Icyemezo cyo gushyiraho Guverinoma ihuriweho cyafashwe nyuma y'aho ihuriro ry'amashyaka NFP (Nouveau Front Populaire) ritavuga rumwe n'ubutegetsi, ritsindiye imyanya 180 mu Nteko Ishinga Amategeko, rigakurikirwa na Ensemble ya Perezida Macron yatsindiye 159.

Ibyo byari bivuze ko guverinoma igomba kujyaho yagombaga kugirwa n'abaminisitiri bavuye muri ayo mahuriro atandukanye nubwo bikomeje kugorana kubera kutumvikana kw'abayabarizwamo.

Ku wa Kabiri w'iki cyumweru ni bwo uyu Banier usanzwe ari umunyamuryango w'Ishyaka ry'Aba-Républicains, yahuye n'abagize Inteko Ishinga Amategeko, bikavugwa ko kugira ngo agumane uwo mwanya birashingira ku bizava muri iyo nama.

Nyuma y'ibyumweru bibiri uyu mugabo w'imyaka 73 atowe, ntarashobora gushyiraho guverinoma ishobora guhuza amahuriro yo mu Nteko Ishinga Amategeko, initezweho guhangana n'ibibazo by'ubukungu biri muri iki gihugu aho amafaranga gisohora akomeje kuba menshi kurusha ayo cyinjiza.

Umwe mu bagize Ishyaka ry'Aba-Républicains yabwiye France Info radio ko gushobora gutoranya abo baminisitiri, ari yo mahirwe ya nyuma Minisitiri Barnier asigaje, bitaba ibyo akegura.

Ati 'Nashishoza neza azamenya ko bidashoboka gukomezanya uwo mwanya mu gihe gushyiraho guverinoma byaba bimunaniye agendeye ku kutumvikana kwa bamwe mu banyepolitike hashingiwe ku nyungu zabo.'

Amakuru kandi avuga ko icyo kibazo na Perezida Macron ubwe yacyinjiyemo, kugira ngo hashyirweho guverinoma yuzuzanya, kuko mu gihe bidakunze Minisitiri Barnier akegura, Macron ari we uraba atahiwe.

Barnier yagizwe Minisitiri w'Intebe bijyanye n'ubunararibonye afite mu gukemura ibibazo no guhuza impande zitumvikana.

Ni nyuma y'ibibazo byavutse mu Bufaransa, aho mu mu matora aheruka kuba muri icyo gihugu nta shyaka ryabonye ubwiganze busesuye bw'imyanya ihagije mu Nteko.

Ibyo byatumye gushyiraho guverinoma ihamye bikomeza kugorana, kuko buri huriro rigomba guhagararirwa muri guverinoma.

Ubusanzwe Minisitiri w'Intebe yari yaravuye mu ihuriro ry'amashyaka ashyigikiye Perezida Macron bitewe n'uko mu matora y'Inteko Ishinga Amategeko aheruka ryari ryarabonye amajwi ariha ubwiganze busesuye bungana n'imyanya irenga 289 muri 577 igize uru rwego.

Michel Barnier uherutse kugirwa Minisitiri w’Intebe w’u Bufaransa ashobora kwegura nyuma yo kunanirwa gutoranya abagize guverinoma

Abo bagabo baganiriye na BTN, basanga abagore bakwiye kuba bari mu rugo bita ku miryango aho kugorobereza mu kabari.

Umwe mu bagabo yagize ati 'Nicara mu kabari umugore akaba yangezeho kandi mba namusigiye amafaranga yo guhaha. Abagore ntabwo tubashaka muri aka Gasantere ka Cyinzovu, bajye bataha mu rugo kare'.

Undi yagize ati 'Iyo baje mu kabari hari n'abatemera gusangira n'abagabo babo ahubwo baje kubaneka ngo barebe ko bari kumwe n'abandi bagore'.

Ku ruhande rw'abo bagore bo bavuga ko kuza mu kabari na bo ari uburenganzira bwabo kuko baba biriranywe mu mirimo y'amaboko n'abagabo na bo bakaza kwihemba ndetse ko harimo na bamwe ahubwo baba baje kubaka amafaranga yo guhaha nta yo babasigiye.

Umwe yagize ati 'Ndisengerera kuko mba narushye na bo bajye banywa batahe. Ntibakavuge ngo dutahe kuko na twe niba twakoreye amafaranga yacu twamaze guteka kuza mu kabari ni uburenganzira bw'umuntu'.

Undi we yavuze ko ikimuzana mu kabari ARI ugukurikira umugabo kuko nta kintu aba yasize mu rugo.

Ati 'Mba naje kumwaka ayo guhaha nkasanga yasinze nguyu hano. Umugabo ataguhahiye ngo ukugurire isabune n'igitenge wamenya ayo mafaranga yayashyize he? Yanywa nk'umugabo ariko akagira n'icyo azana mu rugo'.

Ubuyobozi bw'umudugudu aka gasantere karimo na bwo ngo bwagerageje kwinjira muri icyo kibazo ariko biba iby'ubusa abagore bakomeza kujya mu tubari nk'uko n'abagabo babikora.

Ubuyobozi bw'inzego z'ibanze bushishikariza abaturage kutamara umwaya munini mu tubari kuko akenshi usanga bikurura amakimbirane mu miryango n'ibindi bibazo by'ubukungu.

Abagabo bo muri Kayonza bavuga ko bitagaraga neza kubona abagore bagorobereza mu kabari

Uyu mugabo asobanura ko tariki 7 Nzeri 2024 yapatanye ahantu ikiraka cyo guhinga bumvikana ko bamwishyura 5000 Frw ariko bamwishyura 3000 Frw bamwizeza asigaye azayabona nyuma.

Uyu mugabo ngo yahereje umugore we amafaranga yose yahembwe amubwira ko andi azayamuha nyuma na yo yayahembwe, amukubita umuhini w'isuka.

Gatete ati 'Yinjiye mu nzu ansanga aho nicaye ndi gutonora igitoki arambwira ngo kuki wankinguriye inzu wowe na Nyoko mwankinguriye inzu nkande? Mu gihe ngiye kwisobanura aba ankubise umuhini w'isuka mu kaboko ngiye kugira ngo mufate nitabare aba akubise undi mba nshitse intege no gutaka birananira, akajya avuga ati ndakwica, ndakwasa, azana ishoka, ubwo yarakubise ageze aho arambiwe amenaho amazi akinga inzu aragenda.'

'Ageze ku irembo ku gasozi atangira kwivamo ngo ndamwishe nimujyane muri 'morgue' abantu bakamubaza bati wishe nde se? ati nishe umugabo wanjye nimugende murebe'

Uyu mugabo ubu wavunitse akaboko ndetse kugenda bikaba bikimugora ngo yavanywe mu rugo yataye ubwenge akanguka abona ari kwa muganga.

Ati 'Sinzi uburyo bampetsemo, nazanzamutse mu ma saa cyenda z'ijoro ni bwo mbona ndi kumwe n'umusaza ndamubaza nti aha nahageze nte? Aravuga ngo wari upfuye baje baguhetse, ni umugore wari ukwishe.'

Abaturage batuye mu Mudugudu wa Rukinankwavu wo mu Kagari ka Rwesero aho aba bombi bari batuye bahamya ko uyu mugore yagendaga inzira yose avuga ko amaze kwiyicira umugabo, akajya abwira abantu ngo ababishoboye nibamujyane muri morgue cyangwa kwa muganga.

Gusa umukuru w'uyu Mudugudu, Jean Pierre Sibonama ahakana ko umugore wa Gatete yaba yaramukubise ishoka, akavuga ko ari amakimbirane asanzwe yo mu ngo.

Ati 'Iby'ishoka ntibyabaye, ni amakimbirane yo mu ngo asanzwe, abantu bagakimbirana. Bashobora kuba baratonganye bararwana bisanzwe.'

Gatete avuga ko kujya kwandikisha impapuro mu mudugudu zisobanura ibyo yakorewe bidashoboka kuko umukuru w'Umudugudu ari mwenewabo w'umugore.

Umuyobozi w'Akarere ka Nyanza, Ntazinda Erasme yabwiye Flash FM ko iki kibazo bakimenye ariko umugabo ngo nta hantu yigeze ajya kwivuriza ndetse ngo nta n'ahantu yigeze atanga ikirego.

Ati 'Yagiranye amakimbirane n'umugore we ni byo amukubita umuhini w'isuka mu gatuza, ariko amakuru dufite ni uko umugabo nta hantu yigeze ajya kwivuriza cyangwa ngo atange ikirego n'abantu bamushishikarije gutanga ikirego ariko ntabwo yagitanze. Ibyo by'uko mudugudu atamwandikiye, reka tuvuge ko atamwandikiye kubera ko bafitanye isano ariko se n'akagari kanze kumwandikira?'

Meya Ntazinda yasabye uyu mugabo kwegera Urwego rw'Igihugu rw'Ubugenzacyaha agatanga ikirego kuko nta muntu wakwanga kumwakira.

Bivugwa ko uyu mugore yahukaniye iwabo aho avuka.

Ubuyobozi ntibwemera ko Gatete yakubiswe ishoka

Bella Flowers igaragaza ko icyo gikorwa kizabafasha kwagura amasoko no gukomeza kwimakaza imirimo ishingiye ku dushya no gukurura abashoramari.

Iti 'Ibi bigaragaza uburyo Bella Flowers ihora irajwe ishinga no gutanga serivisi zinoze, no gutanga umusaruro udashindikanywaho.'

Iki kigo gikora ubucuruzi bw'indabo kandi cyamaze impungenge abo kigomba kwishyura mu buryo butandukanye ko bizakorwa mu buryo bwubahirije amategeko ndetse bunoze.

Bell Flowers Ltd kandi yatangaje ko uburyo bushya bw'imikorere yinjiyemo buzatuma imikoranire yayo n'abafatanyabikorwa irushaho kunozwa no kugira imbaraga.

Bella Flowers ifite imirima y'indabo zitandukanye mu Karere ka Rwamagana, mu Ntara y'Iburasirazuba.

Ikorera ubuhinzi bw'indabo ku buso burenga hegitari 60, igahinga amoko 16 y'indabo z'amaroza mu mabara icumi.

Ni indabo zikunzwe cyane ku masoko y'i Burayi na Aziya no mu bihugu bya Afurika.

Imibare yo mu 2020 yerekana ko Bella Flowers yoherezaga mu mahanga hagati ya toni 20 na 30, ndetse yinjije arenga miliyari 10 Frw mu myaka ine yari imaze itangiye. Icyo gihe, Leta yari imaze kuyishoramo arenga miliyari 13 Frw kuva mu 2016.

Bella Flowers Ltd itanga akazi ku biganjemo ab'i Rwamagana na cyane ko ari na ho ikorera kuko mu bayikorera, abagera ku 1000 ni ho bakomoka.

Aha Bella Flowers yagembaga umunyabigwi mu marushanwa yo gusiganwa ku magare, Chris Froome

Bella Flowers ni umufatanyabikorwa ukomeye muri Tour du Rwanda

Aha abakozi ba Bella Flowers bifotozanyaga n’umukinnyi icyo kigo cyari cyahembye

Ni ibyatangajwe n'Umuyobozi w'Ishami rishinzwe guteza Imbere Ubucuruzi muri Irembo, Noella Dushime, mu imurikagurisha riri kubera i Gikondo ku nshuro ya 27, akomoza ku kuba ubwo bufatanye buri muri gahunda y'u Rwanda yo guteza imbere imikoreshereze y'ikoranabuhanga.

Ati ''Ubu bufatanye buradufasha gutanga ibisubizo birambye ku bakenera serivisi dutanga, ibijyanye n'intego yacu yo kwimakaza imikoreshereze y'ikoranabuhanga mu Rwanda.''

Irembo kandi yitabiriye iryo murikagurisha, mu rwego rwo kumurika urubuga rw'ikoranabuhanga rwiswe 'IremboPay', rwashyizweho nk'igisubizo mu gufasha abasaba serivisi ku ikoranabuhanga rukanakemura ibibazo byo kuryishyuranaho, rukanafasha abakora ubucuruzi bakoroherwa no kwishyurana n'ababagana nabwo bikozwe hifashishijwe ikoranabuhanga mu buryo bworoshye kandi bwihuse.

Muri iri murikagurisha kandi Irembo yamurikiyemo serivisi nshya zirenga 100 ziherutse kwiyongera ku zari zisanzwe ku rubuga https://irembo.gov.rw/home/citizen/all_services.

Ni mu gihe mu bikorwa biri imbere, Irembo yatangangaje ko iteganya kurenga imipaka y'u Rwanda igatangira imikoranire n'ibihugu by'abaturanyi mu koroshya ibirimo imihahiranire hifashishijwe ikoranabuhanga.

Ikigo gishinzwe kugeza serivisi za Leta ku baturage hakoreshejwe ikoranabuhanga, Irembo, cyatangaje ko cyatangiye ubufatanye n'ibigo by'ubwishingizi mu Rwanda, ku ikubitiro gitangira gukorana n'Ikigo cy'Ubwishingizi cya Old Mutual Insurance Rwanda hagamijwe kubaka ikoranabuhanga riha ubwishingizi abaturage batavuye aho bari

Irembo ikomeje gufasha abatuye mu Rwanda kubona serivisi za Leta mu buryo bworoshye kandi bwihuse

Irembo ifite ‘Stand’ mu Imurikagurisha riri kubera i Gikondo

Umugaba mukuru w’Ingabo z’u Rwanda, Gen Mubarakh Muganga yasabye abakinnyi ba APR FC guhigura umuhigo bahize bagasezerera Pyramids FC.

Iyi kipe y’Ingabo z’Igihugu iri mu Misiri aho yagiye gukina umukino wo kwishyura w’ijonjora rya 2 mu gushaka itike yo kujya mu matsinda ya CAF Champions League.

Ni nyuma y’uko umukino wabereye i Kigali warangiye ari 1-1, APR FC ikaba isabwa gutsinda uyu mukino uzaba ejo ku wa Gatandatu tariki ya 21 Nzeri 2024.

Umugaba mukuru w’Ingabo z’u Rwanda akaba n’umuyobozi w’icyubahiro wa APR FC, Gen Mubarakh Muganga yibukije abakinnyi b’iyi kipe ko bagaragaje ko ari Intare bityo rero bagomba guhigura umuhigo bahize bagasezerera Pyramids FC.

Ati “Bakinnyi ba APR FC, mwatweretse ko muri Intare kandi mushoboye. Inama n’ Intego ni ya yindi. Mwarahize natwe biba uko, ni muze duhigurire abakunzi b’Inkotanyi barategereje. APR FC, Intsinzi Iteka.”

Amakuru avuga ko APR FC gusezerera Pyramids FC abakinnyi bashyiriweho agahimbazamusyi k’ibihumbi 3 by’amadorali kuri buri umwe.

Gen Mubarakh Muganga yabukije abakinnyi ba APR FC ko bagomba guhigura umuhigo bahize

Igihugu cya Portugal gikomeje gushaka uburyo bwo guhemba umukinnyi wacyo, Cristiano Ronaldo bijyanye n’ibigwi bidasanzwe amaze kugeraho mu mupira w’amaguru.

Uyu mukinnyi yageze kuri byinshi birimo ibitego 130 amaze gutsindira ikipe ye y’igihugu ya Portugal ndetse akaba yaratwaranye nayo ibikombe 2 ari byo icya Euro ya 2016 ndetse n’icya UEFA Nations League.

Kugeza ubu amaze gutsinda ibitego 901 bikaba bimugira umukinnyi umaze gutsinda ibitego byinshi mu mateka ndetse no mu minsi yashize yashyizeho agahigo ko kuba umuntu wa mbere ugejeje abantu bamukurikira bangana na Miliyari 1 ku mbuga nkoranyambaga ze zose.

Mu rwego rwo kumuhemba, igihugu cya Portugal cyafashe umwanzuro wo gukora amafaranga amashya akazaba ariho ifoto ye ndetse n’izina rye mu mpine “CR7”.

Aya mafaranga azaba ari amayero 7 ndetse ashobora kuzajya anakoreshwa hanze ya Portugal. Nubwo aya mafaranga azaba ari amayero 7 ariko kuzajya ushaka kuyatanga bizajya bisaba gutanga amayero ibihumbi 113.

Kuzajya ubona iyi note iriho ifoto ya Cristiano ntibizaba byoroshye kuko izajya igurwa ibihumbi 113 by’amayero, mu manyarwanda akaba ari Miliyoni 170 [170,036,796 Frw].

Cristiano Ronaldo yatangiye gukina ruhago ahereye muri Sporting CP y’iwabo, muri 2003 yerekeza muri Manchester United,2009 ajya muri Real Madrid ayivamo muri 2018 ajya muri Juventus.

Muri 2021 yasubiye muri Manchester United naho muri 2023 ahita yerekeza muri Arabia Saudite yo muri Arabia Saudite ari nayo akinira kugeza ubu. Aya makipe yose yatwaranye nayo ibikombe birimo 5 bya UEFA Champions League, 3 bya Premier League na 2 bya La Liga.

Cristiano Ronaldo agiye gushyirwa ku mafaranga

Portugal igiye guhemba Cristiano Ronaldo kumushyira ku mafaranga