Author: webrwanda

Muri Werurwe 2023, ni bwo byatangajwe ko Coach Gael yemereye Fireman kumukorera Album ye. Kuva icyo gihe, uyu muhanzi yumvikanye cyane mu itangazamakuru, yumvikanisha ko ashima Coach Gael, kandi ko ategereje ko inkunga izamugeraho. 

Mu myaka ibiri ishize, uyu muhanzi yakoze indirimbo zigize EP ye ‘Bucyanayayandi’, ariko agorwa cyane no kubona amafaranga yo kuyisohora.

Mu kiganiro na InyaRwanda, Fireman yavuze ko amafaranga yemerewe na Coach Gael ari yo yamufashije gusohora iyi EP.

Ati “Uribuka ko umusaza yigeze kuntamo se? (Aravuga Coach Gael). Ni umwe mu bantu bacye bantayemo. Ni yo mpamvu nshima Imana n’abantu bacye, nawe buriya aba arimo.”

Yavuze ko yari afite gahunda yo gukora Album, ariko bitewe n’ubushobozi yari afite, ndetse n’inkunga yahawe na Coach Gael yahisemo gukora EP.

Ati “Zimwe mu ndirimbo ziri kuri EP ni imwe mu ntero z’ibyo nari nakoze ku ntero y’uriya musaza (Coach Gael). Urumva ko rero yagize uruhare rukomeye cyane, nawe buriya aba ari ku mutima.”

Uyu muraperi ari ku rutonde rw’abaraperi bazaririmba mu gitaramo “Icyumba cya Rap” kizaririmbamo abaraperi 13.

Ni igitaramo kizabera kuri Canal Olympia, Ku wa Gatanu 27 Ukuboza 2024. Mu rwego rwo kwitegura iki gitaramo, aba baraperi bamaze iminsi bifashisha imbuga nkoranyambaga zabo, bagaragaza ko biteye gutanga ibyishimo.

Inyandiko zinyuranye zivuga kuri uyu muraperi, zigaragaza ko yatangiye umuziki aririmba injyana ya Rn'B aho yitwaga izina rya Gintwd.

Nyuma yaje guhindura ajya muri Hip Hop muri 2004 ari kumwe na Bulldogg na Jay C bakora itsinda biyita Magic Boyz bakorera muri TFP indirimbo ya mbere.

Kubera ko nta mbaraga umuziki wo mu Rwanda wari ufite muri iyo myaka byarabagoye cyane. Muri 2005-2006 Fireman we na Bulldogg baje gukora irindi tsinda ryitwaga United Monsterz bari kumwe na Kaviki hamwe na Matt.

Iri tsinda naryo ntibaje kurambamo kubera ko bananiranye n'uko muri 2008 Fireman na Bull Dogg barakomeza bahura na Green P na Jay Polly bakora itsinda baryita Tuff gang.

Nyuma nibwo haje kuza undi muhanzi witwa P Fla abiyungaho baba batanu. Indirimbo ya mbere yaririmbyemo ni 'Ibyanjye ndabizi' aho yari kumwe na Diplomate, Masho Mampa, ndetse na P.Fla yaje gukomeza akora indirimbo nyinshi zirakundwa cyane nka 'Nyita tuff', 'impande zanjye ni umwanda', 'Ndabura', 'Bana bato' n'izindi.

Fireman yakoranye n'abandi bahanzi indirimbo nyinshi. Kandi yumvikanye cyane mu ndirimbo nka 'Inkovu z'amateka' ari kumwe na Babbly, Green P., Jay Polly, Bulldogg n'abandi.

Umuraperi Fireman yatangaje ko kubasha gukora EP no kuyishyira hanze, byaturutse ku mafaranga yahawe na Coach Gael 

Fireman ari mu myiteguro yo gutaramira abakunzi be mu gitaramo 'Icyumba cya Rap' kizaba ku wa Gatanu tariki 27 Ukuboza 2024 

KANDA HANO UBASHE KUMVA EP FIREMAN YISE 'BUCYANAYANDI'

Mu butumwa bwuje impanuro, Madamu Jeanette Kagame yatangaje ko buri mwaka mu Ukuboza, Umujyi wa Kigali ugenda uhinduka Umurwa Mukuru w'Isi w'abakundana n’abashyingiranwa ibituma iminsi mikuru iba myiza kurushaho. Yagaragaje ko ibi bihe biba ari ibihe byo kwishima, aho urukundo rugira uruhare runini. 

Yakomeje agira ati: 'Nizera ko imitima yacu yaremewe guhora yuzuye. Ndifuza ko twese twagira ukuzura guterwa no gukunda no gukundwa. Ariko ikibazo gihari ni iki: Bizasaba iki? Nyuma ya byose, ntushobora gusarura icyo utabibye.'

Yashimangiye ko abantu bose bishimira gukundwa, ariko ugasanga hari abaterwa ubwoba n’uko bitazagenda neza ugasanga bacitse intege zo gushaka. 

Ati: 'Tubona inkuru ziduhatira kumva uruhande rumwe. Izigaruka ku ntsinzi zishobora kunigwa n'izo z'ubuhemu. Kubona bimwe mu biganiro bigezweho ku rushako biteye inkeke kandi bishobora no guca intege.'

Aha ni ho Madamu Jeannette Kagame yahereye ashimangira ko urubyiruko rwinshi rusigaye rufite amakuru mabi ku rushako, aho ruhitamo gukomeza kuba ingaragu ahanini rubitewe n’ayo makuru cyangwa se ibikomere bahuye na byo ahahise.

Ati: “Ariko urushaho, kimwe n’ikindi kintu cyose cy’agaciro, rukenera imbaraga, kwihangana no kwizera kugira ngo rubashe kugera ku nsinzi.”

Yasabye buri wese  kumenya ko urushako ari umuhamagaro uva ku Mana kandi ko abantu batandukanye baberaho kuzuzanya bagakundana hatitawe ku ntege nke za buri umwe. 

Ati: “Kubana ni ukuzuzanya, aho abantu babiri bahurira hamwe, batandukanye ariko bakuzuzanya kugira ngo bubake ikintu cyiza.Bisaba kwigomwa, kuba inyangamugayo, no guhora ukura. Hatabayeho izi mbaraga, urugo nturushobora gukomera. Imiryango ntabwo ari umutego ahubwo ni imigisha izana intego, imbaraga n’ibyishimo mu buzima bwacu.”

Madamu Jeannette Kagame yakomeje agaragaza ko abantu b’iki gihe usanga bafite intekerezo zipfuye ku mubano, bakiremamo icyizere kidahari ibyo usanga birangira byangije amarangamutima yabo. Ati: “Nta mubano utunganye, byose bisaba gukora, kwihangana no gukura mu mutwe. Ingorane ntizizabura ariko kuzitsinda byubaka ikintu gikomeye.”

Yavuze ko imiryango mizima ari yo zingiro rya sosiyete ikomeye. Ysabye ababyeyi kurera neza abana babo kuko ari bo shingiro ry’ejo hazaza h’Igihugu.

Ati: “Muri iki gihe cy’ibiruhuko by’iminsi mikuru, reka dufate inshingano, twiyemeze nk’uko bigomba kugenda no mu rukundo.”

Madamu Jeannette Kagame yavuze ko yahisemo gusangiza abantu aya masomo kuko yizeye ko ari ingirakamaro ku bakiri bato, agaragaza ko yizera ko abagize umuryango bashobora guca mu bihe byose bari kumwe.

Yasoje yifuriza abantu bose ibiruhuko byiza by’iminsi mikuru, yifuriza imiryango mishya guhorana amahoro n’urukundo.

Madamu Jeannette Kagame yatanze inama ku bakiri bato bifuza kubaka imiryango myiza

Aya mafaranga yatanzwe ni miliyoni 255$ (arenga miliyari 355 Frw), azifashishwa mu mushinga uzwi nka Green Finance, Investment and Trade Project (GreenFit).

Uyu mushinga ugamije guteza imbere urwego rw'abikorera, rugomba kugira uruhare mu iterambere ry'ubukungu bw'u Rwanda mu myaka iri imbere. Gusa uru rwego rugomba no gushyiraho ingamba zituma ishoramari rukora ritangiza ibidukikije kuko iyo bigenze gutyo, bigira ingaruka kuri rya terambere ryose muri rusange.

Muri urwo rwego, aya mafaranga azagira uruhare mu gutuma u Rwanda rugera ku ntego rwihaye yo kugabanya imyuka yangiza ikirere. Intego ni uko mu 2030, ruzaba rwagabanyije 38% byayo.

Mu byo aya mafaranga azafasha harimo gukomeza kwitegura kugira ngo u Rwanda rushake uburyo bwo kubyaza umusaruro ibijyanye n'ishoramari rigamije kugabanya imyuka yangiza ikirere (carbon market).

Ni isoko rikiri rishya ku Isi aho ibihugu biteye imbere, ari nabyo byagize uruhare mu guhumanya ikirere, bigira uruhare mu gukora ishoramari mu bihugu bikiri mu nzira y'amajyambere, biri mu bigirwaho ingaruka n'iri humana ry'ikirere, kugira ngo bishobore guhangana nabyo, mu gihe ibihugu byateye imbere bikiri kugabanya imyuka yangiza ikirere byoherezayo.

Iri shoramari rizafasha urwego rw'abikorera mu kurushaho kugira uruhare mu iterambere ry'u Rwanda, cyane ko rwifuza kuba mu bihugu bifite ubukungu buciriritse nibura kugera mu 2035. Ibigo by'ubucuruzi n'imishinga y'abagore ni bimwe mu bizafashwa cyane muri iyi gahunda.

Banki y'Isi yahaye u Rwanda arenga miliyari 355 Frw azifashishwa mu guteza imbere ibikorwa by'ishoramari ry'abikorera ariko rirengera ibidukikije

Byabaye kuri uyu wa Gatatu tariki 25 Ukuboza 2024, mu gihe Abakristu hirya no hino ku Isi bizihiza Umunsi Mukuru wa Noheli. Ni Umunsi udasanzwe ku Bakristu, kandi hari abantu benshi bahitamo gutangira gukorera Imana bakabatizwa. 

Emery Bayisenge, Nyabitanga Nicole ndetse na Chelina babatijwe mu mazi menshi mu muhango wabereye mu Itorero Calvary Wide Fellowship Ministries, uyoborwa na Apotre Christophe Sebagabo. 

Nyabitanga yabwiye InyaRwanda, ko “Nishimiye kwakira Yesu Kristo nk’umwami n’umukiza wanjye. Ubu natangiye ubuzima bushya muri Kristo.”

 

Akomeza ati “Amahoro yo mu mutima, ndumva mbohotse gusa si ibya aka kanya ahubwo nibyo kuva nafata uyu mwanzuro wo gusenga no gusengerwa.”

Emery Bayisenge wabatijwe, azwi cyane mu ikipe y’Igihugu Amavubi, ndetse muri iki gihe akinira Gasogi United. Nyabitanga azwi cyane muri Cinema Nyarwanda, ndetse ni umwe mu bagize itsinda rya Zuby Comedy. Ni mu gihe Chelina, ari umwe mu bakobwa bazwi mu bijyanye na 'Hosting' akorera mu tubyiniro tunyuranye.

Kubatizwa ni ukwibiza a umuntu mu mazi. Bibiliya irimo ingero nyinshi z'abantu babatijwe (Ibyakozwe 2:41). Umwe muri bo ni Yesu Kristo wabatirijwe mu mugezi wa Yorodani (Matayo 3:13, 16). Hashize imyaka mike, hari umugabo wo muri Etiyopiya wabatirijwe mu 'kidendezi cy'amazi' cyari hafi y'umuhanda yanyuragamo.—Ibyakozwe 8:36-40.

Yesu yigishije abigishwa be ko bose bagomba kubatizwa (Matayo 28:19, 20). Intumwa Petero nawe yasubiyemo iyo nyigisho—1 Petero 3:21.

Kubatizwa ni ikimenyetso umuntu akorera mu ruhame kigaragaza ko yihannye ibyaha, akiyegurira Imana kandi akiyemeza gukora ibyo ishaka. Ibyo bikubiyemo kubaho yumvira Imana na Yesu. Iyo umuntu abatijwe aba atangiye kugendera mu nzira igana ku buzima bw'iteka. 

Kwibizwa mu mazi ni ikimenyetso cyiza kigaragaza ko umuntu yahinduye imibereho ye. Mu buhe buryo? Bibiliya igereranya umubatizo no guhambwa (Abaroma 6:4; Abakolosayi 2:12). Kwibizwa mu mazi, bigereranya gupfa ku bihereranye n'imibereho umuntu yari asanzwe abayemo. Iyo yuburutse mu mazi bigaragaza ko atangiye ubuzima bushya bwo kubaho nk'Umukristo. 

Umukinnyi w'umupira w'amaguru, Emery Bayisenge na Nyabitanga Nicole nyuma yo kubatizwa mu mazi menshi, bakiyemeza kwakira Yesu nk'umwami n'umukiza 

Chelina [Ubanza iburyo] yabatijwe kuri uyu wa Gatatu tariki 25 Ukuboza 2024, mu gihe Abakristu bizihiza Umunsi Mukuru wa Noheli 

Apotre Christopher Sebagabo wabatije Emery Bayisenge na Nyabitanga Nicole

Mu Ugushyingo 2024, umwe mu banditsi b'irangamimerere mu mirenge yo mu cyaro, yavuze ko hari abantu bafite imyaka 18 kugeza kuri 20 bajya bagana umurenge ayobora bashaka gushyingirwa, akababwira ko bisaba kwandikira umwanditsi w'irangamimerere ku karere akaba ari we usuzuma niba impamvu zatuma bashyingirwa zumvikana. Ikibabaje ni uko abenshi bahitamo guhita bishyingira aho kunyura inzira yabarangiye.

Ingingo ya 197 mu itegeko rigenga umuryango ryatowe muri uyu mwaka yagarutsweho cyane, ivuga ko 'imyaka yo gushyingirwa ni 21 nibura.'

Ikomeza ihamya ko 'umuntu ufite nibura imyaka 18 y'amavuko ariko utaragira imyaka yo gushyingirwa ashobora kwemererwa gushyingirwa ku mpamvu zumvikana iyo abisabye mu nyandiko umwanditsi w'irangamimerere ku rwego rw'Akarere.'

Abarwanyije iyi ngingo batangaga ibitekerezo ko umuntu ufite imyaka 18 aba agifite byinshi atarageraho birimo amasomo no kuba nta bushobozi mu mafaranga afite bwatuma atunga urugo. Hari n'abagaragaje ko amagufwa ye aba atarakomera ku buryo yashobora gutwita no kubyara, ubushobozi buke mu mitekerereze ugereranyije n'inshingano z'urugo n'ibindi.

Iri tegeko ryagarutsweho cyane kuva ritangiye kuganirwaho kugeza ritowe ririmo n'ingingo zerekeye gatanya, zigaragaza impamvu n'igihe abashakanye baramutse batandukanye bashobora kugabana umutungo baringanije.

Byashyizwe mu itegeko nyuma y'uko hari abavuzweho kwinjira mu mushinga wo kubaka urugo bakuruwe n'imitungo y'abo bashakanye ku buryo urugo rutamaraga kabiri.

Kuri ubu abashyingiranywe iyo bagiye kwaka ubutane 'bisabwe n'umwe mu bashyigiranywe bataramara imyaka itanu babana mu gihe cy'urubanza rw'ubutane, urukiko rushobora gutegeka ko abashyingiranywe batagabana imitungo n'imyenda ku buryo bungana rumaze gusuzuma impamvu usaba ashingiraho, buri wese agahabwa ibihwanye n'uruhare rwe ku mitungo.'

Ku babana mu buryo butemewe n'amategeko na bo byasubiwemo ntibazongera gutaha amara masa kuko ibyo bagezeho bari kumwe buri wese aba abifiteho uburenganzira.

Ingingo yo gutwitira undi iracyavugisha benshi

Umushinga w'itegeko rigenga ubuvuzi mu Rwanda ukiri gusuzumwa mu Nteko Ishinga Amategeko umutwe w'Abadepite, urimo ingingo zazamuye amarangamutima ya benshi ashingiye ku muco nyarwanda.

Ibyo kubyara hifashishijwe ikoranabuhanga byatumye benshi bivayo bagaragaza ko uwatwita umwana bitoroshye kumuha abatanze intanga.

Depite Murora Beth we yagaragaje ko bikwiriye gutekerezwaho neza hagashakwa uko abana bazavuka muri ubwo buryo n'abanyeyi babo baherekezwa ku buryo batazagira ibibazo byo mu mutwe kubera kubaho badafite inkomoko.

Ati 'Kuba [uwabuze urubyaro] yabona urubyaro ni byiza ariko uwo mwana nakura agatangira kubaza umubyeyi inkomoko ye, nkeka ko twabireba neza tukabiherekeza kugira ngo umwana ntazagire ikibazo cyo mu mitekerereze gitewe no kuba adafite inkomoko.'

Kuboneza urubyaro ku bafite imyaka 15 ntibirakirwa

Byatangiye ari igitekerezo gitanzwe n'umwe mu bayobozi kuri X yahoze ari Twitter, akoresha amatora benshi barabishyigira abandi barabirwanya. Uyu mushinga ukiri kwigwaho kandi ufite amahirwe menshi yo gutorwa n'Inteko Ishinga Amategeko ugahinduka itegeko rikurikizwa.

Nirimara gutorwa, umwana ufite imyaka 15 azaba ashobora kujya ku kigo cy'ubuvuzi gusaba serivisi zo kuboneza urubyaro adaherekejwe n'umubyeyi.

Inzego z'ubuzima zigaragazako iri tegeko rigamije guhangana n'ikibazo cy'inda ziterwa abangavu kuko buri mwaka ababyara baba barenga ibihumbi 20, bigasobanurwa ko izindi ngamba zageragajwe ariko zikananirwa.

Umuryango utari uwa Leta uharanira guteza imbere ubuzima, HDI, wari umaze iminsi ugaragaza ko mu gihe umuntu akenera gukora imibonano mpuzabitsina bisobanuye ko anakenera kwirinda gusama cyangwa gutera inda.

Ubushakashatsi butandukanye bugaragaza ko hari abana batangiye gusambana bafite imyaka 10 kuzamura.

Umunyamahanga yemerewe gukora mu nzego za Leta

Mu mpinduka zakozwe mu mategeko y'u Rwanda muri Gicurasi 2024 harimo umushinga w'itegeko wagejejwe mu Nteko Ishinga Amategeko na Depite Odette Uwamariya.

Iri tegeko ryamaze no gutorwa ryemerera abanyamahanga gukora mu nzego za Leta aho ufite ubumenyi bwihariye ashobora guhabwa akazi kugira ngo abenegihugu bamurahureho ubumenyi.

Benshi mu baritanzeho ibitekerezo bagaragazaga ko ari igisubizo ku nzego zimwe usanga hataraboneka inzobere mu gukora imirimo imwe kandi ikenewe cyane.

Ryanagennye ko ikiruhuko ku mugore wabyaye cyangwa undi mukozi wa Leta wagize ibyago cyongerwa. Kuri ubu umugore wabyaye ahabwa ibyumweru 14 by'ikiruhuko mu gihe umugabo wabyaye ahabwa iminsi irindwi ikurikiranye.

Ibimina byahawe umurongo

Ubushakashatsi bwa FinScope 2024 bwaragaje ko Abanyarwanda barenga 60% babitsa bakoresheje uburyo butanditse burimo n'ibimina, mu gihe abenshi babikoresha baka inguzanyo zigamije kwiteza imbere.

Ni itegeko ryatowe muri Nyakanga 2024, bishyira iherezo ku bikorwa bya bamwe byatumaga baka inguzanyo mu bimina cyangwa abari ababitsi bayagiraga ayabo.

Abenshi mu bavuze kuri iri tegeko bagarutse ku bwambuzi n'ubuhemu bukorerwa mu bimina, bugahombya batari bake ndetse bitarahinduka baburaga aho babariza.

Ubu ibimina byose bigengwa n'iteka rya Minisitiri w'Imari n'igenamigambi kandi bikimara kwandikwa ku rwego rw'umurenge bituma bigira ubuzima gatozi ku buryo bishobora gukurikirana inyungu zabyo mu mategeko cyangwa na byo bigakurikiranwa mu mategeko.

Havugwa byinshi mu byaranze itorwa ry'amategeko ariko kuyavuga si ko kuyamara. IGIHE ikwifurije gusoza neza umwaka no kuzagira amahirwe mu mushya.

Ingingo yo gutwitira undi iri mu mushinga w’itegeko rigenga ubuvuzi mu Rwanda yavugishije benshi mu 2024

IGIHE yazengurutse hirya no hino mu Mujyi wa Kigali, aho abakirisitu bari babukereye, dore ko ahagana saa yine z'ijoro ryo ku itariki ya 24 Ukuboza, insengero nyinshi na za kiliziya zari zuzuyemo abakirisitu bafite akanyamuneza, bishimira uwo munsi w'umugisha kuri bo.

Twahereye mu Mujyi wa Kigali rwagati, aho Arkiyepiskopi wa Kigali, Antoine Cardinal Kambanda, yayoboye Igitambo cya Misa yabereye muri Cathédrale Saint-Michel.

Yavuze ko abakirisitu bakwiye kwinjira muri Noheli bafite ubutumwa bw'inkuru nziza kandi ishimishije y'urukundo Imana yakunze abantu, abasaba kubana mu mahoro no guharanira ubumwe mu muryango Nyarwanda.

Ati 'Ni ubutumwa bw'inkuru nziza ishimishije, y'uko umukiza yatuvukiye, bikaduha amizero kuko yaje aduhishurira Imana idukunda kandi ishobora byose. Kuba rero dukunzwe n'Imana kugeza n'aho yemera kuza kubana natwe, bikaduha ubuzima burusha urupfu imbaraga.'

Yakomeje ati 'Bikaduha urumuri rutwereka ko turi abavandimwe twese, iyo umuntu ari mu mwijima ntabwo amenya uwo bahuye ahubwo uwo muhuye wese uramwikanga. Urwo rumuri rero yatuzaniye rutuma tubona ko turi abavandimwe kandi duhuje umubyeyi, bigatuma tubana mu mahoro.'

Yagaragaje ko abakirisitu bakwiye kubana neza mu miryango ndetse yemeza ko gusabana no kwishima mu miryango bikwiye kujyana no kuzirikana ko kwizera Yezu ari ishingiro rya byose.

Yavuze ko umwaka wa 2024 ari umwaka wagenze neza muri Kiliziya Gatolika kandi ko uvuze byinshi kuko hashize imyaka 125 urumuri rw'ivanjili rutashye mu Rwanda.

Rugwizangoga Mireille yavuze ko Noheli yibutsa abakirisitu ko Imana yashatse uburyo bwo gucungura abari mu Isi nyuma yo kuyigomera bityo ko bagomba kuyizihiza bashima Imana, bayihimbaza kandi bakayambaza.

Cynthia Ishimwe uririmba muri Chorale de Kigali yavuze ko abakirisitu muri ibi bihe bya Noheli bakwiye kwishimana n'imiryango ariko bazirikana ku gutekereza ku rukundo.

Ati 'Ntibe iyo gusabana n'ibirori gusa nubwo nabyo ari byiza ariko mu mitima yabo buri wese buri umwe wese yitekerezeho, ibi byishimo babisakaze hose, Noheli izana amahoro, ubusabane mu miryango, babitekerezeho kandi babisigasire.'

Muri ADEPR abakirisitu bishimiye guterana mu gitaramo cya Noheli basabwa kuzirikana impamvu Kirisitu yemeye kwitangira Itorero.

Umushumba Mukuru wa ADEPR, Ndayizeye Isaïe, yabwiye IGIHE ko umwaka wa 2024 wabaye mwiza ku Itorero nubwo usize hari zimwe mu nsengero zigifunzwe.

Yashimangiye ko hari gukorwa ibishoboka ngo insengero ziri hirya no hino mu gihugu za ADEPR zitujuje ibisabwa zibikore ku bufatanye n'abakirisitu bayo.

Abakirisitu b'Itorero Église Presbyteriénne au Rwanda [EPR] mu Kiyovu bitabiriye igitaramo cya Noheli ari benshi bashimangira ko ibibutsa urukundo rw'Imana.

Umukirisitu w'Itorero rya Zion Temple Celebration Center, Butera André, yagaragaje ko Noheli ari umunsi wo gusabana n'Imana mu mwuka, kugendera mu Ijambo ry'Imana.

Ati 'Tukavuga ibyanditswe byera, tukabisubiramo, tukabisobanura tukavuga gukomera kw'Imana no gukiranuka kwayo, tukiyumvisha ko Imana ari umwuka ariko bitabujije ko mu mibereho yacu ya muntu y'umubiri dushobora kubyizihiza ariko bidahabanye n'uburyo umwuka wacu ugomba kwitwara.'

Buri mwaka tariki ya 25 abayoboke b'amadini n'amatorero yizera Yesu hirya no hino ku Isi yizihiza umunsi mukuru w'ivuka ry'Umwana w'Imana, ari we Yesu/Yezu.

Ni umunsi wahawe umugisha n'amahanga ndetse no ku ngengabihe zitandukanye ugirwa ikiruhuko ku bakozi ngo hato hatazagira ubuzwa uburenganzira bwe bwo kuwizihiza.

Muri Kiliziya Gatolika

Antoine Cardinal Kambanda yayoboye igitambo cya misa mu gitambo gitangizwa

Abakirisitu ba Kiliziya Gatolika basabwe gukomeza kuzirikana Noheli

Abakirisitu ba Kiliziya Gatolika basabwe gukomeza kuzirikana Noheli

Antoine Cardinal Kambanda agiye gusengera ukarisitiya

Imbere muri Kiliziya baba bahateguye bijyanye n’iminsi mikuru

Antoine Cardinal Kambanda yasabye abakirisitu kugendena na gahunda no kunga ubumwe nk’umuryango

Muri EPR Kiyovu, abakirisitu bari bitabiriye igitaramo cya Noheli

EPR KIyovu

Amashimwe yari yose ku bakirisitu b’i Kigali

Umugoroba wahariwe guhimbaza Imana

Urubyiruko rwafashije muri gahunda yo guhimbaza binyuze mu ndirimbo

Akanyamuneza kari kose ku bakirisitu

Ab’ingeri zinyuranye bagaragaza ko kwizihiza Noheli ari ingenzi

Binjiye muri Noheli baramya Imana

Urubyiruko rwasabwe kwirinda kwiyandarika mu bihe by’iminsi mikuru

Abaturage banyuzwe no gutarama bashima Imana mu ijoro rya Noheli

Rugwizangoga yagaragaje ko Noheli ari umwanya mwiza wo kongera kwitekerezaho

ADEPR Nyarugenge

Abaririmbyi bagarutse ku ndirimbo zivuga ku rukundo rw’Imana

Umugoroba wo guhimbaza Imana witabiriwe n’abantu banyuranye

Umushumba wa ADEPR Kigali, yavuze ko Noheli ari ikimenyetso cy’urukundo Imana yakunze abari mu Isi

Umushumba wa ADEPR mu Rwanda, Ndayizeye Isaie na Rurangwa Valentin uyobora Ururembo rwa Kigali bacinya akadiho

Akanyamuneza kari kose ku batari baherutse kubonana

Zion Temple

Muri Zion Temple abakirisitu bari bitabiriye ari benshi

Abakirisitu bishimira ko Yezu/Yesu yabakunze

Abakirisitu bishimira ko bababariwe ibyaha binyuze mu rupfu rwa Yezu

Abigisha bikije cyane ku ivuka rya Yesu/Yezu

Abo muri Zion Temple nabo bari babukereye mu mugoroba wo guhimbaza

Amafoto: Kwizera Remy Moise na Habyarimana Raoul
Amafoto: Igisubizo Isaac na Rwibutso Jean d'Amour

Kuri uyu wa Gatatu itariki 25 Ukuboza 2024 ku isi hose abemera ko Yezu Kristu yavutse akaza gucungura isi, bari kwizihiza umunsi mukuru wa Noheli nk'umunsi Yezu yavukiyeho ubwo yari aje ku isi gucungura abantu kubera ibyaha byabo no kubitangira abambwa ku musaraba.

Mu gihe abanyarwanda hafi ya bose nabo bizihiza Noheli, umunya Mali ukinira Rayon Sports Adama Bagayogo yahisemo kwifatanya n'abanyarwanda muri rusange, abifuriza Niheli nziza ndetse no kuyizihiza mu mahoro.

Igishimishije kurusha ibindi n'ubwo Adama Bagayogo yifurije abaturarwanda Noheli nziza idini rye rya Islam asengeramo ntabwo ryemera ivuka rya Yezu Kristu, ariko yahisemo kwifatanya n'abanyarwanda abifuriza Noheli nziza.

Mu butumwa yanyujije ku InyaRwanda.com, Adama Bagayogo yagize ati: 'Nshuti yanjye nkwifurije Noheli nziza hamwe n'umuryango wawe, by'umwihariko abanyarwanda bose.”

Uyu mukinnyi ukomeje kwigarurira imitima y'abanyarwanda by'umwihariko abakunzi ba Rayon Sports akinira, ni umwe mu bari gukina neza mu kibuga hagati ndetse akananyura ku ruhande ariko uko akina anarushaho kwigarurira imitima y'abanyarwanda.

Yageze mu Rwanda azanywe n'umutoza Jullien Mettes mu igerageza, gusa uyu mukinnyi ukomoka muri Mali ubwo yari akandagiye mu kibuga bwa mbere, yeretse Rayon Sports ko ayifitiye ibisubizo byinshi ndetse kugeza ubu uyu mukinnyi w'imyaka 20 y'amavuko ari mu bakinnyi bakomeje gufasha Rayon Sports kwitwara neza muri shampiyona y'u Rwanda.

Kugeza ubu Rayon Sports ni iya mbere muri shampiyona y'u Rwanda 2024-25. Kuva Adama Bagayogo yatangira gukinira Rayon Sports hamwe na bagenzi be, uretse umukino wa Rayon Day batsinzwemo na Azam igitego kimwe ku busa, nta wundi mukino baratsindwa, amakipe yo mu Rwanda bakomeje kuyakosora.

Adama Bagayogo yifurije abanyarwanda bose Noheli nziza

Bagayogo (uzamuye ukuboko) akomeje kwigarurira imitima y’abanyarwanda

IGIHE yazengurutse hirya no hino mu Mujyi wa Kigali, aho abakirisitu bari babukereye, dore ko ahagana saa yine z'ijoro ryo ku itariki ya 24 Ukuboza, insengero nyinshi na za kiliziya zari zuzuyemo abakirisitu bafite akanyamuneza, bishimira uwo munsi w'umugisha kuri bo.

Twahereye mu Mujyi wa Kigali rwagati, aho Arkiyepiskopi wa Kigali, Antoine Cardinal Kambanda, yayoboye Igitambo cya Misa yabereye muri Cathédrale Saint Michel.

Yavuze ko abakirisitu bakwiye kwinjira muri Noheli bafite ubutumwa bw'inkuru nziza kandi ishimishije y'urukundo Imana yakunze abantu, abasaba kubana mu mahoro no guharanira ubumwe mu muryango Nyarwanda.

Ati 'Ni ubutumwa bw'inkuru nziza ishimishije, y'uko umukiza yatuvukiye, bikaduha amizero kuko yaje aduhishurira Imana idukunda kandi ishobora byose. Kuba rero dukunzwe n'Imana kugeza n'aho yemera kuza kubana natwe, bikaduha ubuzima burusha urupfu imbaraga.'

Yakomeje ati 'Bikaduha urumuri rutwereka ko turi abavandimwe twese, iyo umuntu ari mu mwijima ntabwo amenya uwo bahuye ahubwo uwo muhuye wese uramwikanga. Urwo rumuri rero yatuzaniye rutuma tubona ko turi abavandimwe kandi duhuje umubyeyi, bigatuma tubana mu mahoro.'

Yagaragaje ko abakirisitu bakwiye kubana neza mu miryango ndetse yemeza ko gusabana no kwishima mu miryango bikwiye kujyana no kuzirikana ko kwizera Yezu ari ishingiro rya byose.

Yavuze ko umwaka wa 2024 ari umwaka wagenze neza muri Kiliziya Gatolika kandi ko uvuze byinshi kuko hashize imyaka 125 urumuri rw'ivanjili rutashye mu Rwanda.

Rugwizangoga Mireille yavuze ko Noheli yibutsa abakirisitu ko Imana yashatse uburyo bwo gucungura abari mu Isi nyuma yo kuyigomera bityo ko bagomba kuyizihiza bashima Imana, bayihimbaza kandi bakayambaza.

Cynthia Ishimwe uririmba muri Chorale de Kigali yavuze ko abakirisitu muri ibi bihe bya Noheli bakwiye kwishimana n'imiryango ariko bazirikana ku gutekereza ku rukundo.

Ati 'Ntibe iyo gusabana n'ibirori gusa nubwo nabyo ari byiza ariko mu mitima yabo buri wese buri umwe wese yitekerezeho, ibi byishimo babisakaze hose, Noheli izana amahoro, ubusabane mu miryango, babitekerezeho kandi babisigasire.'

Muri ADEPR abakirisitu bishimiye guterana mu gitaramo cya Noheli basabwa kuzirikana impamvu Kirisitu yemeye kwitangira Itorero.

Umushumba Mukuru wa ADEPR, Ndayizeye Isaïe, yabwiye IGIHE ko umwaka wa 2024 wabaye mwiza ku Itorero nubwo usize hari zimwe mu nsengero zigifunzwe.

Yashimangiye ko hari gukorwa ibishoboka ngo insengero ziri hirya no hino mu gihugu za ADEPR zitujuje ibisabwa zibikore ku bufatanye n'abakirisitu bayo.

Abakirisitu b'Itorero Église Presbyteriénne au Rwanda [EPR] mu Kiyovu bitabiriye igitaramo cya Noheli ari benshi bashimangira ko ibibutsa urukundo rw'Imana.

Umukirisitu w'Itorero rya Zion Temple Celebration Center, Butera André, yagaragaje ko Noheli ari umunsi wo gusabana n'Imana mu mwuka, kugendera mu Ijambo ry'Imana.

Ati 'Tukavuga ibyanditswe byera, tukabisubiramo, tukabisobanura tukavuga gukomera kw'Imana no gukiranuka kwayo, tukiyumvisha ko Imana ari umwuka ariko bitabujije ko mu mibereho yacu ya muntu y'umubiri dushobora kubyizihiza ariko bidahabanye n'uburyo umwuka wacu ugomba kwitwara.'

Buri mwaka tariki ya 25 abayoboke b'amadini n'amatorero yizera Yesu hirya no hino ku Isi yizihiza umunsi mukuru w'ivuka ry'Umwana w'Imana, ari we Yesu/Yezu.

Ni umunsi wahawe umugisha n'amahanga ndetse no ku ngengabihe zitandukanye ugirwa ikiruhuko ku bakozi ngo hato hatazagira ubuzwa uburenganzira bwe bwo kuwizihiza.

Muri Kiliziya Gatolika

Antoine Cardinal Kambanda yayoboye igitambo cya misa mu gitambo gitangizwa

Abakirisitu ba Kiliziya Gatolika basabwe gukomeza kuzirikana Noheli

Abakirisitu ba Kiliziya Gatolika basabwe gukomeza kuzirikana Noheli

Antoine Cardinal Kambanda agiye gusengera ukarisitiya

Imbere muri Kiliziya baba bahateguye bijyanye n’iminsi mikuru

Antoine Cardinal Kambanda yasabye abakirisitu kugendena na gahunda no kunga ubumwe nk’umuryango

Muri EPR Kiyovu, abakirisitu bari bitabiriye igitaramo cya Noheli

EPR KIyovu

Amashimwe yari yose ku bakirisitu b’i Kigali

Umugoroba wahariwe guhimbaza Imana

Urubyiruko rwafashije muri gahunda yo guhimbaza binyuze mu ndirimbo

Akanyamuneza kari kose ku bakirisitu

Ab’ingeri zinyuranye bagaragaza ko kwizihiza Noheli ari ingenzi

Binjiye muri Noheli baramya Imana

Urubyiruko rwasabwe kwirinda kwiyandarika mu bihe by’iminsi mikuru

Abaturage banyuzwe no gutarama bashima Imana mu ijoro rya Noheli

Rugwizangoga yagaragaje ko Noheli ari umwanya mwiza wo kongera kwitekerezaho

ADEPR Nyarugenge

Abaririmbyi bagarutse ku ndirimbo zivuga ku rukundo rw’Imana

Umugoroba wo guhimbaza Imana witabiriwe n’abantu banyuranye

Umushumba wa ADEPR Kigali, yavuze ko Noheli ari ikimenyetso cy’urukundo Imana yakunze abari mu Isi

Umushumba wa ADEPR mu Rwanda, Ndayizeye Isaie na Rurangwa Valentin uyobora Ururembo rwa Kigali bacinya akadiho

Akanyamuneza kari kose ku batari baherutse kubonana

Zion Temple

Muri Zion Temple abakirisitu bari bitabiriye ari benshi

Abakirisitu bishimira ko Yezu/Yesu yabakunze

Abakirisitu bishimira ko bababariwe ibyaha binyuze mu rupfu rwa Yezu

Abigisha bikije cyane ku ivuka rya Yesu/Yezu

Abo muri Zion Temple nabo bari babukereye mu mugoroba wo guhimbaza

Amafoto: Kwizera Remy Moise na Habyarimana Raoul
Amafoto: Igisubizo Isaac na Rwibutso Jean d'Amour