshi

Ibihumbi by’abantu bahuriye muri iki gitaramo cyabereye muri BK Arena kuri iki Cyumweru

Abo mu miryango inyuranye bahuriye muri iki gitaramo mu gushima Imana yabarinze kuva mu myaka ishize

Itsinda rya Vestine na Dorcas ryitabiriye iki gitaramo bari kumwe n’umujyanama wabo Murindahabi Irene

Umuramyi Annette Murava wamamaye mu ndirimbo ‘Niho Nkiri’ ari kumwe n’umugore we Bishop Gafaranga bitabiriye iki gitaramo

Umunyamuziki wo mu Bufaransa, Fortran Bigirimana yagaragaye muri iki gitaramo nyuma yo gushyira hanze Album ye

Alex Muyoboke wabaye umujyanama w’abahanzi yashyigikiye abarimo Israel Mbonyi muri iki gitaramo cyo kwizihiza Pasika

Umuhanzi w’indirimbo zo kuramya no guhimbaza Imana, Bosco Nshuti ari mu bitabiriye iki gitaramo 

Umunyamakuru w’Ikigo cy’Igihugu cy’Igitangazamakuru (RBA), Rugaju Reagan (Uri ibumoso) ari kumwe n’umunyarwenya Samu wo mu itsinda Zuby Comedy

Umuhanzi w’indirimbo zo kuramya no guhimbaza Imana, Prosper Nkomezi witegura gukora igitaramo tariki 12 Gicurasi 2024 

Israel Mbonyi niwe washyize akadomo kuri iki gitaramo cyambukiranyije umunsi 

Itsinda rya Ben na Chance bitegura gukorera ibitaramo muri Canada bari mu bitabiriye iki gitaramo

JEHOVAHI JIREH YATANZE IBYISHIMO BISENDEREYE MURI IKI GITARAMO CYO KWIZHIZA PASIKA

Kanda hano urebe amafoto menshi yaranze igitaramo ‘Ewangelia Celebrations’ cyabereye muri BK Arena

AMAFOTO: Serge Ngabo- InyaRwanda.com

Umukinnyi w’ikipe y’igihugu ya Basketball na REG WBBC, Micomyiza Rosine Cisse yahisemo kwishushanyaho itariki y’agahinda kuri we, itariki yaburiyeho se umubyara.

Uyu mukinnyi uri mu bahagaze neza, tariki ya 30 Werurwe 2024 yarimo yibuka imyaka 4 amaze abuze umubyeyi we (papa we).

Rosine akaba yarahisemo kwishushanyaho iyi tariki y’agahinda kuri we yo yaburiyeho umubyeyi, ari yo tariki ya 30 Werurwe 2020.

Ni igishushanyo yashyize ku kuguru kwe kw’ibumoso, yanditseho ati 'RIP (Rest in Peace) Dad' cyangwa 'Uruhukire mu mahoro papa' akurikizaho itariki yapfiriyeho ya 30 Werurwe 2024.

Rosine Micomyiza akaba amaze kwandika izina muri Basketball aho muri 2017 yigaga muri Uganda Christian University, aho yanatowe nk’umukinnyi mwiza wahize abandi muri shampiyona ya Uganda, yaje kuvayo aza mu Rwanda mu ikipe ya The Hoops yavuyemo muri 2023 ari bwo yasinyiraga REG WBBC.

Yishyizeho igishushanyo kimwibutsa itariki se yapfiriyeho, mu mpera z’icyumweru gishize yari amaze imyaka 4

Micomyiza Rosine ni umwe mu bakinnyi bahagaze neza kuri ubu mu Rwanda

Ku wa Kane w'icyumweru gishize tariki 28 Werurwe 2024, nibwo kompanyi icuruza imodoka ya Carcarbaba yamuritse ubwoko bushya bw'imodoka zikorwa n’uruganda Dongfeng ruri mu za mbere zikomeye mu Bushinwa, isanzwe ihagarariye mu Rwanda no mu Karere.

Modeli nshya yamuritswe uyu munsi ni Forthing Friday, ikoresha amashanyarazi 100% ikaba ifite ubushobozi bwo kugenda ibirometero 420 mu gihe yuzuye neza.

Carcarbaba yamuritse imodoka nshya y’amashanyarazi

Queen Kalimpinya wamuritswe nka Brand Ambassador' wa Carcarbaba icuruza imodoka z’uruganda Dongfeng, yavuze ko yishimiye cyane kuba umufatanyabikorwa w'iyi kompanyi cyane ko asanzwe ari umuntu ukunda imodoka kandi akaba yaranabanje gufata umwanya  wo kwiga kuri izi modoka za Dongfeng byumwihariko.

Yagize ati: 'Kuba umufatanyabikorwa wa Carcarbaba ni ibintu nishimiye kubera ko Donfeng ni imodoka nabanje kwigaho mbere y'uko nifatanya na Carcarbaba kugira ngo ninjya kuba umuvugizi 'Brand Ambassador' w'ubu bwoko bw'imodoka nzabe nzi neza ibyo ndi gushishikariza abandi kujyamo.'

Kalimpinya yavuze ko mu bintu bitatu yakundiye izi modoka byanamutera gushishikariza abandi kuzigura, harimo imikorere yazo myiza n'ubushobozi buhanitse, ikoranabuhanga rigezweho, ndetse no kuba ikoze mu buryo budahungabanya ibidukikije, nk'imwe mu ngamba y'Isi yose.

Akomoza ku cyo azakora mu rwego rwo kumenyekanisha izi modoka, Queen yagize ati: 'Icyiza cy'abanyarwanda ni uko dukunda ibintu byiza kandi tuzi kwihitiramo ibidukwiriye. Rero ndateganya kumenyekanisha Carcarbaba mu buryo bwose, yaba ari ku mbuga nkoranyambaga zanjye zose, yaba ari mu mukino nkina wa Rally, ngira ngo abantu benshi bakunda amamodoka banakurikirana imikino y'amasiganwa ku modoka. Naho rero nzagerageza kumenyekanisha ubu bwoko bw'imodoka.'

Queen Kalimpinya agerageza imdoka nshya ya Carcarbaba

Queen Kalimpinya uherutse no mu Bushinwa, aho yasuye n'uruganda rukora izi modoka za Dongfeng, yavuze ko akigerayo yatunguwe cyane no kubona habayo ubwoko bwinshi cyane bw'imodoka nziza kandi zikorerwa mu Bushinwa. Yishimiye ko ho usanga abantu bose badakoresha ubwoko bumwe bw'imodoka, asobanura ko ari ikintu cyiza kigaragaza ko isoko rikangukiye kumenya imodoka no kwihitiramo.

Yakomeje agira ati: 'Ikindi kintu cyiza nabonye mu Bushinwa ni uko bakangukiye gukoresha imodoka z'amashanyarazi, ari nacyo igihugu cyacu kiri kugerageza gukora, kizana imodoka nyinshi za Hybrid cyangwa se EV kugira ngo turusheho kubungabunga ibidukikije. Ni zimwe mu ngamba Carcarbaba ifite, turashaka gufatanya n'u Rwanda kubungabunga ibidukikije.'

Kimwe mu bintu byamukoze ku mutima cyane ubwo yari ari mu Bushinwa, ni uburyo imodoka ziteranyirizwayo uhereye ari ibati kugeza irangiye, ashimangira ko DongFeng ifite gahunda yo gutangira guteranyiriza imodoka zayo mu Rwanda.

Umuyobozi wa Carcarbaba, John Mugabo, asobanura impamvu bahisemo Queen Kalimpinya nk’umuvugizi w’iyi kampani

Umuyobozi wa Carcarbaba, John Mugabo, umugabo ufite uburambe burenga imyaka 25 mu bucuruzi bw'imodoka, yasobanuye ko impamvu bahisemo Kalimpinnya nka 'Brand Ambassador' w'iyi kampani, ari uko bashatse kugendera mu murongo w'igihugu wo gushyigikira abari n'abategarugori mu nzego zose baherereyemo, kandi ikirenzeho uyu mukobwa akaba asanzwe amenyerewe no muri siporo y'imodoka idakunze kurangwamo  ab'igitsina gore.

Uyu muyobozi yagize ati: 'Ikindi gishimishije ni uko ari bake cyane bakora iriya siporo y'amamodoka. Birashimishije kubona umuntu w'umwana mutoya, uvuga uti 'nanjye ndashaka guhangana n'abagabo, ntware imodoka.' Twese twari tuzi ko ari siporo y'abagabo ariko kumubonamo birashimishije. Uretse natwe n'abantu bazwi ku Isi nka Lewis Hamilton yaratangaye biranamushimisha cyane.

Ni ikintu natwe cyadukuruye, twiyemeza guhera kuri we , tugakorana nawe, akatubera Brand Ambassador, akadufasha kumenyekanisha imodoka zacu, turi no guteganya kuzamuha imodoka ya siporo nibicamo nk'uko tubiteganya tuzamushakira imodoka ya Dongfeng ya siporo, ajye ajya gupiganwa n'abandi nawe afite imodoka nziza. Ubwo n'abandi bazagenda bakurikiraho, niwe ufunguye umuryango, akaba afunguriye n'abandi.'

Kugura imodoka muri Carcarbaba biherekezwa n'amahirwe menshi harimo  iyo kuba  ihabwa guranti y’imyaka itanu

Ndetse uyiguze agakorerwa maintenance ku Buntu mu gihe cy’umwaka wose. Muri Carcarbaba uhasanga igaraje rigezweho rifite ibikoresho byose ndetse n’abakanishi baturutse ku ruganda bo kwita kuri izi modoka .Carcarbaba ikorera mu Kanogo hafi na Sawa Citi. Telephone yabo ni 0788708280.

Umwari umwe rukumbi umenyerewe mu marushanwa y’imodoka, Queen Kalimpinya yasinyanye amasezerano na Carcarbaba icuruza imodoka za Dongfeng

Carcarbaba yamuritse imodoka y’amashanyarazi

Igihe yuzuye neza, ifite ubushobozi bwo kugenda ibirometero 420

Imbere mu modoka nshya ya Carcarbaba

Moteri yayo

Mbere yo gutangira gukorana na Carcarbaba, Queen Kalimpinya yabanje kwiga ku modoka za Dongfeng bacuruza mu Rwanda

Kalimpinya agerageza imodoka nshya

Yavuze ko agiye kwamamaza izi modoka ahashoboka hose haba mu Rwanda no mu Karere

Queen Kalimpinya hamwe n’abayobozi ba Carcarbaba

Impande zombi ziyemeje kugira ubufatanye bwiza

Imiryango irafunguye ku bifuza kugura izi modoka muri Carcarbaba

Kanda hano urebe amafoto yaranze umuhango wo kumurika ku mugaragaro imodoka nshya ya Carcarbaba ndetse na ‘Brand Ambassador’ mushya Queen Kalimpinya

Igitaramo cyo kumurika album ‘Respect’ cyabereye muri Crown Conference Hall iherereye Nyarutarama.

Ni album yari yashyize hanze ku wa 04 Mutarama 2024 iriho indirimbo 15 zirimo ‘Respect' yayitiriye, 'Nshobozwa' yakoranye na Gerald, 'Merci', 'Warabikoze', 'Umbeshejeho', 'Uwirata', 'Nimeonja', 'Ndashima' na Muyango Jean Marie, 'Niyo', 'Unyitaho' na Joshua, 'Ubwami', 'Ndakwizera', 'Nahisemo', 'Kora' ndetse na 'Wageze'.

Iki gitaramo cyatangiye ku isaha ya Saa Moya n’iminota 20, mu gihe abantu batangiye kwinjira ku isaha ya Saa Kumi n’Imwe z’umugoroba. Ni igitaramo cyari kiyobowe na Mpazimaka Kennedy, umubyeyi wa Arthur Nkusi na Sintex.

Umuhanzikazi Tonzi umaze imyaka isaga 20 mu muziki wo kuramya no guhimbaza Imana, niwe wabanje ku rubyiniro mu ndirimbo ye yise ‘Respect’, uyu muhanzikazi yashimishije abitabiriye igitaramo gusa aza kubisikana n’abandi baramyi bari bitabiriye iki gitaramo barimo Liliane Kabaganza weretswe urukundo rudasanzwe.

Umunyabigwi mu muziki wo kuramya no guhimbaza Imana mu Rwanda no muri DRC-Congo, Liliane Kabaganza yaririmbye zimwe mu ndirimbo ze zakunzwe cyane zirimo ‘Abiringiye Uwiteka, Yesu Ndakwihaye, Yakoze imirimo’ n’izindi zashyize abantu mu bicu.

Liliane Kabaganza yeretswe urukundo rudasanzwe kuko kuva yajya ku rubyiniro, abantu baririmbanye nawe kugeza avuyeho. Yaje guha umwanya Tonzi agaruka ku rubyiniro arongera atanga ibyishimo.

Tonzi yavuze ko iyi album idasanzwe kuko yayikoze atari mu bihe bimworoheye.Ko yayikoze atwite akaza no guhura n'ibibazo birimo uburwayi bwamufashe ayigezemo hagati, ariko agahatana kugeza irangiye.

Muri iki gitaramo kandi Tonzi yazamuye abana be batatu ku rubyiniro, bagaragaza ubuhanga budasanzwe mu kuririmba dore ko baririmbiye abitabiriye iki gitaramo.

Si abana ba Tonzi gusa baririmbye ahubwo na Maranatha Family Choir nabo batanze ibyishimo bisendereye binyuze mu indirimbo zabo zirimo ‘Uri Uwera’.

Itsinda ‘The Sisters’ ryagiye ku rubyiniro rigishyiraho akadomo. Abantu bashimishijwe no kubona Gabby Kamanzi, Aline Gahongayire, Phanny Wibababara ndetse na Tonzi bongeye guhurira ku rubyiniro nyuma y’igihe kinini iri tsinda ritandukanye ku mpamvu wabereye urusobe benshi.

Aba baramyi bagiye bafatanya kuririmba indirimbo za buri umwe mu bagize itsinda.

Aba banyuze abantu mu majwi meza ya live ndetse banasa neza mu myambaro idasanzwe. Zimwe mu ndirimbo bafatanyije kuririmba harimo ‘Ndanyuzwe’ ya Aline Gahongayire, Humura’ ya Tonzi, Nzahora Nshima’ ya Tonzi n’izindi.

Muri rusange ni igitaramo cyaranzwe no kugaragaza amarangamutima cyane aho bamwe mu baririmbye bagiye bibuka ibyo Imana yabakoreye bakarira. Ni igitaramo cyari cyitabiriwe mu buryo butari bunini ariko na none butari buke kuko Crown Conference Hall cyabereye, nubwo hari hato ugereranyije n’amazina y’abari bari mu gitaramo habashije kuzura.

Tonzi yakoze igitaramo cyo kumurika album ‘Respect’ ya Cyenda ashyize hanze kuva yakwinjira mu muziki

Liliane Kabaganza yeretswe urukundo rudasanzwe

Itsinda ‘The Sisters’ ryongeye gutaramana

Mu gitaramo cya Tonzi hakaswe umutsima

Abana ba Tonzi baririmbye

Ubwitabire bwari bihagije

Papa wa Arthur Nkusi niwe wayoboye iki gitaramo

• Maranatha Family Choir nayo yatanze ibyishimo
• Umwana muto wo muri Matanatha Family Choir byamurenze ararira

Ishyirahawe ry’umupira w’amaguru mu Rwanda, ryahakanye amakuru y’uko hari abakinnyi bimwe ubwenegihugu ngo bakinire u Rwanda, rihamya ko biteguye kwakira ufite icyo yafasha cyose.

Ni nyuma y’inkuru zimaze iminsi zivugwa ko hari bamwe mu bakinnyi bemeye gukinira u Rwanda ariko babwirwa ko nta bwenegihugu bagitanga.

Uwashyirwaga mu majwi cyane ni Kandet Diawara ukinira Le Havre mu Bufaransa bivugwa ko n’abatoza bamushimye ariko bamutanze amakuru akavuga ko babwiye abatoza ko nta bwenegihugu barimo gutanga ahubwo bakwibanda ku bakinnyi bafite inkomoko mu Rwanda. Uyu mukinnyi yahise ahamagarwa muri Guinea.

Visi perezida wa FERWAFA, Habyarimana Matiku Marcel yavuze ko atari byo ndetse ko hari ibyo basabye umutoza, nabitanga bizarebwaho.

Ati “Ni ibivugwa nyine ni ngombwa kubaza amakuru y’ukuri. Byose biri mu biganza by’umutoza hari ibyo twamusabye ko azatanga tukabisuzuma, icyo gihe nabizana bizarebwaho.”

Yakomeje avuga ko nibabitanga bakabona hari icyo yafasha, inzego bireba bazabirebaho ubundi ubwenegihugu bakabuhabwa.

Ati “mu gihe twabona uwo mukinnyi hari icyo yazana mu ikipe y’igihugu, icyo gihe byasuzumwa n’inzego zibishinzwe zikabyemeza, ariko ibivugwa ntabwo biba ari byo buri gihe.”

Umukinnyi uheruka guhabwa ubwenegihugu ni Gerard Bi Goua Gohou ukomoka muri Côte d’Ivoire aho yabuhawe mu Gushyingo 2022 ndetse ayikinira imikino 3 ya gicuti atsindamo igitego kimwe. Gusa ntabwo yongeye guhamagarwa.

Mu gihe hazaboneka umukinnyi wafasha Amavubi, azahabwa ubwenegihugu aze kongera imbaraga mu ikipe y’igihugu

Gateka Esther Brianne umaze kubaka izina mu ruganda rw’imyidagaduro nka Dj Brianne kubera ubuhanga bwe mu kuvangavanga imiziki, agiye kubagwa.

Uyu mukobwa uheruka kwinjira mu itangazamakuru aho akorera Isibo Radio, agiye kubagwa uburwayi bwo mu nda.

Amakuru agera ku Kinyamakuru ISIMBI ni uko Dj Brianne agiye kubagwa ku gifu bagakuraho ibinure biriho kuko byabaye byinshi.

Akaba agiye kubagirwa ku Bitaro bya Gisirikare i Kanombe mu gace ka Muhabura (Muhabura Wing).

Dj Brianne ugiye kubagwa kuri uyu wa Mbere tariki ya 1 Mata 2024, biteganyijwemo ko ‘operation’ imara hafi amasaha 8, nyuma ni bwo abantu be bashobora kumubona.

Dj Brianne ni umwe mu gitsina gore kirwanyeho akaba amaze kugira aho agera mu gihe hari igihe yagezemo nta cyizere cy’ubuzima bitewe n’ubuzima bushaririye yakuriyemo ari naho yakuye igitekerezo cyo gushinga umuryango yise La Perle Foundation wita ku bana bari mu buzima bwo ku muhanda.

Dj Brianne agiye kubagwa uburwayi bwo mu nda

Mukeshimana Dorthée ukinira Rayon Sports WFC yavuze ko kuzamuka kwa APR WFC mu cyiciro cya mbere ntacyo bivuze kuko n’ubundi igikombe cya shampiyona bazakisubiza umwaka utaha.

Ni nyuma y’uko iyi kipe yegukanye shampiyona y’icyiciro cya mbere mu bagore mu mwaka wa yo wa mbere ihigitse AS Kigali WFC yabaye ubukombe mu mupira w’amaguru w’abagore.

Uyu mukinnyi wakiniye AS Kigali bakanatwarana ibikombe bitandukanye, yabajijwe icyo bivuze kuba APR izamutse mu cyiciro cya mbere ihasanga AS Kigali na Rayon Sports, avuga ko hazashya ariko na none akaba yizeye ko bazisubiza igikombe kuko nta kipe ifite ubushobozi bwo kubahangara.

Ati “Uko biri kose hazashya ariko twebwe nta mukeba kuko turashoboye, turishoboye ntabyo guhangana guhari tuzatsinda nk’uko dutwaye igikombe cya mbere muri Rayon, n’umwaka ukurikiraho tuzagitwara.”

APR WFC akaba ari indi kipe izamutse mu cyiciro cya mbere nyuma yo kwegukana igikombe cy’icyiciro cya kabiri, ni nyuma y’imyaka ibiri iri mu cyiciro cya kabiri.

Benshi bategereje kuzareba ihangana riri mu ikipe y’abagabo niba ari naryo bazabona muri Rayon Sports na APR z’abagore.

Mukeshimana Dorthée avuga ko nta mukeba Rayon Sports WFC ifite