Kapiteni wa police FC, Nshuti Dominique Savio yazengurukije igikombe cy'Amahoro iyi kipe yegukanye kuri uyu Gatatu tariki 1 Gicurasi 2024.
Savio wari mu modoka ya V8, yazengurukijwe Pelé Stadium, agenda acyereka abafana. Police FC yegukanye iki gikombe itsinze Bugesera FC ibitego 2-1.
Â
Ubusanzwe iyo ikipe itwaye igikombe runaka ihabwa amafaranga ndetse igahabwa nicyo gikombe ikakijyana mu bubiko bwayo.
Ndetse akenshi igikombe bahabwa kiba kiza bitewe n'agaciro kacyo, gusa kuri iyi nshuro Rayon Sport wfc yahawe igikombe bivugwa ko ari icya make bitewe nuko bagiteruraga amapiyesi amwe namwe agatakara.
Ubwo Rayon Sport wfc yahabwaga igikombe , uwagitwaye akizana yasabwe kugitwara yigengesereye kugirango kitangirika kuko akantu kaba kari hasi ku gikombe, kavagamo, ndetse naho bafata hagati hagatandukana.
Ndetse amakuru avuga ko ubwo umwe mu babishinzwe muri Rayon Sport yajyaga kubika igikombe yabibonye, akabyereka abayobozi ba Ferwafa. Ubwo yamaraga kukibereka bakibasubije, Ferwafa ibabwira ko bagiye kubashakira ikindi kiza kitangiritse.
Source : https://yegob.rw/rayon-sport-wfc-bayihaye-igikombe-kiri-guta-amapiyesi-igisubiza-ferwafa/
Akanama gashinzwe ubujyanama ku bwirinzi, umutekano hagati y'ibihugu n'ubuhuzabikorwa kuri politiki mpuzamahanga muri EAC (Sectoral Councils on Defence, Interstate Security, and Foreign Policy Coordination) kigirwamo ingingo zinyuranye zirimo ibirebana n'umutekano n'imikoranire hagati y'ibihugu bigize uyu muryango.
Iyi nama yabaereye i Dar Es Salaam muri Tanzania kuri uyu wa 1 Gicurasi 2024, yibanze ku kurebera hamwe uko imikoranire y'ibihugu bigize uyu muryango yarushaho gutezwa imbere ndetse no guteza imbere ingamba zigamije gushimangira gukorera hamwe.
Ubutumwa bwanyujijwe ku rukuta rwa X rwa Minisiteri y'Ububanyi n'Amahanga mu Rwanda bugaragaza ko abitabiriye iyo nama banyuzwe n'ibiganiro byabereye i Dar Es Salaam muri Tanzania.
Iyo nama ya 12, yaje ikurikira inama idasanzwe ya 53 y'Abaminisitiri mu bihugu binyamuryango bya EAC yateranye ku wa 25 Mata ikanafata imyanzuro yayo ku ngengo y'imari y'umwaka wa 2024/2025.
Inama y'ako kanama ibaye mu gihe mu Karere ka Afurika y'Uburasirazuba umwuka utameze neza kubera ko bimwe mu bihugu birebana ayingwe, ibibazo by'umutekano muke mu Burasirazuba bwa Congo bikomeje gukururuka n'ibindi binyuranye bishingiye ku mikoranire.
Kugeza ubu EAC ibarizwamo ibihugu birimo u Rwanda, Uganda, Tanzania, Kenya, u Burundi, Repubulika Iharanira Demokarasi ya Congo, Sudani y'Epfo ndetse na Somalia.
Ni umushinga watangijwe ubwo hizihizwaga umunsi mpuzamahanga w'umurimo, aho u Rwanda rwareberaga hamwe imyaka 30 ishize n'uburyo urubyiruko rwafashishwe guhanga imirimo.
Uwo mushinga uzakorwa mu myaka ine aho biteganyijwe ko uzagirira umumaro urubyiruko rufite hagati y'imyaka 16 na 30 rufite imishinga y'ikoranobuhanga ishobora gutanga igisubizo ku bibazo byugarije sosiyete mu bice bitandukanye by'igihugu.
Biteganyijwe ko uzamara imyaka ine ugashyirwa mu bikorwa guhera mu 2024 kugeza 2027, aho urubyiruko rurenga 5000 ruzahabwa amahugurwa n'ubumenyi mu gihe ba rwiyemezamirimo bagera 1400 bazafashwa kugera kuri serivisi z'imari.
Minisitiri w'Urubyiruko Dr Utumatwishima Jean Nepo Abdallah yagaragaje ko uko urubyiruko rwunguka ubumenyi mu ikoranabuhanga ruzagenda rurushaho guhanga imirimo inyuranye iruteza imbere.
Yagize ati 'Ku rubyiruko iyo ufite ubuhanga, ukagerageza gukoresha amahirwe igihugu cyacu gitanga, kubona akazi cyangwa kugahanga birashoboka. Ntabwo byoroshye ariko birashoboka. Bitangirira ku kugira intekerezo zo kumva ushaka gutera imbere kuruta uko uri uyu munsi.'
Yakomeje ati 'Ikintu kimaze kugaragara nimureke twicare twige, aha harimo amahirwe yo kwiga ubumenyi bushya mu by'ikoranabuhanga kandi ubwo bumenyi busobanuye kugira akazi gashya.'
Yavuze ko mu ivumburwa ry'ubumenyi bushya mu ikoranabuhanga nk'ikoreshwa ry'ubwenge bw'ubukorano rizwi nka 'AI' rifatwa nk'irishobora gutwara akazi runaka ariko ko rikwiye gufasha urubyiruko kubona akazi kenshi.
Yagaragaje ko Guverinoma, abikorera n'imiryango itari iya leta bikwiye guhaguruka mu kurwanya icikiriza ry'amashuri ku bana kuko riteza ibibazo ku hazaza h'urubyiruko.
Minisitiri w'Abakozi ba Leta n'Umurimo, Prof. Bayisenge Jeannette yagaragaje ko hari byinshi bigenda bikorwa mu guteza imbere urubyiruko nubwo hakiri imbogamizi zishingiye ku kugera ku gishora ari nabyo bifuza kugiramo uruhare.
Ati 'Ibyuho bigenda bigaragara bishingiye ku mikoreshereze y'ikoranabuhanga. Isi iragenda yimakaza ikoreshwa ry'ikoranabuhanga mu buzima bwayo bwa buri munsi ariko turacyasanga ikoreshwa ryaryo mu buzima bw'abanyarwanda bose n'urubyiuruko bikiri hasi.'
Yongeyeho ati 'Ikindi ni igishoro haba mu rubyiruko akaba ariho imbaraga zigenda zishyirwa cyane cyane aho hagenda hagaragara ibyo byuho ari nabyo uwo mushinga twatangije uzajya wibandaho. Ni ugukomeza kubakira urubyiruko ubushobozi bushingiye ku ikoranabuhanga mu guhanga umurimo ariko no kurufasha kubona igishoro.'
Minisiteri y'Abakozi ba Leta n'Umurimo mu Rwanda yagaragaje ko imibare yo mu 2023, igaragaza ko imibare y'ubushomeri iri hejuru ku kigero cya 17.2% mu gihe ku rubyiruko buri kuri 20%.
Yagaragaje ko Abanyarwanda barenga miliyoni umunani begejeje imyaka yo gukora nubwo 41% muri bo bari kugera mu kiruhuko cy'izabukuru.
Imibare kandi yerekana ko muri gahunda u Rwanda rwari rwihaye yo kwihutisha iterambere ya NST1 yahanzwe imirimo 1.374.204 mu gihe hari hateganyijwe guhanga igera kuri miliyoni 1,5.
Amafoto: Kwizera Herve
Mu ijoro ryo ku wa Gatandatu rishyira ku Cyumweru tariki ya 27 Mata 2024 ni bwo abantu batari bamenyekana bishe mukecuru Kantarama bamuboshye amaguru n'amaboko.
Uyu mukecuru wishwe yarokotse Jenoside yakorewe Abatutsi akaba yari atuye mu Mudugudu wa Kamunini mu Kagari ka Gakoni mu Murenge wa Kiramuruzi.
Umuyobozi w'Akarere ka Gatsibo, Gasana Richard, yabwiye IGIHE ko kugeza ubu abantu icumi bamaze gutabwa muri yombi bakekwaho kugira uruhare mu rupfu rw'uyu mukecuru.
Yagize ati 'Iperereza riracyakomeje, hari abantu bafashwe bakekwaho kugira uruhare mu rupfu rw'uriya mukecuru mperuka bari kubazwa n'inzego z'umutekano, ni ibintu bibabaje kuba nyuma y'imyaka 30 Jenoside yakorewe Abatutsi ihagaritswe hakiri ubugome nk'ubu ndengakamere,'
Yongeyeho ko 'Bamwishe bamuhotoye urebye, nyuma umurambo usangwa muri salon.'
Umuyobozi w'Akarere ka Gatsibo, Gasana yasabye buri wese kurangwa n'ubumuntu akubaha mugenzi we ngo kuko aribyo bikwiriye buri wese, yahumurije abaturage kandi ko inzego z'umutekano ziri maso ko zizakurikirana abagize uruhare mu kwica uyu mukecuru bagahanwa kuburyo bw'intanga rugero.
Ku wa Kabiri ni bwo uyu mukecuru yashyinguwe, mu muhango witabiriye n'abayobozi batandukanye bo muri aka Karere ka Gatsibo.
Ubwo yarafite imyaka 8 gusa nibwo Blue Ivy Carter, imfura ya Jay Z na Beyoncé yaciye agahigo ko kuba umwana muto wa mbere wegukanye igihembo cya 'Grammy Award' abikesha indirimbo yitwa 'Brown Skin Girl' yahuriyemo na Nyina Beyoncé. Kuri ubu yaguriye ibikorwa bye no muri Sinema.
Blue Ivy w'imyaka 11 yatunguranye ubwo ijwi rye ryumvikanye mu mashusho yamamaza filime yo mu bwoko bwa 'Animation' yitwa 'Mufasa: The Lion King'. Iyi filime agiye kuyikinamo yitwa Princess Kiara umukobwa wa Queen Nala, mu gihe uyu ukina ari Nala ari Beyoncé, bivuze ko n'ubundi bazakina ari umwana na Nyina.Â
Beyoncé yari yakinnye mu gice cya mbere cyayo 'The Lion King' cyasohotse mu 2019, yanakoreye umuzingo w'indirimbo wifashishijwe muri iyi filime ikomoka kuyasohotse mu 1994 ifatwa nka filime y'ibishushanyo y'ibihe byose muri Amerika.
Beyoncé n'umukobwa we bagiye guhurira muri filimeÂ
Barry Jenkins wayoboye iyi filime yatangarije Hollywood Reporter ko kugira igitekerezo cyo gukinisha Blue Ivy yakigize amaze kubona uko akorana na Nyina. Yagize ati: 'Ntabwo namuhisemo kuko ari umwana wabyawe b'ibyamamare, ahubwo nabonye uburyo akorana na Nyina bigatanga umusaruro mbona ni byiza mbakinishije nk'umwana n'umubyeyi. Byongeye Blue yakunze gusoma ibitabo by'inkuru ya Lion King kuburyo byanyoroheye kumukoresha'.
Filime ya mbere Blue Ivy agiye gukina yitwa 'Mufasa: The Lion King'
Iyi filime 'Mufasa: The Lion King' izahuriramo Beyoncé n'umukobwa we, izasohoka ku itariki 20 Ugushyingo 2024. Izagaragaramo abandi bazwi muri Sinema nka Seth Rogen, John Kani n'abandi, mu gihe iri gutunganywa n'inzu ya filime ya 'Walt Disney Studios' ifatanyije na 'Motion Pictures' zizwiho gutunganya filime nziza i Hollywood.
Source : https://inyarwanda.com/inkuru/142549/umukobwa-wa-jay-z-na-beyonce-yinjiye-muri-sinema-142549.html
Ikipe ya Police FC yegukanye igikombe cy'Amahoro 2024 itsinze ku mukino wa nyuma ikipe ya Bugesera FC ibitego 2-1, ni mu mukino wabereye kuri Kigali Pele Stadium.
Ni umukino wakinwe kuri uyu wa Gatatu tariki ya 1 Gicurasi 2024, wari uteganyijwe gutangira ku isaha ya saa cyenda ariko utangira ku isaha ya Saa Kumi kuko ikibuga cyarimo indi mikino y'Abakozi.
Ni umukino wagiye gukinwa hari impaka nyinshi mu bakunzi ba Siporo nyarwanda kuko bamwe bavugaga ko Police FC yamaze kumvikana na Bugesera ko izatwara igikombe kuko nayo yari yatsinzwe muri shampiyona.
Gusa n'ubwo ibi byavugwaga hirya no hino, aya mpamakuru nta ruhande narumwe rwigeze ruyemeza kuko bose intego bari bazanye yari ugutwara igikombe cy'Amahoro.
Haba kuri Mashami Vincent utoza ikipe ya Police FC yashakaga igikombe cya Kabiri nyuma y'icyo yatwaye muri APR FC muri 2017, naho Haringingo we yashakaga icya gatatu nyuma y'icyo yatwaye ari muri Mukura (2018) na Rayon Sports muri 2023.
Muri uyu mukino watangiye amakipe yombi ubona akina ashakisha igitego kugirango buriyose ibe yizeye ko yatwara iki gikombe, igice cya mbere cyawo cyarangiye amakipe yombi angana 0-0.
Bavuye kuruhuka ikipe ya Police FC niyo yatangiranye imbaraga zanayigejeje ku gitego cya mbere cyatsinzwe na Aboubakar Akuki Djibrine ku mupira yari aherejwe na Hakizimana Muhafjiri.
Ntibyatwaye umwanya munini ngo ikipe ya Polisi y'igihugu itsinde ikindi gitego cya kabiri, cyatsinzwe na Nsabimana Eric uzwi nka Zidane, hari kuri Koruneri yatewe neza na Muhadjiri imusanga aho yari ahagaze abonezamo umupira bitamugoye.
Bugesera FC yarwanaga n'iminota ya nyuma, yabonye igitego cyo kwishyura muri bibiri yari yatsinzwe, ni igitego cyatsinzwe na Farouk Ssentongo Saifi.
Gutwara iki gikombe kwa Police FC birayiha itike yo kuzakina imikino Nyafurika ihuza amakipe yatwaye ibikombe iwayo mu mwaka w'imikino wa 2024-2025.
Iki gikombe Police FC yegukanye yagishyikirijwe na Minisitiri wa Siporo mu Rwanda, Madamu Aurore Munyangaju Mimosa.
Iki kandi kibaye igikombe cya kabiri cy'Amahoro itwaye kuko icyo yaherukaga yagitwaye muri 2013, muri uyu mwaka kandi Police itwaye igikombe cya Kabiri nyuma y'icy'intwari yatwaye itsinze APR FC ku mukino wa nyuma 2-1.
Mu bagabo kandi, Ikipe ya Rayon Sports yegukanye umwanya wa gatatu nyuma yaho kuri uyu wa Kabiri yatsonze Gasogi United 1-0.
Mu bagore ikipe ya Rayon Sports niyo yegukanye igikombe cy'Amahoro 2024 itsinze ikipe y'indahangarwa ibitego 4-0, ibi biyiha kandi itike yo kuzahagararira u Rwanda mu mikino mpuzamahanga.
The post Police FC yegukanye igikombe cy'Amahoro itsinze Bugesera FC ku mukino wa nyuma 2-1, kiba icya 2 mu mateka yayo appeared first on RUSHYASHYA.
Police FC ni yo yegukanye igikombe cy’Amahoro cya 2024 nyuma yo gutsinda Bugesera FC ku mukino wa nyuma ibitego 2-0, kiba igikombe cya kabiri cy’Amahoro yegukanye mu mateka ya yo.
Bwa mbere mu mateka ya yo, Bugesera FC yari yageze ku mukino wa w’igikombe cy’Amahoro isezereye Rayon Sports, yahuraga kuri Kigali Pelé Stadium na Police FC ifite igikombe cya 2015, yahageze isezereye Gasogi United.
Uyu mukino wa nyuma wabaye kuri uyu Gatatu tariki ya 1 Gicurasi 2024, watangiranye imbaraga nyinshi, umupira wihuta uva ku izamu rimwe ugera ku rindi, gusa mu minota 10 ya mbere y’umukino nta mahirwe afatika yabonetse ku mpande zombi.
Ku munota wa 20, rutahizamu wa Bugesera FC, Ani Elijah yabonye amahirwe mu rubuga rw’amahina ariko ateye mu izamu, umunyezamu Rukundo Onesime awukuramo.
Nyuma yo gukinana neza, Muhadjiri ku munota wa 23 yagerageje ishoti rikomeye yatereye inyuma y’urubuga rw’amahina ariko umupira unyura hanze gato y’izamu.
Ku munota wa 32, Hakizimana Muhadjiri yahinduye umupira mwiza imbere y’izamu rya Bugesera °ariko habura umukinnyi wa Police FC ushyira mu izamu.
Amakipe yombi yagiye agerageza gushaka igitego, ku munota wa 42, Ruhinda Farouk yagerageje ishoti ariko rinyura hejuru y’izamu ryari ririnzwe na Rukundo Onesime.
Ku munota wa 43, Hakizimana Muhadjiri yagerageje gutera mu izamu ariko unyura hanze ya ryo. Amakipe yagiye kuruhuka ari 0-0.
Ku munota wa 51, Rukundo Onesime yarokoye ikipe ye ubwo yakuragamo umutwe ukomeye wa Tuyihimbaze Gilbert.
Ku munota wa 57, Abedi yahaye umupira mwiza Muhadjiri wahise acomekera Akuki Djibrine na we nta kosa yakoze yahise atsindira Police FC igitego cya mbere.
Police FC yabonye igitego cya kabiri cyatsinzwe na Nsabimana Eric Zidane n’umutwe ku mupira wari uvuye kuri koruneri yari itewe na Hakizimana Muhadjiri.
Bugesera FC yagerageje gushaka uko yakwishyura ibi bitego ariko biranga umukino urangira ari 2-0. Police FC ihita yegukana igikombe cy’Amahoro cya 2024.
Iyi mpanuka yabaye ahagana saa cyenda z'amanywa yo kuri uyu wa Gatatu tariki ya 1 Gicurasi 2024.
Umunyamabanga Nshingwabikorwa w'Umurenge wa Kivuruga, Kabera Jean Paul, yabwiye IGIHE ko uyu munyonzi n'umukobwa yari atwaye bari bagiye mu Karere ka Musanze.
Yagize ati ' Bari bagiye i Musanze bahura n'imdoka yavaga i Musanze ijya i Kigali bahita bayigwamo irabagonga bahita bapfa.'
Yongeyeho ko imirambo yaba nyakwigendera yahise ijyanwa ku Bitaro bya Nemba.
Yabitangarije mu nama ya gatatu y'Ihuriro mpuzamahanga ry'abajyanama ba za Guverinoma mu bya siyansi, ryabereye i Kigali kuri uyu wa 1 Gicurasi 2024.
Ni ubwa mbere inama y'iri huriro ibereye muri Afurika ndetse ubuyobozi bwaryo bugaragaza ko byari ngombwa kugira ngo bigire ku byo ibihugu byo mu majyepfo bimaze kugeraho mu kwifashisha siyansi hashyirwaho politike zitandukanye.
Minisitiri w'Intebe Dr Ngirente yagaragaje ko mu ntego yo kubaka ubukungu burambye, igihugu cyahisemo kubakira ku bumenyi by'umwihariko siyansi kugira izafashe kugera mu bihugu bikize mu 2050.
Ati 'Siyansi izagira uruhare rukomeye mu rugendo rugana ku kuba igihugu gifite ubukungu buciriritse mu 2035 ndetse no kwinjira mu bihugu bikize mu 2050, bizatuma Abanyarwanda bose bagira imibereho myiza. U Rwanda rufite intego yo kubaka ubukungu bushingiye ku bumenyi. Kugira ngo tuyigereho twashoye imari mu burezi bw'ibyiciro byose, kuva mu mashuri abanza kugeza muri Kaminuza.'
Umuvuduko w'ubukungu bw'u Rwanda kuva mu 1994 ubarirwa ku mpuzandengo ya 7%, mu gihe ibyo umuturage w'u Rwanda yinjiza byavuye ku madorali ya Amerika 111, bigera ku 1040 mu 2023.
U Rwanda rufite intego yo kugira ubukungu buciriritse mu 2035, aho Umunyarwanda azaba yinjiza $4.036 mu gihe biteganyijwe ko mu 2050, yazaba yinjiza $12.476 ku mwaka.
Mu rwego rw'uburezi hashyizweho politike yo guteza imbere uburezi kuri bose ariko abenshi bakangurirwa kwiga ubumenyi n'ikoranabuhanga hamwe n'imyuga n'ubumenyi ngiro.
Dr Ngirente ati 'Dufite intego yo kubaka ubushobozi bw'abaturage bacu tubaha amahugurwa akwiye mu ngeri zitandukanye za siyansi. Ibi bidufasha gutegura abakozi bacu, tubaha ubumenyi bukenewe ku isoko ry'umurimo haba kuri Leta no ku bikorera.'
Yagaragaje ko Leta ishyigikiye ishami ry'ihuriro ry'abajyanama ba guverinoma mu bya siyansi ribarizwa muri Kaminuza y'u Rwanda, ndetse ngo biteganyijwe ko hazajya hahurira amahuriro atandukanye yo mu karere, kandi hakazaba igicumbi Abanyafurika bose bazajya bavomaho ubumenyi.
Minisitiri w'Uburezi Twagirayezu Gaspard, yavuze ko kuva u Rwanda rwinjiye muri iri huriro hari abarimu n'abashakashatsi ba Kaminuza y'u Rwanda babyungukiramo mu byerekeye ubushakashatsi.
Ati 'Bakora ubushakashatsi butandukanye bujyanye no kugira inama guverinoma mu byo yakora kugira ngo dushobore kwinjiza siyansi cyangwa ibishingiye ku bumenyi muri politike dushyiraho nka guverinoma.'
Perezida w'Ihuriro ry'Abajyanama ba za Guverinoma mu bya Siyansi, Prof Rémi Quirion, yagaragaje ko iri huriro ryasanze mu bihugu bya Afurika na Amerika y'Amajyepfo hari amahirwe y'uko abakozi ari abantu bakiri bato ku buryo gutera imbere byakwihuta.
Ati 'U Rwanda rufite abaturage bakiri bato ugereranyije na Canada aho abantu benshi usanga bari mu myaka 60, ni imbaraga zikomeye ariko bagomba guhabwa uburezi, baba babikunze bakiga siyansi, mu bushakashatsi ku buryo bacukumbura ibyerekeye iyi ngeri bakazakora imirimo itandukanye haba mu burezi n'ibindi.'
Yagaragaje ko hakenewe guteza imbere ikoranabuhanga mu ngeri zitandukanye kugira ngo iterambere rirusheho kwihuta.
Minisitiri w'Intebe Dr Ngirente yagaragaje ko kugira ngo iterambere rirambye rigerweho bisaba ubufatanye, kwihatira gufata ibyemezo bishingiye kuri siyansi.
