Category: Uncategorized

Saa moya za mu gitondo zo kuri uyu wa 15 Ukwakira, ni bwo ishami rya Polisi y'u Rwanda rishinzwe umutekano wo mu mazi ryarohoye umurambo wa Imanirahari Joseph warohamye tariki 13 Ukwakira saa cyenda z'igicamunsi.

Uyu murambo wabonetse mu Mudugudu wa Gataba, Akagari ka Kibogora umurenge wa Kanjongo muri metero nkeya uvuye aho yarohamye.

Umunyamabanga Nshingwabikorwa w'Umurenge wa Kanjongo, Kimonyo Juvénal, yabwiye IGIHE ko nyuma yo kurohora uyu murambo bagamirije abaturage, babaha ubutumwa burimo kwihanganisha umuryango wa Imanirahari no gukangurira abaturage kwirinda impanuka zo mu mazi.

Ati “Twaganirije abaturage, twihanganisha ab'umuryango wagize ibyago, twibutsa abaturage ko amazi atari meza bagomba kuyirinda”.

Umurambo wa Nyakwigendera woherejwe ku bitaro bya Kibogora kugira ngo ukorerwe isuzumwa mbere y'uko ushyingurwa.

Umuyobozi wa Kibogora Polythecnic, Dr. Mukamusoni Daria, yabwiye IGIHE ko bataramenya aho uyu munyeshuri azashyingurwa kuko bagiitegereje umwanzuro w'inama y'umuryango we.

Abaturage bagirwa inama yo kwirinda kujya mu mazi menshi batambaye umwambaro w'ubwirinzi bw'impanuka zo mu mazi.

Ubuyobozi bwihanganishije umuryango wagize ibyago busaba abaturage kwitwararika amazi menshi

Ryabaye kuri uyu wa Mbere tariki 14 Ukwakira 2024 mu Mujyi wa Arras ndetse rirakomeza kuri uyu wa Kabiri tariki 15 Ukwakira 2024 mu Mujyi wa Lyon, ni nyuma y'uko bakoreye igitaramo gikomeye mu iserukiramuco ryitwa 'World Culture' ryabereye mu Mujyi wa Karachi mu gihugu cya Pakistan, ku Cyumweru tariki 29 Nzeri 2024.

Ni ubwa mbere bari bataramiye muri ibi bihugu mu rugendo rugamije guhamagarira abatuye Isi kurangwa n'ubumuntu mu bikorwa byabo bya buri munsi.

Babigezeho babicyesha umusaruro watanzwe n'iserukiramuco 'Ubumuntu', ryabaye hagati ya 19-25 Nyakanga 2024 hizihizwa imyaka 10 y'ibikorwa byabo byabereye ku Rwibutso rwa Jenoside rwa Kigali ruherereye ku Gisozi mu Mujyi wa Kigali.

Ryagaragayemo abahanzi n'amatsinda barimo: Umuhanzi Peace Jolis, 'Counting to 10', 'Virtue', 'I Am An African', 'Generation 25', ababyinnyi bo muri Pakistan, abaturutse mu Bwongereza, Leta Zunze Ubumwe za Amerika, Uganda, Afurika y'Epfo n'abandi.

Iri serukiramuco bakinnyemo ku nshuro ya mbere 'Théâtre de La Renaissance' ryatangijwe ku mugaragaro mu 1982. Kuva icyo gihe ryubakiye cyane ku guteza imbere ikinamico zo mu bihugu bitandukanye, umuziki n'ibindi binyuranye.

Generation 25 yakinnye muri iri serukiramuco igizwe n'abasore n'inkumi b'abahanzi, kandi benshi muri bo bavutse nyuma ya Jenoside yakorewe Abatutsi mu 1994 mu Rwanda.

Bakunze gukina umukino ugaragara ibikomere by'abantu bavutse ku babyeyi bafashwe ku ngufu mu gihe cya Jenoside yakorewe Abatutsi, imiryango yabaye kandi yakuriye mu nkambi, impfubyi n'abapfakazi basizwe na Jenoside n'ibindi.

Generation isobanura ko itegura iyi mikino mu rwego rwo gushyira imbaraga mu biganiro bya mvura nkuvure, bigahuza ababaye mu mateka ndetse n'urubyiruko, mu rwego rwo kumenya amateka birushijeho, no gufata ingamba zihamye mu kurinda ikiremwamuntu kutongera guhura n'amateka asharira.

Iri tsinda ry'inkumi n'abasore ryatangiye gukina imikino nk'iyi kuva ku wa 12 Mata 2019, binyuze mu bikorwa byabereye ku Rwibutso rwa Jenosie rwa Kigali. Kuva, icyo gihe abantu bakunze ubutumwa batambutsa, batangira gutumirwa mu bice bitandukanye by'u Rwanda, ndetse banatumirwa ku rwego Mpuzamahanga.

Ku wa 20 Nyakanga 2024, ku rwibutso rwa Jenoside rwa Kigali habereye igikorwa cyo gutangiza iserukiramuco 'Ubumuntu' mu kwizihiza imyaka 10 ishize ritanga ubutumwa bwubakiye ku mahoro n'urukundo, no guhamagarira Isi yose kubana neza.

Mashirika yatumiwe muri iri serukiramuco kubera imitegurire y’iserukiramuco ‘Ubumuntu’ risanzwe ribera mu Rwanda

Mashirika yitaye cyane ku mukino n'imbyino zihamagarira abatuye Isi kugira ubumuntu

Iri serukiramuco ryabereye mu Mujyi wa Arras usanzwe uzwiho kurangwa n'ibikorwa by'ubuhanzi

Buri mwaka, abategura iri serukiramuco batumira amatorero n'abahanzi bo mu bitandukanye byo ku Isi

Abarimo Peace Jolis babarizwa muri ‘Generation’ bagaragaje ubuhanga muri iri serukiramuco

Kuri iki Cyumweru Fiolentina yatsinze AC Milan mu mukino wa shampiyona y’u Butaliyani Serie A ibitego bibiri kuri kimwe. Ni umukino AC Milan yari ifite amahirwe yo kuwusoza iwutsinze kuko yabonye penaliti ebyiri zose umuzamu wa Fiolentina David de Dea azikuramo.

Penaliti za AC Milan iya mbere David de Dea yayikuyemo ku munota wa 45+1 bitewe na Theo Hernandez, iyakabiri nayo yatewe na Tammy Abraham ku munota wa 56 nayo De Gea ayikuramo.

Nyuma yo gutsindwa uyu mukino Ikinyamakuru Caliciomercato cyavuze ko Kompanyi ya RedBird Capital yahise itangiza igitutu ku bashinzwe kugura abakinnyi ko bakwita kuri David de Dea.

David de Dea ibuye ryanzwe n’abubatsi bo mu Bwongereza akaba ari gukomeza imfuruka mu Butaliyani, yageze muri Fiolentina nyuma y’uko yari amaze umwaka nta kazi afite nyuma yo gutandukana na Manchester United imushinja kutamenya gukinisha amaguru.

David de Dea wanzwe na Manchester United yatangiye kurikoroza muri Fiolentina 

Ubuyobozi bwa AC Milan bwatangiye kwifuza De Gea 

Izi nama zizaba hagati ya tariki 16-18 Ukwakira 2024 zikazakirwa n'Urwego rw'Igihugu rushinzwe Umutekano w'ibijyanye n'Ikoranabuhanga mu Itangazabumenyi n'Itumanaho [NCSA].

Izi nama zombi zigiye kuba mu Ukwakira, ukwezi kwahariwe ibikorwa by'ubukangurambaga k'umutekano w'ikoranabuhanga no kurinda amakuru bwite ku ikoranabuhanga.

Inama ya Africa Cyber Defense Forum izitabirwa n'inzobere mu bijyanye n'umutekano w'urwego rw'ikoranabuhanga barenga 400 bo mu bihugu 50 byo hirya no hino ku Isi.

Inama ya East African Community Data Protection Exchange izitabirwa n'inzobere zirenga 70, zirimo abahagarariye Minisiteri zishinzwe ikoranabuhanga mu karere, inzego zishinzwe ubugenzuzi n'izishinzwe kurinda amakuru bwite.

Bazaba barebera hamwe uko hahuzwa imbaraga mu gushiraho politiki yo guhererekanya amakuru no kurinda amakuru ku ikoranabuhanga mu karere, nka kimwe mu byagira uruhare mu guteza imbere ubukungu n'imibereho myiza y'abaturage y'ibi bihugu.

Ingingo ziteganywa kuganirwaho muri izi nama zirimo ubufatanye bw'ibihugu mu gucunga umutekano wo ku ikoranabuhanga no kurebera hamwe uko hakurwaho imbogamizi zikigaragara mu kwimakaza imikoreshereze y'ikoranabuhanga rya 'AI' n'irindi koranabuhanga rishya.

Hari kandi ingingo igaruka ku kurinda ibikorwa remezo by'ingenzi bya Afurika, kurebera hamwe ihererekanywa ry'amakuru mu buryo bwambukiranya imipaka, no guhuriza ku mategeko ashobora kwifashishwa mu kurinda amakuru.

I Kigali hagiye kubera Inama izagaruka ku kurinda amakuru ku ikoranabuhanga muri Afurika

Ibyavuye mu ibarura rusange bigaragaza ko 69% by'Abanyarwanda bose bakora ubuhinzi n'ubworozi ariko mu myaka itanu iri imbere ubuhinzi bugomba gukomeza gutezwa imbere.

Umuyobozi Mukuru wa RAB, Dr. Ndabamenye Telesphore, yagaragaje ko muri gahunda y'imyaka itanu u Rwanda rufite harimo no guteza imbere ubushakashatsi bugamije gufasha abaturage kubona umusaruro uhagije.

Ati 'Turifuza gushyira imbaraga mu bushakashatsi butanga imbuto zihangana n'imihindagurikire, zitanga inka zitanga umukamo ariko ibintu byose birarya, buriya kugira ngo ubashe kugaburira abaturage ugomba kubanza kugaburira ubutaka,”

“Bwa bushakashatsi bujyanye no kumenya uko ubutaka buteye byaratangiwe ariko ntabwo byari byagafashe imbaraga. Tuzamenya ubutaka uko buteye tumenye n'ibyo tubushyiramo tumenye n'ibyo dukuramo.'

RAB igaragaza ko izakomeza gahunda yo kwihaza mu gutuburira imbuto zihingwa mu gihugu zirimo ibigori n'ibindi binyampeke.

Dr. Ndabamenye yagaragaje ko ubu abikorera bagira uruhare mu gukora ishoramari mu gutunganya izo mbuto n'ifumbire.

Ati 'kugira ngo Abanyarwanda babone imbuto zihagije iyo serivisi iri gukorwa n'abikorera bashyizemo ishoramari ariko bagafashwa n'abashakashatsi kugira ngo babahe za mbuto zitanga umusaruro mwinshi.'

Umuyobozi w'Umuryango Uharanira Iterambere ry'Ubuhinzi muri Afurika (AGRA), ishami ry'u Rwanda, Jean Paul Ndagijimana yagaragaje ko mu bikorwa biteguye gufatanyamo n'u Rwanda harimo kuzamura umusaruro woherezwa mu mahanga.

Ati 'Mu minsi yashize twibanze cyane ku bihingwa ngandurarugo nk'ibigori, ibishyimbo, soya ingano, ubu navuga ko nta kibazo bifite, imbuto zirahari kandi n'abaturage bazibona Leta inabahaye nkunganire.'

'Ubu rero tuzakomeza ibyo ariko twongereho n'ibindi kubera ko muri NST2 dushaka kongera ibicuruzwa bijya hanze. Hari bitatu twamaze kwemeranyaho na Leta cyane cyane avoka, urusenda n'ubworozi bw'inkoko. Bivuze ngo dushaka gufasha Leta gukura ku buso buhingwaho avoka kuri hegitari hafi 1000 tukazigeza ku bihumbi bitanu, ni ukuvuga inshuro eshanu, ndetse urusenda turumva dushaka gukuba inshuro 27 toni zajyaga hanze mu myaka itanu iri imbere.'

Yahamije ko n'ubworozi bw'inkoko bifuza ko bwaziyongeraho 27% mu myaka itanu iriimbere.

Inzego zishinzwe ubuzinzi kandi zihamya ko zizashyira imbaraga mu gushakira amasomo abahinzi ku buryo umuhinzi azajya atangira guhinga afite isoko.

Biteganyijwe ko ikigero cy'inguzanyo amabanki n'ibigo by'imari bigenera urwego rw'ubuhinzi kiziyongera kikava kuri 6% kigere ku 10% by'inguzanyo zose, mu gihe umusaruro wangirika uzagabanyuka ukagera munsi ya 5%.

RAB yahamije ko igiye gushyira imbaraga mu bushakashatsi bugamije kongera umusaruro

Ni ibikorwa Maduro yavuze ko Musk yakoze nyuma y'aho hatangajwe ibyavuye mu matora y'umukuru w'igihugu yabaye muri Nyakanga 2024.

Muri uko kwezi Komisiyo y'Amatora muri Venezuela yatangaje ko Nicolas Maduro uyobora iki gihugu kuva mu 2013 yatsinze amatora y'Umukuru w'Igihugu ku majwi 51,2%, ariko Leta Zunze Ubumwe za Amerika zo zabiteye utwatsi zikavuga ko ahubwo yibye amajwi Edmundo Gonzalez bari bahanganye.

Maduro yagize ati 'Mfite amakuru yuzuye ko Musk yakoresheje arenga miliyari 1$ mu bikorwa byo guhirika ubutegetsi, binyuze mu gutera inkunga ibikorwa by'icengezamatwara rigamije ubugizi bwa nabi.'

Maduro yavuze ko umugore w'uyu munyemari batavuga rumwe witwa Maria Corina Machado ari we wakwirakwizaga iyo nkunga ya Musk ku matsinda yagiraga uruhare mu bugizi bwa nabi.

Perezida Maduro yanashinje Amerika kuba inyuma y'ibyo bikorwa byo kumukura ku butegetsi amazeho imyaka 11.

Musk utajya imbizi na Maduro ubwo ibyavuye mu matora yo muri Venezuela byatangazwaga, uyu munyemari yavuze ko uyu mugabo w'imyaka 61 yibye amajwi mu gihe Maduro na we yita Musk umwanzi ugenzura ibijyanye n'ikoranabuhanga akoresheje imbuga nkoranyambaga.

Mu myaka myinshi ishize Amerika n'ibindi bihugu byo mu Burengerazuba bw'Isi ntibyahwemye kugaragaza ko byemera Juan Guaido utavuga rumwe na Maduro nk'umuyobozi wa nyawe wa Venezuela.

Ni mu gihe Musk we yakunze kugaragaza ko azagira uruhare mu gukuraho abakuru b'ibihugu babangamira ishoramari rye.

Perezida wa Venezuela, Nicolas Maduro yashinje Musk gushora miliyari 1$ mu kumuhirika ku butegetsi

Ni igikorwa iki kigo cya MTN Rwanda cyakoze mu kwishimira icyumweru cyahariwe abakiliya.

Abahembwe ni Kiza Adela ukorera ubucuruzi mu Karere ka Musanze na Ndayambaje Michel usanzwe ari umukiliya wishyura akoresheje MoMo Pay ukomoka mu Karere ka Ruhango.

Bose bahawe imodoka za Volkswagen T-Cross.

Iyi gahunda yo guhemba abakiliya bitwaye neza yatangiye muri Gashyantare 2024, igamije gushimira abakiliya bishyurana hakoreshejwe MoMo Pay.

Kiza wahawe imodoka yavuze ko ubwo yahamagarwaga na Mobile Money Rwanda Ltd, atatekerezaga ko ari icyo gihembo bagiye kumuha, atungurwa no guhabwa iyo modoka nshya.

Uyu mubyeyi w'abana babiri ati 'Ni yo modoka ya mbere ntunze. Murabyumva namwe ko igiye kumfasha kugira aho ngera. Ubu ngiye gushaka uko nabona uruhushya ubundi njye nyikoreshereza neza. Ndashimira cyane Mobile Money Rwanda Ltd. Icyo nakoze ndetse nzakomeza ni ugukangurira abakiliya banjye kunyishyura bakoresheje MoMo Pay. Nabikoze mu mwaka wose.'

Ndayambaje we yagize ati 'Nubwo nahoze nishyura nkoresheje MoMo Pay na mbere hose, ubwo hatangizwaga ayo marushanwa muri Gashyantare 2024 byanteye imbaraga kugira ngo nzatsindire ibihembo.'

Ndayambaje wari usanzwe afite moto, yagaragaje ko nk'umugabo w'abana bane, kubatwara bitamworoheraga, icyakora ubu icyo kibazo kikaba gikemutse burundu.

Ubwo yashyikirizaga izo modoka abagenerwabikorwa, Umuyobozi Mukuru wa Mobile Money Rwanda Ltd, Chantal Kagame yashimangiye ko BivaMoMotima yageze ku ntego yayo, ashimira abahawe ibihembo nyamukuru.

Uyu muyobozi yavuze ko bazakomeza guteza imbere serivisi za MoMo Pay hagamije no kubakira ubushobozi abayikoresha kugira ngo bijye bikorwa byoroshye ariko banarindiwe umutekano.

Ati 'Ibyo birenze kuba ibihembo. Bigaragaza uburyo turajwe ishinga no gutekereza byagutse ku bakiliya bacu batwizera umunsi ku wundi, bakagira n'uruhare mu iterambere ryacu. Turashimira abagize uruhare muri ubwo bukangurambaga ndetse tunabizeza ko ibyiza birenze ibi biri imbere.'

Icyiciro cya mbere cya BivaMoMotima cyatangijwe mu 2022.

BivaMoMotima yafunguriwe buri wese ukoresha MoMo Pay haba mu kwishyurwa no kwishyura.

Abagenerwabikorwa batsindiye ibihembo bitandukanye buri cyumweru kuva ku bihumbi 50 Frw kugeza kuri miliyoni 1 Frw.

Bagombaga gutsindira ibindi bihembo nka televiziyo, moto, amatike yo kujya guhaha, ay'indege na telefone zigezweho.

Kuva mu 2022 abayigizemo uruhare batsindiye miliyoni 76,5 Frw, moto 19, televiziyo 19, amatike y'indege icyenda, telefone zigezweho 75, amatike ya lisansi 14, ayo guhaha 360 ndetse n'imodoka eshatu.

Nyuma y'imyaka itatu Mobile Money Rwanda Ltd imaze kugira abafatabuguzi miliyoni 5,1, aba-agent ibihumbi 65 n'abacuruzi ibihumbi 420 bakoresha MoMo Pay.

Ndayambaje Michel ukomoka mu Karere ka Ruhango yahawe imodoka ya Volkswagen T-Cross ku bwo kwishyura akoresheje MoMo Pay

Ubukangurambaga bwiswe 'BivaMoMoTima' bwashyizweho akadomo abatsinze kurusha abandi bahabwa imodoka za nshya

Kiza Adela ukorera ubucuruzi mu Karere ka Musanze na we yashyikirijwe imodoka nshya ya Volkswagen T-Cross

Minisiteri y'Ubumwe bw'Abanyarwanda n'inshingano mboneragihugu, MINUBUMWE, ifatanyije n'Ikigo cy'Igihugu Gishinzwe Uburezi bw'ibanze, REB, bahuguye abarimu 2.425 bigisha amateka mu mashuri yisumbuye babasaba gushyira amanga bakigisha neza amateka ya Jenoside yakorewe Abatutsi.

Byagaragaye ko mu kwigisha amateka ya Jenoside yakorewe Abatutsi, abarezi akenshi bagiye bahura n'ingorane zirimo kuba bafite ubumenyi buke kuri ayo mateka ndetse n'ubumenyi budahagije ku ngengabitekerezo ya Jenoside hakiyongera ingaruka ayo mateka yabagize bigatuma bayigisha mu buryo bunyuranye.

Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yasabye abarimu bigishijwe amateka y'igihugu gushyira ubwoba bakigisha amateka ya Jenoside yakorewe Abatutsi uko ari ariko bakarushaho no gushishikariza kugira ubumenyi buruta ubwo baba bahawe.

Ati “Turasaba abahuguwe kujya gusobanura ayo mateka uko ari, mwigishe mutinyutse kandi mukomeza kwihugura ndetse no kuba urumuri rwa bagenzi banyu, bityo ibe gahunda y'amashuri aho kuba gahunda y'umurezi ku giti cye.”

Umuyobozi w'Urwego rw'Igihugu rushinzwe uburezi bw'ibanze, REB, Dr. Mbarushimana Nelson, yavuze ko ayo mahugurwa yateguwe mu buryo bwo gufasha umwarimu kwigisha ibyo afitiye ubumenyi kandi ko bazakomeza guhugura n'abandi barimu babongerera ubumenyi.

Ati “Ni byiza ko umwarimu yigisha ibyo yumva. Niyo mpamvu akomeza kwigishwa uburyo yigishamo kugira ngo umwana yigisha abyumve neza kandi vuba bikamuha amakuru azamufasha no kwibeshaho mu gihe kizaza,”

“Ntabwo ari bwo bwa nyuma tubahuguye tuzakomeza kubahugura kugira ngo dukomeze tubatoze kwigisha neza cyane cyane amateka ya Jenoside yakorewe Abatutsi.”

Bamwe mu barimu bigisha amateka mu mashuri yisumbuye bahawe ayo masomo, bemeza ko kuba bahawe ubumenyi mu kwigisha amateka ya Jenoside yakorewe Abatutsi ndetse bakamarwa impungenge, bigiye gutuma bimwe mu bibazo bahuraga nabyo bagahitamo kutabisubiza aribyo bagiye guheraho bakemura kandi bagatanga ubumenyi bukwiye.

Muhisoni Renatha wigisha mu Karere ka Kirehe, yagize ati “Aya mahugurwa ni ingirakamaro, twari dufite ibibazo byinshi bisabwa gusubirizwa muri aya mahugurwa. Hari ubumenyi tutari dufite kuko Jenoside yabaye abenshi tukiri bato, ntabwo twari tuyasobanukiwe, ariko ubwo tumaze kumenya aho twavuye n'aho tugomba kwerekera, turafasha abana gusobanukirwa amateka nyakuri y'Igihugu.”

“Mu kwigisha, hari aho twageraga tugahushura tugatinya tuti, wenda hari ijambo navuga rikagaragara nk'umuntu ufite ingengabitekerezo ya Jenoside, ugasanga turigisha dufite ubwoba bwinshi, ariko muri aya mahugurwa twungutse imvugo nyazo twakoresha n'izo twakwirinda.”

Twahirwa Prosper, nawe yagize ati “Abana dushinzwe kurera, hari aho usanga nabo ubwabo bafite amateka bahabwa n'ababyeyi ashingiye ku ngaruka Jenoside yabagizeho, rimwe na rimwe ugasanga mwarimu bimugoye gusubiza umunyeshuri, ariko muri aya mahugurwa twahawe umurongo nyawo wo kwigisha amateka cyane cyane aya Jenoside yakorewe Abatutsi.”

Aya mahugurwa yatanzwe mu byiciro bitandatu, ahabwa abarimu bose bigisha amateka mu mashuri yisumbuye ya leta n'afatanya na Leta, aho yatangiye ku itariki 16 Nzeri asozwa ku itariki 14 Ukwakira 2024, buri cyiciro gihugurwa mu gihe cy'iminsi ibiri.

Nyuma yo guhugurwa, abarimu bahize imihigo bazashyira mu bikorwa guhera mu mwaka w'amashuri wa 2024-2025; muri iyo mihigo harimo:

Kunoza imyigishirize y'amateka by'umwihariko amateka ya Jenoside yakorewe Abatutsi mu 1994 bifashishije integanyanyigisho nshya yemejwe kandi bagafasha abana bagejeje igihe gusura inzibutso za Jenoside yakorewe Abatutsi zibegereye hagamijwe kubasobanurira amateka nyakuri ku itegurwa ry'umugambi wa Jenoside yakorewe Abatutsi, ishyirwa mu bikorwa ryayo ndetse n'ingaruka yasize.

Gusangiza abarimu bagenzi babo batigisha amateka ku bumenyi bakuye muri aya mahugurwa hagamijwe kongera ubufatanye mu gutegura ibiganiro bizajya bitangirwa mu itorero mu mashuri mu buryo buhoraraho kandi buhuriweho (collective responsibility).

Kubyutsa, kunoza no gukurikirana imigendekere myiza y'itorero mu mashuri.

Kurwanya abahakana n'abapfobya Jenoside yakorewe Abatutsi mu 1994 bifashishije imbuga nkoranyambaga n'indi miyoboro abaturage batangiramo ibitekerezo aho batuye (Umuganda, Umugoroba w'imiryango, …) hagamijwe kongera uruhare rwabo mu kurandura ingengabitekerezo ya Jenoside haba ku ishuri no mu miryango abana baturukamo.

Kugira uruhare rugaragara, nk'abarimu bigisha amateka, mu bikorwa byo Kwibuka Jenoside yakorewe Abatutsi hagamijwe gufatanya n'abandi Banyarwanda mu gukumira no guharanira ko Jenoside itazongera kuba ukundi.

Gushyiraho ihuriro ry'abarimu bigisha amateka n'abagenzuzi b'uburezi mu mirenge (Sector Education Inspectors) rizajya ribafasha kurebera hamwe uko iyi mihigo yavuzwe hejuru iri kweswa n'ahakenewe kongerwamo imbaraga.

Minisitiri w’Ubumwe bw’Abanyarwanda n’inshingano mboneragihugu, Dr Bizimana Jean Damascène, yasabye abarimu kwigisha neza amateka ya Jenoside yakorewe Abatutsi

Abakinnyi babanje mu kibuga ku ruhande rwa Benin 

Souke Marcel

Yohana Benjamin 

Oliver Jacques Aime 

Imouane Hasanne

Steve Monue

Rachid Moumin

Mohammed Tijan

Sessi Octave 

Andréas Eduin Williams 

Junior Olatian 

Francisco Dooo Dodji Dokou

Abakinnyi bagiye kubanza mu kibuga ku ruhande w’ikipe y’igihugu y’u Rwanda ni 

Ntwari Fiacre 

Ombolenga Fitina 

Imanishimwe Emmanuel 

Niyigena Clement 

Mutsinzi Ange 

Mugisha Bonheur 

Guelette Samuel 

Bizimana Djihard (C) 

Kwizera Jojea

Nshuti Innocent 

Mugisha Gilbert 

Amakipe ku mpande zombi ari kwishyushya yitegura urugamba rutangira nyuma y’iminota 40 iri imbere.

Abafana batangiye kugera kuri stade n’ubwo atari benshi

Kuri Stade Amahoro abafana Ntabwo bari bahagera ngo bashyigikire ikipe y’igihugu

Ku marembo ya Stade Amahoro abafana ni benshi biteguye gushigikira Amavubi

Ubwo habura isaha imwe ngo rwambikane hagati y’ikipe y’igihugu ya Benin ndetse n’Amavubi abasifuzi bari gusuzuma ikibuga banakora imyitozo ngororamubiri kugira ngo babashe koroherwa no gusifura umukino.

Mu mukino wa Gatatu ikipe y'igihugu ya Benin les Guepards yatsinze ikipe y'igihugu y'u Rwanda Amavubi ibitego 3-0 mu mukino wabereye kuri Stade yitiriwe uwahoze ari Minisitiri w'intebe wa Cote d'ivoire kuva mu 1960-1993 Felix Haupouet Boigny.

Ubwo ikipe y'igihugu ya Benin yatsindaga umukino wa Gatatu yahise igira amanota atandatu ku ikenda, Amavubi asigara ku manota abiri ku ikenda.

Uyu mukino wo kuri uyu wa Kabiri ni umukino wo gupfa no gukira ku ikipe y'igihugu y'u Rwanda Amavubi, cyane ko niramuka iwutsinzwe iraguma ku manota abiri kuri 12 araba amaze gukinirwa, urugendo rwo kujya mu gikombe cya Africa ruse n'aho rurangiye kuko imikino ibiri yaba isigaye imbere nubwo amabuvi yatsinda ntabwo yakuzuza amanota ikenda Benin yahita igeraho iramutse itsinze umukino wa none.

Mu gihe ikipe y'igihugu y'u Rwanda yatsinda iya Benin kuri uyu wa kabiri, amahirwe yo kujya mu gikombe cya Africa yaba agihari kuko u Rwanda rwahita rugira amanota 5 rugasigara rurushwa na Benin inota rimwe cyane ko yo yamaze kugira amanota atandatu.

Nyuma y'imikino itatu imaze gukinwa mu itsinda u Rwanda ruherereyemo Nigeria ni iya mbere n'amanota arindwi, Benin ya kabiri afite amanota 6, u Rwanda rwa gatatu rufite amanota 2 naho Libya ya kane ifite inota 1.

Abakinnyi b’ikipe y’igihugu y’u Rwanda bitezweho gutanga ibisubizo imbere ya Benin

“>

Uko Amavubi yasesekaye kuri Stade Amahoro