Category: Uncategorized

Ni igikorwa basanzwe bakora gatatu mu mwaka aho begera abaturage bagorwa no kugera kwa muganga bagahabwa ubuvuzi uko bikwiye. Muri 2024 bamaze kugera ku bigo nderabuzima bibiri aho basigaje kimwe bazajyaho mu mpera z'Ugushyingo.

Ku wa 8 Ugushyingo 2024, iki gikorwa cyabereye mu Karere ka Rwamagana mu Murenge wa Karenge, aho abaturage baho basuzumwe indwara zitandukanye, bahagabwa imiti abandi bakoherezwa ku bitaro bikuru bitagoranye.

Umuyobozi w'Ibitaro bya Masaka, Dr. Hanyurwimfura Jean Damascene, yavuze ko gahunda yo kwegera abaturage bakabaha serivisi z'ubuvuzi ari uko hari abatuye kure, bagorwa no kugerayo, ariko avuga ko hari n'abandi babona ibimenyetso runaka ariko bakagira intege nke mu kujya kwisuzumisha.

Ati 'Hari igihe umuturage ashobora kumva akantu k'akabyimba ku mubiri we ntashyiremo intege mu kujya kwisuzumisha, iyo rero yumvise ko haje itsinda ry'abaganga bavura bimutera umuhate wo kuza kwisuzumisha tukareba ikibazo afite akagirwa inama y'icyo akora cyangwa tukamwohereza ku bitaro bikuru agahabwa ubuvuzi.'

Mutesi Sonia, umwe mu baturage bo mu Murenge wa Karenge wari wagiye kwivuza amenyo yavuze ko yishimiye iki gikorwa cyo guhabwa ubuvuzi ku buryo bworoshye aho bitandukanye n'ibyari bisanzwe ku kigo nderabuzima.

Ati 'Turi guhabwa serivisi nziza zo kudusuzuma kandi biri kwihuta, ubusanzwe iyo uje hano ukavuga ikibazo cyawe baguha ibinini gusa nta kugusuzuma na byo ugasanga ntacyo bikumariye ariko ubu kuko twasuzumwe n'abavuye ku bitaro bya Masaka twizeye ko hari icyo biri butange.'

Umuyobozi w'itsinda ry'abaganga, Dr. Zhang Heping yakomoje kubyo bamaze gukora.

Yagize ati 'Mu myaka ibiri, tumaze gutanga serivisi z'ubuvuzi ku bagera ku 11,200 hari n'abandi tuzakorera kuko ikipe yacu iracyafite amezi abiri mu Rwanda.'

Yakomeje avuga ko icyuho kiri muri serivisi z'ubuvuzi mu Rwanda ari uko nta bikoresho by'ikoranabuhanga bihagije bihari.

Ati 'Mu Bushinwa dufite ibikoresho bihagije by'ikoranabuhanga bidufasha kwihutisha gutanga serivisi. U Rwanda rugeze ku kigero cyiza cyo kubaka serivisi z'ubuvuzi ariko hakenewe ubufasha kugira ngo abaturage bazibone mu buryo bworoshye.'

Abagera ku 9,200 bari indembe baravuwe, 856 bavuwe babazwe, mu gihe 52 muri bo bakize neza.

Abagera kuri 863 bakorewe ibizamini byo gupima indwara zo mu mubiri hakoreshejwe uburyo bwa utrasound ndetse na ECG, banatanga ubuvuzi gakondo bw'abashinwa ku barwayi 4500.

Hashize imyaka 42 abaganga b'abashinwa baza mu Rwanda gutanga serivisi z'ubuvuzi, aho buri myaka ibiri hoherezwa ibikoresho bitandukanye ndetse n'itsinda ry'abaganga 15 bafasha abo mu Rwanda kuvura indwara z'amenyo, iz'abagore, iz'ingingo ndetse no kubaga.

Hasuzumwe indwara zitandukanye

Ubwo abaganga basobanuriraga umurwayi ikibazo afite

Bamwe mu bagize itsinda ry’abaganga b’Abashinwa

Abari bafite ibibazo by’amenyo basuzumwe

Abaturage mu Murenge wa Karenge bari bitabiriye igikorwa cyo guhabwa serivisi z’ubuvuzi

Zhang Heping (ibumoso) yatangaje ko mu myaka ibiri itsinda ryabo rimaze, abagera kuri 11,260 bamaze guhabwa serivisi z’ubuvuzi

Umurwayi ari gusuzumwa ingingo

Ikigo nderabuzima cya Karenge n’icyo cyatangiwemo serivisi z’ubuvuzi ku baturage

Amafoto: Kwizera Remy Moses

Yasabye ko hashyirwaho amategeko yoroshya gahunda zo z'imikoranire no kongera ubumenyi abari muri uru rwego, ishyirwaho ry'ibikorwaremezo na gahunda zo gukusanya inkunga zo gushyigikira abari muri uru ruganda.

Ni ingingo yagarutseho ku wa 08 Ugushyingo 2024, mu biganiro byabereye ku ruhande rw'Inama Nyafurika ya YouthConnekt Africa, ibaye ku nshuri ya karindwi.

Ibi biganiro byateguwe n'Umuryango wa Imbuto Foundation ku bufatanye na Minisiteri y'Urubyiruko n'Iterambere ry'Ubuhanzi, byagarukaga ku cyaba uruhare rw'inzego zitandukanye mu guteza imbere uruganda rw'ubuhanzi ku mugabane wa Afurika.

Ati 'Hakwiye kubakwa ubushobozi bw'abafite aho bahuriye n'uruganda rw'ubuhanzi, hagashyirwaho ibikorwaremezo bifasha mu kwagura ubukerarugendo bushingiye ku muco bityo abahanzi bakamurika ibikorwa byabo mu buryo buboroheye.'

'Hagomba kubaho ishyirwaho ry'ibigega, n'ibindi bikorwa by'ingoboka ku rubyiruko, abagore, n'abandi bahanga bari muri uru rwego.'

Umutoni yavuze ko hakwiye gushyirwaho amategeko yoroshya imikoranire hagati y'abahanga mu bice bitandukanye, bigateza imbere gahunda zo gusangizanya ubumenyi n'ibihangano byabo bikamenyekana ku ruhando mpuzamahanga.

Uyu munsi Afurika yihariye 1,5% gusa by'ubukungu bushamikiye ku ruganda rw'ubuhanzi ku rwego rw'Isi, nubwo ituwe na 18% by'abaturage b'Isi yose.

Afurika ituwe n'abaturage miliyari 1,4, aho kimwe cya kane cyabo ari urubyiruko. Mu 2030 urubyiruko rungana na 42% rwo ku Isi ruzaba rubarizwa muri Afurika, kandi ni rwo rwihariye umubare munini w'abari mu ruganda rw'ubuhanzi.

Umuyobozi wa Imbuto Foundation, Elodie Shami, yavuze ko basobanukiwe kare ko uruganda rw'ubuhanzi ruzafatira runini urwego rw'ubukungu, binyuze mu guhangira abakiri bato imirimo no kubashyiriraho urubuga rwo kwaguka, bituma mu 2018 batangiza gahunda ya ArtRwanda-Ubuhanuzi.

Intego yari ugufasha abahanga bo mu Rwanda kubona urubuga bakeneye ngo bungukire mu bikorwa byabo.

Ati 'Binyuze muri iyi gahunda dufasha abahanzi, abanyabugeni, akora umuziki, abatunganya amashusho, abanditsi, ababyinnyi n'abandi, kugera ku nzozi zabo mu Rwanda, muri Afurika no ku Isi yose.'

'Intego yacu ni uko urugendo rw'abahanga bacu ruzagaragaza uko uruganda rw'ubuhanzi rwarema amahirwe mashya n'ahazaza heza ku bato.'

Shami yavuze ko ubu ari cyo gihe cyo gushora imbaraga no guha amahirwe abato.

Ati 'Uruganda rw'ubuhanzi ruruta kuba ubuhanzi, indirimbo cyangwa imideli kuko binatuma ubukungu bwiyongera hakanabaho gusangizanya umuco no guteza imbere guhanga udushya.'

Shami yavuze ko 'Ariko mu gihe twita kuri uru rwego, tugomba kwibaza tuti: Ni gute twakwagura amasoko, koroshya ubuhahirane, no kurema inzira z'ubucuruzi zituma abahanga bacu batera imbere? Ese twakora iki kugira ngo dushore imari muri uru ruganda ku buryo dushobora gutanga ubuhamya nyuma.'

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Sandrine Umutoni, yasabye ko Afurika yahindurwa aho abashoramari babona amahirwe mu rwego rw'ubuhanzi

Umuyobozi wa Imbuto Foundation, Elodie Shami, yavuze ko basobanukiwe kare ko uruganda rw'ubuhanzi ruzafatira runini urwego rw'ubukungu, bituma batangiza ArtRwanda Ubuhanzi

Itsinda ry’abanyuze muri ArtRwanda Ubuhanzi ryataramiye abari bari muri ibi biganiro

Alyn Sano ni umwe mu basusurukije abari bitabiriye ibi biganiro

Umuhanzikazi Christiane Bukuru 'Boukuru' ni umwe mu banyuze muri ArtRwanda Ubuhanzi icyiciro cya mbere

Benshi bafataga amafoto y’urwibutso

Minisitiri w'Urubyiruko n'Iterambere ry'Ubuhanzi, Dr. Utumatwishima Jean Nepo Abdallah, yari yitabiriye ibi biganiro

Umunyamabanga Uhoraho muri Minisiteri y’Ubucuruzi n’Inganda, Antoine Marie Kajangwe, yijeje gutanga ubufasha ku bari mu ruganda rw’ubuhanzi mu Rwanda

Abitabiriye igitaramo cy’iserukiramuco ‘Twaje Fest’ cyabereye muri BK Arena, babashije kubona uburyo abakobwa bane bahawe umwanya wo kuririmba muri iri serukiramuco. Ushingiye ku bitaramo byagiye biba mu bihe bitandukanye, byari ubwa mbere abakobwa bane bagaragaye ku rubyiniro mu gitaramo kimwe.

Umubare w’abakobwa bakora umuziki muri iki gihe ntabwo ari munini cyane ugereranyije na basaza babo. Ni nako bimeze kuva mu myaka 30 ishize umuziki w’u Rwanda wiyubaka. 

Butera Knowless asobanura ko hari impinduka zatangiye kwigaragaza cyane muri iki gihe, aho nibura muri buri gitaramo gitegurwa mu Mujyi wa Kigali hasigaye hagaragaraho umwe mu bakobwa bagomba kuririmba.

Uyu muhanzikazi avuga ko “Nta muntu uguhamagara kubera ko yakugiriye impuhwe. Aguhamagara kuko ubikwiye. Wari ukwiriye kuba uriyo.”

Yavuze ko abakobwa bakora umuziki bakwiye guharanira gutumirwa mu bitaramo runaka kubera ibikorwa byabo, atari impuhwe bagiriwe kugirango bashyizwe mu bazaririmba.

Ati “Ikintu cya mbere nibaza abakobwa bakeneye, dukeneye gukora ni ukutahajya ku bw’impuhwe, ni ukuhajya kubera ko ibikwiriye. Aho bizahera rero ni muri bo, ni muri twebwe. Yego! Biragoye kubona abakobwa bane baririmba mu gitaramo kimwe ngo hazeho n’abahungu bane, ariko se mu by’ukuri ni uko batwirengagije? Cyangwa se ni uko babona y’uko umwe cyangwa babiri nibo nibura (bashoboye).”       

Knowless yavuze ko abakobwa bakora umuziki bakwiye kwiyubakamo ubushobozi butuma abategura ibitaramo babatekerezaho mu gihe cyose bari gutegura ibitaramo. Yasobanuye ko abategura ibitaramo ari abacuruzi, ari nayo mpamvu buri gihe bahitamo abahanzi bashobora kubafasha kubacururiza mu bikorwa byabo.

Ati “Uri mu muziki ufite iyihe mpamvu? Ni ukwishimisha ni ‘business’, ni ukugira izina ukajya uca ahantu bakakuvuga, hanyuma ukagera ku ntego zawe. Muri rusange urashaka iki?”

Yavuze ko buri mukobwa uri mu muziki igihe yamenye ko ari mu muziki mu buryo bwa ‘Business’ akwiye kugira uruhare mu kumenya uburyo ubucuruzi bukorwa, ariko kandi yaba ashaka kumenyekana gusa nabyo biherekezwa no kurangira mu gihe cya vuba.

Ubwo yari mu kiganiro kuri 6 Records kigamije kumenyekanisha indirimbo 'Katira' yakoranye an Ariel Wayz, Knowless yabwiye abakobwa ko igihe bashyize umutima ku bikorwa byabo “ntaho umuntu yahera yirengagiza ko uhari.”

Knowless afatwa nk'umwe mu bahanzikazi baharaniye iterambere ry'umuziki w'u Rwanda kandi utarigeze acika intege kuva atangiye urugendo rw'umuziki nk'umuhanzi wigenga.

Mu bihe bitandukanye, yagiye agaragara mu bitaramo binyuranye, ndetse ari ku rutonde rw'ababashije kwegukana irushanwa rya Primus Guma Guma Super Stars. Umubare munini w'ibitaramo bibera mu Rwanda, siko byose abigaragaramo, ahanini bitewe n'uburyo yahisemo gushyira umwitangirizwa mu muziki we.

Aherutse mu bitaramo muri Leta Zunze Ubumwe za Amerika, yari yatumiwemo n'umuryango Global Living Institute. Icyo gihe ari kumwe n'umugabo we Ishimwe Karake Clement, banatanze ikiganiro cyagarutse ku rugendo rwo kwiyubaka ku muziki w'u Rwanda.

Knowless yatangaje ko abahanzikazi bari mu muziki bakwiye gukorera gutumirwa mu bitaramo

Knowless yavuze ko nta mukobwa ukwiye gutumirwa mu bitaramo kubera impuhwe 

Knowless yavuze ko abategura ibitaramo bahitamo abahanzi bashingiye ku babacururiza mu bitaramo

KANDA HANO UREBE AMASHUSHO Y'INDIRIMBO 'KATIRA' YA KNOWLESS NA ARIEL WAYZ

“>

Nk'uko bisanzwe bigenda mu mpera za buri Cyumweru, InyaRwanda ibagezaho urutonde rw'indirimbo nshya z'abahanzi barimo abamaze kugera ku rwego rukomeye n'abakizamuka.

Ikigamijwe ni ugutanga umusanzu mu iterambere ry'umuziki no gufasha abadukurikira kuruhuka no kunogerwa n'impera z'icyumweru. Kuri iyi nshuro abahanzi batandukanye bakoze mu nganzo batanga ibihangano bishya.

Kuri ubu, abahanzi nyarwanda baba abakora umuziki usanzwe ndetse n'abakora uwo kuramya no guhimbaza Imana bose bakoze mu nganzo.

Mu bahanzi bakoze mu nganzo, harimo umuramyi ukunzwe na benshi Israel Mbonyi, Ross Kana washyize hanze indirimbo yise 'Mami,' Angell Mtoni, Da Rest n'abandi.

1.     Mami — Ross Kana

“>

2.     Abiringiye Uwiteka — Israel Mbonyi

“>

3.     Nemerewe Kwinjira — Dominic Ashimwe

“>

4.     Impore — Da Rest ft Dj Pius

“>

5.     Kare — Angell Mutoni

“>

6. Siwezi – Safi Madiba

“>  

7. Mwami Ndagukeneye — David Kega

“>

8.     Child of God — Gloire ATS

“>

9.     Lesibiyeni — Yee Fanta ft Coolest & Ruganzu

“>

10. Icyaremwe Gishya — Gentil Iranzi

“>
 

Uru rubyiruko rwiganjemo urwo mu Murenge wa Busengo ugifite icyaro kinini kitaragezwamo amashanyarazi, ruvuga ko usibye ubumenyi bahabwa, ari n'amahirwe akomeye yo kwiteza imbere bitabasabye kwimukira mu mijyi nk'uko mbere uwateraga imbere cyangwa akagira ubumenyi yabigenzaga.

Kuri ubu, Ubuyobozi bw'Akarere ka Gakenke bufatanyije na INES Ruhengeri, byafunguye 'Centre' yo kwigishirizamo urubyiruko gukora no gusana imirasire y'izuba hagamijwe guteza imbere ingufu zisubiramo nk'uburyo bwo kugabanya imyuka ihumanya ikirere.

Iyi 'Centre' yubatswe binyuze mu mushinga yiswe 'GREATER' ihabwa izina rya 'Busengo Living Lab'. Iherereye mu Murenge wa Busengo, aho izajya iterwa inkunga n'Umuryango w'Ubumwe bw'Uburayi (EU), ugamije gufasha u Rwanda guhangana n'ingaruka zo kwangiza ikirere.

Biteganyijwe ko uyu mushinga uzarangira mu 2026, ugasiga urubyiruko rugera ku 1000 ruhawe ubumenyi bwo gukora imirasire y'izuba no gukora bimwe mu bikoresho byayo biba byarangiritse.

Si ibyo gusa kuko bazafasha na leta gukwirakwiza amashanyarazi akomoka ku mirasire y'izuba muri icyo gice cy'icyaro bigoranye ko andi mashanyarazi agerayo.

Umuyobozi w'Akarere ka Gakenke, Vestine Mukandayisenga, avuga ko iryo koranabuhanga urubyiruko ruzaryungukiramo byinshi.

Ati “Bizadufasha gukura aha hantu mu bwigunge kuko murabona ko ari mu cyaro. Bagiye kwegerezwa amashanyarazi y'imirasire y'izuba ndetse abazaba barabyize bazajya bafasha abaturage mu gukora izagiye zangirika.'

Rumwe mu rubyiruko rwatangiye kwigishwa, rwemeza ko aya ari amahirwe akomeye cyane ruhawe kuko mbere baburaga ikindi kintu cyo gukorera muri icyo cyaro.

Ishimwe Innocent, ni umwe muri bo, yagize ati “Aya ni amahirwe batuzaniye kuko ziriya ngo zose nta mashanyarazi zagiraga. Niturangiza kwiga tuzajya tubakorera imirasire ndetse n'ibyangiritse tubisane. Njyiye kwiga nshyizeho umwete kuko isoko rirahari.”

Manizabayo Yvette na we yagize ati “Nari naracikirije amashuri mbura aho niga imyuga byibuze ngo njye mbona amafaranga, none batuzaniye iki kigo. Numvaga gukora imirasire y'izuba ari nk'ibintu byashoboka mu nganda zabyo gusa, ariko maze kugira icyizere ko nanjye nabishobora. Turifuza ko izi ngo zose twazicanira mbigizemo uruhare.”

Umuyobozi Mukuru wa INES Ruhengeri, Padiri Dr. Jean Bosco Baribeshya, avuga ko nka kaminuza n'ubundi baba bagomba gukora ubushakashatsi kandi bukagira impinduka ku baturage.

Ati “Turifuza kuzana impinduka nziza mu miturire y'abaturage twongera ingo zitunze amashanyarazi muri aka gace k'icyaro, twigishe urubyiruko kuyakora no kuyakoresha bayabyaze umusaruro, kuko ahatari amashanyarazi iterambere riba rigoye.”

“Tuzigisha urubyiruko uko biriya byuma bituma izuba ribyara umuriro w'amashanyarazi bikora, babikore ndetse bamenye no kubisana igihe byangiritse.'

Ikigo cy'Igihugu gishinzwe Ibarurishamibare (NISR) kigaragaza ko muri 2022, ingo zari zifite amashanyarazi afatiye ku muyoboro mugari zari 47,1%, abakoresha itoroshi 28,4%, abakoreshaga ingufu z'imirasire y'izuba bari 13,9%, abakoresha igishirira mu kumurika bari 4,2%, abakoresha buji bari 2,9%, abakoresha itara rya peteroli 1,6%, mu gihe abakoresha moteri bari 1,3%.

Kugeza ubu uburyo bufasha Abanyarwanda kubona amashanyarazi, harimo aturuka ku ngomero nini n'intoya 30, inganda zikora ingufu zikomoka ku mirasire y'izuba eshatu, ibigo bikora ingufu zikomoka ku muyaga eshanu, ibigo bya Gaz Methane bibiri n'ibigo bikora ingufu z'amashanyarazi avuye kuri nyiramugengeri bibiri.

Aba mbere bageze ku rwego rwo gukora imirasire ishobora kwifashishwa kuri radiyo ntoya

Ababyeyi n’urubyiruko bose bishimiye ko ubumenyi buzatangirwa muri icyo kigo buzatanga ibisubizo aho batuye

‘Centre’ yafunguwe ifite gahunda yo kwigisha urubyiruko 1000 bitarenze mu 2026

Ikigo cyafunguwe kizajya gitanga amahugurwa mu gusana no gukora amashanyarazi y’imirasire y’izuba

Muri Nzeri 2024, ni bwo abahinzi b'imyembe bo mu kibaya cya Bugarama batangiye kuganwa n'abacuruzi barangura imyembe iteze bakayohereza muri Repubulika Iharanira Demokarasi ya Congo, aho bivugwa ko ikorwamo inzoga.

Icyo gihe umufuka w'imyembe waguraga ibihumbi 20 Frw, ariko uko iminsi igenda ishira, iki giciro cyagiye kigabanuka kigera ku bihumbi 5 Frw.

Umuhinzi w'imyembe akaba n'umucuruzi uyirangura akayiha abayijyana muri RDC, Nyirabagambiki Patricie, yabwiye IGIHE ko arangura ibiti by'imyembe y'ibitumbwe akayigurisha abaza kuyibagurira bayijyana muri Congo.

Nyirabagambiki avuga ko kuyigurisha iteze babibonamo inyungu, kuko iyo bayitegereje ngo yere iba ihombye kubera ko aba ari myinshi.

Uyu mucuruzi avuga ko iyo imyembe yereye rimwe ibura isoko ku buryo ibase y'imyembe igura 300 Frw. Akavuga ko kuba yaratangiye kugurishwa ikiri ibitumbwe bizatuma idata agaciro.

Habimana Sylvestre ukora akazi ko guhubura iyi myembe y'ibitumbwe no kuyipakira mu mifuka, avuga ko ari byiza kuba yarabonewe isoko kuko bituma abahinzi bayo babona amafaranga yo gukoresha hakiri kare.

Agakomeza avuga ko amakuru afite ari uko 'bayikoramo inzoga z'ibyuma'.

Nyamara aba ntabwo babyumva kimwe na Uwizeyimana Betty uyicuruza kuko ahamya ko iyo yeze ari bwo igiciro cyayo kizamuka.

Ati 'Umufuka w'imyembe y'ibitumbwe bari gutangira 5.000 Frw iyo yeze ugera muri 15.000 Frw na 20.000 Frw'.

Ntabwo yemera ko kandi iyo yereye rimwe ibura isoko, kuko 'hari imodoka zijya ziza kuyipakira zikayijyana za Kigali, Rubavu n'ahandi'.

Abahinzi bo mu kibaya cya Bugarama gikora ku mirenge itanu, bamaze kubaka izina ku bihingwa bibiri by'ingenzi aribyo umuceri n'imyembe.

Uyu muco wo kugurisha imyembe y'ibitumbwe wadutse muri iki kibaya nyuma y'aho mu gihembwe cy'ihinga gishize, umuceri watinze ku mbuga bikaba bigeze mu kwezi k'Ugushyingo hari abahinzi b'umuceri batarabona amafaranga y'umuceri wabo weze muri Gicurasi.

Uwizeyimana agakomeza avuga ko uyu muco wo kugurisha imyembe y'ibitumbwe ufitanye isano n'ubukene.

Ati 'Uyu muco wo kugurisha ibitumbwe tuwufata nk'aho abantu bashonje. Ubirebye wavuga ko ari ukotsa imyaka kuko umuturage aba ari kwirengera uyu munsi, ariko nta terambere yageraho kuko akamaro igiti cyakamumariye ntabwo kiba kizakamumarira'.

Umuyobozi w'Akarere ka Rusizi, Dr. Anicet Kibiliga, avuga ko abaturage bari gusarura imyembe iteze bagirwa inama yo kubihagarika kuko inyungu zifatika ziboneka umusaruro weze.

Ati 'Umuturage ushobora kuza ukamubwira ngo hari isoko ribonetse ryo kuba yabona amafaranga, akumva ko ayo abonye ako kanya ari yo amufitiye umumaro, ariko yakagombye kwihangana akarindira ko yera.'

'Buriya iyo umuturage umwigishije biba byiza, aho kumubwira ngo hagarara ukamwereka inyungu ziri mu byo umushishikariza gukora'.

Akarere ka Rusizi mu ntego zako kavuga ko gashaka kuba igicumbi cy'ubuhinzi bw'imbuto ziribwa, ari na yo mpamvu gakomeje gushyira imbaraga mu gutera ibiti byinshi by'imbuto no mu gusazura ibishaje.

Abaturage b’Akarere ka Rusizi ntibavuga rumwe mu muco wahadutse wo kugurisha imyembe y’ibitumbwe

Bamwe mu baturage bashima umuco wo kugurisha imyembe y’ibitumbwe, bakavuga ko bizatuma iterera rimwe ngo ibure isoko

Umuhinzi wo mu Murenge wa Bugarama ufite ibiti birenga 100, na we avuga ko kugurisha imyembe y’ibitumbwe ari ukotsa umusaruro

Imyembe y’ibitumbwe yoherezwa muri Congo ahari inganda ziyikoramo inzoga z’ibyotsi

Uwizeyimana usanzwe acuruza imyembe yeze avuga ko kugurisha imyembe y’ibitumbwe ari ukotsa umusaruro