Category: Uncategorized

Rayon Sports yatainzwe na Bugesera FC 1-0 mu mukino ubanza wa 1/2 cy’igikombe cy’Amahoro, abafana banga gukomera amashyi abakinnyi.

Rayon Sports yari yakiriye Bugesera FC mu mukino ubanza wa 1/2 cy’Igikombe cy’Amahoro cya 2024, mu mukino wabereye kuri Kigali Pelé Stadium kuri uyu wa Gatatu tariki ya 17 Mata 2024.

Rayon Sports yatangiye umukino ubona ishaka igitego ndetse igenda ibona amahirwe nko ku munota wa 7, Ganijuru Elie yahinduye umupira maze Charles Baale ashyizeho umutwe, umunyezamu Patience awushyira muri koruneri itagize icyo itanga.

Aya mahirwe yakurikiwe n’andi yo munota wa 14 kuri kufura yatewe na Muhire Kevin ariko umunyezamu arawufata.

Ku munota wa 22, Tuyisenge Arsene yahinduye umupira mwiza mu rubuga rw’amahina, usanga Charles Baale wakinishije umutwe ariko umunyezamu Niyongira awukuramo.

Bugesera FC wabonaga irushwa, ni yo yaje gufungura amazamu ku munota wa 25, ni igitego cyatsinzwe na Ssentongo Farouk ku mupira wari uhinduwe na Tuyihimbaze Gilbert.

Tuyisenge Arsene ku munota wa 35 yagerageje ishoti rikomeye inyuma y’urubuga rw’amahina ariko umunyezamu Niyongira Patience awufata neza.

Ku munota wa nyuma w’igice cya mbere, Muhire Kevin yahannye ikosa yakorewe na Kaneza Augustin, umupira wakuwemo n’umunyezamu usanga Kanamugire Roger maze uwuteresha ivi ku bw’amahirwe make ujya ku ruhande gato rw’izamu. Amakipe yombi yagiye kuruhuka ari 1-0.

Rayon Sports yatangiye igice cya kabiri ikora impinduka, Ngendahimana Eric yahaye umwanya Mugisha François Master. Ni nako Ganijuru Elie na Iraguha Hadji baha umwanya Mucyo Junior Didier na Youssef Rharb.

Ku munota wa 53, Serumogo Ali yahinduye umupira mwiza imbere y’izamu maze Charles Baale ashyiraho umutwe ariko umunyezamu arahagoboka.

Muri iyi minota wabonaga Rayon Sports yashyize igitutu kuri Bugesera FC ishaka igitego ariko kubyaza umusaruro amahirwe babonye biragorana.

Bugesera FC yaje kubona andi mahirwe akomeye ku munota wa 81 ubwo Cyubahiro Idarusi yahawe yinjira mu rubuga rw’amahina ashatse kuroba Ndiaye ahubwo arawumushota ujya muri koruneri itagize icyo itanga.

Charles Baale na Tuyisenge Arsene bavuyemo hinjiramo Paul Gomis na Iradukunda Pascal.

Ku munota wa 90, Mvuyekure Emmanuel yagerageje ishoti rikomeye ariko umunyezamu awushyira muri koruneri itagize icyo itanga.

Ubwo umukino wari ugeze mu minota y’inyongera perezida wa Rayon Sports, Uwayezu Jean Fidele yahise asohoka arigendera.

Ku munota wa 3 muri 7 y’inyongera, Iradukunda Pascal yahaye umupira mwiza Youssef Rharb ariko ateye anyura hejuru y’izamu. Umukino warangiye ari 1-0.

Ubwo umukino wari urangiye, abakinnyi ba Rayon Sports bagiye gukomera amashyi abafana nk’ibisanzwe ariko bahita babirukana banga kuyabakomera.

Umukino wo kwishyura ukaba uteganyijwe ku wa Kabiri w’icyumweru gitaha aho Rayon Sports isabwa kuzawutsinda kugira ngo igere ku mukino wa nyuma.

Nk’uko Mutesi Jolly yabisangije ibihumbi by’abamukurikira, yagaragaje ko atewe ishema n'intambwe yateye anifashisha ijambo ry'Imana riri mu Imigani agaragaza ko impano y'umuntu ari yo imuremera inzira.

Uyu mukobwa biteganijwe ko azatanga ikiganiro mu Nama ya Oxford Africa iba buri mwaka, ikaba itegurwa n'Umuryango Mugari w'Abanyafurika biga n’abize muri iyi Kaminuza.

Umuryango utegura iyi nama, watangijwe mu mwaka wa 1958. Nk’uko bigaragara mu butumire bwahawe Mutesi Jolly, yatumiwe nk'umushyitsi w'icyubahiro.

Abandi bazatanze ibiganiro muri iyi Nama barimo Perezida wa Ghana Nana Akufo Addo, Dr Donald Kaberuka wabaye Umunyamabanga wa Karindwi wa Banki Nyafurika Itsura Amajyambere na Amina Mohamed Umunyamabanga wungirije w'Umuryango w'Abibumbye. 

Byinshi byigirwa muri iyi Nama byitsa ku bateza imbere Afurika ikarushaho kuba nyabagendwa no kuba isoko y'ibisubizo.

Miss Mutesi Jolly w'imyaka 27, yavutse kuwa 15 Ugushyingo 1996, mu gace ka Kasese mu gihugu cya Uganda. Ni we bucura mu muryango w'abana 6; abakobwa 3 n'abahungu 3. 

Yigiye amashuri y'incuke muri 'Pickhill'. Amashuri abanza kuva mu wa mbere kugera mu wa gatanu yayigiye muri Hima. Amashuri yisumbuye yayasoreje muri King David mu Mujyi wa Kigali.

Kuwa 16 Mutarama 2020 ni bwo Miss Mutesi Jolly yasoje amasomo ya Kaminuza muri 'Makerere University' ashyikirizwa impamyabumenyi ye.

Kuwa 27 Gashyantare 2016 Jolly Mutesi ni bwo yambitswe ikamba rya Miss Rwanda nyuma yo gutsinda abandi bakobwa bari bahanganye. 

Yahagarariye u Rwanda mu marushanwa y'ubwiza ya Nyampinga w'isi mu 2016, ndetse bwari bwo bwa mbere u Rwanda rwari rwitabiriye aya marushanwa ya Nyampinga w'isi 'Miss World'.

Kuri ubu, Mutesi ni Visi Perezida w'irushanwa rya 'Miss East Africa Beauty Pageant' ribera muri Tanzaniya, iriheruka ryitabiriwe n'ibihugu 17 birimo u Rwanda, Uganda, Tanzania, Sudani y'Epfo, Kenya, Burundi, Ibirwa bya Komoro, Djibouti, Ethiopia, Madagascar, Eritrea, Zambia, Zimbabwe, Malawi, Seychelles na Somalia.

Muri Gicurasi ni bwo Mutesi Jolly azatanga ikiganiro muri Oxford Africa Conference mu Bwongereza Miss Jolly ari mu bari n’abategarugori bamaze gushinga imizi mu myidagaduro n’ubushabitsi  bushingiye ku bwiza Yashimiye Imana ikomeje kumuteza intambwe asaba abantu gukomeza kumuba hafi akazahacana umucyoUrwandiko rutumira Miss Mutesi Jolly muri Oxford Kaminuza imaze imyaka isaga 900

Uko umukino uri kugenda umunota ku munota:

71′ Haringingo utoza Bugesera FC akoze impinduka mu kibuga hajyamo Cyubahiro Idarusi asimbuye Tuyihimbaze Gilbert

69′ Murera ikomeje gushaka igitego cyo kwishyura ,Youssef Rharb ahaye umupira Charles Bbale ari mu rubuga rw’amahina nawe awuhereza Muhire Kevin gusa atindaho gato cyane

64′ Umunyezamu wa Bugesera FC,Niyongira Patience aryamye hasi nyuma yo kugongana na Nsabimana Aimable

61′ Bugesera FC nayo ikoze impinduka mu kibuga havamo Stephen Bonney na Kaneza Augustin hajyamo Byiringiro Davide na  Muvunnyi Dan  

58′ Rayon Sports ikoze impinduka mu kibuga havamo Iraguha Hadji na Ganijuru Ishimwe Elie hajyamo Youssef Rharb na Mucyo Didier Junior

55′ Uwitwa Charles Bbale akomeje kubabaza abana ba Rayon Sports bari muri sitade,ahawe umupira mwiza na Tuyisenge Arsene asigaranye n’umunyezamu gusa ariko aho kuwutereka mu izamu ahubwo awumwihera mu ntoki

52′ Rayon Sports irase uburyo bwashoboraga kuvamo igitego ku mupira waruhinduwe na Serumogo Ally maze Charles Bbale ashyiraho umutwe gusa umunyezamu wa Bugesera FC aba ibamba awukuramo

50’  Bugesera FC ubu niyo irimo irakina neza ihererekanya ugereranyije na Rayon Sports 

46′ Igice cya kabiri gitangiye Rayon Sports ihererekanya umupira gusa iri kubikorera mu rubuga rwayo

Igice cya mbere kirangiye Bugesera FC iyoboye n’igitego 1-0

45+2′ Rayon Sports irase igitego kuri kufura yaritewe na Muhire Kevin maze Ngendagimana Eric ashyiraho umutwe umupira usanga Kanamugire Roger arekura ishoti gusa rinyura hepfo y’izamu gato cyane 

Igice cya mbere cyongeweho iminota 3

42′ Bugesera FC yari yongeye guteza ibibazo imbere y’izamu rya Rayon Sports ku mupira Tuyihimbaze Gilbert yarahinduye imbere y’izamu gusa Khadime Ndiaye aratabara 

37′ Charles Bbale akomeje kurata uburyo bw’inshi imbere y’izamu,abonye  umupira waruvuye muri kufura ahagaze wenyine  bishoboka ko yatera mu izamu gusa awugarura imbere y’izamu wifatirwa na bamyugariro ba Bugesera FC 

35′ Tuyisenge Arsene agerageje kurekura ishoti ari inyuma y’urubuga rw’amahina gusa umunyezamu wa Bugesera FC arifata bitamugoye

31’Nyuma yo gutsindwa ikipe ya Rayon Sports iri mu rugendo rwo gushaka igitego cyo kwishyura, Serumogo Ally azamuye umupira mu rubuga rw’amahina maze Muhire Kevin ashyiraho umutwe gusa unyura hejuru y’izamu 

27′ Ikipe ya Bugesera FC itakinnye ibintu byinshi ifunguye amazamu ku gitego cya Ssentongo Farouk

22′ Rutahizamu wa Rayon Sports, Charles Bbale arase uburyo bwashoboraga kuvamo igitego ku mupira Tuyisenge Arsene amuhinduriye maze aterekaho umutwe uhita ujya mu biganza by’umunyezamu 

20′ Bugesera FC ibonye kufura nziza ku ikosa Mvuyekure Emmanuel akoreye Hoziyana Kennedy maze aba ari nawe uyiteta gusa umunyezamu wa Rayon Sports ayishyira muri koroneri 

17′ Rayon Sports ikomeje gusatira ishaka igitego hakirikare, Muhire Kevin azamuye koroneri maze Eric Ngendagimana ashyira umutwe gusa umupira unyura hejuru y’izamu 

14′ Rayon Sports ibonye kufura yariteretse ahantu heza itewe na Muhire Kevin umunyezamu wa Bugesera FC ayikuramo

13′ Iraguha Hadji yarashatse gutungura umunyezamu wa Bugesera FC,Niyongira Patience arekura ishoti gusa arifata nta nkomyi

10′ Abakinnyi ba Bugesera FC nabo batangiye kwinjira mu mukino nubwo kugera imbere y’izamu rya Rayon Sports biri kubagora

7′ Bugesera FC yaribonye uburyo bwashoboraga kuvamo igitego ku mupira Tuyihimbaze Gilbert yarabonye gusa umunyezamu wa Rayon Sports, Khadime Ndiaye arasohoka arawumutanga

6′ Ishimwe Ganijuru Elie ahinduye umupira usanga Charles Bbale arekura ishoti gusa myugariro wa Bugesera FC arishyira muri koroneri itagize icyo ibyara

4′ abakinnyi b’ikipe ya Rayon Sports nibo bari guhererekanya gusa bari kubikorera mu kibuga hagati 

1′ Ikipe ya Rayon Sports itangiye isatira ndetse inabona koroneri gusa ntiyagira ikivamo

Abakinnyi 11 ba Bugesera FC babanje mu kibuga:

Niyongira Patience

Isingizwe Rodrigue 

Stephen Bonney

Ntakirutimana Theotime

Singirankabo Djaroudi

Kaneza Augustin

Hoziyana Kennedy

Ssentongo Farouk

Iradukunda Djaroudi

Tuyihimbaze Gilbert

Dushimimana Olivier

Abakinnyi 11 ba Rayon Sports babanje mu kibuga:

Khadime Ndiaye

Nsabimana Aimable

Mvuyekure Emmanuel 

Kanamugire Roger

Ishimwe Ganijuru Elie 

Muhire Kevin

Serumogo Ali

Ngendagimana Eric 

Bbaale Charles

Iraguha Hadji

Tuyisenge Arsene 

Ikipe ya Rayon Sports yageze hano nyuma yo gusezera Vision FC muri 1/4 mu gihe Bugesera FC yo yari yasezereye Mukura VS 

Imibare yerekana ko iyi ari inshuro ya 4 aya makipe yombi agiye guhura muri iyi mikino y’igikombe cy’, Amahoro. 

Umukino wa mbere wabahuje mu gikombe cy’Amahoro wabaye tariki ya 27/03/2013 hakaba hari muri 1/8 . Waje kurangira Bugesera FC yatozwaga na Banamwana Camarade isezereye Rayon Sports yatozwaga na Didier Gomes Da Rosa iyitsinze ibitego 2-1 umukino wabereye kuri Stade Amahoro i Remera.

Iki gihe byateje impaka dore ko Bugesera FC yavuzweho gukoresha amarozi kugira ngo ibashe gutsinda kubera abafana ba Rayon Sports basanze inkoko y’isake mu mudoka y’iyi kipe.

Umukino wa Kabiri wabaye tariki ya 26/04/2022 ubwo hari muri 1/4 uza kurangira Rayon Sports itsinze Bugesera FC igitego kimwe ku busa, kikaba ari igitego cyatsinzwe na Musa Esenu.

Umukino wo kwishyura ari nawo wa gatatu wabaye Tariki ya 03/05/2022 kuri sitade y’akarere ka Bugesera, ukaba wararangiye Rayon Sports itsinze ku bitego 2-0 bya Musa Esenu na Willy Essomba Leandre Onana.

Perezida wa Rayon Sports, Uwayezu Jean Fideli n’umunyamabanga we Namenye Patrick bari kureba uyu mukino 

AMAFOTO: Ngabo Serge -InyaRwanda.com

Abantu batemera Imana cyangwa ngo bayizere bazwi ku izina ry’aba ‘Atheists’ mu ndimi z’amahanga, naho iyi myizerere yo kutemera Imana izwi nka ‘Atheism’. Hari bamwe mu byamamare bikomeye ku Isi bifite iyi myemerere yo kwibwira ko Imana itabaho ntibizere no mu bitangaza byayo, ndetse bamwe bagiye banabivuga ku mugaragaro ko batemera ko Imana ibaho.

Mu mpera za 2023 umunyarwenya kabuhariwe Kevin Hart ubwo yari ari mu gitaramo cy’urwenya yahuriyemo na Dave Chappelle na Chris Rock bise ‘Headliners Only’ cyanyuze kuri Netflix, yateye urwenya ku byamamare bitemera ko Imana ibaho, anavuga ko ari bo batuma abafana babo bavuga ko baba mu muryango wa ‘Illuminati” uvugwaho ko abawubamo basenga Sekibi.

Yagize ati: ”Hari ibyamamare binsetsa iyo biri kwiregura ko bitaba muri Illuminati, nonese ni gute abantu batavuga ko ukorana na Satani niba ubwawe wivugirako Imana itabaho? Ndashaka ko bariya bantu bareka gukomeza kuyobya abantu bavuga ko Imana itabaho kandi hari ibihamya bibigaragaza. Ese ko hari ibitangaza Imana yakoze twabonye, uwababaza icyo bemera ibitangaza cyakoze babibona?”

Aya magambo ya Kevin Hart yahise azamura impaka zivugwa ko benshi mu byamamare bitemera Imana ko ari byo biba mu muryango wa Illuminati, naho ibinyamakuru bitandukanye nka Hollywood Reporter na Daily Mail byahise byibutsa abantu ibyamamare byiyemereye ko Imana itabaho.

Uri ni urutonde rw’ibyamamare bikomeye ku Isi byagiye bihakana ko Imana ibaho mu bihe bitandukanye, mu gihe hari abafite andi madini atemera Imana basengama:

1. Tom Cruise

Icyamamare muri Sinema Tom Cruise akaba n’umuherwe, uherutse gusezeranya abantu ko agiye gukinira filime mu isanzure, asanzwe atemera ko Imana ibaho. Uyu mugabo kandi anasengera mu idini rya ‘Scientology’ kuva mu 1986 ry’abantu bizerera muri Siyansi. 

Bimwe mu bitazibagirana yavuze ahakana ko Imana ibaho, mu 2000, Tom Cruise ari mukiganiro kuri Televiziyo ya NBC, asobanura impamvu atemera Imana, yagize ati: ”Ubuse ni gute nakwizera ko hari ikintu kirusha ubwenge abantu n’ubushobozi cyaturemye? Kiri hejuru cyane gikurikirana ibyo dukora? Numva ibyo bintu bidashoboka”.

2. Morgan Freeman

Icyamamare muri Sinema, Morgan Freeman, ufite ijwi rikundwa na benshi, nawe ntiyemera ko Imana ibaho. Igisekeje kuri Freeman w’imyaka 86 ni uko mu 2003 yakinnye filime yitwa ‘Bruce Almight’ akina ari Imana ibonekera umugabo witwa Bruce utarayizeraga. 

Abajijwe niba ari umuhakanamana, Freeman yasubije ati 'Ni ikibazo gikomeye ariko nk’uko nabivuze ntangira, ni twe twahimbye Imana. Niba nanayizera, ni uko ntekereza ko ndi yo'. Andi magambo yavuze ashingirwaho hemezwa ko ari umuhakanamana, yagize ati 'Muri njye sinemera umuremyi nk'uwo witwa Imana ngo waturemye mu ishusho ye. Haba hari umuntu ubifitiye ikimenyetso gifatika?'

3. Bill Gates

Umuherwe wa Gatanu ku Isi utunze amafaranga menshi angana na Miliyari 128.7 z’Amadolari, nawe ni umwe mu batemera Imana ariko ahanini hagashingirwa ku kuba nta mwanya aha ibijyanye no gusenga aho yagize ati 'Mu bijyanye no gukoresha igihe neza, ibyo gusenga si amahitamo meza. Hari ibintu byinshi nakora mu gitondo cyo ku cyumweru'

4. Bruce Lee

Yari umukinnyi wa filime ukomeye, akaba kabuhariwe mu mikino njya rugamba, yaje kwitaba Imana mu 1973 ku myaka 32, yakomokaga muri Hong Kong nawe ngo ntiyizeraga iby'Imana n'amadini kuko kuri we abantu bagakwiye kwigishwa gukora no kugira indangagaciro aho kujya mu madini no mu by'Imana.

5. Brad Pitt

Umugabo wanditse amateka muri Sinema, uri mu bavuga rikijyana i Hollywood, Brad Pitt, ukundwa n’igitsinagore cyane, nawe iby’Imana ntabyemera. Avuga ko ubuhakanamana bwe yabubarira kuri 20% naho 80% akaba ashidikanya (20% atheist, 80% agnostic).

6. Daniel Radcliffe

Uyu yamenyekanye cyane muri filime z’urukurikirane za ‘Harry Potter’, nawe ni umwe mu byamamare bitemera Imana ndetse akanabyiyemerera, gusa akavuga ko ntawe yigisha imyemerere ye.

7. Julianna Moore

Nawe yamenyekanye cyane mu mwuga wa sinema twavuga nka filime yakinnye yitwa Crazy Stupid Love n'izindi zitandukanye, uyu nawe afite imyaka 63. Nawe yakunze kuvuga ko atemera ko Imana ibaho. Yigeze kubazwa n'umunyamakuru ikintu cya mbere yabwira Imana ku marembo yo mu ijuru, asubiza ko yayibwira ati 'Wow! Burya naribeshyaga ni ukuri ubaho!'

8. Johnny Depp

Icyamamare muri Sinema akaba n’umuhanzi, Johnny Deep, wakunzwe muri filime nka ‘Pirates Of The Caribbean’, ‘The Tourist’ n’izindi nyinshi, kuri we ngo kwizera Imana si ngombwa, ati 'Nizera abana banjye, ibijyanye n'amadini simbizi'.

9. Bruce Willis

Uyu yakunzwe cyane muri filime z’imirwano nka ‘Die Hard’, ‘Unbreakable’, ‘Red’ n’izindi zatumye ashyirwa ku rutonde rw’abakinnyi ba filime b’ibihe byose. Bruce Willis nawe ari mu batizera ko Imana ibaho. Nawe yagize ati 'Amadini n'indi miryango yigisha iby'Imana ntibigikenewe. Byari bikenewe igihe twari tutaramenya impamvu izuba ryimutse, impamvu imiyaga ihitana abantu cyangwa impamvu ikirere gihinduka'.

10. Antonio Banderas

Icyamamare muri Sinema, wahawe akabyiniriro ka ”Umwami wa Sinema y’Abalatini’, wamamaye muri ‘Desperado’, ‘Spy Kids’ n’izindi, nawe ntabwo akozwa iyobokamana. Kuri Antonio Banderas, ngo yizera ko nta muntu n'umwe uzi niba Imana ibaho cyangwa itabaho.

Ni ku nshuro ya Gatandatu iri serukiramuco ngaruka mwaka rigiye kuba. Abagitegura batangaje ko rizaba mu gihe cy'iminsi ibiri, tariki 25-26 Gicurasi 2024. Rigamije guhuriza hamwe cyane cyane abahanzi bo muri Afurika mu rwego kubafasha kugaragaza impano z'abo, guhuza abafana n'abakunzi b'umuziki, kugaragaza umwihariko w'imico wa buri gihugu byose hagamijwe kwidagadura.

Iri serukiramuco ribera mu Mujyi wa London, kandi uretse guhuza abahanzi bakomeye, rinacurangamo aba Dj bakomeye ku Isi, yaba abo mu Burasirazuba, mu Burengerazuba no mu mutima wa Afurika.

Mu bahanzi bashyizwe ku rutonde rw'abazaririmba muri iri serukiramuco harimo Bruce Melodie wakoranye na Shaggy indirimbo bise 'When she's around', Element usanzwe ari Producer wa 1:55 AM;

Hari kandi Awilo Longomba uherutse gukorana indirimbo 'Sekemba' na VjOj, John Blaq, Zex Bilangilangi, official Samantha, Sizza man. Aba bose bazaririmba tariki 25 Gicurasi 2024.

Ni mu gihe abahanzi bazaririmba tariki 26 Gicurasi 2024 ari: Alien Skin, Azawi wo muri Uganda uherutse gukorana indirimbo na Konshens, Spice Diana, Vjoj, Mudra, Don MC, Loca1, Dvn, Guvnor Arace n’abandi. Abategura ibi bitaramo batangaje ko hari abandi bahanzi bazatangaza mu minsi iri imbere ndetse n'aba Dj.

Ibi bitaramo by'iri serukiramuco bitangajwe, mu gihe Bruce Melodie ari no kwitegura kwikorera ibitaramo bikomeye ku mugabane w'u Burayi.

Ari mu bazaririmba mu iserukiramuco 'One Love Africa Music' rizabera muri 'Suède' kuva tariki 5 kugeza 7 Nyakanga 2024, rizabera ahazwi nka Röda Sten, Göteborg mu mujyi wa Göteborg.

Iri serukiramuco rizaririmbamo Ruger wo muri Nigeria, Innoss’B wo muri Congo, Skales, Jzyno, Miss Jobizz, Allone, C-Joe, Davy Scott n’abandi.

Bruce Melodie na Element bagiye guhurira mu bitaramo by'iserukiramuco mu Bwongereza

Awilo Longomba wubakiye umuziki we ku njyana ya Rhumba ategerejwe muri iri serukiramuco rizahuza abahanzi banyuranye

 

Iri serukiramuco ry'umuziki rigiye kuba ku nshuro ya Gatandatu, aho rizahuza abahanzi banyuranye

 

Bruce Melodie ategerejwe mu iserukiramuco rizabera mu gihugu cya Suede

KANDA HANO UREBE AMASHUSHO Y'INDIRIMBO 'SEKEMBA' YA VJOJ NA  AWILO LONGOMBA

“>

KANDA HANO UREBE AMASHUSHO Y'INDIRIMBO 'FOU DE TOI'

“>

Uyu mukino wa ½ w'igikombe cy'Amahoro wabaye ku gicamunsi cyo kuri uyu wa Kabiri tariki 16 Mata 2024 wari uw'ishiraniro, wabereye kuri Kigali Pelé Stadium.

Umukino watangiye Police FC igerageza kwataka yegera izamu ubona ko ifite inyota yo gutsinda hakiri kare. Ariko, Gasogi United yagiye inyuzamo ikataka, ariko ukabona ko Police FC irusha Gasogi United mu gusatira cyane izamu.

Ku munota wa 10', Rurangwa Mossi yakoze ikosa ryo gutakaza umupira ryatumye havamo igitego cya mbere ku ruhande rwa Gasogi United cyatsinzwe na Mudederi Akbar.

Umutoza wa Police FC, Mashami Vincent utishimiye imikinire y'uyu myugariro we, yahisemo kumusimbuza Kwitonda Ally ku munota wa 35', maze Rurangwa Mossi asohoka agaragaza kudacya ku maso.

Umukino warangiye Gasogi United itsinze Police FC igitego 1-0. Abakinnyi bababanje mu kibuga ku ruhande rwa Police FC: Rukundo Onésime, Nkubana Marc, Rutanga Eric, Rurangwa Mossi, Bigirimana Abeddy, Rutonesha Hesbone, Nsabimana Eric, Nshuti Dominique Savio (c), Hakizimana Muhadjiri, Mugisha Didier na Akuki Djibrine.

Ababanjemo ku ruhande rwa Gasogi United: Ibrahima Dauda, Niyitegeka Idrissa (c), Udahemuka Jean de Dieu, Nshimiyimana Marc Gauvin, Yao Henock, Muderi Akbar, Hakizimana Adolphe, Hassan Djibline na Mbirizi Eric.

Umukino wo kwishyura uteganyijwe ku wa Gatatu tariki 24 Mata 2024 saa cyenda kuri Kigali Pelé Stadium.

Undi mukino wa ½ cy'irangiza urahuza Rayon Sports na Bugesera FC kuri uyu wa Gatatu tariki 17 Mata 2024 saa cyenda kuri Kigali Pelé Stadium.

Muri uyu mukino w’ishiraniro abakinnyi bari babucyereye ku ruhande rwa Police FC, aba nibo babanje mu kibugaAbakinnyi ba Gasogi United babanje mu kibuga umugambi wari wo gucyura intsinzi ndetse byanabahiriyeRuragwa Mossi ubwo yatakazaga umupira wavuyemo igitego cya Gasogi United

Muderi Akbabr ni we watsindiye igitego Gasogi United ku munota 10 gusa, acyishimira mu buryo budasanzwe

Umutoza wa Police FC Mashami Vincent ntabwo yiyumvishaga ibiri kuba, ku makosa yari amazwe gukorwa na Ruragwa Mossi yanavuyemo igitego

Myugariro Rurangwa Moss yasohotse mu kibuga atishimye kubera gusimbuzwa mu minota ya mbere y’igice cya mbere cy’umukino

Umutoza wa Police FC Mashami Vincent agerageza guhumuriza Rurangwa Moss wari umaze gusimburwa na Kwitonda Ally nyuma yo gutakaza umupira wavuyemo igitego cya Gasogi United

Ubwo myugariro wa Police FC Ruragwa Mossi yageraga ku ntebe y’abasimbura

AMAFOTO: Ngabo Serge

Politike y'uburezi budaheza mu Rwanda iteganya ko kugira ngo umunyeshuri ufite ubumuga abashe kwisanga mu bandi, agomba kwigana n'abandi badafite ubumuga.

Iyi gahunda yatumye amashuri yose ategekwa kugira inyubako zorohereza abafite ubumuga kuzikoresha.

Ibyavuye mu ibarura rusange rya 2022 bigaragaza ko mu bana bafite ubumuga bari mu kigero cy'imyaka 6 na 17, abagera kuri 65% ari bo babasha kugera mu ishuri ugereranyije na 81% badafite ubumuga.

Imibare ya 2022 yerekana ko abanyeshuri bafite ubumuga butandukanye barenga 38,937 barimo abahungu 17,322 n'abakobwa 21,615.

Uretse amashuri mashya yubatswe gahunda y'uburezi budaheza imaze gushyirwaho n'andi yagiye avugururwa, hari n'ahakiri ibigo by'amashuri bifite inyubako zubatswe kera ku buryo umwana ufite ubumuga butandukanye akenera abamufasha kugira ngo azigeremo.

Muri raporo yagejejwe ku Nteko Rusange umutwe w'Abadepite muri Mata 2024, hagaragaramo ibibazo bigikomereye uburezi budaheza birimo no kuba nta mfashanyigisho zigenewe abana bafite ubumuga ziri muri bimwe mu bigo by'amashuri.

Perezida wa Komisiyo y'Uburezi, Ikoranabuhanga, Urubyiruko n'Umuco Depite Uwamariya Veneranda yagaragaje ko 'hari ibigo by'amashuri bidafite ibikorwa remezo byorohereza abanyeshuri bafite ubumuga kuko hari ibyubatswe mbere y'uko amabwiriza ajyanye n'imyubakire y'amashuri ashyirwaho n'ibyubatswe bidakurikije amabwiriza.'

Imibare ya Minisiteri y'Uburezi igaragaza ko mu 2017 amashuri atari afite ibikorwa remezo n'ibikoresho byifashishwa mu kwigisha abana bafite ubumuka yari 3.955 ariko mu 2022 yaragabanyutse agera kuri 1.541.

Hari kandi amashuri adafite imfashanyigisho zagenewe abanyeshuri bafite ubumuga, aho usanga biga mu buryo bumwe n'ubw'abatabufite.

Kuva muri Gicurasi 2024 Minisiteri y'Uburezi iteganya gutanga ibikoresho bifasha abanyeshuri bafite ubumuga birimo televiziyo, ibikoresho byo kubara, kwiga kwandika no kubara mu buryo bw'amashusho, amakarita, mudasobwa [laptop] 60 n'ibindi.

Biteganyijwe kandi ko muri Mata 2024 hazacapwa integanyanyigisho ibihumbi bitatu zigenewe uburezi bw'abanyeshuri bafite ibibazo byo mu mutwe na ho kuva mu 2025 kugeza 2027 hakazandikwa igitabo kijyanye n'integanyanyigisho y'abanyeshuri bafite ubumuga bwo mu mutwe.

Muri gahunda y'uburezi budaheza kandi biteganyijwe ko abarimu bose bagomba guhugurwa kugira ngo bashobore gufasha ababyenyeshuri bafite ubumuga butandukanye.

Muri rusange abarimu bahuguriwe kwigisha abanyeshuri bafite ubumuga baracyari bake cyane, kuko mu 2020/2021 hahuguwe bangana na 12.243, mu mu gihe mu mwaka wakurikiyeho umubare wazamutse ukagera ku 15.569.

Nta gihe ntarengwa Minisiteri y'Uburezi igaragaza abarimu bose bazaba bamaze guhugurwa ariko yemeza ko bizakorwa.

Kuva mu 2015 hashyirwaho amasomo agenewe abarimu bigisha mu Burezi budaheza muri Kaminuza y'u Rwanda, hamaze gusoza abantu 957 bize icyiciro cya mbere muri iri shami, mu gihe 91 bize icyiciro cya kaminuza na barindwi bize icyiciro cya gatatu mu masomo y'uburezi budaheza.

Ni mu gihe iyi gahunda yanatangijwe mu mashuri nderabarezi yose mugira ngo abazajya bayasozamo bajye baba bashoboye kwigisha abanyeshuri bafite ubumuga.

Imibare igaragaza ko abarimu bigisha mu mashuri yose mu Rwanda barenga ibihumbi 100, ndetse uko imibare y'abanyeshuri yiyongera na bo bakomeza kuzamuka.

---

Mu myaka 20 ICTR yamaze, yakurikiranye dosiye 93 zirimo iz'abantu 62 bafunzwe. 14 bagizwe abere, 10 bohererezwa ubutabera bw'u Rwanda. Urubanza rw'umwe rwatwaraga byibuze miliyoni 20 z'amadolari ya Amerika.

Mu kiganiro The Long Form na Sanny Ntayombya, Dr Charles wabaye Umushinjacyaha wa ICTR yagize ati 'Abagenzacyaha nta bunararibonye bari bafite ku kugenza ibyaha mpuzamahanga. Bivuze ko batari bazi icyo gushaka, ibyo twebwe nk'abashinjacyaha twari dukeneye kugira ngo tubishingireho.'

Uyu Mwongereza yasobanuye ko umugenzacyaha ku byaha bya jenoside aba akwiye kubaza bimwe mu bibazo by'ingenzi nka 'Wamenye ute ko yari Perefe? Ko uvuga ko wamubonye muri Pajero y'ubururu; wabwi n'iki ko ari ubururu? Wabwiwe n'iki ko ari Pajero?'

Yavuze kandi ko mu iperereza, umugenzacyaha yagombaga kumenya ubwoko uwo yari akeneye amakuru yabarizwagamo, bitewe n'uko jenoside yakorewe Abatutsi yari ishingiye ku bwoko.

Dr Charles yatanze urugero rw'umwe mu bagenzacyaha bakoranye wagiye kuganiriza umutangabuhamya, yibwiraga ko ari Umututsi ariko nyuma aza kumenya ko ari Umuhutu. Ngo yaje kumusaba imbabazi.

Mu bindi byagoye abagenzacyaha ba ICTR, nk'uko yabisobanuye, harimo gukora iperereza ku byaha by'umwihariko byakorewe abagore, birimo kubasambanya ku gahato, kubashyira amacumu mu myanya y'ibanga no kubabaga, bakabakuramo insoro.

Ati 'Byumvikana bite mu ntekerezo kuba abagore b'Abatutsi basambanywa n'itsinda ry'abasirikare 10, nyuma bagashyira icumu myanya y'ibanga? Byumvikana bite kuba umugore utwite yicwa, akabagwa inda kugira ngo barebe uko urusoro rw'Umututsi? Igitekerezo cyari ugutsemba Abatutsi.'

ICRT yatangiranye n'abakozi bagera kuri 300, ariko abacamanza bari bake cyane. Dr Charles yasobanuye ko uru rukiko rwatangiye rudafite abashinjacyaha, kandi ko byatumye rumara umwaka wose rutaburanisha abakekwaga.

Ati 'Leta y'u Busuwisi yohereje Alfred Musema muri uru rukiko. Twari dufite abakozi bake, nta bashinjacyaha twari dufite bo gushinja Musema. Navuye i Londres nta bunararibonye bwinshi nari mfite kandi nari umunyamategeko wunganira. Naje mu 1998 ubwo ICTR yanengwaga gukora gake. Urubanza rwa mbere rwatangiye mu 1997, kugeza mu 1998 nta rundi rubanza rwabaye.'

Yavuze ko mu gihe ICTR yatangiraga gukora, itari ifite inyubako zihariye, ahubwo ko yakodeshaga umwanya mu nyubako yakira inama mpuzamahanga i Arusha, rimwe icyumba cyari ibiro kigahindurwa icy'iburanisha.

Si ibyumba by'iburanisha gusa byari ikibazo kuko n'abacamanza bari bake cyane, mu gihe Abanyarwanda bo gukurikirana bari benshi. Dr Charles yasobanuye ko uru rukiko rwamaze imyaka ine rufite batandatu gusa.

Ati 'Hari dosiye ebyiri zaburanishijwe mu cyumba cy'iburanisha kimwe. Ubwo nazanaga dosiye ya Musema, hari imanza eshatu zarimo; urwa Obed Ruzindana, Kayishema, Akayesu na Rutaganda. Icyo gihe hari ibyumba bibiri by'iburanisha. Ngira ngo twatangiranye n'abacamanza batandatu, ubwo nazanaga Bagilishema baba icyenda. Mu myaka ine ya mbere bari batandatu gusa.'

Inteko Rusange ya Loni yafashe icyemezo cyo kongera abacamanza ba ICTR ariko bagakora igice cy'umunsi, bagera kuri 21, ariko na bwo hakomeza kuba ikibazo cy'uko ibyumba by'iburanisha byari bikiri bibiri.

Ati 'Abayobozi ba politiki bari gufatira ibyemezo i New York ariko ibikorwaremezo i Arusha ntabwo biri kwiyongera bijyanye n'ibyemezo byafashwe.'

Urubanza rwa Musema na Bagilishema rwagoye ubushinjacyaha

Musema yabaye Umuyobozi Mukuru w'uruganda rw'icyayi rwa Gisovu muri Perefegitura ya Kibuye. Ubushinjacyaha bwamushinje gutwara mu modoka Interahamwe muri Mata, Gicurasi na Kamena 1994, zagiye kwica Abatutsi muri komini Gisovu na Gishyita. Na we hari abo yiyiciye.

Tariki ya 27 Mutarama 2000, ICTR yamuhamije ibyaha bya jenoside n'ibyibasiye inyokomuntu, rumukatira igifungo cya burundu. Urugereko rw'ubujurire rwashingiye iki gihano tariki ya 16 Ugushyingo 2001.

Dr Charles yasobanuye ko urubanza rwa Musema rwari rugoranye kuko yari afite abanyamategeko b'abahanga kandi bari bafite uburambe mu kazi kurusha abacamanza n'abashinjacyaha ba ICTR kuko bo bigeze no kuburanira mu rukiko rwashyiriweho Yugoslavia, ICTY.

Ati 'Ntabwo bigeze bahakana niba jenoside yarabaye, ntibahakanye niba ibitero bigari byaragabwe, ntabwo bari bashishikajwe no guhakana ibyagaragaraga, bibandaga kuri 'Musema yari ahari? Hari icyo yakoze?' Twagerageje kwinjira mu rubanza kuva rutangira, kugeza rurangira mu mezi atandatu.'

Kuri Bagilishema Ignace, nk'uko Dr Charles yabisobanuye, abagenzacyaha bagowe no gusobanukirwa imisozi yo muri komini Mabanza yayoboye muri Kibuye, kuko hari iyo bitiranyaga.

Yagize ati 'Mu iperereza ryabaye mu minsi ya mbere, hari imisozi muri Karongi abagenzacyaha bacu bibeshyagaho. Yose ifite izina rimwe. Ushobora kubona imisozi ibiri cyangwa itatu ya Karongi, ibiri cyangwa itatu ya Muyira. Uruhande rw'uregwa rwamenyaga ko twibeshye, rugaceceka.'

Dr Charles yasobanuye ko byageze aho Bagilishema asaba abacamanza kujyana n'abagenzacyaha ndetse n'abashinjacyaha ku misozi bavugaga ko yakoreweho ibyaha, basanga harabayemo kwibeshya.

Bagilishema yafatiwe muri Afurika y'Epfo muri Gashyantare 1999. Urubanza rwe rwifashishije abatangabuhamya 18 bo ku ruhande na 15 b'uruhande rw'uregwa. Nyuma yo y'aho abacamanza batatu ba ICTR basuye aho ubushinjacyaha bwavuze ko yakoreye ibyaha, rwamugize umwere muri Kamena 2001.

---