Category: Uncategorized

Nyuma ya Musanze, Gicumbi, Nyagatare, Bugesera na Huye, hari hatahiwe akarere ka Rusizi kamwe mu Turere bitorohera abahanzi benshi gukorerayo ibitaramo ugereranyije no babikorera mu tundi turere.

Mbere y'uko iki gitaramo gitangira, ingamba zo kwirinda icyorezo cya Marbug zarubahirijwe harimo gukaraba no gupimwa umuriro. Uwo basangaga afite umuriro mwinshi, yashyirwaga ku ruhande akitabwaho bakareba ko nta bindi bimenyetso agaragaza.

Ntabwo byatinze ahubwo itsinda ry'ababyinnyi bo ku Nkombo babanje guha ikaze abashyitsi bari babagendereye mu mbyino gakondo z'abatuye kuri iki Kirwa.

Nyuma, abahanzi bafite ubumuga nabo babahaye impano, bagaragaza icyo bashoboye gukora mu rwego rwo kuzamurana ntawe uhejwe kubera uko ameze.

Aha rero abantu bari batangiye kuza ku bwinshi na Stade abantu benda kuzura nuko abahanzi bari baturutse I Kigali batangira gutaramira abafana babo. Ku ikubitiro, Kenny Sol yaje ku rubyiniro nk'ibisanzwe ari kumwe n'ababyinnyi be batangira gushyira mu bicu abafana be.

Intore iratera indi ikikiriza! Nyuma y’uko itorero rya Nkombo ryari ryasigiye umukoro abandi bahanzi, Ruti Joel nawe yahise yinjira ku rubyiniro mu muhamirizo we, abari bavuye mu bicu bashyira akaguru hasi barahamiriza biratinda.

Ruti ati hari injyana iri ku isonga magingo aya, abererekera umuraperi Danny Nanone hanyuma nawe mu ndirimbo nka Confirm, My type, Amanota ndetse n'izindi zitandukanye zakomeje gushyira abafana be mu bicu.

Nyuma ya Dany Nanone, hubahirijwe uburinganire nibwo Bwiza yahise yinjira ku rubyiniro atera amerwe abasore arababyinisha, ibyo babonaga muri Televiziyo zabo batangira kubirebesha amaso yabo n'abari bafite inzozi zo guhura na we, barasabana barabyinana.

Bushali na Chriss Eazy baje bakurikiye aba bahanzi bose basa nk'abakomeza kugenda baharurira inzira Bruce Melodie waje aririmba bwa nyuma ibi bitaramo bigahita birangira.

Bruce Melodie yerekanye itandukaniro mu bandi bahanzi

Byari ibyishimo ubwo Ruti Joel yahamirizaga n’Abanyarusizi

Mr Ewuaaan Chris Eazy witegura gutaramira muri Uganda nawe yashimishije abafana be

Ntabwo bikiri inkuru kuvuga ko Bushali yacanye umucyo ku rubyiniro

Umuhanzikazi Bwiza akomeje kuziba icyuho cy’abahanzikazi bake muri MTN Iwacu Muzika Festival

Iri ni ikoranabuhanga iyo rishowemo imari, rishobora kubyazwa umusaruro rigatanga umusanzu mu itumanaho, kugenzura ibidukikije, ubushakashatsi bushingiye kuri siyansi, kwifashishwa mu guhangana n'ibiza, kugenzura umutungo kamera n'ibindi.

Umuyobozi Mukuru wa RSA, Twagirayezu Gaspard, yavuze ko hari gahunda iki kigo gifite zo guharanira ko abanyeshuri benshi babona amahirwe azanwa na tekinoloji ishingiye ku Isanzure ku buryo na bo batangira gutekereza uko igihugu cyayabyaza umusaruro.

Ni ingingo yagarutseho ku mugoroba wo ku wa 11 Ukwakira 2024, umunsi RSA ku bufatanye n'Ikigo cya TRL Space Rwanda gikora ibyogajuru bito bizwi nka 'CubeSat', bateguriyeho amarushanwa yo kubaka ibyogajuru bito bizwi nka 'CubeSat'.

Aya marushanwa yitabiriwe n'abanyeshuri bo muri Riviera High School, Lycée de Kigali, ndetse n'aba Green Hills Academy.

Intego yayo yari ukwereka abanyeshuri uburyo tekinoloji ishingiye ku Isanzure ishobora gukoreshwa mu nzego zitandukanye mu gihugu.

Ni kimwe mu bikorwa byakorewe mu Rwanda mu cyumweru cyahariwe Isanzure ku Isi.

Muri aya marushanwa kandi aba banyeshuri bagennye n'imishinga ibyo byogajuru byakora bigeze mu Isanzure. Iba igomba kujyana n'ibibazo bihari no kubishakira ibisubizo.

Twagirayezu Gaspard ati 'Twe [amarushanwa] afasha abana bacu kumva amakaro ka tekinoloji ishingiye ku Isanzure ku Isi. Ibi binatuma abana bigirira icyizere bakanagirira urukundo iri koranabuhanga.'

'Hari porogaramu tuzageza mu mashuri atandukanye dufite ku rutonde. Intego ni uko abanyeshuri basobanukirwa neza tekinoloji ishingiye ku Isanzure n'icyo bayibyazamo. Ibi byabaye byari nk'itangira.'

Kubera inyungu nyinshi zigaragara mu Isanzure ku batuye Isi, u Rwanda narwo nti rwatanze.

Rwafashe umwanzuro wo gutangiza iki kigo gishinzwe ibijyanye n'isanzure kuko amakuru atangwa n'ibi bigo hirya no hino yifashishwa mu bikorwa bitandukanye.

Hashize igihe kitari kinini iki kigo cyubaka sitasiyo igenzura amakuru y'ibyogajuru mu Ntara y'Iburasirazuba, mu Karere ka Rwamagana, mu Murenge wa Mwurire.

Ubu mu Rwanda hari kubakwa icyogajuru kizwi nka 'Hyperspectral 6U CubeSat'. Kizarangira muri Kamena 2026 gihite cyoherezwa mu Isanzure.

Minisitiri w'Ikoranabuhanga na Inovasiyo, Paula Ingabire, yashimiye abanyeshuri bo mu Rwanda ubushake bagaragaza bwo kuzavamo abahanga mu by'Isanzure mu gihugu.

Ati 'Muri mwe, turabonamo aba-astronauts b'u Rwanda b'ahazaza. Uyu munsi ni intangiriro y'urugendo rwanyu, kandi turi hano kugira ngo dushyigikire intego zanyu.'

'Ibi bikwiye gutuma mukomeza kugira amatsiko yo kwiga no guhanga udushya. Ntabwo ari ukubaka ikoranabuhanga gutyo gusa ahubwo ni no kumenya uburyo rishobora gukemura ibibazo bigaragara ku Isi.'

Ingabire yashimangiye ko leta yiyemeje kwagura gahunda z'uburezi hakagezwa porogaramu zijyanye n'iby'Isanzure mu Rwanda hose, kugira ngo abanyeshuri benshi babone amahirwe yo kwiga ibyerekeye iri koranabuhanga.

Minisitiri w'Ikoranabuhanga na Inovasiyo, Paula Ingabire, yavuze ko Guverinoma yiteguye gushyigikira abanyeshuri bagaragaza ubushake bwo kongera ubumenyi mu bijyanye n’Isanzure

Umuyobozi Mukuru wa RSA, Twagirayezu Gaspard, yijeje gufasha abanyeshuri benshi kubafasha mu bijyanye n’iby’isanzure

Umuyobozi Mukuru wa TRL Space Rwanda, Petr Kapoum, yavuze ko mu myaka itanu iri imbere u Rwanda ruzaba rufite ibyogajuru byarwo mu Isanzure

Aya marushanwa yitabiriwe n'abanyeshuri bo muri Riviera High School, Lycée de Kigali, ndetse n'aba Green Hills Academy

Ishuri rya Lycée de Kigali ryari rihagarariwe

Abanyeshuri bitabiriye amarushanwa yabateguriwe barahembwe

Iyi ni telescope ya TRL Space Rwanda yifashishwa kureba ibiri mu Isanzure

Amafoto: Nzayisingiza Fidele

Ibi yabigarutseho mu muganda wihariye w'urubyiruko wo gutera ibiti, wabereye mu Karere ka Gisagara, mu Murenge wa Kibirizi, Akagari ka Kibirizi, Umudugudu wa Ruhuha, kuri site ya Buzana, ku wa 12 Ukwakira 2024.

Mu butumwa yageneye urubyiruko ruyingayinga ibihumbi bitandatu rwitabiriye uyu muganda, yabibukije ko kwita ku bidukikije ari ukwigirira neza ubwabo.

Yagize ati “Ni mwebwe baragwa b'iyi si dufite uyu munsi. Ni mwebwe mu myaka 10 cyangwa 15 iri imbere, muzatunga iyi si. Byaba ari ikibazo musanze ari ubutayu, ari ibiza gusa, abantu batabasha kubona imvura, mwazahagirira ibibazo,''

'Iyo mwita kuri ibi biti, ni ahazaza hanyu muba mutegura. Ikibazo cy'ibiza bikomoka ku kutita ku bidukukikije, ni amakosa ya muntu ubwe mu bihe byahise, ariko birashoboka kubikosora.''

Yibukije bimwe mu biza byagiye byibasira abantu mu Rwanda birimo ibyo mu Burengerazuba n'Amajyaruguru byatwaye abasaga 100 mu 2023, ikibazo cy'umwuka utari mwiza ugaragara mu kirere cya Kigali n'izindi ngorane zose zikomoka ku ihungabana ry'ibidukikije, avuga ko umuzi wabyo ari ukuba hari ibiti bike.

Yasabye buri wese mu rubyiruko na buri mwana kwitabira gutera ibiti aho yiga cyangwa atuye ndetse no kubungabunga ibyatewe, mu ntego yo kugira iguhugu gitoshye.

Ati “Buri mwana wese, haba mu rugo, ku mashuri, aho dusengera, ni habaho gahunda yo gutera ibiti, ujye utera igiti uzirikana ko kizagutaraba, kiguha imvura kandi kikurinde umuyaga ndetse gitume n'igihugu cyacu gitoha.''

Umuyobozi Mukuru wa UNICEF Rwanda, Julianna Lindsey, yavuze ko yishimiye gufatanya na Minisiteri y'Urubyiruko n'Iterambere ry'Ubuhanzi n'abandi bafatanyabikorwa muri iki gikorwa cyo gutera ibiti.

Yavuze ko ikibazo cyo kurengera ibidukikije gikeneye ubufatanye bwa buri wese, asaba abana babyiruka kuzahorana ubufatanye bugamije kugira isi icyatsi kibisi.

Ati'' Twahuriye hamwe hano, none duteye ibiti bisaga ibihumbi icumi, iyo ari umuntu umwe hano undi hariya biragora, ariko iyo dukoreye hamwe biroroha ko turinda ubutaka bwacu isuri ndetse kutarinda n'ibidukikije muri rusange.''

Umuyobozi w'Akarere ka Gisagara, Rutaburingoga Jerome, yavuze ko igikorwa cyo gutera ibiti muri Gisagara bifite inyungu za nonaha n'iz'igihe kizaza kuko bitanga akazi ku rubyiruko none, ariko no mu gihe kizaza ibiti bitewe bikazagirira neza abavuka n'ababyiruka.

Ati “Izi ngemwe ziterwa zahumbitswe n'urubyiruko rwa Gisagara rubonamo amafaranga, kandi n'ibi biti ni byera, bizaduha imbuto n'ibindi byinshi, ari nako birengera ibidukikije.''

Muri rusange urubyiruko rwitabiriye uyu muganda, rwagaragaje ko rwamaze kumenya neza akamaro ko kurengera ibidukikije, bavuga ko bazahora imbere mu gutanga imbaraga zabo mu bikorwa birengera ibidukikije kuko ari nk'ingobyi ibahetse.

Muri uyu muganda wihariye w'urubyiruko, kuri site ya Buzana hatewe ibiti bisaga ibihumbi 11, ariko muri rusange mu Karere hose urubyiruko rukazatera ibiti ibihumbi 100.

Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah yibukije urubyiruko ko kwita ku bidukikije ari ukwigirira neza.

Urubyiruko rwamaze kumenya ko kurengera ibidukikije ari uguteganyiriza ejo hazaza heza hazira ibiza.

Urubyiruko rwemereye abayobozi ko bazakomeza gutanga imbaraga zabo mu kurengera ibidukikije.

Urubyiruko rwasabwe kurengera ibidukikije bitabira gutera ibiti no kubungabunga ibyatewe.

Aha hatewe ibiti hanaciwe imirwanyasuri,aho urubyiruko rwakozemo rwahembwe, kandi ibikorwa byo kwita ku biti nabyo bikazakomeza mu mezi 10 bahembwa.

Aha hatewe ibiti hanaciwe imirwanyasuri, aho urubyiruko rwakozemo rwahembwe, kandi ibikorwa byo kwita ku biti nabyo bikazakomeza mu mezi 10 bahembwa.

Urubyiruko rusaga ibihumbi bitanu ni rwo rwitabiriye uyu muganda aho bateye ibiti bisaga ibihumbi 11 kuri hegiteri 6.

Ababyiruka barakenewe cyane mu bikorwa byo kurengera ibidukikije.

Minisitiri Dr. Utumatwishima Jean Nepo Abdallah afatanije na Meya Rutaburingoga Jerome mu gutera igiti.

UNICEF ni umufatanyabikorwa wa MOYA mu bikorwa biteza imbere ibidukikije binyuze mu mushinga ‘Green Rising’ ubumbye imishinga myinshi izakorwa n’uubyiruko irengera ibidukikije.

Umuyobozi wa UNICEF mu Rwanda, Julianna Lindsey na we yateye ibiti.

Kuri uyu wa Gatandatu taliki ya 12 Ukwakira 2024 ni bwo mu gihugu hose hakozwe Umuganda wihariye w’urubyiruko wo gutera ibiti byiganjemo ibya gakondo.

Ku rwego rw’igihugu iki gikorwa cyakorewe mu Karere ka Gisagara, mu Murenge wa Kibiziri, Akagari ka Kibirizi, mu Mudugudu wa Ruhuha kuri site ya Buzana A na B aho hatewe ibiti 11200.

Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah yavuze ko Umuganda w’urubyiruko ari igikorwa basanzwe bafite muri gahunda ndetse impamvu y’uyu muganda akaba ari mu rwego rwo kubungabunga ibidukikije.

Ati: “Umuganda wihariye w'urubyiruko ni igikorwa dusanzwe dufite mu bikorwa bya Minisiteri y'Urubyiruko dufatanyamo n'Inama y'igihugu y'Urubyiruko n'inzego z’ibanze. Impamvu yo gutera ibi ibiti rero ni gahunda ihari ku rwego rw'Isi ku bintu bijyanye no kubungabunga ibidukikije”.

Yakomeje avuga ko gutera ibiti bikwiye kujya mu byo urubyiruko rushyiraho umutima dore ko Isi ihari uyu munsi izaba ariyo si yarwo mu gihe kizaza anavuga ko rukwiye kwigishwa ibijyanye n’ingaruka zo kwangirika kw’ibidukikije.

Ati: “Gutera ibiti byajya mu byo urubyiruko rushyiraho umutima kubera ko byamaze kugaragara ko ihindagurika ry'ikirere rigira ingaruka ku bihugu, rigira ingaruka ku baturage ariko iyi si dufite izaba ari isi y'uru rubyiruko ahazaza bagomba kuyirinda none”. 

“Ubwo rero rugomba kwigishwa ingaruka z'ibiza, ingaruka ku bihugu bidafite amashyamba ahagije, ingaruka zo kugira izuba ry'igikatu, imvura ikabura abantu bakagira inzara, hanyuma urubyiruko rugatera ibiti rukabirinda, ubundi ibihugu byinshi birimo n'icyacu bikagira amashyamba ahagije, urubyiruko rugahumeka umwuka mwiza tukabona imvura, tukeza ntitugire n'ikibazo cy'inzara.  

Ni ibintu tugomba kwigisha urubyiruko none kuko ahazaza biragaragara ko tutahitondeye iyi si yazaba imeze nabi kubera imihindagurikire y'ikirere”.

Minisitiri ufite urubyiruko mu nshingano ze yanasabye urubyiruko rwo mu karrere ka Gisagara kwiga ibijyanye n'ibidukikije no guhanga imishinga ijyanye nabyo dore ko harimo amahirwe cyane muri iyi minsi.

Umuyobozi Mukuru w’Umuryango We Got Your Back, Anastase Ndagijimana, ukorana n’urubyiruko mu bintu bitandukanye birimo no kurinda ibidukikije, aganira na InyaRwanda yavuze ko iyi gahunda ari mpuzamahanga ikaba iri mu bihugu 8.

Ati: “Iyi gahunda ni mpuzamahanga ni ibihugu 8 biri kuyishyira mu bikorwa ikaba yaravutse ivuye mu nama yo mu mwaka ushize yo kwita ku bidukikije. Ni umushinga uri gushyirwa mu bikorwa ku bufatanye na Minisiteri y'Urubyiruko na UNICEF”.

Yakomeje avuga ko We Got Your Back baza muri iyi gahunda nk’abashinzwe kuyishyira mu bikorwa. Ati: “Twebwe nka We Got Your Back” tuziraho nk'abantu bari gushyira mu bikorwa mu yandi magambo ni twebwe tubazwa inshingano zo gushyira mu bikorwa iyi gahunda”.

Yakomeje avuga icyo iyi gahunda igamije ndetse n’igihe izakorerwa, ati: “Iyi gahunda rero icyo igamije ni ugushishikariza urubyiruko kugira uruhare mu kurengera ibidukikije harimo gutera ibiti bivangwa n'imyaka ariko n'ibiti bitavangwa n'imyaka. 

Turi kubikora mu gihe kingana n'amezi 10 nko kugerageza nyuma yaho hazabaho kongera tujye mu turere dutandukanye kuko ubungubu turi gukorera mu turere turindwi”. 

Yanavuze ko kandi ibi biti byatewe bizakomeza gukurikiranwa kugeza bikuze.

Mu Karere ka Gisagara, mu gihe cy'amezi 10 iyi gahunda izasiga hatewe ibiti ibihumbi 70 mu masite arindwi, gusa kuri ubu hasigaye amasite 6. 

Minisitiri w’Urubyiruko n’Iterambere ry’Ubuhanzi, Dr. Utumatwishima Jean Nepo Abdallah yafatanyije n’urubyiruko rwo mu karere ka Gisagara gutera ibiti

Mu Karere ka Gisagara hatewe ibiti birenga ibihumbi 11 mu kubungabunga ibidukikije

Minisitiri w’Urubyiruko n’Iterambere ry’Ubuhanzi yashishikarije urubyiruko kubyaza umusaruro amahirwe ari mu bidukikije 

AMAFOTO: Ngabo Serge

Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascene, yibukije abatuye Akarere ka Nyamasheke kwitabira gahunda za Leta uko bikwiye, ndetse bakanirinda inyigisho zibayobya kuko biri mu bidindiza ubumwe n’ubudaheranwa bw’Abanyarwanda muri aka Karere.

Ibi yabigarutseho ubwo yifatanyaga n’ihuriro ry’Ubumwe n’Ubudaheranwa muri aka Karere mu biganiro bigamije gushakira umuti ibikibangamiye ubu bumwe. Ibi biganiro byabereye mu Karere ka Nyamasheke kuri uyu wa Gatanu tariki 11 Ukwakira 2024

Omer Mayobera, umushakashatsi mu Muryango Alert International, yavuze ko mu bushakashatsi bakoze basanze hari byinshi bikibangamiye ubumwe n’ubudaheranwa bw’Abanyarwanda muri Nyamasheke, nko kuba hari ahakigaragara ivangura rishingiye ku moko, inyigisho ziyobya n’ibindi.

Muri uku Kwezi kwahariwe ubu bumwe n’ubudaherwa bw’Abanyarwanda, ihuriro ryabwo mu Karere ka Nyamasheke, rirarebera hamwe icyaba igisubizo kuri izi mbogamizi nk’uko biri mu nkuru ducyesha Ikigo cy’Igihugu cy’Itangazamakuru, RBA.

Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascene, yikije kuri bamwe mu bakomoka mu cyahoze ari Cyangugu bari hanze y’igihugu bakomeje gukwirakwiza imvugo z’urwango zihakana zikanapfobya Jenoside yakorewe Abatutsi, ibigira uruhare mu gusenya ubumwe.

Gusa asanga hari inzira imwe kandi yoroshye yo kugera ku bumwe n’ubudaheranwa byuzuye, mu gihe abaturage bareba ku mwihariko w’amateka yabo ndetse bakitabira gahunda za Leta uko bikwiye. Yanakomoje ku banyamadini, anenga bamwe muri bo babeshyeshya ubuhanuzi abaturage bafite ibikomere.

Ati 'Irondamoko n'ivangura, kugira uruhare muri Jenoside byose byagizwemo uruhare n'abanyamadini. Kubera imyemerere rero umuntu ufite ibikomere kumubeshyeshya ubuhanuzi biroroha, aho babaka amaturo na yo badafite babizeza ko babasengera bakabona buri kintu cyose bifuza, harimo kubona ubutunzi no kubona ibyangombwa byo kujya mu mahanga'.

Umushumba w'Itorero rya Angilikani muri Diyosezi ya Cyangugu, Musenyeri Karemera yasabye ko Abanyarwanda bagira Indangagaciro y'ukuri kuko ari ko kuvana abantu mu bukoroni bw'icyaha, bugatanga ubwigenge mu bantu kandi abanyamadini bagaharanira ukuri n'ubwo ngo hari aho gusharira.

Yavuze ko bikwiriye ko Abanyamadini bigisha ukuri ku mateka asharira u Rwanda rwanyuzemo. Aragira ati 'Reka insengero zacu zibe urubuga ruhuriramo abantu batandukanye, ku buryo inyigisho zacu zihindura abantu abanyakuri. Twigishe ukuri kuri Jenoside yakorewe Abatutsi.

Twigishe ukuri ku moko y'Abanyarwanda kuko hari nk'abo tuzi bavuka ku mubyeyi umwe babaye Abatutsi abandi baba Abahutu, ibyo bikaba bivuze ko dukwiye kwigisha ukuri aho gucamo abantu ibice'.

Ukwezi k’Ukwakira kose kwahariwe ubumwe n’ubudaheranwa by’Abanyarwanda, ibi biganiro ku rugendo rwo kugera byuzuye kuri iyi ntego biraba mu gihe ubushakashatsi bwo muri 2021, bwagaragaje ko ubu bumwe n’ubudaheranwa bigeze ku kigereranyo cya 94.6%.

Musenyeri Karemera yasabye ko Abanyarwanda bagira Indangagaciro y'ukuri

Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascene

Abanyamadini bo mu Karere ka Nyamasheke biyemeje kwigisha ukuri kuri Jenoside yakorewe Abatutsi

AS Kigali yari yakinnye na Rayon Sports mu mukino wa gicuti. Ni umukino amakipe yombi yari afite gahunda yo kureba urwego rw’abakinnyi bayo cyane ko bamwe bari gufasha amakipe y'ibihugu bakomokamo.

Muri uyu mukino kandi wabonaga abari kuri Kigali Pele Stadium batanezerewe cyane kubera bibukaga ukuntu ikipe y'igihugu yatsinzwe ibitego bitatu ku busa n'ikipe y'igihugu ya Benin.

AS Kigali niyo yatangiye ikina neza kuko ubwumvikane bwa Emmanuel Arnold Okwi, Ngendahimana Eric na Akayezu Jean Bosco bwatumye AS Kigali ibona uburyo bwagaruwe n'umutambiko w'izamu.

Nubwo AS Kigali yatangiranye imbaraga zidasanzwe, ubwugarizi bwa Rayon Sports bwari buyobowe n'umunya Senegal Omar Gning bwagumye kuba maso hamwe n'umuzamu Ndiyae nuko AS Kigali ikomeza kubura igitego. Na Rayon Sports yanyuzagamo ikataka ibinyujije mu munya Mali Adama Bagayogo.

Ku munota wa 22 umunya Mali Adama Bagayogo yarekuye umupira imbere y'izamu rya AS Kigali nta wuzi ibyo ari byo, nuko umupira ugarurwa n'umutambiko w'izamu, abakunzi ba Rayon Sports bagarura akabaraga batangira gushyigikira abakinnyi bayo.

Ku munota wa 25 Rayon Sports yongeye kunyereza agapira mu rubuga rw'amahina rwa AS Kigali nuko Serugogo Ali Omar atanga umupira kwa Fall Ngagne ukomoka muri Senegal, atsindira Rayon Sports igitego cya mbere.

Rayon Sports ikimara kubona igitego cya mbere, abakinnyi bayo bakomeje kotsa igitutu izamu rya AS Kigali, ari na ko abafana bayo bari bari kuri Kigali Pele Stadum bari bayishyigikiye mu mwihariko w'amashyi yabo.

Kubura igitego cyo kwishyura ku ruhande rwa AS Kigali, kurata ibitego byinshi ku ruhande rwa Rayon Sports ni byo byasoje igice cya mbere cyarangiye Rayon Sports iyoboye n'igitego kimwe ku busa bwa AS Kigali.

Mu gice cya kabiri, Rayon Sports yagarukanye imbaraga zidasanzwe itangira kotsa igitutu mu izamu rya AS Kigali, gusa igitego cya kabiri kiguma kubura.

Amakipe yombi yagumye kugerageza amashoti ya kure ariko amahirwe yo kubona igitego cya mbere ku ruhande rwa AS Kigali biranga arabura, ari na ko igitego cya kabiri muri Rayon Sports byari byanze.

Ku munota wa 62 AS Kigali yabonye igitego cyatsinzwe na Okwi, gusa abasifuzi baracyanga bashimangira ko uyu rutahizamu ukomoka muri Uganda yari yaraririye.

Abari kuri Kigali Pele Stadium bagumye kuryoherwa n'ibirori bya Rayon Sports kuko umunya Senegal Fall Ngagne yari ari gucenga abakinnyi ba AS Kigaki bakumbagaye.

Ku munota wa 75 Rayon Sports yahushije igitego kidahushwa nyuma y’uko Fall Ngagne yasigaranye n’umuzamu Adolphe akananirwa kumutsinda igitego, umupira usubiye kwa Fiston awuteye n’umutwe izamu rirangaye umupira ujya hanze y’izamu.

Iminota 90 isanzwe yarangiye bikiri igitego kimwe cya Rayon Sports ku busa bwa AS Kigali, umusifuzi yongeraho iminota itanu. Ku munota wa 90+3 Iyabivuze Osee yatsinze igitego cya AS Kigali, umusifuzi aracyanga ariko ntiyabyemeranyaho n’abari kuri Kigali Pele Stadium. 

Umukino warangiye AS Kigali ibuze igitego cyo kwishyura nuko Rayon Sports yegukana intsinzi. Gutsinda uyu mukino byatumye abakunzi ba Rayon Sports babona ko ikipe yabo imeze neza cyane ko mu minsi ishize bari baherutse kwisasira Mukura mu mukino wa gicuti.

Abakinnyi babanje mu kibuga ku ruhande rwa Rayon Sports 

Abakinnyi babanje mu kibuga ku ruhande rwa AS Kigali 

AS Kigali yakinnye na Rayon Sports mu mukino wa gicuti mu gihe benshi batazi igihe shampiyona izagarukira 

Rayon Sports yatsinze AS Kigali mu mukino wa Gicuti

Amakipe yombi yari yakaniye uyu mukino ariko birangira intsinzi yegukanywe na Rayon Sports

Aya masomo ya kinyamwuga yasojwe ku wa Gatanu tariki 11 Ukwakira 2024, bari bayamazemo amezi atanu, yasojwe n'abasirikare 72, Abapolisi babiri n'Abacungagereza babiri b'u Rwanda.

Umugaba Mukuru w'Ingabo z'u Rwanda, Gen Mubarakh Muganga, yashimiye abahawe impamyabumenyi ku ntambwe bagezeho abasaba kugira uruhare rufatika mu guteza imbere igihugu.

Yagize ati “Turabashimira umuhate n'ubwitange mwagaragaje muri iyi minsi. Iyo uvuye muri iyi 'College', uba ufite ubumenyi bugomba gutuma ugira uruhare runini mu guhuza ibitekerezo by'aho Isi ya none igana no kugira uruhare mu iterambere rw'igihugu.”

Yakomeje agira ati 'Nyakubahwa Perezida wa Repubulika Paul Kagame akaba n'Umugaba w'Ikirenga w'Ingabo, yakomeje gushimangira akamaro ko guhugura mu gutegura abantu, kurengera inyungu z'igihugu no gukemura ibibazo by'ingabo.”

Bamwe mu barangije ayo masomo bahamije ko ubumenyi bahawe buzabafasha mu kunoza inshingano bazahabwa ndetse ko na bagenzi babo batayahawe bazabungukiraho byinshi kuko biteguye kubasangiza kuri ubwo bumenyi.

Mu muhango wo gusoza aya masomo, hatanzwe ibihembo ku bitwaye neza mu bice bitandukanye by'amasomo yitabiriwe n'abafite ipeti rya Captain na Major mu bayitabiriye bagize icyiciro cya 23.

Umunyeshuri muri rusange witwaye neza ni Capt Michael Nsengiyumva, naho Maj Vedaste Masabo yahawe igihembo cy'ubushakashatsi bwiza.

Uyu muhango kandi witabiriwe n'abajenerali n'abasirikare bakuru bo muri Ngabo z'u Rwanda, Polisi n'Abacungagereza ndetse na bamwe bo mu miryango y'abanyeshuri barangije amasomo yabo.

Umugaba Mukuru w’Ingabo z’u Rwanda, Gen Mubarakh Muganga, yasabye abasoje aya masomo kugira uruhare rufatika mu iterambere ry’igihugu

Abitabiriye icyiciro cya 23 cy’amasomo ya gisirikare, ni abafite ipeti kuva kuri captain kugera kuri major

Abahize abandi bashimiwe

Abofisiye 76 bo mu Ngabo z’u Rwanda nibo bahawe aya masomo

Ibi byagarutsweho ubwo SONARWA General yasozaga icyumweru cyahariwe kwita ku bakiliya ku wa 11 Ukwakira 2024.

Ni icyumweru cyaranzwe no gushimira abakiliya b'imena b'icyo kigo by'umwihariko abamaranye na cyo igihe kinini n'abaka serivisi nyinshi. Abo bakiliya bagiye bahabwa ibihembo by'ishimwe binyuranye harimo ababisangishijwe aho bari n'abagiye kubihererwa ku cyicaro cya SONARWA General.

Icyo cyumweru cyanaranzwe no kurushaho kunoza serivisi abakiliya bahabwa muri rusange. Ubwo cyasozwaga, ubuyobozi bwa SONARWA General bwashimiye n'abakozi bakorera ku cyicaro gikuru kuko batanga umusanzu ukomeye mu kwita ku bakiliya muri rusange.

Ubuyobozi Bukuru bwa SONARWA General, bwashimiye abo bakozi ku musanzu w'indashyikirwa batanga ndetse basabwa gukomeza gukorana umurava kuko ari bo shingiro rya serivisi baha ababagana.

Iki kigo cyari kimaze icyumweru gishimira abakiliya bagisoje bashimira n'abakozi bacyo bagifasha gutanga serivisi nziza bazisangisha abakiliya aho baherereye hose ndetse no kwakira neza abaza babagana.

Abakozi basabwe kurushaho gutanga urugero rwiza mu kwakira abakiliya kandi mu buryo buhoraho.

Ubuyobozi Bukuru bwa SONARWA General bwashimangiye ko abakiriya babo bazahora ku isonga ndetse serivisi bahabwa zikarushaho kunozwa.

Umwe mu bayobozi yagize ati 'Turizeza abakiriya bacu ko ibijyanye no kubakira mu buryo bushimishije dukomeje kubishyiramo ingufu by'umwihariko gukoresha ikoranabuhanga kugira ngo tubashe kubageraho mu buryo bwihuse,bwiza kandi bunoze.

Yakomeje agira ati 'Turi ikigo gifite uburambe n'ubushobozi byo gukomeza kubagezaho serivisi nziza aho baba bari hose mu gihugu'.

SONARWA General ni imfura mu bigo by'ubwishingizi mu Rwanda dore ko mu 2025 kizaba cyujuje imyaka 50 gitanga izo serivisi ku bakigana.

Icyumweru cyahariwe abakiliya cyaranzwe n’ibikorwa binyuranye

Abakozi ba SONARWA General basabwe kurushaho kwita ku bakiliya

SONARWA igiye kuzuza imyaka 50 ishinzwe

Ibi birori bayabereye ku kicaro gikuru cya SONARWA General

Abakozi ba SONARWA General bisihimiye intambwe imaze guterwa

Abahize abandi bashimiwe

Mu butumwa Minisiteri y'Ubuzima yanyujije ku rukuta rwayo rwa X, yatangaje ko n'Umunyamabanga wa Leta muri Minisiteri y'Ubuzima, Dr. Butera Yvan, ari mu bari babyitabiriye.

Ku wa 27 Nzeri 2024 abarwayi ba mbere nibwo bagaragaye mu Rwanda, ubu abamaze kwandura Virusi ya Marburg bageze kuri 61 mu gihe abo yahitanye ari 14, nk'uko imibare y'Ikigo cy' igihugu gishinzwe kwita ku buzima [RBC] ibigaragaza.

Mu banduye iyi virusi, 16 bamaze kuyikira mu gihe abandi 31 bakiri kuvurwa. Hamaze gufatwa ibipimo by'abantu 3.272.

Mu gihe Abaturarwanda basabwa gukomeza kubahiriza ingamba zo kurwanya iki cyorezo zirimo kwirinda kwegerana cyane ufite ibimenyetso byacyo no kwimakaza isuku, Leta y'u Rwanda na yo ikomeje gahunda yo gukingira abafite ibyago byinshi byo kwandura. Muri rusange hamaze gutangwa inkingo zirenga 346.

Ibimenyetso by'iyi ndwara birimo umuriro mwinshi, kuribwa mu nda, kuribwa umutwe no gucibwamo. Ubifite cyangwa umenye umuntu ubifite asabwa kumenyesha inzego z'ubuzima kugira ngo zimufashe.

Umuyobozi Mukuru w'ikigo cy'umuryango wa Afurika Yunze Ubumwe gishinzwe kurwanya no gukumira indwara [Africa CDC], Dr. Jean Kaseya, uheruka i Kigali, yagaragaje ko yanyuzwe cyane n'ingamba zafashwe na Guverinoma y'u Rwanda n'uburyo iri kwitwara muri ibi bihe, kandi ko iki kigo kizakomeza gufatanya n'u Rwanda mu guhashya iyi ndwara no kurinda ko yakwirakwira.

Minisitiri w’Ubuzima, Dr Nsanzimana Sabin, yagiranye ibiganiro n’abafatanyabikorwa ku rwego rw’igihugu na mpuzamahanga mu gushaka ibisubizo bishingiye kuri siyansi mu guhashya icyorezo cya Marburg

Umunyamabanga wa Leta muri Minisiteri y’Ubuzima, Dr Butera Yvan, yari ari muri ibi biganiro