Author: webrwanda

Umuryango w'abibumbye ushinzwe kurwanya ibiyobyabwenge n'ubugizi bwa nabi wasanze mu 2023, abagore n'abakobwa 140 bapfa buri munsi bazize mugenzi wabo cyangwa umuvandimwe wa hafi.

Ibyo bivuze ko buri minota 10 hicwaga umugore umwe. Raporo yashyizwe ahagaragara mu gihe abantu ku Isi bizihizaga umunsi mpuzamahanga wo guca burundu ihohoterwa rikorerwa abagore mu ngo.

Mu rugendo rwabereye i Lima, umurwanashyaka Rocio Silva yavuze ko abagore bo muri Peru barakaye kubera impamvu nyinshi zitandukanye.

Mu murwa mukuru w'Ubutaliyani, i Roma, abigaragambyaga Elisabetta Girolami yavuze ko abantu benshi bagiye mu muhanda bigaragambya bavuga ngo 'oya'.

Raporo ubwo yakorwaga yasanze Afurika ifite ubwicanyi bwinshi bwakozwe n'umufatanyabikorwa. Afurika kandi ifite umubare munini w'abahohotewe ugereranyije n'ubunini bw'abaturage bayo baba batakorewe ihohoterwa.

Umwaka ushize habaye ibipimo bya bagore bakorerwa ihohoterwa bahohotewe muri Amerika basanga 1.6 ku bagore 100,000, naho muri Oceania hamwe ari 1.5 ku bagore 100,000.

Nubwo umubare munini, wavuzwe ko kutagira amakuru ahamye bikomeje kuba ingorabahizi muri raporo yavuzwe ko nubwo hashyizweho ingamba zo gukumira iyicwa ry'abagore n'abakobwa mu bihugu, ubwicanyi bwabo 'bukomeje kuzamura urwego rwo hejuru'.

Izi nzego zombi zagize ziti: 'Akenshi usanga iri hohoterwa rishingiye ku gitsina, bivuze ko bishobora no kwirindwa binyuze mu gutabariza ku gihe'.

Umunyamabanga mukuru wa Loni, António Guterres, yavuze ko ihohoterwa rikorerwa abagore 'riteye isoni ikiremwamuntu'.

Mu murwa mukuru w'Ubutaliyani, i Roma, habereye imyigaragambyo ya bagore, bagiye mu muhanda bigaragambyaga bavuga ngo 'oya, oya, oya', birahagije ibyo dukorerwa.

 

 

 

 

 

 

 

Source : https://kasukumedia.com/umuryango-wabibumbye-uvuga-ko-urugo-ari-ahantu-hateye-akaga-cyane-ku-bagore/

Nk'uko Paul Pogba abitangaza ngo yafunzwe mpiri mu nzu iri mu karere ka Paris n'abantu bitwaje imbunda basaba miliyoni 13 z'amayero kugira ngo yishyurwe kubera gukingirwa bivugwa kuva yatangira umwuga we.

Iri tsinda ngo ryarimo inshuti zo mu bwana harimo nuwitwa Mathias Pogba, bivugwa ko bagize uruhare runini muri iki kibazo.

Amashusho yashyizwe ahagaragara na Mathias Pogba ku mbuga nkoranyambaga ze, yashinja murumuna we kutubahiriza ibyo yiyemeje mu muryango wabo, bikurura abashinzwe iperereza maze biganza urubanza.

Kugeza ubu, Paul Pogba yitegereza uko abahoze ari inshuti ze bakurikiranyweho ibyaha bishobora gukatirwa igifungo cy'imyaka 20.

Pogba yipimishije testosterone muri Kanama umwaka ushize wa 2023, uyu mukinnyi wo hagati muri Juventus yahawe igihano kinini n'urukiko rw'Ubutaliyani rurwanya ibiyobyabwenge.

Ariko abacamanza ba CAS bagabanyije ibihano by'ibaha bya Pogba kuko bemeraga ko nta bushake yari afitemo kandi ko atigeze agora urukiko.

Amasezerano ya Pogba na Juventus yagombaga kurangira muri Kamena mu 2026.

Pogba niwe mukinnyi w'umupira wamaguru wahenze cyane mu mateka y'ikipe ya Manchester United ubwo yavaga muri Juventus ku mafaranga miliyoni 105 zama euro muri 2016.

Yakinnye mu gikombe cy'Isi cy'Ubufaransa mu mwaka wa 2018 maze asubira muri Juventus nk'umukinnyi wigenga mu 2022.

Source : https://kasukumedia.com/biteganyijwe-ko-urubanza-rwa-paul-pogba-nabaregwa-batandatu-rutangira/

Mu gitondo cyo kuri iki cyumweru taliki 24 ugushyingo 2024 umuyobozi w'icyubahiro wa APR F.C General MK MUBARAKH yahuye n'abakozi biyi kipe mu Rwego rwo kongera kubibutsa intego ndetse n'imyitwarire isanzwe iranga umukozi wa APR F.C.

Aganira na bo, General MK MUBARAKH yagize ati: 'APR F.C ni ikipe y'Ingabo z'igihugu, ni yo mpamvu yitwa Armée Patriotique Rwandaise.  Iyi kipe ifite uko yabayeho, ni ikipe irangwa n'intsinzi aho ari ho hose, nta kunganya, nta gutsindwa, twe tubara intsinzi.'

'No gutsinda igitego kimwe burya nta mutekano wacyo uba ufite kuko isaha n'isaha bakwishyura.'

'Murasabwa gutsinda byinshi rero. Ku mukino mwakinnye na Muhazi United nawukurikiye hafi iminota mirongo 70 yose, murakina ama Pass mukayatanga ni byiza, ariko muragera imbere y'izamu sinzi uko bihita bibagendekera, umupira ntabwo birangirira mu gutanga Pass kuri mugenzi wawe, oya ni intsinzi.'

Yakomeje abibutsa umukoro n'umwenda bafitiye abakunzi ba APR F.C, ati 'Mufite umukoro ku mikino ikurikira, wo kwerekana ko mwakosoye ibyo byose tutishimiye, kandi mubifitiye ubushobozi kuko twabongereyemo amaraso mashya.

Mbere mwakinaga muri Abanyarwanda gusa tugeraho tubongereramo bagenzi banyu muri kumwe ubu, buri wese arahembwa, abona uduhimbazamusyi ntacyo kwitwaza gihari.'

'Mwerekane ko APR ari yayindi ihorana intsinzi kuko ni byo byaturanze kuva na kera.'

Yakomeje abagezaho ubutumwa Abakunzi ba APR F.C bamaze iminsi batanga, ati: 'Abakunzi ba APR F.C baza ku kibuga bashaka ibyishimo, ariko nti muri kubibaha uko bikwiriye. Abafana ni mwe mukwiriye gutuma baza ku kibuga kuko ni mwe mubaha ibyo byishimo, ubutumwa bw'ibyo babifuzaho murabwumva neza ko ari intsinzi, mubyerekane kuri uyu wa Gatatu muhura na Bugesera.

APR F.C nyuma yo gutsinda Muhazi United igitego 1 — 0 izagaruka mu kibuga kuri uyu wa Gatatu ikina umukino w'ikirarane cy'umunsi wa kabiri wa Rwanda Premier League izahuramo na Bugesera FC kuri Kigali Pele Stadium ku isaha ya saa kumi n'ebyiri n'igice (6:30pm).

The post General Mubarakh Muganga yasabye abakinnyi ba APR FC intsinzi kuko nta rwitwazo ruhari rwo kudatsinda appeared first on RUSHYASHYA.

Source : https://rushyashya.net/general-mubarakh-muganga-yasabye-abakinnyi-ba-apr-fc-intsinzi-kuko-nta-rwitwazo-ruhari-rwo-kudatsinda/?utm_source=rss&utm_medium=rss&utm_campaign=general-mubarakh-muganga-yasabye-abakinnyi-ba-apr-fc-intsinzi-kuko-nta-rwitwazo-ruhari-rwo-kudatsinda

Minisitiri w'ububanyi n'amahanga wa Somaliya, Ahmed Moalim Fiqi, yatangaje ko abantu 46 barokowe. Ati: 'Turimo gukora ibishoboka byose kugira ngo abarokotse basubizwe mu rugo amahoro kandi bahabwe ubufasha bukenewe'.

Abenshi mu bagenzi bari abasore bo muri Somaliya, kandi icyateye impanuka ntikiramenyekana. Benshi mu rubyiruko rwo muri Somaliya batangira urugendo rwo guca mu mazi, ni mu gihe baba bagiye gushaka amaramuko mu mahanga.

Kuri uyu wa mbere, biteganijwe ko intumwa ziyobowe na ambasaderi wa Somaliya muri Etiyopiya zerekeza i Madagasikari kugira ngo zikore iperereza ku byabaye kandi zihuze ingamba zo gubakoresha ingendo nyinshi zitemewe zo guca mu mazi.

Ku cyumweru, Fiqi yavuze kandi ko ambasaderi wa Somaliya muri Maroc nawe azareba muri raporo yihariye y'urubyiruko rwo muri Somaliya rwari ruhagaze ku nkombe za Maroc.

Ikigo gishinzwe abinjira n'abasohoka muri Leta zunze ubumwe za Amerika cyagaragaje impungenge z'uko umubare w'abimuka ukomeje kuva mu ihembe rya Afurika mu gihe abantu bahunga amakimbirane n'amapfa mu ibyo bihugu.

Muri Mata, abimukira 38 barapfuye abandi 22 barokorwa mu bwato bwari buherereye i Djibouti mu nzira izwi cyane yerekeza muri Yemeni. Abenshi mu barokowe bari abo mu gihugu cya Somaliya na Etiyopiya.

Source : https://kasukumedia.com/muri-somaliya-abantu-24-bapfuye-ubwo-ubwato-bwarohamaga-mu-nyanja-yubuhinde/

Breyten Breytenbach yari umuntu wanenze cyane ubutegetsi bwa apartheid.

Umuryango we wemezako uyu mwanditsi uzwi cyane mu kurwanya ivanguramoko akaba n'umurwanashyaka witwa Breyten Breytenbach yatagihumeka, Breyten Breytenbach akaba yari yarafunzwe azira imyizerere ye muri Afurika y'Epfo mu myaka ya za 70, yapfuye afite imyaka 85.

Yitabye Imana asinziriye, arikumwe n'umugore we Yolande amuri iruhande  mumugi w'i Paris.

Umusizi utavuga rumwe n'ubutegetsi, umwanditsi w'ibitabo n'umushushanyi yari 'umuhanzi ukomeye, warwanyaga ivanguramoko, yaharaniye isi nziza kugeza imperuka', nk'uko umuryango we wabitangaje.

Breyten Breytenbach, yongeye guhura n'umugore we Yolande, nyuma yo kuva muri gereza

Source : https://kasukumedia.com/umwanditsi-wo-muri-afurika-yepfo-urwanya-ivanguramoko-breytenbach-yapfuye/

Yakiriwe ku rubyiniro na Deeejay Kerb uri mu bagezweho muri kiriya gihugu, maze yinjira ku rubyiniro afite ibendera ry'u Rwanda, mu gitaramo gikomeye yahakoreye mu ijoro ryo kuri iki Cyumweru tariki 24 Ugushyingo 2024. 

Ni igitaramo cyabereye ahazwi nka Nomad Bar Grill. Uyu musore yari amaze igihe atumirwa muri iki gitaramo bihurirana n'akazi yari ahafite.

Ubwo yari ahamagawe ku rubyiniro, yavuzwe nk'umuhanzi wari ukumbuwe n'abanyarwanda n'abanya-Uganda babarizwa muri kiriya gihugu.

Ari ku rubyiniro, yinjiriye mu ndirimbo 'Fou de Toi' yakoranye na Bruce Melodie na Ross Kana, bigera ubwo ashyira ku ruhande ibendera ry'u Rwanda yari yiteye, asigarana isengeri, ubundi aranzika mu zindi ndirimbo yari yateguye.

Uyu musore yanaririmbye indirimbo ze zirimo nka 'Kashe', 'Milele' aherutse gushyira ku isoko, ashima uko yakiriwe. Yabwiye Abanyarwanda n'Abanya-Uganda babarizwa muri kiriya gihugu ati 'Ndabona abakobwa beza hano. Nari mbakumbuye, nizeye ko namwe ari uko.'

Iki gitaramo cyabereye muri kari kabyiniro, cyahuje amagana y'abantu, kandi bitewe n'uko umubare munini w'abacurangaga ari ba Dj, byatumye Element aririmba mu buryo bwa 'Plack Back'.

Ubwo Deejaykerb yamwakiraga hari aho yagize ati 'Mwiteguye kwakira Element, banyarwanda, namwe banya-Uganda, niba witeguye vuga uti Element turashaka gutama.'

Hari aho Element yagiye asaba Dj kureka gucuranga indirimbo, ubundi akaririmba mu buryo bwa Live afatanyije n'abari bitabiriye iki gitaramo, biganjemo cyane abasore n'inkumi n'abandi b'abanyabirori muri iki gihugu. Muri iki gitaramo kandi uyu muhanzi yanaririmbye indirimbo 'Sikosa' yakoranye na The Ben na Kevin Kade.

Element asobanura ko uretse gutaramira muri iki gihugu, yanajyanwe no gukorera indirimbo abahanzi batandukanye muri iki gihugu. Yaherukaga gutaramira muri iki gihugu muri Nzeri 2023.

  

Abanyarwanda babarizwa muri kiriya basazwe n'ibyishimo babonye Element aserukanye ibendera 

Ni igitaramo cya Kabiri Element akoreye muri Uganda, kandi agaragaza ko yari akumbuye kubataramira 

Hari bamwe mu bafana bitabiriye iki gitaramo bagiye basangiza abandi amashusho agaragaza uko byari bimeze 

Element yitaye cyane ku ndirimbo yagiye akorana n'abandi bahanzi zikunzwe muri iki gihe  

Umunyarwenya Alex Muhangi uri mu bagezweho muri Uganda, yagaragaje ko ari mu bitabiriye igitaramo cya Element

 

Mbere yo kuririmba muri iki gitaramo, Element yabanje gusohora amafoto agaragaza imyambaro ari buserukane

KANDA HANO UREBE AMASHUSHO Y’INDIRIMBO ‘MILELE’ YA ELEMENT

“>

Source : https://inyarwanda.com/inkuru/148923/element-yaserukanye-ibendera-ryu-rwanda-mu-gitaramo-gikomeye-muri-uganda-148923.html

Yahagurutse ku kibuga cy'indege Mpuzamahanga cya Kigali i Kanombe kuri iki Cyumweru tariki 24 Ugushyingo 2024. Yari aherekejwe n'abo mu muryango we, inshuti n'abandi.

Uyu mukobwa mu 2023 yahigitse bagenzi be yegukana irushanwa rya Rwanda's Global Top Model byamuhesheje amahirwe yo guserukira igihugu kuri iyi nshuro.

Iri rushanwa yitabiriye ryatangiye kuri iki Cyumweru tariki 24 Ugushyingo 2024, ni mu gihe biteganyijwe ko rizasozwa tariki 1 Ukuboza 2024.

Umuyobozi wa Rwanda's Global Top Model, Ndekwe Paulette yabwiye InyaRwanda ko ari ku nshuro ya karindwi bafashije umukobwa guserukira u Rwanda, kandi bizera ko Laura Sarah azatahukana intsinzi.

Ati 'Icyizere cyo gutsinda kirahari ariko birasaba gukora cyane. Igihe duherukira muri Miss Africa Golden ni mu 2022, kandi twabashije kugera muri batanu ba mbere. Ubu rero kuri iyi nshuro turahirimbanira kujya imbere y'aho.'

Yavuze ko bahisemo kwitabira iri rushanwa, kubera ko riha agaciro umwana w'umukobwa kandi rikamushyigikira mu bikorwa byose.

Akomeza ati 'Ni ku nshuro ya Karindwi dufashije umukobwa kugenda. Twahisemo Miss Africa Golden kubera impinduka bazanye zo gufasha utsinze kumuzamura mu bikorwa mpuzamahanga. Kandi ni irushanwa twibonamo kuko riga agaciro abirabura.'

Ni ku nshuro ya Kabiri Embrace Africa yohereje umukobwa muri Miss Africa Golden International, ariko ni ku nshuro ya karindwi bohereje umukobwa mu bikorwa mpuzamahanga.

Miss Africa Golden ni irushanwa mpuzamahanga ry’abirabura bose bo ku migabane yose y'Isi, abadakomoka muri Afurika bo baba babita ko bafite 'Afro Roots' mu gihe birabura. Nk'ubushize, igisonga cyabaye umukobwa wo mu Buhinde.

Kuri iyi nshuro uzatsinda bazamufasha gukomeza kwitabira ibikorwa mpuzamahanga. Mu ntego zabo, bagaragaza ko badashaka gukora nk'andi marushanwa akomoka muri Afurika, aho umukobwa atsinda bikaba birarangiye akicarana ikamba.

Bo, bagaragaza ko uzatsinda urugendo rwe ruzaba rutangiye mu bikorwa mpuzamahanga.

Banavuze ko umukobwa uzatsinda bazamufasha guserukira igihugu cye mu irushanwa World Next Top Model 2025 rizabera mu Mujyi wa Beirut muri Lebanon muri Gicurasi 2025. 

Bati 'Ubuyobozi bwa Miss Africa Golden International tuzishyura buri kimwe gisabwa nk'amatike y'indege, aho kurra n'ibindi.

Umukobwa utsinda muri iri rushanwa kandi afashwa kwitabira amarushanwa mpuzamahanga nka Miss Universe, Miss World, Miss International, Miss Supranational, Miss Earth, Miss Grand International, Miss Supraglobal, Universal Woman, Miss Aura International, World Next Top Modeli n'andi akomeye ku Isi.

Iri rushanwa ryatangiye kubera muri Nigeria kuva kuri iki Cyumweru tariki 24 Ugushyingo 2024, rizasozwa ku wa 1 Ukuboza 2024, ni mu gihe abakobwa bazasubira mu bihugu byabo ku wa 3 Ukuboza 2024. 

Laura Sarah yaserukiye u Rwanda mu irushanwa Miss Africa Global International 2024

Mu 2023, uyu mukobwa yahigitse abandi atwara ikamba ra Rwanda’s Global Top Model 

Iri rushanwa Sarah yitabiriye ryatangiye kuri iki Cyumweru, rizasozwa ku wa 1 Ukuboza 2024

Ndekwe Paulette [Uri iburyo] yavuze ko bizeye ikamba muri Miss Africa Global International 2024

Ni ku nshuro ya Karindwi, Embrace Africa ifashishije umukobwa guserukira u Rwanda

Source : https://inyarwanda.com/inkuru/148926/ibyo-wamenya-kuri-miss-africa-golden-yitabiriwe-numunyarwandakazi-muri-nigeria-amafoto-148926.html

Uyu muhanzi muri iki gihe abarizwa mu Mujyi wa Vancouver mu gihugu cya Canada, ari naho yimukiye. Amaze iminsi mu bitaramo byageze muri Leta Zunze Ubumwe za Amerika, mu Bufaransa n’ahandi, ndetse ari kwitegura gutaramira mu Rwanda nk’imwe mu ntego yihaye. 

Safi Madiba yafatwaga nk’inkingi ya mwamba muri Urban Boys, byanatumye ubwo yavaga muri iri tsinda, ryasubiye inyuma mu buryo bugaragarira buri wese. Ni itsinda ryagize ibihe byiza, ndetse ni bamwe mu babashije kwegukana irushanwa rya Primus Guma Guma Super Stars, bahatana mu bikorwa bikorwa bikomeye by’umuziki n’ahandi.

Ni itsinda ryanyeganyeje imitima ya benshi, ku buryo na n’uyu munsi ibihumbi by’abantu bacyumva ibihangano byabo. Nizzo abarizwa mu Rwanda muri iki gihe, ni mu gihe Humble Jizzo abarizwa muri Kenya n’umuryango we.

Safi Madiba yavuze ko yinjiye muri Urban Boys nyuma y’igihe cyari gishize ashakisha akazi muri Simba Supermarket, Nakumatt n’ahandi byanga ‘bambwira ko ntafite umuryango’. Avuga ko mu gutangira iri tsinda bari batanu ariko ‘hari babiri baje kuvamo’.

Yasobanuye ko gutangira umuziki nk’umuhanzi wigenga avuye muri Urban Boys, ahanini byaturutse mu kuba we na bagenzi be hari ibyo batigeze bahuza.

Uyu mugabo avuga ko Urban Boys ayifata ‘nk’umubyeyi kuri njye’ kuko bahuye ari bato, bakora ibintu byabo ‘kandi birakunda, abantu baranabyumva, dukora imiziki myiza cyane’.

Avuga ko hari urwego bagezeho babona ko buri wese ‘afite indoto zitandukanye n’iz’undi’. Ati “Iyo utangira umuziki ntabwo uba uzi ko bizacamo. Kugeza ubwo Imana ivuze iti byaciyemo. Rero, iyo ukora nka ‘Group’ mushyira hamwe, muhuza imbaraga, mugakora cyane, ariko ‘Group’ yagize ibihe byiza, itera imbere cyane, natwe twateye imbere erega.”

Safi Madiba yavuze ko nyuma y’ibikorwa bikomeye bagezeho “Twatangiye kutumvikana, kubera ko hari urwego ugeraho kubera ko wateye imbere, watunze amafaranga, wabonye ubwamamare, ntabwo ari ibanga, n’imyaka iba yaje, wakuze ugatangira kubona ko ukiri muto hari ibyo wakundaga, wenda wakundaga kunyoga amagare, cyangwa wakundaga gukina umupira.”

Uyu muhanzi yavuze ko buri gihe “iyo kwamamara n’amafaranga bije hari ikintu biguhindura mu mutwe.” Avuga ko hari aho byageze batangira kuganira “dutangira kudahuza kubera inzozi zanjye, iza Nizzo, iza Humble Jizzo, nta kintu kinini twapfuye uretse inzozi.”

Safi Madiba yavuze ko amafaranga bagiye babona nk’itsinda yagiye atuma buri umwe ahinduka mu mitekerereze ‘rimwe na rimwe ugatangira gutekereza ibyo wakundaga ukiri muto.”

Yavuze ko hatigeze habaho gushwana nk’uko byagiye bivugwa mu bihe bitandukanye ahubwo ‘twaraganiriye mbona ko bidakunda.”

Asobanura ko nk’umuhanzi, hari amafaranga babonaga byatumye atekereza ‘Business’ mu mafaranga yabaga yahawe hanyuma ‘ejo ikivuyemo gishobora kuduteranya, bitewe n’icyo ukunda, n’icyo wakundaga mbere y’uko uza mu buhanzi, nibyo byatumye itsinda nyine buri umwe amenya ibye.”

Mu kiganiro na Bombastic Studio yamutumiye mu Bufaransa, Safi yahakanye ko hatigeze habaho gukozanyaho hagati ye na Nizzo na Humble Jizzo ahubwo ‘abantu bapfa indoto cyangwa ibyo barotaga’.

Yungamo ati “Kandi iyo amafaranga yaje n’ubwamamare, buri umwe atangira kubura icyo ayakoresha. Rero, nicyo cyatumye mu itsinda buri umwe amenya ibibazo bye.”

Safi Madiba yavuze ko yakomeje gukora umuziki kubera ko ari ubuzima bwe, biri no mu mpamvu yagiye agerageza guca inzira zinyuranye kugira ngo abashe gukora umuziki nk’umuhanzi wigenga.

Ariko kandi yumvikanisha ko hari urwego ‘twagezeho amafaranga ahari, buri umwe ahitamo ko yakwitunga, njyewe rero nahisemo umuziki kubera ko numva ko ndawushoboye.”

Yavuze ko ubwo yatangiraga umuziki, hari abantu bamubwiye ko bashaka gutegura igitaramo hanyuma agahurira ku rubyiniro na Urban Boys arabyanga ‘kuko ntabwo nahangana n’abavandimwe banjye’.

Safi Madiba yatangaje ko yatandukanye na bagenzi be muri Urban Boys kubera ko buri wese yashakaga gukurikira inzozi ze

 

Safi yavuze ko yahisemo gukora umuziki nyuma yo gusaba akazi muri Simba Supermarket n’ahandi agasubizwa inyuma 

Safi yavuze ko kuva yatangira umuziki ari wenyine amaze gukora indirimbo zakunzwe zirenze 15

  

Safi Madiba amaze iminsi mu bitaramo byabereye mu Mujyi wa Lyon mu Bufaransa

 

Urban Boys yahawe Miliyoni 24 Frw nyuma y'uko begukanye Primus Guma Guma Super Stars ku nshuro ya Gatandatu 

KANDA HANO UREBE AMASHUSHO Y'INDIRIMBO 'SIWEZI' YA SAFI MADIBA

“>

Source : https://inyarwanda.com/inkuru/148931/kera-kabaye-safi-madiba-yavuze-icyatumye-ava-muri-urban-boys-148931.html

Muri Rubavu, Ishami rya Polisi y'u Rwanda rishinzwe kurwanya magendu n'ibindi byaha (ASOC) ryataye muri yombi abantu babiri bakurikiranyweho kugira uruhare mu kwinjiza mu Rwanda magendu y'imyenda ya caguwa amabalo 62.

Bafatiwe mu Mudugudu w'Itangazamakuru, Akagari ka Kivumu, mu Murenge wa Gisenyi ku wa 23 Ugushyingo 2024.

Umuvugizi wa Polisi mu Ntara y'Iburengerazuba, Superintendent of Police (SP) Bonaventure Twizere Karekezi, yavuze ko bafatiwe aho babikaga iyo myenda mbere y'uko bayishyira abakiriya.

Yagize ati: 'Polisi yari ifite amakuru ko hari itsinda ry'abantu rikora ubucuruzi bwa magendu y'imyenda, ryari ryamaze kwinjiza mu gihugu, amabalo menshi y'imyenda ya caguwa ryinjiriye ahitwa Kukarundo.'

Yakomeje agira ati: 'Hagendewe kuri ayo makuru, abapolisi bagiye ku nzu bifashishaga nk'ububiko bwayo (stock), bayisatse basangamo amabalo 62, babiri muri bo bahasanze bahita batabwa muri yombi.'

Kugeza ubu haracyashakishwa abandi bantu barindwi bacyekwaho gufatanya nabo muri buriya bucuruzi bwa magendu.

SP Karekezi yaburiye n'abakora akazi ko gutwara ibinyabiziga bafasha abishora mu bucuruzi bwa magendu n'ibindi bitemewe birimo ibiyobyabwenge.

Mu ntangiriro z'icyumweru dusoje, andi mabalo 16 y'imyenda ya magendu, yari yafatiwe mu Karere ka Rubavu nanone, hafatwa abantu babiri bari bayitwaye mu modoka.

Itegeko ry'umuryango w'ibihugu byo mu Karere k'Afurika y'Iburasirazuba rinakoreshwa mu Rwanda, ingingo yaryo ya 199 ivuga ko ibicuruzwa bya magendu byafashwe bitezwa cyamunara.

Imodoka yakoreshejwe muri ubwo bucuruzi bwa magendu nayo itezwa cyamunara ndetse umushoferi wayo agacibwa amande angana n'ibihumbi bitanu by'amadorali y'Amerika (US$ 5000).

Ingingo ya 87 y'Itegeko No. 026/2019 ryo ku wa 18/09/2019 rigena uburyo bw'isoresha, iteganya ko; umuntu wese uhamijwe n'urukiko kugambirira kutishyura umusoro ukoze
igikorwa cyo guhisha ibicuruzwa bisoreshwa cyangwa imitungo ifitanye isano n'ubucuruzi; ahanishwa igifungo kitari munsi y'imyaka ibiri (2) ariko kitarengeje imyaka itanu (5).

Source : https://kasukumedia.com/abinjizaga-mu-rwanda-magendu-ya-caguwa-bafashwe/

Ahagana ku i saa munani zo kuri iki cyumweru tariki ya 23 Ugushyingo 24, Mu Mudugudu wa Rukaragata, Akagari ka Gihara, Umurenge wa Runda ho mu Karere ka Kamonyi, Umugabo witwa Tuyizere Ange yateye icyuma mu ijosi umugore we babanaga witwa Mukandayisenga Alphonsine aramwica. Akimara kukimutera yahise akizwa n'amaguru arahunga. Abatabaye, ntacyo babashije gufasha kuko byarangiye apfuye. Amakuru agera ku intyoza.com ni uko uyu Nyakwigendera yari yarishwe urubozo igihe kirekire, ariko bamwe mu bayobozi bakabimenya nti hagire igikorwa.

Amakuru bamwe mu baturage ba Rukaragata bahaye intyoza.com ni uko uyu mugabo wishe umugore we ngo bisa nk'aho byari ukumuhuhura kuko yari yaramwishe ahagaze ariko bamwe mu bamenyaga aya makuru barimo na bamwe mu nzego z'ibanze nti bagire icyo bakora cyangwa se ngo banatange amakuru.

Umwe mu baturage yagize ati' Ibi bintu bimaze imyaka n'imyaniko…..( hari amagambo twabwiwe y'iyicarubozo yakorerwaga kugera no ku myanya y'ibanga tutasubiramo hano). Ubundi se yari ukumwica ko yari uguhuhura'.

Uyu muturage, akomeza avuga ko uyu mugabo wishe umugore we, yajyaga amukorera iyicarubozo rikomeye, yabona amerewe nabi agahunga urugo, akazagaruka yumvise ko yorohewe. Ibyo kandi ngo yabikoraga kenshi ndetse bamwe mu nzego z'ibanze ( tutavuga amazina) bakabimenya bakaryumaho, nti bavuge, nti batange n'amakuru.

Mbere yo kumutera icyuma, ngo yabanje kumukuramo imyenda yose, kandi ibyo ngo ni nabyo n'ubundi igihe yabaga agiye kumukorera iyicarubozo yakoraga. Uyu muturage, yagize, ati' Yabanje kumukuramo imyenda yose!, yasohotse yambaye ubusa amaraso arimo aratungereza, avuze ngo ni muntabare ahita yikubita hasi'.

Yakomeje agira ati' N'ubundi iyo yajyaga kumukubita yamukuragamo imyenda. Nta rugingo ruzima yari afite n'ubundi ni uguhuhura'. Akomeza avuga ko yamaraga gukora ibyo, agahita agenda yabona amaze gukira akagaruka. Hari kandi bimwe mu bikorwa by'ubucuruzi butemewe n'ikoreshwa ry'ibiyobyabwenge uyu mugabo yakoraga ndetse ngo benshi babizi barimo n'ubuyobozi.

Uyu nyakwigendera, hari ubwo ngo mu myaka yashize yananiwe kubana n'uyu mugabo kubera amabi yamukoreraga, aramuhunga ndetse aza kwishakira undi mugabo, hanyuma uyu Tuyizere( wamwishe) akazajya ajya kubabuza amahoro, bigera aho ava muri urwo rugo yisubirira iwabo ariko nyuma y'igihe baza kwiyunga, yongera asubirana n'uyu wa mbere(Tuyizere) ari nawe birangiye amwishe.

Abaturage, babwiye Umunyamakuru ko kimwe mu bibazo bikomeye babona gitera amakimbirane n'ibibazo mu miryango bikanagera aho bamwe bavutsa abandi ubuzima ari uko ibibazo biba, bamwe mu bayobozi bakabimenya bagaceceka nti banatange raporo ngo ababishoboye begere iyo miryango bayiganirize.

Bavuga kandi ko uretse n'ubuyobozi bubegereye, ngo n'abandi ntawe ukunda kubegera ngo abaganirize, ubone ashishikajwe no kumenya ibibazo biri mu muryango. N'igihe hari ibyabahurije hamwe nk'inama ngo nta mwanya uhagije wo kuvuga ibyo babana nabyo cyane ko n'abagerageje kubivuga ngo badashobora gushyira iby'urugo byose ku karubanda.

Umunyamabanga Nshingwabikorwa w'Umurenge wa Runda, Ndayisaba Jean Pierre Egide yabwiye intyoza.com ko amakuru y'urupfu rwa Mukandayisenga Alphonsine ari impamo, ko kandi nk'ubuyobozi bataramenya imvano yo kwicwa kwe. Avuga ko umugabo we yamaze kumwica agahita ahunga, akaba arimo gushakishwa.

intyoza

Source : https://www.intyoza.com/2024/11/24/kamonyi-runda-i-rukaragata-umugabo-yishe-umugore-we-amuteye-icyuma/