Category: Uncategorized

Yabigarutseho kuri uyu wa Gatanu tariki 12 Nyakanga 2024, ubwo yiyamamarizaga kuri Site ya Bumbogo mu Karere ka Gasabo. Ni mu gihe kuri uyu wa Gatandatu tariki 13 Nyakanga 2024 ategerejwe kuri site ya Gahanga mu Karere ka Kicukiro ho mu Mujyi wa Kigali.

Ni nyuma y’uko yiyamamarije mu turere twa Musanze, Rubavu, Ngororero, Nyamasheke, Gakenke, Nyarugenge, Nyagatare, Kayonza n’ahandi hanyuranye. Kuri Site ya Bumbogo hari hateraniye abantu barenga ibihumbi 300 biganjemo urubyiruko n’abandi bo mu tundi turere bari bagiye gushyigikira umukandida w’umuryango FPR-Inkotanyi.

Yabaze inkuru y'ubuzima bwe, nyuma y'uko Umunyamabanga wa Leta muri Minisiteri y’Uburezi, Irere Claudette n'Umunyamabanga wa Leta muri Minisiteri y’Ubuzima, Dr Yvan Butera, bavuze ku nkuru z'ubuzima banyuzemo kugeza ubwo bisanze muri Guverinoma.

Ati 'Yvan yatahutse afite imyaka ine, njye nahunze mfite imyaka ine ariko uko tungana kosa tugahurira hano tukongera kubaka igihugu cyacu. Irere na we wajyaga afata umunyenga muri 'lift' yo muri Minisiteri ubu ayobora. Ushobora kwibwira ngo hari uwabikurikiranaga atuma bimera gutyo, ntabwo aribyo. Ni byo ku ruhande rwa politiki, ku bw'igihugu gishyize imbere abacyo ntawe dushyize inyuma.'

Paul Kagame yavuze ko mu bihe bitandukanye yagiye agenderera u Rwanda, rimwe na rimwe yasuye abo mu muryango we.

Yavuze ko mu 1977 na 1978 no mu ntangiriro za 1979 yasuye u Rwanda. Muri icyo gihe yabaga mu Kiyovu aho yabaga ku mugabo bafitanye isano witwa Muyango Claver wakoraga muri Minisiteri y’Ubuzima.

Muyango ni umwe mu banyarwanda bize muri Czechoslovakia. Ariko ubwo yari asoje amashuri, ubuyobozi bwariho bwamwangiye kugaruka mu gihugu ‘kubera icyo baricyo’. Ariko hashize igihe we n’abo bari bakumwe batashye mu Rwanda biteguye icyo ari cyo cyose.

Babiri mu bari bazanye na Muyango mu Rwanda barishwe. Ariko hashize igihe Muyango yahawe akazi muri Minisiteri y’Ubuzima.

Kagame yavuze ko kenshi uko yazaga mu Rwanda yabaga mu rugo rwa Muyango rwari hafi y’ahahoze Ambasaderi ya Zaire mu Kiyovu- Aho ni naho ‘nabaga mu nzu ya Leta hariya mu Kiyovu’. Yavuze ko kubera gutura mu Kiyovu byatumye amenya cyane Umujyi wa Kigali.

Kagame yavuze ko umunsi umwe yavuye mu rugo rwa Muyango akora urugendo anyura kuri Ambasade ya Zaire kandi haruguru y’aho hari amazu y’ababiligi.

Yavuze ko yahanyuze n’amaguru afite agatabo asoma mu rwego rwo kujijisha. Yanyuze kuri iyo Ambasade agana aho Ababiligi bari batuye ugana kuri Plateaux.

Kagame yavuze ko muri uwo mwanya umujandarume yamubonye aramuhamagara, ariko amwima amatwi ahugira mu gusoma agatabo.

Ati “Nakomeje kugenda, ndabanza ndamwihorera, yari yambaye inkweto z’abasirikare zirimo ibyuma numva ari kwambuka umuhanda ansanga, ati we ni wowe mbwira, noneho ndahindukira ndamubwira, nti ninjyewe wavugaga, ati yego…”

Kandia-Perezida, Paul Kagame yavuze ko yabaye nk’uwirengagiza uriya mujandarume, maze ariruka cyane aramusiga nubwo yari amukurikiye. Yavuze ko yanyuze kuri Ambasade y’Abafaransa, ubundi agera mu nzu kwa Muyango.

Yavuze ko yaje kwisanga atuye mu nzu bamubuzaga kugerageho. Ati “Hanyuma karabaye, naje kwisanga ntuye muri iyo nzu.”

Kagame yavuze ko Politike ya FPR ishyira mu ngiro ‘uko amateka akwiye kuba yandikwa’. Yavuze ko uyu muryango waharaniye ukuri kw’abanyarwanda, kandi ari intego batazatezukaho.

Ati 'FPR yaharaniye ukuri kw'Abanyarwanda, hari uko bivugwa ko hari abari hanze mu buhunzi, ba twebwe, ariko hari n'abandi benshi bari mu gihugu na bo bari bameze nk'aho ari impunzi kandi bari iwabo. Iyo politiki igomba guhinduka kandi yarahindutse ariko yahindutse ku maraso y'abantu ntabwo ari politiki yo gukinisha ndetse nabashimira mwebwe nk'Abanyarwanda ko iyo politiki mutayikinisha, abayikinisha ni abo hanze bashinyagura.'

Chairman w'Umuryango FPR-Inkotanyi, Paul Kagame yavuze uburyo umujandarume yigeze kumwirukana mu Kiyovu ari naho yaje gutura

Paul Kagame yavuze ko Politike ya FPR ishyira mu ngiro ‘uko amateka akwiye kuba yandikwa’

Kandida-Perezida Paul Kagame yavuze ko FPR Inkotanyi yahinduye amateka ya politiki mbi yaranze u Rwanda

Kuri uyu wa Gatanu, Paul Kagame yiyamamarije kuri Site ya Bumbogo mu Karere ka Gasabo

Paul Kagame yizeje abaturage bo mu Karere ka Gasabo kubaha umuhanda wa kaburimo ugera i Bumbogo, natorerwa kuyobora u Rwanda

KANDA HANO UMVE IJAMBO PAUL KAGAME YAVUGIYE MURI GASABO

 “>

Inkunga izasaranganywa imishinga 500 yo mu gihugu hose, ba nyirayo amafaranga akazajya abageraho binyuze muri banki zizafatanya na EADB nka Banki y'Amajyambere y'u Rwanda, BRD, Duterimbere Imf Plc, AB Rwanda Plc na Letshego Rwanda.

Izo banki zizajya zitanga inguzanyo zishyurwa ku nyungu itaremereye ku mishinga iri mu buhinzi, ubwikorezi, ubucuruzi n'inganda.

Umunyamabanga wa Leta ushinzwe ishoramari rya leta muri Minisiteri y'Imari n'Igenamigambi, Mutesi Linda Rusagara yagaragaje ko imishinga mito n'iciriritse igira uruhare rukomeye mu iterambere ry'igihugu bityo ko ikwiriye gushyigikirwa.

Yabishimangije ko iyo mishinga iha akazi ubu abarenga miliyoni 2,5 ikagira uruhare rukomeye mu bijyanye n'imisoro, ari yo mpamvu 'nshimira EADB ku kuyifasha gukura mu buryo bw'imari, no gutanga ubufasha mu bya tekiniki kuri ibyo bigo by'imari bine byo mu Rwanda.'

Ati 'Guteza imbere iyo mishinga mito n'iciriritse, ni gahunda yagutse yafashwe n'u Rwanda cyane ko igira uruhare rukomeye mu musaruro mbumbe w'igihugu no kwimakaza iterambere ry'ubukungu budaheza.'

Umuyobozi Mukuru wa EADB, Vivienne Yeda, yagaragaje uburyo imishinga minini n'imito ari yo ikomeje kuzamura ubukungu bwa Afurika y'Ubuarasirazuba, ari yo mpamvu barajwe ishinga no kuyireza imbere binyuze mu bigo by'imari.

Ati 'Mu myaka 50 ishize, EADB yagize uruhare rukomeye mu kuzamura ubukungu bwa Afurika y'Uburasirazuba binyuze muri gahunda yayo ijyanye n'iby'imari ku buryo za miliyoni z'abaturage bo mu Karere babyungukiyemo.'

Yashimiye u Rwanda ku bwo gushyiraho gahunda ihamye yo guteza imbere iyo mishinga, agaragaza ko ihura n'ibibazo byinshi byo kubona amafaranga yo gukoresha, bityo ko kuyitaho ari ko kwimakaza iterambere ry'ubukungu nyako.

Umuyobozi Mukuru wa BRD, Pitchette Kampeta Sayinzoga yavuze ko bijyanye n'uruhare rw'iyo mishinga mu iterambere ry'igihugu, ari cyo gituma ihora ishaka imari no hanze y'u Rwanda kugira ngo iyo mishinga ifashwe.

Ati 'Twese tuzi ko kubona amafaranga yo kwifashisha mu mishinga itandukanye bitaba byoroshye. Ni yo mpamvu dufatanya n'ibigo birimo EADB kugira ngo iyo mishinga n'abikorera muri rusange bafashwe mu buryo burambye.'

Yunganiwe n'Umuyobozi Mukuru wa DUTERIMBERE IMF PLC, Ngabonziza Alphonse, washimiye EADB ku bw'icyizere yabagiriye nk'umufatanyabikorwa wa nyawe, avuga ko ari intambwe ikomeye itewe mu gukomeza kwimakaza serivisi z'imari zidaheza.

EADB imaze imyaka 57 ishinzwe, mu 1980 yagarutse mu buryo bushya, ihabwa inshingano zo guteza imbere ubufatanye mu iterambere ry'ubukungu mu bihugu byari ibinyamuryango ni ukuvuga, u Rwanda, Uganda, Tanzanie na Kenya.

Uretse gufasha imishinga mito n'iciritse gukura, iyi banki ifite ibiro ku Kacyiru mu Karere ka Gasabo inafasha by'umwihariko imishinga ibungabunga ibidukikije, ingufu zisubira, kurengera ikirere, ibikorwaremezo, ubuhinzi bugamije ubucuruzi, ubukerarugendo n'indi.

Umuyobozi Mukuru wa BRD, Pitchette Kampeta Sayinzoga (ibumoso) n’Umuyobozi Mukuru wa EADB, Vivienne Yeda basinyana amasezerano yo gufasha imishinga mito n’iciriritse yo mu Rwanda

Umunyamabanga wa Leta ushinzwe ishoramari rya leta muri Minisiteri y'Imari n'Igenamigambi, Mutesi Linda Rusagara yavuze ko mu Rwanda imishinga mito n’iciriritse iha akazi abarenga miliyoni 2,5

Umuyobozi Mukuru wa EADB, Vivienne Yeda yavuze ko gufasha imishinga mito n’iciriritse yo mu Rwanda babitewe na gahunda ihamye yo kuyiteza imbere yashyizweho n’u Rwanda

Ni ubutumwa yasangije abari kuri Site ya Bumbogo mu Karere ka Gasabo aho Umuryango FPR Inkotanyi wakomereje ibikorwa byo kwamamaza Paul Kagame, Chairman akaba n'Umukandida wawo mu matora y'Umukuru w'Igihugu yo ku wa 15 Nyakanga 2024.

Ku wa 22 Kanama 2023 Perezida Paul Kagame yakoze impinduka mu bagize Guverinoma, Irere Claudette wari Umunyamabanga wa Leta muri MINEDUC ushinzwe Ikoranabuhanga n'Amashuri y'Imyuga n'Ubumenyingiro (imirimo yari yashyizwemo mu 2020) yagizwe Umunyamabanga wa Leta muri iyo Minisiteri.

Icyo gihe yari avuye ku mwanya na none w'Umunyamabanga Uhoraho muri Minisiteri y'Ikoranabuhanga na Inovasiyo, umwanya yagiyemo mu Ukwakira 2018.

Avuga ku rugendo rwe rwo gukabya inzozi nk'umwana w'umukobwa wahawe amahirwe yo kwiga akayabyaza umusaruro, Minisitiri Irere yavuze ko FPR-Inkotanyi ikimara kubohora igihugu, yari afite imyaka irindwi.

Icyo gihe yabaye umwe muri benshi basubijwe mu ishuri ngo bazabyaze ubwo bumenyi bahawe umusaruro mu guteza imbere igihugu.

Kuko yari atuye ku Kacyiru mu Karere ka Gasabo, yigaga hafi aho ku ishuri ribanza rya Kacyiru, E.P Kacyiru, akabaho muri bwa buzima bw'umwana w'umunyeshuri ukiri muto.

Ni bwa buzima aho yavaga ku ishuri akabanza gutembera, agasura zimwe mu nzego za leta n'iz'abikorera n'ibindi bigo byakoreraga hafi aho.

Ati 'Mu bo nasuraga harimo n'abaturanyi bacu barimo Minisiteri y'Uburezi.'

Irere n'abandi bana bagenzi be ngo bari barabwiwe ko muri iyo minisiteri harimo na 'ascenseur' imwe 'itanga umunyenga', baba batashye bakahanyura, bagakanda icyo cyuma, cyafunguka bakinjiramo, kikabazamura, kikanabasubiza hasi mu buryo bwo kurya umunyenga.

Kuko iyo minisiteri itagiraga uruzitiro, abakozi bayo barabirukankanaga na bo bakirwaho bagatatana banyura mu mpande zose kuko nyine hatari hazitiye, bagacika ababirukansaga.

Icyakora ubu ubuzima bwarahindutse, wa mukobwa wahoraga yirukankanwa n'abakozi ba MINEDUC, ubu yarakuze, ariga, araminuza, ndetse ubu ni umwe mu bayiyoboye.

Irere ati 'Aho najyaga ngiye kurya umunyenga, uyu munsi Nyakubahwa Chairman [Paul Kagame], mwangiriye icyizere, ubu nzamuka ndya umunyenga ariko ngiye mu kazi kugeza uburezi kuri bose. Mwarakoze cyane.'

Irere yavuze uburyo u Rwanda yakuriyemo ndetse akorera, ni ukuvuga urwa nyuma ya Jenoside yakorewe Abatutsi mu 1994, ari igihugu gikunda abana bacyo nta kurobanura, ba bana biga bakanaminuza.

By'umwihariko yavuze ko 'njye mwanampaye buruse njya kwiga hanze ndagaruka, ngaruka narakuze, mva ku gukubagana, munangirira icyizere, ibintu mbashimira cyane.'

Ahamya ko iyi nkuru ye isa n'izindi nyinshi z'Abanyarwanda benshi bakuze bafite indoto zitandukanye uyu munsi bakaba barazigezeho, ku bw'ubuyobozi bureberera bose.

Uyu muhanga mu bya mudasobwa ati 'Twemera neza ko uyu munsi abana bakura bazi neza ko igihugu kibakunda ndetse gishishikajwe n'uko imbere yabo hazaba heza.'

Ku bw'ubudasa bwa FPR-Inkotanyi mu kwimakaza iterambere ridaheza uwo ari we wese, by'umwihariko gusubiza abari n'abategarugori agaciro na bo bakagira uruhare mu iterambere, Minisitiri Irere agaragaza ko nta cyamubuza gushyigikira Umuryango.

Ati 'Noneho reka mbyegereze n'umutima. Nk'abakobwa, abari n'abategerugori, Nyakubahwa Chairman [Paul Kagame] tukuri inyuma 100%. Ku buyobozi bwanyu ni bwo twamenye icyo gukunda u Rwanda bivuze. Twakuriye mu gihugu tuzi ko kidukunda.'

Abaturage b’i Gasabo beretse urukundo Umukandida wa FPR-Inkotanyi ku mwanya w’Umukuru w’Igihugu, Paul Kagame

Abaturage bo mu Karere ka Gasabo berekanye ko nta wundi bazatora uretse, Paul Kagame, Umukandida akaba na Chairman wa FPR-Inkotanyi

Burya ngo ahari umuriro hapfupfunyuka umwotsi! Abavuga ko rutahizamu wa Yanga yo muri Tanzania, Stephane Aziz Ki ari mu rukundo n’umunyamideli wo muri iki gihugu, Hamisa Mobetto wabumva.

Kuri ubu aba bombi bashyize hanze amashusho bari kumwe bakina umupira w’amaguru, hari n’aho agera akagaragaza Mobetto areba Aziz Ki akana ko mu jisho.

Aya mashusho Stephane Aziz Ki uheruka kongera amasezerano muri Yanga, yayaherekeresheje amagambo agira ati “rutahizamu mushya mu murwa”.

Aya mashusho benshi bakaba bayafashe nk’ibishimangira iby’urukundo rwari rumaze iminsi ruvugwa hagati ya bo.

Muri Gicurasi uyu mwaka ni bwo Hamisa Mobetto wabyaranye na Diamond Platnumz watandukanye n’uwari umukunzi we Kevin Sowax ukomoka muri Togo muri Gashyantare 2024, yatangiye kuvugwa mu rukundo n’uyu rutahizamu.

Ahanini byashingirwaga ku mubano wa bo bombi wihariye bafitanye, gusa inshuro zose Mobetto yagiye abazwa ku rukundo rwe na Stephane Aziz Ki ukinira Yanga wavukiye muri Côte d’Ivoire ariko akaba akinira ikipe y’Igihugu ya Burikina Faso, yabiteye utwatsi.

View this post on Instagram

A post shared by ISIMBI TV (@isimbi__tv)

Mobetto na Aziz Ki bongeye gutigisa imbuga nkoranyambaga

Bamaze iminsi bavugwa mu rukundo

Barebana akana ko mu jisho

Mobetto anobagiza agapira

Iki gitaramo cy'urwenya cyahujwe no kwitegura amatora ateganyijwe ku wa Mbere tariki 15 Nyakanga 2024, byanatumye zimwe mu ndirimbo zacuranzwe ndetse n'urwenya rwaganiriweho rwibanze cyane ku gukangurira abantu kuzitabira amatora y'Umukuru w'Igihugu ndetse n'ay'Abadepite ateganyijwe.

Muri iki gitaramo, abanyarwenya barimo Dr Nsabi na Killaman, Isacal, Pilote, Rumi,  Umushumba, Pirate, Cardinal n’abandi bisunze ingingo zinyuranye batembagaje abantu muri iki gitaramo, ni nyuma y’iminsi yari ishize bakora imyiteguro.

Ni ubwa mbere Nsabimana Leonard yari aririmbye mu gitaramo cya Gen-Z Comedy. Yabwiye InyaRwanda, ko ibi ari ibigaragaza y'uko atakiri umuhanzi wo mu Ntara, aho imbibe z'umuziki we zamaze kwaguka.

Ati 'Ni ibintu byanshimishije kubona natumiwe n'abategura 'Gen-z comedy' kuko biracyagaragaza y'uko 'Ndandambara' ntakiri n'umuhanzi wo mu Ntara. Navuga ko natsinze igitego cyo kuba ndi mu bahanzi bafite sinyatire ku ikarita y'u Rwanda bazwi nka 'Ndandambara' binyuze muri iyi ndirimbo nahimbiye Umukuru w'Igihugu.'

Byari biteganyijwe ko aririmba indirimbo eshatu, ariko siko byagenze kubera umwanya. Yagombaga kuririmba 'Ndandambara yandera ubwoba', 'Gurimugwe' ndetse na 'Kungerera'.

Ati 'Ariko umwanya wari wabaye muto, maze nkora gusa indirimbo 'Ndandambara yandera ubwoba' maze abantu barahaguruka mbajyana mu bicu.'

Uyu mugabo yavuze ko yakozwe ku mutima no gutaramira abarimo Minisitiri Utumatwishima muri iki gitaramo cyahawe umwihariko wo kwitegura amatora.

Ati 'Mu by'ukuri uriya mugabo ni inshuti y'abahanzi kuko n'abandi bamwigiraho kubera uburyo ashyigikira abahanzi.'

'Rero kuri njye nka 'Ndandambara' ni ibyishimo bikomeye kuba naririmbye imbere y'inshuti y'abahanzi, Minisitiri Utumatwishima ndetse nawe akaba yahagurutse akanshyigikira.' 

‘Ndandambara’ amaze iminsi aririmba mu bikorwa byo kwiyamamaza ku mukandida w’umuryango FPR-Inkotanyi, Paul Kagame

Nsabimana Léonard wamamaye ku izina rya ‘Ndandambara’ yavuze ko kuririmba muri Gen-Z Comedy byamuhaye icyizere cy’uko atakiri umuhanzi wo mu Ntara

'Ndandambara' yavuze ko yakozwe ku mutima no gutaramira imbere ya Minisitiri Utumatwishima

Fally Merci usanzwe utegura ibitaramo bya Gen-Z Comedy yavuze ko yakozwe ku mutima n'ubwitabire muri iki gitaramo cyahujwe no kwitegura amatora

Amagana y'abantu yakozwe ku mutima n'iki gitaramo cyahujwe no gushishikariza abantu kuzitabira amatora 

Umukinnyi wa filime uzwi nka ‘Nyambo’ ndetse na Titi Brown bavugwa mu rukundo bitabiriye iki gitaramo

Umuraperi Dany Nanone yaganirije abitabiriye iki gitaramo urugendo rwe rwagejeje ku kwinjira mu muziki

Rayon Sports yamaze gusinyisha imyaka ibiri Ishimwe Fiston wari muri AS Kigali nyuma yo gutandukana na APR FC.

Uyu mukinnyi yari amaze iminsi akora igeragezwa muri Gikundiro akaba yaritsinze ndetse yamaze no kuba yayisinyira kugeza muri 2026.

Ishimwe Fiston ukina inyuma ya ba rutahizamu akaba yakiniraga AS Kigali yagezemo muri 2023 ubwo yari amaze kurekurwa na APR FC.

Nyuma yo kugira umwaka mwiza wa 2021-22 muri Marines FC, akaba umukinnyi w’umunyarwanda watsinze ibitego byinshi muri shampiyona, Fiston yahise abengukwa n’ikipe ya APR FC.

APR FC yahise imusinyisha imyaka 2, gusa ntiyayirangije kuko umwaka we wa mbere ntiwagenze neza, abura umwanya wo gukina ndetse n’amahirwe abonye ntiyayabyaza umusaruro.

Byaje gutuma nyuma y’umwaka w’imikino wa 2022-23 yisanga ku rutonde rw’abakinnyi iyi iyi Kipe y’Ingabo z’Igihugu igomba kurekura bakajya gushakira amahirwe ahandi.

Ni bwo yahise yisanga mu ikipe ya AS Kigali yari mu bibazo by’amikoro, yashatse umwanya wo gukina ndetse arawubona n’imikino yakinnye ayitwaramo neza.

Ishimwe Fiston yamaze gusinyira Rayon Sports imyaka 2

Abo bemerewe gukurikirana imigendekere y'amatora ateganyijwe ku wa 15 Nyakanga 2024 ku mukuru w'Igihugu n'abadepite 53% ndetse n'ibyiciro byihariye bizatorwa ku wa 16 Nyakanga 22.

Izo ndorerezi zirimo Abanyarwanda 776 n'abanyamahanga 334 baturutse mu bihigu binyuranye ndetse n'imiryango mpuzamahanga.

Inkuru irambuye mu kanya

Mpayimana ukomeje ibikorwa bye byo kwiyamamaza yagaragaje ko ibyo bihugu byakoze iyononamateka y'u Rwanda hagati y'imyaka 1894 na 1994 ndetse riganisha kuri Jenoside yakorewe Abatutsi.

Abishinja kandi gukingira ikibaba abayikoze bagahungishirizwa muri Repubulika Iharanira Demokarasi ya Congo, RDC.

Uyu mukandida wigenga agaragaza ko atumva uburyo ibyo bihugu byaba byaragize uruhare mu byabaye ariko bikaba bitagezwa imbere y'ubutabera.

Ati 'Dutinya kenshi kubarega kandi niho bigomba kuganisha, tugomba gutangira kubitegura. Hari ibyo bagombaga gukora niba batarabikoze kuki batabibazwa, niba barabikoze mu bundi buryo kuki batabibazwa. Ibyo biri mu mushinga w'ubutabera nteganya ko nashyira imbere.'

Bitandukanye n'izindi Jenoside zemejwe ku ruhando mpuzamahanga, iyakorewe Abatutsi mu 1994 irihariye kuko yakozwe n'Abanyarwanda ubwabo.

Yakoranywe ubugome budasanzwe kuko mu gihe cy'iminsi 100 gusa Abatutsi barenga miliyoni bishwe.

Ibinyejana bishize, bigaragaza ko u Rwanda rwayobowe n'abami. Umwami ni we wabaga ari umuyobozi w'ikirenga mu gihe abaturage bari mu byiciro bitandukanye birimo Abahutu, Abatutsi n'Abatwa ariko bifatwa nk'ibyiciro by'ubutunzi kandi bari babanye neza.

Mu 1899 u Rwanda rwatangiye gutegekwa n'u Budage bwaburukolonizaga nyuma y'intambara ya mbere y'Isi yose bujya mu maboko y'u Bubiligi, abo rero bakaba baragize uruhare mu gutanya Abanyarwanda.

Bigaragazwa ko umuzi wa Jenoside yakorewe Abatutsi ari urwango rwabibwe n'abakoloni bagaragarije Abanyarwanda ko batandukanye bashingiye kuri bya byiciro by'imibereho bari bafite bababibamo amacakubiri.

Si ubwa mbere Umunyarwanda yaba areze u Bubiligi kubera uruhare rwabo no gutererana Abatutsi muri Jenoside yakorewe Abatutsi.

Ku wa 13 Mata 2024, ubwo hibukwaga abanyepolitiki bishwe muri Jenoside yakorewe Abatutsi umukobwa wa Ngulinzira Boniface witwa Yolanda Ngulinzira yagaraje ko nyuma y'imyaka 10 Jenoside ihagaritswe baje gufata icyemezo cyo kurega Leta y'u Bubiligi ndetse n'abasirikare batatu bari bayoboye Ingabo za MINUAR mu Rwanda.

Yavuze ko impamvu zatumye barega u Bubiligi zirimo kuba bwarafashe icyemezo cyo kuvana abasirikari babwo mu ngabo za MINUAR kandi gutaha kwabo bigaha ubukare Jenoside yakorewe Abatutsi.

Yavuze ko bareze u Bubiligi icyaha cyo kuvangura kuko bahungishije abanyamahanga, Abanyarwanda bahigwaga icyo gihe barabatererana.

Hari kandi gutererana Abatutsi bari bahungiye muri ETO Kicukiro, bazi nkana ko bazicwa nibagenda.

U Bubiligi kandi babureze icyaha cyo kugabira abicanyi umubyeyi wabo Boniface Ngulinzira, kuko bamuvanye iwe hamwe n'umuryango we bamubeshya kuwurinda bakawuta ahantu wari ukikijwe n'Interahamwe.

Urubanza rwarabaye ndetse mu Rukiko rw'Ibanze uwo muryango ubasha gutsinda Leta y'u Bubiligi ku cyaha cy'uko ingabo za MINUAR zabasize biturutse ku mabwiriza yatanzwe ngo abasirikare babwo batahe.

U Bubiligi bwaje kujuririra icyo cyemezo cy'urukiko mu rubanza rwakunze gusubikwa mu gihe cy'imyaka itandatu ariko mu 2018 bubasha gutsinda abandi ntibirirwa bajurira kuko batari bizeye kuzabona ubutabera bwuzuye.

Mpayimana Philippe ateganya kurega u Budage, u Bubiligi n'u Bufaransa byononnye amateka y'u Rwanda