Category: Uncategorized

Muri Kamena nibwo ibinyamakuru mpuzamahanga byatangaje ko nyuma y'aho ibihugu bigize EU bitoranyije Quintin, u Rwanda rwahamagaye u Bufaransa, rubumenyesha ko rutazamwemera, hagaragazwa umubano udahagaze neza hagati y'u Rwanda n'u Bubiligi nk'intandaro.

Minisitiri w'Ububanyi n'Amahanga w'u Rwanda, Olivier Nduhungirehe, yabwiye IGIHE ko u Rwanda rutigeze rwanga uyu mudipolomate kuko nta bushobozi rubifitiye.

Ati 'Sinzi impamvu abantu bavuga ko u Rwanda rwanze intumwa yihariye y'Umuryango w'u Burayi mu Karere kuko ntabwo u Rwanda ari umunyamuryango wa EU, kuko nibo bafata icyemezo twe ntabwo dufite ubushobozi bwo gufata icyemezo kuko tutari umunyamuryango wa EU.'

Yakomeje avuga ko icyo u Rwanda rwakoze ari ukugaragaza icyo rutekereza kuri Bernard Quintin, cyane ko rwamubonaga nk'umuntu wabogama.

Ati 'Ariko twatanze ibitekerezo, icyo tubitekerezaho bijyanye n'uko umukandida bari batanze atari afite kutabogama. Twasanze yaba abogamye, yaba abogamiye kuri Congo ku buryo rero byari gutuma adatanga umusaruro, ariko ibyo ntibivuze ko twe twamwanze, kuko twe ntabwo dushinzwe gushyiraho intuma za EU.'

Minisitiri Nduhungirehe atangaje ibi nyuma y'igihe gito, Umuvugizi wa Komisiyo ya EU, Eric Mamer, atangaje ko u Rwanda rutigeze rwitambika iki cyemezo cyo kohereza umudipolomate wayo.

Mamer yagize ati 'Iki ni igikorwa kibera imbere muri EU. Nta ruhande rwa gatatu cyangwa igihugu cya gatatu kigifiteho ijambo. Gahunda yo gutoranya Intumwa Yihariye ya EU mu karere k'ibiyaga bigari no kumushyira mu nshingano irakomeje. Bikorerwa imbere mu muryango kandi ni ibanga, ntabwo tuzabishyira mu ruhame kugeza ubwo icyemezo kizaba cyafashwe.'

Umubano utari mwiza w'u Rwanda n'u Bubiligi ushingira ku kuba Leta ya Bruxelles mu 2023 yaranze Vincent Karega wari waragenwe nka Ambasaderi w'u Rwanda, no kuba iki gihugu cy'i Burayi kibogamira byeruye kuri Repubulika Iharanira Demokarasi ya Congo (RDC) irushinja gufasha umutwe wa M23.

Minisitiri Nduhungirehe yavuze ko kuva u Bubiligi bwakwanga Vincent Karega, u Rwanda rugishikamye ku cyemezo cy'uko narwo nta Ambasaderi ruzohereza mu Bubiligi.

Ati 'Nta biganiro byakurikiye ku bijyanye no kwanga Ambasaderi Karega, twe twavuze ko ariwe twatanze ngo abe Ambasaderi w'u Rwanda mu Bubiligi, nta wundi tuzatanga kugeza ubu ni uku bihagaze.'

Muri Nzeri mu 2023, Perezida Kagame yatangaje ko nta bisobanuro bifatika u Bubiligi bwigeze buha u Rwanda nyuma yo kwanga kwakira Ambasaderi Vincent Karega woherejweyo, bityo ko nta wundi mukandida ruteganya koherezayo.

Yavuze ko nyuma y'igihe kirekire u Rwanda rutegereje ko kandidatire ya Vincent Karega yemerwa, inzego z'u Bubiligi ari bwo zasabye ko u Rwanda rwamusimbuza undi muntu.

Perezida Kagame yakomeje avuga ko amaherezo u Rwanda rwaje gusobanukirwa ko hari izindi mpamvu zihishe inyuma y'iki cyemezo cy'u Bubiligi.

Ati 'Twasobanukiwe ko bagiwe mu matwi n'ubutegetsi bwa Kinshasa barabwumvira, kuruta ko babitewe n'indi mpamvu iyo ari yo yose. Ni ibigarara. Vincent Karega yabaye Ambasaderi mu gihugu cyabo mbere yo kwirukanwayo bidafitanye isano n'imyitwarire ye kuko yari ahagarariye u Rwanda, igihugu gifitanye ibibazo na Repubulika Iharanira Demoakarasi ya Congo.'

Umubiligi Bernard Quintin washoboraga koherezwa n'Umuryango w'Ubumwe bw'u Burayi, nk'intumwa yawo mu Karere k'Ibiyaga Bigari.

Iki gikorwa cy'ubugiraneza u Rwanda rwakoze kije nyuma y'aho Perezida Mnangagwa aherutse gutangaza ko umusaruro w'ubuhinzi wa 2023/2024 utabaye mwiza bijyanye n'izuba ryavuye cyane rikica imyaka, bituma ababarirwa muri miliyoni zirindwi bashobora guhura n'inzara.

Amakuru ajyanye n'iyi nkunga yatangajwe na Minisitiri w'Ububanyi n'Amahanga n'Ubucuruzi Mpuzamahanga wa Zimbabwe, Frederick Shava, ubwo yari mu birori byo kwizihiza isabukuru y'imyaka 30 u Rwanda rumaze rwibohoye, byari byateguwe n'Abanyarwanda baba muri Zimbabwe.

Minisitiri Shava yavuze ko ibi bigori babyiteze mu minsi mike igiye kuza, ashimira ubugiraneza bwa Perezida Kagame, Guverinoma y'u Rwanda n'Abanyarwanda muri rusange kubw'icyo gikorwa cyo gushyigikirana.

Ati 'Iki gikorwa cy'ubugiraneza u Rwanda rwakoze ni uburyo bwo kumva neza ubusabe bwa Perezida Mnangagwa, ku bibazo by'amapfa byatewe n'ibiza bya El Nino byabaye mu hagati ya 2023 na 2024.'

Uyu muyobozi yavuze ko Zimbabwe itazigera yibagirwa na rimwe icyo gikorwa gitangaje cyakozwe 'n'abavandimwe bacu b'Abanyarwanda.'

U Rwanda na Zimbabwe bifitanye umubano ukomeye cyane mu nzego zinyuranye, haba mu bya politiki, ubuzima, uburezi, ubukungu n'izindi nzego, Minisitiri Shava akavuga ko nk'uko u Rwanda rwabagiriye neza n'igihugu cye kizabikomeza uko no mu bindi bikorwa.

Ambasaderi w'u Rwanda muri Zimbabwe, James Musoni yavuze ko umubano w'ibyo bihugu utagaragazwa no kugenderanirana hagati y'abayobozi bakuru gusa, ahubwo bishimangirwa n'amasezerano 26 y'ubufatanye mu nzego zitandukanye nk'ubukungu, uburezi, guteza imbere ingufu n'ubutabera.

Urwego rw'ubuhinzi mu Rwanda rukomeje gutezwa imbere umunsi ku wundi, aho nko mu myaka irindwi ishize, umusaruro mbumbe ukomoka kuri bwo wavuye kuri miliyari 2.027 Frw mu 2017 ugera kuri miliyari 3.415 Frw Frw bingana na 88% kuko intego yari miliyari 3.888 Frw.

Ibigori biri mu byagize uruhare rukomeye muri uyu musaruro harimo no guteza imbere ibigori, umusaruro wabyo ukaba ugeze kuri toni 508.492 uvuye kuri toni 358.41 zinjizwaga mu myaka irindwi ishize.

Ibyo bijyana no kwituburira imbuto z'ibinyampeke hagabanywa ikiguzi imbuto zatangwagaho zitumizwa hanze, gahunda yatangiye mu 2018.

Muri icyo gihe rwashoboraga nko gutumiza imbuto y'ibinyampeke nk'ibigori, ingano na soya bigera kuri toni ibihumbi 3000, ibyatwaraga agera kuri miliyari 5 Frw buri mwaka.

Kuri ubu ibintu byarahindutse kuko kugeza ubu iyo ngano yatumizwaga hanze, inganda zitubura imbuto mu Rwanda zayikubye inshuro eshatu, aho u Rwanda rushobora kwituburira imbuto ya Soya, ibigori n'ingano zingana na toni 9000.

Minisitiri w'Ububanyi n'Amahanga n'Ubucuruzi Mpuzamahanga wa Zimbabwe, Frederick Shava yashimiye u Rwanda ku bw’inkunga ya toni 1000 z’ibigori rwemereye igihugu cye

Ambasaderi w'u Rwanda muri Zimbabwe, James Musoni yagaragaje ko u Rwanda na Zimbabwe bifitanye umubano uhamye bityo ko ari ngombwa gushyigikirana no mu bihe by’ibibazo

Abanyarwanda baba muri Zimbabwe bizihije isabukuru y’imyaka 30 u Rwanda rumaze rwibohoye

Byatangajwe mu igazeti ya Leta yasohotse ku wa 9 Nyakanga 2024, rikubiyemo iteka rya Minisitiri w'Umutekano imbere mu gihugu ryo ku wa 8 Nyakanga 2024 risezerera nta mpaka ba su-ofisiye n'abapolisi bato muri Polisi y'u Rwanda.

Iteka rya Minisitiri w'Umutekano rikomeza rigaragaza ko abo bapolisi basezerewe muri Polisi y'u Rwanda nyuma y'uko Inama y'Abaminisitiri yateranye ku wa 22 Gicurasi 2024 imaze kubisuzuma no kubyemeza.

Mu byo abapolisi 115 basezerewe nta mpaka muri Polisi y'u Rwanda bakoze harimo guta akazi nk'uko iteka rya Minisitiri ribisobanura.

Ku ruhande rw'abapolisi bato na ba su-ofisiye 88 birukanwe muri Polisi y'u Rwanda, Iteka rya Minisitiri risobanura ko byakozwe kubera bakoze amakosa y'akazi akomeye.

Itegeko rigena ububasha, inshingano, imitunganyirize n'imikorere ya Polisi y'u Rwanda riheruka gutorwa riteganya ko igihe Ofisiye umaze iminsi irenga 15 ikurikiranye ataboneka mu mutwe abarizwamo nta mpamvu yumvikana, aba akoze icyaha.

Iyo abihamijwe n'urukiko, ahanishwa igifungo kitari munsi y'umwaka umwe ariko kitarenze imyaka ibiri.

Ni mu gihe utari ofisiye umaze iminsi irenga 15 ikurikiranye atari mu mutwe abarizwamo nta mpamvu yumvikana, aba akoze icyaha.

Iyo abihamijwe n'urukiko, ahanishwa igifungo kitari munsi y'amezi atandatu ariko kitarenze umwaka umwe.

Mu bijyanye n'impamvu nkomezacyaha, iyo Ofisiye cyangwa utari Ofisiye wahamijwe n'urukiko gukora icyaha cyo gutoroka yarenze imipaka y'u Rwanda cyangwa yatorokanye imbunda cyangwa ibindi bikoresho bya polisi; ahanishwa igifungo kitari munsi y'imyaka itatu ariko kitarenze imyaka itanu.

Aya masezerano yasinyiwe ku Kicaro Gikuru cya Bboxx i Kigali tariki 10 Nyakanga 2024.

Ateganya ko Total Energies isanzwe icuruza ibitanga ingufu izajya itanga gaz naho Bboxx yo igatanga igikoresho kizwi nka 'Smart Cylinder Locking Valve (CLV)' gifasha uwayiguze kwishyura mu byiciro kugira ngo abashe gukomeza kuyikoresha.

Iyo gaz n'ibikoresho byayo byose kongeraho 'Smart Cylinder Locking Valve' bizajya bihabwa umukiliya ubishaka yishyure amafaranga 40% y'agaciro kose andi 60% yishyurwe na nkunganire.

Ibyo umukiliya azajya yishyurira rimwe ariko ntiharimo amafaranga ya gaz kuko yo azajya ayishyura mu byiciro aho mu minsi 30 azajya atanga 780 Rwf buri munsi.

Iminsi 30 nirangira gaz idashize azajya akomeza kuyikoresha kugeza ishizemo ariko kwishyura byo byararangiye. Ibyo bizajya bigenzurwa na ya 'Smart Cylinder Locking Valve' twagereranya na mubazi ishyirwa ahajya agakoresho kazwi nka 'regulateur' ku macupa ya gaze.

Mu gihe hatabayeho kwishyurira igihe muri iyo minsi 30 gukomeza gucana ntibizajya bishoboka.

Umuyobozi w'imishinga no guhanga udushya muri Bboxx, Kamali John yavuze ko ubu buryo bugamije gufasha abatabonera rimwe ubushobozi bwo kugura gaz yo gutekesha cyangwa abagikoresha ibindi bicanwa nk'amakara.

Umuyobozi Mukuru akanaba umwe mu bashinze Bboxx, Mansoor Hamayun yavuze ko gufasha abantu koroherwa no guteka birokora ubuzima bwa benshi.

Yagize ati 'Kwagurira ibikorwa byacu mu buryo bwo guteka bugezweho ni umwe mu mishinga migari igize intego yacu yo kuzana ibicuruzwa na serivisi nziza ku baturage b'amikoro make. Twishimiye gukorana na Total Energies mu Rwanda.'

Bboxx yatangije 'Smart Cylinder Locking Valve' umwaka ushize n'uburyo ikoresha bwo kwishyura bwa PayGo' kugira ngo bifashe imiryango myinshi kubona uburyo bwo guteka butangiza ibidukikije.

Iyo tubirebeye mu ishusho ngari dusanga kubona ibikoresho bifasha guteka mu buryo bugezweho bigira uruhare mu kurengera ubuzima bwa benshi'.

Ronan Masseron Uhagarariye Total Energies mu Rwanda we yagize ati 'Binyuze mu bufatanye bwo guhanga udushya turi gushyiraho uburyo bwiza bufasha guteka mu buryo bugezweho mu Rwanda n'ahandi.'

Yakomeje agira ati 'Guhuriza hamwe ikoranabuhanga Bboxx isanganwe n'umuhate wa Total Energies mu gukora mu buryo burambye, birenze gutanga gaz yo gutekesha ahubwo turi kongera imbaraga mu bukungu n'ubuzima bwiza ku bantu babarirwa mu bihumbi'.

Bboxx ni sosiyete mpuzamahanga isakaza ingufu zitangiza ibidukikije ikorera mu Rwanda kuva mu 2013, aho ifite amashami arenga 20 mu Gihugu. Ibikorwa byayo bifasha abaturage bagera kuri miliyoni 3.6 mu bihugu bigera ku icumi ikoreramo haba muri Afurika, Asia n'u Burayi.

Ibikorwa bya Bboxx kandi bihuje neza n'intego 11 muri 17 z'Iterambere Rirambye zashyizweho n'Umuryango w'Abibumbye.

Ni mu gihe Total Energies yo ari ikigo gicuruza ibicuruzwa binyuranye bitanga ingufu mu bihugu bigera ku 120 ku Isi. Gifite abakozi bagera ku bihumbi 100 bakorera abakiliya bagera kuri miliyoni umunani buri munsi bagana serivisi zacyo zitandukanye ku mashami 1500 gifite hirya no hino ku isi.

Abayobozi ku mpande zombi bashyira umukono ku masezerano

Isinywa ry’aya maserano ryitabiriwe n’abayobozi batandukanye ku bigo byombi

Abakozi ba Bboxx bari bitabiriye isinywa ry’aya masezerano

Kamali John yavuze ko ubu bufatanye bugamije gufasha abatabonera rimwe ubushobozi bwo kugura gaze yo gutekesha cyangwa abagikoresha amakara

Smart Cooking Valve ishyirwa kuri ku icupa rya gaz igafasha mu kugenzura uko nyirayo ayikoresha n’uko ayishyura

Ronan Masseron Uhagarariye Total Energies mu Rwanda yavuze ko ubufatanye bw’ibigo byombi burenze gutanga gaze yo gutekesha ahubwo ko ari no kongera imbaraga mu bukungu n'ubuzima bwiza ku bantu benshi

Umuyobozi ushinzwe ibikorwa muri Bboxx, Laurent Van Houcke yavuze ko gufasha abantu koroherwa no guteka birokora ubuzima bwa benshi

Umuyobozi ushinzwe ibikorwa muri Bboxx asobanura ku mikorere y’iyi sosiyete

Ku wa Gatatu tariki, 10 Nyakanga 2024, kuri sitade ya Kamena, iherereye mu Karere ka Huye, habereye imikino ya nyuma y’amarushanwa y’umupira w’amaguru mu bagabo ndetse n’abagore, yari agamije kongerera ubumenyi abaturage kuri 'Gahunda ya Leta yo guhangana n’imihindagurikire y’Ibihe’ yiswe, 'Climate change & NDCs Awareness Campaign through Football Competition 2024', ku rwego rw’Intara y’Amajyepfo.

Ni amarushanwa yateguwe n’umuryango Nyarwanda utari uwa Leta wita ku bidukikije, guteza imbere ubuhinzi no kurwanya ubukene (APEFA), ku bufatanye na GIZ, Ikigo nterankunga cy’Abadage, Intara y’Amajyepfo n’uturere tiyigize.

Mu bayobozi batandukanye bitabiriye isozwa ry’iyi mikino barimo; Guverineri w’Intara y’Amajyepfo, Kayitesi Alice, Cyeza Beatrice, Umuyobozi mukuru ushinzwe Ibidukikije n’Imihindagurikire y’Ibihe muri Minisiteri y’Ibidukijije ndetse n’abayobozi bose b’Uturere tugize Intara.

Mu bagabo ikipe y’Umurenge wa Ngoma yari ihagarariye Akarere ka Huye yegukanye igikombe itsinze ku mukino wa nyuma ikipe y’Umurenge wa Kaduha yari ihagarariye Akarere ka Nyamagabe igitego 1-0.

Mu bagore, ikipe y’Umurenge wa Nyarubaka yari ihagarariye Akarere ka Kamonyi yegukanye igikombe itsinze ikipe y’Umurenge wa Busasamana yari ihagarariye, Akarere ka Nyanza ibitego 2-0.

Guverineri w’Intara y’Amajyepfo, Kayitesi Alice, yashimiye umufatanyabikorwa, APEFA kuba yarabashije gukora ubukangurambaga bugamije kongerera ubumenyi abaturage kuri 'Gahunda ya Leta yo guhangana n’imihindagurikire y’Ibihe’.

Ati 'Turashimira umufatanyabikorwa APEFA, kuba yarazanye ibyishimo mu baturage bacu kubera iyi mikino. Aya marushanwa yadufashije cyane abaturage bacu kugira ubumenyi bwisumbuye ku bijyanye n’imihindagurikire y’ibihe ndetse no kumenya uruhare rwabo.'

Yasabye abaturage kurushaho kwita ku kubungabunga ibidukikije, batera ibiti, birinda kubisarura biteze, gukora ubuhinzi buhangana n’imihindagurikire y’ibihe, bacukura imirwanyasuri ndetse no gukoresha Imbabura zigabanya ibicanwa.

Cyeza Beatrice, Umuyobozi mukuru ushinzwe Ibidukikije n’Imihindagurikire y’Ibihe muri Minisiteri y’Ibidukijije, wari ihagarariye Minisitiri, yagize ati 'Ubutumwa dufite uyu munsi, ni ukubibutsa kurengera ibidukikije ndetse no gufata ingamba zo guhangana n’imihindagurikire y’ibihe.'

Umuyobozi Nshingwabikorwa wa APEFA, Nzabonimpa Oscar, yashimiye yashimiye Ubuyobozi bw’Intara y’Amajyepfo ndetse n’ab’Uturere twose tw’Intara, ku mikinoranire myiza ari nayo yatumye intego y’uyu mushinga igerwaho.

Nzabonimpa akaba yashimiye umufatanyabikorwa wa GIZ, kuba yarateye inkunga uyu mushinga, aboneraho kuyigaragaza ko hakiri n’ibindi bice by’igihugu nabyo bikeneye ubu bukangurambaga kuri 'Gahunda ya Leta yo guhangana n’imihindagurikire y’Ibihe’

Ati 'Turasaba umufatanyabikorwa wacu, GIZ ko yadufasha kwagura ibi bikorwa no mu zindi Ntara cyane cyane mu Burengerezuba, ikunze kwibasirwa n’ibiza, Intara y’Amajyaruguru ndetse n’Intara y’Iburasirazuba yo igenda yibasirwa n’ubutayu.'

Markus Maier, Umuyobozi wa Porogarame muri GIZ, yashimiye APEFA, kubukangurambaga yakoze mu Turere tw’Intara y’Amajyepfo. Yagize ati 'Ndashimira APEFA kuba yarahisemo gukora ubu bukangurambaga bunyuze mu mikino, buhuriza hamwe abantu benshi kandi ndizera ko bizatanga umusarururo bityo intego y’umushinga ikaba yaragezweho.'

Aya marushanwa yari yatangiriye ku rwego rw’imirenge, akabera mu turere twose (8), tugize Intara y’Amajyepfo, yatangijwe ku mugaragaro, tariki 10 Gicurasi 2024.

Ikipe ya mbere mu bagabo n’abagore yahawe imidali ya zahabu n’igikombe giherekejwe na sheki y’amafaranga y’u Rwanda ibihumbi 700. Ni mu gihe ikipe zabaye iza kabiri zahawe imidali y’umwanya wa kabiri ndetse na sheki y’amafaranga y’u Rwanda ibihumbi 400.

Mu bagabo yegukanywe na Ngoma

Mu bagore yegukanywe na Nyarubaka

Kaduha yabaye iya kabiri mu bagabo

Umurenge wa Ngoma wa Huye wegukanye igikombe

Mu bagore Busasamana yabaye iya kabiri

Mu bagore Nyarubaka yegukanye igikombe

Igikombe bakiniraga

Bahawe imidari

Hari abayobozi batandukanye

Beatrice Cyiza, umuyobozi mukuru ushinzwe Ibidukikije n’Imihindagurikire y’Ibihe muri Minisiteri y’Ibidukikije

Umuyobozi Nshingwabikorwa wa APEFA, Oscar Nzabonimpa

Meya w’Akarere ka Huye, Ange Sebutege

Guverineri w’Intara y’Amagepfo, Alice Kayitesi

Ngoma yishimira igikombe

Nyarubaka mu bagore ni yo yegukanye igikombe

Myugariro wa APR FC, yavuze ko Azam FC batomboye na Pyramids iri mu nzira ya bo yanabakuyemo umwaka ushize yombi ari amakipe akinika atabateye ubwoba.

Ni nyuma y’uko ejo hashize APR FC mu ijonjora rya mbere muri CAF Champions League yatomboye Azam FC yo muri Tanzania, yayitsinda ikaba izahura ya Pyramids FC yo mu Misiri yabasezereye umwaka ushize ibanyagiye.

Niyigena Clement akaba yavuze ko Azam na Pyramids ari amakipe bubaha ariko na none badatinya kuko akinika, baba bafite amaguru abiri kuri abiri.

Ati “Ni ikipe zose zikinika (Azam na Pyramids) ni abakinnyi 11 kuri 11, ni amaguru abiri kuri abiri, zigomba gukinika nk’uko natwe tuba twakinika. Imikino ya Champions League iba ikomeye, birasaba ko dushyiramo imbaraga kugira ngo tubone umusaruro mwiza.'

Ubu APR FC iri muri CECAFA Kagame muri Tanzania aho irimo kwitegurira umwaka w’imikino wa 2024-25 harimo na Champions League izatangira mu kwezi gutaha kwa Kanama 2024.

Niyigena Clement yavuze ko Azam na Pyramids zikinika

'Gatanya' ni kimwe mu bisigo bigize Album ya kabiri ‘Era’ y'umusizi Rumaga aherutse kumurika inshuti ze za hafi. Ariko ibisigo bigize iyi Album yanabishyize ku rubuga rwa www.sigarwanda.rw aho buri wese ashobora kujyaho akabyumva.

Iyi Album yayishyize hanze nyuma y'uko umwaka ushize yakoze igitaramo gikomeye cyabereye muri Kigali Conference and Exhibition Village ahazwi nka Camp Kigali, yamurikiyemo Album ye ya mbere yise 'Mawe' iriho ibisigo 10.

Mu gihangano cye yise 'Gatanya' yibanze cyane ku kugaragaza uburyo hari ingo zihora mu ntonganya ziganisha ku guhana 'Divorce'- Ariko kandi abakinnyemo basoza bagaragaza ko gatanya atari wo muti wa nyuma hagati y'abantu biyemeje kubana ubudatana.

N'ubwo uyu musizi yagiye agaragaza ko Ismael Mwanafunzi ari umwe mu bifashishijwe muri iki gisigo, ariko ntagaragara mu mashusho yacyo, kuko yasimbujwe undi muntu mu ifatwa ry'amashusho yacyo (Video).

Mu kiganiro na InyaRwanda, Rumaga yavuze ko kuba Ismael Mwanafunzi atagaragara muri ibi bice byombi by'iki gisigo byaturutse ku mwanya we no kuba nawe mu busanzwe adakunda kugaragara kuri Camera nk'uko yagiye abigaragaza mu bihe bitandukanye.

Ati 'Twaraganiriye uriya mubyeyi nawe uramuzi ibintu bijyanye n'amashusho ubanza utarabyihishe gusa nawe byaramwihishe. Rero yambwiye ko byamugora, kandi atakifuza kwangiza ibintu twakoze.'

Yavuze ko nyuma y'ibi biganiro bagiranye nibwo yanzuye gushaka usimbura Ismael Mwanafunzi muri ibi bice bibiri by'iki gisigo. Ati 'Niko kumwumva nanjye rero mfunda imitwe ahandi, uroye ntayindi mpamvu idasanzwe rwose.'

Rumaga avuga ko ibisigo byinshi biri kuri iyi album ‘bivuga cyane ku buzima bwo mu mutwe’. Ati “Ni imizimizo, ubuse, ubwihebe n’urukundo ariko byose bikora ku buzima bwo mu mutwe. Ubuzima bwo mu mutwe ni wo mutwe w’ubuzima, rero tugaburire mu mutwe niba dushaka kwera amagara.”

Yayihaye ibisobanura bitatu! Uyu musizi avuga ko igisobanuro cya mbere cy’ijambo ‘Era yitiriye Album, ari ukubwira abantu gutanga umusaruro cyangwa se kwera.

Ati “Iyo ‘Era’ ya mbere ivuga kwera, ‘Era’ ya kabiri ivuga intambwe cyangwa igihe runaka cy’ubuzima, igisobanuro cya Gatatu cya ‘Era’ ni ukwezwa n’amaraso ya Kristo, ariko twebwe mu Rwanda twejejwe n’amata, ni ukuvuga ngo ba (kuba) intungane, nicyo gisobanuro.”

Ni album avuga ko ariho ibisigo 12 bitarajya hanze, ikagira na ‘Intro’ na ‘Outro’. Iriho indirimbo z’abahanzi bakomeye mu Rwanda ndetse n’abandi bo mu mahanga ‘barimo n’abandi abantu batari bazi’. Ni ubwa mbere azaba ashyize hanze ibisigo yakoranye n'abahanzi bo mu mahanga.

Rumaga yasobanuye ko iyi Album yahisemo kuyishingira ku bihangano bigaruka ku buzima bwo mu mutwe kubera ko 'bisa nk'aho hari gutakaza ubuzima ku kiremwamuntu.'

Yungamo ati 'Ibisigo byose biriho bikoze mu buryo musanzwe mutamenyereye, ikaba ari Album nakoze cyane ngegenera ku buzima bwo mu mutwe. Kuko dusa n'abantu bari kwerekera mu Isi y'imihangayiko y'ubwoko no gutakaza ubuzima bwo mu mutwe.'

Rumaga amaze kwandika indirimbo nyinshi zirimo 'Katapila' ya Bruce Melody, 'Urankunda' ya Juno Kizigenza, 'Bimpame' ya Phil Peter na Marina, 'Amashu' ya Chris Eazy, 'Nibido' ya Christopher, 'Identinte' ya Emmy; 'Tugende' ya Mr Kagame na Dj Marnaud n'izindi.

Rumaga yatangaje ko Ismael Mwanafunzi atagaragaye mu gisigo 'Gatanya' kubera ko atabonetse

Rumaga yifashishije abarimo Clapton, 'Papa Sava' na Dusenge Clenia mu gisigo cye 'Gatanya'

Rumaga ari kumwe n'umukinnyi wa filime Mugisha Emmanuel wamamaye nka Clapton Kibonge

Umukinnyi wa filime Dusenge Clenia wamamaye nka Madederi ari kumwe n’umusore wasimbuye Ismael Mwanafunzi n’ubwo ijwi rye ryumvikana muri iki gisigo 

Umukinnyi wa filime Niyitegeka Gratien wamamaye nka Papa Sava, ni umwe mu bifashishijwe muri iki gisigo 

Muri iki gisigo hifashishijwemo bamwe mu baturage b’ahantu hafatiwe amashusho  

KANDA HANO UREBE AMASHUSHO Y'IGISIGO 'GATANYA' CYA RUMAGA

Kimwe mu bihuriweho ni uko wasangaga myinshi mu miryango irimo abantu bafite ubumuga yo ubwayo yari itarasobanukirwa uburenganzira bwabo, ku buryo yabafataga nk'igisebo ikabahisha bigatuma benshi muri bo bahezwa mu burezi ntibige, bikabagiraho ingaruka z'ubuzima bwabo bwose zirimo no kutabasha guhangana ku isoko ry'umurimo kubera ubumenyi buke.

Mu myaka irindwi ishize, ibyo byarahindutse ku buryo mu byimakajwe mu mibereho y'abantu bafite ubumuga bw'ubwoko bwose, hitawe cyane ku kuba bajya kwiga hanashyirwa imbaraga mu gushaka ibikoresho by'umwihariko bakeneye mu burezi.

Ku ikubitiro, mu 2020 Ikigo cy'Igihugu cy'Uburezi (REB) cyatangaje ko cyamaze kwinjiza inyandiko ya 'Braille' ikoreshwa n'abafite ubumuga mu nteganyanyigisho nshya y'amashuri nderabarezi (TTC), mu rwego rwo gutegura abarezi bafite ubushobozi bwo kwigisha buri wese n'ufite ubumuga bwo kutabona.

Ni mu gihe kandi abantu bafite ubumuga bwo kutabona bashyiriweho uburyo bwo kubona inkoni yera ibafasha gukora ingendo bidasabye ko buri gihe baherekezwa n'umuntu udafite ubwo bumuga, ndetse mu Rwanda hakaba haratangiye gukorerwa izo nkoni zifite ikoranabuhanga rihanitse ryitezweho kurushaho kurinda impanuka abafite ubumuga.

Mu kiganiro yagiranye na IGIHE, Niyomugabo Noheli, ufite ubumuga bwo kutabona yagaragaje ko ibi byagize uruhare mu guhindura imibereho y'abafite ubwo bumuga, kuko borohewe no gukora ingendo ku buryo bitabira n'ibikorwa byabateza imbere.

Ati ''Ni byinshi byagezweho muri iki gihe cy'imyaka irindwi ishize, hari ibyo tubona nibura by'ibanze byabonetse ubundi umuntu utabona wabonaga ahura n'imbogamizi nyinshi no mu buzima busanzwe, bityo bigatera ipfunwe ryo guhera mu rugo no guhera mu nzu. Ariko ubu hashyizwemo imbaraga zigaragara. Urugero nko gukora ingendo bisa nk'aho byoroshye, kuko nk'iriya nkoni isa nk'aho yagiye mu igazeti.''

Kubona amavuta abarinda Kanseri y'uruhu byaroroshye

Komezusenge Charles ufite ubumuga bw'uruhu, we ashimira Perezida Paul Kagame ko yagiranye inama n'abo mu Rwanda bafite ubu bumuga bakamugaragariza imbogamizi zo kutoroherwa no kubona amavuta bisiga abarinda Kanseri y'Uruhu ibibasira iyo baviriwe n'izuba, ubu bakaba bayabona ku bwisungane mu kwivuza mu bigo nderabuzima.

Ati ''Ikintu gikomeye nakomozaho ni amavuta twasabye Umukuru w'Igihugu arinda Kanseri y'Uruhu, twisiga mu gihe cy'izuba. Yarayatwemereye kandi uyu munsi twishimira ko abana bafite ubumuga bw'uruhu bari kuyafata ku bwisungane mu kwivuza mu buryo buboroheye aho batuye mu cyaro.''

Ikindi ashimira kandi ni uko abana bafite ubumuga bw'uruhu boroherejwe mu burezi nk'inyandiko z'ibizamini zigashyirwa mu nyuguti nini kuko byabagoraga kubona neza into.

Insimburangingo n'inyunganirangingo byatanzwe ku bwisungane mu kwivuza

Ndayisenga Jean de Dieu afite ubumuga bw'ingingo, ntabwo afite amaguru yombi. Agaragaza ko mu myaka irindwi ishize we n'abandi bafite ubumuga bw'ingingo bishimiye ko ari bwo boroherejwe kubona serivisi y'inyunganirangingo ndetse n'insimburangingo, ku buryo aho bishoboka hari n'abazihabwa ku bwisungane mu kwivuza, mu gihe mbere zabonekaga ku giciro gihanitse.

Ati ''Muri iyi myaka irindwi ishize hari ibintu byinshi byagiye bihinduka kandi byiza, ari na byo navugaga by'insimburangingo. Bazishyize ku bwisungane mu kwivuza birakunda, ubu turi kuzibona.''

Ndayisenga avuga ko kuba afite insimburangingo byamufashishe kwiteza imbere n'ubwo adafite amaguru. Iyo yambaye izo nsimburangingo bimufasha gukora akazi mu by'ubwubatsi karimo gutera inzu amarangi.

Ururimi rw'amarenga mu nzira yo kwemezwa

Mu mpera za 2023, Inama y'Igihugu y'abantu bafite ubumuga yamuritse inkoranyamagambo nyarwanda y'ururimi rw'amarenga, yitezweho gufasha abantu bafite ubumuga bwo kutumva no kuvuga ndetse n'abandi bantu benshi bagorwaga no kubaha serivisi bikabasaba kuba bafite abasemuzi.

Ni nyuma y'ubuvugizi bwagiye bukorwa mu bihe bitandukanye n'abarimo abo mu Muryango Nyarwanda w'Abantu bafite ubumuga bwo kutumva no kutavuga (RNUD), bagaragaje ko nk'abana bafite ubumuga bwo kutumva no kutavuga bagisigara inyuma mu myigire kuko usanga bigishwa n'abarimu batazi urwo rurimi, kumvikana bikagorana.

Akoresheje Ururimi rw'Amarenga, Umuyobozi Nshingwabikorwa wa RNUD, Samuel Munana, yavuze ko izo mpinduka zitanga icyizere cy'ahazaza heza h'abantu bafite ubwo bumuga.

Ati ''Inkoranyamagambo y'Ururimi rw'Amarenga twarayikoze irarangira, imaze kurangira ubu yaganiriwe mu nama y'abaminisitiri mu mwaka ushize wa 2023 muri Nyakanga mu kwezi kwa 12 na none k'uwo mwaka Minisitiri w'Ubutegetsi bw'igihugu na we yayimuritse ku mugaragaro. Iyi rero ni inzira nziza iganisha ku kwemezwa k'Ururimi rw'Amarenga rukoreshwa mu gihugu nk'izindi ndimi, ibi ni ibintu twishimira cyane.''

Samuel Munana kandi yavuze ko no kuba hari abantu babiri bafite ubumuga bwo kutumva no kutavuga bari kwiyamamariza kuzinjira mu Nteko Ishinga Amategeko bigaragaza ko uburenganzira bw'abafite ubumuga bwitaweho ntibahezwe, ndetse na bo bakaba baramaze kubusobanukirwa ku buryo batagiheza nka mbere.

Bashyiriweho uburyo bwo guhabwa akazi ku bwinshi

Buntubwimana Marie Appoline we ufite ubumuga bw'ubugufi bukabije, agaragaza ko mu myaka irindwi ishize benshi mu bikorera basobanuriwe uruhare bakwiye kugira mu guha akazi abantu bafite ubumuga kuko na bo bashoboye, bakaba barabyumvise neza ku buryo basigaye bagaha ugashoboye batamurebeye mu ndorerwamo y'ubumuga afite.

Avuga ko ari umuhamya w'uko ibyo bishoboka kuko mbere yabonaga bagenzi be basuzugurirwa ubumuga bafite bakimwa akazi, ariko ubu bikaba byarahindutse ku buryo na we yagahawe muri imwe muri Hoteli za hano mu Rwanda.

Anashimira kandi ko nk'abana bafite ubumuga bw'ubugufi bukabije boroherezwa mu gihe cy'ibizamini bakongererwa iminota kuko usanga bibagora kwandika vuba kubera ubumuga bafite.

Ubuyobozi bw'Inama y'Abantu bafite ubumuga mu Rwanda (NCPD) mu 2023 na bwo bwahamirije IGIHE ko bwasinyanye amasezerano n' Urugaga rw'Abikorera mu Rwanda, PSF, agamije kugira uruhare mu gukemura ikibazo cy'abantu bafite ubumuga bafite ubumenyi n'ubushobozi bwo gukora ariko ntibahabwe akazi.

NCPD kandi yagaragaje ko ayo masezerano yatangiye gutanga umusaruro, kuko mu bihe bitandukanye nyuma yo kuyasinya PSF yagiye isaba urutonde rw'amazina y'abantu bafite ubumuga n'akazi bashobora gukora, kugira ngo bagahabwe.

Umuyobozi w'Ihuriro ry'Imiryango y'Abantu bafite ubumuga mu Rwanda (NUDOR), Dr. Mukarwego N. Betty akaba anafite ubumuga bwo kutabona na we yashimangiye ko mu myaka irindwi ishize hari byinshi byakozwe mu guteza imbere imibereho y'abantu bafite ubumuga, ibyatumye na bo bitinyuka bagatangira kugaragaza ibyo bashoboye.

Mu bindi yakomojeho ni uko ari intambwe ikomeye kuba mu Rwanda haranashyizweho Umuryango w'Abantu bafite ubumuga bukomatanyije batumva, batavuga ndetse ntibabone, ku buryo byoroshye kumenya iby'ibyo bakeneye ndetse n'inzira zakoreshwa ngo bigerweho.

Ibyifuzo byabo kuri manda izakurikiraho

Muri abo bose bafite ubumuga baganiriye na IGIHE, bishimiye ibyagezweho mu myaka irindwi ishize by'umwihariko mu mibereho yabo.

Gusa bakomoje ku kuba muri manda ikurikira hakomeza gushyirwa imbaraga mu itangwa ry'akazi na bo bakakabona, kuko usanga hari benshi muri bo bamara kwiga ndetse bafite ubumenyi n'ubushobozi bwo gukora, ariko hakaba hari aho bagihezwa hashingiwe ku kuba bafite ubumuga gusa.

Umuyobozi Nshingwabikorwa wa RNUD, Samuel Munana, yavuze ko abafite ubumuga bwo kutumva no kutavuga bishimira iyemezwa ry’Inkoranyamagambo y’Ururimi rw’Amarenga

Umuyobozi wa NUDOR, Dr. Mukarwego N. Betty, yavuze ko hakozwe byinshi mu myaka irindwi ishize mu kubahiriza uburenganzira bw’abantu bafite ubumuga

Komezusenge Charles ufite ubumuga bw'uruhu, we ashimira Perezida Paul Kagame ko yabahaye amavuta abarinda Kanseri y’Uruhu

Abafite ubumuga bw’ingingo boroherejwe kubona inyunganirangingo zirimo n’amagare bakoresha

Abantu bafite ubumuga bw’uruhu bishimira ko boroherejwe kubona amavuta abarinda Kanseri y’uruhu

Guhabwa inyunganirangingo ku bwisungane mu kwivuza byakuye mu bwigunge abafite ubumuga bw’ingingo

Inyunganirangingo zisigaye ziboneka ku bwisungane mu kwivuza