Author: webrwanda

Ni mu mukino wakinwe kuri uyu wa Gatandatu taliki ya 30 Ugushyingo 2024 Saa moya n’iminota 30 kuri London Stadium. Umukino watangiye ikipe ya Arsenal iri hejuru ku munota wa 10 gusa ihita ifungura amazamu ku gitego cya Gabriel Maghalhaes akoresheje umutwe kuri koroneri yatewe na Bukayo Saka.

Ikipe ya Arsenal yakomeje kurusha West Ham United ku buryo bugaragara ndetse hari aho yashoboraga kubona igitego cya 2 ku ishoti ryari rirekuwe na Bukayo Saka ahawe umupira na Martin Odegaard ariko umupira unyura hejuru y’izamu kure.

Ku munota wa 27 ikipe y’abarashi yabonye igitego cya 2 gitsinzwe na Leandro Trossard ku mupira yahawe na Bukayo Saka. Bidatinze kuwa 34, iyi kipe yabonye igitego cya 3 gitsinzwe na Martin Odegaard kuri penariti yari ivuye ku ikosa ryakorewe Bukayo Saka.

West Ham United yakomeje kugaragaza imbaraga nke maze ku munota wa 34 Kai Havertz atsinda icya 4 ku mupira mwiza yahawe na Leandro Trossard.

Nyuma yo gutsindwa ibitego 4 West Ham United yahise yinyara mu isunzu itangira gusatira maze ku munota wa 38 Aroon Wan-Bissaka atsinda icya mbere ku mupira yahawe na Carlos Soler. Ku munota wa 40 Emerson yatsinze igitego cya 2 kuri kufura nziza yateye maze David Raya ntiyamenya uko byagenze.

Mbere yuko igice cya mbere kirangira, Arsenal yabonye igitego cya gatanu gitsinzwe na Bukayo Saka kuri penariti yavuye ku ikosa umunyezamu wa West Ham United, Lukasz Fabianski yakoreye Gabriel Maghalhaes.

Mu gice cya kabiri amakipe yombi yagarutse akora impinduka mu kibuga gusa ukabona Arsenal itagifite umuvuduko wo gushaka ibindi bitego. Umukino warangiye ikipe y’abarashi yegukanye intsinzi y’ibitego 5-2 ihita ifata umwanya wa kabiri ku rutonde rwa shampiyona n’amanota 25.

Gabriel Maghalhaes yishimira igitego cya mbere cya Arsenal yatsinze 

Inganzo Ngari yitabiriye iki gikorwa ni Itorero ryashinzwe mu mwaka wa 2006, rikaba rimaze kogera. Rimaze gutaramira hirya ni hino mu Rwanda ndetse no hanze yarwo. Uretse ibitaramo bakora n’ubutumire bitabira yaba mu bukwe, inama n’ahandi, banakunze gukora mu nganzo bagakundisha amahanga igihugu cy’u Rwanda.

Kuri uyu wa Gatandatu tariki 30 Ugushyingo 2024, Itorero Inganzo Ngari rimaze kuba ubukombe mu Rwanda mu mbyino gakondo, ryitabiriye Umuganda wabereye mu Karere ka Gasabo, Umurenge wa Remera, Akagari ka Nyarutarama, Umudugudu wa Kamahwa.

Ni umuganda wabereyemo igikorwa cyo gutera ibiti mu rwego rwo kubungabunga ibidukikije. Ibiti byose hamwe byatewe muri uyu muganda rusange ni 6,400 nk’uko inyaRwanda yabitangarijwe na Aline Uwineza umwe mu bagize Itorero Inganzo Ngari.

Inganzo Ngari bakoranye uyu muganda n’abayobozi mu nzego zitandukanye zirimo Umujyi wa Kigali, ARCOS (NGO), Embassy of Canada, n'abandi bafatanyabikorwa. Ni igikorwa cyateguwe n’umushinga wa SUNCASA, mu bukagurambaga bwiswe “Igiti Cyanjye” bugamije kubungabunga ibidukikije, haterwa ibiti no kubikurikirana uko bikura.

Abashyitsi bakuru bitabiriye uyu muganda harimo Ambasaderi wa Canada mu Rwanda, Julie Crowley; Umuyobozi w’ikigo cy’Igihugu gishinzwe amashyamba (RFA), Dr. Concorde Nsengumuremyi; Umuyobozi Mukuru wa ARCOS (Albertine Rift Conservation Society), Dr Sam Kanyamibwa; ndetse n’Umunyamabanga Nshingwabikorwa w’Umurenge wa Remera, Déo Rugabirwa.

Gutera ibiti ni gahunda ishyizwe imbere cyane mu Rwanda. Mu mpera za 2023 ni bwo Guverinoma y'u Rwanda yatangije gahunda yo gutera ibiti bisaga Miliyoni 63 by'ubwoko butandukanye hagamijwe kubungabunga ibidukikije no guhangana n'imihindagurikire y'ibihe. Ni gahunda izafasha abanyarwanda kurwanya imirire mibi, binabafashe kwiteza imbere.

Mu biti biterwa hagomba kuba harimo n’iby’imbuto ziribwa. U Rwanda rwiyemeje gutera ibiti by’imbuto ziribwa Miliyoni 6 n'ibihumbi 400 mu mushinga w'imyaka itanu washowemo Miliyari 18 Frw. Kuwa 24 Ukwakira 2024 ni bwo iyi gahunda yatangijwe ku mugaragaro na Minisitiri w'Ubuhinzi n'Ubworozi (MINAGRI), Dr Cyubahiro Bagabe Mark.

Minisitiri Bagabe Cyubahiro Mark yavuze ko iyo gahunda igamije gutera ibiti by'imbuto ziribwa zifasha abaturage kwihaza mu biribwa bakava mu mirire mibi no kurwanya inzara ndetse n'ibifite ubudahangarwa mu guhangana n'imihindagurikire y'ibihe.

Muri iyi gahunda ya Leta yo gutera ibiti, Umujyi wa Kigali wiyemeje ko uzatera ibiti birenga Miliyoni eshatu ku nkengero z'imihanda no mu ngo mu gihe cy'imyaka itanu iri imbere, ukazakoresha urubyiruko muri iyo gahunda izabamo no kubikurikirana kugeza bikuze.

Abayobozi mu Mujyi wa Kigali bavuga ko muri iyi gahunda yiswe 'Igiti cyanjye', urubyiruko ruzajya ruhabwa ibiti rubitere ariko habeho no gukurikirana imikurire yabyo, aho nyiri igiti azajya agisura kenshi akakibagarira kandi akakivomerera kugeza ubwo gikuze.

AMAFOTO Y’UKO BYARI BIMEZE MURI UYU MUGANDA WITABIRIWE NA INGANZO NGARI

Inganzo Ngari bateye ibiti birenga ibihumbi bitandatu mu muganda rusange

Inganzo Ngari yataramye nyuma y’Umuganda rusange usoza ukwezi k’Ugushyingo

Ni bimwe mu byatangajwe mu gikorwa cy'ubukangurambaga bw'iminsi 16 ( kuva ku wa 25 Ugushyingo kugeza ku wa 10 Ukuboza 2024), bugenewe kwamagana ihohotera rikorerwa abagore n'abakobwa.

Umuyobozi w'Akarere ka Gisagara wungirije ushinzwe imibireho myiza y'abaturage, Dusabe Denise, yavuze ko bifashishije imibare iva mu bigo bya Isange One Stop Centre, yagaragaje ko mu mwaka ushize wa 2023/24 abangavu batewe inda ari 239, mu gihe uyu mwaka nawo bamaze kuba 61 batarageza ku myaka y'ubukure.

Ati “Iyo twifashishije iyo mibare, tubona ko n'irindi hohoterwa rigihari, ni na yo mpamvu hakorwa ubukangurambaga nk'ubu, ngo abantu bumve uko umuryango w'ubu uhagaze, urubyiruko rwumve uko bihagaze.''

Visi Meya Dusabe, ashima ariko ko hari gahunda yatangijwe muri aka karere y'umugoroba w'urubyiruko, ibafasha kwikebuka no kugirana inama, maze buri wese akaba ijisho rya mugenzi we.

Umukozi w'Ikigo cy'u Bubiligi Gishinzwe Iterambere Mpuzamahanga, Enabel, ushinzwe ubuzima rusange bw'abaturage, Ndererimana Eliane, avuga ko ababyeyi bakwiye kumenya ko uburere buhabwa umwana w'umukobwa bugomba kungana n'ubuhabwa uw'umuhungu, kugira ngo n'umukobwa nawe agire ubwisanzure mu muryango ntasigare inyuma.

Yagize ati “Uburere buhabwa umwana w'umuhungu nibube ari bwo buhabwa n'umwana w'umukobwa, yumve yisanzuye. Ibi birareba ababyeyi b'abagabo ndetse n'abagore, aho basabwa kumva ko kurera bose ari inshingano zabo.'

Ababyeyi na bo bagarutse ku ruhare rwabo mu kwita ku bana, babarinda ihohoterwa bakorerwa, bavuga ko bagiye kurushaho kongera imbaraga mu bugenzuzi bakorera abana babo.

Hagenimana Donatha wo mu karere ka Gisagara, Umurenge wa Mamba, Akagari ka Gakoma, yavuze ko ubu bukangurambaga bumufashije kumva neza akamaro ko kuganiriza abana be, ngo hato hatazagira ababahohotera.

Ati “Ubu bukangurambaga njyewe icyo bumfashije ni ugukomeza kuba hafi y'abana banjye, kugira ngo abashukanyi batazabarusha imbaraga bakabayobya, bikabaviramo no kubahohotera.'

Aba baturage kandi, banatungiye agatoki ubuyobozi, ko abana b'abakobwa bahohoterwa mu karere ka Gisagara, umubare munini uhohoterwa n'abagabo bakuze bata ingo zabo bakajya gushuka abakobwa bato, cyangwa ab'abatemberezi bababaje guhahira muri Gisagara bavuye mu tundi turere, bagera muri Gisagara bakihindura abasore.

Kuri iyi ngingo, ubuyobozi bwibukije abaturage ko hari ibihano bibateganyirijwe, ndetse ko icyaha cyo gusamabanya umwana kidasaza, bityo ko igihe cyose ugikwaho afatiwe, abiryozwa imbere y'amategeko.

---

Kuwa Gatanu tariki 29 Ugushyingo 2024, ni bwo Pastor Kayanja yageze mu Rwanda ku butumire bwa Apotre Mignonne Kabera usanzwe ari inshuti y’umuryango we dore ko amaze gutumira inshuro nyinshi umugore we Pastor Jesca Kayanja, kandi nawe akunze kugenderera Itorero ryabo i Kampala.

Pastor Kayanja yaje mu giterane ngarukamwaka cya “Thanksgiving” gitegurwa na Noble Family Church na Women Foundation Ministries (WFM), biyoborwa na Apostle Mignonne Kabera. Iki giterane kiba buri mwaka mu Ugushyingo mu nsanganyamastiko igira iti 'Thanksgiving in Action, Make it a culture” [Gushima Imana mu bikorwa tubigire umuco].

Iki giterane cyari cyihariye kuko Noble Family Church [NFC] yagihuje n’umushinga ifite wo kubaka ahantu haro bwite ho guteranira [urusengero], bikaba byitezwe ko hazahinduka ihuriro ryo guhimbaza Imana muri Afurika y’Iburasirazuba. Banagaburiye abana babayeho nabi, akaba ari muri gahunda mbonezamikurire y’abana bato izwi nka ‘ECD’

Saa Yine za mu gitondo kugeza Saa Saba z’amanywa zo kuwa Gatanu, Pastor Kayanja ari kumwe na Apostle Mignonne Kabera n’abakristo benshi ba NFC na WFM bahuriye ku kibanza [ku butaka bwa Noble Family Church na Women Foundation Ministries], maze Pastor Kayanja asuka amavta y’umugisha ku ibuye ry’ifatizo ry’uru rusengero.

Mu masaha y’umugoroba bakomereye i Rusororo muri Intare Conference Arena mu giterane gikomeye cyananzwe n’ibitangaza, kubohoka no gukira indwara zitandukanye. Abitabiriye iki gitaramo baramje Imana bari kumwe na Redemption Voice b’i Burundi Dr Ipyana Kibona wo muri Tanzania watunguranye akaririmba “Biratungana” ya Gentil Misigaro.

Pastor Kayanja yahanuye iyubakwa ry’urusengero rwa Apôtre Mignonne anamutera inkunga ya Miliyoni 100 z’amadorali, ariko abanza gutangaho ibihumbi 30 by’amadorali, avuga ko andi azayatanga nyuma. Yavuze ko mu mwaka umwe n’amezi atandatu uru rusengero ruzaba rwuzuye. Apostle Mignonne yakozweho n’amagambo y’ubuhanuzi yatuweho.

Muri iki giterane cyo gushima Imana mu bikorwa, Pastor Kayanja yahanuye ko Apôtre Mignonne azubaka katederali. Ati: 'Nabonye ishusho y'uko Apôtre Mignonne azubaka katederali hano mu Rwanda. Imana yabimpishuriye. Iyi katederali izubakwa n'Abanyarwanda ubwabo, si abanyamahanga, nk'ikimenyetso cy'ubumwe n'ukwizera.'

Uyu mukozi w’Imana wasengeye benshi bari bafite indwara zitandukanye bagataha bavuga ko bakize, yasobanuye aho iyi Katederali izubakwa, avuga ko Imana yabimweretse: 'Hari ingazi iva aha ikagera mu ijuru. Iyi katederali izaba ahantu Imana izahora, iharangwa, kandi Abakristo bazajya bahasanga uburinzi bwayo.'

Pastor Kayanja yavuze ko abanyarwanda bafite ibyinshi byo gushima Imana, ati: 'Mureke dushimire Imana ku bw'ibyo ikomeje gukorera u Rwanda—ku buzima bwacu, ku miryango yacu, ku bayobozi bacu no ku mahoro dufite muri iki gihugu. Kugira umutima ushima ni bwo buryo bwo kubona umugisha. Nimurambure amaboko mushimire Imana.'

Uyu mushumba wasabye abakristo kubanza kuririmba indirimbo yubahiriza igihugu cy’u Rwanda mbere y’uko abwiriza, yagarutse ku buhanuzi bw'u Rwanda nk'igihugu Imana yitoreye, avuga ko ari iwabo w’Imana. Aragira ati: 'U Rwanda ni iwabo w'Imana. Imana ntizahava, izahaguma. Iki gihugu ni cyo Imana yahisemo guturamo.'

Yanashimangiye ko u Rwanda ruzakomeza kuba urugero rw'umutekano, iterambere, n'ububyutse mu by'Umwuka, agaragaza ibitangaza n'imirimo y'Imana byabereye muri icyo gihugu, birimo guhagarika Jenoside yakorewe Abatutsi mu mwaka wa 1994.

Igitaramo cya Thanksgiving cyibukije abari aho akamaro ko gushima, ubuhanuzi, n'ubwizera. Pastor Kayanja yibukije buri wese ko gushimira Imana atari igikorwa kimwe gusa, ahubwo ari umuco ati: 'Gushimira Imana ni umuco tugomba kwimakaza buri munsi, tugashimira mu buryo bwose bushoboka.'

Mu 2007 ni bwo Pastor Kayanja aheruka mu Rwanda mu giterane cy’amateka cyabereye muri Stade Amahoro. Ni igiterane cyari cyateguwe n’abapasiteri b’amatorero y’abavutse ubwa ka kabiri barangajwe imbere na Apotre Rwandamura Charles wa UCC.

Cyitabiriwe n’abantu uruvunganzoka dore ko Stade Amahoro yakubise ikuzura. Icyo gihe Pastor Kayanja yahanuriye u Rwanda ati “Abantu mugiye gutangara cyane, mutungurwe n’uburyo Imana igiye guhindura ibintu ikarema iterambere rishya mu Rwanda”.

Pastor Robert Kayanja ni izina rizwi cyane muri Uganda, mu karere no muri Afrika aho benshi bamufata nk’umuhanuzi, umukozi w’Imana ukora ibitangaza ndetse ni na we mupasiteri ukize kurusha abandi muri Uganda. Abapasiteri benshi bo mu Karere bamufata nk’umubyeyi wabo.

Itorero ayoboye riri mu matorero afite inyubako nini cyane mu karere dore ko urusengero rwe rwa Rubaga rwakira abantu barenga ibihumbi icumi. Itorero rye rifite insengero zirenga 1000 zikorera muri Uganda. Ni we wagize iyerekwa rya 77 Days of Glory izwi cyane nka 77DOGs.

Mu matorero y’abarokore, Pastor Robert Kayanja arazwi cyane. Ni umupasiteri ukunze kuvugwa cyane mu itangazamakuru kubera ibyo atangaza n’ibyo yigisha. Yigeze gusaba Leta ya Uganda kujya itanga Icyacumi mu itorero.

Apotre Mignonne yahanuriwe ko agiye kubaka urusengero rw’agatangaza

Pastor Robert Kayanja yatunye amagambo y’ubuhanuzi kuri Apostle Mignonne

Apostle Mignonne yashimye Imana ku bw’inkunga yahawe na Pastor Kayanja

Ubwo Apotre Mignone na Pastor Kayanja bajyaga ku butaka bwa Noble Family Church na Women Foundation Ministries

Pastor Kayanja yafatanyije na Apotre Mignonne gusuka amavuta ku ibuye ry’ifatizo ry’inyubako y’urusengero igiye kubakwa i Kimihurura m Rugando

Apotre Mignonne na Pastor Kayanja bagaburiye abana batishoboye mbere yo kujya mu giterane kuri Intare Arena

Apotre Mignonne ubwo yakiraga ku kibuga cy’indege i Kanombe umukozi w’Imana Pastor Kayanja wo muri Uganda

Ni umuganda wabaye kuri uyu wa Gatandatu tariki ya 30 Ugushyingo 2024, ukaba wari witabiriwe n'ubuyobozi bw'Akarere, Umurenge n'Akagari; abaturage ndetse n'abakozi batandukanye ba BPR Bank Rwanda.

Umuyobozi Ushinzwe Imicungire y'Ibyateza Ingorane muri BPR Bank Rwanda, Africa Innocent, yavuze ko kimwe mu byo biyemeje harimo guharanira iterambere ry'igihugu no gutanga umusanzu mu kugera ku ntego z'iterambere rirambye [SDGs].

Ati 'Zimwe muri izi ntego harimo kurwanya inzara, kandi irwanywa mu buryo bwinshi harimo no gutera ibiti birimo n'iby'imbuto. BPR igira akarusho ibinyujije muri foundation yayo aho ifasha urubyiruko kwihangira imirimo bityo bakarwanya ubukene.'

'Kugira ngo twiteze imbere ni uko nka banki dufatanya n'igihugu kugira ngo izi ntego 17 zemejwe n'Isi n'igihugu cyacu kikazemeza zigerweho. Ibi biti duteye dufite n'inshingano zo kubikurikirana no kubikuza.'

Yakanguriye abaturage kuyoboka serivisi z'imari by'umwihariko bagana BPR Bank Rwanda, ifite intego yo kubafasha kwiteza imbere.

Umuyobozi Ushinzwe Imiyoborere Myiza mu Murenge wa Masaka, Kwizera Joshua, yashimiye BPR Bank Rwanda nk'umufatanyabikorwa wabo w'igihe kirekire, ufasha mu bikorwa bitandukanye byo gushyigikira iterambere ry'abaturage.

Ati 'Hari byinshi byakabaye bikorwa binyuze mu ngengo y'imari ya Leta ariko kubera ibikorwa nk'ibi ayo mafaranga ashorwa mu bindi. BPR turabashimiye.'

Si ubwa mbere BPR Bank Rwanda itera ibiti mu murenge wa Masaka, kuko hari n'ubwo bigeze gutera ibiti ku musozi wo ku Ihara mu Kagari ka Gako, Umudugudu wa Rebero, ubu bikaba byaratangiye gukura.

BPR Bank Rwanda Plc ni imwe muri banki z'ubukombe mu Rwanda aho ifite abakiliya barenga ibihumbi 500, ikaba ifite serivisi zimwe za banki zitangitwa mu mashami asaga 88 yo mu Rwanda, hakaba n'izindi ziboneka hifashishijwe ikoranabuhanga.

Amafoto: Kwizera Hervé

---

Ibi, byagarutsweho ubwo uyu muryango BRAC wagiranaga ibiganiro n'abaturage ndetse n'abayobozi b'inzego z'ibanze bo mu Karere ka Huye, Umurenge wa Rusatira, ku ngingo z'iterambere harwanwa ihohotera mu miryango, no kurushaho kumenyekanisha uburenganzira bwa muntu no kumenya kurwanya ihohoterwa ryamukorerwa.

Ubusanzwe, BRAC, ni umuryango washinzwe mu 1972 muri Bangladesh, ugamije guteza imbere abari mu bibazo, aho washinzwe n'Umunya-Bangladesh, Fazle Hasan Abed, ukaba warageze mu Rwanda mu 2019.

Ni umuryango ufite igice cy'ikigo cy'imari iciriritse mu Rwanda gifite amashami 34 mu gihugu hose (BRAC Rwanda Microfinance Company PCL), ndetse n'ikindi cy'umuryango utegamiye kuri Leta (NGO), cyatangiye ibikorwa mu 2023, ari nacyo kigaragara kenshi mu bikorwa byo kurengera umugore, kumuzamurira ubushobozi n'imibereho.

Bamwe mu bagore n'abakobwa bo mu turere two mu Ntara y'Amajyepfo bamaze gusogongera ku byiza bya BRAC, bavuze ko inyigisho bahawe zibafasha kwigobotora ihohoterwa, bagatwaza bagana aheza.

Umwe mu bakobwa babyariye iwabo utashatse ko amazina ye ajya ahabona, yabwiye IGIHE ingorane yahuye nazo nyuma yo kubyarira kabiri iwabo n'uburyo yagiye abaho ubuzima bubi kubera abo bana yabyaye.

Ati'' Hari n'igihe najyaga gukora ikiraka nshaka amafaranga yo kugura amavuta yo kwisiga, nayageza mu rugo bakayanyaka ngo ninyazane bayarye kuko n'ubundi abana banjye ari bo barya cyane, ugasanga nyine binsubije inyuma.''

Yakomeje avuga uburyo nyuma yo kumenya uburenganzira bwe abikesha inyigisho za BRAC, ubu yatangiye kwisobanukirwa, aho yongeye kwiremamo icyizere ndetse afite intego zo kwagura ubucuruzi kugira ngo akomeze yisumbure mu mibereho.

Umukozi w'Umuryango BRAC ushinzwe guteza imbere uburinganire no kurwanya ihezwa mu muryango, Uwambayingabire Delphine, yavuze ko nka BRAC bateguye iki gikorwa cyo kuganiriza abakobwa babyariye iwabo, bagira ngo batange umusanzu wabo mu kurwanya ihohotera binajyanye n'ubukangurambaga bw'iminsi 16 buri mu gihugu bugamije kurwanya ihohotera mu miryango.

Yagize ati “Twashatse kuganiriza aba bakobwa babyariye iwabo, ngo tubereke uruhare rwabo mu kwirinda ihohoterwa ribakorerwa no kubamenyesha ko bafite uburenganzira bwo kuba barenganurwa.”

Yakomeje agira ati 'Twashatse kandi no kubamenyesha icyo ihohotera ari cyo, kuko hari bamwe bumva ihohotera nko gukoreshwa imibonano mpuzabitsina ku gahato gusa kandi birenze ibyo.''

Yifashishije insanganyamatsiko y'uyu mwaka ivuga kukurandura ihohotera mu miryango, yavuze ko ababyariye iwabo, baba bari mu miryango kandi ari nayo ibahohotera, bamwe bakabyakira bumva ko ari ibihano barimo, ari nayo ntandaro yo kudindira mu iterambere, haba mu mitekerereze no mu bukungu.

Umuyobozi wungirije w'Inama Njyanama y'Umurenge wa Rusatira, Murangira Jean Damascene, yavuze ko kuganiriza abaturage ku ihohoterwa mu buryo bwagutse, ari inkunga ikomeye cyane kuko byubaka umuryango uhamye.

Ati “Igihugu cyacu cyifuza umuturage uteye imbere kandi utekanye, kandi ibyo binyura mu kubana neza mu muryango uzira ihohotera. Iyo tugize amahirwe tukabona umufatanyabikorwa nk'uyu ubigarukaho, biba ari iby'agaciro kuko bitwunganira mu kugeza ubutumwa kuri benshi hagamijwe kurandura ihohotera.''

Yakomeje avuga ko BRAC ishimwa ko itibagiwe no kureba ku ngingo y'ubukungu aho ifasha abagore bakiri bato gutekereza imishinga iciriritse y'iterambere ikanayitera inkunga, maze abayikora bagakirigita ifaranga, nk'umusaruro ukomoka muri porogaramu yiswe AIM (Accelerating Impact for Young Wowen) ireba abagore kuva ku myaka 12 kugeza kuri 35.

Kuri ubu, BRAC ikorera mu Ntara y'Amajyepfo mu turere twa Huye, Nyanza na Ruhango, aho imaze kugera ku bafatanyabikorwa ibihumbi bine.

Ifite intego yo kugera ku bihumbi 18 mu mwaka utaha, aho izaba ikorera mu turere dutandatu, hiyongereyeho Muhanga, Nyaruguru na Nyamagabe.

---

Ni igikorwa cyabaye kuri uyu wa 30 Ugushyingo 2024, gikozwe na Polisi y'igihugu igamije guhashya abahungabanya umutekano mu buryo bwinshi.

Umuvugizi wa Polisi y'u Rwanda, Ntara y'Amajyepfo, SP Emmanuel Habiyaremye, yabwiye IGIHE ko aba bafashwe, harimo 4 bakekwaho ubujura bwa moto, undi agakekwaho ubwambuzi butega abantu, undi agakekwaho ubufatanyacyaha mu kugura ibyibano.

Yagize ati “Bane bacyekwaho kwiba moto z'abaturage, banafatanywe moto ebyiri bikekwa ko ari inyibano. Umwe acyekwaho gukoresha iri tsinda no kubagurira moto bibye, mu gihe undi acyekwaho ubujura bwo gutega abantu akabambura.''

SP Habiyeremye, yongeye gusaba abaturage gukomeza ubufatanye mu gutanga amakuru y'abakekwaho ubujura, anaburira abishora mu byaha kubireka, kuko ngo Polisi ikomeje ibikorwa byo kubafata aho bari hose.

Hagati aho, abafashwe bose ubu bafungiye kuri sitasiyo ya Polisi ya Ngoma, kugira ngo bashyikirizwe ubugenzacyaha.

---

Uyu muraperi aherutse gushyira ku isoko Extended Play (EP) ye ya mbere yise 'Bucyanayandi', nyuma y'indirimbo ze zakunzwe mu bihe bitandukanye, yaba iyo yaririmbyeho ari wenyine, ndetse n'izo yahuriyemo n'abandi. 

Fireman ni umwe mu babarizwa mu itsinda rya Tuff Gang, muri iki gihe ari no ku rutonde rw'abagomba kuzaririmba mu gitaramo cyiswe 'Icyumba cya Rap' kizabera mu mbuga ya Canal Olympia, ku wa 27 Ukuboza 2024.

Hashize iminsi ibiri ataramiye abafana be kuri Canal Olympia, uyu mugabo wamamaye mu ndirimbo zirimo 'Cana inkoni izamba' yakoranye na Queen Cha, azahita yerekeza i Dubai.

Ushingiye ku baraperi babarizwa muri Tuff Gang, Fireman yariwe muraperi utari wagataramiye i Dubai, kuko yaba Green P, P-Fla na Bull Dogg bose bataramiye i Dubai.

Fireman yatumiwe na Sosiyete ya 'Agakoni' isanzwe itegura ibitaramo muri kiriya gihugu. Bigaragara ko azaririmbira muri 'Matrix African Club', mu gitaramo kizaba ku wa 31 Ukuboza 2024, aho azahurira ku rubyiniro n'abandi.

Batman watumiye P-Fla yabwiye InyaRwanda, ko batumiye Fireman mu rwego rwo guteza imbere Hip Hop kandi 'hano iyi njyana irakunzwe cyane'.

Yavuze ko n'ubwo bibanze ku gutumira cyane abaraperi 'ariko n'abandi bahanzi tubatekerezaho'. Batman avuga ko bari batumiye Fireman mbere ariko ntiyabasha kuboneka bigendanye n'igihe bari bavuganye 'bituma P-Fla ariwe ubanza kuza mbere ye'.

Akomeza ati 'Rero Fireman arakunzwe hano azabona abantu benshi cyane, ibiganiro twarabikoze birarangira. Nyuma ya Kevin Kade uheruka hano rero, twaganiriye na Firema turabyemeranya. 

Tuzakomeza kumenyekanisha umuziki w'u Rwanda, kandi ni ibintu twiyemeje cyane cyane hano i Dubai, aho abo muri Uganda, Kenya, Sudani, bamaze kumenya umuziki w'u Rwanda biciye muri 'Agakoni Tv'. Ntabwo abantu benshi babibona, ariko umusaruro muzagenda muwubona gacye gacye.'

Batman yavuze ko iyo batumiye abahanzi Nyarwanda, babijyanisha no gutumira abo mu bindi bihugu babarizwa i Dubai kugirango bazabashe kumva neza iby'umuziki w'u Rwanda.

Inyandiko zinyuranye zivuga kuri uyu muraperi, zigaragaza ko yatangiye umuziki aririmba inyana ya Rn'B aho yitwaga izina rya Gintwd.

Nyuma yaje guhindura ajya muri Hip Hop muri 2004 ari kumwe na Bulldogg na Jay C bakora itsinda biyita Magic Boyz bakorera muri TFP indirimbo ya mbere.

Kubera ko nta mbaraga umuziki wo mu Rwanda wari ufite muri iyo myaka byarabagoye cyane. Muri 2005-2006 Fireman we na Bulldogg baje gukora irindi tsinda ryitwaga United Monsterz bari kumwe na Kaviki hamwe na Matt.

Iri tsinda naryo ntibaje kurambamo kubera ko bananiranye n'uko muri 2008 Fireman na Bull Dogg barakomeza bahura na Green P na Jay Polly bakora itsinda baryita Tuff gang.

Nyuma nibwo haje kuza undi muhanzi witwa P Fla abiyungaho baba batanu. Indirimbo ya mbere yaririmbyemo ni 'Ibyanjye ndabizi' aho yari kumwe na Diplomate, Masho Mampa, ndetse na P.fla yaje gukomeza akora indirimbo nyinshi zirakundwa cyane nka 'Nyita tuff', 'impande zanjye ni umwanda', 'Ndabura', 'Bana bato' n'izindi.

Fireman yakoranye n'abandi bahanzi indirimbo nyinshi. Kandi yumvikanye cyane mu ndirimbo nka 'Inkovu z'amateka' ari kumwe na Babbly, Green P., Jay Polly, Bulldogg n'abandi.

Fireman ateregejwe mu Mujyi wa Dubai ku nshuro ye ya mbere mu gitaramo kizaherekeza umwaka wa 2024

Fireman niwe muraperi wo muri Tuff Gang wari usigaye atarataramira i Dubai 

Muri uyu mwaka Fireman yaririmbye mu bitaramo bikomeye, anategerejwe mu gitaramo 'Icyumba cya Rap' kizaba ku wa 27 Ukuboza 2024

KANDA HANO UBASHE KUMVA EP NSHYA Y'UMURAPERI FIREMAN

“>

Iyi gahunda yatangijwe mu Ukuboza 2023, nk'umugoroba w'umuryango uzajya uberamo ibiganiro bizafasha abawugize n'abashakanye gukemura ibibazo bahura nabyo hagendewe ku nama n'ibiganiro bakura ku bandi.

Mu mwaka ushize habaga ibiganiro hafi ya buri kwezi, aho habaga hari insanganyamatsiko zitandukanye zo kuganirwaho.

Zimwe mu zaganiriweho harimo imiterere y'urugo rwiza, uruhare rw'umugabo n'umugore mu kubaka urugo rwiza no mu bihe byo kwibuka Jenoside yakorewe Abatutsi mu Rwanda mu 1994 haganirwa ku ngaruka mbi zayo mu muryango n'uko umuntu yazitsinda.

Hahabaye kandi ibiganiro bihuza abatarashaka baganira ku buryo bwo kubaka umuryango mwiza, guhuza intego y'ubuzima n'umuryango n'ibindi byinshi.

Mu kiganiro cyo muri Nzeri 2024 cyari kirimo abari bavuye mu itsinda rya Dr. Myles Munroe Obe [witabye Imana] wari inzobere n'umwanditsi w'ibitabo ku miyoborere, haganiriwe ku buryo bwo guhuza umuryango, ishoramari no kumenya intego y'ubuzima.

Umugoroba w'umuryango wa nyuma wiswe 'The Last Dance' wabaye ku wa 29 Ugushyingo 2024, ukaba wari ufite insanganyamatsiko igaruka ku kubaka umuryango uhamye.

Hubert Sugira Hategekimana yavuze ko ibiganiro byagiye biba, hari umusaruro byatanze.

Yagize ati 'Ingaruka nziza twabonye muri ibi biganiro ni uko hari imiryango yaje yaratandukanye igasubirana, ibyo byo ntacyo wabona wabinganya. Twagiye twakira ubutumwa bwinshi cyane butugaragariza umusaruro mwiza w'ibiganiro twateguraga, cyane ko buri kiganiro uko cyarangiraga twahaga abantu urubuga rwo gusangiza ibyo bize.'

Yongeyeho ati 'Umunsi twagize 'Kigali Singles Night' hari umwe watubwiye ngo mu kiganiro byari nko kuganira n'ababyeyi atigeze agira. Ibyo ni ikintu gikomeye. Hari benshi baje muri ibi biganiro kuva byatangira kugeza ubu.'

Hategekimana yakomeje avuga ko 'Hari undi watubwiye ngo buri kwezi habaga ibi biganiro niho we n'umuryango we basohokera. Ibyo ni ibintu byiza bituma umuryango ukomera.'

Yavuze ko hari byinshi biri gutegurwa, ndetse ateguza ko ibi biganiro bizagaruka mu isura nshya, intego ari uku bigera ku bantu benshi kandi mu buryo buboroheye.

Ati 'Uyu munsi twagize ikiganiro cya nyuma kubera ko dushaka guhindura uburyo bwo kuzana iki kiganiro. Twabonye hari ibikibura urebye uko dushaka kwegereza abantu ubumenyi n'ibyo biganiro, turimo turashaka uburyo bwagutse twabikoramo.'

Hari igiciro cyajyaga gishyirwaho ku bashaka kwitabira ibi biganiro byaberaga muri Park Inn Hotel.

Mu mugoroba wa nyuma abatanze ibiganiro barimo Hubert Sugira Hategekimana, Pst Hortense Mazimpaka, Pst Alain Numa washinze umuryango w'abana bavutse ku banyamahanga n'Abanyarwanda, Prof. Alfred Bizoza, ndetse n'umunyamakuru Patience Sindayigaya.

Ababaye afatanyabikorwa ba 'Kigali Family Night' bashimiwe

Amafoto: Kwizera Remy Moses

---