Category: Uncategorized

Umuraperi Uzamberumwana Pacifique uzwi nka Oda Paccy, yahishuye uburyo yababajwe bikomeye na Producer Lick Lick wahakanye inda yamuteye bari mu kiganiro kuri radio.

Ibi uyu muraperi yabigarutseho mu kiganiro yagiranye n’ikinyamakuru ISIMBI cyagarutse ku buzima bwe bwite.

Oda Paccy yagiye agaruka ku buzima bugoye yanyuzemo, agahinda gakabije yagize n’ibindi.

Muri ibyo yahuye na byo harimo uburwayi yagize muri 2020 abantu bose baramutererana barimo n’inshuti yizeraga, muri uwo mwaka ni nabwo Sosiyete ye yafashaga abahanzi ya Ladies Empire na yo yahuye n’ibibazo bimubana byinshi.

Yanagarutse kandi ku gikomere akigendana yatewe n’umunyamakuru ndetse na Lick Lick.

Yavuze ko yatumiwe mu kiganiro cya radio yirinze kuvuga (ariko ni Isango Star), agahurirayo na Lick Lick yari atwitiye.

Yatunguwe n’uko umunyamakuru yabajije Lick Lick ko bivugwa Oda Paccy amutwitiye undi abitera utwatsi, ibintu byamuteye igikomere cyane.

Ati 'Bantumiye kuri radio ntavuze izina mu gitondo, nsanga batumiye na Lick Lick twicaranye, umunyamakuru abaza Lick ngo ko bivugwa ko Paccy atwite? undi ati reka reka.'

Oda Paccy ngo yabuze ayo acira n’ayo amira, muri make abura icyo akora kuko yari abizi neza ko nubwo abihakanye yari abizi.

Ati 'Njye nabuze icyo nkora, wasubiza iki nyine kandi uzi neza ko umuntu abizi? Biri mu bintu biba byarambabaje ariko abo bantu barambabaje cyane. Kuba bataransabye imbabazi ni ikintu gikomeye cyane.”

Yakomeje avuga ko byamuteye igikomere akigendana na cyo nyuma y’imyaka irenga 10, yasabye uyu munyamakuru kuzamusaba imbabazi.

Ati'Ndabivuze nyuma y’imyaka irenga 10 n’indi. Barambabaje cyane. Hari muri cya gihe umuntu yumva akeneye abantu cyane ariko nyine ugasanga umuntu we icyo akeneye ni amakuru gusa.'

Muri 2011 ni bwo Paccy yabyariye Lick Lick umwana w’umukobwa yise Lynca Mbabazi.

Umubano waba bombi waje kuzamo ikibazo gikomeye kugeza aho muri 2012 Lick Lick yakoze indirimbo yise ‘Ntabwo Mbyicuza’ amashusho yayo agaragara aca amafoto ya Oda Paccy. Paccy na we muri 2015 yakoze indi amusubiza na we ayita ‘Ntabwo Mbyicuza.’

Oda Paccy yavuze uburyo akigendana n’igikomere yatewe na Lick Lick

Lick Lick ngo yamwihakaniye kuri radio

Nyuma yo guhagarikwa na Kiyovu Sports, Niyonzima Olivier Seif yamaze kwandikira iyi kipe ayisaba imbabazi.

Ubuyobozi bwa Kiyovu Sports, bwahagaritse kapiteni wa yo Niyonzima Olivier Seif kugeza shampiyona irangiye kubera imyitwarire idahwitse akomeje kugaragaza.

Mu ibaruwa iyi kipe yandikiye Seif tariki ya 9 Werurwe 2024, yamumenyeshaga ko kubera imyitwairire idahwitse ahagaritswe imikino 6.

Icyo gihe yagize iti “Dushingiye ku masezerano wagiranye na Kiyovu Sports ku wa 1 Kanama 2023 mu nshingano zikubiye muri ayo masezerano ku ngingo ya yo ya kane, dushingiye ku myitwarire idahwitse ikomeje kukugaragaraho muri Kiyovu Sports;”

“Komite Nyobozi ya Kiyovu Sports Association, nyuma yo kungurana ibitekerezo kuri iyi myitwarire, turakumenyesha ko utemerewe gukina imikino 6 ikurikiranye ya Kiyovu Sports Club izakina uhereye tariki ya 10 Werurwe 2024.”

Uyu mukinnyi ukina mu kibuga hagati amakuru ISIMBI yamenye ni uko yamaze kwandikira Kiyovu Sports ayisaba imbabazi ngo imubabarire agaruke mu kazi ko amakosa yakoze atazayasubira.

Amakuru avuga ko uyu mukinnyi ashinjwa kugumura bagenzi be bakanga gukora imyitozo igihe ikipe yiteguraga umukino w’umunsi wa 23 batsinzwemo na Etoile del’Est kubera bari bafitiwe ibirarane by’imishahara.

Niyonzima Olivier Seif yasabye imbabazi

Danny Usengimana yamaze gusinyira ikipe ya AS Laval ikina mu cyiciro cya gatatu muri Canada.

Uyu mukinnyi uheruka kwimukira muri Canada benshi bumvaga ibya ruhago yarabiretse cyane ko yaherukaga gutangaza ko ubu agiye kuba umwalimu wo muri Gym.

Mu ijoro ryakeye ni bwo iyi kipe ibarizwa mu Mujyi wa Québec yatangaje ko yasinyishije uyu rutahizamu wakiniye amakipe atandukanye mu Rwanda.

Iyi kipe ikaba ikina muri shampiyona y’abatarabigize umwuga, mu cyiciro cya mbere mu Mujyi wa Québec gifatwa nk’icyiciro cya gatatu muri Canada.

Muri Nyakanga 2023 ni bwo Danny Usengimana yasoje amasezerano ye muri muri Police FC, ntiyongereye andi ahubwo nyuma yahise yimukira muri Canada.

Mu Kuboza 2023 yagarutse mu itangazamakuru cyane avuga uburyo Police FC yamubujije amahirwe yo kujya gukina muri FC Nantes mu Bufaransa kandi yari yahawe ubutumire.

Danny Usengimana uretse Police FC mu Rwanda, yanakiniye APR FC. Yakinnye no hanze ya rwo nko muri Tanzania mu ikipe ya Singida United ubu yahindutse Singida Fountain Gate.

Yahawe ikaze na AS Laval

Danny Usengimana aheruka gutandukana na Police FC

Yabigarutseho mu kiganiro yagiranye na Radio 10 na Royal Fm kuri uyu wa Mbere tariki 1 Mata 2024. Ni ikiganiro cyibanze ku ngingo zinyuranye zirimo urugendo rw’imyaka 30 ishize u Rwanda rwibohoye, Kwibuka ku nshuro ya 30 Jenoside yakorewe Abatutsi, urugamba rwo kubohora u Rwanda, ubuzima bw'urugamba yabayemo n’ibindi.

Yavuze ko nk’Umukuru w’Igihugu iyo asubije inyuma amaso akareba ibibazo byose u Rwanda rwanyuzemo n’aho rugeze, bishimangira iterambere ridasanzwe buri wese atari gupfa gutekereza iyo hatabaho imbaraga za buri umwe no gufatanya.

Umukuru w’Igihugu yavuze ko buri wese afashe umwanya wo kwitegereza amafoto yo mu 1990 kugeza mu 1994, akongera kureba amafoto ya kiriya gihe kugeza ubu, abona ko igihugu cyahindutse mu nguni zose z’ubuzima.

Amafoto ntabeshya. Ati “Ujye ureba n'amafoto gusa ubwayo, urebe ifoto y’u Rwanda mu 1990, 1994 wongere urebe amafoto ubu ngubu, amafoto arakwereka, araguha inkuru y’ibyabaye.'

Kagame yavuze ko muri iriya myaka y’1990 n’1994, Abanyarwanda babaye mu buzima bugoye bw’itotezwa, aho ibikorwaremezo byinshi byari byarasenywe.

Ariko ko mu Rwanda rwa none ‘abantu barabanye, ntawe utotezwa, ntawe ugenda ku muhanda ngo abazwe ngo wowe uturuka he, iso ni inde? w’uw’ubuhe bwoko? Ntawe ujya kujya mu ishuri ngo bamubaze aho bavuka, ntawe ujya ku kazi ngo mubaze, igihugu gitera imbere…”

Umukuru w’Igihugu yavuze ko ubukungu bw’igihugu (GDP) mu 1990 na 1994 bwari hasi ya Miliyari ebyiri z’Amadorali, ariko ubu bugeze kuri Miliyari 15 z’Amdorali.

Agereranya aho u Rwanda ruvuye nko kuva ikuzimu. Ati “Urwo rugendo ubwarwo ruragusobanurira. Bikanakwereka ko hakiri umuvuduko ugana no ku bindi bizagerwaho vuba cyangwa mu gihe kindi kigera kure…”

Yavuze ko iyo urebye igishushanyo cy’Igihugu muri rusange, cyangwa se ukajya mu cyaro ubuzima abaturage babayemo muri iki gihe ‘bitandukanye/butandukanye inshuro nyinshi n’uko bari bameze kiriya gihe.”

U Rwanda yifuza gusaziramo:

Perezida Kagame yavuze ko igihe azaba agiye mu kiruhuko cy’izabukuru, yifuza kuzakomeza kuba mu Rwanda rurimo Abanyarwanda babanye neza n’iyo baba bafitanye ibibazo bikaba ari ibisanzwe, kandi bikagira ababikemura.

Umukuru w’Igihugu yavuze ko yifuza u Rwanda rutekanye, ruteye imbere aho ikintu cyose gikorwa ku murongo, kandi kibereye buri muturarwanda.

Yatanze urugero rwumvikanisha ko u Rwanda yifuza, rukwiye kuba rwujuje byose bisabwa byafasha ufite indwara iyo ari yo yose kuvurirwa mu gihugu aho kuba hanze y’Igihugu.

Ati “[…] Buri gihe ikintu cya mbere utekereza iyo witsamuye abandi bajya muri Kenya, abajya muri Afurika y’Epfo, nditsamuye mfite ibibazo, ndashaka kujya kuvuzwa mu Buhinde, uko kwitsamura kuki tutakuvura hano, kuki tutaha abo bantu serivisi ngo tubikorere hano?…”

Perezida Kagame yavuze ko yifuza gusazira mu Rwanda rufite ubushobozi bwo kuvura indwara zose, aho Abanyarwanda bazaba batekanye kandi bashyize hamwe
Perezida Kagame yavuze ko hari ibigaragaza ko ubuzima bw'abaturage bwahindutse mu myaka 30 ishize u Rwanda rwihoboye

Nyuma y’uko Anita Pendo yegukanye igihembo mu bihembo bya ‘Ladies Media Awards 2023’ byatangiwe muri Ghana, yageze mu Rwanda mu ijoro ryakeye.

Ibi bihembo byatanzwe ku wa Gatandatu tariki ya 30 Werruwe 2024 muri Ghana, Anita Pendo akaba yari ahatanye mu cyiciro cya ‘African Female Entertainment Show Host of the Year’, akaba yaje kwegukana iki gihembo ahigitse abarimo; Delay [Ghana], Jacinta Ngobese [Afurika y’Epfo], Vanessa Marawa [Afurika y’Epfo], Azeeza Hashim [Kenya], Matela [Afurika y’Epfo], Violet Gwara [Zimbabwe], Rita Isaaka [Ghana].

Abinyujije ku rukuta rwe rwa Instagram, Anita Pendo yavuze ko yatunguwe no kwegukana iki gihembo.

Ati “ntabwo nari niteguye iki gihembo ntababeshye ariko Imana yari izi igihe cya nyacyo. Ndashima ubuntu, impuhwe n’urukundo rw’Imana. iri ni itangiriro.”

Ibi bihembo bitegurwa na Ladies in Media Organisation byatangwaga ku nshuro ya kabiri, bitegurwa mu rwego rwo kuzirikana igitsina gore gikora umwuga w’itangazamakuru muri Afurika.

Anita Pendo yavuze ko yatunguwe cyane no kwegukana iki gihembo

Anita Pendo ashyikirizwa igihembo cye yegukanye