Category: Uncategorized

Niyongabo Mars utoza ikipe y’Amagaju FC yahakanye ibyo kuba Rayon Sports ari ikipe ikomeye.

Ni nyuma yo kunganya na Rayon Sports ibitego 2-2 mu mukino w’umunsi wa kabiri wa shampiyona wabaye kuri uyu wa Gatanu tariki ya 23 Kanama 2024.

Ubwo yaganiraga n’itangazamakuru nyuma y’umukino yabajijwe uko yakiriye kunganya n’ikipe ikomeye nka Rayon Sports.

Mars yahise asaba umunyamakuru gukosora kuko atari ikipe ikomeye.

Ati “wivuga ngo nasuye ikipe ikomeye ya Rayon Sports. Oya bikosore, nasuye ikipe y’i Kigali.”

Uyu mutoza kandi yavuze ko atakwihandagaza ngo batumye igikombe cya shampiyona ariko bamusabye kuza mu mwanya myiza ariko anizeza ko azahatanira igikombe cy’Amahoro.

Aba bombi bifashishije imbuga zabo kuri uyu wa Gatanu tariki 23 Kanama 2024, bagaragaje ko bari mu myiteguro yo gushyira hanze indirimbo yabo nshya. Ni ubwa mbere bombi bakoranye indirimbo nyuma y'imyaka 10 ishize buri umwe ari mu muziki.

Davis D yabwiye InyaRwanda ko ibyo abantu bacyetse atari ukuri, kuko atari itabi risanzwe banywaga we na Platini. Ati 'Itabi natumuraga riri mu bwoko bwa 'Cigars' baryita 'Small Cigars' kugira ngo abantu batagira ngo ni itabi iri risanzwe ryatuma uta ubwenge.'

Iri tabi ryo mu bwoko bwa 'Cigars' ricuruzwa cyane muri Leta Zunze Ubumwe za Amerika, kandi rigira ubwoko butatu nka 'Large cigars', 'cigarillos' ndetse na 'Little Cigars'.

Uyu muhanzi wamamaye mu ndirimbo zirimo 'Biryogo', yavuze ko we na Platini bahoranye igitekerezo cyo gukorana indirimbo ariko bitewe n'umwanya wa buri umwe ntibyagiye bikunda.

Ati 'Igitekerezo cyo gukorana indirimbo cyahozeho. Platini twabaye inshuti cyane buri uko yageraga muri studio yaranshyigikiraga cyane. Rero yagiye abona uburyo nagiye ntera intambwe, ubwo igitekerezo tukigira cyera ariko tukajya tuburana.'

Yavuze ko mu minsi ishize ubwo yari yasuye Platini ari bwo bombi basubukuye umushinga bari bamaze igihe batekerezaho, biyemeza gukorana indirimbo.

Ati 'Mu minsi ishize ubwo namusuraga, nibwo twagize igitekerezo cyo gukora indirimbo, ubwo rero irakorwa, ndetse turitegura kuyishyira hanze mu minsi iri imbere. Ni igitekerezo cyaje cyera, ariko ntitwagishyira mu bikorwa.'

Ukoresha izina rya Galadiyatoro yavuze ko ashingiye ku kuntu azi Davis D na Platini iyi ndirimbo izaba nziza 100%. Ni mu gihe Ally Soudy yavuze ko Platini yaserutse mu mwambaro w'ikipe adakunda (Kuko yambaye 'Jersey' y'ikipe Messi akinamo).

Ni mu gihe Ishimwe Karake Clement yavuze ko adatunguwe n'uburyo Platini yambaye, kuko asanzwe ari umufana wa Messi. Mideli Rwanda we yabajije aba bahanzi niba no mu buzima busanzwe banywa itabi.

Mu buryo bw'amajwi (Audio) iyi ndirimbo yakozwe na Producer Motif afatanyije na Sante. Motif yagize izina rikomeye nyuma y'uko akoze amashusho y'indirimbo 'Dede' ya Davis D. Biteganyijwe ko amashusho y'indirimbo (Video) azakorwa na Bagenzi Bernard.

Davis D atangaje isohoka ry'indirimbo yakoranye na Paltini mu gihe ari mu y'igitaramo cyo kwizihiza imyaka 10 ishize ari mu muziki. Ni igitaramo avuga ko azakorera muri Kigali Conference and Exhibition Village ahanzwi nka Camp Kigali.

Ni igitaramo avuga ko azifashishamo abahanzi bo mu Rwanda ndetse n'abo mu mahanga, mu rwego rwo kwagura urugendo rwe rw'umuziki.

 

Platini yatanze integuza y'indirimbo yahuriyemo na Davis D ku nshuro ya mbere

Davis D yavuze ko batumuraga itabi ryo mu bwoko bwa 'Cigars'- Abanyarwanda barizi nk'igikamba

Davis D yavuze ko iyi ndirimbo bari bamaze igihe bayitekereza ahubwo batarabona umwanya wo kuyikora

Platini yagaragaje ko iyi ndirimbo ari mu nzira yo kujya hanze 

KANDA HANO UREBE AMASHUSHO Y’INDIRIMBO ‘MY DREAM’ YA DAVIS D NA MELISSA

KANDA HANO UREBE AMASHUSHO Y’INDIRIMBO ‘KU MUTIMA’ YA PLATINI P

“>

Kuri uyu wa Gatanu, umuhanzi Alpha Rwirangira uteganya gukora ibitaramo bibiri muri Canada mu mezi ari imbere, yashyize hanze indirimbo nshya yise 'I'm Free' yakozwe mu buryo bw'amajwi na Yanick mu gihe amashusho yakozwe na Kavoma.

Mu kiganiro na InyaRwanda, Alpha Rwirangira yatangaje ko ubu yamaze gutera ikirenge mu cya Meddy nawe akaba agiye gukora indirimbo zo kuramya no guhimbaza Imana akareka gukora indirimbo benshi bita iz'Isi.

Alpha Rwirangira yagize ati “Ubu kristo ari muri njye. Nasanze umuhamagaro wange ari ukuvuga no kuririmba ibya Kristo.”

Uyu muhanzi usanzwe akorera umuziki we muri Canada, ntabwo yari aherutse gukora umuziki nk'uko abafana be bari babimunyereyeho kuko indirimbo yaherukaga yari imaze umwaka iri hanze.

Nyamara n'ubwo nta ndirimbo yaherukaga, Alpha Rwirangira ari mu myiteguro yo gukora ibitaramo 'Amashimwe Concert' bigiye kuba ku nshuro ya kabiri bikazabera Edmonton ku wa 13 Ukwakira ndetse na Ottawa ku wa 23 Ugushyingo 2024.

Alpha ateye iyi ntambwe yo gukora umuziki wo kuramya no guhimbaza Imana gusa, nyuma ya Meddy wafatwaga nka nimero ya mbere mu muziki nyarwanda ariko nyuma yo gukora ubukwe akiyemeza guhindukirira Imana ndetse muri uyu mwaka akaba yarihaye intego yo kubwiriza abatari bacye bakamenya Imana.

Alpha Rwirangira aherutse kugaragaza ko yirunduriye mu muziki wo kuramya no guhimbaza Imana ubwo yatangazaga igitaramo cyo gusingiza Imana kizabera muri Canada kuwa 13 Ukwakira 2024 na tariki 23 Ugushyingo 2024. Ni igitaramo yise “Amashimwe Concert” yatumiyemo Richard Ngendahayo.

Nyuma y’imyaka 4 akoreye ubukwe Monterial muri Canada, Alpha Rwirangira yatangiye urugendo rushya rwo gukora indirimbo zo kuramya no guhimbaza Imana

Meddy wari mu bahanzi bakomeye mu muziki nyarwanda, nawe asigaye yarahinduye inzira akora indirimbo zo kuramya no guhimbaza Imana n’ivugabutumwa

Alpha Rwirangira ategerejwe mu gitaramo gikomeye yatumiyemo Ngendahayo

Reba indirimbo “I’m free” Alpha Rwirangira yashyize hanze agahishura ko yatangiye urugendo rwo gukora indirimbo zo kuramya Imana gusa

“>

Iminsi ishize ari myinshi 'Sikosa' ivugwaho byinshi aho byatangiye bivugwa ko umukire watanze amafaranga yo kuyikora Jimmy Muyumbu yaje guhanganira ku isoko na Karomba Gael [Coach Gael].

Ibi ariko mu kiganiro cyihariye yagiranye na InyaRwanda yarabihakanye avuga ko yafashishije kuko yumvise  bafite umushinga mwiza nk'umuntu ukunda igihugu.

Bukeye hazamutse inkuru z'urukundo rwa Kevin Kade n'umunyamideli Jasinta Makwabe aho bagiye bagaragara mu bari kumwe yaba muri Tanzania n'i Kigali uyu akaba ari no mu bakobwa bagaragara muri iyi ndirimbo.

Hakomeje kandi hazamuka amakuru ko Coach Gael yitambitse isohoka ryayo kubera The Ben nyamara aba bombi baje gutigisa imyidagaduro bari kumwe banavuga ko biyunze.

Niko kandi Element wavugwagaho ko 1:55AM yamusabye kuyivamo cyangwa akiyushyura akayabo,yagaragaje ko rwose ntakabuza iyi ndirimbo izasohoka.

Iyi ndirimbo ikaba igiye hanze yaragizwemo uruhare n'abantu benshi duhereye mu kuyandika yanditswe na  Junior Rumaga, Kenny K Shot na Diez Dola.

Amshusho yayo atunganywa na Gad mu gihe imbyino zayobowe na Titi Brown.

KANDA HANO UREBE SIKOSA

“>

Calvin Broadus Jr. umuraperi akaba n’umwanditsi w’indirimbo wamamaye ku izina rya Snoop Dogg mu muziki amazemo igihe kinini, niwe wabaye umushyushya rugamba mu mikino ya ‘Olympics Games 2024’ yabereye i Paris mu Bufaransa yahuje ibihugu bitandukanye.

Uyu muraperi kandi niwe watangije kumugaragaro iyi mikino ubwo yahabwaga itoroshi ry’ikirango kiyi mikino maze akarizenguritsa mu mujyi wa Paris. Yakomeje ashyushya abitabiriye iyi mikino ari nako akora udukoryo twasetsaga benshi.

Amashusho n’amafoto ya Snoop Dogg ari muri iyi mikino yaciye ibintu ku mvuga nkoranyambaga ndetse CNN yakoze inkuru yihariye igaruka ku bihe byiza uyu muraperi yagiriye muri Olympics mu buryo bw’amafoto.

Gusa ikibazo benshi bibazaga ni ‘Amafaranga angahe Snoop Dogg yishyuwe’? muri iyi mikino yarihanzwe amaso n’Isi yose. Ibinyamakuru birimo BBC na Hollywood Reporter byatangaje ko uyu muraperi yishyuwe Miliyoni 9 z’Amadolari mu minsi 17 yitabiriye iyi mikino. Aya mafaranga arenga Miliyari 11 Rwf (11918331000).

Ikiyongera kuri ibi n’uko abareba iyi mikino biyongereye ku kigero cya 79% ugereranije n’imikino y’ubushije yabereye muri Tokyo. Ibi bikaba ngo bidashidikanwaho ko Snoop yabigizemo uruhare kubera ubwamamare bwe ndetse arahabwa amahirwe yo kongera gushyushya iyi mikino mu 2028 izabera iwabo i Los Angeles.

Umuraperi Snoop Dogg niwe watembereje urumuri rwa Olympic i Paris

Snoop Dogg yishyuwe arenga Miliyari 11 Rwf mu mikino ya Olympics yamazemo iminsi 17

Ibikorwa byo kwiyamamaza bizatangira ku wa 26 Kanama 2024, bisozwe ku wa 14 Nzeri 2024.

Mu kiganiro ubuyobozi bwa Komisiyo bwagiranye n'abakandida kigaruka ku kwitegura neza imigendekere y'ibikorwa byo kwiyamamaza, Perezida wayo Oda Gasinzigwa yabasabye gukomeza kurangwa n'ubupfura no kubahiriza ibiteganywa n'amategeko.

Ati 'Ni byiza ko bakurikiza gahunda tuba twumvikanyeho ariko cyane cyane iby'ingenzi ni ukugira ngo amabwiriza asobanura neza uburyo bagomba kubikora bayubahirize.'

Yongeye kubibutsa ko u Rwanda rwahisemo imiyoborere myiza iganisha ku iterambere ry'umuturage, bityo ko bakwiye kuyigenderaho mu gihe bazaba bageze mu nshingano.

Ati 'Ngira ngo twese turabizi, nk'Abanyarwanda tuzi inzira ya demokarasi n'inzira y'imiyoborere y'igihugu cyacu. Nyuma ya Jenoside yakorewe Abatutsi, u Rwanda rwiyemeje guhindura imiyoborere, rwiyemeza kugira imyiza yafasha abaturage mu bikorwa by'iterambere.'

NEC yagaragaje ko abakandida batemerewe kumanika ibibamamaza ku mavuriro, ku nsengero, ku ngoro z'ubutabera, ku nkingi z'amashanyarazi uretse iziriho ibyapa byagenewe kwamamaza hakurikijwe amabwiriza abigenga.

Mu gihe cyo kwiyamamaza kandi, abakandida babujijwe gukoresha umutungo wa Leta mu buryo bunyuranyije n'amategeko, babuzwa gutanga no kwakira ruswa, gukora cyangwa kuvuga icyahungabanya amahoro, ubumwe n'umutekano rusange by'Abanyarwanda.

Babujijwe kandi gushingira ku ivangura iryo ari ryo ryose cyangwa amacakubiri, gutuka cyangwa gusebya mu buryo ubwo ari bwo bwose undi mukandida, guhamagarira abaturage gukora igikorwa cyangwa kugira imyifatire byahungabanya imigendekere myiza y'amatora no gukoresha ibirango by'umutwe wa Politiki ku mafoto cyangwa ku nyandiko byamamaza umukandida.

Amatora ateganyijwe ni ay'Abasenateri 12 batorwa hakurikijwe imitegekere y'igihugu, umusenateri umwe utorwa mu barimu n'abashakashatsi bo muri Kaminuza ya Leta ndetse n'umwe utorwa mu barimu n'abashakashatsi baturuka muri kaminuza zigenga.

Ubusanzwe umutwe wa Sena ugirwa n'Abasenateri 26 barimo umunani bashyirwaho na Perezida wa Repubulika, bane bashyirwaho n'Inama Nyuguranabitekerezo y'Imitwe ya Politiki ndetse n'abo batorwa.

Abakandida bari ku rutonde rw'abemerewe kwiyamamaza ruriho 32. Barimo 28 bazatorwa n'inzego zihariye hakurikijwe inzego z'imitegekere y'igihugu, batatu bo mu mashuri makuru ya Leta n'umwe wo mu mashuri makuru yigenga.

AMAFOTO: Kwizera Remy Moses

---

Yabigarutseho mu kiganiro ku mateka y'u Rwanad yagejeje ku bagize Inteko Ishinga Amategeko umutwe w'Abadepite kuri uyu wa 21 Kanama 2024.

Muri Mata 1994 muri ETO Kicukiro ingabo za MINUAR zigera kuri 97 zari ziyobowe na Colonel Luc Marshall wari wungirije Gen Romeo Dallaire wari uzikuriye bazinze utwangushye burira imodoka berekeza ku kibuga cy'indege barataha, basiga Abatutsi barenga ibihumbi bine mu menyo y'interahamwe.

Musoni Protais yagaragaje ko Umuryango w'Abibumbye ari igikoresho ibihugu bikomeye byifashisha mu gutegeka ibiciye bugufi ku buryo hari n'ibikorwa baba bafitiye ubushobozi ariko kubera ko nta nyungu bahakurikiye bagahitamo kubatererana.

Ati 'None se ko bavuye aha bari bashoboye guhagarika Jenoside? Ndibuka neza kuko nari mpari, Dallaire yigeze kuza kureba umugaba w'Ikirenga w'Ingabo [Maj Gen Kagame Paul] avuga ati 'rwose banze kumpa uruhushya', aramubwira ati 'ariko reka nkwereke, twumvikane ziriya ndege zawe n'ibifaru mbikwake'. Icyo gihe njyewe nabikoresha bigahagarika Jenoside undi ati 'nabyo ntibyashoboka'.'

Musoni yavuze ko byumvikana ko ibyo Gen Dallaire yasubije byari bishingiye ku mategeko n'amabwiriza yahawe n'abamukuriye muri Loni, nubwo yari ahabanye n'igikwiriye.

Ati 'Ubusanzwe iyo utegetswe gukora nabi ushobora no kwanga ugatunganya icyo ugomba gutunganya. Ni na yo mpamvu ubu muri Afurika hari ibiganiro byo kuvuga ngo Loni yavugururwa ite kugira ngo izabe umuryango wa bose kandi uvugira bose. Ubu urebye ni bake bafitemo ijambo abandi urebye turaherekeza. Icyo ukora rero, dukeya twakuramo tukadukuramo kugira ngo twubake imbaraga zacu.'

Yahamije ko kugira ngo ibyo bihugu bikomeze kugira ijambo rinini byuririra ku mvururu, ndetse bikanaziteza hamwe.

Igitekerezo Gen Romeo Dallaire yanyujije mu kinyamakuru The Globe and Mail cyo muri Canada muri Werurwe 2024, yavuze ko u Rwanda rwatereranywe hamwe n'ingabo yari ayoboye babura baje kubera kutagira imbaraga zo guhagarika ubwicanyi bwakorerwaga Abatutsi.

Ati 'U Rwanda n'abaturage barwo, n'ingabo nari nyoboye mu butumwa bwa Loni bwo kugarura amahoro baratereranywe kugeza igihe bishwe. Igihe nasabaga ubufasha nibutswaga ko nta peteroli iri mu Rwanda, nta diyama, nta n'ikindi kintu cy'ingirakamaro gihari. Hari ikiremwa muntu gusa, ubuzima bw'abirabura butari bufite agaciro na gato.'

Dallaire ni umwe mu bantu badahwema kugaragaza ukuri kuri Jenoside yakorewe Abatutsi mu 1994, cyane ko ari mu bamenye uyu mugambi mubisha mbere ndetse agerageza kuwumenyesha abamukuriye ariko bavunira ibiti mu matwi.

---

Ni gahunda iteganyijwe hagati ya tariki 06-08 Ukuboza 2024, ikazabera muri Kigali Conference and Exhibition Village (KCEV).

Biteganyijwe ko muri iri huriro hazaberamo ibikorwa binyuranye birimo amarushanwa mu nzego zitandukanye arimo ayo gusoma, gusubiza ibibazo mu gihe gito, ibiganiro mpaka, amarushanwa mu by'ikoranabuhanga nk'ikoreshwa rya 'robot' n'ayandi.

Mu kiganiro n'itangazamakuru cyabaye kuri uyu wa Kane tariki ya 22 Kanama 2024, Umuyobozi Mukuru wa Flavour of Kigali event iri gutegura iri huriro, Sara Yisehak, yavuze ko hateguwe ibikorwa byinshi mu rwego rwo guha amashuri urubuga rwo kwigaragaza.

Ati 'Nakoze ubushakashatsi mbona u Rwanda rufite byinshi rwakigirwaho mu bijyanye n'imfashanyigisho zitandukanye zisigaye zifashishwa mu burezi. Turashaka no kwereka Isi ko iki gihugu gifite byose, indi ntego ni ukugira u Rwanda igicumbi cy'uburezi.'

Iyi gahunda kandi yitezweho umusanzu mu kugaragaza no kumenyekanisha ubushobozi amashuri yaba aya Leta cyangwa ayigenga yo mu Rwanda afite, hakaba hitezwe ko bizatuma umubare w'abajya kuvoma ubumenyi hanze y'Igihugu ugabanyuka.

Paul Birungi Masterjerb, uri mu bari gutegura iri huriro akaba anafite ubunararibonye mu rwego rw'uburezi, yashishikarije amashuri yo mu Rwanda kwitabira iri huriro ku bwinshi kugira ngo agaragaze urwego rwayo mu kubakamo abanyeshuri ubushobozi bwo ku rwego mpuzamahanga.

'Bivuze ko ababyeyi n'abandi bazitabira bazabasha kumenya ngo ririya shuri rifite ubushobozi ubu n'ubu.'

Hari na kaminuza zitandukanye zizaturuka mu bihugu by'u Burusiya, Amerika, u Bwongereza ndetse na Canada, 'Na zo zimurike ibyo zikora maze ba bana n'abanyeyi bagire amahitamo yo kurambagiza iyo abanyeshuri bakomerezamo bijyanye n'ubushobozi bwayo mu gutanga uburezi bufite ireme.'

Brian Ombem na we uri mu bari gutegura iki gikorwa yabatangaje ko indi mu mpamvu nyamukuru y'iri huriro ari ukureba uko ibyuho bikigaragara mu nzego z'imyigishirize mu bihugu bitandukanye byakurwaho.

Ati 'Nk'ubu hari amashuri muri Kigali ashobora kumva ko ari yo ya mbere, ariko iyo ntacyo wigereranya na cyo uhora imbere. Ariko iyo haje undi mukora bimwe mwishyira ku munzani mukareba urwego mwese muri ho, ayo na yo ni andi mahirwe azaba ahari kuri buri shuri.'

Iyi gahunda ishyigikiwe na Guverinoma y'u Rwanda by'umwihariko Minisiteri y'Uburezi. N'ubwo izaba ibaye ku nshuro ya mbere, biteganyijwe ko izajya iba muri mwaka.

Amafoto: Ingabire Nicole

---

25′ rukundo Abdulrahman yongeye kugira amahirwe macye,umupira urazumwe uvuye ku ruhande rw’iburyo ashyiraho umutwe ariko umupira uhita ushyirwa muri koroneri itagize icyo itanga 

23′ Dusabe Jean Claude  w’Amagaju FC abonye ikarita y’umuhondo ku ikosa akoreye Bassane Aziz waRrayon Sports ku murongo ugabanyamo ikibuga 2

19′ Rayon Sports irase uburyo bwabazwe imbere y’izamu ku  mupira waruzamuwe na Fitina Ombolenga maze rukundo Abdulrahman ashyiraho umutwe ariko umupira unyura hepfo y’izamu gato cyane 

16′ Umunyezamu wa Rayon Sports yari akoze amakosa yihera umupira kapiteni ,Masudi Narcisse nawe awushyira kwa Ndayishimiye Eduard ariko birangira awutakaje

13′ rayon Sports iri gukina n’Amagaju FC yakuyemo abakinnyi 2 muri iyi mpeshyi aribo Ndikuriyo Patient na Rukundo Abdulrahman kandi bose banabanje mu kibuga 

11′ Abakinnyi ba Rayon Sports bize umuvuno wo gushotera kure,uwitwa Prince Elenga Kanga arekurye ishoti ripima amatoni ari mu kibuga hagati ariko rikubita igiti cy’izamu, abafana ba Murera  bahita biyamira

9′ Kapiteni wa Rayon Sports akaba n’umwana w’ikipe,Muhire Kevin arekuriye ishoti riremereye mu kibuga hagati ariko rinyura hejuru y’izamu gato cyane

8′ Abafana bari kugenda binjira muri Stade gake gake biyongera ku bandi batari benshi baje kureba uyu mukino

4′ Rayon Sports nayo yari ikoze akantu ku mupira waruzamukanywe na Muhire Kevin awutanga  mu rubuga rw’amahina ufatwa na Prince Elenga Kanga awushyira kwa Ishimwe Fiston nawe arekura ishoti rinyura hepfo y’izamu gato cyane

3′ Ikipe y’Amagaju FC ikomeje guhererakany umupira yari igerageje uburyo ku ishoti ryari rirekuwe na Iragire Shidi ariko birangira umunyezamu wa Rayon Sports afashe umupira nta nkomyi

1′ Umukino utangijwe n’Amagaju FC umupira ushyirwa kwa Ndayishimiye Eduard agiye gucenga birangira Bugingo Hakim arengeje umupira

Abakinnyi 11 b’Amagaju FC babanje mu kibuga;

Teagirumukiza Elineste

Masudi Narcisse

Bizimana Iltihadji

Dusabe Jean Claude

Matumona Wakonda

Tuyishime Emmanuel

Semageni Cyrille

Iragire Saidi

Malanda Destin

Ndayishimiye Eduard

Kiza Husen Seraphin

Abakinnyi 11 ba Rayon Sports babanje mu kibuga;

Ndikuriyo Patient

Muhire Kevin

Nsabimana Aimable

Gning Omar

Ombolenga Fitina

Niyonzima Olivier

ISHIMWE Fiston

Bassane Aziz

Bugingo Hakim

Rukundo AbdulRahman

Elenga Kanga Prince

Ikipe ya Rayon Sports igiye gukina uyu mukino nyuma yuko yanganyije na Marine FC 0-0 mu mukino wo ku munsi wa mbere. Amagaju FC nayo agiye gukina nyuma yuko yari yanganyije na Bugesera FC 0-0.

Imibare yerekana ko imikino 22 yahuje aya makipe yombi, Rayon Sports yatsinzemo 4, Amagaju FC itsindamo 4 banganya 3. Murera yinjijemo ibitego 39 naho Amagaju FC yinjizamo ibitego 12.

Muri 2019 nibwo Amagaju FC yaherukaga kwakira Rayon Sports ariko uwo mukino warangiye atsinzwe ibitego 2-1 ahita anamanuka mu kiciro cya 2.  

Muri shampiyona iheruka, umukino ubanza amakipe yombi yari yanganyije igitego 1-1 kuri Kigali Pelé Stadium naho mu mukino wo kwishyura wabereye kuri Stade mpuzamahanga ya Huye, Rayon Sports itsinda igitego 1-0 cya Muhire Kevin.

Ikipe y’Amagaju FC yishyushya mbere y’umukino

Rayon Sports yishyushya mbere y’umukino