Category: Uncategorized

Ni ibiganiro byabaye kuri uyu wa 20 Kamena 2024, Kirke-Smith agaragaza ko bareberaga hamwe umusanzu wa GiveDirectly mu gufasha ingo zikiri munsi y'umurongo w'ubukene kubwigobotora.

Yagaragaje ko ubu bakorera mu mirenge itanu yo mu turere dutanu tw'igihugu ndetse babonye ko byatanze umusaruro.

Ati 'Muri uyu mushinga 65% by'amafaranga bayakoresha mu ishoramari ribyara inyungu, nko kugura amatungo, gutangira ubushabitsi asigaye bakayakoresha mu kugura ibikenerwa by'ibanze birimo amafunguro n'aho kuba.'

Yahamije ko mu ngo bafasha abafite ibibazo by'ibiribwa bagabanyutse, ababona imirimo bariyongera, abana bitabira ishuri bariyongera ababona serivisi z'ubuzima bariyongereye ndetse ibyo umuryango winjiza biriyongera.

Minisitiri w'Ubutegetsi bw'Igihugu, Jean Claude Musabyimana yagaragaje ko binyuze muri gahunda ya Gira Wigire uyu muryango umaze gutanga miliyari 28 Frw, yafashije ingo zirenga ibihumbi 23 zo mu mirenge itanu ikennye cyane, umwe muri buri ntara.

Umuryango ukennye uhabwa arenga miliyoni 1 Frw mu gihe umuntu w'ingaragu ahabwa arenga ibihumbi 500 frw.

Minisitiri Musabyimana ati 'Bavugaga ko bateganya gukomeza gushaka amafaranga yatuma twongera umubare w'ahantu dukorera ku buryo ubutaha twafata akarere kose kagakorerwa iyo gahunda ariko noneho no kureba uburyo ibyo bakora byakomeza kwaguka na Leta kandi igashyiramo ubushobozi ifite.'

Minisitiri Musabyimana yagaragaje ko Leta ifite abafatanyabikorwa barenga 300 bafasha mu gukura mu bukene abaturage, birimo gutanga amatungo, igishoro, n'ibindi bishobora gutuma bibeshaho.

Isesengura ry'ibyavuye mu Ibarura Rusange ry'Abaturage n'Imiturire ryakozwe mu 2022, ku bijyanye n'ubukene mu Banyarwanda, ryerekana ko abaturage 887,508 bafite ubukene bukabije na ho 3,139,395 bari mu bukene bworoheje.

Impande zombi zaganiriye ku ruhare rwa GiveDirectly mu gufasha abaturage kwivana mu bukene

Uyu muryango umaze gufasha ingo ibihumbi 23 kubona igishoro cyo gukora ibikorwa bibyara inyungu

Byagarutsweho mu kiganiro n'abanyamakuru kigaruka ku myiteguro y'icyiciro cy'ibikorwa byo kwiyamamaza kigiye gutangira ku bazahatana mu matora y'Umukuru w'Igihugu n'ay'Abadepite.

Perezida wa Komisiyo y'Igihugu y'Amatora, Oda Gasinzigwa, yagaragaje ko ibikorwa byo kwakira kandidatire no kuzemeza byagenze neza kandi ko n'ibikorwa byo kwiyamamaza bikwiye kugenda neza.

Mu gihe hakomeje imyiteguro y'amatora, Umunyamabanga Nshingwabikorwa wa Komisiyo y'Igihugu y'Amatora, Charles Munyaneza, yatangaje ko hamaze kwemezwa indorerezi 267.

Yagaragaje ko hakiri abandi babisabye bataremererwa ndetse ashimangira ko muri abo bamaze kwemererwa harimo 61 baturutse mu bindi bihugu no mu miryango mpuzamahanga.

Yagize ati 'Bariya nibo tumaze kwemerera ariko ababisabye ni benshi kurusha bariya. Byose bifite amategeko n'amabwiriza bigenderaho, bariya nababwiye ni abo kugeza nimugoroba [kuwa 19 Kamena 2024] kandi tubona umuco w'uko benshi bakunze kubisaba ari uko amatora yegereje.'

Yagaragaje ko nubwo umubare ukiri muto bidakwiye gutera impungenge kuko ababisaba ari benshi kandi bazemererwa bishingiye ku biteganywa n'amategeko.

Ati 'Umubare waba muto cyangwa munini igikuru ni uko ubwo bushake bwa NEC kugira ngo ibyo ikora bibe bigaragarira uwo ari we wese ushaka kubikora.'

Yagaragaje ko n'abakandida bashobora kugira ababahagarariye mu byumba by'itora kugira ngo icyo gikorwa kigende neza.

Yagaragaje ko mu kwakira indorerezi mu matora ateganyijwe muri Nyakanga 2024 hakoreshejwemo uburyo bw'ikoranabuhanga byaba ku babisaba no kubyemeza.

Ati 'Ubundi indorerezi mvamahanga kugira ngo zemerwe bagombaga kuza muri Komisiyo y'Igihugu y'Amatora bagafata impapuro bakazuzuza tukabasubiza tubemerera cyangwa ntitubemerere ariko ubu ntibikiri ngombwa. Indorerezi iri muri Commonwealth, African Union n'ahandi ntabwo basabwa kuza hano, twashyizeho uburyo bw'ikoranabuhanga ku buryo umuntu abisaba tukanabisuzuma dukoresheje ikoranabuhanga.'

Komisiyo y'Igihugu y'Amatora itangaza ko hateganyijwe kuzakira indorerezi nyinshi zaba iz'imbere mu gihugu cyangwa izituruka mu bindi bihugu.

Umunyamabanga Nshingwabikorwa wa Komisiyo y'Igihugu y'Amatora, Charles Munyaneza, yatangaje ko hamaze kwemezwa indorerezi 267

Amafoto: RBA

SOLA ni ishuri ryashinzwe na Shabana Basij-Rasikh agamije gufasha abana b'abakobwa bo muri Afganistan kwiga.

Shabana n'abakobwa yari acumbikiye mu ishuri rye, bahunze Umurwa Mukuru, Kabul, mbere gato y'uko Abatalibani bawugeramo muri Kanama 2021.

Ku bufatanye na Leta Zunze Ubumwe za Amerika, Shabana n'abakobwa bigishaga bahawe ubuhungiro mu Rwanda, ishuri rikomeza imirimo yaryo.

Umubare w'abakobwa biga muri iri shuri ugenda wiyongera, aho nibura kuva mu 2023 abakobwa 40 bo muri Afganistan bimukiye mu Rwanda kuhakomereza amasomo.

Mu 2023 nibwo iri shuri ryasinyanye amasezerano n'Umuryango Mpuzamahanga ushinzwe Abimukira, IOM. Aya masezerano agena ko uyu muryango uzajya ufasha abanyeshuri bashya gukomereza amasomo mu Rwanda, mu bijyanye n'ingendo.

Mu nyandiko IOM iheruka gushyira hanze yagaragaje ko abanyeshuri barenga 100 bageze mu Rwanda bwa mbere mu 2021, ari bo bafasha mu kumenyekanisha ibikorwa by'iri shuri no kumenyereza abandi bishya.

Uyu muryango wakomeje uvuga ko 'Mu gihe ibitsikamira uburenganzira bw'abakobwa bikomeye kwiyongera muri Afghanistan, abakobwa Benshi b'Abanya-Afghanistan bakeneye uburezi, kugeza ubu SOLA yakiriye ubusabe (bw'abashaka kwiga) barenga 2000, muri uyu mwaka w'amashuri ugiye kuza wa 2024. Ni mu gihe abakobwa bakomeje guharanira kubona ubu burenganzira bw'ibanze kugeza ubu bimwe.'

Umuyobozi wa IOM mu Rwanda, Ash Carl yavuze ko 'Urugendo rw'aba bana b'abakobwa ari ikimenyetso cy'icyizere, gishimangira ko iyo habonetse ubufasha bukwiriye mu bijyanye n'uburezi, urubyiruko rushobora kugera kure no mu bihe bikomeye.'

Shabana Basij-Rasikh washinze iri shuri yavuze ko nubwo ingorane ari nyinshi atazahwema kugera ku ntego yihaye.

Ati 'Nubwo hari ikibazo cyo kwima uburezi abakobwa bo muri Afghanistan, SOLA iracyashikamye ku ntego yo kwiga n'icyizere, ntabwo turi guhangana gusa n'imvugo zikandamiza, ahubwo turi kwandika amateka kuko buri mukobwa wize, arayobora kandi akarota Afghanistan irangwa n'amahoro.'

Mu nama ya Women Deliver yabereye i Kigali, Shabana Basij-Rasikh yavuze ko ko nubwo abakobwa bo muri Afghanistan bakomeje guhura n'imbogamizi cyane cyane mu bijyanye n'uburenganzira bwo kwiga, afite icyizere ko iri shuri rye rikorera mu Rwanda mu minsi iri imbere rizatanga Perezida wa Afghanistan.

Ati “Ni iby'agaciro kuba ndi hano, ndumva buri wese hano azi ko nyobora ishuri rizavamo Perezida wa Afghanistan w'ahazaza, ndashaka kuvuga ku mbogamizi ebyiri turi guhura nazo uyu munsi muri Afghanistan, imbogamizi imwe ni iri imbere mu gihugu.”

Yakomeje avuga ko biteye isoni kuba uyu munsi abakobwa bo muri Afghanistan batemerewe kwiga amashuri yisumbuye.

Ati “Uyu munsi Afghanistan ni cyo gihugu rukumbi ku Isi, aho kuba abana b'abakobwa bakwiga amashuri yisumbuye ari icyaha, biteye isoni kuba uyu mwanya ndi hano mvuga ayo magambo. Bikwiriye kuba bitanga umuburo atari ku Banya-Afghanistan gusa ahubwo n'abandi batuye Isi kuba igihugu nka Afghanistan abana b'abakobwa babuzwa uburenganzira bwa muntu bw'ibanze.”

Yavuze ko imbogamizi ya kabiri bahura na yo ari ijyanye no kuba hari ibihugu by'amahanga bibona abanya-Afghanistan bose mu ndorerwamo z'Aba-Taliban, bakumva ko abagabo n'abahugu bose bo muri iki gihugu badashyigikiye uburezi bw'umwana w'umukobwa.

Shabana Basij-Rasikh yavuze ko mu ntego afite ari ukubaka ubushobozi bwatuma ishuri rye ribasha kwakira abana b'abakobwa benshi, abadashoboye kugera mu Rwanda, bagafashwa kwigira mu bihugu bituranye na Afghanistan aho iri shuri riteganya gufungura amashami.

Abakobwa barenga 2000 bo muri Afghanistan basabye koherezwa kwiga mu Rwanda kubera ihohoterwa bakorerwa

Ibi byagarutsweho mu gikorwa cyo kwibuka ku nshuro ya 30 abahoze ari abakozi b'icyahoze ari Minisiteri y'Urubyiruko n'Amashyirahamwe (MIJEUMA), abakoraga siporo by'umwuga, abahanzi, urubyiruko n'abandi bakoranaga bazize Jenoside yakorewe Abatutsi mu 1994.

Ni igikorwa cyabereye ku Rwibutso rwa Jenoside rwa Kigali ruri ku Gisozi ku wa 19 Kamena 2024.

Minisitiri Dr. Utumatwishima yasabye Abanyarwanda kudatinya gufata uruhande rw'ibyo bemera kandi bakaruhagararaho kuko amateka y'igihugu nta muntu ushobora kujya hanze yayo.

Yagize ati 'Mba ku mbuga nkoranyambaga kenshi, nk'iyo hari ikibazo igihugu kigize, ijambo ry'Umukuru w'Igihugu, ibiganiro byo kwibuka se, ngerageza kureba abakozi dukorana, abo duhurira mu gikorwa nk'iki ngasanga abenshi barabyihorera bakabiharira abashinzwe itumanaho.'

Yakomeje ati 'Hari n'abantu bitwa ba ntawamenya, ngo wenda bitazagaragara ko nabo bafite ibyo bashyigikiye cyangwa ibitekerezo byabo. Ariko iyo ubonye ikibi gikorwa, umuntu akavuga nabi ubuyobozi twubatse iyi myaka 30 turimo, akavuga nabi Perezida wa Repubulika tureba kandi ibi bimenyetso byose tubifite, ukaba uhari ntuvuge uti 'koko ni uku bimeze' ngo unabisangize abandi, ku ruhande rumwe uba ubeshya. Tujye tureka kuba abantu babeshya.'

Minisitiri Dr. Utumatwishima yavuze ko n'abakoze Jenoside byabasabye kunoza umugambi bityo ko no kubaka amahoro bikwiye kuba umugambi uhuriweho nta we usigaye inyuma. Yaboneyeho gusaba abahanzi gukoresha inganzo mu kubaka igihugu kandi bagakora ibihangano byinshi bishoboka kuko muri Jenoside nabyo byakoreshejwe mu kubiba urwango kandi bikagerwaho.

Agaruka ku rubyiruko by'umwihariko yagize ati 'Mu by'ukuri ugomba kugira icyo wemera kandi ibigaragara ukabishyigikira ukareka gusa n'aho hari ibindi wizera bitari ibyo ubona kandi by'ukuri.'

Minisitiri wa Siporo, Munyangaju Aurore Mimosa yavuze ko uyu munsi bishimishije kuba hari Abanyarwanda batakuriye mu rwango. Yavuze ko urubyiruko rufite umukoro wo kusa ikivi cya bagenzi babo bari abahanzi, abakinnyi n'urundi rubyiruko muri rusange kuko na bo baharaniraga ko igihugu kijya mbere ariko bavutswa ubuzima bakiri mu rugendo.

Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yagarutse ku ruhare rw'inzego n'abantu ku giti cyabo mu gukora Jenoside, kuyipfobya ndetse no kuyihakana.

Yagarutse ku mateka y'urwango rwabyaye Jenoside yakorewe Abatutsi aho Kayibanda Grégoire na Habyarimana Juvénal bombi bayoboye u Rwanda ndetse n'abandi bari bakomeye mu butegetsi barubayemo igihe ndetse baranarushyigikira ku butegetsi bwabo ku buryo bitari gushoboka ko bagira imiyoborere ibumbatira Abanyarwanda bose.

Yagurutse kandi ku guhakana no gupfobya Jenoside n'uburyo ari umugambi wateguwe neza urimo bamwe mu banyapolitike bakomeye na bimwe mu bitangazamakuru bikomeye byo mu Burengerazuba bw'Isi bikora ibyo byatumwe n'abafite uwo mugambi mubisha.

Uhereye ibiryo, Munyanshoza Dieudonne, Nyiranyamibwa Susana, Murangwa Eugene na Kalambizi Olivier ukora muri Minubumwe

Minisitiri Munyangaju Aurore Mimosa yavuze ko urubyiruko rufite umukoro wo kusa ikivi cya bagenzi babo bavukijwe ubuzima muri Jenoside yakorewe Abatutsi mu 1994

Minisitiri Utumatwishima yakebuye urubyiruko, arusaba kugira uruhare mu kwiga amateka y’u Rwanda no kuyamenyesha abayagoreka

Hacanywe urumuri rw’icyizere

Minisitiri w’Ubumwe bw’Abanyarwanda n’Inshingano Mboneragihugu, Dr. Bizimana Jean Damascene, yavuze ko hari inzego n’abantu ku giti cyabo bagifite umugambi wo gupfobya no guhakana Jenoside yakorewe Abatutsi mu 1994

Minisitiri Utumatwishima ubwo yasinyaga mu gitabo cy’abashyitsi

Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène yasinye mu gitabo cy’abashyitsi

Umuhanzi Musinga Joe yatanze ubutumwa mu ndirimbo

Ni igikorwa cyari cyitabiriwe n’abiganjemo urubyiruko

Iki gikorwa cyabereye ku Rwibutso rwa Jenoside rwa Kigali ruri ku Gisozi

Ibi bitaramo byatangiye mu 2017, ndetse byazamukiyemo abaraperi barimo Bushali ugezweho muri iki gihe ndetse akaba aherutse gukorera ibitaramo mu Bufaransa no muri Poland.

Iri serukiramuco rizaba mu gihe cy'iminsi ibiri, ku wa 5 na 6 Nyakanga 2024. Dr Nganji washinze Green Ferry yabwiye InyaRwanda ko bahisemo gutegura iri serukiramuco bashingiye ku bihe byaranze ibitaramo byabo umunani byabanje. 

Ati 'Twahisemo kubikoramo iserukiramuco ahanini bitewe n'ubwutabire, n'uburyo abantu bakunda umuco wa Hip Hop. Rero, ibitaramo umunani twakoze byatweretse ko bishoboka.

Nganji yavuze ko mu byo bishimira muri ibi bitaramo, ariko byashyize itafari ku muziki 'w'abarimo Bushali n'abandi bagenze banyuze mu itsinda rya Green Ferry'.

Uyu mugabo usanzwe ari Producer, avuga ko ashingiye ku bikorwa bimaze gukorwa muri iyi myaka, ari ibishimangira ko 'Hip Hop ikundwa n'abantu benshi, kandi abanyarwanda barabigaragaje mu bihe bitandukanye'.

Ati 'Wagiye ubona uburyo nko mu bitaramo byabereye muri BK Arena, abaraperi bagiye biharira urubyiniro, muri iki gihe hasohotse ibihangano byinshi, rero uyu mwaka navuga ko wiyongereye mu y'indi myaka yatweretse ko Hip Hop ikunzwe cyane.'

Nganji yavuze ko uretse ibitaramo by'abahanzi ba Hip Hop, iri serukiramuco rizarangwa n'ibindi bikorwa birimo nko kumurika imideli, gushushanya, umuci wa ba Dj n'ibindi binyuranye mu rwego rwo gususurutsa abazitabira.

Yavuze ko bari mu biganiro n'abahanzi bose bazaririmba muri iri serukiramuco kandi 'tuzita cyane kuri wese bitewe n'ibihangano asanzwe akora byatanze umusaruro.'

Ngabonziza Dominique uzwi nka Producer Dr. Nganji uri gutegura iri serukiramuco aherutse gushyira hanze Album 'Kinyarwanda' yakoze yifashishijeho zimwe mu ndirimbo zimaze imyaka irenga 70 zifitwe na Leta y'u Budage bafatiye amajwi ubwo bari mu Rwanda mu bihe bitandukanye.

Ni Album ya Gatatu iriho abahanzi nka B-Threy, Bushali, Icenova, Angel Mutoni, White Monkey, Bill Ruzima, Kaya Byinshi, Slum Drip, Nillan YNB, Bruce the First, Amalon, Romeo Rapsatar, Iddo Wuld, Jawanzaa, Mvfasta, Ngaara, , NeeriWest, Dani Kard, n'abandi.

Iriho indirimbo ‘Inganji (Intro)’ yakoranye na Ngaara, ‘Amanyarwanda’ yakoranye na Karambizi, ‘Imituku’ yakoranye na Redink, Icenova na Dr. Dace Murundi, ‘Imisambi’ yakroanye na Karambizi, Kaya Byinshi, Icenova na Romeo Rapstar.

Hari kandi ‘Intare’ yakoranye na Neriwest na Romeo Rapstar, ‘Ihoreze’ yakoranye na Racine, ‘Haya’ yahuriyemo na Karambizi, ‘Rwamajana’ yakoranye na Kanyarwanda, ‘Umurinzi’ yahuriyemo na Romeo Rapstar, ‘Ninde? na Icenova, ‘Enyegeza’ na Bushali, ‘Rwamakombe’ na Zeo Trap ndetse na ‘Kinyarwanda (Outro)’ yakoranye na B-Threy.

 

Umuraperi Slum Drip ubwo yari ku rubyiniro ataramira muri Wakanda Club mu 2019 mu gitaramo 'I am Hip Hop' ku nshuro ya munani

Umuraperi Bushali yakunze gushimangira impano ye muri ibi bitaramo

Umuraperi Mazimpaka Prime ari mu bagiye bifashishwa muri ibi bitaramo byubakiye ku mudiho wa Hip Hop

Umuraperi B-Threy yigaragaje mu bihe bitandukanye muri ibi bitaramo

Producer Dr. Nganji [Uri iburyo] ari kuvanga imiziki muri ibi bitaramo

Maktain wo muri Afurika y'Epfo

Umuraperi Rod B

Nirewest wo mu itsinda rya Antic Dust

Dr Nganji yatangaje ko nyuma yo gukora ibitaramo bya Hip Hop bahisemo kubihinduramo iserukiramuco mu rwego rwo kwegera abakunzi babo

Byagarutsweho mu kiganiro n'itangazamakuru, iyi Komisiyo yagiranye n'abanyamakuru cyabaye kuri uyu wa Kane tariki 20 Kamena 2024. Ni mbere y'uko hatangira ibikorwa byo kwiyamamaza ku mwanya w'Umukuru w'Igihugu n'Abadepite, bizatangira kuva ku wa Gatandatu tariki 22 Kamena 2024.

Ni amatora agiye kuba mu gihe abarenga Miliyoni 9 bamaze kwiyandikisha ku Ilisiti y'itora, barimo urubyiruko bangana n'abarenga Miliyoni 2 bagiye gutora ku nshuro ya mbere.

Muri rusange, iki kiganiro n'abanyamakuru kibanze ku kugaragaza ibyo abagiye kwiyamamaza bemerewe n'ibyo batemerewe. Ariko kandi banibanze kuri Kandidatire za bamwe zatanzwe ntizakirwa, uko Abanyarwanda batuye mu mahanga bazatora, uruhare rw'inzego z'ibanze mu migendekere y'aya matora n'ibindi.

Imibare igaragaza ko Intara y'Uburasirazuba ariyo ifite umubare munini w'abantu bazatora bangana n’abantu 2,220,573, Uburengerazuba abazatora barangana na 2,064,090;

Umujyi wa Kigali barangana na 1,101,517, Amajyepfo barangana na 2,076,918, Amajyaruguru barangana na 1,486,774; ni mu gihe mu mahanga abazatora bangana na 62,917 [Mu 2017 hatoye abagera ku bihumbi 20].

Imibare kandi inagaragaza ko Abagore ari bo bagize umubare munini w’abazatora mu matora y’Umukuru w’Igihugu n’ay’Abadepite ateganyijwe hagati ya tariki 14-16 Nyakanga 2024.

Abagore baranga na 53% bingana n’abantu 4,819,123 ni mu gihe Abagabo ari 47% bingana na 4,193,665. Urubyiruko barangana na 43% bingana n’abantu 3,878,027.

Muri rusange amatora ateganyijwe tariki 14 Nyakanga ku Banyarwanda baba mu mahanga, tariki 15 Nyakanga ku b’imbere mu Gihugu ndetse na tariki 16 Nyakanga 2024, ku bahagarariye ibyiciro byihariye

Indorerezi 267 zamaze kuzuza ibisabwa, ariko kwakira ubusabe birakomeje

Mu kiganiro n'itangazamakuru, Umunyamabanga Nshingwabikorwa wa Komisiyo y'Igihugu y'Amatora, Charles Munyaneza, yavuze ko bamaze kwakira abifuza kuba indorerezi mu matora bagera kuri 267, ariko ko ibikorwa byo kwakira ubusabe bwabo bikomeje.

Aba 267 yatangaje yashingiye ku mibare yari afite kuva ku mugoroba wo kuri uyu wa Gatatu tariki 19 Kamena 2024. Ati 'Kugeza uyu munsi tumaze kwakira indorerezi zigera kuri 267 kugeza ejo ni mugoroba. N’ubu hari izindi zicyandika, tuzazikira kugeza tariki 14 Nyakanga 2024, ubu turimo turategura ibintu bya nyuma cyane cyane biganisha ku minsi y’amatora.'

Munyaneza yavuze ko muri rusange imyiteguro y’amatora igeze kure, kandi byinshi mu bisabwa byamaze gutegurwa, yaba ibikoresho by’amatora bikenewe cyangwa ibizakenerwa, abakorerabushake, gutegura Abanyarwanda kwitabira amatora n’ibindi binyuranye.

Ni ibintu ariko avuga ko bizakomeza gukorwa kugeza ku munsi w’itora, kandi ibikorwa bakora bafatanyije n’inzego za Leta, abikorera, abafatanyabikorwa n’abandi.

Munyaneza yanavuze ko Komisiyo y’Igihugu y’Amatora yamaze kumvikana n’ibihugu 70 bizaberamo amatora hanze y’u Rwanda bitewe n’aho u Rwanda rufite Ambasade; kandi biteganyijwe ko hanze y’igihugu hazashyirwamo ibiro by’itora bigera kuri 174. 

Ati “Ibyo byose turimo turabitegurana n’abanyarwanda baba hanze.” Yanavuze ko ibikoresho by’itora byatangiye kugera ku banyarwanda batuye mu mahanga.

Abarwariye mu bitaro batekerejweho;

Munyaneza yavuze ko ibikoresho bizifashishwa mu biro by’itora by’imbere mu gihugu bizatangira kugezwa ahateganyijwe mu gihe kiri imbere.

Yavuze ko mu hantu bateganya gushyira ibiro by’itora harimo no mu bitaro cyane cyane iby’intara mu rwego rwo korohereza abarwariyemo.    

Ati “Mu hantu duteganya gushyira ibiro by’itora no mu bitaro harimo, muri bino bitaro bikuru birimo abarwayi benshi, birimo abarwaza benshi, birimo abaganga benshi, turateganya naho kuzashyirayo ibiro by’itora kugirango umurwayi uzaba arimo ushobora gusindagira akaba yatora azagende atore, uzaba arwaje umurwayi nawe atore, ndetse n’abaganga n’abandi bose bakora hariya.”

Ibiro by’itora bizashyirwa mu bitaro hagati. Munyaneza yavuze ko bamaze kuvugana n’ibitaro bikuru birimo nka CHUK, ndetse barimo mu biganiro n’ibitaro by’Intara.

Avuga ko abazaba bari muri ibyo bitaro ntibazasabwa kuba bari kuri Lisite y’itora y’aho hantu. Ati “Bo bazatorera ku mugereka, ariko bafite indangamuntu.”

Umunyamabanga Nshingwabikorwa wa Komisiyo y'Igihugu y'Amatora, Charles Munyaneza, yatangaje ko bamaze kwemerera indorerezi 267 kuzakurikirana amatora
Perezida wa Komisiyo y'Igihugu y'Amatora, NEC, Oda Gasinzigwa yasabye buri wese gukomeza kwireba ku Ilisite y'Itora kugeza tariki 29 Kamena 2024 kuko ari bwo hazatangazwa Lisite ntakuka y'abemerewe gutora
NEC yatangaje ko mu hantu bazashyira ibiro by'itora harimo no mu bitaro by'Intara

Ntabwo byari bisanzwe aho isoko ry’igura n’igurisha mu Rwanda rifungura ndetse rikagera aho riryoshye ikipe ya Rayon Sports itaribona mu baguzi. Rayon Sports yahoze ari ikipe ikomeye mu Rwanda, ifite igitinyiro ndetse abakinnyi benshi bo mu Rwanda no mu karere babagaho bafite indoto zo kuzayikinira mu buryo bumwe cyangwa ubundi.

Rayon Sports yari ikipe igira amafaranga y’impanuka ndetse ikaba ikipe izwiho gutungurana ku isoko by’umwihariko ikaba ikipe yateshaga umutwe APR FC igihe isoko ryabaga rifunguye. Kuri bimwe mu bitinyiro Rayon Sports yagiraga, byatangiye kurangira ndetse bituma nta mukinnyi ugishamadukira kuyijyamo.

Kuki abakinnyi bari kubenga Rayon Sports cyane?

Isoko ry’uyu mwaka Rayon Sports imaze kuganira n’abakinnyi batari munsi 7, ariko nta n’umwe baraha amasezerano. Ubusanzwe Rayon Sports niyo kipe yahanganiraga ku isoko na APR FC umuntu yavuga ko kuva yashingwa itarabura amafaranga.

Rayon Sports nti kiri ya yandi

Wasangaga mu bakinnyi Rayon Sports yabaga ifite harimo umukinnyi APR FC ishaka kubura hasi kubura hejuru, cyangwa ugasanga hari umukinnyi ushaka gutandukana na APR FC ariko abizi ko inzira ya hafi ari muri Rayon Sports. 

Ubundi wasangaga hari umukinnyi mwiza uri muri shampiyona y’u Rwanda aya makipe arwanira ndetse ugasanga umukinnyi yabuze amahitamo ariko kuko akeneye kugira impinduka akagira aho ajya, twavuga nka Bizimana Yannick ubwo yerekezaga muri Rayon Sports mu 2019.

Rayon Sports ubu irajwe ishinga no gusinyisha Muhire Kevin usanzwe ari kapiteni wayo 

Muri ibi bihe by’umwihariko uyu mwaka ikipe ya Rayon Sports yagowe no kubona Miliyoni 20 Frw zo kwishyura umukinnyi hatajemo ikirarane, kandi bamwe mu bakinnyi bari barayeretse ko biteguye kuyijyamo.

Nyuma yaho bamwe mu bakinnyi bagiye muri iyi kipe ikajya ibahaho make ku yo basinyiye ariko guhabwa ayandi bikaba induru. Ibi byatumye abakinnyi batakariza icyizere iyi kipe kugera aho nta mukinnyi ushaka kumva ibyo kuba ahawe igice cy’amafaranga kuko bahita bibuka ibyabaye ku babikoze.

Mu minsi ya kera wasangaga nibura umukinnyi ashobora kujya muri Rayon Sports nibura akurikiyemo ibihe byiza birimo ibikombe, abafana benshi n’izina rikomeye, ariko kuri ubu ntibigikora kuko ikipe yabaye isanzwe, nta mukinnyi wayijyamo ngo yizere gukinira Amavubi, nta mukinnyi ubu wayisinyira yizeye igikombe cya shampiyona ndetse na ba bafana babaga bakurikiye kuri ubu bararebana ay’ingwe n’ubuyobozi buriho.

Rayon Sports biravugwa ko ibitse amafaranga izagura Ombolenga Fitina 

Ni byiza kuba isoko rigifunguye, n’ubwo bishyira mu bibazo iyi kipe byo kuzajya ku isoko abagurwa baraguzwe, nk’uko bimaze kuba ku bakinnyi barimo Niyonizeye Fred, Hakizimana Muhadjri, Ishimwe Christian bamaze kwigira mu yandi makipe.

Abakinnyi iyi kipe yabonera make ntabwo bari ku rwego

Bigendanye n’isoko ryo mu Rwanda, ikipe ya APR FC na Police FC zaritumbagije, kuri ubu umukinnyi wa Miliyoni 8,5,3 ikipe ya Rayon Sports ifite bisa n’aho bigoye kuko uwo mukinnyi nta tandukaniro  aba afite riruta abo yari ifite.

Ikindi kandi ubaguze byaba bivuze ko waba wiyakiriye ukajya gusanga amakipe nka za Gasogi United, Etincelles FC mu myanya ya cumi ku rutonde rwa shampiyona, kuko ikipe murwanira abakinnyi ntimwabura kurwangira n’umwanya.

Abakinnyi babonye ubuhungiro buruta Rayon Sports

Abakinnyi benshi by’umwihariko mu Rwanda nk’uko natangiye mbivuga, bahoze bafite indoto zo gukinira Rayon Sports, gusa kuri ubu biri kwicurika. Byari kugorana iyo APR FC irekura abakinnyi nka Ishimwe Christian, Ombolenga Fitina na Bizimana Yannick ikipe ya Police FC ikiri mu bya kera ngo ntibitume aba bakinnyi badacisha make.

Ishimwe Christian yaganiriye na Rayon Sports ariko yigira muri Police FC kubera ubushobozi bucye bwa Rayon Sports

Yaba Ishimwe Christian uherutse gusinyira Police FC yagiye kuvugana na Rayon Sports ari nko guta umwanya kuko yari afite ikipe yibikiye ariyo Police FC. Police FC izasohokera u Rwanda mu mikino Nyafurika ifite impamvu abakinnyi bayisinyira kandi ifite amafaranga kashi, bihabanye na Rayon Sports izasigara ku rugo ndetse ikaba iri kugura muri gahunda ya ‘ndaba nguhaye igice’.

Mu gikorwa cyabimburiwe no kunamira inzirakarengane zishyinguye mu Rwibutso rwa Jenoside rwa Kigali, kuri uyu wa Gatatu tariki 19 Kamena 2024, hakozwe igikorwa cyo kwibuka ku nshuro ya 30 abari abasiporurifu, urubyiruko, abakozi ba Minisiteri y’Urubyiruko n’Amashyirahamwe, abahanzi n’abandi bishwe urw'agashinyaguro bazira uko bavutse muri Jenoside yakorewe Abatutsi mu 1994.

Iki gikorwa cyo kwibuka ku nshuro ya 30 inzirakarengane zazize Jenoside yakorewe Abatutsi, cyahuje Minisiteri y’Urubyiruko n’Iterambere ry’Ubuhanzi (MoYA), Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) na Minisiteri ya Siporo (MINISPORTS). 

Mu ijambo ry’ikaze, Minisitiri wa Siporo Aurore Mimosa Munyangaju yavuze ko iki gikorwa ari umwanya wo gukomeza gushimangira inzira nshya abanyarwanda bahisemo yo kwunga ubumwe, bakiyubakamo icyizere bashakira buri munyarwanda wese iterambere rihamye kandi bimakaza indangagaciro z’ubupfura bakomora ku bakurambere.

Mu kiganiro yatanze kigaruka ku mateka mabi u Rwanda rwanyuzemo, Minisitiri wa MINUBUMWE, Dr. Jean Damascene  Bizimana yagaragaje ko gusenyuka k'umuco nyarwanda byagaragariye mu bategetsi nka Perezida Kayibanda na Habyarimana bigishijwe n'abakoloni na Kiliziya Gatolika, byubatse urwango rwagejeje abanyarwanda kuri Jenoside yakorewe Abatutsi mu 1994.

Yagarutse ku bayobozi bakuru n'abakozi b'iyari Minisiteri y'Urubyiruko no Guteza imbere Amashyirahamwe nka Nzabonimana Callixte na Bikindi Simon, yerekana uruhare rwabo mu gutegura no gushyira mu bikorwa umugambi wa Jenoside yakorewe Abatutsi.

Yerekanye kandi ko Jenoside yakorewe Abatutsi imaze guhagarikwa, abayobozi b'abajenosideri n'abafatanyabikorwa babo b'Ababiligi bashyizeho ingamba zigamije gupfobya Jenoside yakorewe Abatutsi, bifashishije itangazamakuru n'abashakashatsi bashyigikiye Leta yakoze Jenoside.

Ijambo rye yarisoje yibutsa ko abayobozi babereye u Rwanda bakwiye gushingira ku muco nyarwanda wo kwimakaza ubunyarwanda nk'uko byahoze mbere y'umwaduko w'abakoloni, bakarwanya amacakubiri ashingiye ku kintu icyo ari cyo cyose cyasenya isano-muzi y'ubunyarwanda.

Mu butumwa yatanze, Minisitiri wa MoYA, Dr. Utumatwishima yasabye abahanzi gusigasira amateka y’u Rwanda bifashishije ibihangano bitandukanye yaba kwandika ibitabo, gukina filime, umuziki n’ibindi. 

Yaboneyeho gushimira abakomeje kugaragaza ibyiza u Rwanda rwagezeho mu myaka 30 ishize, anenga n’abigira ba ntibindeba by’umwihariko ku mbuga nkoranyambaga mu bihe byo kwibuka.

Yagize ati: “Iyo ubonye ikibi gikorwa, umuntu akavuga nabi ubuyobozi bwubatse iyi myaka 30 turimo, akavuga nabi Perezida wa Repubulika tureba, kandi ibi bihamya byose tubifite, hagira n’icyandikwa na MINUBUMWE,… ukaba unahari ntuvuge uti koko ni uko bimeze ngo unabisangize n’abandi, ku ruhande rumwe uba ubeshya.”

Mu bandi batanze ibiganiro bigaruka ku mateka yabo mu bihe bya Jenoside yakorewe Abatutsi harimo abahanzi nka Susanne Nyiranyamibwa, Munyanshoza Dieudonne n’abandi. Umuhanzi Musinga Joe uherutse guhuriza abahanzi batandukanye mu gitaramo yise ‘Mudaherwanwa30’ ni we waririmbye muri iki gikorwa.

Abayoboye Minisiteri eshatu zari zihuriye muri iki gikorwa bunamiye inzirakarengane zazize Jenoside yakorewe Abatutsi ziruhukiye mu Rwibutso rwa Jenoside rwa Kigali

Minisitiri w’Urubyiruko n’Iterambere ry’Ubuhanzi, Utumatwishima Abdallah

Minisitiri wa Siporo Aurore Mimosa Munyangaju

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Sandrine Umutoni yitabiriye iki gikorwa

Bunamiye abari urubyiruko, abahanzi, abasiporutifu, abahoze ari abakozi ba MIJEUMA n’abandi bazize Jenoside yakorewe Abatutsi

Minisitiri Jean Damascene Bizimana yibukije abitabiriye ko bakwiriye kurangwa n’indagagaciro z’ubunyarwanda mu buzima bwa buri munsi

Minisitiri Utumatwishima yavuze ko ubuhanzi bukora kandi bukarema, ashimangira ko abanyarwanda bakeneye guharanira kubaka urukundo

Dr. Utumatwishima yavuze ko nta muntu w’urubyiruko ukwiriye kuba ‘nta wamenya’, ahubwo bakwiriye gukoresha impano zabo mu kuvuguruza abavuga nabi u Rwanda

Munyanshoza na Nyiranyamibwa batanze ubuhamya muri iki gikorwa cyo #Kwibuka30

Nyiranyamibwa Susanne ni umubyeyi w’umuhanzi ufite ubuhamya buremereye

Hacanwe n’urumuri rw’icyizere

Abayobozi n’abakozi ba Minisiteri eshatu bunamiye inzirakarengane zazize Jenoside yakorewe Abatutsi mu 1994

Kanda hano urebe amafoto menshi yaranze iki gikorwa

AMAFOTO: Serge Ngabo – InyaRwanda