Webrwanda Backend

Category: Uncategorized

  • Papa Sava, Nyambo, Bamenya na Clapton mu bare… – #rwanda #RwOT

    Rigiye kuba ku nshuro ya 10 mu murongo wo guteza imbere abakinnyi filime, abagira uruhare mu kuziyobora ndetse na filime zahize izindi muri iki gihe. Rizatangizwa ku wa 2 kugeza ku wa 9 Ugushyingo 2024 mu gihe cy'iminsi itanu kuri Century Cinema, kwa Mayaka i Nyamirambo n'ahandi.

    Ni mu gihe ibihembo bizatangwa ku wa 9 Ugushyingo 2024 mu muhango uzabera muri Kigali Conference and Exhibition Village ahazwi nka Camp Kigali. Ni umuhango witabirwa n'abayobozi mu nzego Nkuru z'Igihugu, abakinnyi Mpuzamahanga muri Cinema, n'abandi.

    Kuri iyi nshuro abategura iri serukiramuco batangaje urutonde rwa nyuma rw'abakinnyi na filime zihataniye ibihembo muri 'Mashariki African Film Festiival (MAAFF)' mu cyiciro cyiswe 'Iziwacu Awards.'

    Mu cyiciro cya filime nziza (Best Film) hahatanyemo Filime Iryamukuru, Kaliza wa Kalisa, Indoto ndetse na Shwadilu zitambuka kuri Televiziyo.

    Muri iki cyiciro kandi hahatanyemo filime My Heart, Umuturanyi, Papa Sava, Bamenya, The Forest, Mara, Maya, Umugabowanjye, Inzira y’umusaraba ndetse na Inkovu zitambuka ku muyoboro wa Youtube. Bivuze ko muri buri cyiciro hashyizwemo ibyiciro bibiri birimo icya Televiziyo ndetse n’icyiciro cya Youtube.

    Mu cyiciro cy’umugabo wayoboye neza filime (Best Director) harimo Willy Ndahiro, Roger, Pacifique Mpazimpaka na Ibrahim Kwizera. Buri umwe yagize uruhare mu kuyobora imwe muri filime itambuka kuri Televiziyo.

    Muri iki cyiciro kandi hahatanyemo Killerman, Harerimana Issiak, Niyitegeka Gratien na Benimana Ramadhan, Uwamahoro Antoinette, Yves Mizero, Siboniyo Junior, Ingabire Apppolinaire, Bukundi, bayoboye filime zitambuka kuri Youtube.

    Dan Gaga wamamaye nka Ngenzi, Illunga wamamaye nka Tukowote, Mugisha James wamamaye nak James, Nsabimana Eric wamamaye nka Dr Nsabi, Niyitegeka Gratien wamamaye nka Papa Sava bahataniye igihembo mu cyiciro cy’umukinnyi mwiza w’umugabo wa filime (Best Actor) muri filime zitambuka kuri Televiziyo.

    Ni mu gihe Nshimirimana Yannick wamamaye nka Killaman, Clapton Mugisha [Clapton], Uwihoreye Jean Bosco uzwi nka Ndimbati, Mazimpaka Wilson [Kanimba], Shaffy, Sorobo, Emmy Shema [Dylan] na Bizimana Vital bahatanye mu cyiciro cya ‘Best Actor’ nk’abakinnyi beza muri filime zinyura kuri Youtube.

    Mu cyiciro cy’umukinnyi mwiza muri filime zitambuka kuri Televiziyo (Best Actress) hahatanyemo Nicole Uwineza, Tessy ndetse na Mireille Igihozo Nshuti. Ni mu gihe Nyambo Jesca, Nadia Mutoniwase, Dusenge Clenia (Madedeli), Keza Linda, Swallah, Soleil, Alphonsine, Irakoze Arianne Vanessa na Mama Gentil (Uwamahoro Antoinette) bahataniye igikombe mu cyiciro cy’umukinnyi mwiza w’umugore muri filime zitambuka kuri Youtube.

    Yannick Nshimirimana [Killaman] ndetse na Pacifique Nshimiyimana bari mu cyiciro cyihariye cy’umukinnyi utanga icyizere mu bakina filime mu cyiciro cy’umugabo (Promising Male). Ni mu gihe Yvette Umurungi na Ineza Kelian Bernice bahatanye mu cyiciro ‘Promissing Female) cy’umugore utanga icyizere muri Cinema.

    Iri serukiramuco rigiye kubakiye ku nsanganyamatsiko y'intumbereho ishamikiye ku mahoro (Visions for Peace). Bazaba bizihiza imyaka 10 ishize mu rugendo rw'amavugurura n'iterambere bahanze amasomo mu guteza imbere Sinema Nyarwanda ikagera ku rwego Mpuzamahanga nk'imwe mu nkingi izamura ubukungu bw'Igihugu.

    Mashariki yatangiye mu 2013 ifite intego yo gufasha filime zikorerwa mu Rwanda kubasha kugera ku rwego mpuzamahanga rya Cinema. Ryatangiye benshi mu bakoraga filime batarabasha kubona amahirwe yo guserukira u Rwanda mu mahanga.

    Nyuma y'uko ritangijwe ryafunguye amarembo, abakora filime batangira kwisanga mu mahanga. Ibi ariko ntibyasubije ibibazo bikigaragara muri Sinema, birimo nko kuba abakora filime n'abandika filime batabasha kubigeza ku isoko nk'uko bikwiye.

    Ariko mu rugendo rwo kwishakamo ibisubizo, bamwe batangiye kuzicururiza kuri Youtube, zimwe muri Televiziyo zikorera mu Rwanda zitangira kugura filime zo mu Rwanda, ariko ntabyo ntibihagije mu gushakira isoko abakora bakanatunganya filime. 

    Mashariki African Film Festival ni iserukiramuco ngaruka mwaka rigamije kumenyekanisha filime Nyafurika ndetse n'izo mu Rwanda no kuzikundisha Abanyafurika n'Isi yose muri rusange.

    Umuyobozi wa Mashariki African Film Festival, Senga Tressor aherutse kuvuga ko mu rwego rwo kwizihiza imyaka 10 ishize batangije Mashariki, batangiye gutegura ibikorwa birishamikiyeho birimo n'isoko ryo gucuruza ibihangano bise 'Masharket', ihuriza hamwe abatunganya filime n'abazigura.

    Asobanura ko ari 'isoko ry'abakora filime, abagurisha, abagura, abakora muri uyu mwuga bose kugeza ku bahagarariye za Televiziyo'.

    Iri soko rya filime ryabereye bwa mbere muri Camp Kigali mu mpera za 2023. Ryatangijwe mu gihe muri Afurika hari amasoko abiri gusa ya filime, arimo iryo muri Afurika y'Epfo n'iryo muri Burkina Faso.

    Muri rusange abahurira mu isoko rya filime ni abari mu mwuga wa Sinema, abacuruza ibihangano, abakoze filime, abafite ibitekerezo, abafite inkuru banditse n'abandi.

    Uyu muyobozi avuga ko benshi mu bakora filime bagihura n'imbogamizi zo gukora filime ariko ntibabone aho kuzigaragariza, akavuga ko iri soko rije kuba igisubizo.

    Akomeza ati 'Mu isoko nkiri haza umuntu ufite amafaranga ariko udafite igitekerezo (ku bijyanye n'ikorwa rya filime) agashaka umuntu ufite igitekerezo runaka akavuga ngo nganiriza ku mushinga wawe, yakumva ari umushinga wunguka mugakorana.'

    Imibare igaragaza ko abantu Miliyari 1 na Miliyoni 200 bagerageza kugera ku isoko rya filime muri Afurika, kandi hashorwamo agera kuri madorali Miliyoni 400. 


    Niyitegeka Gratien ugira uruhare mu gutegura filime ‘Papa Sava’


    Benimana Ramadhan wamamaye nka ‘Bamenya’ muri filime atunganya

    Umukinnyi wa filime Niyonkuru Aime wamamaye nka Nyambo Jessica muri filime zirimo ‘Ibanga’, ‘My Heart’ ndetse n’izitambuka kuri ‘Big Mind’ ya Killaman


    Irafasha Sandrine wakinnye muri filime zinyuranye zirimo ‘Indoto’ itambuka kuri Televiziyo Rwanda


    Willy Ndahiro wamamaye muri filime zirimo ‘Ikigeragezo cy’ubuzima’ 


    Uwihoreye Jean Bosco wamenyekanye nka ‘Ndimbati’ waciye ibintu muri filime zirimo ‘Papa Sava’ 


    Igihozo Nshuti Mireille ukina muri filime zirimo ‘Indoto’ itambuka kuri Televiziyo Rwanda


    Irakoze Arianne Vanessa wamamaye muri filime zirimo nka ‘Maya’


    Daniel Gaga ‘Ngenzi’ wagize ibihe byiza muri cinema kuva mu myaka 10 ishize


    Dusenge Clenia uzwi nka Madederi muri filime ‘Papa Sava’


    Nadia Umutoniwase wamamaye nka ‘Muganga’ muri filime ‘Umuturanyi’


    Mugisha Emmanuel wamamaye nka Clapton Kibonge muri filime zirimo ‘Umuturanyi’


    Uwineza Nicole wamamaye nka ‘Mama Beni’ muri filime ‘City Maid’ n’izindi nyinshi zitambuka kuri Televiziyo Rwanda


    Ilunga Longin waciye ibintu muri filime ‘Bamenya’ nka ‘Tukowote’ ahataniye ibihembo


    Niyonshuti Yannick wamamaye nka Killaman muri filime zitambuka ku muyoboro wa Youtube uzwi nka ‘Killaman Empire’ na ‘Big Mind Empire’


    Umukinnyi wa filime wagize ibihe byiza kuva mu myaka ibiri ishize wamamaye nka Dr Nsabi


    Uwase Delphine wamamaye nka ‘Soleil’ muri filime ‘Bamenya’


    Uwamahoro Antoinette wamamaye muri filime ziirimo ‘Intare y’Ingore’ 

    Niyoyita Roger wagize uruhare mu kuyobora filime zinyuranye muri Cinema

     

    Ingabire Appolinaire wakinnye muri filime zirimo nka ”City Maid”, ndetse ni nawe wakoze filime ‘Intare y’Ingore’ n’izindi


    Umukinnyi wa filime n’urwenya, Uwimpundu Sandrine wamamaye nka Rufonsina muri filime ‘Umuturanyi”- Akina kandi muri filime ‘My Heart’ ya Killaman

    Source : https://inyarwanda.com/inkuru/147927/papa-sava-nyambo-bamenya-na-clapton-mu-barenga-50-bahataniye-ibihembo-mu-iserukiramuco-mas-147927.html

  • Abadepite batatu batorewe guhagararira u Rwanda mu Nteko Nyafurika – #rwanda #RwOT

    Batorewe mu Nteko Rusange y'umutwe w'Abadepite yateranye kuri wa 21 Ukwakira 2024

    PAP ni Inteko Ishinga Amategeko yo ku rwego rwa Afurika, ikaba urwego nshingamategeko rw'Umuryango wa Afurika Yunze Ubumwe. Ni rumwe mu nzego icyenda zagenwe mu Masezerano yo mu 1991 (Abuja Treaty) ashyiraho Umuryango wita ku bukungu ku mugabane wa Afurika.

    Buri gihugu gihagararirwa n'abagize inteko ishinga amategeko batanu. Muri abo batanu nibura umwe agomba kuba ari umugore kandi bagahagararira imitwe ya politiki inyuranye ifite imyanya mu Nteko Zishinga Amategeko z'ibyo bihugu.

    Abadepite bagize PAP bashyirwaho n'Inteko Zishinga Amategeko z'ibihugu biyigize, ntabwo batorwa ku buryo butaziguye n'abaturage.

    Ku ruhande rw'u Rwanda ruhagararirwa n'Abadepite batatu n'Abasenateri babiri, manda yabo ikarangirana n'igihe iy'inteko ishinga amategeko yabatoye irangiriye.

    Depite Wibabara Jennifer yatowe n'abadepite 77 muri 79 bitabiriye inteko rusange.

    Uyu mubyeyi wize Icyiciro cya gatatu cya Kaminuza mu icungamishinga akaba amaze imyaka 30 akora mu mirimo itandukanye irimo iya Leta n'imiryango yigenga yagaragaje ko azaharanira iterambere rya Afurika amurikiwe n'ibikorwa bya Perezida Kagame.

    Ati 'Iyi nteko ihagarariye abaturage kandi natwe duhagarariye abaturage. Nzakorana umurava, ubushishozi n'ubwitange nunga mu kirenge cy'umukuru w'igihugu uhora aharanira ko Afurika igira ishema, ikagira ijwi rimwe, igahahirana ikagira imigenderanire, ikikuraho igisuzuguriro cy'amateka.'

    Depite Bitunguramye Diogene na we watorewe kujya muri PAP agize amajwi 78, yageze mu Nteko Ishinga Amategeko y'u Rwanda mu 2016. Afite impamyabumenyi y'icyiciro cya gatatu cya kaminuza mu byerekeye uburezi ndetse yakoze imirimo itandukanye mu nzego za Leta.

    Depite Tumukunde Aime Marie Ange watowe n'abadepite 74 yagaragaje ko mu nzego zose yakoreye yakunze gushingwa imirimo yo gukemura ibibazo by'abaturage bityo no muri PAP azakoresha ubwo bumenyi mu guharanira ko abanyafurika bagira imibereho myiza n'iterambere ry'ubukungu.

    PAP igizwe n'Abadepite 275 bahagarariye ibihugu bigize Umuryango w'Afurika Yunze Ubumwe, byemeje burundu Amasezerano ashyiraho iyo Nteko Ishinga Amategeko.

    Depite Wibabara Jennifer yahamije ko agiye guharanira ko Afurika ihahirana kurushaho kandi ikiyambura igisuzuguriro

    Depite Tumukunde Aimée Marie Ange yavuze ko azashyira imbere iterambere ry’Abanyafurika

    Depite Bitunguramye Diogene yatorewe kujya muri PAP

    Inteko Rusange ni yo itora abahagarariye igihugu muri PAP

    Source : http://igihe.com/amakuru/u-rwanda/article/depite-wibabara-bitunguramye-na-tumukunde-ange-batorewe-guhagararira-u-rwanda

  • Mu Kivu harobwe toni zirindwi z'isambaza nyuma y'amezi abiri gifunze – #rwanda #RwOT

    Ikiruhuko cy'abarobyi ni gahunda yashyizweho na Miniteri y'Ubuhinzi n'Ubworozi mu myaka 20 ishize bisabwe n'abarobyi nyuma yo kubona ko guhera muri Kamena, Nyakanga na Nzeri umusaruro w'isambaza uba ari muke cyane.

    Uyu mwaka iki kiruhuko cyatangiye tariki 18 Kanama kirangira tariki 19 Ukwakira 2024.

    Mu ijoro rya tariki 19 rishyira tariki 20 Ukwakira 2024 nibwo abarobyi b'isambaza basubiye mu kiyaga cya Kivu baherukagamo mu mezi abiri ashize.

    Abarobyi bo mu Karere ka Nyamasheke barobye ibilo 2300, Rubavu baroba ibilo 646, Rutsiro barobye ibilo 2747 naho ab'i Karongi baroba ibilo 1406, bivuze ko utu turere uko ari tune twarobye toni zirenga zirindwi.

    Umuyobozi w'Ihuriro ry'abarobyi b'isambaza mu Karere ka Karongi, Ndagijimana Emmanuel, yabwiye IGIHE ko amakoperative 6 y'abarobyi b'isambaza bakorera mu kiyaga cya Kivu ku ruhande rw'akarere ka Karongi bishimiye kuba umusaruro wariyongereye.

    Ati 'Abarobyi twabyishimiye kuko tujya gufunga umusaruro wari waragabanutse ku buryo wasangaga ikipe yarobye ibilo bitatu indi yatahiye aho'.

    Nyuma y'aho Ikiyaga cya Kivu cyongeye gufungura ikipe yabonye ibilo byinshi muri Karongi yabonye ibilo 70 mu gihe ikipe yabonye ibilo bike yabonye ibilo 20.

    Mu Karere ka Karongi ikilo cy'isambaza kiri kurangura 2800 Frw kivuye ku 4500 Frw cyariho mu kwezi muri Kanama, biturutse ku kuba umusaruro w'isambaza wari muke cyane. Ibi bivuze ko kuri ubu ikipe yabonye ibilo 70 yinjije ibihumbi 196 Frw, mu gihe iyabonye ibilo 20 yinjije ibihumbi 56 Frw.

    Ndayisaba Salim, urobera muri koperative coopevi yo mu Murenge wa Mushonyi mu Karere ka Rutsiro, yabonye ibilo 383 yabwiye IGIHE ko kuba ikivu cyongeye gufungura babyakiriye neza.

    Ati 'Ikiruhuko cy'amezi abiri icyo nakivugaho ni uko ari ngombwa kuko mu kwezi kwa Kanama n'ukwa Nzeri nibwo isambaza zororoka, biba ari ngombwa rero ko abarobyi tuva mu Kivu zikororoka nta kizibangamiye kuko bituma isambaza zidashira mu kivu'.

    Akanyamuneza ku barobyi b’isambaza barobye toni zirenga zirindwi ijoro rimwe

    Ikipe ni ubwato butatu buba bufatanye bukoreshwa n’abarobyi b’isambaza

    Source : http://igihe.com/amakuru/u-rwanda/article/mu-kivu-harobwe-toni-zirindwi-z-isambaza-nyuma-y-amezi-abiri-gifunze

  • Gen Maj Alex Kagame yahererekanyije ububasha na Gen Maj (Rtd) Frank Mugambage – #rwanda #RwOT

    Gen Maj Kagame yahawe izi nshingano na Perezida Paul Kagame akaba n'Umugaba w'Ikirenga w'ingabo z'u Rwanda, tariki ya 15 Ukwakira 2024.

    Gen Kagame yari aherutse gusimburwa na Gen Maj Emmy Ruvusha, ku buyobozi bw'inzego z'umutekano ziri mu butumwa bw'amahoro bw'u Rwanda mu ntara ya Cabo Delgado muri Mozambique.

    Ibiro by'ingabo z'u Rwanda byatangaje ko Gen Maj Kagame yashyikirijwe ububasha kuri uyu wa 21 Ukwakira 2024. Ni umuhango witabiriwe n'abofisiye bakorera mu mashami atandukanye y'Inkeragutabara.

    Gen Maj Kagame ni umwe mu basirikare babohoye u Rwanda muri Nyakanga 1994, akaba yarabaye umuyobozi w'ingabo zirinda Umukuru w'Igihugu n'abandi bayobozi bakuru.

    Yayoboye Diviziyo ya kabiri y'ingabo z'u Rwanda ikorera mu ntara y'Amajyaruguru, ayobobora iya gatatu ikorera mu Burengerazuba n'iya kane ikorera mu Majyepfo.

    Gen Maj Alex Kagame (ibumoso) na Gen Maj (Rtd) Frank Mugambage

    Abofisiye bakorera mu mashami atandukanye y’Inkeragutabara bitabiriye uyu muhango

    Source : http://igihe.com/amakuru/u-rwanda/article/gen-maj-alex-kagame-wagizwe-umugaba-w-inkeragutabara-yashyikirijwe-ububasha

  • Musk ukomeje kunyanyagiza amafaranga mu bitegura gutora yasabiwe gukurikiranwa – #rwanda #RwOT

    Musk ushyigikiye Donald Trump mu matora y'umukuru w'igihugu muri Amerika, ku wa 19 Ukwakira 2024 ni bwo yagaragaje iby'aya mafaranga.

    Icyo gihe Musk nyiri X, Tesla, SpaceX n'ibindi bigo by'ikoranabuhanga, yatangaje ko azajya atanga miliyoni 1$ ku munsi ku baturage bo muri leta z'ingenzi z'icyo gihugu, bazamushyigikira kuri politiki zo kwishyira ukizana no gutunga imbunda nta mpagarara.

    Nubwo iyo ngingo yo gutunga imbunda yemewe n'Itegeko Nshinga rya Amerika, muri ibi bihe riri kugibwaho impaka zikomeye.

    Bijyanye n'imibare y'abicwa barashwe muri icyo gihugu ikomeje gutumbagira umunsi ku wundi, abatarishyigikiye bakavuga ko rigomba gushyirirwaho amabwiriza akakaye.

    Ni mu gihe abarimo Musk n'uwo ashyigikiye Donald Trump, bo bashyigikiye ko iryo tegeko ryarekerwa uko riri, ahubwo abaturage bagahabwa uburenganzira no ku zindi mbunda, ibigaragaragara ko guha amafaranga abaturage ngo bashyigikire izo ngingo, ari ugusaba gushyigikira Trump bikozwe mu buryo buziguye.

    Kuri iyi nshuro Musk yatanze sheki ya mbere ku mugabo witwa John Dreher, ubwo abarwanashyaka ba Trump biyamamarizaga muri Pennsylvania, ndetse uyu muherwe agaragaza ko bizakomeza kugeza ku munsi w'amatora.

    Ibi ni byo byatumye Shapiro, umwe mu ba-Democrates bakomeye agaragaza ko biteye inkeke, aho atumva uburyo Musk akomeje kunyanyagiza ako kayabo mu baturage mu bihe igihugu kirimo byo kwiyamamaza.

    Ati 'Ni ikintu ubutabera bwagakwiriye kurebaho. Ni byo koko Musk afite uburenganzira bwo gutanga ibitekerezo, sinje kubumwambura, ariko iyo uje kunyanyagiza amafaranga nk'aya muri politiki, bizamura ibibazo bikomeye ndetse byatuma abantu babirebaho.'

    Musk yatangiye gushyigikira byeruye Trump nyuma y'uko uyu wahoze ari Perezida arusimbutse ubwo yaraswagaho.

    Mu mezi ashize, Musk yatanze na miliyoni 75$ mu cyiswe (Political Action Committee: PAC), gisa nk'ihuriro ry'abashoye imari mu ikoranabuhanga uwo munyemari yashinze ngo bashyigikire Trump.

    Aha Musk yahaga cheque ya miliyoni 1$ uwitwa Kristine Fishell ku wa 20 Ukwakira 2024, bari i Pittsburgh muri Pennsylvania

    Source : http://igihe.com/amakuru/u-rwanda/article/musk-ukomeje-kunyanyagiza-amafaranga-mu-bitegura-gutora-yasabiwe-gukurikiranwa

  • Gatsibo: Abaturiye Pariki y'Akagera bahawe imbagukiragutabara yitezweho kubaruhura – #rwanda #RwOT

    Iyi mbangukiragutabara yahawe Ikigo nderabuzima cya Rwimbogo yishimiwe n'abaturage cyane cyane ababyeyi.

    Ubusanzwe iki kigo nderabuzima gihana imbibi na Pariki y'Akagera cyakoreshaga imbangukiragutabara imwe yazengurukaga mu mirenge itatu irimo Kabarore, Gitoki na Rwimbogo.

    Musaninka Joselyne utuye mu Mudugudu wa Kiyovu mu Kagari ka Nyamatete, yabwiye IGIHE ko ajya kubyara umwana afite umwaka ushize yageze ku kigo nderabuzima bahamagara imbangukiragutabara basanga ntihari, biba ngombwa ko yitegera imodoka.

    Iyo modoka yamutwaye arenga ibihumbi 30 Frw kugira ngo imugeze ku bitaro bya Kiziguro aho yari agiye kubyarira.

    Yashimiye Leta yabonye ko bari bababaye ikabaha imbangukiragutabara yabo bigengaho.

    Ati ' Iyo umubyeyi yajyaga kubyara wenda ari bubagwe, byasabaga ko imbangukiragutabara ituruka ku bitaro bya Kiziguro ije kugufata rimwe na rimwe igasanga umeze nabi cyane cyangwa ukaba wabyarira mu nzira. Ubu rero iba iparitse ku kigo nderabuzima iyo babona ko ukeneye ubuvuzi bwisumbuyeho bahita bakugeza ku bitaro, turashimira Leta rwose.'

    Nuwera Jennifer we yavuze ko iyi mbangukiragutabara bayishimiye cyane bitewe n'uko umuturage wagiraga ibibazo byo kurembera mu rugo hari abamuhekaga kugira ngo bamugeze kwa muganga.

    Yavuze ko n'ababyeyi bafatwaga n'ibise cyangwa bakeneye kwitabwaho n'ibitaro ngo byabagoraga cyane.

    Nzamwitakuze Marie Louise we yagize ati ' Iriya mbangukiragutabara twarayishimiye cyane cyane kuko izadufasha gukuraho impfu za hato na hato ku babyeyi babyara, izanadufasha ku kuba nta mubyeyi wabyara umwana ananiwe kuko ubu byashobokaga kuko wafatwaga n'ibise bakarindira guhamagara imodoka ku bitaro ariko ubu izajya iba iri hafi.Turashimira Leta yo yarebye kure ikayiduha.'

    Umuyobozi w'Ikigo nderabuzima cya Rwimbogo, Rutagarama James, yavuze ko iyi mbangukiragutabara yaje ikenewe cyane bitewe nuko bari bafite imodoka imwe isaranganywa n'imirenge itatu ku buryo kuyibona byagoranaga.

    Yagize ati 'Ubusanzwe twafatanyaga imbangukiragutabara mu bigo nderabuzima bitatu birimo Gitoki, Kabarore na Rwimbogo, ubu rero turashimira Leta yatekereje kuduha imbangukiragutabara yacu. Izadufasha mu kwihutisha serivisi cyane cyane ku muturage ushobora gufashwa n'ibitaro tutiriwe duhamagara ku bitaro, hari n'ababyeyi babaga bashaka kubyarira ku bitaro bikagorana kuko imodoka yatindaga kutugeraho.'

    Ikigo nderabuzima cya Ndama giherereye mu Murenge wa Rwimbogo cyakira abaturage ibihumbi 49 ku mwaka, ku munsi bakira abaturage bari hagati 150 na 200 harimo ababa bakeneye kujya kuvurirwa ku bitaro bya Kiziguro ari nabo iyi modoka izajya itwara.

    Akanyamuneza ni kose ku baganga n'abayobozi ba Rwimbogo bishimira iyi mbangukiragutabara

    Iyi mbangukiragutabara yitezweho gufasha abatuye Rwimbogo kutagirira ibibazo mu nzira bajya kwivuza

    Nuwera Jennifer yavuze ko hari benshi bagorwaga no kugera kwa muganga iyi mbangukiragutabara izajya ifasha

    Musaninka avuga ko ajya kubyara yitegeye imodoka kuko yabonaga kurindira imbangukiragutabara bishobora kumuteza ibibazo

    Source : http://igihe.com/amakuru/u-rwanda/article/gatsibo-abaturiye-pariki-y-akagera-bahawe-imbagukiragutabara-yitezweho

  • Burera umugabo yasambanyije intama irapfa #rwanda #RwOT

    Umudugudu wa cyogo akagari ka Kilibata, umurenge wa Rugengabali mu karere ka Burera abaturajye batunguwe ninkuru yumugabo bivugwako yasanzwe mukiraro k'intama arikuyisambanya, Ahorinyuze Sipiriye niwe nyiri intama bivugwako yasambanyijwe bikayiviramo gupfa.

    Umuryango wa Ahorinyuze Sipiriye uhamya ko wiboneye uyu mugabo witwa Ntamukunzi Emmaneul wo mumudugudu wa Cyogo arimukiraro k'intama ayibundarayeho. Bakavugako yarari kuyisambanya, bakomeje bavugako atarubwambere.

    Umugore wa Ntamukunzi Emmaneul witwa Biracyaza folorida yavuzeko umugabowe bamubeshyera atijyeze ajyera muricyo kiraro,kuko batijyeze banamufata ayirihejuru. Umukuru wumudugudu wa Cyogo mu kagagari ka Kilibata mu karere ka Burera uri mubatabaye mbere ubwo inkuru yuyumugabo yasakaraga bivugwako Ntamukunzi Emmanuel yasambanyije intama. Uyu muyobozi wumudugudu avugako basanze iyontama ifite ibimenyetso koyambambanyijwe.

    Ntamukunzi Emmanuel uvugwaho gusambanya intama afite imyaka 39 yamavuko,afite umugore nabana batanu.Akimara gufatwa nabaturajye bamwikoreje intama byavugwagako yasambanyije.

    Umuvugizi wa polisi muntara yamajyaruguru y'Urwanda, superitendeti of polisi Jean Bosco Mwiseneza yavuze ko Ntamukunzi Emmaneul yamaze gutabwa muri yombi kandi ko hari gukorwa iperereza kubya abaturajye bavuga, byuko asambanya amatungo.Ubu Ntamukunzi Emmanuel akaba afungiwe icyaha cyokwica itungo ryundi.

     

    The post Burera umugabo yasambanyije intama irapfa appeared first on KASUKUMEDIA.COM.

    Source : https://kasukumedia.com/burera-umugabo-yasambanyije-intama-irapfa/

  • APR FC yabonye amanota atatu ya mbere, Kiyovu ikomeje kugana habi – Umunsi wa 6 wa PL wakinwe #rwanda #RwOT

    Imikino ya shampiyona Y'u Rwanda mu cyiciro cya mbere yakomeje hakinwa imikino  y'umunsi wa gatandatu wa Rwanda Premier League.

    Ni imikino yaranzwe no gutsindwa kwa Kiyovu sports yatsindiwe mu karere ka Rubavu na Marines, aha kandi amakipe arimo APR FC na Rayon Sporta yabonye intsinzi.

    Imikino yatangiye kuwa gatandatu, ikipe ya Etincelles yatsindiwe mu rugo n'ikipe y'Amagaju ibitego 3-2.

    Mu karere ka Ngoma, ikipe ya Muhazi United yo yatsindiye mu rugo ikipe ya Rutsiro yo mu ntara y'i Burengerazuba igitego kimwe ku busa.

    I Nyamirambo kuri Kigali Pele Stadium, Rayon Sports yatahukanye amanota atatu y'uyu munsi aho yatsinze ikipe ya Bugesera FC ibitego bibiri ku busa.

    Kuri iki cyumweru, hakinwe imikino yariteganyijwe ndetse n'umukino wahuje ikipe ya APR FC utari warangiye kuwa Gatandatu wayihuzaga na Gasogi United.

    Uyu mukino wari wasubitswe ugeze ku munota wa 15, hakinwe iminota yari isigaye isiga APR FC itsinze uyu mukino ku gitego kimwe ku busa.

    Uyu mukino wari wabanjirijwe n'uwahuje Police FC yanganyije na Gorilla FC ubusa ku busa, uba umukino wa 3 iyi kipe inganyije imikino itatu yayo.

    Marine FC yitwaye neza kuko yatsinze Kiyovu Sports ibitego bine kuri bibiri mu kukino wabereye mu karere ka Rubavu kuri Sitade Umuganda.

    Shampiyona irakomeza kuri uyu wa mbere aho ikipe ya AS Kigali irahura n'ikipe ya Vision, ni umukiko ubera kuri Kigali Pele Stadium guhera ku isaha ya Saa cyenda zuzuye.

    Kugeza ubu ikipe ya Police FC iyoboye urutonde rwa shampiyona y'u Rwanda aho kuri ubu ifite amanota 12.

    Nyuma y'uyu munsi wa gatandatu, harakurikiraho umukino w'ikipe y'igihugu y'abakinnyi bakina imbere mu gihugu, u Rwanda ruzahura na Djibouti kuri iki cyumweru.

     

    The post APR FC yabonye amanota atatu ya mbere, Kiyovu ikomeje kugana habi — Umunsi wa 6 wa PL wakinwe appeared first on RUSHYASHYA.

    Source : https://rushyashya.net/apr-fc-yabonye-amanota-atatu-ya-mbere-kiyovu-ikomeje-kugana-habi-umunsi-wa-6-wa-pl-wakinwe/?utm_source=rss&utm_medium=rss&utm_campaign=apr-fc-yabonye-amanota-atatu-ya-mbere-kiyovu-ikomeje-kugana-habi-umunsi-wa-6-wa-pl-wakinwe

  • 'Rwandan Epic 2024' Isiganwa ry'Amagare yo mu misozi, rigiye kuba ku nshuro ya kane #rwanda #RwOT

    Rwandan Epic 2024, Isiganwa ry'uyu mwaka riteganyijwe tariki ya 21-25 Ukwakira 2024, rizitabirwa n'abakinnyi 64 baturutse mu bihugu 14 aho 19 muri bo ari Abanyarwanda. Muhoza Eric na Nirere Xaverine basanzwe bakinira Ikipe ya Amani yo muri Kenya mu masiganwa nk'aya, bazitabira mu cyiciro cya 'Mixed Team' aho ikipe y'abantu babiri iba igizwe n'umugabo n'umugore.

    Bari mu bahabwa amahirwe uyu mwaka dore ko basanzwe bitabira amarushanwa akomeye muri 'Mountain Bike' aho Nirere Xaverine aheruka muri 'Gravel World Championship' yabereye mu Buholandi. Munyaneza Didier, Uwimana Rafiki, Kwizera Elie, Nshutiraguma Kevin, Neza Violette na Rugamba Janvier, ni abandi Banyarwanda bazitabira iri rushanwa ariko bamwe muri bo bakazafatanya n'abakinnyi b'abanyamahanga.

    Nk'uko bisanzwe bigenda, abitabiriye bazarushanwa mu byiciro bitatu birimo abasiganwa ku giti cyabo, amakipe y'abagabo n'abagore ndetse n'amakipe y'abavanze (umugabo n'umugore). Simon De Schutter uri mu bategura iri rushanwa, yavuze ko uretse kurushanwa, rigira uruhare mu kugaragaza ibyiza by'u Rwanda ndetse hari urwego rimaze gushyiraho umukino wa Mountain Bike mu gihugu.

    Ati 'Ni isiganwa rigamije siporo no gusura ahantu hatandukanye. Hari abaza baje kureba ibice bitandukanye mu Rwanda. Buri mwaka tugenda dukura mu bijyanye n'umubare w'abitabira, twatangiriye ku duce tune, ubu turi gukina uduce dutanu ku nshuro ya kabiri kandi turizera ko bizakomeza kuzamuka.'

    Yakomeje avuga ko ubwo batangiraga gukoresha amasiganwa ya 'Mountain Bike' mu 2020, yari amaze imyaka ine ataba mu Rwanda ndetse kuva icyo gihe kuri ubu hakinwa shampiyona y'uwo mukino n'Abanyarwanda
    bakaba bajya gusiganwa hanze aho Mwamikazi Jazilla aheruka kuba Umunyarwandakazi wa mbere witabiriye Imikino Olempike [i Paris] muri Mountain Bike.

    Mwamikazi Jazilla wegukanye 'Kirehe Race 2024' yakinwe mu mpera z'icyumweru, ntazitabira irushanwa ry'uyu mwaka kubera amasomo dore ko yari amaze hafi amezi ane i Burayi hagati ya Kamena n'Ukwakira. Muri Rwanda Epic 2024, Agace ka Mbere karakinirwa i Kigali kuri uyu 21 Ukwakira ku ntera y'ibilometero 8,8 ndetse buri mukinnyi araba asiganwa n'igihe ku giti cye.

    Ku wa Kabiri, tariki ya 22 Ukwakira, hazakinwa Agace ka Kabiri, Nyirangarama- Musanze [mu Kigo cy'Amagare cya ARCC], gafite intera y'ibilometero 95, bukeye bwaho hakinwe aka Kinigi-Musanze ku ntera y'ibilometero 54,3. Abasiganwa bazanyura ku Biyaga bya Burera na Ruhondo.

    Agace ka Kane kazakinirwa mu Kinigi hitegeye Ibirunga, ku wa 24 Ukwakira, kazaba kareshya n'ibilometero 29,8 mu gihe Rwandan Epic 2024 izasozwa ku wa Gatanu, tariki ya 4 25 Ukwakira, hakinwa Agace ka Gatanu
    kazaba kareshya n'ibilometero 65,5, aho abazakitabira bazahagurukira i Nyabihu berekeza i Rubavu ku Kiyaga cya Kivu.

    Abitabiriye uyu mwaka baturutse mu Rwanda, u Bubiligi, Repubulika ya Tchèque, u Budage, Espagne, u Bufaransa, u Bwongereza, u Butaliyani, Kenya, Nigeria, u Buholandi, Suède, Slovenia, Sierra Leone, Leta Zunze Ubumwe za Amerika na Zambia.

    Daniel Gathof yongeye kwitabira muri uyu mwaka ndetse azaba ari mu bakinnyi bahanzwe amaso

    The post 'Rwandan Epic 2024' Isiganwa ry'Amagare yo mu misozi, rigiye kuba ku nshuro ya kane appeared first on KASUKUMEDIA.COM.

    Source : https://kasukumedia.com/rwandan-epic-2024-isiganwa-ryamagare-yo-mu-misoziigiye-kuba-ku-nshuro-ya-kane/

  • Khadja Nin wamamaye muri ‘Sambolera’ yongeye… – #rwanda #RwOT

    Mu mafoto yashyizwe hanze kuri iki Cyumweru tariki 20 Ukwakira 2024, agaragaza uyu mubyeyi ashyikiriza ibihembo Kalimpinya Queen ndetse na Sandrine Isheja Butera.

    Iri siganwa ry'imodoka “Rwanda Mountain Gorilla Rally 2024” ryari rimaze iminsi itatu riba, ryasojwe ryegukanwe n'umunya-Kenya Karan Patel. Uyu mugabo ni nawe wasoje ku mwanya wa mbere, ndetse benshi bamuhaga amahirwe yo kuryegukana. Ni ubwa mbere uyu mugabo atwaye iri rushanwa.

    Ni mu gihe Queen Kalimpinya na Sandrine Isheja bahawe ibihembo nka 'Pilote' na 'Co-Pilote' b'abanyarwandakazi bitwaye neza muri iri rushanwa ryabereye mu Karere ka Bugesera mu Burasirazuba bw'u Rwanda.

    Iri rushanwa ryabaye kuva ku wa 18 kugeza tariki ya 20 Ukwakira 2024. Ribera mu bice bya Nemba, Ruhuha na Kamabuye. Umunyarwanda waje hafi muri iri rushanwa ni Kanangire Christian, wabaye uwa Kane ku rutonde rusange.

    Mu butumwa yanyujije ku rubuga rwe rwa Instagram, Khadja Nin yagaragaje ko yakozwe ku mutima n'uburyo u Rwanda ari igihugu giha agaciro umugore. Yavuze ati 'U Rwanda ni igihugu, aho abagore ari abami.'

    Kalimpinya Queen yavuze ko byari iby'agaciro n'icyubahiro kuba yabashije guhura na Khadja Nin. Yamusobanuye nk'umuntu w'umutima mwiza utuma buri wese amwiyumvamo. Uyu mukobwa yashimangiye ko koko 'abagore mu Rwanda ari abami n'abamikazi.'

    Khadja Nin yagaragaje kandi ko yishimiye intera Sandrine Isheja Butera na Kalimpinya Queen babashije kugeraho muri iri rushanwa yitabiriye. Uyu mugore yagendereye u Rwanda mu bihe bitandukanye, ndetse mu 2023 yitabiriye Inama ya FIFA ndetse n'irushanwa rya Tour du Rwanda.

    InyaRwanda yahawe amakuru avuga ko Khadja Nin amaze igihe aza mu Rwanda ahanini bitewe nuko yatangiye umushinga wo kubakisha inzu ye mu Rwanda. Ndetse afite ibikorwa by'ubuhanzi afatanyamo n'abandi bituma agenderera u Rwanda.

    Khadja Nin wamamaye mu ndirimbo 'Sambolera' yagaragaje ko yakozwe ku mutima n'uburyo u Rwanda rushyigikira abagore

    Khadja Nin ashyikiriza igikombe Kalimpinya Queen wabaye umukinnyi mwiza mu bagore (Pilote) muri iri rushanwa

    Khadja Nin [Uri hagati] ari kumwe na Sandrine Isheja Butera wahembwe nk'umugore mwiza ufasha utwaye imodoka (Co-Pilote), ndetse na Kalimpinya Queen

    KANDA HANO UREBE AMASHUSHO Y'INDIRIMBO'SAMBOLERA MAYI SON' YA KHADJA NIN

    “> 

    Source : https://inyarwanda.com/inkuru/147924/khadja-nin-wamamaye-muri-sambolera-yongeye-kugenderera-u-rwanda-ni-ibiki-bimugenza-147924.html