Author: webrwanda

Nandi-Ndaitwah w’imyaka 72, ubarizwa mu Ishyaka SWAPO [South West Africa People's Organization], yegukanye intsinzi n’amajwi 57% nyuma y'amatora yateje impaka yabaye mu cyumweru gishize.

Ishyaka rya SWAPO (South West Africa People’s Organisation) riri ku butegetsi muri iki gihugu kinini ariko gituwe n’abaturage bacye guhera mu mwaka wa 1990, ubwo cyabonaga ubwigenge kuri Afurika y’Epfo yagikolonije (nyuma y’Ubudage).

Nandi-Ndaitwah, umurwanashyaka ukomeye wa SWAPO, yari asanzwe ari umuyobozi w’umwizerwa umaze imyaka 25 mu myanya y'ubuyobozi ikomeye muri leta.

Ubwo ibyavuye mu matora byari bimaze gutangazwa, ibiro ntaramakuru Reuters byasubiyemo amagambo ya Nandi-Ndaitwah w’imyaka 72, wagize ati: “Igihugu cya Namibia cyatoye amahoro n’umutekano.”

Ndemupelila Netumbo Nandi-Ndaitwah agiye kuba Perezida wa gatanu uyoboye Namibia, nyuma y'igihe kirekire akora imirimo inyuranye mu Inteko Ishinga Amategeko.

Incamake ku buzima bwa Perezida mushya wa Namibia, Netumbo Nandi-Ndaitwah

Netumbo Nandi yabonye izuba ku ya 29 Ukwakira 1952, avuka kuri Justina Nekoto Shaduka-Nandi na Petrus Nandi, avukira ahitwa Onamutai muri Ovamboland mu bana Icyenda, mu Majyepfo y'Uburengerazuba bwa Afurika. Se yari umunyedini w'Umwangilikani.

Nandi-Ndaitwah yagiye mu buhungiro mu 1974 maze yinjira mu banyamuryango ba SWAPO muri Zambia. Yakoze ku cyicaro gikuru cya SWAPO i Lusaka kuva mu 1974 kugeza mu 1975. Yize mu ishuri ryisumbuye rya Lenin Higher Komsomol School muri Leta Zunze Ubumwe z’Abasoviyeti kuva mu 1975 kugeza mu 1976. Yasoje afite impamyabumenyi mu by'umurimo n'ibikorwa by'urubyiruko.

Mu 1987 yabonye impamyabumenyi y’icyiciro cya kabiri cya kaminuza mu buyobozi bwa Leta n'icungamutungo yakuye mu ishuri rikuru ry'ikoranabuhanga rya Glasgow mu Bwongereza, naho mu 1988 abona indi mpamyabumenyi y’icyiciro cya kabiri cya kaminuza, mu mibanire mpuzamahanga yakuye muri kaminuza ya Keele nayo iri mu Bwongereza. Mu 1989, Nandi-Ndaitwah yabonye impamyabumenyi ihanitse mu byerekeranye na diplomasi, nayo yakuye muri kaminuza ya Keele.

Yabaye umuyobozi wungirije wa SWAPO kuva mu 1976 kugeza mu 1978, aza kuba umuyobozi mukuru muri w'iri shyaka kuva mu 1978 kugeza mu 1980. Kuva mu 1980 kugeza mu 1986, yari umuyobozi mukuru wa SWAPO muri Afurika y'Iburasirazuba, ifite icyicaro i Dar es Salaam.

Kuva mu 1991 kugeza mu 1994, Nandi-Ndaitwah yari Perezida w'Umuryango w'Igihugu w'abagore muri Namibia (NANAWO). Yabaye umwe mu bagize Inteko Ishinga Amategeko ya Namibia kuva mu 1990.

Yabaye Minisitiri Wungirije w'Ububanyi n'amahanga n'ubutwererane kuva mu 1990 kugeza 1996 ndetse muri uyu mwaka, yatowe nk’umuyobozi mukuru w'ibikorwa by'umugore mu biro bya Perezida, aho yakoze kugeza mu 2000. Mu 2000 yazamuwe mu ntera agirwa Minisitiri, ahabwa inshingano z'imibereho myiza y'abagore n'abana.

Kuva mu 2005 kugeza 2010, yari Minisitiri w'itangazamakuru n'itumanaho muri Guverinoma ya Namibia. Nyuma, yaje kuba Minisitiri w'ibidukikije n'ubukerarugendo kugeza igihe abaminisitiri bakoze amavugurura mu Kuboza 2012, ari naho yagizwe Minisitiri w'ububanyi n'amahanga.

Ku butegetsi bwa Perezida Hage Geingob, Nandi-Ndaitwah yagizwe Minisitiri w'Intebe Wungirije wa Namibia muri Werurwe 2015, mu gihe yakoraga nka Minisitiri w'ububanyi n'amahanga n'ubutwererane.

Muri Werurwe 2023, Perezida Geingob yatoranije Netumbo Nandi-Ndaitwah nk’umukandida ku mwanya wa Perezida watanzwe na SWAPO mu matora rusange ya Namibia yo mu 2024. Nyuma y’urupfu rwa Geingob muri Gashyantare 2024, Nandi-Ndaitwah yagizwe Visi perezida, asimbuye Nangolo Mbumba wari wabaye Perezida.

Yahawe igihembo cy'ubuyobozi bwiza mu bihembo bya Namibia Sustainable Development Awards. Nyuma yaho yahawe n'ikindi gihembo yaherewe mu nama yiswe '2024 Nala Feminist (Nalafem) Summit.' Afite kandi impamyabumenyi y’ikirenga yakuye muri kaminuza ya Dar es Salaam, muri Tanzania.

Netumbo Nandi-Ndaitwah yashakanye na Epaphras Denga Ndaitwah, wahoze ari Umuyobozi w’ingabo z'igihugu.

Nyuma yo kurahirira izi nshingano, azaba yinjiye mu itsinda ryihariye kuri ubu ririmo Perezida wa Tanzania Samia Suluhu Hassan, umugore umwe rukumbi ufite igihugu ayoboye muri Afurika. 

Namibia yatoye Perezida wa mbere w’umugore

Uyu muhanzi wamamaye mu ndirimbo nka 'Kimwe Kimwe' yageze ku kibuga cy'indege Mpuzamahanga cya Kigali i Kanombe, ahagana Saa Sita z'ijoro ryo kuri uyu wa Gatatu tariki 4 Ukuboza 2024, yakirwa n'inshuti ze, abo mu muryango we, abakobwa bo muri Kigali Protocol n'abandi. 

Imyaka ine yari ishize abarizwa muri Canada, ndetse ni naho yakoreye ibikorwa bye by'umuziki nk'umuhanzi wigenga. Ni nyuma y'uko atandukanye na bagenzi be babanaga mu itsinda rya Urban Boys ryubatse ibigwi.

Mu kiganiro n'itangazamakuru, Safi Madiba yavuze ko 'Ni sawa cyane. Ndishimye pe ntakindi.' Uyu mugabo yavuze ko afite igihe kinini mu Rwanda, kandi ko kuva yabona ubwenegihugu bwa Canada ari nabwo yahise atangira urugendo rwo kugaruka mu Rwanda.

Yavuze ko yari akumbuye amafunguro yo mu Rwanda arimo nk'ipilawu, Capati n'ibindi. Ati 'Ndatashye. Aha ni mu rugo. Ndatashye rero mu rugo ha kabiri.'

Safi Madiba yavuze ko ibitaramo yakoreye mu Bufaransa byagenze neza, kandi ko ibihangano bye byanageza muri Korea y'Amajyaruguru

Yavuze ko kimwe mu bimuzanye mu Rwanda harimo no guhura na bagenzi be muri Urban Boys 'kuko dufitanye imishinga tuzakorana'.

Safi yavuze ko n'ubwo yatandukanye na bagenzi be 'ariko twakomeje kuvugana' kandi hari imishinga 'turi gutegura'. Avuga ko igitaramo cye kizaba ku wa Gatandatu tariki 7 Ukuboza 2024 muri rusange kigamije guhura n'abafana. Ati 'Ni uguhura n'abafana tugaborana.' 

Yavuze ko atari igitaramo muri rusange, ari nayo mpamvu yahisemo ko kizabera mu kabyiniro, kuko ari ibirori bigamije gusabana n'abafana be.

Abajijwe niba yarabonye umukunzi mushya nyuma y'uko atandukanye na Niyonizera Judith, yavuze ko 'ntawe'. Yongeraho ati 'Biri mubizanye (gushaka umukunzi).'

Ni rwo rugendo rwa mbere akoreye mu Rwanda ari ingaragu, kuko yahaherukaga ari umugabo urwubakanye na Niyonizera Judith ariko bamaze gutandukana mu buryo bwemewe n'amategeko. 

Safi Madiba yatangaje ko tariki 7 Ukuboza 2024 azasabana n'abafana be mu birori yateguye 

Safi yavuze ko agenzwa no gushaka umukunzi i Kigali kuko amaze igihe atari mu rukundo

Safi Madiba yavuze ko yiteguye kugirana ibiganiro na bagenzi be babarizwa muri Urban Boys



 

Apôtre Joshua Masasu Ndagijimana ni umugabo w’umugore umwe (Lydia Masasu) bafitanye abana batanu, abahungu babiri ndetse n’abakobwa batatu. Iyo wumvise amateka y’ubuzima bw’inzitane yanyuzemo ukabugereranya n’ubwo abayemo uyu munsi, usanga Imana yaramuhinduriye amateka mu buryo bukomeye. Abana be barakuze ndetse bamwe baminuje hanze y’u Rwanda.

Nk’uko biri mu nkuru InyaRwanda.com yabagejejeho tariki 3 Nzeri 2017, Apôtre Masasu yatangarije abakristo be b’i Kimisagara ko yanyuze mu buzima bw’inzitane akaragira ihene, agafungwa, akarwara amavunja ariko ubu akaba agendera mu modoka ihenze yahawemo impano n’abakristo be.

Si ibyo gusa ahubwo nyuma yo kwiyegurira Imana hari byinshi avuga ko yungukiye muri Yesu Kristo. Icyo gihe yagize ati: “Naragiye ihene, narafunzwe, narwaye amavunja, nabanye n'umugore yambara umwenda umwe (igitenge), niba ntarahemukiye Imana icyo gihe, nzayihemukira ubu? Ubu ndahiriwe, Masasu ngenda muri V8,… Ntafite urugo rwiza sinabwiriza, sinjye ubitegeka ni Bibiliya.”

Incamake y'amateka ya Apôtre Masasu watangije Restoration church

Apôtre Joshua Ndagijimana Masasu bakunda kwita Daddy yavutse mu mwaka 1960, avukira mu mudugudu umwe mu cyahoze ari Cyangugu. Magingo aya Apotre Masasu afite imyaka 64 y'amavuko. Mu mwaka wa 1989 ni bwo yashakanye na Lydia Masasu, bakaba barabyaranye abana batanu ari bo Deborah Masasu, Joshua Masasu, Caleb Masasu, Esther Masasu na Yedidiah Masasu.

Deborah Uwamahoro Masasu imfura ya Apôtre Masasu na Lydia Masasu, afite impano yakomoye ku babyeyi be yo kubwiriza ubutumwa bwiza. Uyu mukobwa ni umuyobozi wa Deborah Masasu Collection (African collection) ndetse ni nawe watangije itsinda Shining Stars rimaze kwamamara cyane mu Rwanda. 

Apôtre Masasu ni we watangije itorero Evangelical Restoration Church, itorero ryagize uruhare runini mu isanamitima nyuma ya Jenoside yakorewe abatutsi muri Mata 1994. Iri torero, kugeza ubu rifite insengero zirenga 60 ku isi, zose zikaba ziyoborwa na Apôtre Joshua Masasu.

Apôtre Masasu afite umukandara w’umukara mu mukino wa karate

Apôtre Masasu avuga ko mu gihe yari impunzi nta na rimwe yishimiye uburyo bafatwaga mu gihugu cyabacumbikiraga, dore ko byanamuteye kwinjira mu mukino njyarugamba wa Karate aho yavanye umukandara w’Umukara, ibyo byose byari ukugira ngo yihagarareho, nk'uko akunze kubivugaho iyo ari kubwiriza ubutumwa bwiza bw'Imana, aho ashyiramo no gusetsa akerekana bimwe mu bijyanye na Karate.

Apôtre Masasu avuga ko yakijijwe ari umukene wo kubabarirwa

Mu mwaka wa 2015 ubwo yari yatumiwe mu itorero Patmos of Faith church riyoborwa na Prophet Bosco Nsabimana (Pastor Fire), yabwiye abakristo b’iri torero ubuhamya bwe, avuga ko yakijijwe ari umukene wo kubabarirwa, ariko ubu Imana ikaba yaramuhinduriye amateka. Intumwa  y’Imana Masasu avuga ko agishakana n’umugore we (Lydia Masasu), banyuze mu buzima bubi kugeza aho umugore we yambaraga igitenge kimwe umwaka ugashira. 

Ati: “Uyu mugore mureba dushakana nari agasore karangiza amashuri ariko katagira ubuzima, gakunda Imana. Nari agakozi k'Imana ariko kameze nabi, Umwuka Wera yaje nta giceri (nta mafaranga mfite), turashakana tumarana imyaka ine, yambara igitenge kimwe, murabona ko mfite umugore mwiza imbere n'inyuma,…”

Apôtre Masasu avuga ko yakirijwe mu kabyiniro

Mu mwaka wa 2015 ubwo yabwiraga itangazamakuru uko yakiriye agakiza, icyo gihe yagize ati: “Twimukiye Kinshasa, aho ni ho nahuriye na Yesu. Icyo gihe nari ngiye kurangiza Kaminuza, Imana ingirira neza ndakizwa, nari umusore urimbutse, nateraga imigeri karate n'ibindi, nkizwa rero ndi Umunyamujyi. 

Sinakirijwe mu itorero, nakirijwe mu kabyiniro 'Boite de nuit', nari nsanzwe ndi umugatulika utari na we hanyuma nisohokeye umugabo aransanganira atangira kumbwiriza ubutumwa nifitiye icupa numva aransagariye. Yambwiye ko kugira ngo umuntu ahindukirire Yesu agomba kumubamo,..kumva ko Yesu yakuzamo byambereye ikintu gishya cyane. Ndamwemerera ndamubwira nti naze anjyemo (Yesu).”

Ku bijyanye n'ubuzima bwa kinyeshuri, Imana yaramushoboje akomeza amasomo ye muri Kaminuza UPC (Université Protestante du Congo) aho yanakuye impamyabumenyi mu bijyanye n'ikoranabuhanga n'itumanaho (Electronics and Communication). Arangije amashuri ye ni bwo yatangije Jerusalem Ministry ubwo bari i Kinshasa mu murwa mukuru wa Zaïre y’icyo gihe.

Uyu murimo ukaba wari ufite intego yo kwegera impunzi z'Abanyarwanda bari muri icyo gihugu mu rwego rwa Gospel aho umutwaro yari afite wari ukumenyekanisha Kristo muri abo Banyarwanda. Icyo gihe ni bwo Yoshua Masasu yatangiye kuzana ibyiringiro muri izo mpunzi zitari zifite ibyiringiro kubera ubuhunzi mu gihugu kitari icyabo. 

Apôtre Masasu ayobora Restoration Church ku Isi

Mu mwaka wa 1994, Apôtre Masasu yaje kugaruka mu Rwanda nyuma yo kumvira ijwi ry'Imana nk'uko abivuga, nubwo byari ibihe bitoroshye bya Jenoside yakorewe Abatutsi. Akigera mu Rwanda yahise atangiza itorero Restoration Church. Uretse uru rusengero ayoboye, yanabaye mu buyobozi bw'indi miryango mpuzamatorero nka FOBACOR, Hope Rwanda, Alliance na PEACE Plan.

Apôtre Masasu ni umwe mu bakozi b’Imana bafata umwanya bakiherera n’Imana mu masengesho yo kwiyiriza ubusa (batarya ndetse batanywa). Amakuru agera ku InyaRwanda.com ni uko Apôtre Masasu yiyiriza ubusa iminsi 40 ari wenyine mu butayu asengera itorero rya Kristo n’igihugu, nyuma y’iyi minsi 40 akongera agafatanya n’abakristo be mu yandi masengesho y’iminsi 40, ubwo yose hamwe akaba ari iminsi 80 ikurikiranye uyu mukozi w’Imana afata buri mwaka akiherera n’Imana. 

Mu 2022, Apôtre Joshua Masasu yamuritse igitabo cye cya mbere yise 'Delivered from All My Fears' bishatse kuvuga ugenekereje mu Kinyarwanda ngo 'Nakize ubwoba bwanjye bwose' yari amaze imyaka irenga irindwi yandika.

Igitabo 'Delivered from all my Fears', gikubiyemo inkuru mpamo y'ibihe Apôtre Masasu yanyuzemo ubwo yari akiri umusore amaze kwinjira mu nzira yo gukorera Imana. Kigaruka kandi ku byaha byinshi yagiye akora ariko abikoreshejwe n'ubwoba, nyuma akaza kumenya inzira y'inkomezi yakoresha yigobotora ubwo bwoba. Yavuze ko iyo nzira ari uguharira Yesu byose akaba ariwe ubigenga.

Ubwo yagarukaga ku bwoba nyirizina butera urubyiruko, yavuze ko benshi muri bo bagira ubwoba butewe no kwanga ubuzima babayemo, bigatuma batinya ahazaza, abatishimira ubuzima babayemo bakifuza kujya mu bihugu byo hanze, guhangayikishwa n'ibitaraba, bityo bikabaganisha ku kugira agahinda gakabije.

Uyu mukozi w’Imana ukunze gutanga inyigisho ziganjemo izisana imitima, yavuze ko iki gitabo yacyanditse mu myaka irindwi, nyuma yo gusanga ubwoba buri mu bantu ari karande ndetse ko bwatangiye kera Isi ikiremwa muri Eden.

Mu ntangiriro z’uyu mwaka nabwo, Intuma y’Imana Masasu yavuze ubutumwa muri BK Arena, aho yari yatumiwe mu gitaramo umuramyi Chryso Ndasingwa yamurikiyemo album ye yise ‘Wahozeho.’

Kuri ubu rero, Apôtre Joshua Masasu yemejwe nk'umuvugabutumwa mu gitaramo itsinda 'Joyous Celebration' rikomeye mu muziki wo kuramya no guhimbaza Imana muri Afurika y'Epfo ryatumiwemo i Kigali, kikaba kizabera muri BK Arena ku wa 29 Ukuboza 2024.

Iri tsinda riri mu matsinda afite amazina akomeye mu muziki wo kuramya no guhimbaza Imana muri Afurika ndetse no ku Isi muri rusange, byumwihariko bakaba babimazemo imyaka irenga 30.

Ni itsinda ryashinzwe mu 1994, kuri ubu rikaba rimaze gukorera muri Studio albums umunani zisanga izindi Icyenda bakoze mu buryo bwa Live.

Amakuru ahari ahamya ko iri tsinda ry'abanyabigwi mu muziki wo kuramya no guhimbaza Imana rizagera i Kigali rigizwe n'abantu barenga 45.

Ubuyobozi bwa Sion Communications iri gutegura iki gitaramo, buvuga ko nubwo nta makuru menshi buratangaza, abantu bakwiye gutangira kwitegura kuramya no guhimbazanya Imana n'iri tsinda kimwe n'abahanzi b'Abanyarwanda bazatumira.

'Joyous Celebration' ni itsinda ry'abanyamuziki ryakoranye na Sony Music mbere y'uko mu 2021 batangira gukorana na Universal Music hamwe na Motown Gospel.

Mu ndirimbo zabo zikunzwe cyane, harimo iyitwa ‘Bekani Ithemba,’ ‘Alikho Lelifana,’ ‘Awesome is your name,’ ”I Am the winner,’ ‘Who Am I,’ ‘Wenzile,’ ‘Wakhazimula,’ ‘Tambira Jehova,’ ‘Iyo Calvari’ n’izindi nyinshi zagiye zirebwa na za miliyoni kuri YouTube.

Joyous Celebration itegerejwe mu Rwanda mu gitaramo cyiswe “Joyous Celebration Live in Kigali”. Iki gitaramo cyateguwe na Sion Communication na Zaburi Nshya Events, kizaba tariki 29 Ukuboza 2024, muri BK Arena. Alarm Ministries iri mu bazaririmba muri iki gitaramo.

Igitaramo Joyous Celebration bazakorera mu Rwanda kiri mu bitaramo bikomeye 6 bagiye gukora mu mpera za 2024. Ni ibitaramo bise “Joyous Celebration 28 Summer Tour” bizaherekeza umwaka uyu mwaka.

Tariki 07 Ukuboza aba baririmbyi bo muri Afrika y’Epfo bazataramira muri Kimberly; tariki 15 Ukuboza bataramire muri Johanesburg muri Rhema Bible Church; tariki 16 Ukuboza bataramire muri Mafikeng muri Mbatho Convention Center;

Tariki 20 Ukuboza aba baririmbyi bazataramira muri Malawi mu Mujyi wa Lilongwe muri Bingu International Conventional Centre; tariki 29 Ukuboza bataramire mu Rwanda mu Mujyi wa Kigali muri BK Arena, naho tariki 31 Ukuboza bataramire muri Mayine (Durban) muri ICC.

Apotre Masasu yamaze kwemezwa nk’umuvugabutumwa mu gitaramo ‘Joyous Celebration Live in Kigali Concert’

Uyu muvugabutumwa wanyuze mu buzima bushaririye, akunze kumvikana mu nyigisho zisana imitima

Apotre Masasu n’umuryango we 

Byatangajwe kuri uyu wa Kabiri tariki 3 Ukuboza 2024. Ni mu gihe iyi Nama ya Unesco iri kuba ku nshuro ya 19 yatangiye kuri uyu wa Mbere tariki 2 Ukuboza 2024, ikazasozwa ku wa Gatandatu tariki 7 Ukuboza 2024. 

Mu itangazo rya Unesco, yanagaragaje ko bashyize ku rutonde rw'umurage w'Isi ubworozi w'amafi bwifashishwa muri Koreya, gutunganya indabo za rose bizwi cyane muri Arabia Saudite, gukora isabune muri Palestine ndetse no gushushyanya bizwi cyane muri Serbia.

Kuri uru rutonde hanashyizweho kandi 'Wosana', umuco gakondo w'abo mu gace ka Bakalanga muri Botswana, imbyino yamamaye nka 'Reog Ponorogo Performing Art' yo muri Indonesia ndetse n'umuziki wo muri Paraguay wamamaye nka 'Guarania'.

Mu butumwa bwo ku rubuga rwa X, Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascéne yavuze ko 'Ni icyemezo gikomeye gikurikira iyandikwa ry'Ishyamba rya Nyungwe n'Inzibutso za Gisozi, Nyamata, Bisesero na Murambi mu murage w'isi. N'ibindi byiza biri imbere.'

Ubu u Rwanda rugize ahantu hatandatu (6) hari ku rutonde rw'ahagenwe nk'umurage w'isi, nyuma yo kwemeza Parike ya Nyungwe ku wa kabiri, ku wa gatatu hemejwe inzibutso enye za jenoside za Nyamata, Murambi, Gisozi na Bisesero ndetse n'Intore z'u Rwanda.

Minisitiri Bizimana aherutse kubwira RBA ko iyandikwa ry'igikorwa nk'iki mu murage w'Isi ari ishema ku gihugu kandi 'bituma icyo gikorwa cyanditswe kimenyekana ku rwego mpuzamahanga.' Yavuze ko ibi byongera 'ba mukerarugendo ndetse byongera n’uburyo bwo kukirinda'.

Kimwe mu bishingirwaho kugirango igikorwa gishyirwe mu murage w'Isi wa UNESCO, harimo ko igihugu gitegura dosiye igaragaza ko icyo kintu gisabirwa kwandikwa ku murage w’Isi gifite agaciro kari ku rwego mpuzamahanga kadasanzwe. Ibi bishimangira ko u Rwanda rwari rwatanze ubusabe.

Ni izihe nyungu mu kuba Intore z'u Rwanda zashyizwe mu murage w'Isi?

Umunyamabanga Mukuru  w’Umuryango Mpuzamahanga w’ibihugu bivuga Igifaransa (OIF), Louise Mushikiwabo yanditse kuri konti ye ya X, agaragaza ko yashimishijwe no kuba UNESCO yafashe icyemezo cyo gushyira Intore z'u Rwanda mu murage w'Isi udafatika. Yumvikanishije ko ari inkuru nziza iherekeje impera z'uyu mwaka yakiranwe ubwuzu.

Mu butumwa yanyujije ku rubuga rwe rwa Instagram, umuhanzi mu njyana gakondo, Jules Sentore yagaragaje ko kuba Intore zashyizwe mu birinzwe nk’umurage w’Isi n’Ishami ry’Umuryango w’Abibumbye ryita ku Bumenyi, Uburezi n’Umuco (UNESCO), biteye ishema.

Yavuze ati ' Mbega Umunezero,mbega ishyaka ridakuka. Ntore bene umuco ni mwivuge imyato maze nk’uko ubutore buturanga twongere duhaguruke twishimiye Imihigo twesheje ubu amahanga ari kutwirahira u Rwanda rwongeye guhamya Intego.'

U Rwanda rwashyize umukono ku Masezerano Mpuzamahanga ya UNESCO y'i Paris mu Bufaransa yo ku wa 17 Ukwakira 2003 yo kubungabunga umurage ndangamuco udafatika (2003 Convention for the Safeguarding of the Intangible Cultural Heritage).

Aya masezerano yemejwe burundu n'u Rwanda n'Iteka rya Perezida No 53/01 ryo ku wa 02/11/2012 ryemeza burundu amasezerano yo kubungabunga umurage ndangamuco udafatika.

Ingingo ya 2 y'Amasezerano Mpuzamahanga ivuga ko umurage ndangamuco udafatika ugizwe n'ibi bintu bikurikira:

Uruhererekane nyemvugo (oral traditions and expressions, including language as a vehicle of the intangible cultural heritage);

Imyiyereko gakondo (performing arts); ariho dusangamo n'Intore.

Imigenzo, imihango n’ibirori gakondo (social practices, rituals and festive events);

Ubumenyi n’imigenzereze ku bintu karemano (knowledge and practices concerning nature and universe);

Ubumenyingiro bushingiye ku bugeni n’ubuhanzi gakondo (traditional craftsmanship).

Ku wa 29 Ukuboza 2023, Umukozi Ushinzwe kubungabunga Umurage muri Minisiteri y'Ubumwe bw'Abanyarwanda n'Inshingano Mbonergagihugu, Mutangana Steven, yari yatangaje ko bamaze gutanga ubusabe muri Unesco bwo kwandikisha ubutore/Intore nk'umurage ndangamuco w'u Rwanda udafatika ku rwego rw'Isi.

Yavuze ibi ubwo yari yitabiriye inama nyunguranabitekerezo kuri raporo y'Igihugu y'Ishyirwa mu bikorwa ry'Amasezerano Mpuzamahanga yerekeye Umurage Ndangamuco Udafatika, y'Ishami ry'Umuryango w'Abibumbye Rishinzwe Uburezi, Ubumenyi n'Umuco [UNESCO], yo mu 2003. 

Mutangana Steven, yavuze ko Ubutore cyangwa se kuba Intore ari ikintu cyagutse gikwiye kubungabungwa ku rwego rw'Isi.

Icyo gihe yagize ati 'Haba harimo filozofiya y'u Rwanda ituma umuntu agira ubutore bitari kubyina gusa, kuko ubutore hari byinshi busobanura. Kuba rero twarasabye ko bwakemezwa nk'umurage ku rwego rw'Isi hari icyo bivuze ku muco w'igihugu kandi gikomeye.

Hari undi murage ndangamuco udafatika tumaze kwemeza ku rwego rw'igihugu urimo ingoma, umuganura, agaseke, imigongo, ariko ubushakashatsi buracyakomeje kuko u Rwanda bukungahaye cyane kuri uyu murage, mu myaka iri imbere uru rutonde ruzaguka rwose.'

Inyandiko ziri kuri Internet zigaragaza ko iyo umurage udafatika wanditswe muri UNESCO, biba bisobanuye ko utangira kurindwa ku rwego Mpuzamahanga, kandi urushaho kujya mu bikurura ba mukerarugendo.

Hejuru y'ibyo kandi abakozi bashinzwe kuwubungabunga mu gihugu cyatoranyijwe, bahugurwa na UNESCO. 

UNESCO kandi yakira ikanatera inkunga imishinga y'iterambere ishamikiye kuri uyu murage uba watangajwe, kuko bafite ishami ry'ikigege cyo gutera inkunga imishinga nk'iyi iba yashyizwe mu murage w'Isi.

Intore ni wo murage udafatika wa mbere w’u Rwanda wanditswe kuri uru rutonde

Ni igikorwa cyatangirijwe mu Karere ka Rulindo mu Murenge wa Shyorongi, hagamijwe kuzamura urwego rw'imyigire y'abana.

Gahunda yo gutanga imfashanyigisho y'amashusho afite amajwi bwa mbere yatangiriye mu bihugu bimwe na bimwe bya Afurika igamije kuzamura imyigire y'abana bakomoka kuri uyu Mugabane, hifashishijwe amashusho afite n'amajwi.

Micomyiza yasobanuye ko izi mfashanyigisho zizatangwa hifashishijwe ibikoresho by'ikoranabuhanga nka televiziyo, murandasi na telefoni, igafasha abakomoka mu miryango ikennye.

Ati 'Twakoze ubushakashatsi tubona ko muri Afurika, mu miryango imwe n'imwe badafite ibikoresho by'ikoranabuhanga bikenerwa mu gutambutsa izi mfashanyigisho z'amashusho avuga, dusanga bari ku kigero cya 20%'.

Yavuze ko ahanini usanga ubukene bwo kubura ibyo bikoresho butuma abana babura ubumenyi buhagije.

Ati 'Twahisemo kugera kuri ba bana baba mu miryango idafite televiziyo mu ngo zabo, duhitamo amarerero ahurirwaho na benshi, duhitamo kujya dutegura ibiganiro tukabibashyikiriza, tubategurira n'ibikoresho bizabafasha. Bagahurizwa hamwe mu mpera z'icyumweru cyangwa mu biruhuko, bakabereka ibiganiro mfashanyigisho'.

Ku ikubitiro batangiranye n'amasomero atanu. Ayo masomero aherereye Rulindo, Ngororero, Kirehe, Mahama [mu Nkambi] na Nyanza. Bahawe televiziyo, indangururamajwi ndetse na 'Frash Disk' iriho ibiganiro, ndetse n'ibitabo bifitanye isano n'ibiganiro bahawe, bizerekwa abana.

Buri somero ryahawe ibitabo 200 biri mu kinyarwanda n'icyongereza.

Umuryango Ubongo Kids uri gukorana n'ibihugu 28, ibiganiro byawo bikaba mu ndimi 15 harimo enye zikoreshwa mu Rwanda. Abakoresha ibiganiro byawo bagera kuri miliyoni 38, nk'uko abigarukaho.

Ineza Foundation ni umufatanyabikorwa wawo. Yahisemo gukorana na wo nk'umuryango ufasha abana kubona ibitabo, kuko yumvaga intego zawo zo gufasha abana zagerwaho vuba.

Buri mwaka, aba bafatanyabikorwa bakora igenzura ku musaruro ibi biganiro baha abana utanga, bagasura imiryango y'abana bafata izi mfashanyigisho mu bihugu bitandukanye bya Afurika.

Ababyeyi bagera kuri 200 ni bo basuwe mu bindi bihugu bya Afurika. 98% bavuze ko abana bamaze kongera urwego rw'imitsindire n'imyitwarire yabo igahinduka, bitewe n'amasomo bigishwa arimo n'uko bakwitwara.

Uretse inyigisho zihabwa abana hari n'izihabwa ababyeyi kugira ngo basobanukirwe uburyo bwiza bafasha abo bana.

Binyuze muri 'application' ya telefone yitwa 'Ubongo Play Room', ababyeyi biga uko bakwifashisha ibikoresho by'ikoranabuhanga nka mudasobwa, izo televiziyo, telefoni n'ibindi bigisha abana.

Nibamukunde Agnès, umwe mu babyeyi barerera mu irerero rya Rulindo, yavuze ko ubumenyi bw'abana bugiye kwiyongera kuko iyo bigishwaga akenshi babwirwaga gusa, bakaba bagiye kujya babona n'ibyo babwirwa.

Ati 'Ndi umwe mu babyeyi barerera Rulindo muri Shyorongi. Ibikoresho baduhaye bizafasha abana kongera urwego rw'imyigire. Ubu noneho baduhaye televiziyo ku buryo bazajya biga berekwa ibyo bigishwa, bityo imyigire yabo ikaba myiza'.

Niyonsaba Janvier ureberera ibikorwa bya Ineza Foundation mu mirenge 17 iherereye mu Karere ka Rulindo birimo amasomo n'amarerero, yagize ati 'Iyo umwana yiga yumva amajwi y'abandi bantu, birushaho kumukangurira ubwonko. Ni ubumenyi bwisumbuye bugeretse ku bwo abana bari bafite ariko bagiye gukomeza kubakangura,”

'Twe twiga twagiye tubyiga tugeze mu wa kane w'amashuri yisumbuye. Umwana w'imyaka itatu, ine, itanu atangiye abimenya ubu, byaba ari uburyo bwiza bwo kuzamura imyigire ye hakiri kare'.

Ubongo Kids ni Umuryango Nyafurika ukora ibiganiro mfashanyigisho bigenewe abana. Ubwo watangizaga uyu mushinga, wifuzaga ko abana babona ibiganiro mfashanyigisho bibafitiye akamaro.

Niyonsaba Janvier ureberera ibikorwa bya Ineza Foundation avuga ko izi mfashanyigisho zizazamura urwego rw'imyigire myiza y'abana

Nibamukunde Agnès, umwe mu babyeyi barerera muri Rulindo, yavuze ko ubumenyi bw'abana bugiye kwiyongera kubera amashusho agaragaza ibyo biga

Micomyiza asobanura ko izi mfashanyigisho zizatangwa hifashishijwe ibikoresho by'ikoranabuhanga nka televiziyo

Mu kiganiro na IGIHE, Ambasaderi wa Repubulika ya Islam ya Pakistan mu Rwanda, Naeem Khan, yagarutse ku buryo umubano w'ibihugu byombi ukomeje kwaguka binyuze mu guteza imbere ibikorwa by'ubucuruzi, imigenderanire n'ibindi bitandukanye.

Ibi ni ibikubiye mu kiganiro twagiranye:

Umubano wa Pakistan n'u Rwanda uhagaze ute?

Uyu ni umwaka wanjye wa kabiri kandi nabonye iterambere rinini mu bufatanye bwacu. Turi abafatanyabikorwa nk'ibihugu ndetse tunafatanya mu nama mpuzamahanga. Pakistan n'u Rwanda birafashanya.

Umubano wacu uri gutera imbere cyane nyuma y'uruzinduko rwa Perezida wa Sena muri Pakistan ndetse n'uruzinduko rwa bamwe mu bayobozi mu nzego z'umutekano muri Pakistan.

Hari n'abacuruzi benshi bari kujya muri Pakistan, njye najyanye abacuruzi 50 muri Pakistan barimo abatumiza ibicuruzwa n'ababyohereza mu mahanga muri uyu mwaka umwe. Ubucuruzi bwacu burimo kwiyongera.

Imikoranire mu bya politiki nayo iri kwiyongera, inkuru nziza nagarukaho ni uko u Rwanda rwafunguye ambasade muri Pakistan ifite ambasaderi ndetse n'abakozi. Ni ubwa mbere mu mateka u Rwanda rwafungura ambasade muri Pakistan.

Ni akahe gaciro k'ubucuruzi hagati y'u Rwanda na Pakistan?

Nageze mu Rwanda ubucuruzi hagati y'u Rwanda na Pakistan bufite agaciro ka miliyoni 34$, uyu munsi, dushingiye ku mibare, bwarenze miliyoni 70$. Ubucuruzi bwinshi bwibanda ku cyayi. Pakistan itumiza hejuru ya 60% by'umusaruro w'icyayi w'u Rwanda.

Turi kureba izindi nzego twakoranamo zirimo ikawa kuko Pakistan ni igihugu cy'abaturage barenga miliyoni 250, bivuze ko iryo ari isoko rinini ku bicuruzwa by'u Rwanda. Turi no gusuzuma ibindi bicuruzwa u Rwanda rwakohereza muri Pakistan birimo ibishyimbo kuko Pakistan ibikura mu bindi bihugu, kuki se bitava mu Rwanda?

Umuceri wa Pakistan urazwi cyane mu Rwanda, ibindi ni imyenda, ibikoresho bikoreshwa kwa muganga ndetse n'imashini zikoreshwa mu buhinzi. Pakistan iri gukora zimwe mu mashini nziza zikoreshwa mu buhinzi, zishobora gutanga umusaruro mu bihugu by'imisozi nk'u Rwanda.

Abanyarwanda bagiye muri Pakistan babonye amasoko?

Natwaye abacuruzi b'Abanyarwanda muri Pakistan, bose bahuye n'abacuruzi bo muri Pakistan baraganira. Benshi bagarutse bishimiye urwo rugendo, benshi ni abohereza icyayi, ikawa ndetse n'umusaruro w'ibikomoka ku buhinzi mu mahanga.

Mu Rwanda haba Abanya-Pakistan bangahe? Ni akahe gaciro k'ishoramari ryabo?

Mu Rwanda hari Abanya-Pakistan barenga 500 n'imiryango yabo. Bari mu bijyanye n'ubucuruzi bw'imodoka, bakora mu bijyanye n'imicungire ya hoteli, bafite na hoteli zabo, restaurant ndetse banakora mu bijyanye n'ikoranabuhanga, abandi bakora mu miryango mpuzamahanga ikorera mu Rwanda.

Abandi bari mu bijyanye no gukora imyenda, bari gutangiza ibikorwa byo gukora imyenda bito, bizahindurwamo ubucuruzi bwagutse mu bihe biri imbere.

Hari abaganga bo muri Pakistan bari mu Rwanda aho bakora mu bitaro bitandukanye, abandi bakaba mu bijyanye n'ubuhinzi bwagutse. Bafashe imirima minini hano aho bari guhinga ibihingwa bitandukanye birimo imboga n'imbuga. Ndetse bari gutangiza ubuhinzi bw'imboga n'imbuto nshya mu Rwanda bigurishwa ku isoko ry'imbere mu Rwanda no hanze.

Muri rusange Abanya-Pakistan bari mu nzego zirimo ubuhinzi, inganda ndetse na serivisi.

Duherutse kumva ikigo cyo muri Pakistan cyifuzaga gutangiza icyanya cy'inganda, bigeze he?

Kuva u Rwanda rwafungura ambasade muri Pakistan, abantu bifuza kubaka iki cyanya cy'inganda [bahuye n'abakozi ba ambasade]. Nabanje kubahuza n'Urwego rw'Iterambere, RDB, baraganira. Banaganiriye na ambasade y'u Rwanda muri Pakistan ndetse nanjye turaganira.

Ibiganiro biracyari mu cyiciro cy'ibanze no gushaka ubutaka. Nagiye i Musanze, mbifashijwemo na RDB ndetse nagiye i Huye ndi gushaka ubutaka bwakoreshwa muri ibyo.

Turacyari mu byiciro by'intangiriro, umushinga uracyahari kandi icyiza cy'uwo mushinga ni uko uzaha akazi abaturage b'u Rwanda. Abashoramari bazazana ikoranabuhanga n'ishoramari ryabo, ariko abakozi bazaturuka mu Rwanda. Ni umushinga munini, ushobora kuzatwara igihe kinini, ariko ibiganiro biracyakomeje.

Watembereye u Rwanda cyane, hari ibindi bintu ubona Abanya-Pakistan bashoramo imari mu Rwanda?

Abashoramari bo muri Pakistan bafata u Rwanda nk'igihugu cy'ingenzi mu ishoramari. Bagifata nk'aho iyo igicuruzwa cyawe cyanditswe mu Rwanda, bifasha mu kugikwirakwiza mu bindi bihugu by'akarere.

Turi gukora ku mishinga ihuriweho aho ibigo by'ubucuruzi byo muri Pakistan bizatangira gukorera ibicuruzwa byabyo mu Rwanda, noneho bikoherezwa mu bindi bihugu. Inzego dukoramo zirimo nko gukora imyenda, aho u Rwanda rwizerwa cyane mu guteza imbere uru rwego. Ibigo by'ubucuruzi byo muri Pakistan birifuza gushora imari hano.

Urundi rwego rw'imikoranire ni urujyanye no gukora ibikoresho byo kwa muganga. Abanya-Pakistan bashobora gukorera ibikoresho byo kwa muganga hano.

Mperutse no kwakira abacuruzi bifuza kugenzura amahirwe y'ishoramari ari mu bijyanye n'impu. Bareba niba nk'impu z'inka zishobora koherezwa muri Pakistan cyangwa se zikabyaza umusaruro hano mu Rwanda. Pakistan ifite ikoranabuhanga ryiza n'ubunararibonye muri ibyo bikorwa.

Hari abacuruzi b'Abanyarwanda bafite umugambi wo kujya gutangiza inzu zicururizwamo ikawa muri Pakistan, zifite ikirango cy'ikigo cyo mu Rwanda.

Kuki Abanya-Pakistan bafite inyota yo gushora imari mu Rwanda no muri Afurika?

Guverinoma ya Pakistan yatangije gahunda yitwa 'Look Africa' na 'Engage Africa' [zigamije kongera imikoranire hagati ya Pakistan na Afurika]. Twahoze dukorana cyane n'ibihugu byo mu majyaruguru no mu majyepfo ya Afurika, ariko ubu Leta ya Pakistan n'abashoramari bo muri Pakistan bafite inyota yo kubaka imikoranire n'ibihugu byose byo muri Afurika.

Duherutse gufungura ambasade eshanu nshya muri Afurika. Ubu muri rusange dufite ambasade 20 muri Afurika. Ku rundi ruhande, u Rwanda, Zimbabwe, Ethiopia n'ibindi bihugu, biherutse gufungura za ambasade muri Pakistan.

Guteza imbere imikoranire hagati y'u Rwanda na Pakistan, cyangwa Afurika na Aziya, bizafasha impande zombi kuko duhuriye kuri byinshi birimo amateka, nyinshi mu ndangagaciro z'umuco zijya gusa, niyo mpamvu kurushaho kumvikana hagati ya Aziya na Afurika ari ingenzi.

Ni gute wasobanura uburyo Pakistan ibona Afurika by'umwihariko?

Ubwo nari nkiri Umuyobozi ushinzwe Afurika muri Minisiteri y'Ububanyi n'Amahanga muri Pakistan, twafashe ingamba nyinshi zigamije guteza imbere ubufatanye hagati ya Afurika na Pakistan. Nk'urugero, Ethiopian Airlines, ikigo cyo muri Afurika, cyatangiye ingendo zihuza Afurika na Pakistan.

Ubu Abanyafurika bashobora kujya muri Pakistan bavuye muri Afurika kandi bagakoresha ikigo cy'indege cya Afurika.

Turi mu biganiro na RwandAir, tugiye kuzasinya amasezerano na RwandAir kuko RwandAir ifite ingendo zigera i Doha muri Qatar kandi Doha iri hafi cyane ya Pakistan. Kuki se RwandAir itajya no muri Pakistan? Turi mu biganiro bijyanye na tekinike ku buryo RwandAir ishobora kujya no muri Pakistan.

Twatangiye no gutanga buruse ku Banyafurika bakora muri diplomasi, ubwubatsi, ubuvuzi n'izindi nzego, ndetse Umunsi mpuzamahanga wa Afurika wizihizwa muri Pakistan. Twatangije ibigo by'ubushakashatsi kuri Afurika, bigamije kwiga no gusobanukirwa Afurika.

Mu byigwa harimo amateka ya Afurika, umuco, ubukungu, politiki ya Afurika n'ibindi.

Ugarutse kuri RwandAir; haba hari icyizere cy'uko izakora ingendo zihuza Pakistan na Doha?

Yego hari ibiganiro birakomeje. Ubu bigeze ku rwego rwa za minisiteri. Bari kubikoraho kugira ngo bategure amasezerano ndetse no gukemura ibindi bibazo bya tekinike byaba bigihari.

Mu gihe hasigaye iminsi mbarwa umwaka wa 2024 ukarangira, abakunzi b'imyidagaduro nabo bambariye kuwuherekereza mu birori bitandukanye.

Nk’uko bisanzwe bigenda mu mpera z'umwaka, haba hategurwa ibitaramo byiganjemo iby'abahanzi bakora umuziki usanzwe ndetse n'ibyo kuramya no guhimbaza Imana.

Ni muri urwo rwego InyaRwanda yaguteguriye inkuru ikubiyemo bimwe mu bitaramo bikomeye byateguwe bizafasha Abanyarwanda guherekeza umwaka wa 2024, ndetse n’ibirori birimo n’ubukwe bwa Miss Nishimwe Naomie.

Mu birori n'ibitaramo biteganyijwe muri uku kwezi k'Ugushyingo, InyaRwanda yaguhitiyemo ibi bikurikira:

1.     Ubukwe bwa Miss Nishimwe Naomie na Michael Tesfay

Miss Nishimwe Naomie wambitswe ikamba rya Nyampinga w'u Rwanda mu 2020 azakora ubukwe na Michael Tesfay ku wa 29 Ukuboza 2024.

Umuhango w’ubukwe bwabo wubakiye ku magambo aboneka muri Mark 10:8-9 hagira hati ” Bombi bakaba umubiri umwe, bigatuma baba batakiri babiri ahubwo baba babaye umubiri umwe. Nuko icyo Imana yateranije hamwe, umuntu ntakagitandukanye.”

Ibirori byo gusaba no gukwa bizabera mu Intare Conference Arena ari naho hazabera umuhango wo kwiyakira, ni mu gihe gusezerana imbere y’Imana bizabera mu rusengero Noble Family Church ya Apotre Mignone ku Kimihurura.

Bazakora ubukwe ku wa 29 Ukuboza 2024, mu gihe hazaba habura iminsi ibiri (2) kugira ngo umwaka ugere ku musozo, kuko uyu mwaka uzagira iminsi 366. Bizaba kandi ari ku cyumweru cya 52.

Uzaba ari umunsi udasanzwe kuri aba bombi! Kuko bazaba batangiye paji nshya mu mubano wabo, aho bazarahirira kubana nk'umugabo n'umugore, bakazatandukanwa n'urupfu. Ni n'umunsi kandi Abanyarwanda bose muri rusange bategerezanije amatsiko menshi nyuma y'igihe bakurikira inkuru y'urukundo rwa Naomie n'umukunzi we.

Ku wa 24 Gashyantare 2024, Michael Tesfay ahagarariwe n'abo mu muryango we yafashe irembo mu muryango w'umukunzi we. Ni nyuma y'uko ku wa 1 Mutarama 2024, yatunguye Nishimwe Naomie amwambika impeta y'urukundo [fiançailles], mu birori byihariye byabereye muri imwe muri resitora yo mu Mujyi wa Kigali.

2.     Unveil Africa Fest

Mu Mujyi wa Kigali hagiye kubera igitaramo gikomeye cyiswe “Unveil Africa Fest’ cyateguwe na Unveil Afrika. Iki gitaramo kizaririmbamo abahanzi b’ibyamamare mu njyana Gakondo ndetse n’Itorero Ndangamuco Intayoberana rimaze kuba ubukombe mu Rwanda mu myaka 10 rimaze mu muziki.

‘Unveil Africa Fest’ izabera muri Camp Kigali, tariki 07 Ukuboza 2024, yitezweho kuzatanga ibyishimo bisendereye ku bakunzi b’umuziki nyarwanda by’umwihariko abakunzi ba Gakondo. Ntagushidkanya, abanyarwanda benshi bazaba berekeje amaso yabo muri Camp Kigali muri iki gitaramo ndangamuco nyarwanda gisanzwe kiba buri mwaka.

Iri serukiramuco ngarukamwaka rizayoborwa n’umunyamakuru Lucky Nzeyimana uzwiho kuticisha irungu abitabiriye ibirori ayobora, riririmbemo ibyamamare mu njyana gakondo ari bo Itorero Intayoberana, Ruti Joel, Victor Rukotana, Chrisy Neat, Himbaza Club, J-Sha n’umukirigitananga Siboyintore akaba n’umuhanga mu mbyino gakondo.

Amatike yo kwinjira muri iki gitaramo ari hanze. Itike ya macye yiswe ‘Bisoke’ ni 10,000 Frw, ikurikiyeho yiswe ‘Muhabura’ iragura 25,000 Frw naho itike iruta izindi yiswe ‘Karisimbi’ iragura 50,000 Frw. Amatike ari kuboneka mu buryo bw’ikoranabuhanga unyuze ku rubuga www.noneho.com. Kanda HANO ugure itike.

Umuyobozi Mukuru wa Unveil Africa yateguye Unveil Africa Fest, Uwase Clarisse, yabwiye InyaRwanda ko abazagura amatike yo mu cyiciro cya Kalisimbi, bazahabwa ku buntu ikirahuri cya Wine cyangwa ikirahuri cya Fresh Juice ku batanywa inzoga. Ni mu gihe abo mu cyiciro cya Muhabura bazahabwa Juice/Jus iri mu icupa cyangwa icupa ry’amazi.

Uwase Clarisse yizeye neza adashidikanya ko iki gitaramo kizatanga ibyishimo by’umwihariko ku bakunzi b’umuziki gakondo. Avuga ko ari ahantu heza umuntu akwiriye gusohokanira n’inshuti ze mu kwishimira ko umwaka wa 2024 urangiye mu mahoro.

3.     Icyumba cya Rap

Bisa n'ibizatangura abantu benshi kuzabona imbona nkubone abaraperi Ishe Kevin na Zeo Trap bahurira mu gitaramo kimwe nyuma y'uko bakozanyijeho binyuze mu ndirimbo zuzuye amagambo yo gupfunyika bashyize hanze mu bihe bitandukanye.

Ni ubwa mbere aba bahanzi bombi bazaba bahuriye mu gitaramo kimwe. Bombi bari mu kiragano gishya cy'umuziki, ariko mu mezi abiri ashize buri umwe yagaragaje ko adacana uwaka na mugenzi we, kuko buri wese yisunze indirimbo yahimbye yivuze neza kurusha mugenzi we.

Aba baraperi ni bamwe mu bari ku rutonde rw'abarenga 15 bazaririmba mu gitaramo 'Icyumba cya Rap' kizaba ku wa 27 Ukuboza 2024 mu mbuga ya Canal Olympia ku i Rebero mu Mujyi wa Kigali. Iki gitaramo cyagombaga kubera kuri BK Arena, ariko byahindutse ku munota wa nyuma.

Iki gitaramo kiri mu murongo wo gushimangira ko 2024 wabaye umwaka w'abaraperi, ushingiye ku bikorwa bashyize hanze n'ibitaramo baririmbyemo.

Urutonde rw'abaraperi bazaririmbamo rwiganjemo abamaze igihe kinini mu muziki, ndetse n'abandi bakunzwe muri iki gihe binyuze mu bihangano byabo. Hatumiwe Diplomate, Ish Kevin, Zeo Trap, Jay-C, itsinda rya Tuff Gang, Kid from Kigali, Riderman, Bull Dogg, P-Fla, Bushali, B-Threy n'abandi bagikomeje ibiganiro na Sosiyete  iri gutegura iki gitaramo.

Ni kimwe mu bitaramo byitezweho gufasha abakunzi ba Hip Hop gusoza neza umwaka, binjira mu 2025. Muri uyu mwaka, ibigo byinshi byashyize imbere cyane guhuriza abaraperi mu bitaramo bimwe, kandi byagiye bitanga umusaruro mu bihe bitandukanye.

4.     Icyambu Live Concert

Umuhanzi w'indirimbo zo kuramya no guhimbaza Imana ufatwa nka nimero ya mbere muri iki gihe, Israel Mbonyi ageze kure imyiteguro yo gukora ku nshuro ya Gatatu igitaramo yise 'Icyambu Live Concert' gifasha Abakunzi kwizihiza Noheli mu buryo bwihariye, binyuze mu busabane n'Imana.

Mu 2022 nibwo yatangije ibi bitaramo ngaruka mwaka- Icyo gihe yanditse amateka avuguruye aba umuhanzi wa mbere w'umunyarwanda wabashije kuzuza inyubako ya BK Arena, nyuma y'amasaha arenga ane ataramiye abakunzi be mu ndirimbo ze zakunzwe mu bihe bitandukanye.

Amateka yongeye kwisubiramo mu 2023 ubwo yataramiraga abasaga ibihumbi 10 mu gitaramo yakoreye muri BK Arena, ku wa 25 Ukuboza-Yongera kuzuza iyi nyubako.

Ni kimwe mu bitaramo biba bitegerejwe buri mwaka, ahanini hashingiwe ku rukumbuzi baba bafitiye uyu muhanzi buri mwaka, binyuze mu bikorwa bye.

Muri uyu mwaka, Israel Mbonyicyambu [Israel Mbonyi] yashyize imbere gukorera ibitaramo mu bihugu byo mu mahanga, kandi hose yahavuye yaciye agahigo bitewe n'ibihumbi by'abantu bamushyigikiraga.

5.     Joyous Celebration Live in Kigali

Itsinda 'Joyous Celebration' rikomeye mu muziki wo kuramya no guhimbaza Imana muri Afurika y'Epfo ryatumiwe i Kigali mu gitaramo bagomba gukorera muri BK Arena ku wa 29 Ukuboza 2024.

Iri tsinda riri mu afite amazina akomeye mu muziki wo kuramya no guhimbaza Imana muri Afurika ndetse no ku Isi muri rusange, by'umwihariko bakaba babimazemo imyaka irenga 30.

Ni itsinda ryashinzwe mu 1994, kuri ubu rikaba rimaze gukorera muri studio album umunani zisanga izindi icyenda bakoze mu buryo bwa Live. Amakuru ahari ahamya ko iri tsinda ry'abanyabigwi mu muziki wo kuramya no guhimbaza Imaarizagera i Kigali rigizwe n'abantu barenga 45.

Mu ndirimbo zabo zikunzwe cyane, harimo iyitwa ‘Bekani Ithemba,’ ‘Alikho Lelifana,’ ‘Awesome is your name,’ ”I Am the winner,’ ‘Who Am I,’ ‘Wenzile,’ ‘Wakhazimula,’ ‘Tambira Jehova,’ ‘Iyo Calvari’ n’izindi nyinshi zagiye zirebwa na za miliyoni kuri YouTube.

Joyous Celebration itegerejwe mu Rwanda mu gitaramo cyiswe “Joyous Celebration Live in Kigali”. Iki gitaramo cyateguwe na Sion Communication na Zaburi Nshya Events, kizaba tariki 29 Ukuboza 2024, muri BK Arena. Alarm Ministries iri mu bazaririmba muri iki gitaramo.

Igitaramo Joyous Celebration bazakorera mu Rwanda kiri mu bitaramo bikomeye 6 bagiye gukora mu mpera za 2024. Ni ibitaramo bise “Joyous Celebration 28 Summer Tour” bizaherekeza umwaka uyu mwaka.

6.     Safi Madiba azamurikira Album i Kigali

Umuhanzi akaba n’umwanditsi w’indirimbo, Niyibikora Safi wamamaye nka Safi Madiba agiye gukorera igitaramo cye cya mbere mu Mujyi wa Kigali nyuma y’imyaka ine ishize abarizwa mu Mujyi wa Vancouver mu gihugu cya Canada.

Uyu muhanzi uherutse gushyira ku isoko Album yise “Back to Life” yagaragaje ko azataramira i Kigali ku wa Gatandatu tariki 7 Ukuboza 2024, mu gitaramo azahuriramo n’abandi barimo nka Phil Peter, Uwase Muyango Claudine witabiriye amarushanwa ya Miss Rwanda 2019, Dj Brianne n’abandi.

Mu guteguza iki gitaramo, Safi Madiba yagize ati: “Nishimiye kugaruka mu rugo, kandi niteguye kuzasabana n’abantu banjye.” Ni igitaramo yavuze ko kizabera kuri The Green Lounge ku Kicukiro.

Ni cyo gitaramo cya mbere Safi Madiba agiye gukorera i Kigali nyuma y’imyaka ine ishize atangiye urugendo rw’umuziki nk’umuhanzi wigenga.

Iki gitaramo agiye gukorera i Kigali azagihuza no kumurika Album ye 'Back to Life' aherutse gushyira ku isoko iriho indirimbo na “Got it” yakoranye na Meddy, ‘Kinwe kimwe’, ‘Good Morning’, ‘Nisamehe’ yakoranye na Riderman, ‘Sound’;

‘Remember me’, ‘I wont lie to you’, ‘I love you’, ‘Kontwari’, ‘Hold me’ na Niyo D, ‘Igifungo’, ‘In a Million’ na Harmonize, ‘My Hero’, ‘Original’, ‘Muhe’, ‘Fine’ na Rayvanny, ‘Ntimunywa’ na Dj Marnaud ndetse na ‘Vutu’ na Dj Miller. 

7.     Ibitaramo bibiri bitegerejwemo Teta Diana i Kigali

Teta Diana umaze igihe akorera ibikorwa by'umuziki muri Suède ategerejwe mu Mujyi wa Kigali, aho ateganya gukorera ibitaramo bibiri birimo icyo azakorera kuri 'Institut Français du Rwanda' n'ikizabera kuri 'Atelier du Vin'.

Mu minsi ishize ni bwo 'Institut Français du Rwanda' yari yatangaje urutonde rw'ibitaramo bizahabera birimo icya Teta Diana giteganyijwe ku wa 6 Ukuboza 2024.

Ku rundi ruhande muri 'Atelier du Vin' bahise baha ikaze uyu muhanzikazi mu gitaramo cyiswe 'Ingata y'umuco' giteganyijwe ku wa 8 Ukuboza 2024. Iki gitaramo Teta Diana azaba agihuriramo n'Itorero Inganzo Ngari, n'Intore Umukondo Gatore.

Teta Diana azataramira i Kigali nyuma y'imyaka irenga ibiri atahakorera igitaramo dore ko icyo yaherukaga cyabaye ku wa 8 Werurwe 2022.

Iryo sanganya ryabaye ku Cyumweru ku itariki ya 1 Ukuboza 2024, zakurikiye umukino wahuje N'zérékoré FC na Labé FC, mu majyepfo ya Guinée Conakry.

Mu butumwa yanyujije ku rubuga rwa X kuri uyu wa 4 Ukuboza 2024, Perezida Kagame yagize ati “Nihanganishije cyane umuvandimwe wanjye, Perezida General Mamadi Doumbouya n'abaturage ba Guinée ku bw'ubuzima bw'abantu bwaburiye mu isanganya ryabereye kuri stade muri N'Zérékoré. Twifatanyije n'imiryango y'ababuze ababo n'abaturage ba Guinée muri rusange”.

Uyu mukino wabereyemo iryo sanganya, wahuzaga amakipe yombi atarabigize umwuga, yahataniraga irushanwa ryitiriwe Perezida Gen Mamadi Doumbouya.

Imvururu zakomotse ku kutishimira ibyemezo by'umusifuzi, aho abafana ba Labé bavugaga ko ikipe yabo iri kwibwa kuko yahawe amakarita abiri y'umutuku ndetse mu minota ya nyuma, aha penaliti N'zérékoré yari mu rugo.

Abafana ba Labé bahise batangira gutera amabuye aba N'zérékoré, gushyamirana gutangira ubwo, abantu bakwira imishwaro, abana barakandagirwa, abakuru burira uruzitiro. Ni mu gihe Polisi yateye ibyuka biryana mu maso igerageza guhosha imvururu ariko biba iby'ubusa.

Polisi yo muri iki gihugu yatangaje ko abarenga 56 aribo bamaze kwitaba Imana, abarenga 100 bakomeretse bikabije, mu gihe abarenga 2000 bakomeretse.

Perezida Gen Mamadi Doumbouya yihanganishije ababuriye ababo muri izi mvururu, asezeranya ubufasha abayikomerekeyemo.

Yagize ati 'Ndihanganisha ababuriye ababo mu isaganya ryabaye nyuma y'umukino mu Mujyi wa N'zérékoré. Ndifuriza kandi abakomeretse gukira vuba. Inzezo z'ubuzima zirakora ibishoboka byose ngo abakomeretse bitabweho kandi vuba.'

Amarushanwa nk'aya, yamamaye cyane muri Afurika y'Iburengerazuba aho azwiho kugira ubwitabire bukomeye cyane.

U Rwanda na Guinea ni ibihugu bikomeje kubaka umubano n'imikoranire igamije guteza imbere abaturage mu bihugu byombi.

Muri Mutarama 2024, Perezida w'inzibacyuho wa Guinée-Conakry, Général Mamadi Doumbouya, yagiriye uruzinduko mu Rwanda, ndetse ibiganiro abakuru b'ibihugu byombi bagiranye, byagaragaje ko hashyizwe imbere ubufatanye mu ngeri zitandukanye zigamije iterambere ry'abaturage.

Uru ruzinduko rwanasize Gen Doumbouya afunguye ku mugaragaro Ambasade y'iki gihugu mu Rwanda.

Perezida Gen Doumbouya kandi yanitabiriye ibirori by'irahira rya Perezida Kagame, muri Kanama 2024.

Umubano mu bya dipolomasi hagati y'u Rwanda na Guinea washibutse mu ruzinduko Perezida Paul Kagame yagiriye muri icyo gihugu tariki 17 na 18 Mata 2023, ahasinyiwe amasezerano mu ngeri zitandukanye zirimo n'ikoranabuhanga.

Mu Ukwakira 2023 ni bwo Guinea Conakry yatangaje ko yafunguye Ambasade yayo i Kigali, nyuma y'amezi atatu Souleymane Savané agenwe nka Ambasaderi wa Mbere w'icyo gihugu mu Rwanda.

Perezida Paul Kagame yihanganishije mugenzi we wa Guinée, Gen Mamadi Doumbouya ku bw’abaturage baherutse kugwa mu mvururu muri Stade.

Mu biribwa abenshi mu bato n'abakuru bakunda nyuma y'inyama hakurikiraho ifiriti, bikagaragaza uburyo ibirayi ari kimwe mu biribwa bikenerwa cyane ku isoko.

Mu gihembwe cy'ihinga cya 2024 B, ibirayi byahinzwe ku buso bungana na hegitari 41,836, mu gihe mu gihembwe nk'icyo mu 2023 byari byahinzwe kuri hegitari 48,210 byanagize ingaruka ku musaruro wabyo kuko wavuye kuri toni 326,677 zari zabonetse mu gihembwe cya 2023 B, ugera kuri toni 285,596 zabonetse mu gihembwe cya 2024 B.

Umuhuzabikorwa wa gahunda ishinzwe ubushakashatsi ku bihingwa by'ibinyabijumba n'ibinyamizi muri RAB, Athanase Nduwumuremyi, yatangaje ko hari gahunda yo kuzamura umusaruro w'ibirayi binyuze mu gutunganya imbuto zujuje ubuziranenge.

Ati 'Mu myaka nk'ibiri ishize hari imbuto zigera muri 11 twasohoye, izo mbuto zikwiye kugera ku bahinzi kugira ngo umusaruro wiyongere.'

Yavuze ko mu bushakashatsi bakora basanga umusaruro w'ibirayi ukwiye kugera kuri toni hagati ya 30 na 40 ariko mu murima w'umuturage bikabarwa ko hashobora kwera toni 25 kuri hegitari.

Ati 'Iyo ni yo ntego yacu kandi izo mbuto zose nshya zishoboye guhingwa n'abahinzi uwo musaruro zishobora kuwugeraho ariko ntabwo bawugeraho nanone badakoresheje inyongeramusaruro n'ubundi buryo bwo guhinga neza,'

'Izo mbuto nshya ni iziza zunganira izari zisanzwe zihari ariko zimaze imyaka zihingwa n'abaturage ku buryo batangiye kugenda bazimenya nk'izitwa twihaze, iyitwa cyerekezo yera hose mu gihugu, n'iburasirazuba barayihinga kandi hari n'izindi nshya zizaza mu minsi iri imbere.'

Kuki izi mbuto zitagera ku bahinzi bose?

Nduwumuremyi yagaragaje ko ibihingwa by'ibinyabijumba n'ibituburwa hadakoreshejwe intete bitihuta mu kubitubura mu gihe imbuto y'ibinyamisogwe iboneka mu gihe gito.

Ati 'Tuvuge iyo uhinze ikigori ushobora kuvanaho imbuto zirenga 300 ariko iyo uhinze ikirayi kimwe uvanaho ibirayi birindwi. Uburyo dutubura imbuto rero ntabwo bwihuta cyane nubwo dufite ikoranabuhanga ryo gutubura imbuto vuba vuba.'

Yanavuze ko abahinzi badafite umuco wo guhita bahinduka bagana ibishya ariko mu gihe cyo gutubura imbuto hagenderwa ku ziri gusabwa cyane n'abaturage.

Ati 'Iyo rero imbuto zikiri nshya turazitubura tugatangira gukora uturima shuri hamwe n'abahinzi, kugira ngo nibashima bazaze gusaba imbuto muri RAB. Ubu rero igikorwa cyo gukora uturima shuri cyararangiye abaturage batangiye no kuzisaba twizera ko mu myaka mike iri imbere abahinzi bashobora kuzaba bazihinga kandi iyo urebye Gahunda ya Gatanu yo Kuvugurura Ubuhinzi n'Ubworozi (PSTA 5) harimo ko tugomba kongera umusaruro w'ibirayi ukava kuri toni 8,5 kuri hegitari tukagera nko kuri toni nka 18 muri rusange ku bahinzi bose ariko bitabujije ko hari abahinzi bashobora kubona toni 30.”

Yavuze ko hari icyizere ko mu myaka iri imbere icyuho gihari kizarangira, kuko hari imbuto nyinshi z'ubwoko butandukanye.

Ati 'Imbuto yitwa 'Cyerekezo' ni imbuto ikunzwe dutekereza ko izanasimbura iyitwa Kinigi, kuko ni imbuto ya kera yatangiye gucika intege iyo mbuto rero irakunzwe cyane.'

Gusa hari n'ubundi bwoko bwo muri izi mbuto nshya bukundwa n'abo mu bice bitandukanye by'igihugu bitewe n'aho bwera.

Mbituyumuremyi yatangaje ko mu myaka 20 ishize u Rwanda rwihazaga ku birayi rugasagurira n'amasoko yo hanze ariko ubu ibikomoka mu mahanga na byo bigaragara ku isoko ry'imbere mu gihugu.

Ati 'Ibirayi byajyaga no mu bihugu bidukikije gucuruzwayo. N'ubu biragenda ariko natwe dukenera ibindi ariko mu gihe kiri imbere dushobora kuzaba tweza byinshi tugasagurira n'abandi.'

RAB ivuga ko imbuto z’ibirayi yatunganyije zose ziramutse zihinzwe umusaruro wakwiyongera cyane