Category: Uncategorized

Yabitangaje ku wa 15 Nyakanga 2024, ubwo yari amaze gutorera kuri Site ya Camp Kigali iri mu Kagari ka Biryogo, Umurenge wa Nyarugenge aho biteganyijwe ko hatorera Abanyarwanda 5167.

Mpayimana yavuze ko buri mu kandida yiyemeza kwiyamamaza ari uko yifitiye icyizere bityo ko na we ari uko bimeze icyizere gihari kugeza hatangajwe ibyavuye mu matora.

Ati 'Niyo mpamvu amajwi tugomba kuyagabana byanze bikunze. Nizeye ko aka kanyamuneza mfite kataribuhinduke. Nimugoroba turagira ibyishimo tubisangire n'Abanyarwanda n'abiyemamaje bose. Ni cyo nifuza.'

Nubwo yizeye ko aratsinda amatora, Mpayimana yavuze ko adashaka 100%, ahubwo ashaka gutsinda amatora agashimisha Abanyarwanda akabaha n'urugero rw'imiyoborere myiza.

Gutsindwa no gutsinda amatora biba bishoboka, ariko Mpayimana avuga ko yatsinda cyangwa agatsindwa yiteguye gufasha ngo ibyo yemereye abaturage bishyirwe mu bikorwa.

Ati “Iyo dutangaza ibyo tuzakora tubikora ku mugaragaro. Ndamutse ntsinze ariko simbikore abantu bananyibutsa bati 'ese ko ibyo wemeye kuzakora ko utabikora.' N'undi uzatsinda wese ariko ntazabikore yabazwa impamvu atabishyize mu bikorwa kandi Abaturage barabishimye. Ariko niteguye gufasha ngo ibyo natangaje bishyirwe mu bikorwa.”

Mpayimana yanyuzwe n'imitegurire y'amatora agaragaza ko iyi gahunda yo guhuza amatora y'Abadepite n'ay'Umukuru w'Igihugu, bibaye byiza 'yazahoraho.'

Icyakora ngo nta byera ngo de, 'igisigaye ni uko abaturage bavuga ko batazi abadepite, aho gutorera twagiye tubona ibimenyetso gusa [aho kuba amazina y'abadepite.'

Ati 'Umukandida wigenga ni we ubona ifoto ye ukabona wamumenya. Nubwo abantu bazi amashyaka yabo ariko Abanyarwanda bakeneye kumenya amazina yabo batora.'

Biteganyijwe ko mu ijoro ryo kuri uyu wa 15 Nyakanga 2024 ari bwo itangaza ibyavuye mu matora ya Perezida wa Repubulika, mu gihe ibyavuye mu matora y'Abadepite bizatangazwa ku wa 16 Nyakanga 2024.

Ku gicamunsi cyo ku wa 16 Nyakanga 2024 hazatangazwa iby'ibanze byavuye mu matora rusange y'Abadepite, mu gihe ku mugoroba w'uwo munsi izatangaza by'agateganyo ibyavuye mu matora y'ibyiciro byihariye.

Ku wa 20 Nyakanga 2024 ni bwo NEC izatangaza by'agateganyo ibyavuye mu matora ya Perezida wa Repubulika n'ay'Abadepite, mu gihe bitarenze ku wa 27 Nyakanga 2024 izatangaza amajwi ya burundu yo mu matora ya Perezida wa Repubulika n'ay'Abadepite.

Mpayimana Phillipe aganira n’abaturage bo kuri Site ya Camp Kigali aho yatoreye

Nk’abandi baturage bose Mpayimana Phillipe akaba n’umukandida wigenga ku mwanya w’Umukuru w’Igihugu na we yatonze umurongo

Ubwo Mpayimana Phillippe yageraga kuri Site ya Camp Kigali aje gutora

Umukorerabushake yarebaga niba imyirondoro ya Mpayimana Phillippe ari yo koko

Mpayimana Phillippe na we yatoye

Minisitiri Musabyimana, yabigarutseho ubwo yari amaze gutora Perezida wa Repubulika n'abagize inteko Ishinga amategeko umutwe w'abadepite kuri uyu mbere tariki 15 Nyakanga 2024.

Ubwo yari kuri Site y'Ikigo cy'Amashuri cya Gashangiro II mu Kagari ka Kabeza mu Murenge wa Cyuve mu Karere ka Musanze, ahahurira abaturage bo mu tugari twa Rwebeya na Kabeza two mu Murenge wa Cyuve, Minisiteri Musabyimana yagaragaje ko yishimiye gutora ndetse ashimira abaturage uko bitabiriye ibikorwa byose by'amatora.

Yagize ati “Gutora ni ibintu bishimisha buri wese ukurikije uko bisigaye bitegurwa, ukurikije umutuzo wabaye mu gutegura amatora gushyiraho amategeko, kwiyamamaza n'uburyo abaturage babyitabiriye n'uko bari kwitabira uyu munsi, nk'umuntu ushinzwe imiyiborere y'Igihugu biradushimishije cyane uburyo biri kugenda nanjye ubwanjye by'umwihariko ndishimye kuba maze gutora.”

Yakomeje agira ati “Abaturage ni ukubashimira mbere na mbere uburyo bitabiriye ubutumwa bwabashishikarizaga kwitabira amatora n'uburyo bitabiriye uyu munsi ndetse tukanabashishikariza gukurikira neza ibi bikorwa buri wese agakora ibimureba akarangiza inshingano ze mboneragihugu zo kwitorera abayobozi b'Igihugu mu ituze n'umutekano.”

“Turabasaba kandi gukomeza kwitabira izindi gahunda zose zizakurikiraho kuko nyuma yo gutora hari ibindi babasaba kuko abayobozi bitoreye iyo bamaze kujyaho banakomeza kubafasha kugira ngo Igihugu gikomeze gutera imbere.”

Komisiyo y'Igihugu y'Amatora,NEC yavuze ko iby'ibanze biva mu matora ya Perezida wa Repubulika bitangazwa mu ijoro ryo kuri uyu wa wa 15 Nyakanga 2024, mu gihe ibyavuye mu matora y'Abadepite bizatangazwa ku wa 16 Nyakanga 2024.

Minisitiri Bizimana yishimiye gutora

Minisitiri Musabyimana ubwo yari mu cyumba cy’itora

Biteganyijwe ko Abanyarwanda bari mu cyiciro cy'urubyiruko basaga miliyoni ebyiri ari bo batora Umukuru w'Igihugu ndetse n'Abadepite ku nshuro ya mbere.

Uru rubyiruko rwatangiye gutora ku wa 14 Nyakanga 2024 ubwo Abanyarwanda baba mu mahanga babimburiraga abandi mu gutora.

Mu batoye bwa mbere ndetse ukabona ko byabashimishije barimo na Uwicyeza Pamella usanzwe ari n'umugore w'umuhanzi The Ben, ni umwe mu batoye mu cyiciro cy'Abanyarwanda bari mu mahanga.

Ati 'Amatora yageze ndi muri Tanzania biba ngombwa ko nza gutora umukandida wanjye. Hano turi ni kuri ambasade y'u Rwanda muri Tanzania, ubu maze gutora kandi ndishimye cyane kuko byari inshuro yanjye ya mbere. Nashakaga gushishikariza urubyiruko aho muri hose ko mushobora gutora.'

Mu kiganiro yagiranye n'Ijwi rya Amerika, Gasinzigwa yavuze ko bitari ibyishimo kuri aba batora gusa ahubwo ari ku Banyarwanda bose.

Ati 'Turanezerewe cyane nk'uko bimeze kuri bo. Dufite umubare munini w'abari gutora bwa mbere. Niba ukurikirana ibigezweho nko ku mbuga nkoranyambaga ubona ko babyishimiye, ndetse twabonye umubare w'ababa mu mahanga batoye. Ni byiza kuri twese.'

Uretse Abanyarwanda baba mu mahanga basaga ibihumbi 70 batoye ku wa 14 Nyakanga 2024, kuri uyu wa 15 Nyakanga biteganyijwe ko abakabakaba miliyoni icyenda ko bitabira amatora yo kwihitiramo Umukuru w'Igihugu n'Abadepite 53 baturuka mu mitwe ya politiki n'abakandida biyamamaza ku giti cyabo.

Perezida wa Komisiyo y’Iguhugu y’Amatora, Oda Gasinzigwa yagaragaje uburyo ari ingenzi kwihitiramo abayobozi urubyiruko rudasigaye

Dr Frank Habineza ni umwe mu bakandida bahatanira kwegukana instinzi mu matora y’umukuru w’Igihugu cy’u Rwanda yatangiye kuri uyu wa 14 Nyakanga ku banyarwanda batuye mu mahanga. Ni mu gihe Abanyarwanda batuye mu gihugu bari gutora kuri uyu wa 15 Nyakanga 2024.

Nk’uko n’abandi banyarwanda bafite uburenganzira bwo gutora, Dr Frank Habineza waretse ubwenegihugu bwa Canada akemera kuba umunyarwanda utavangiye, yatoreye mu Mujyi wa Kigali, mu Karere ka Gasabo, Umurenge wa Kimironko, mu Kagari ka Bibare.

Nyuma yo kuva mu cyumba cy’itora, Dr Frank Habineza yabwiye itangazamakuru ko yasoje ibikorwa byo kwiyamamaza afite icyizere cyo gutsinda amatora kandi kugeza magingo aya bitari byahinduka agifite icyizere.

Yagize ati: “Icyizere ndacyagifite, twasoje mfite icyizere cyo gutsindira Ubuperezida kuri 55% ndetse ishyaka ryacu na ryo rizatsinda amatora y'Abadepite, byibura tuzabone 20. Ni cyo cyizere mfite ntabwo ndagitakaza”.

Yashimiye uburyo yakiriwe neza n'abaturage bose aho yagiye kwiyamamaza, ndetse akaba anatoye abona ibintu byose birimo gukorwa mu mucyo no mu bwisanzure. 

'Twazengurutse Igihugu cyose, abaturage baratwishimiye aho twagiye mu gihugu cyose baduhaye n'impano hirya no hino mu gihugu, kandi baranatubwiraga ko bazadutora.'

Dr Frank Habineza yatoreye mu karere ka Gasabo

Dr Frank Habineza yageze kuri site y’itora ari kumwe n’umufasha we

Dr Frank Habineza yavuze ko hari intambwe muri Demokarasi u Rwanda rumaze gutera

 

Umufasha wa Dr Frank Habineza nawe yatoye

Dr Frank Habineza yizeye ku kigero cya 55% gutsinda amatora 

Nyuma y’uko kuwa 14 Nyakanga 2024 abanyarwanda baba hanze batoye Perezida n’Abadepite, ibikorwa by'amatora byakomeje kuri uyu wa 15 Nyakanga 2024 ku banyarwanda bari mu gihugu.

Mpayimana Phillipe uri mu bakandida batatu biyamamariza kuba Umukuru w'Igihugu cy'u Rwanda, yitabiriye aya matora aho yatoreye kuri site yitora ya Camp Kigali mu Karere ka Nyarugenge.

Mu mwaka wa 2017, uyu mugabo utarabashije kugeza amajwi 1%, yavuze ko afite icyizere cyo kugira amajwi yo hejuru mu matora y’uyu mwaka, agaragaza ko nubwo atazagira 100% ariko yifuza ko abo bahatanye bazayagabana kandi yizeye ko ari ko bizagenda.

Ku byerekeranye n'ibyo yagarutseho mu kwiyamamaza kwe azakora naba Perezida birimo nko kuvugurura Kigali Convention Center (KCC), yatangaje ko nubwo atatorwa azakurikirana ko bishyirwa mu bikorwa.

Ati: 'Ndamutse ntsinze, nzabishyira mu bikorwa, ntanabikoze abantu bananyibutsa kuko nabitangaje ku mugaragaro. Ntsinzwe, nabwo uwatsindiye uyu mwanya ni ukumubaza impamvu atabikora kandi Abanyarwanda barabishimye.'

Yagaragaje ko ntacyo yanenga Komisiyo y’Igihugu y'Amatora (NEC), avuga ko ibintu bimeze neza ndetse byihuta, asaba ko bibaye na byiza ubu buryo bwakoreshejwe (bwo guhuza amatora y'Umukuru w'Igihugu n'ay'Abadepite) bwagumaho kuko ari bwiza cyane.

Mpayimana Phillipe wiyamamariza kuba Umukuru w’Igihugu ubwo yageraga kuri site y’itora Ubwo Mpayimana yashyiraga urupapuro rw’itora ahagenewe gushyirwa amajwi ku mwanya w’Abadepite 

Ni indirimbo yashyize hanze kuri uyu Mbere tariki 15 Nyakanga 2024, mu gihe Abanyarwanda b’imbere mu gihugu baramukiye mu matora y’Umukuru w’Igihugu ndetse n’ay’Abadepite.

Ni mu gihe kuri iki Cyumweru tariki 14 Nyakanga 2024, abanyarwanda barenga ibihumbi 70 babarizwa hanze y’igihugu (Diaspora) batoye Umukuru w’Igihugu ndetse n’abadepite.

Biteganyijwe ko kuri uyu wa Kabiri tariki 16 Nyakanga 2024, hazaba amatora y’ibyiciro byiharie, iby’urubyiruko, abagore 30% bazinjira mu Nteko ndetse n’icyiciro cy’abafite ubumuga.

Danny Vumbi yabwiye InyaRwanda ko mu kwandika iyi ndirimbo yitaye cyane ku mahame n’indangagaciro by’Abanyarwanda. Ati 'Nifashishije amahame y'indangagaciro z'abanyarwanda.'

Ni indirimbo bakoze yumvikanisha ibyishimo bya buri wese ushyigikiye umukandida wa FPR-Inkotanyi. Ati “Twatsinze, intsinzi ni iyacu. Ntidusubira inyuma. Gutsinda biraturanga mu mahame. Kuba imbere ni intego mu mahame yacu…'

Danny Vumbi hari aho aririmba agira ati “Imvugo ni yo ngiro mu mahame yacu”, akunganirwa na Butera Knowless ugira ati “Imihigo ihamya intego mu mahame yacu.”

Danny Vumbi akongera ati “Tubahiga mu ntego, tubahiga mu ntambwe, tubahiga mu gutsinda, duhorana ingabo n’inganji.”

Aba bahanzi bombi bahuriza ku kuvuga ko ‘gukunda igihugu’, ‘kwihesha agaciro’, ‘kwerekana ubudasa’ ‘kwigira’ biri mu mahame bubakiyeho nk’umuryango FPR-Inkotanyi.

Butera Knowless ari mu bahanzi baririmbye mu bikorwa byo kwamamaza umukandida w'umuryango FPR-Inkotanyi byabereye kuri Site 18. 

Ni mu gihe yagiye yitabira ibikorwa byo kwiyamamaza kuri Paul Kagame, kandi yakoze indirimbo 'Afande' igaragaza bimwe mu bikorwa yagejeje ku banyarwanda mu myaka 30 ishize.

Danny Vumbi yagiye akorana na Butera Knowless mu bihe bitandukanye, kuko yagize uruhare mu kwandika imwe mu ndirimbo ye iri kuri Album ya Karindwi.

 

Danny Vumbi yavuze ko yanditse iyi ndirimbo ashingiye ku ndangagaciro z'abanyarwanda

Butera Knowless aririmba yumvikanisha ko mu mahame y'abanyarwanda harimo gutsinda

KANDA HANO WUMVE INDIRIMBO 'TWATSINZE' YA DANNY VUMBI NAKNOWLESS

Kuri ubu rero nk'uko byari biteganyijwe, Abanyarwanda babarizwa mu mahanga bo bamaze gutora ku Cyumweru tariki 14 Nyakanga 2024, ndetse bakomeje kugaragaza amarangamutima yabo babinyujije ku mbuga nkoranyambaga.

Abanyarwanda batoreye mu mahanga batoreye kuri site 160 mu bihugu 70, ibyo u Rwanda rufitemo Ambasade muri byo bikaba ari 44. 

Benshi mu banyarwanda batoreye mu mahanga hirya no hino ku isi, bakomeje gushyira amafoto yabo ku mbuga nkoranyambaga zinyuranye bagaragaza ko batoye, ndetse bishimiye kuba bagize uruhare mu kugenda ahazaza h’u Rwanda.

Ni mu gihe abanyarwanda baba mu Rwanda bari kwitabira amatora kuri uyu wa Mbere tariki 15 Nyakanga 2024. Ku mugoroba w’uyu wa Mbere Komisiyo y’Igihugu y’Amatora iratangaza icyerekezo cy’uko amatora yagenze. 

Kuwa 20 Nyakanga 2024 hazatangazwa amajwi y’agateganyo y’ibyavuye mu matora ya Perezida n’ay’Abadepite naho tariki 27 Nyakanga 2024 hatangazwe bidasurwaho uwegukanye umwanya w’Umukuru w’Igihugu ndetse n’Abadepite 80 bagize Inteko Ishinga Amategeko, Umutwe w’Abadepite.

REBA AMWE MU MAFOTO Y’ABANYARWANDA BATOREYE MU MAHANGA:

Umunezero ni wose ku banyarwanda batoreye mu mahanga

Muri Belgique

Mu Bwongereza nyuma y’amatora batangaje ko bishimiye ijwi ryabo mu kugena ahazaza h’Igihugu cyabo

Muri Nouvelle-Zelande

Muri Nigeria

Ambasaderi w’u Rwanda mu Bwami bwa Jordanie, Urujeni Bakuramutsa ari mu bitabiriye ibikorwa by’amatora

Umunyamabanga Mukuru w’Umuryango w’Ibihugu bikoresha Igifaransa Louise Mushikiwabo, ni umwe mu Banyarwanda batuye mu Bufaransa wagaragaje akanyamuneza ko gutora Umukuru w’Igihugu n’Abadepite

Muri Koreya y’Epfo

I Riyadh kuri Ambasade y’u Rwanda muri Arabie Saoudite, Abanyarwanda batuye muri iki gihugu banejejwe no gutora

Muri New Zealand

Ambasaderi w’u Rwanda mu Bushinwa, James Kamonyo yishimiye gutora

Mu Budage

Ambasaderi Claver Gatete

Muri Canada

Muri Suwede

Muri Zimbabwe

Muri Koreya

Muri Quatar

Muri Calfornia muri Leta Zunze Ubumwe za Amerika

Muri Netherlands

Muri Tanzania

I Los Angeles

Muri Columbia

I Pretoria

Rose Mary Mbabazi yatoreye muri Ghana

Umuramyi Aline Gahongayire yatoreye i Burayi mu Bubiligi

AMuri Leta Zunze Ubumwe za Amerika bishimiye gutora Perezida n’Abadepite

Umuhungu wa Kabiri wa Perezida Kagame na Madamu Jeannette Kagame, Captain Ian Kagame amaze iminsi agaragara mu Bajepe babarizwa mu mutwe ushinzwe kurwanya iterabwoba, CTU, aho babaga barinze umutekano Perezida Kagame n’umuryango we.

By'umwihariko, aba bajepe bari bafite inshingano zo gukurikirana imigendekere myiza y'ibikorwa byo kwiyamamaza byabaye kuva tariki 22 Kamena 2024 kugeza tariki 13 Nyakanga 2024.

Cpt Ian Kagame yatoreye kuri site y’itora ya Kagugu mu Karere ka Gasabo mu mujyi wa Kigali aho yagaragaye ari ku murongo ategereje nk'abandi.

Ubwo yari agezweho, yinjiye, babanza kureba kuri lisiti y'itora ko ariho, ubundi mbere yo guhabwa urupapuro rwo gutoreraho Umukuru w'Igihugu, abanza gusobanurirwa uko gutora bikorwa.

Yerekeje mu cyumba cyagenewe gutoreramo [Ubwihugiko], amaze gushyira urupapuro ahabugenewe, yerekeza aho yaherewe urupapuro rwo gutoreraho Abadepite.

Ni umusore wagaragaje kwiyoroshya cyane mu gihe cyo gutora n’ubwo ari mu basirikare bari kwerekana ubudasa kandi bize mu ishuri rikomeye rya Royal Military Academy, Sandhurst UK.

Capt Ian Kagame afite kandi impamyabumenyi y'icyiciro cya Gatatu cya Kaminuza mu Bukungu yakuye muri Kaminuza ya Williams College yo Leta Zunze Ubumwe za Amerika mu 2019.

Amashusho agaragaza Cpt Ian Kagame ubwo yajyaga gutora mu matora akomatanije ay’Abadepiet n’Umukuru w’Igihugu

Abarizwa mu mutwe w’Ingabo zishinzwe umutekano w’umukuru w’igihugu 

Mu bihe byo kwiyamamaza yagaragaye mu bashinzwe umutekano baherekeje Perezida Kagame mu bice bitandukanye by’igihugu yiyamamarijemo

Tariki 14 Nyakanga Abanyarwanda baba mu mahanga ni bo babimburiye abandi batora Umukuru w'Igihugu n'Abadepite, hakurikiraho ab'imbere mu gihugu batora tariki 15 Nyakanga 2024.

Senateri Evode Uwizeyimana yatangaje ko abo mu Burengerazuba bw'Isi bakunda kunenga ko mu Rwanda hari umukandida ugira amajwi arenga 90% nyamara nta majwi ariho umukandida atagomba kurenza.

Ati 'Nta mibare igenwe umukandida atagomba kurenza. Paul Kagame nagira 100% tuzarikubitaho zikamwe ayo zitahanye. N'abantu bo muri Komisiyo y'Amatora sinshaka ko bazavuga ngo ariko se ko tubona Paul Kagame ari hafi gusatira 100% hari n'abandi bakandida babiri turavuga ko wenda bafite 0.2%? Turabigenza gute?'

Uwizeyimana yavuze ko agendeye ku byo babonye mu bikorwa byo kwiyamamaza ibizava mu matora byigaragaza.

Ati 'Icyo tudafite ni imibare neza ariko ibikorwa byo kwamamaza twagiye tubona biragaragaza ibizavamo.'

Senateri Evode Uwizeyimana yagaragaje ko ibihugu by'i Burayi na Amerika byahereye kera bitegeka Afurika uko amatora agomba kugenda, byitwaje inkunga bitanga mu matora.

Ati 'Abo bantu bumva ko byanga bikunda 'twatanze amafaranga kandi dufite umukandida dushyigikiye, ni na we ugomba gutsinda'. Atari uwo utsinze tuzavuga ko hari igitugu, tuzavuga ko habayeho kwiba amajwi, urubyiruko mugomba kugumuka mugatwika amapine, mukamena amadirishya, mugasahura. Ni ibyo baba bashaka.'

Senateri Uwizeyimana yahamije ko nta demokarasi ihuriweho n'Isi yose ibaho kuko hari aho usanga bafite amashyaka abiri asimburana ku butegetsi kandi akaburambaho nyamara byifuza ko ahandi bagira amashyaka menshi cyane atagira icyo amariye igihugu.

Yahamije ko demokarasi idatandukanywa n'umuco w'igihugu n'imibereho y'abaturage bacyo n'amateka yacyo.

Ati 'Demokarasi dufite, ni ukuvuga demokarasi yumvikanyweho yabayeho nyuma y'ibiganiro byinshi n'impaka (…) abantu bagenda bavuga ngo ariko tubanze dusesengure ibibazo by'igihugu, tumenye amateka y'igihugu, imiterere yacyo, tumenye icyangije ubumwe bw'Abanyarwanda, tumenye imitwe ya politike uburyo yitwaye mu 1991 kugeza mu 1994 kugera kuri Jenoside yakorewe Abatutsi, hanyuma nitumara gusesengura amateka y'igihugu turebe icyateye ubuhunzi, turebe icyatumye abantu bamwe bari impunzi babuzwa gutaha kugeza ubwo abana babo bafashe intwaro bakarwana bakabohora igihugu.'

'Ibyo byose byagombaga kurebwaho kugira ngo tumenye ngo igisubizo kibereye Abanyarwanda ni ikihe? Ni uko haje demokarasi yumvikanyweho ishingiye kuri ya mahame remezo 10 ari mu Itegeko Nshinga'

Mukantaganzwa Domitilla wari muri komisiyo yateguye Itegeko Nshinga rya Repubulika y'u Rwanda rya 2003 yavuze ko abaturage icyo gihe banze ibyo gushyiraho amashyaka menshi kuko bari bamaze kubona uburyo yagize uruhare muri Jenoside yakorewe Abatutsi.

Senateri Evode Uwizeyimana yavuze ko nta majwi ntarengwa abaho muri demokarasi