Category: Uncategorized

Kuri uyu wa Mbere taliki ya 15 Nyakanga 2024 ni bwo mu Rwanda habaye amatora y’Umukuru w’Igihugu akomatanyije n’ay’Abadepite. Ni nyuma yuko abanyarwanda batuye mu mahanga batoye kuwa 14 Nyakanga 2024.

Komisiyo y'Igihugu y'Amatora, NEC, yatangaje iby’ibanze byavuye mu matora y'Umukuru w'Igihugu, bikaba byagaragaje ko Kagame Paul yatsinze ku majwi 99.15%, mu gihe abo bari bahanganye, Dr Habineza Frank yagize amajwi 0.53% naho Mpayimana Phillippe agira amajwi 0.32%.

Nyuma yo gutsinda amatora, Paul Kagame yashimiye abo mu muryango we baba bari kumwe igihe cyose ndetse anashimira Abanyarwanda muri rusange. Ati: “Ndagira ngo nshimire umuryango wanjye turi kumwe hano, tuba turi kumwe igihe cyose, tugendana hamwe namwe mu gihugu hose aho twagiye twiyamamariza buriya nabo bambera akabando.

By’umwihariko rero ndagira ngo mbashimire mwese abari ahantu, ndahera kuri mwe mbashimire ukuntu mwatubaye hafi muri byose ndetse icy’ibanze mwabaye hafi cyane mu guca urubanza bavuga. Ndashimira abanyagihugu bose, abadukurukiye ndabibibwiriye bumve ko mbashimiye cyane.

Hari abahanzi twagendanye, hari urubyiruko, sinabona uko mbashimira, ndabashimiye cyane. Mbishyize mu buryo bw’ubuzuma bwa bantu, iki gikorwa twakoze noneho n’ibitugaragarijwe bimaze gusohoka bivuze ikintu gikomeye mu buzima bw’umuntu.

Bivuze icyizere, icyizere ntabwo cyoroshye, ubundi nta kintu uha umuntu muri ako kanya ngo akugirire icyizere. Icyizere ni ikintu wubaka mu gihe”.

Yakomeje avuga ko atajya ashoberwa bitewe na cya cyizere agirirwa ndetse akanakigirira Abanyarwanda. Ati: “Hari uwambona ariko nsa n’uwashobewe? Ntabwo njya nshoberwa na bucye no mu bigoranye. Impamvu ni iyo ngiyo, ni cya cyizere navugaga, mba numva ko turi bufatanye ikibazo cyose tukagikemura;

Kandi namwe ukuntu mwitabira ubutumire no mu bikomeye guhangana nabyo icyizere kirahari. Icyizere muha umuntu ntabwo nabona uko ngisobanura. Naho iriya mibare iri hejuru cyane ntabwo ari imibare gusa n’iyo iba 100 ntabwo ari imibare gusa, ahubwo irimo kiriya cyizere ni cyo cyangombwa.

Rero ndumva ntari butinde cyane nzanabona undi mwanya wo kubashimira ariko ntabwo nari kurara ntabashimiye kuri uyu munsi twakozeho iki gikorwa. Ni ibintu bidasanzwe, niyo mpamvu abenshi batabyumva bakabinenga ariko bigakomeza bikiyongera” .

Umukuru w’Igihugu yavuze ku budasa bwa FPR, ati: “Ibi kandi ndabigarukaho ni ubudasa bwa FPR, ni ubudasa bw’Abanyarwanda. Ndabashimira rero nk’Abanyarwanda, ndabashimira nka FPR ituri imbere mu bitekerezo,mu ngiro ya politike ndashimira urubyiruko mwebwe.

Tuzajye dukora ibishoboka byose, dukore ibintu bibe bizima bibe umuco wacu, hanyuma duhangane n’ibibazo twese hamwe ntabwo uvuga ngo umuntu niwe wateye ibibazo”.

“Ndashimira Abanyagihugu bose, ariko n’ubu abadukurikira ndabibibwiriye bumve ko mbashimiye cyane.”

Chairman wa FPR Inkotanyi, Paul #Kagame, yashimiye abamufashije mu rugendo rwo kwiyamamaza n'abamutoye. #RBAAmakuru #Amatora2024 pic.twitter.com/ZseIMrzL5J

— Rwanda Broadcasting Agency (RBA) (@rbarwanda) July 15, 2024

Ibarura ry’ibanze mu matora ya Perezida rigaragaza ko Paul Kagame yatsinze amatora

Paul Kagame yatorewe kongera kuba Umukuru w’Igihugu mu myaka 5 iri imbere

Umukandida w’Umuryango FPR-INkotanyi, Paul Kagame, yatorewe gukomeza kuyobora u Rwanda mu myaka itanu iri imbere nk'uko ibarura ry'iby’ibanze byavuye mu matora ribigaragaza. NEC yatangaje ko Paul Kagame yagize amajwi 99,15%, Dr Frank Habineza agira 0,53% mu gihe Mpayimana Philippe yagize 0,32%.

Ibi, ni ibyatangajwe na Perezida wa Komisiyo y’Amatora, Odda Gasinzigwa wabanje gushimira abanyarwanda bitabiriye ku bwinshi igikorwa cy’amatora, atangaza ko bitabiriye ku kigero cya 98%.

Tubibutse ko amajwi y’agateganyo azatangazwa ku ya 20 Nyakanga 2024, mu gihe amajwi ku buryo bwa burundu azatangazwa bitarenze tariki 27 Nyakanga 2024.

Paul Kagame yakubise inshuro abo bari bahatanye mu matora y’Umukuru w’Igihugu nk’uko ibyavuye mu ibarura ry’ibanze ribigaragaza

Iby’ibanze bigaragaza ko Paul Kagame yatorewe kongera kuyobora u Rwanda mu myaka itanu iri imbere

Abaganiriye n'itangazamakuru bavuze ko ari iby'agaciro kuba begerejwe site y'itora mu bitaro, ibyatumye bumva bishimye kuko byakuyeho imbogamizi bari bafite zari gutuma batihitiramo abayobozi.

Umwe muri bo wabyariye mu Bitaro bya CHUB, yavuze ko yari kuri lisiti y'itora iwabo, ariko kuko itariki yageze yamaze kugezwa ku bitaro byari byatangiye gutuma atakaza icyizere cyo gutora, ariko akaba yishimye cyane kuko byakemutse.

Yagize ati “Nishimiye kuba ntoye nanabyaye, byari kumbabaza iyo ntatora umuyobozi w'umwana nibarutse rwose, iyi site yatunejeje cyane, kuko yunganiye ntege nke zacu, nishimye cyane.”

Ni na ko byagendekeye abaganga bo mu bitaro bitandukanye byaba ibya Kigeme muri Nyamagabe, Kibirizi muri Gisagara, Kabgayi muri Muhanga ndetse n'ahandi, kuko nabo bavuze ko borohewe no gutora kandi ntibibabuze no gukomeza kuvura.

Umwe mu baforomokazi bo mu bitaro bya CHUB, yavuze ko iyo batabegereza serivisi z'itora yari kuba atakaje amahirwe yo gutora kuko akazi yari afite kugasiga bitari kumworohera.

Ati “Kubera ko site y'itora yari hafi, ninyabije ndatora maze nkomeza gufasha abarwayi, inshingano nari mfite zo gutora ntacyo zahungabanyeho.”

Umuyobozi Mukuru w'Ibitaro bya Kibirizi, mu Karere ka Gisagara, Dr Mbayire Vedaste , yavuze ko guha amahirwe abari kwa muganga bose ngo bakabasha gutora, nayo ari indi ntambwe ya demokarasi.

Yagize ati “Kuba abakozi bacu babonye amahirwe yo gutorera hafi ni ibintu byiza cyane. Ni nako biri kandi no ku barwayi, umurwayi wese uri 'conscient', mbese ufite ubwenge utarembye cyane, yabashije kwitorera ubuyobozi kuko nyuma yo gukira azagaruka afanye n'abandi kubaka igihugu. Ibi rwose nayo ni intambwe ya demokarasi.''

Dr Mbayire, yakomeje avuga ko bikwiye ko byazakomeza no mu bihe biri imbere kuko bitanga amahirwe kuri bose.

Mu mibare IGIHE yabashije kumenya, ni uko kuri site y'ibitaro bya Kibirizi, hatoreye abantu 277, naho mu Bitaro bya Gakoma naho muri Gisagara hatorera abantu 250, mu Bitaro by'akarere bya Nyanza hatorera 377,mu gihe muri CHUB, hatoreye abasaga 700.

Ibi kandi byabaye mu Bitaro byabereye mu Bitaro bya Kigeme muri Nyamagabe, mu Bitaro bya Kabgayi muri Muhanga n'ahandi henshi mu gihugu.

Umubyeyi wabyaye mu ijoro ryacyeye yazindutse ajya gutora kuri site yashyizwe ku bitaro

Umuvugizi wa RIB, Dr. Murangira B. Thierry yabwiye IGIHE ko Mugabekazi yakoze iki cyaha ku wa 06 Nyakanga 2024, atabwa muri yombi ku wa 10 Nyakanga 2024.

Ati 'Nibyo. Umunyamabanga Nshingwabikorwa w'Umurenge wa Jomba Mugabekazi Donathile yafunzwe ku wa ku wa 10 Nyakanga 2024. Akekwaho icyaha cyo gukubita no kugirira urugomo abashinzwe umutekano mu nzego za leta.'

Dr Murangira yavuze ko ubu Mugabekazi afungiwe kuri Sitasiyo ya RIB ya Mukamira iherereye, yemeza ko dosiye ye yamaze gushyikirizwa Ubushinjacyaha.

Mu 2023 raporo y'ibikorwa by'Urwego rw'Ubucamanza yerekana ibyakozwe, yerekanye mu byaha by'inshinjabyaha icyo gukubita no gukomeretsa ari cyo cyiganje mu nkiko z'u Rwanda.

Raporo y'ubucamanza igaragaza ko umwaka ushize w'ubucamanza warangiranye na Kamena 2023 hakiriwe dosiye 18.716, agize 25% by'ayakurikiranywe, akaba yarimo abantu 28.333.

Abakurikiranyweho iki cyaha bayobowe n'urubyiruko rungana na 40,1%, abafite imyaka hagati ya 31 na 40 [31,7%], abafite 41 kugera kuri 50 [16,9%] mu gihe abafite hagati y'imyaka 51 na 60 bagize 6,3%.

Itegeko riteganya ko icyaha cyo gukubita no gukomeretsa gihanishwa igifungo kiri hagati y'imyaka itatu n'itanu n'ihazabu y'amafaranga y'u Rwanda atari munsi y'ibihumbi 500 Frw ariko atarenze miliyoni 1 Frw.

RIB yataye muri yombi Umunyamabanga Nshingwabikorwa w’Umurenge wa Jomba mu Karere ka Nyabihu witwa Mugabekazi Donathile ku bwo gukubita abashinzwe umutekano

Munyaneza yagaragaje ko Abanyarwanda bazindutse mu masaha ya Saa Munani z'ijoro bagana ku biro by'itora, kugira ngo batore kare ibyatumye saa Moya zuzuye amatora ahita atangira.

Ati 'Turabashimira uburyo bitwaye kuko batoye mu mutuzo nk'uko bisanzwe kandi babyitwayemo neza. Turashimira kandi imitwe ya politiki uburyo bubahirije ibyo twabasabye ku bijyanye no kwiyamamaza, uyu munsi nta gikorwa cyo kwiyamamaza twabonye haba mu mayira, ku biro by'itora n'ahandi kandi turabashimira ababigizemo uruhare.'

Yagaragaje ko abitabiriye amatora bitabiriye ku rugero rwo hejuru mu bice byose by'igihugu.

Munyaneza yagaragaje ko kugeza Saa Kumi n'Igice hari aho amatora yari akiri gukorwa nk'uko biteganywa n'itegeko ngenga rigenga amatora mu gihe hari impamvu zituma amatora akomeza gukorwa nyuma y'isaha yagenwe.

Yagaragaje ko uturere mu turere twa Gasabo, Kamonyi na Bugesera ari ho hakiri ibiro by'itora byaganwe n'abantu benshi ku buryo Saa Cyenda zageze batarasoza gutora, mu gihe ahandi Saa Cyenda bahise batangira kubarura amajwi.

Munyaneza yagaragaje ko ibirebana n'ibyo Komisiyo y'Igihugu y'Amatora igiye gutangaza bigamije kumara amatsiko Abanyarwanda ku birebana n'imigendekere y'amatora biriwemo.

Ati 'Iyo tuvuze iby'ibanze tuba tubitandukanya n'ibyo itegeko riteganya, iby'ibanze biteganywa na komisiyo y'Igihgu y'amatora kugira ngo Abanyarwanda batangire kumenya ibyavuye mu matora by'ibanze. Ni ukumara amatsiko tubereka uko uyu munsi bihagaze. Ariko ubundi itegeko riteganya ko ibyavuye mu matora bitangazwa nyuma y'iminsi itanu nyuma y'amatora.'

Biteganyijwe ko amajwi y'agateganyo azatangazwa ku wa 20 Nyakanga 2024 mu gihe ku wa 27 Nyakanga hazatangazwa amajwi ku buryo bwa burundu.

Abenshi bazindutse batora kare bahita basubira mu mirimo

Ange Kagame, Umuyobozi Wungirije mu Kanama gashinzwe Ingamba za politike no gushyira mu bikorwa gahunda za Leta mu biro by'Umukuru w'Igihugu, yatoreye i Kagugu muri Gasabo.

Kuri uyu wa 15 Nyakanga, Ange Kagame yagiye gutora ari kumwe n'umugabo we Bertrand Ndengeyingoma uri mu bayobozi ba Banki Nkuru y'u Rwanda (BNR) aho ari Umuyobozi Mukuru w'Ikoranabuhanga no Guhanga Udushya.

Aba bombi bagaragaye bari ku murongo kimwe n'abandi bategereje kwinjira mu cyumba cy'itora. Site batoreyeho niyo yatoreyeho Perezida Kagame na Madamu Jeannette Kagame.

Hanatoreye kandi Ivan Cyomoro Kagame na Captain Ian Kagame basaza ba Ange Kagame. Mu bandi bahatoreye bazwi mu myidagaduro harimo Umushumba Mukuru wa Noble Family Church na Women Foundation Ministries, Apostle Mignonne Kabera, hamwe n’umugabo we Eric Kabera.

Ni bwo bwa mbere Ange Kagame na Bertrand Ndengeyingoma batoye Perezida n’Abadepite kuva bakora ubukwe muri Nyakanga 2019, ubu bakaba baranungutse abana babiri b’abakobwa.

Abana babo ni Anaya Abe Ndengeyingoma wavutse kuwa 19 Nyakanga 2020 ndetse na Amalia Agwize Ndengeyingoma wabonye izuba kuwa 19 Nyakanga 2022.Ange Kagame usanzwe ari Umuyobozi mu biro by’umukuru w’igihugu yatoye mu matora akomatanije y’Abadepite n’aya Perezida wa Repubulika Bertrand Ndengeyingoma uri mu bayobozi ba BNR yatoreye i Kagugu muri GasaboUbwo bageraga aho batoreye i Kagugu babanje kujya ku murongo bategereza nk’abandiMu 2019 ni bwo Ange Kagame na Bertrand Ndengeyingoma basezeranye kubana akaramataBamaze kwibaruka abana babiri b’abakobwa ari bo Abe na Agwize 

Abinyujije ku rubuga rwa Instagram, Miss Iradukunda Liliane yifurije umukunzi we Imfura Kenny isabukuru nziza y’amavuko. Umukunzi wa Nyampinga w’u Rwanda wa 2018 Iradukunda Liliane, witwa Imfura Kenny yagize isabukuru y’amavuko kuri uyu wa Mbere tariki 15 Nyakanga 2024. 

Mu butumwa bwakurikiranye n’Ubugaragaza ko yamaze gutora Perezida wa Repubulika y’u Rwanda n’Abadepite, Miss Iradukunda Liliane yifashishije amafoto menshi agaragaza ibihe byiza yagiye agirana n’umukunzi we maze ayaherekesha amagambo agira ati: “Isabukuru nziza mukunzi.”

Inkuru y'urukundo y'aba bombi yaherukaga kugarukwaho mu mwaka ushize, ubwo Iradukunda Liliane wabaye Nyampinga w'u Rwanda 2018 yagaragazaga ko yiteguye gukora ubukwe n'umukunzi we, ni nyuma y'uko mugenzi we Iradukunda Elsa wabaye Nyampinga w'u Rwanda 2017 ajugunye mu kirere indabo akaba ariwe uzifata 'ibizwi nko gusigirwa igifunguzo.'

Icyo gihe, Miss Iradukunda Liliane akimara kwakira ururabo yasanganiye umukunzi we witwa Imfura Kenny barahoberana by'akanya kanini, ndetse umusore yabaye nk'utera ubuse ameze nk'ushaka kwambika impeta umukunzi we yihebeye, ariko ntibyabaye.

Ni gacye Miss Iradukunda Liliane yerekanye mu itangazamakuru umukunzi we. Ni yo yamushyiraga ku mbuga nkoranyambaga ntiyifuzaga ko bigarukwaho.

Ariko imiryango yombi irabizi! Muri Nyakanga 2022, yifashishije konti ya Instagrama ye, Iradukunda yabwiye Kenny ko amukunda. Ati 'Mukundwa ndagukunda.'

Kuva icyo gihe abantu batangiye gucyeka ko aba bombi bakundana byeruye, ariko bamwe bagashidikanya.

Byashimangiwe n'uko kuri Saint Valentin ya tariki 14 Gashyantare 2023, Iradukunda yifurije Kenny kugira umunsi mwiza w'abakundanye. Yagize ati 'Umunsi mwiza wa St Valentin.'

Uyu mukobwa yakunze kumvikanisha ko Kenny ariwe muntu yishimira kurusha abandi, kandi akifashisha imbuga nkoranyambaga mu kugaragaza urwo yamukunze.

Miss Iradukunda Liliane yifurije isabukuru nziza umukunzi we

Mu 2022 ni bwo yamugaragaje bwa mbere

Yambitswe ikamba rya Nyampinga w’u Rwanda mu 2018 

Gutora ku banyarwanda ibihumbi 77 baba hanze y'u Rwanda, byabaye kuri iki Cyumweru tariki 14 Nyakanga 2024, ni mu gihe ku banyarwanda b'imbere mu gihugu byabaye kuri uyu wa Mbere tariki 14 Nyakanga 2024.

Lisite ntakuka ya Komisiyo y'Igihugu y'Amatora igaragaza ko abazatora mu Mujyi wa Kigali ari 1,172,229. Intara y'Amajyepfo hazatora 2,055,930.

Intara y'I Burengerazuba abazatora ni 2,038,931; Intara y'i Burasirazuba ni 2,246,371, Amajyaruguru hazatora 1,480,558 n'aho abazatorera kuri site z'itora 2433.

Ibyamamare mu ngeri zinyuranye ni bamwe mu bitabiriye aya matora y'Umukuru w'Igihugu ndetse n'ay'Abadepite. InyaRwanda yakusanyije amafoto ya bamwe mu byamamare bitabiriye ibikorwa by’itora.

Umuhanzi Davis D yatoreye mu gihugu cy’u Bubiligi, mu gihe yitegura kuhataramira, ndetse no muri Poland. Yagaragaje ko yishimiye kugira uruhare mu kugena ahazaza h’u Rwanda, binyuze mu matora y’Umukuru w’Igihugu ndetse n’ay’Abadepite.

Umuhanzikazi w’indirimbo zo kuramya no guhimbaza Imana, Aline Gahongayire wamenyekanye mu ndirimbo zirimo “Ndanyuzwe” yatoreye mu gihugu cy’u Bufaransa. Muri iki gihe ari kwitegura igitaramo gikomeye azakorera mu Bubiligi, ku wa 5 Ukwakira 2024.

Miss Umulisa Charlotte yatoye ku nshuro ye ya mbere mu matora y’Umukuru w’Igihugu ndetse n’ay’Abadepite mu gikorwa cyabereye mu Mujyi wa Warsaw muri Poland.

Uyu mukobwa yabwiye InyaRwanda ko yishimiye kuba yagize uruhare ku nshuro ye ya mbere mu kwitorera abayobozi Umulisa niwe wari guserukira u Rwanda muri Miss Supranational 2022. Yigeze kwitabira irushanwa ry'ubwiza rya Miss Warsaw 2021, agera mu cyiciro cya nyuma

Uwase Clementine (Miss Tina) wahagarariye u Rwanda mu irushanwa rya Miss Supranational 2018, yatoreye mu Mujyi wa Warsaw muri Poland. Tina asanzwe ari n’umunyamideli ukomeye, ndetse aherutse gutangiza ‘Brand’ y’imyambaro ye

Umunyamideli wamenyekanye nka Mimi Mirage yatoreye kuri Ambasade y’u Rwanda mu Bubiligi. Yabwiye InyaRwanda ko yishimiye kugira uruhare mu matora y’Umukuru w’Igihugu ndetse n’ay’Abadepite

Umuhanzi mu njyana gakondo, Cyusa Ibrahim ari kumwe n’ababyeyi be batoreye ku Ruyenzi mu Karere ka Kamonyi

Abarimo Bad Rama washinze The Mane, batoreye mu Mujyi wa Phoenix muri Leta ya Arizona. Bad Rama yabwiye InyaRwanda ko bishimiye kugira uruhare mu kwitorera abayobozi no kugena ahazaza h’u Rwanda

Umuhanzi Audy Kelly yatoreye mu Mujyi wa Göteborg mu gihugu cya Suède. Amaze igihe ari muri kiriya gihugu aho akurikirana amasomo ye ya Kaminuza

Umuhanzikazi Bwiza yatoreye kuri Site ya Karumuna mu Murenge wa Nyamata mu Karere ka Bugesera. Ni ku nshuro ya mbere atoye. Aherutse kuvuga ko “Ubu ndanezerewe cyane kuba ngiye gushyira igikumwe cyanjye ku muyobozi nkunda cyane’

Umuhanzikazi Butera Knowless n’umugabo we Ishimwe Karake Clement batoreye kuri Site ya Karumuna mu Murenge wa Nyamata. Ni nyuma y’uko kuri iki Cyumweru tariki 14 Nyakanga 2024, bari mu bakiriwe na Perezida Kagame, anabagabira Inka

Shimwa Guelda wabaye igisonga cya Mbere cya Miss Rwanda 2017, akegukana n'ikamba rya 'Miss Heritage' ari kumwe n'umugabo we Habimana Hussein batoreye mu Karere ka Bugesera mu Kagari ka Kibenga

Umunyamideli Kate Bashabe yagaragaje ko yakozwe ku mutima no kwihitiramo abayobozi bazamuyobora mu gihe cy'imyaka itanu iri imbere 

Umuhanzi w'indirimbo zo kuramya no guhimbaza Imana, Adrien Misigaro yatoreye mu Mujyi wa Oreshan muri Leta ya Oregon muri Leta Zunze Ubumwe za Amerika

Mutesi Jolly wegukanye ikamba rya Miss Rwanda 2016, yagaragaje ko yishimiye kugira uruhare mu kugena ahazaza h'u Rwanda 

Umuhanzi w’indirimbo zo kuramya no guhimbaza Imana, Patien Bizimana yatoreye mu Mujyi wa Phoenix muri Amerika

Abarimo Tom Close, Nel Ngabo na Platini batoreye mu Karumuna mu Murenge wa Nyamata

Abanyarwanda baba mu gihugu batoye Perezida n’Abadepite kuri uyu wa Mbere

Mu masaha ya saa Saba zo kuri uyu wa Mbere tariki 15 Nyakanga 2024, Kandida-Perezida Paul Kagame na Madamu Jeannette Kagame ni bwo bageze kuri site y’itora i Kagugu.

Ubwo yahageraga yasuhuje abo ahasanze, ajya ku murongo gutegereza nk'abandi hamwe n'umufasha we, agezweho arinjira yerekana irangamuntu anasobanurirwa uko gutora bikorwa.

Mbere gato kandi i Kagugu hatoreye abahungu ba Paul Kagame babiri, Ivan Cyomoro Kagame na Captain Ian Kagame.

Kimwe n’umukobwa we Ange Ingabire Kagame wari kumwe n’umugabo we bose babanje kujya ku murongo bagategereza nk’abandi.

Ibirebana n'amatora biteganijwe ko biza kugera ku musozo saa Cyenda, hagakurikiraho kubarura amajwi ku mwanya w'umukuru w'igihugu n'Abadepite.

Kuwa 16 Nyakanga 2024 hazatorwa ibyiciro by'abadepite bahagarariye abagore, urubyiruko n'abafite ubumuga, bazatorwa mu buryo bwihariye.

Uyu munsi hararara hatangajwe icyerekezo cy'amatora, amajwi aba amaze kubarurwa mu gihe byitezwe ko aba arenga 60% na 70%.

Kuwa 27 Nyakanga 2024 ni bwo hazatangazwa bidasubirwaho ibyavuye mu matora ya Perezida n’ay’Abadepite.

Ivan Cyomoro Kagame imfura Paul Kagame ubwo yatoraga anashyirwaho akamenyetso kagaragaza ko yamaze gutoraCaptain Ian Kagame ashyira urupapuro rw’itora ahabugenewe nyuma yo gutora

Paul Kagame yatoreye i Kagugu mu Karere ka Gasabo mu Mujyi wa Kigali

Ange Kagame n’umugabo we Bertranda Ndengeyingoma nabo babanje gutegereza Paul Kagame na Madamu Jeannette Kagame babanje gusuhuza abo basanze ubwo bari bategereje gutoraPerezida Kagame yabanje kwerekana ibyangombwa anasoje ashyirwaho ikimenyetso cy’uko yatoyeKandida-Perezida Paul Kagame na Madamu Jeannette Kagame batoye mu matora akomatanije y’Umukuru w’Igihugu n’ay’Abadepite