Category: Uncategorized

Iyo hajemo urukundo, abasore n'inkumi basabwa gutekereza kabiri ndetse no gutinda ku mpamvu zibahuza mu rukundo rwabo. Nubwo hari byinshi byatuma abantu batandukana ariko hari impamvu zatuma abantu bashobora gutandukana kandi bakundana.

Amahitamo yo kurangiza umubano ashobora kuba atoroshye na gato nyamara abantu bashobora gufata uyu mwanzuro ushaririye kubera impamvu zikomeye zitahagarikwa. Ugutandukana kw'abakunzi bishobora kuba ku basore n'inkumi cyangwa ku bamaze gushing urugo

Dore impamvu zituma abantu bakundana by'ukuri batandukana:

1.       Gutungurana kw'ibyifuzo

Abakundana bashobora gutandukana bitewe no kwifuza ibintu bitunguranye bishobora kuba imbogamizi ku wundi. Ushobora gusaba umukunzi ko mushyingiranwa mbere y'igihe yiyemeje, kumusaba guhindura ibyo akunda akagenda mu murongo w'ibyo wifuza bikamunanira.

Kugusaba igihe kinini kuruta icyo ashobora kukubonera, kwanga ko mubyarana igihe we akeneye urubyaro, n'ibindi byinshi, bishobora gutuma mutandukana kandi mukundana.

Urukundo rimwe na rimwe rusaba kwigomwa no guharirana kugira ngo mwubake. Bavuga ko kwima umuntu icyo agusaba bishoboka bigaterwa n'uko nawe wikunda, kuko uwikunda amenya n'ibimushimisha. Ariko kandi mugenzi wawe ashobora kutabyakira, gutandukana bikababera byiza kuruta guhangana.

2.       Kubura ahazaza h'umubano wanyu

Ibi bikunze kuba ku bantu batarashinga urugo. Igihe umubano utagaragaza icyerekezo cyawo ni kimwe mu bishobora gutuma umuntu afata uyu mwanzuro kandi hari urukundo.

Bamwe bahitamo abakunzi babo bagamije kwishimisha no gushaka inshuti zibaba hafi nyamara abandi bagashaka abakunzi bagamije gushinga urugo no kororoka bakabyara bakagira umuryango.

Bitewe n'ibyifuzo, umuntu ashobora guhagarika umubano n'umukunzi we bitewe nuko udahura n'ahazaza yifuza, agasezera ku wo akunda buri wese agaca inzira ye bagatandukana.

Betterhelp itangaza ko urukundo rushobora kurangira isaha n'isaha igihe umwe muri mwe atishimiye buri kimwe gikorwa mu rukundo.

3.       Urukundo rutagira intego

Iyo bigeze ku ntego bihindura isura. Bivugwa ko iyo nta ntego nyamukuru yatuma ukora ikintu, ntaho uba utandukaniye n'umwana muto.

Ibi bituma wibaza ko izi ntego zitekerezwa mbere yo kurwinjiramo n'igihe wamaze kurugeramo. Gukundana bidafite impamvu bishobora gutuma abakunzi batana cyane cyane iyo bakuze batakiri mu myaka y'ubwana.

Intego zihuye n'indangagaciro ni byo bituma umuntu arema uwo yifuza kuba we. Urukundo rutagira intego nta n’amabwiriza rugira akenshi rubabaza ba nyirarwo.

Kutagira intego ni kimwe mu bishobora gutuma umuntu asezera ku wo yakundaga akimukunda, agatangira bundi bushya.

4.       Ubushobozi bucye

Nubwo havugwa amafaranga n'ubushobozi bamwe bakitarutsa, ariko iki ni kimwe mu bituma urukundo rwa babiri rukomera. Imvururu zikunze kuvugwa mu rugo zitewe nuko ubukene bushobora gutuma umukunzi wawe aguta akisangira abatunze ibya mirenge.

Ubukene buri mu bituma abakundana bitana ibisambo kubera kubura andi mahitamo umunzi wawe akagusiga kandi akigukunda.

Igihe ubona wowe n'umukunzi wawe bitaborohera kubahao igihe mwabanye, cyangwa no mu buzima bw'urukundo mbere yo kubana, abafite umutima woroshye bashobora kuva mu rukundo.

Ku gitsinagore birumvikana kuko baba bazengurutswe n'abasore batanganya imifuka. Ibyo bisobanuye ko ashobora kubona n'undi musore umukunda cyane nkawe nyamara akurusha n'ubushobozi, yamuha buri kimwe.

Abiganjemo abakobwa cyangwa abagore basiga abakunzi babo kubera gutinya kubaho ubuzima bubi.

Uyu ni umwanzuro ukomeye wo gusiga umuntu kubera ubukene kandi binagoye no kubimusobanurira kuko bamwe batari bisobanukirwa bashobora no guhitamo amafaranga kurusha urukundo rwa nyarwo.

Gusiga umuntu ukunda bishobora kugutera agahinda gakabije, rimwe na rimwe ukazicuza, cyane cyane igihe udahiriwe n'urundi rukundo, cyangwa ukajya ubona wa muntu wanze yarahindutse wawundi wifuzaga ko aba.

Icyegeranyo cya Banki y'Isi ku bumenyi n'ubushobozi bw'abaturage bijyanye n'isoko ry'umurimo [Human Capital Index] kigaragaza ibipimo by'uburyo ibihugu bitegura abaturage babyo haba mu rwego rw'uburezi n'ubuzima ngo bazavemo abajya ku isoko ry'umurimo, cyerekana ko hagikenewe gushorwa imbaraga nyinshi kugira ngo umwana uvutse azamukane impamba ihagije imufasha kuzatanga umusaruro.

Kigaragaza ko umwana wavutse mu 2020, ku rwego rw'Isi afite amahirwe yo gutanga umusaruro ku mpuzandengo ya 56% igihe azaba akuze yarahawe uburezi buboneye, akanagira ubuzima buzira umuze.

Cyerekana ko umwana wavukiye mu Rwanda agahabwa uburezi ku rwego rwo hejuru, ndetse akagira ubuzima bwiza azaba afite amahirwe yo gutanga umusaruro ku mpuzandengo ya 38% igihe azaba akuze.

Imibare igaragaza ko muri Mu 2018 umwana wo mu Rwanda utangiye amashuri afite imyaka ine yabarirwaga kuzamara imyaka 6.6 mu ishuri yiga, ariko muri 2020 iyo myaka yageze kuri 6.9 nibura akarangiza kwiga mbere y'uko agira imyaka 18.

Ibi biterwa n'uko mu mashuri abanza abanyeshuri binjiramo ari benshi, kuko ubu bageze ku 135%, mu gihe abajya mu cyiciro rusange bangana na 46% bakagabanyuka uko ugenda uzamuka.

Abana bagejeje igihe cyo kwiga amashuri abanza bitabira ku mpuzandengo ya 94% na ho abasoza iki cyiciro bangana na 76%. Umubare w'abadasoza amashuri abanza biganjemo abahungu, bangana 62.6%.

Mu gusuzuma umusaruro umunyeshuri akura mu ishuri, ibipimo bya Banki y'Isi byerekana ko muri 2018 umunyeshuri yabaga yarize imyaka 3.8 muri 6.6 yamaze yiga, mu gihe mu 2020 umusaruro w'umunyeshuri wagaragarazaga ko yaba yarize imyaka 3.9 muri 6.9 yamaze mu ishuri.

Ibi bigaragaza ko nubwo abana bajya mu ishuri na mwarimu akigisha ariko igikorwa nyirizina kidakorwa uko bikwiye.

Iki cyuho hari abakirebera ku kuba amashuri y'incuke henshi ari bwo agitangira, ndetse n'uburyo urwego rw'uburezi rwinjije abarimu benshi batize uburezi, nyamara ntibahugurwe mu buryo bufite ireme ku buryo umwarimu mushya ajya kugera ku rwego rwo gutanga ubumenyi bwifuzwa hashize igihe kinini.

Perezida wa Komisiyo y'Uburezi, Ikoranabuhanga Urubyiruko n'Umuco, Depite Rubagumya Furaha Emma, yagaragaje ko ibipimo by'umusaruro w'uburezi bigaragaza ko uri hasi cyane nyamara amavugurura yakozwe yakabaye yarabizamuye.

Ati 'Ibipimo bijyanye no guta ishuri, gusibira, abanyeshuri baba bafite ubumenyi buke mu gusoma no kubara cyangwa se mu rurimi rw'Icyongereza, ibintu bijyanye n'imyaka abana biga, ibyo bipimo iyo ubirebye muri raporo zitandukanye ubona bidasa neza. Bimwe biba biri mu muhondo ibindi bikaba mu mutuku kandi ubundi iyo ugabanyije ubucucike mu ishuri, ukagabanya abana imbere ya mwarimu umusaruro wakabaye ko abana benshi muri bo bashobora kwiga bakamenya ntibanasibire kubera ko bize bamenye bagashobora kuzamuka.'

Mu mwaka w'amashuri wa 2021/2022 imibare y'abana bata ishuri yageze kuri 9.2% ivuye kuri 10.3% muri 2020/2021. Imibare y'abasibiye yageze kuri 14.3% muri 2021/2022 ivuye kuri 8.3% mu mwaka w'amashuri wa 2020/2021.

Abanyeshuri bo mu mashuri abanza bavuye kuri miliyoni 2.5 mu 2017 bagera ku barenga miliyoni 2.8, na ho uw'abo mu mashuri yisumbuye wavuye ku 531.377 ugera kuri 729.998 mu 2023, bigaragaza ubwiyongere bwa 37,4%.

Tariki 18 Mata 2024, Minisitiri w'Intebe Dr Edouard Ngirente yabwiye Abagize Inteko Ishinga Amategeko imitwe yombi ko amavugurura yakozwe mu burezi, yose agamije gukemura ibi bibazo kandi mu myaka mike azaba yatangiye kuzana impinduka.

Ati 'Niba tuvuga ngo twavuguruye abantu bigisha amashuri nderabarezi, icyiciro cyahuye n'aya amavugurura ni bwo kigiye kurangiza, ubu ni bwo bagiye kuba abarimu'

'Mu burezi ntabwo ukora igisubizo ngo umusaruro wacyo uwubone ako kanya ariko ibi byose twabishyize mu mavugurura. Njye ndemeza ko mu myaka ibiri itatu iri imbere, impinduka zizigaragaza mu burezi bw'u Rwanda.'

Kugeza ubu abarimu 132 baturutse muri Zimbabwe bari gufasha mu kwigisha abo mu mashuri nderabarezi 16 u Rwanda rufite.

Dr Ngirente yahamije ko igihe kitari cyagera ngo hasuzumwe umusaruro w'impinduka zakozwe kuko abanyeshuri binjiye muri izo gahunda batari bagera ku isoko ry'umurimo.

Ati 'Hari n'aho zatangiye kugaragara. Ni ukuvuga ngo biriya twagabanyije itsinda ry'amasomo abantu biga [combination] akava kuri 16 akaba icyenda mu biga ubumenyi rusange, aba mbere batangiye muri aya mavugurura bageze mu mwaka wa gatanu w'amashuri yisumbuye, ntabwo bari bajya mu kazi no muri kaminuza ngo tuvuge ngo ya mavugurura yatanze umusaruro iyo bageze muri kaminuza batsinda kurusha abayigezemo mbere.'

Umubare w'ibyumba by'amashuri abanza wavuye ku 31.927 mu mwaka wa 2017 ugera ku 49.561 mu mwaka wa 2023. Ibi bingana n'ubwiyongere bwa 35,5%.

Senateri Mureshyankwano Marie Rose we abona no kuboneza urubyaro mu Rwanda bikwiriye gushyirwa imbere mu kwizera uburezi bufite ireme. Ati 'Tujya kurangiza kubaka kubera abana tubyara amashuri yamaze kuzura.'

Ibipimo by’uburezi mu Rwanda bigaragaza ko hakiri urugendo ngo butange umusaruro wifuzwa

Abagwingira baracyari benshi

Abana 33% batarageza ku myaka itanu mu Rwanda baba bafite ikibazo cyo kugwingira, mu gihe ugwingiye ku rugero rwo hejuru bimugabanyiriza ubushobozi bwo kwiga.

Gahunda yo kugaburira abana bose ku mashuri [kuva mu mashuri y'inshuke kugeza mu yisumbuye] yatangijwe kuva muri 2020 ari kimwe mu byakemura ikibazo cy'igwingira ry'abana.

Mu mwaka w'amashuri wa 2023/2024 leta y'u Rwanda yari yegennye miliyari 90 Frw yo kugaburira abana ku ishuri, kandi yatanze umusaruro haba mu kugarura abana ku mashuri no kubafasha kwiga neza.

Minisitiri w'Ubumwe bw'Abanyarwanda n'Inshingano Mboneragihugu, Dr Bizimana Jean Damascene yavuze ko ari wo “Munsi wishweho Abatutsi benshi icya rimwe mu gihugu barenga 250.000: Murambi,Cyanika,Kaduha,Karama,Nyanza,Cyarwa-Tumba,Kinazi…Turabibuka dukeye. Nta marira, u Rwanda rwagaruye ubumwe bwari bwarashenywe n'irondabwoko. Dukomere ku muheto.”

Rwanda 21/4/1994. Imyaka 30 irashize. Niwo munsi wishweho Abatutsi benshi icya rimwe mu gihugu barenga 250.000:Murambi,Cyanika,Kaduha,Karama,Nyanza,Cyarwa-Tumba,Kinazi…Turabibuka dukeye. Nta marira. u Rwanda rwagaruye ubumwe bwari bwarashenywe n'irondabwoko. Dukomere ku muheto.

— Dr. Jean Damascene BIZIMANA (@DrDamascene) April 21, 2024

Uwo munsi nibwo Abatutsi biciwe i Murambi, Gikongoro muri Nyamagabe. Ni agace kari kahungiyemo Abatutsi benshi batuye hafi aho, abategetsi babwirwa ko ariho umutekano wabo uzabasha kurindwa neza.

Byari ukubabeshya kuko ubwo uwari Perezida wa Leta yiyise iy'abatabazi Sindikubwabo Theodore ari kumwe na Minisitiri w'intebe w'iyo Leta Jean Kambanda bazaga ku Gikongoro, basize batanze amabwiriza yo gutangiza Jenoside.

Mu rucyerera rwo kuwa 20 rushyira 21 Mata 1994 nibwo abajandarume babanje gutera gerenade no kurasa amasasu mu mpunzi z'abatutsi, maze Interahamwe, aba CDR n'abaturage bitwaje impiri, imipanga, amacumu n'udushoka bakagenda bahorahoza abatishwe n'amasasu ndetse n'abari babaye inkomere.

Uwo munsi gusa i Murambi honyine hishwe Abatutsi basaga ibihumbi 50.

Uwo munsi kandi hishwe abatutsi bari bahungiye kuri Paruwasi Gatorika ya Cyanika na Paruswa ya Kaduha i Nyamagabe. Hishwe kandi abatutsi ku misozi Nyiranduga na Nyakabungo ahahoze ari Komini Mugina.

Uwo munsi abatutsi barishwe ahahoze ibiro bya Komini Ntongwe, mu kibaya cya Nyamakumba no mu cyobo bitaga kuri CND ku Rutabo muri iyo Komine.

Abatutsi kandi biciwe kuri paruwasi gaturika ya Karam, mu Murenge wa Tumba i Huye ndetse no mu mujyi wa Butare, baricwa ku musozi wa Gashinge ku Kamonyi, baricwa mu Cyakabiri i Muhanga, bicwa i Gishubi na Musha muri Gisagara n'ahandi.

Ni icyaha RIB ivuga ko cyakozwe tariki 09 Gashyantare 2024, ikirego gitangwa tariki 17 Mata 2024.

Ikibazo gishingiye ku makimbirane ari hagati y'uwakomerekejwe, n'inshuti ye y'umuhungu yasanganye n'undi mukobwa.

Muraho,

Iki cyaha cyakozwe kuwa 09/02/24, ikirego gitangwa kuwa 17/04/24.

Ikibazo gishingiye ku makimbirane ari hagati y'uwakomerekejwe, n'inshuti ye y’umuhungu yasanganye n'undi mukobwa.

Abakekwa barafashwe, bari mu maboko y'urwego rw'igihugu rw'ubugenzacyaha (RIB). https://t.co/sjC88e7LmD

— Rwanda National Police (@Rwandapolice) April 20, 2024

Amashusho yatangajwe ku mbugankoranyambaga zitandukanye agaragaza uwo mukobwa afite ibikomere byinshi ku mubiri.

Itegeko riteganya ibyaha n'ibihano muri rusange ryavuguruwe mu 2023 riteganya ko umuntu, abishaka, ukomeretsa undi, umukubita cyangwa umusagarira ku buryo bwa kiboko bubabaje aba akoze icyaha.

Iyo abihamijwe n'urukiko, ahanishwa igifungo kitari munsi y'amezi atandatu ariko kitarenze umwaka umwe n'ihazabu itari munsi ya 100.000 FRW ariko itarenze 300.000 FRW.

Iyo gukubita cyangwa gukomeretsa byagambiriwe, byategewe igico, uwakoze icyaha ahanishwa igifungo kitari munsi y'imyaka itanu ariko kitarenze imyaka 10 n'ihazabu itari munsi ya 2.000.000 FRW ariko itarenze 3.000.000 FRW.

Abakekwaho uruhare muri ubu bugizi bwa nabi, batawe muri yombi

Ibi yabigarutseho kuwa Gatandatu ubwo ikipe ya APR FC yegukanaga igikombe cya shampiyona ya 2023-2024 nyuma yuko itsinze ikipe ya Kiyovu Sports igitego 1-0 cya Mugisha Gilbert.

Ubwo Chairman wa APR FC yaganiraga n’itangazamakuru yishimiye kuba yegukanye igikombe mu mwaka we wa mbere ari umuyobozi, ashimira Ubuyobozi bw’Ingabo bwamugiriye icyizere, ashimira abafana ndetse anavuga ko rwari urugendo rutoroshye.

Ati” Ni ibintu bishimishije cyane kuba ari igikombe cya mbere ntwaye nka Chairman w'iyi kipe ikomeye.

Kuba baratugiriye icyizere bakayiduha ni ibintu bishimishije cyane mboneraho no gushimira ubuyobozi bwacu bw'Ingabo. 

Nkongera nkanashimira abakinnyi cyane ni bo bantu bakomeye kuri twebwe n'abatoza n'abafana bagiye badushyigikira muri uru rugendo twari turimo. 

Ni urugendo navuga ko rutari rworoshye kubera ko gutangirana umwaka w'imikino hafi 30% by'abakinnyi bashya n'abatoza bashya n'abayobozi bashya, ibyumweru 2 winjira mu mikino Nyafurika.

Ni ibintu bitari byoroshye ariko murabona ko twagiye dufata umurongo kuko kugera magingo aya tutaratsindwa, ni ibintu bishimishije cyane mbese tunateganya ko twakora ibishoboka byose tukarangiza umukino tutanatsinzwe.

Ni urugendo navuga ko rutari rworoshye kubera ko amakipe yose dukina nayo yose aba ameze neza yatwiteguye bihagije, ubona aza tugakina ukayatsinda 1 byagoranye ariko umukino ukurikiyeho bakamukubita nka 4.”

Ku bijyanye n’imikino Nyafurika nyuma yuko mu mwaka ushize bitwaye neza, yavuze ko bakiri kwiyubaka bazagenda bareba aho bafite intege nke bakazongera bityo APR FC ikongera kugira izina rikomeye.

Ati' Turacyubaka, twinjiye muri politiki twari tumaze imyaka 12 tutarimo, twe turatekereza ko hari inzira turimo. 

Ndaterekereza ko uko twari tumeze mu mwaka ushize atari ko tumeze ubu. Hari byinshi natwe twibonyemo dutekereza ko twari dufitemo intege nke aho niho tuzagenda dushakisha uko twuzuza aho dufite intege nke bityo turebe ko twahagararira igihugu cyacu ndetse n'ikipe APR FC ikongera ikagira izina nkuko byahozeho kera muri Afurika ubona ari abantu bubashywe. Rero niyo ntego.”

Richard Karasira yakomeje avuga ko umusaruro bari biteze muri uyu mwaka atariwo babonye bitewe nuko igikombe cyose gikinirwa bifuzaga ko bagitwara ariko bakaba bashoboye kwegukana igikombe cya shampiyona gusa ndetse anavuga ko umwaka nurangira bazicara bakareba bagakora”.

Abajijwe ku bijyanye n’ibivugwa ko hari abakinnyi APR FC yaba irimo iravugana nabo barimo abo muri Tanzania yagize ati' Iyo umwaka w'imikino urangiye hari abantu basoza amasezerano mukareba uko umusaruro wagenze byaba ku bakinnyi byaba ku batoza.

Rero ntabwo twari twajya muri ibyo byose ariko gushakisha abakinnyi tubirimo. Tubirimo hari aho tubigeze gusa ntakirakorwa ariko aho uvuze (muri Tanzania) ntabwo turahajya nta nubwo tuzahajya”.

Mu mpeshyi y’umwaka ushize ni bwo Colonel Richard Karasira yagizwe Chairman wa APR FC asimbuye Gen Mubarakh Muganga wagizwe Umugaba Mukuru w’Ingabo. 

 “>

“>

Amashusho: Munyantore Eric-InyaRwanda

Ni icyaha avuga ko gitangiye gukura cyane dore ko kuva mu 2019 RIB yakiriye ibirego bijyanye n'iki cyaha bigera kuri 46, kandi imibare igaragaza ko byagiye byiyongera buri mwaka.

Dr Murangira yatangarije Kiss FM ko mu 2019 bakiriye ibirego bitatu , 2020 bakira ibirego umunani, 2021 bakira 12, 2022 bakira ibirego umunani naho mu 2023 bakira ibirego 15.

Iki cyaha cya Sextortion ni ugukangisha gusebanya hakoreshejwe amashusho y'umuntu yambaye ubusa cyangwa se asambana.

Dr Murangira yavuze ko ibi bitangirira ku bantu byitwa ko bakundana cyangwa se bahujwe n'ubusambanyi nyuma bagashwana cyangwa se hakagira undi umuntu ugera ku mashusho yabo ayakuye aho bayabitse.

Ati 'Hari icyaha kiri kwaduka cyane twakita sextortion , ni ugukangisha gushyira ku mbuga nkoranyambaga amafoto y'ubwambure bw'umuntu asambana ukagira ibyo umutegeka cyangwa umusaba, mu mategeko tubyita gukangisha gusebanya.'

'Iki ni icyaha cyiganje mu rubyiruko ariko bigenda bigaragara no mu bakuze. Hari igihe usanga bamwe babikoresha umwe yihimura ku wundi cyangwa se abikora agira ngo agire ibyo amusaba cyane cyane amafaranga.'

Dr Murangira yavuze ko bitangira abantu bavuga ko bakundana, bakohererezanya amafoto.

Ati 'Bisigaye biri hagati y'abantu bakundana , akakubwira ngo ndagukumbuye mpa ifoto yawe ugiye kuryama, na we ukayimuha koko , Ese wa mukunzi wawe wo mu Bubiligi cyangwa ahandi wohereje ya mafoto nimushwana uzi uko bizagenda bite ? Atangira kukubwira ngo keretse niwemera ko dusubirana nubyanga amashusho ndayashyira hanze. Usanga hari ugusaba amafaranga , cyangwa se akagusaba ko mwakomeza kujya mukora ibyo bikorwa by'ubusambanyi cyangwa se ukamuha andi mafoto cyangwa ikindi kintu umukorera.'

Usibye abasaba bagenzi babo amafoto bambaye ubusa hari n'abategana camera mu byumba bagiye guhuriramo agafata amashusho azagukangisha.

Abakoresha imbuga nkoranyambaga basabwa kwirinda abantu babandikira bababwira ko bakunze amafoto yabo, bababwira ko bakunze ibyo bakora akakwereka uko mwabibyaza umusaruro kuko nta kindi aba agamije uretse kugutwara icyizere cyawe.

Icyo wakora mu gihe wahuye n'iki kibazo

Dr Murangira Thierry avuga ko ikosa rya mbere benshi bakora ari ukwemera gukora ibyo wa muntu yabategetse. Yavuze ko ibintu nk'ibyo ubisabwa adakwiriye kubikora.

Ikosa rya kabiri abantu bakora ni ukumugaragariza ko utewe impungenge cyangwa uhangayikishijwe n'ibyo yakubwiye ko ashyira hanze amashusho yawe.

Wikicira urubanza ibyo bituma udatekereza neza, ibuka ko uri gukorerwa icyaha.

Wibuke ko RIB ihari kandi ibereyeho abanyarwanda , ujye kuri RIB utange ikirego bikurikiranwe.

Hari abatinya ko bashyirwa ku karubanda bagaseba bagahitamo gutanga amafaranga, ibi bituma wamuntu ahora akwaka amafaranga uko abishatse.

Uhamwe n'iki cyaha ahanishwa ifungo kiri hagati y'umwaka umwe n'imyaka itatu n'amande ari hagati ya miliyoni imwe na miliyoni ebyiri.

— 

Ibyaha byo gukangisha abandi gushyira hanze amashusho y’urukozasoni bikomeje kwiyongera

Ku wa Gatatu w'iki cyumweru tariki 17 Mata 2024, ni bwo Victoria Beckam, umuhanzikazi akaba n’umuhanzi w’imideli wamamaye cyane ubwo yabaga mu itsinda rya ‘Spice Girls’ ndetse akaza kurushaho kwamamara ubwo yarushingaga na David Beckham wahoze ari umukinnyi w’umupira ukomeye ku mugabane w’Uburayi, yujuje imyaka 50 y'amavuko.

Ibirori byo kwizihiza iyi sabukuru ya Victoria, byabaye kuri uyu wa Gatandatu tariki 20 Mata 2024, bibera ahitwa Oswald’s, akabari k'abanyamuryango gusa gaherereye i Londres mu Bwongereza. Uyu mugore wamaze kubaka izina mu myidagaduro, yaserukanye n'umugabo we ndetse n'abana babo.

Muri ibi birori yakorewe by'akataraboneka, Victoria yagaragaye yambaye ikanzu ndende y'icyatsi kibisi, yitwaje imbago ebyiri nyuma yo kuvunikira mu myitozo ngororamubiri nk'uko umugabo we David Beckham yabitangaje muri Gashyantare uyu mwaka.

Victoria Beckham ubwo yageraga ahabereye ikirori cyo kwizihiza isabukuru ye y’amavuko

Bamwe mu byamamare byitabiriye ibi birori, harimo abo babanye mu itsinda rya 'Spice Girls;' Geri Halliwell [Ginger Spice], Mel B [Scary Spice], Mel C [Sporty Spice] na Emma Bunton [Baby Spice] baserutse mu myambaro myiza ibereye ijisho, umuhanzi w'umunyamerika Marc Anthony waserukanye n'umugore we, Nadia Ferreira agatoki ku kandi n'umukinnyi wa filime w'umwongereza Jason Statham waserukanye n'umukunzi we, Rosie Huntington-Whiteley.

Mu bandi bashyitsi b'imena bifatanyije na Victoria, harimo icyamamarekazi mu bijyanye no gukina ndetse no gutunganya amafilime muri Amerika; Eva Longoria watambukanye n'umugabo we José 'Pepe' Bastón, umuvandimwe wa Victoria; Luoise Adam, mushiki wa David Beckham n'abandi.

Kamwe mu dushya twabaye muri ibi birori, ni uko umufotozi wari ugiyeyo gufata amafoto yaguye hasi akavunika hanyuma akaza guhagurutswa n’icyamamare Tom Cruise wari witabiriye ibirori bya Victoria.

Umunsi umwe mbere y'isabukuru ye y'amavuko, Victoria yagiye ku rubuga rwa Instagram arandika ati: 'Mu gihe nitegura gutera intambwe ninjira muri 50, ndumva nishimiye cyane kuba nshoboye kugera kuri iyi ntambwe.

Narahiriwe ariko kandi ndanyuzwe cyane bidatewe gusa n'aho ngeze nk'umugore, ahubwo bitewe na none n'aho ibijyanye n'ubuhanzi bw'imideli ndetse n'ibirango byanjye bigeze. Icyifuzo cyanjye cyahoraga ari ukongerera imbaraga abagore no kubumvisha ko ari verisiyo nziza yabo ubwabo. Kuri njye, ibyo byasobanuraga kwizera ibyiyumvo byanjye n'uko ntazigera mbangamira icyerekezo cyanjye cyihariye.'

Uyu munyamideli, yongeyeho ko urugendo rwo kwisanga yabaye icyamamare muri Spice Girls kugeza abaye ikirangirire mu buhanzi bw'imideli, rwamwigishije kurushaho gutekereza kure, aboneraho no kubwira abantu bose kumenya gutekereza kure kuko aricyo kizabafasha kugera kuri byinshi bizatuma bakurikirwa na buri wese.

Muri ubwo butumwa burebure, Victoria ntiyazuyaje gushimira umugabo we, David Beckham wamushyigikiye muri byose mu rugendo rw'imyaka 25 bamaze barushinze, ashimira n'abana babo bane barimo umukobwa umwe n'abahungu batatu batahwemye kumwereka ko bari kumwe nawe kandi bamwizeye.

Ati: 'David Beckham; nkushimira iteka urukundo rwawe ruzira imipaka n'inkunga yawe ndetse no ku bw'abana bacu beza. Bana bacu, muranyuzuza. Ndishimye cyane kandi ntewe ishema n'abantu b'ineza, bakunda gukora, kandi bafite impano mukomeje kuvamo.'

Victoria Beckham w’imyaka 50 y’amavuko yarushinze na David Beckham w’imyaka 49 mu 1999. Urugo rwabo rwakunze kugarukwaho cyane mu itangazamakuru bitewe n’ibikorwa bya David birimo no guca inyuma umugore we ku banyamideli bazwi cyane mu Bwongereza.

Victoria Beckham yakorewe ibirori byo kwishimira isabukuru ye

Ni uko Victoria Beckham n’umuryango we baserutse ku isabukuru ye y’imyaka 50

Ku isabukuru ye, Victoria yashimiye umugabo we David wamubaye hafi mu myaka 25 bamaze barushinze

David n’umukobwa we

Abahungu ba Victoria na David baherekeje umubyeyi wabo

Gafotozi wari uje gufotora muri ibi birori yaguye hasi ananirwa kugenda

Yatabawe n’umukinnyi wa filime Tom Cruise wari witabiriye ibirori

Ginger Spice ni uko yaserutse

Scary Spice yatambutse mu ikanzu itukura

Sporty Spice na Baby Spice ni uko baserutse

Inshuti magara ya Victoria, Eva yatambukanye n’umugabo we

Rosie n’umugabo we

Marc Anthony n’umugore we

‘Parrain’ wa David Beckham nawe yitabiriye

Umuvandimwe wa Victoria yari ahari