Category: Uncategorized

Ni igikorwa iyi banki yafatanyijemo n'abo mu miryango y'abo bakozi bishwe, gitangirizwa ku cyicaro gikuru cya I&M Bank Rwanda mu Mujyi wa Kigali, gikomereza ku Rwibutso rwa Jenoside rwa Kigali ruri ku Gisozi, kuri uyu wa 19 Mata 2024.

Umuyobozi w'Inama y'Ubutegetsi ya I&M Bank, Niyibizi Bonaventure, yabwiye abo mu miryango y'abari abakozi ba BCR ko iyi banki itazabatererana, abasaba no kudaheranwa n'amateka kuko yaba ari uguha urwaho abanzi bashakaga kurimbura Abatutsi.

Yifashishije urugero rwa I&M Bank Rwanda, agaragaje ko uyu munsi abantu bakwiriye kwishimira ko mu Rwanda hari imikorere idashingiye ku ivangura.

Ati 'Mu myaka 20 maze nkorana n'iyi banki, sinigeze numva umwanzuro wafashwe hagamijwe kwima amahirwe uwari ukwiriye umwanya w'akazi runaka. Ntabwo nigeze numva umwanzuro wo kwirukana umukozi hagendewe ku gihagararo cye cyangwa aho akomoka.”

“Ntabwo nigeze numva umushinga wanzwe bitewe n'inkomoko yawo cyangwa nyirawo. Iyi ni intambwe ikomeye mukwiriye gukomeza kubakiraho mukora ibintu byiza byatugejeje aho turi uyu munsi.'

Théogène Ntayomba wari uhagarariye imiryango y'abahoze ari abakozi ba BCR bibutswe akaba yaranakoranye na bo muri iyo banki itarahinduka I&M Bank, yashimiye iyi banki yashyizeho iyi gahunda yo kwibuka abo bakozi bishwe.

Ati ''Turabashimira kandi uburyo badahwema gufasha imiryango y'aba turi kwibuka uyu munsi.''

Umukozi wa I&M Bank warokokeye Jenoside yakorewe Abatutsi mu Karere ka Bugesera, Harerimana Jean Claude, yatanze ubuhamya bw'ibihe bigoye yanyuzemo muri Jenoside n'uko benshi mu bo mu muryango we barimo abavandimwe be biciwe muri Kiliziya i Ntarama mu Bugesera, avuga ko we yahunganye na bo ariko umutima ukamubuza kuguma muri iyo kiliziya nubwo yari muto.

Yakomoje ku buryo ajya gutandukana na bo, nyina umubyara yamwaturiye ko azabaho, iryo jambo rikaba rikimuherekeza no mu buzima bwa none akaba ashimira abamufashije kwiga no kubona akazi none akaba amaze imyaka 10 ari umukozi wa I&M Bank Rwanda.

Visi Perezida wa Ibuka, Louis de Montfort Mujyambere, yakomoje ku kuba BCR yahindutse I&M Bank ari yo banki ya mbere y'ubucuruzi yashinzwe mu Rwanda ndetse imaze imyaka isaga 60, bityo ko iyi iri mu zabuze abakozi n'abakiliya bayo benshi bishwe muri Jenoside yakorewe Abatutsi.

Ati ''Iyahoze ari BCR ubu akaba ari I&M Bank, ni yo banki ya mbere y'ubucuruzi yashinzwe mu Rwanda mu 1964. Ibyo rero bituma I&M Bank iza ku isonga muri banki yabuze benshi mu bahoze ari abakozi n'abakiliya bayo ndetse n'imiryango yabo.''

Mujyambere yananenze abari abakiliya bayo babi barimo Kabuga Félicien n'abandi, bakoresheje ubutunzi bwabo batera inkunga ishyirwa mu bikorwa rya Jenoside yakorewe Abatutsi mu 1994.

Umuyobozi Mukuru wa I&M Bank Rwanda, Benjamin Mutimura, yavuze ko iyi banki yanyuze mu mateka mabi kuko abahoze ari abakozi ba BCR bishwe muri Jenoside yakorewe Abatutsi abandi bakayikora cyangwa se bakayitera inkunga, bityo ko uyu munsi iyi banki ifite umukoro.

Ati ''Dufite inshingano zo kwigisha abatugana bose kurwanya jenoside, uko igihugu gitera imbere kiyubaka kugira ngo ibyabaye bitazongera ukundi. Ni inshingano dufite, icyo twahereyeho cya mbere ni ugufasha abana b'abari abakozi ba BCR, bose tugenda tubashakisha tubafasha kwiyubaka, abatararangije ishuri kugira ngo babashe kubirangiza, abo dushobora guha akazi tukabaha akazi, kugira ngo na bo babashe kwiyubaka.''

''Ni urugendo rukomeje, dufite na gahunda irenga ibyo kubafasha mu kwiga cyangwa se mu kubona akazi, imiryango itishoboye tukayunganira. Dufite inshingano zo kwibuka tutabikora nk'umuhango, ahubwo tukabikora nk'inshingano zo kugira ngo abantu bacu bapfuye tutazabibagirwa, kandi icyabatwaye kitazongera ukundi.''

Umuyobozi w'Umujyi wa Kigali, Samuel Dusengiyumva, yashimiye I&M Bank Rwanda ku bufatanye mu gusobanura amateka Jenoside yakorewe Abatutsi.

Aha ni ahari ikimenyetso kigaragaza abahoze ari abakozi ba BCR bishwe muri Jenoside yakorewe Abatutsi

Umuyobozi Mukuru wa I&M Bank Rwanda, Benjamin Mutimura, ashyira indabo ahari ikimenyetso cy’abari abakozi ba BCR bishwe muri Jenoside yakorewe Abatutsi

Abo mu miryango y’abahoze ari abakozi ba BCR bifatanyije na I&M Bank muri iki gikorwa

Abakozi ba I&M Bank Rwanda banasobanuriwe amateka y’Urwibutso rwa Jenoside rwa Kigali ruri ku Gisozi

Abakozi ba I&M Bank basobanuriwe amateka ya Jenoside yakorewe Abatutsi kuko abasaga 60% yabaye bataravuka cyangwa bakiri bato cyane

I&M Bank yanibutse abazize Jenoside yakorewe Abatutsi bashyinguwe mu Rwibutso rwa Jenoside rwa Kigali ruri ku Gisozi

Mariya Yohana ni we waririmbye indirimbo zo kwibuka, muri iki gikorwa

Théogène Ntayomba wahagarariye imiryango y’abahoze ari abakozi ba BCR, yashimiye I&M Bank Rwanda idatererana abarokotse Jenoside

Umukozi wa I&M Bank Rwanda warokokeye Jenoside yakorewe Abatutsi mu Karere ka Bugesera, Harerimana Jean Claude, yatanze ubuhamya bw’ibihe bigoye yanyuzemo

Umuyobozi w’Inama y’Ubutegetsi ya I&M Bank Rwanda, Niyibizi Bonaventure, ashyira indabo ku mva ishyinguyemo abazize Jenoside yakorewe Abatutsi ku Rwibutso rwa Jenoside rwa Kigali ku Gisozi

Urubyiruko rukora muri I&M Bank Rwanda rwibukijwe ko ari rwo Rwanda rw’ejo, rusabwa kurwanya ingengabitekerezo ya jenoside

Umuyobozi w’Inama y’Ubutegetsi ya I&M Bank Rwanda, Niyibizi Bonaventure, yavuze ko iyi banki itazigera itererana abarokotse Jenoside yakorewe Abatutsi

Umuyobozi w’Umujyi wa Kigali, Samuel Dusengiyumva, yasabye ubufatanye bwa buri wese mu kurwanya Ingengabitekerezo ya jenoside kuko ikigaragara no mu Rwanda

Gahunda ya Amerika yo kugenera inkunga Ukraine hamwe na Israel yatindijwe cyane no kuba umubare munini w'abagize Ishyaka ry'Aba-Républicains batigeze bumva impamvu yayo, hakaba n'abandi bo mu ishyaka ry'Aba-democrates, batigeze bashyigikira igitekerezo cyo gutera ingabo mu bitugu iki gihugu cyo mu Burasirazuba bwo Hagati.

Nyuma y'amezi menshi yo gutegereza, Kongere ya Amerika ishobora kuba igiye gutora umushinga ujyanye no guha ibihugu bya Ukraine na Israel ubufasha mu bya gisirikare.

Ni gahunda ishobora kutoroha kuko bisaba ko abo muri Sena ndetse n'Abadepite babyemeranywaho kandi harimo abatarabyumva kugeza n'ubu.

Mike Johnson uyobora Inteko Ishinga Amategeko ya Amerika, yavuze ko yiteguye gukora ibishoboka kugira ngo uyu mushinga ugezwe mbere y'Inteko kugira ngo utorwe kabone n'ubwo byashyira akazi ke mu marembera.

Johnson yagaragaje ko mu ngingo zigomba gutorwa hakubiyemo inkunga ya miliyari 60,8$ yo guha Ukraine, miliyari 26,4$ yo guha Israel na miliyari 8,1$ yo kugenera ibihugu byo mu karere ka Indo-Pacific birimo na Taiwan.

Icyakora buri nkunga igomba gutorwa ukwayo, bivuze ko harimo n'izidashobora kwemerwa.

Johnson yagaragaje ko mu byo yitegura kugeza imbere y'Abadepite harimo no kwemeza ko Ikigo cya ByteDance cyitandukanya na TikTok, kwemeza igurishwa ry'imitungo y'u Burusiya yafatiriwe no kwemeza ibihano ku bihugu bya Iran, u Bushinwa n'u Burusiya.

Uyu mugabo afite umubare muto cyane w'abamushyigikiye mu badepite, ndetse n'abandi barimo Marjorie Taylor Greene uhagarariye Leta ya Georgia mu Nteko, Thomas Massie wa Kentucky na Paul Gosar wa Arizona, bavuze ko nakomeza gushyigikira ko Ukraine ihabwa ubufasha mu bya gisirikare bazaharanira ko akurwa ku buyobozi.

Kuri uyu wa Gatandatu biteganyijwe ko mu Nteko ya Amerika, umutwe w'Abadepite, uganira kuri izi ngingo ndetse iziza gutorwa ziza guhurizwa hamwe mu mushinga umwe, uzagezwa imbere ya Sena muri izi mpera z'iki Cyumweru kugira ngo naho utorwe, nyuma Perezida Joe Biden akazabiha umugisha bigahita byemezwa nk'itegeko.

Ukraine ishobora kubona ubufasha bushobora kuba inkingi ya mwamba mu guhindura isura y’intambara ihanganyemo n’u Burusiya

Kuri uyu wa Gatanu tariki 19 Mata 2024, nibwo ku cyicaro gikuru cya Rwanda Writers Federations habereye inama y'inteko rusanga y'urugaga rw'abanditsi, yasize hatowe komite nshya igiye gukomeza aho icyuye igihe yari igereje mu rwego rwo guteza imbere uru rugaga.

Abitabiriye iyi nama bashimye ibyagezweho mu myaka itanu ishize, bashimira Bwana Hategekimana Richard ku bw'umurava, ishyaka n'urukundo byamuranze.

Nyuma yo kongera kugirirwa icyizere na komite, Hategekimana yabwiye InyaRwanda ko agiye guharanira ko umuco wo gusoma no kwandika ibitabo ushinga imizi mu mashuri abanza, ayisumbuye ndetse no muri za Kaminuza.

Yiyemeje kandi guharanira ko igitabo kiba Isoko y’iterambere ry’ubukungu, guharanira ko igitabo gikoreshwa mu nzego zose z’ubuzima bw’igihugu harimo mu nzego za Leta, iz’abikorera, imiryango itari iya Leta, mu Madini n’ahandi,

Akomeza ati 'Ndashaka kubaka inzego za 'Rwanda Writers Federation' zikomeye mu mashuri yose ndetse no mu turere twose tw’igihugu kugirango umuco wo gusoma no kwandika ibitabo ugere hose.'

Akomeza ati 'Hari kandi kubaka imikoranire ya hafi n’abikorera(PSF) kugirango kugirango uruganda rw'igitabo rukomere.'

Hategekimana yavuze ko anashyize imbere ko ibitabo byanditswe mu mateka y'u Rwanda bikoreshwa n'abari mu mahanga, kandi ibtabo bikaba ishingiro ry’ imikorere, imyifatire ya buri wese.

Komite nyobozi igizwe na Hategekimana Richard watowe ku mwanya wa Perezida, Dr. Ignace Niyigaba yabaye Visi-Perezida wa mbere wungirije n'aho Nkundimfura Rosette yabaye Visi-Perezida wa Kabiri wungirije w'uru rugaga.

Umunyamabanga Mukuru yabaye Uwase Immaculee, Umunyamabanga Mukuru wungirije yabaye Imaragahinda Grace n'aho Umubitsi yabaye Benurugo Jacqueline.

Komite Nkemurampaka igizwe na Pro.Viateur Ndikumana watowe ku mwanya wa Perezida, Ramuka David yabaye Visi-Perezida n'aho Mushimiyimana Jeannette yabaye umunyamabahanga.

Komite Ngenguzi igizwe na Niyitegeka Rachel (President), Kabayiza Claudine (V/President) na Manishimwe Aline (Secretary).

Abanyamuryango b'icyubahiro barimo Rwagatare Joseph, Kanyarukiga Ephrem, Rucaga Boniface usanzwe uri mu kanama ngishwanama k'inararibonye, Mujiji Peter, Mushimiyimana Eugenie, Dr. Sina Gerard, Mukunde Goretti, Karangwa Hussein n'abandi.

Hategekimana Richard watorewe kongera kuyobora Urugaga rw'Abanditsi mu Rwanda
Dr. Niyigaba Ignace watorewe kuba Visi-Perezida wa Mbere w'urugaga rw'abanditsi

Nkundimfura Rosette watorewe kuba Visi-Perezida wa Kabiri w'Urugaga rw'Abanditsi mu Rwanda
Benurugo Jacky watorewe kuba Umubitsi (Treasure) wa Rwanda Writers Federation

 

Uwase Immaculate watorewe kuba Umunyamabanga Mukuru wa Rwanda Writers Federation

Imaragahinda Grace wabaye Umunyamabanga Mukuru Wungirije

Inama ya Komite y'Urugaga rw'Abanditsi, yabaye kuri uyu wa Gatanu tariki 19 Mata 2024

Ahagana Saa Tatu z'ijoro zo kuwa Gatanu tariki 19 Mata 2024, nibwo uyu mugabo wari usanzwe ari Noteri w'ubutaka mu Murenge wa Remera yategewe mu nzira n'abantu batari bamenyekana bamutera ibyuma arapfa.

Amakuru agera ku IGIHE avuga ko abamutegeye mu nzira bikekwa ko ari abajura. Bamuteye ibyuma mu misaya no mu ijosi ku buryo yagejejwe kwa muganga yashizemo umwuka.

Umuvugizi wa Polisi y'u Rwanda, ACP Boniface Rutikanga, yabwiye IGIHE ko inzego zibishinzwe zatangiye kubikurikirana.

Ati ' Nibyo amakuru twayamenye ariko ntabwo twayajyamo neza kugira ngo iperereza ribashe gukorwa neza.'

Uyu mugabo yiciwe mu Murenge wa Gisozi mu Karere ka Gasabo; Polisi iri mu iperereza ku rupfu rwe

Mu kiganiro n'abanyamakuru kuri uyu wa 19 Mata 2024, Sunak yagaragaje ko yababajwe n'uko abantu bakomeje kwitambika iyi gahunda kugira ngo idashyirwa mu bikorwa, kandi ari igisubizo cyiza ku bimukira binjira mu Bwongereza mu buryo butemewe n'amategeko.

Abagize icyiciro cya nyuma cy'Inteko Ishinga Amategeko y'u Bwongereza baherutse kongera gutora amavugurura agamije gukereza ishyirwa mu bikorwa ry'iyi gahunda, nyuma y'aho abo mu cyiciro kibanza bayanze.

Biteganyijwe ko tariki ya 22 Mata 2024, abagize icyiciro kibanza bazongera bayakorere itora, ku munsi uzakurikiraho, asubizwe mu cya nyuma.

Sunak yatangaje ko birambiranye kuba iyi gahunda itarashyirwa mu bikorwa, asobanura ko ku wa Mbere abagize icyiciro cya mbere bazicara hamwe, bahaguruke ubwo bazaba bamaze gukemura iki kibazo.

Yagize ati 'Buri wese yagerageje kudukumira. Birababaje. Ukwihangana kuri kugabanyuka, nanjye ni uko. Icyo twifuza ni uko byakemuka ku wa Mbere. Tuzicara, dukore kugeza ubwo kizakemukira.'

Iyi gahunda ishingiye ku masezerano avuguruye guverinoma y'u Bwongereza yagiranye n'iy'u Rwanda mu Ukuboza 2023. Mu gihe abagize imitwe yombi y'Inteko bayishyigikira mu matora yo mu cyumweru gitaha, abimukira ba mbere bashobora koherezwa i Kigali muri Gicurasi 2024.

Aya masezerano yashyizweho umukono mu Ukuboza 2023

Polisi yo muri uyu mujyi yatangaje ko hataramenyekana icyateye uyu mugabo gukora ibi ariko ko abatangabuhamya batangaje ko yagaragaye azenguruka hanze y'uru rukiko, mu minota mike atangira kujugunya inyandiko mu kirere, mu kanya nk'ako guhumbya atangira kwimenaho amavuta ahita yitwika.

Umuyobozi wa Polisi y'Umujyi wa New York, NYPD, Jeffrey Maddrey, yatangaje ko umupolisi umwe n'undi ushinzwe umutekano w'urukiko bakomeretse byorohereje ubwo bageragezaga kuzimya uyu mugabo.

Maxwell yahise yihutanwa kwa muganga, ariko nyuma y'amasaha 10 agejejewe mu bitaro byo muri uwo mujyi, yahise yitaba Imana kuko yari yakomeretse bikabije.

Trump yarari imbere mu rukiko kuko yari yagiye mu gikorwa cyo gutoranya inyangamugayo z'urukiko zizareberera urubanza rwe, ariko ibi bikimara kuba yahise ahava.

Igikorwa cyo guhitamo inyangamugayo mu rubanza rwa Trump cyasubukuwe ku mugoroba w'uwo munsi, abacamanza banzura ko bazatangira kumuburanisha mu mizi ku wa Mbere w'icyumweru gitaha.

Muri Amerika, Umugabo witwa Maxwell yitwikiye imbere y’urukiko i Manhattan, ahari hari kubera urubanza rwa Trump