Category: Uncategorized

Muri Brésil umugore witwa Érika de Souza Vieira Nunes yatawe muri yombi nyuma yo kujya muri Banki yitwaje umurambo kugira ngo ahabwe inguzanyo mu mazina y’uwitabye Imana.

Ibi byatangajwe na Polisi yo mu mujyi wa Rio de Janeiro, aho uyu mugore w’imyaka 42, yari yitwaje umurambo wa nyirarume aho yavugaga ko arembye nyamara yaramaze gupfa.

Érika de Souza yafashe umurambo wa nyirarume awushyira mu kagare k’abantu bafite ubumuga ubundi yerekeza muri banki.

Ubwo yari ageze muri banki yavuze ko nyirarume witwa Paulo Roberto Braga ufite imyaka 68 arwaye bityo asaba abakozi ba banki ko bamusinyira ku mpapuro zimuhesha inguzanyo y’ibihumbi 3.250$ ni ukuvuga miliyoni 4.2 z’amafaranga y’u Rwanda.

Abakozi ba banki bamubwiye ko ibyo ashaka gukora atari byo kuko uwo ashaka gusabira inguzanyo arembye cyane, gusa we yakomeje gutsimbarara avuga ko bashatse bamusinyira kuko yazanye na nyir’ubwite.

Aha ni ho bagize amakenga ubundi bahamagara polisi ngo ikurikirane iki kibazo. Polisi ihageze yasanze uwo mugabo yapfuye ndetse ivuga ko yari amaze byibuze amasaa abiri ashizemo umwuka.

Érika de Souza ubwo yabazwaga na polisi yavuze ko yabitewe n’uko yari amaze igihe arwaje nyirarume yaramurembanye, polisi ikaba yakomeje iperereza ngo imenye byinshi kuri urwo rupfu.

Uyu mugore akaba akurikiranyweho icyaha cy’ubutekamutwe ndetse n’icyaha cyo gushyagurira umurambo.

Yagiye muri banki yitwaje umurambo wa nyirarume

Rutahizamu w’umunya-Nigeria ukinira APR FC, Victor Mbaoma yavuze ko ubu atakwemeza niba azasoza ayobaye abandi ba rutahizamu atabyizera ariko azakora ibishoboka byose ibindi akabiharira Imana.

Uyu rutahizamu uri ku mwaka we wa mbere muri APR FC, ubu ari ku ruhembe rw’abamaze gutsinda ibitego byinshi mu gihe habura imikino 3 ngo irangire, afite ibitego 14 anganya na Ani Elijah wa Bugesera FC.

Mu kiganiro yahaye ikinyamakuru ISIMBI, Victor Mbaoma yavuze ko ku mwaka we wa mbere muri shampiyona y’u Rwanda, yasanze iri ku rwego rwiza.

Ati “Shampiyona ni nziza, nabonye ifite abakinnyi benshi kandi beza, amakipe meza, muri rusange shampiyona ni nziza.”

Kuba ari umwe muri ba rutahizamu bayoboye urutonde rw’abakinnyi bamaze gutsinda ibitego byinshi, abikesha abakinnyi bagenzi be.

Ati “Byose ni ukubera abakinnyi bagenzi banjye ariko kugeza ubu ntabwo birarangira kugeza birangiye.”

Ku kuba azarangiza shampiyona ari we rutahizamu uyoboye abandi, yagize ati “Ku bw’impuhwe n’ubuntu bw’Imana, nzakora ibishoboka byose maze ibindi mbiharire Imana.”

Uyu rutahizamu akaba asabwa gutsinda ibitego mu mikino 3 isigaye ya shampiyona ya Gasogi United, Gorilla FC ndetse n’ikipe y’Amagaju.

Victor Mbaoma yifuza kurangiza ari we uyoboye abamaze gutsinda ibitego byinshi

Kubera umusaruro mubi ndetse ikipe ikaba irimo igana mu cyiciro cya kabiri, Sunrise FC yamaze guhagarika umutoza wa yo, Umugande Jackson Mayanja.

Mu itanazo iyi kipe yashyize hanze, yavuze ko umutoza yasubiye muri Uganda kubera impamvu z’umuryango, imikino isigaye ikaba izatozwa n’abatoza bungirije.

Gusa amakuru ISIMBI yamenye kandi yizewe ni uko ahubwo uyu mutoza kubera umusaruro muke ubuyobozi bw’iyi kipe bwahisemo kumuhagarika kugeza shampiyona irangiye, ni mu rwego rwo kubera ko ikipe yaguma mu cyiciro cya mbere.

Mu mikino 12 yo kwishyura ya shampiyona ya 2023-24, Jackson Mayanja yatsinzemo imikino 2 gusa, anganya 3 atsindwa 7.

Ibi ni byo bitumye Sunrise FC iri ku mwanya wa 14 mu makipe 16, ifite amanota 26 ni mu gihe Bugesera FC na Etoile del’est z’iyiri inyuma zifite 25.

Imikino 3 Sunrise FC isigaranye isabwa gutsinda harimo Gorilla FC, Amagaju ndetse na Marines FC.

Jackson Mayanja yahagaritswe muri Sunrise FC

Ku bagabo kenshi babifata nk'igisebo igihe barize mu maso y'igitsinagore bikabatera isoni, ariko kuko nabo ari abantu bakenera kurira, bakaba bajya kure aho nta n’umwe ubareba bakiherera bakarira.

Onyx Health yemeza ko abagabo barira ndetse ko bakwiriye no kubohoka kuri byo igihe babikeneye bakarira kugeza baruhutse. Abajyanama mu komora ibikomere, bavuga ko kurira ari imwe mu nzira yo gusohora agahinda kari mu mutima umuntu akaruhuka.

Yanditse igira iti 'Ikigaragara ni uko abagabo nabo bagira impamvu zirenze imwe zabatera kurira nko kugira ibihe bibakomereye, agahinda, ibyishimo ndetse n'ibindi bikora ku marangamutima ya muntu akarira'.

Bahakana imyumvire ivuga ko kurira byahariwe abagore bavuga ko byaba bisa nko kwikunda ndetse no gutesha agaciro ubumuntu bw'abagabo. Ibiriza umugabo bishobora kwitwa ubusa bitewe nuko amarira yabo atungura amaso ya benshi.

Amakuru avuga ko abagabo barira igihe bari kumwe n'abakunzi babo cyangwa bakarira igihe bakora imibonano mpuzabitsina, bakunze gushimisha abakunzi babo mu buriri. 

Ibi bigaruka ku byavuzwe ko abagabo barira byoroshye bagira urukundo rwinshi ndetse bakagira impuhwe nyinshi ariko kandi bakavamo inshuti nziza kuko bigoye ko bakwiyoberanya.

DGO Magazine yo yemeza ko abagabo barira byoroshye baba ari abanyempuhwe, bagira urukundo rwinshi ndetse ari n'abanyembaraga, kuko akenshi umuntu urira aba asohora agahinda kamurimo yakira n'ibyo ari gucamo.

Nk’uko bitangazwa, abagore cyangwa abakobwa bashobora kurira igihe bakora imibonano mpuzabitsina nk'ikimenyetso cy'uko bishimye, ariko hakaba n'abagabo bashobora kuba bateye gutya igihe bishimye mu buriri cyangwa bahawe urukundo bifuzaga, bakarira.

Bati “Mu kutigisha abagabo n’abasore ko amarangamutima ari ikimenyetso cy’imbaraga bizakomeza gutuma birinda kurira kuko batinya kwitwa ibigwari, n'igihe bishimye mu buriri ntibabigaragaze, bigore abakunzi babo basobanura ibibanezeza”.

Sensitive Refuge ivuga ko umugabo ugaragaza amarangamutima ye akoresheje amarira ari mwiza mu buriri kuko igihe umukunzi we arize abyumva mu mwanya we ndetse mu buryo bwose akoresha agaragaza ko yishimye akabimukundira. Bavuga ko uyu mugabo uteye gutya, ashimisha umugore mu buriri byarimba bose bagafatanya kurira kubera ibyishimo.

Byagaragajwe ko kandi igitsinagabo bagira amarangamutima akabaganza bakanarira ariko kuko babwiwe ko nta mugabo urira bakitoza kutarira n'igihe babishaka. 

Kwanga kurira kandi ufite ibikuriza bitera agahinda kenshi, kubura ibitotsi n'ibindi bishobora kuganisha ku muvuduko w'amaraso ukabije, kanseri n'izindi ndwara zidakira zica.

Choosing Therapy yo ivuga ko umugabo ashobora kurira igihe atera akabariro bikitwa ibyishimo, nyamara arimo guhangana n'agahinda gakabije kaheze mu mutima we, stress, cyangwa amarira akayasuka nk'ikimeyetso cy'uko atishimye nk'uko abyifuza mu buzima bwe.

Ikipe ya RS Berkane yo muri Maroc yasubiye iwabo idakinnye na USM Alger umukino ubanza wa 1/2 cya CAF Confederation Cup kubera impamvu politiki ziri hagati y’ibihugu byombi.

Kuva muri 2021 ntabwo Algeria na Maroc zimeranye neza bitewe n’uko Algeria yashinje Maroc kugira uruhare mu bitero by’iterabwo byagabwe kuri iki gihugu.

Ibi bihugu kandi bifitanye inzigo y’uko Algeria ifasha agace ka Sahara y’Iburengerazuba kwigobotora Ubukoroni bwa Maroc, ni mu gihe Maroc yo igafata nk’ubutaka bwa yo.

Umukino ubanza wa 1/2 wagombaga kubera muri Algeria aho RS Berkane yagombaga gukina na USM Alger ejo hashize.

Gusa iyi kipe yaje kugorwa ikigera ku kibuga cy’indege aho yari yagiye yambaye imyenda iriho ikarita ya Maroc ndetse n’agace ka Sahara y’Iburasirazuba, bahise bahagarikwa bahabamaza amasaha 10 babasaba guhindura iyi myambaro baranga.

Iyi myenda baje kwemera kuyitanga ariko CAF isaba ishyirahamwe ry’umupira w’amaguru mu Algeria gufasha iyi kipe kubona indi myambaro izakinana.

Ku munsi w’umukino, RS Berkane yanze gukina uyu mukino kubera ko imyenda yahawe nta karita ya Maroc n’agace ka Sahara, yahise isubira ku kibuga cy’indege irataha idakinnye, ni mu gihe CAF yari yabemereye kuyikinana.

CAF yahise isohora itangazo ivuga ko uyu mukino utabaye ko igihe uzabera kizamenyeshwa mu minsi ya vuba.

Ibi bibazo biri hagati y’ibibazo byombi byatumye Maroc ititabira irushanwa rya CHAN ryabereye muri Algeria.

Baje bambaye imyenda yariho ikarita ya Maroc ndetse n’agace ka Sahara

Ku kibuga cy’Indege bahamaze amasaha hafi 10

U Rwanda ruri ku mwanya wa karindwi ku rutonde, aho rukurikira Afurika y'Epfo iri ku mwanya wa mbere, Maroc, Kenya, Tanzania, Angola na Ghana.

Rho Motion ivuga ko mu Rwanda habarizwa ibinyabiziga by'amoko yose bikoresha amashanyarazi, kuva kuri moto, imodoka nto z'amapine atatu ndetse n'imodoka nini, kugera no kuri bisi zitwara abantu mu buryo bwa rusange.

Hafi imodoka 900 zikoresha amashanyarazi, mu gihe moto n'imodoka z'amapine atatu zirenga 1182, nazo zikoresha amashanyarazi.

Mu Rwanda kandi hamaze kugaragara imodoka z'inganda zikomeye nka Model Y ikorwa na Tesla, ikaza no mu modoka zikunzwe cyane kurusha izindi ku rwego rw'Isi.

Uruganda rwa BYD rw'Abashinwa, rukaba na rumwe mu nganda ziri kuzamuka cyane ku rwego rw'Isi, narwo ruri mu zimaze kwiyegereza isoko ry'u Rwanda, mu gihe ibigo nka BasiGo nabyo byamaze kwinjira kuri iri soko, ahanini kubera amahirwe rihishe mu bihe biri imbere.

Gahunda za Leta zigamije kugabanya imyuka yangiza ikirere no kugabanya ikiguzi kigenda kuri mazutu na lisansi bituruka mu mahanga, ni zimwe mu zikomeje gutuma abashoramari bitabira kuzana imodoka zikoresha amashanyarazi mu Rwanda.

Izi modoka kandi zikomeje gukundwa ku rwego mpuzamahanga, aho umubare w'izigurwa wiyongereyeho 31% mu 2023, ugereranyije n'izari zagurishijwe mu 2022.

Misiri, Ethiopie na Benin nibyo bihugu biri inyuma y'u Rwanda mu gukoresha imodoka nyinshi zikoresha amashanyarazi muri Afurika.

Moto z’amashanyarazi zikomeje kuba nyinshi mu Rwanda

Mu bice bimwe na bimwe hashyizwe station zifasha abafite imodoka z’amashanyarazi

Ikoreshwa ry’imodoka z’amashanyarazi rigamije kurengera ibidukikije

MTN Rwanda ni imwe muri sosiyete yagejeje mu Rwanda bwa mbere imodoka nyinshi zikoresha amashanyarazi

Amafoto: Kasiro Claude

Iki gikorwa cyabaye ku gicamunsi cyo kuri iki Cyumweru tariki 21 Mata 2024, ni mu gihe igitaramo cya Platini cyabaye tariki 30 Werurwe 2024 muri Kigali Conference and Exhibition Village ahazwi nka Camp Kigali.

Alliah Cool yatanze Miliyoni 1 Frw n'aho Tic Tac Foods yatanze Miliyoni 1 Frw, bingana na Miliyoni 2 Frw muri Miliyoni 16 zatanzwe n'abantu banyuranye muri kiriya gitaramo.

Alliah Cool yavuze ko yatinze gushyikiriza aba bagore amafaranga bitewe na gahunda yahise ajyamo muri Tanzania no mu bindi bihugu zatumye atabasha kuyabashyikiriza ku gihe bari bavuganye.

Ati “Nagize gahunda nyinshi zatumye njya hanze y’Igihugu, n’ibindi byinshi nagiye nkora, ariko ndavuga nti reka nshake umunsi noneho nzabahamagare, hanyuma nsohoze isezerano nk’uko nabyiyemeje.”

Uyu mukinnyi wa filime, yavuze ko nta gihe ‘cyari cyatanzwe cyo gutanga aya mafaranga’ bari bemereye mu gitaramo cya Platini, kuko icya ngombwa ‘kwari ugusohoza isezerano’.

Aya mafaranga Alliah Cool yayatanze ayanyujije muri kompanyi ye ya ‘Lemome Tours’. Yavuze ko gusohoza isezerano rye, ahanini byaturutse ku kumvira ijwi ry’Imana. Yavuze ko atari ubwa mbere afashije, kuko yigeze no guha amafaranga itsinda rya Vestine na Dorcas agera kuri Miliyoni 3 Frw.

Ati “Ntabwo ndi umukire w’ibyamirenge, ariko ndi umubyeyi nzi ukuntu kurera bimera, natangiye kurera mpereye kuri ba Murumana banjye, nzakomeza kurera, kandi Imana izampa n’abandi, yaba abo nabyaye nabo ntabyaye nzi icyo kurera bimera.”

Alliah Cool yavuze ko nyuma y’aya mafaranga yatanze azakomeza kwita ku bana ba Jay Polly, kuko uyu muraperi amwibuka cyane, ubwo yitabiraga ibirori by’isabukuru ye. 

Ati “Twabanye neza! Kuba nagira umusanzu ntanga kuri mwebwe no ku bana banyu, ni inshingano zacu, ntabwo ari byo nsabwa.”

Umugore Mukuru wa Jay Polly ariwe Nirere Afsa uzwi nka Fifi yavuze ko bishimiye inkunga bahawe na Alliah Cool. Ati “Ni igikorwa cyiza kandi cy’urukundo, kuba yaratekereje ku bana bacu ni ukuri n’iby’agaciro cyane.”

Akomeza ati “Alliah sinzi ukuntu twagushimira, ariko urakoze cyane, ni ukuri. Kuko buriya aho kugirango uvuge ikintu ntugikore, icyiza wakireka. Buriya iyo utanze isezerano ukarisohoza, bigaragaza ko uba uhagarara ku ijambo.

Uyu mugore yavuze ko Jay Polly akimara kwitaba Imana, Mukuru we Uwera Jean Maurice usanzwe ari umunyamakuru w’Ikigo cy’Igihugu cy’Itangazamakuru, RBA yarihiye abana amafaranga y’ishuri mu gihe cy’umwaka umwe’.

Avuga ariko ko hari abandi bemeye kurihira abana ba Jay Polly amafaranga y’ishuri abanza, ariko ‘ntibigize babikora’.

Mbabazi Sharifa, umugore wa Jay Polly yavuze ko ashima Imana yashoboje Alliah Cool gusohoza isezerano. Ati “Ndamushimira cyane! Abyumve mbikubiye ku mutima. Ndashaka kuzazana umwana wanjye akagusura, akamenya ngo hari icyo wakoze ku buzima bwe.”

Uyu mugore yafashwe n’amarangamutima, avuga ko atabona ijambo risobanura neza uko yiyumva nyuma y’uko Alliah Cool asoje isezerano rye. Ati “Ni Imana yamukoresheje, kandi igomba kumwongerera igasubiza aho yakuye.”

Abemeye gufasha abakobwa ba Jay Polly barimo kompanyi yatanze Miliyoni 1 Frw, Platini yatanze Miliyoni 2 Frw, hari kompanyi y'indi yatanze Miliyoni 1 Frw, Ishimwe Clement yatanze Miliyoni 2 Frw, Coach Gael yatanze Miliyoni 2 Frw;

The Choice yatanze Miliyoni 1 Frw, hari kompanyi yatanze Miliyoni 1 Frw, Rocky yatanze Miliyoni 1 Frw, Forzza yatanze Miliyoni 3 Frw, Ishusho Art yatanze Miliyoni 1 Frw n'aho Alliah Cool yatanze Miliyoni 1 Frw.

Alliah Cool yashyikirije Miliyoni 1 Frw abagore ba Jay Polly yari yemeye mu gitaramo cya Platini

Alliah Cool yavuze ko Jay Polly yamubereye inshuti ikomeye, bityo azakomeza kwita ku bakobwa be

Abagore babiri ba Jay Polly bashimye Alliah Cool ku bwo gusohoza isezerano

Mu gitaramo cya Platini, abagore ba Jay Polly bemerewe guhabwa amafaranga Miliyoni 16 Frw 

Platini yemeye gutanga Miliyoni 2 Frw yo gufasha abana ba Jay Polly 

Abagore ba Jay Polly bashimye cyane Platini ku bwo gutangiza igikorwa cyo gufasha abana babo

Bamwe mu byamamarekazi nka Rihanna, Britney Spears, Madonna n’abandi, bari mu byamamarekazi byagiye bibana cyangwa bikundana n’abagabo barusha imitungo kuko ubwabo basanzwe batunze amafaranga menshi ku buryo ntacyo bibabwiye gushaka umugabo ukize.

Ibi ntibikuraho ko hari abandi bagorecyangwa abakobwa bafite amazina akomeye ku Isi, bahisemo gushaka abagabo babakurikiyeho amafaranga bafite ndetse bikabahira. Bamwe muribo bagiye babyiyemerera mu itangazamakuru, abandi nabo batandukana bitamaze kabiri gusa bageze ku ntego zabo.

Dore urutonde rw’ibyamamarekazi 10 byakurikiye amafaranga kubagabo bikabahira:

1.Salma Hayek

Icyamamarekazi muri sinema, Salma Hayek, uvuka muri Mexique akaba akorera muri Leta Zunze Ubumwe za Amerika, ni undi musitarikazi warushinze akurikiye ifaranga. Yashakanye  n'umuherwe w'Umufaransa umuruta cyane witwa François Henri Pinault. Muri 2007 nibwo bahuye, babyaranye  umwana bise Valentina. Muri 2008 bahise batandukana ubwo umugabo yabyaraga ku wundi mugore, bongera gusubirana muri 2009 kugeza magingo aya babanye neza ndetse bari ku mwanya wa 2 muri ‘Couples’ z’ibyamamare zikize ku Isi mu 2024.

2.Kim Kardashian

Kim Kardashian yabonye amafaranga menshi cyane yavuye mu bukwe bwe n'abagabo yashakanye nabo bwa mbere aribo Damon Thomas babanye kuva mu 2000 kugeza mu 2004 na Kris Humphries babanye kuva mu 2011 kugeza mu 2013.

Amakuru avuga ko Kim Kardashian yakundanye na Kanye West mu 2013 agamije kwinjiza cyane amafaranga ahabwa n'itangazamakuru ku mafoto yabo n'inkuru bandikwaho. Nubwo Kim Kardashian nawe afite amafaranga menshi ariko akaba yarashakanye na Kanye West kugira ngo binjize menshi cyane.

Ibi byahiriye Kim Kardashian cyane kuko ibyo yifuzaga yabigezeho dore ko mu itangazamakuru, ku mbuga nkoranyambaga usanga amafoto n’inkuru zabo zabiciye. Nubwo ariko ibi byamuhiriye akabona amafaranga, iby’urugo rwabo ntabwo byakunze kuko barushinze mu 2013 batandukana mu 2020. Gatanya yabo yaje gusinywa mu mategeko mu 2022, kugeza ubu Kim na Kanye buri umwe yaciye inzira ye.

3.Uma Thurman

Ni umunyamerikakazi ukina filime akerekana n'imideri. Nyuma yo gutandukana na Ethan Hawke, yaje gucudika n'umukire ufite amahoteli akomeye ariwe Andre Balazs, ufite imitungo ibarizwa muri Miliyoni 450 z'Amadorali ya Amerika.

Muri 2007 baje gutandukana, Uma Thurman yigira mu rukundo n'umuherwe Arpad Busson wabyaranye na Elle Macpherson abana babiri. Mu mwaka wa 2014 baje gutandukana hatangazwa ko n’ubundi nta rukundo rwari ruhari ahubwo umugore yari akurikiye ifaranga ku mugabo.

4. Elle Macpherson

Ni umunya Australia w'umucuruzikazi, umunyamiderikazi akaba n'umukinnyi wa Filime waranzwe no gukurikira amafaranga mu rukundo, bikamuviramo gutandukana n’abagabo be ba mbere. Uyu Elle Macpherson yabyaranye abana babiri na Arpad Busson, nyuma yo gutandukana, aza gushakana n'umuherwe Jeffrey Soffer muri 2013, ajya kurya ifaranga rye.

5. Heather Mills

Ni Umwongerezakazi werekana imideli, akaba amaze gushaka abagabo babiri. Heather Mills na Paul McCartney nyuma yo gutandukana, umugore yajyanye Miliyoni 50 z'Amadorali nabwo avuga ko adahagije, ikimenyetso cy'uko bahuye bakabana agambiriye kurya amafaranga ya Paul McCartney.

6.Miranda Kerr

Umukinnyi wa filime akaba n’umunyamideli, Miranda Kerr, yarushinze n’umuherwe Evan Spiegel uri mu bashinze uruguba rwa Snapchat anabereye umuyobozi mukuru (CEO). Miranda Kerr yabwiye People Magazine ko iyo ahurana na Evan Spiegel adakize bitari gushoboka ko barushinga mu 2017.

7. Ashley Benson

Umukinnyi wa filime Ashley Benson wamamaye muri filime y’uruhererekana yitwa ‘Pretty Little Liars’, aherutse kurushinga n’umuherwe Brandon Davis uhagaze miliyari 4 z’amadolari. Ashley Benson yabanye n’uyu mugabo nyuma y’igihe gito atandukanye n’umuraperi G-Eazy, aho yanatangaje ko guhitamo Brandon Davis ari ukubera ko ahagaze neza mu mitungo.

8. Anna Nicole Smith

Ubwo Anna Nicole Smith yari afite imyaka 26 y'amavuko yashakanye na J.Howard Marshall w'imyaka 89. Barabanye kuva mu 1994 kugeza mu 1995 umugabo apfuye. Nyuma  Anna Nicole Smith yakomeje gukurikirana imitungo y’umugabo we kugeza ayihawe nyuma nawe aza  gupfa muri 2007. Iyo mitungo yahawe bayibarira muri Miliyoni 474 z'Amadorali ya Amerika abandi bakavuga 88 Miliyoni z’Amadorali ya Amerika.

 9.Jerry Hall

Uyu munyamiderikazi wabayeho mu buzima bwiza hamwe na Mick Jagger, mu 1976 baje gukora ubukwe butemewe n'amategeko mu 1990. Jerry Hall wifitiye Miliyoni 15 z'Amadorali ya Amerika, yaje gutandukana na Mick Jagger, ajyana amafaranga atari make. Nyuma  Jerry Hall yaje gukundana n'umuherwe Rupert Murdoch nawe bitangazwa ko yari amukurikiyeho amafaranga.

10. Crystal Harris

Ubwo umunyamideli Crystal Harris yari afite imyaka 25 yagiye mu rukundo na Hugh Hefner w'imyaka 84, bitegura kurushinga mu kwezi kwa Kamena muri 2011 ariko ubukwe bwabo buhagarara habura iminsi itanu gusa nyuma yo gutangaza ko batagikundana. Bongeye  gusubukura umubano wabo, mu 2012 aba aribwo bakora ubukwe. Bivugwa ko Crystal Harris yaje guhabwa Miliyoni 5 z'Amadorali kugira ngo ashakane na Hefner Hugh.

Uyu mugoroba wo kuramya no guhimbaza Imana uzaba tariki 29 Kamena 2024, mu rwego rwo gufasha Abanyarwanda n'abandi batuye muri kiriya gihugu gusabana n'Imana, binyuze mu ijambo ry'Imana ryateguwe ndetse n'ibihangano bya Adrien Misigaro.

Adrien Misigaro wamamaye mu ndirimbo zinyuranye zirimo nka 'Nzagerayo' yabwiye InyaRwanda ko bazamara amasaha umunani baramya Imana, kandi ko yiteguye kuzafasha abakristo gusabana n'Imana.

Ati 'Niteguye kwitabira ubutumire bw'urusengero rwo muri Edmonton muri Canada badutumiyemo tariki 29 Kamena 2024. Bateguye amasaha umunani (8) yo kuramya no guhimbaza Imana, rero nzafatanya n'abo.'

Uyu mugoroba wo kuramya no guhimbaza Imana wateguwe na Kingdom Minded Church. Adrien Misigaro yavuze ko yiteguye gutarama muri uyu mugoroba wo kuramya no guhimbaza Imana, kandi azaririmba ari kumwe na Band ye bazafatanya.

Ati 'Ndi kwitegura, nzajyana na 'Band' yanjye dufite amasaha umunani (8) yo kuramya Imana.'

Uyu muhanzi avuga ko muri Gicurasi afite n'ibindi bitaramo yatumiwemo azahuriramo n'abandi bahanzi, birimo n'ibyo gutaha urusengero rushya. Avuga ko muri iki gihe anahugiye mu kwitegura gushyira hanze indirimbo nshya, nyuma ya 'Niyo Ndirimbo' yakoranye na Ngabo Medard Jorbet [Meddy].

Uyu munyamuziki wamamaye mu ndirimbo zirimo 'Ntuhinduka', aherutse i Kigali mu rugendo rwo kwagura ibikorwa by'umuryango yashinze 'MHN' ukora ibikorwa by'urukundo, kandi ugafasha benshi kuramya Imana.

Ni urugendo kandi yanakoresheje mu gufata amashusho ya zimwe mu ndirimbo zigize album ye ya Gatatu amaze igihe ari gutegura, afatanyije na ba Producer batandukanye, yaba mu buryo bw'amajwi (Audio) ndetse no mu mashusho (Video).

Adrien aherutse kubwira InyaRwanda ko buri ndirimbo iri kuri album ye uko ari umunani yayanditse mu murongo w’ijwi ry’Imana ivugana n’umuntu’.

Ati “Akenshi nkunda kwandika indirimbo mu buryo butatu; indirimbo nyinshi nandika ari isengesho nyinshi zisaba cyangwa se ziramya Imana mbese nk’umuntu mvugana n’Imana, mpagarariye Imana ku Isi mbwira abantu, ubasaba kwihana, ubabwira ibyo Imana ikora mbese muri uwo mwanya ubwira ubutumwa abantu.”

Uyu muhanzi anakora indirimbo z’aho umuntu atega amatwi akumva Imana icyo ivuga. Adrien avuga ko abantu banyuze mu bintu byinshi birimo nk’icyorezo cya Covid-19, intambara zidashira n’ibindi, aho buri wese ashobora gutekereza akibaza niba Imana ikimwibuka.

Misigaro avuga ko buri wese akwiye gufata umwanya akitekerezaho, kandi akumva ko Imana ishobora byose, kandi iyo ivuze itanga ihumure ‘imitima yacu igatuza’.

Muri iyi ndirimbo ‘Ninjye ubivuze’ yitiriye album ye, uyu muhanzi aririmba abwira buri wese ko Imana ihindura amateka y’ubuzima bwa buri wese.

Ati “Ndirimba mbwira buri wese, Imana iravuga nanjye, Imana irambwira iti wirira, wikiyanduriza umutima, kuko ni njye ubivuze, ninjye uzi aho nkwerekeza kandi ntabwo nzagusiga.”

Misigaro avuga ko iyi ndirimbo ari isezerano Imana iha buri wese. Kandi avuga ko buri ndirimbo iri kuri iyi album igarukaho neza neza ku kumvikanisha ubufasha bw’Imana.

Ati “Ndizera ko abantu bazumva Imana kuri iyi album. Nari maze igihe narafashe akaruhuko, ariko nifuzaga kuzatanga ikintu cyiza cyane, kandi nziko abantu bazabyumva.”

Adrien Misigaro yatangaje ko yiteguye gutanga ibyishimo mu mugoroba wo kuramya no guhimbaza Imana muri Canada

Rev. Antoine Rutayisire ategerejwe muri Canada aho azafasha Abakristu gusabana n'Imana binyuze mu ijambo ry'Imana

Adrien Misigaro yavuze ko ari mu myiteguro yo gushyira hanze indirimbo nshya nyuma ya 'Niyo ndirimbo' yakoranye na Meddy

Iki gitaramo gishamikiye ku mugoroba wo kuramya no guhimbaza Imana, kizaba tariki 29 Kamena 2024

KANDA HANO UREBE AMASHUSHO Y'INDIRIMBO 'NTEREYE UMUSOZI' YA  ADRIEN NA KELLIA GAHIMBARE

“>