Author: webrwanda

Tonzi arambye mu muziki wa Gospel dore ko awumazemo imyaka irenga 20. Igitaramo cye cya mbere yishyuje amafaranga ijana (100Frw) mu myanya y'icyubahiro (VIP), mu gihe mu myanya isanzwe byari ukwishyura ibihumbi mirongo itanu (50 Frw). Iki gitaramo cy'agashya cyabaye mu 1993 muri St Andre i Nyamirambo. Icyo gihe yigaga muri APAPE.

Kuri ubu ari mu bahanzi bafite ibigwi bikomeye mu rw’imisozi igihumbi ndetse uyu mwaka wa 2025 uzasiga yicaye ku ntebe y’Ubwamikazi bw’umuziki nyarwanda mu bafite Album nyinshi kandi zengetse kuko ateganya kuwumurikamo Album ya 10, ibintu bitarakorwa n’undi muhanzikazi uwo ari we wese mu Rwanda.

Mu kiganiro na inyaRwanda.com, Tonzi umaze iminsi itatu ashyize hanze indirimbo nshya yise “Merci” [KANDA HANO UYIREBE], yavuze ko mu 2025 ateganya “gushyira hanze Album ya 10 ntagihindutse, narayirangije, bishobotse nkayimurikira abakunzi banjye”. Ati “Hari n’indi mishinga nakoranye n’abandi bahanzi izagenda isohoka muri uyu mwaka”.

Uyu muhanzikazi usanzwe ari na Visi Perezida w’Inama y’Igihugu y’Abahanzi, yavuze kandi ibyo Imana izamushoboza azabikora byose. Yumvikanishije ko azashyira hanze indirimbo nyinshi cyane kuko “Imana yampaye umugezi w’indirimbo zidakama, uko nzajya nshobozwa kuzikora muri studio nzajya nzisangiza abana b’Imana”.

Uwitonze Clementine avuga ko ibyo agambirira byose bigamije kuzamura icyubahiro cy’Imana binyuze mu bihangano bitandukanye ndetse no gukomeza gufatanya mu guteza imbere ubuhanzi muri rusange. Yunzemo ati “Hari n’ibindi byiza mbateganyiriza nzagenda mbamenyesha uko mbishobojwe n’Imana”.

Tonzi yamenyekanye cyane mu ndirimbo yise “Humura”

Tariki 31 Werurwe 2024 ni bwo Tonzi yamuritse Album ya cyenda yise “Respect” mu gitaramo cy’amareka cyongeye kugarura ku ruhimbi itsinda The Sisters ribarizwamo Tonzi, Aline, Gaby na Phanny. “Respect” ni Album yanditse amateka yo kuba yari ihenze cyane dore ko mu biciro byayo hari harimo no kwishyura Miliyoni y’amanyarwanda (1,000,000 Frw).

Mu kiganiro na inyaRwanda, Tonzi ufite ibikomeye ku mubiri yatewe no gukunda cyane umuziki, yasubije abashobora kwibaza impamvu mu biciro bya Album ye harimo na Miliyoni 1 Frw, ibintu byamugize umuramyi wa mbere ubikoze mu Rwanda. Ati “Rero nta birenze 1M c’est qoui? [Miliyoni ni iki?] Ugura Album yuzuyeho icyubahiro cy’Imana!!!!”.

INKURU WASOMA: Nta birenze 1M c’est quoi? – Tonzi ku biciro birimo na Miliyoni bya Album ye ‘Respect’ yaciye agahigo

“Respct” ni murumuna wa Album 8 Tonzi amaze gushyira hanze. Imfura muri zo ni “Humura” yitiriye indirimbo ye yamufunguriye umuryango w’ubwamamare. Album ze 9 ni: Humura, Wambereye Imana, Wastahili, Izina, I am a Victor, Amatsiko, Akira, Amakuru na Respect.

“Respect” ya Tonzi iriho indirimbo 15 ari zo: “Respect”, “Nshobozwa” Ft Gerald M; “Merci”, “Warabikoze”, “Umbeshejeho”, “Uwirata”, “Nimeonja”, “Ndashima” ft Muyango, “Niyo”, “Ubwami”, “Ndakwizera”, “Nahisemo”, “Wageze” na “Kora” yakoranye n’bahanzi 15.

Tonzi azwiho gukora cyane ndetse urebye umuvuduko ariho muri iyi minsi, wavuga ko umwaka wa 2025 uzarangira ashyize hanze nk’indirimbo 50. The Sisters bigeze gutangarira umurava Tonzi agira, bamuhimba izina rya “Igifaru”. Gaby ati: 'Tonzi tumuziho gukora cyane no kugira ishyaka mu byo akora mbese tumwita Igifaru kuko byose arakwakwanya'.

Tonzi na Massamba bayoboye urutonde rw’abahanzi bo mu Rwanda bafite Album nyinshi

Muri Mutarama 2016, umuhanzikazi w’umunyabigwi Cecile Kayirebwa yasohoye album ya munani yise 'Urukumbuzi' igizwe n'indirimbo 11 zirimo Intumwa Zanjye, Abuzukuru, Inzozi Data Yandoteye, Kuki Mwampishe, Uzanter' Irungu, Rwagasana, Rwego Rw' Ingenzi, Ubutumwa, Mbatez' Igitego n'iyitwa Amatage.

Muri Nzeri 2022, Ezra Kwizera usanzwe ari Producer yasohoye album ya munani yise “Journey' (urugendo)” iriho indirimbo 11 zirimo ‘Rukundo’, ‘Bolingo’, ‘Omukwano’ yakoranye na Sintex, ‘Sifa’, ‘Songa’, ‘Ninani’ na Nicolas Peks, ‘Ajabu’ yakoranye na Mani Martine, ‘Journey to Mali’, ‘Mavuta’, ‘Ameena’ ndetse na ‘Mama’.

Mu Ukuboza 2021, Uwitonze Clementine wamamaye mu muziki wo kuramya Imana nka Tonzi, yatangaje isohoka rya Album ye ya munani yise 'Amakuru' iriho indirimbo umunani. Mu 2024 yamuritse Album ya 9 yise “Respect”, none ubu yateguje imurikwa rya Album ya 10.

Tonzi yavuze ko umwaka wa 2025 uzasiga amuritse album ya 10

Undi muhanzi ufite Album nyinshi ni Tom Close ugejeje Album icyenda, zikaba zaruzuye ubwo yashyiraga hanze iyo yise 'Essence', ndetsee yabwiye InyaRwanda ko yanatangiye urugendo rwo gukora album ya cumi, ariko ntabwo irajya hanze.

Mu Ukwakira 2021, Massamba Intore yatangiye urugendo rwo gusohora indirimbo zigize Album y'umurage ya 11. Ni album iriho indirimbo zivuga ku butwali, urukundo, ubukwe, ubupfura n'ibindi. Massamba yabwiye InyaRwanda ko iyi Album ari iy'umurage kubera ko yiganjeho indirimbo za Se Sentore Athanase. 

Massamba wicaye ku ntebe y’Icyubahiro y’umuhanzi nyarwanda ufite Album nyinshi, yavuze ko indirimbo zose ziri kuri iyi Album zifite igisobanuro kinini mu buzima bwa Se Sentore Athanase witabye Imana.

Ati “Indirimbo ze zihuriye ku mateka ye y'ubuhunzi ashishikariza abantu gutaha, izindi zihuriye ku ndirimbo zibyinwa z'itorero zivuga intore, zivuga abakobwa, izindi zivuga ku gutarama; gushishikariza abantu gutarama, ariko abantu babuze kandi cyangombwa,”

Icyakora birashoboka haba hari abahanzi tutavuze bafite Album nyinshi, gusa twibanze ku bakoze Album bakazimurika mu itangazamakuru. Hari n’abahitamo gukora Album iriho indirimbo nyinshi bigatuma umubare wazo uba muto. 

Urugero, umuramyi Theo Bosebabireba yigeze kuvuga ko afite Album iriho indirimbo 100, ariko nta n’imwe aramurika ku mugaragaro ndetse amateka avuga ko nta n’igitaramo cye bwite yari yakora. Kuri Bonane ya 2025 ni bwo The Ben yamurikiye muri BK Arena Album ya 3. Bijyanye n’ibyo twashingiyeho, Massamba, Tonzi na Tom Close ni bo bari ku isonga.

Tonzi ni we muhanzi wa mbere mu bagore ufite album nyinshi mu Rwanda

Umurava we mu muziki no mu buzima busanzwe bituma bamwe bamwita “Igifaru”

Tonzi yatangiye umwaka mushya ashyira hanze indirimbo nshya yise “Merci”

Tonzi yamenyeshejwe ko azaba Marraine w’umuhanzikazi Bwiza umukunda cyane

Mu biciro bya Album ya 9 ya Tonzi hari harimo no kwishyura Miliyoni 1 Frw

Tonzi arambye mu muziki – kwinjira mu gitaramo cye cya mbere byari 100Frw muri VIP

REBA INDIRIMBO NSHYA “MERCI” Y’UMURAMYI TONZI

REBA INDIRIMBO “RESPECT” TONZI YITIRIYE ALBUM YE YA 9

Ni impinduka zikomeye kuko mu busanzwe ibi birango n'ibyemezo byamaraga imyaka ibiri gusa.

Ibi ni ibikubiye mu itangazo rigaragaza impinduka ku mitangire ya serivisi zireba ubucuruzi cyane ubwambukiranya imipaka, ryashyizwe hanze n'iyi minisiteri ku wa 06 Mutarama 2025 rigenewe abafite inganda, abacuruzi n' abandi bafite aho bahurira n'ubucuruzi.

Ryashyizweho umukono na Minisitiri w'Ubucuruzi n'Inganda, Prudence Sebahizi.

Iri tangazo rivuga ko izi mpinduka zemejwe hashingiwe ku byemezo byafashwe na Guverinoma y'u Rwanda, hagamijwe kunoza imitangire ya serivisi mu bigo bitanga serivisi z'ubuziranenge mu gihugu.

Rivuga ko iyi myaka itanu ishobora kongerwa igihe hamaze gusuzumwa ko ibikorwa by'ubucuruzi byujuje ibiteganywa n'amategeko n'amabwiriza y'ubuziranenge.

Gusa ariko ibikubiye muri ibi ntibireba impushya ndetse n'ibyangombwa byo kwinjiza mu gihugu ibigendanye n'imiti, inkingo ndetse n'ibikoresho bijyanye n'ubuvuzi.

Minisiteri y'Ubucuruzi n'Inganda kandi yatangaje ko icyangombwa cyo kohereza ibicuruzwa hanze cyakuweho cyeretse igihe bisabwa n'igihugu ibicuruzwa bigiye kujyanwamo.

Impushya cyangwa ibyangombwa ku bicuruzwa byinjizwa mu gihugu zizajya zitangwa gusa ku bicuruzwa bishobora gutera ingaruka ku buzima. Aha harimo imiti n'ibindi.

Mu zindi mpinduka zabaye ni uko amafaranga yishyurwaga n'inganda nto n'iziciriritse kugira ngo zihabwe serivisi z'ubuziranenge zigamije kunoza imikorere yakuweho, hanyuma igiciro cya serivisi ziganisha ku guhabwa ikirango cy'ubuziranenge ku nganda nini kigirwa ibihumbi 100 Frw, azajya yishyurwa binyuze mu isanduku ya Leta kuri konti ya RSB.

Ibi byemezo byatangiye gushyirwa mu bikorwa ku wa 06 Mutarama 2025.

Mu mpera z'umwaka ushize ubwo yaganiraga n'abacuruzi, Minisitiri w'Ubucuruzi n'Inganda, Sebahizi Prudence, yavuze ko buri kigo gikora ubugenzuzi bw'ibicuruzwa mu Rwanda, kigiye guhabwa inshingano zacyo zihariye hakaba n'izihurizwa hamwe.

Ni nyuma y'uko byagaragaye ko bimwe muri ibi bigo hari serivisi nyinshi byahuriragaho, hakaba n'ubwo usanga nk'ibigo bitanu biba bikeneye kugenzura ko igicuruzwa kimwe kigiye kwinjizwa mu gihugu cyujuje ubuziranenge, kandi buri serivisi bitanze zikishyurwa kandi bidakwiye.

Ibi abakora ubucuruzi bwambukiranya imipaka babyumva cyane kuko bakunze guhura nabyo.

Yavuze ko nta nshingano ibigo bibiri bizongera guhuriraho. Yavuze ko hakozwe ibiganiro n'ibigo byose bifite uruhare mu gukora ubugenzuzi bw'ibicuruzwa mu gihugu, hakaba hazashyirwaho urutonde rw'ibicuruzwa rugaragaza urwego rw'ubugenzuzi rurebwa na cyo.

Ati 'Twabyizeho dusanga bidakwiye. Buri kigo kizaba kizi neza urutonde rw'ibicuruzwa gishizwe kugenzura ku buryo ntaho bizongera kugaragara ko umucuruzi akeneye kugenzurwa n'ibigo bitandukanye ku gicuruzwa kimwe,'

Yongeyeho ati 'Ni ukuvuga iki kirarebwa na RICA, cyangwa Rwanda FDA, cyangwa RSB cyangwa NAEB cyangwa RAB. Tuzakora ku buryo urwo rutonde nta giciruzwa kizajya kigenzurwa n'ibigo bibiri.'

Minisitiri Sebahizi yavuze ko zimwe mu mpinduka zitezwe harimo no kugabanya ubwishyu bwa serivisi zinyuranye ku bacuruzi bakura ibicuruzwa mu mahanga.

Yatanze urugero avuga ko nk'Ikigo cy'Igihugu gishinzwe Ubuziranenge [RSB] cyishyuzaga serivisi 1780 zizagabanywa zikagera kuri 13 gusa.

Ati 'Ni ukubera ko hari nka serivisi wishyuraga nk'inshuro eshanu cyangwa inshuro 10 uzajya wishyura rimwe gusa. Nka Rwanda FDA izava ku kwishyuza serivisi 276 zigera kuri 20. Ubwo hari ahantu yakoraga ubugenzuzi bwinshi butandukanye ugenda ucibwa amafaranga, ariko bazajya babumbira ibintu byose mu kintu kimwe ku buryo wishyura rimwe gusa, serivisi zose ukazibonera icya rimwe mu gihe gito.'

Announcement on streamlining service delivery in National Quality Infrastructure Institutions | Itangazo ku kunoza imitangire ya serivisi mu bigo bitanga serivisi z'ubuziranenge. pic.twitter.com/YTlGI3AHpL

— Min of Trade |Rwanda (@RwandaTrade) January 6, 2025

Minisitiri w’Ubucuruzi n’Inganda, Prudence Sebahizi, yavuze ko nta mucuruzi uzongera kwishyuzwa serivisi imwe inshuro nyinshi

Ibi babisabwe kuri iki Cyumweru tariki ya 5 Mutarama 2025 mu masengesho yo gusabira Akarere ka Kayonza no gushima Imana ( Kayonza Prayer Breakfast).

Aya masengesho yari afite insanganyamatsiko igira iti 'Ubuyobozi bushyira umuturage ku isonga; Umuryango utekanye kandi ushoboye'.

Ubuyobozi bw'Akarere ka Kayonza bwabanje gushima Imana ku bikorwa bihanbaye byagezweho muri aka karere mu mwaka ushize wa 2024, ndetse bunasaba abayobozi b'amadini n'amatorero gushyira imbere umuturage mu bimukorerwa byose birimo kubigisha kwiteza imbere, kurwanya amakimbirane n'ibindi.

Pasiteri ya EAR Kayonza, Mbonimana Eliab, yavuze ko bagiye kongera imbaraga mu kwita ku mukirisitu ku buryo amenya gahunda za Leta akanazigiramo uruhare.

Yavuze ko kandi bagiye gushyira imbaraga mu kwigisha abaturage uko bakoresha neza ikoranabuhanga biteza imbere ariko bakirinda kurireresha abana.

Ati 'Ikoranabuhanga ni ryiza ariko na none iyo rikoreshejwe nabi rizana ibibazo. Tugiye gukangurira abakirisitu bacu ko telefone ari nziza ariko ikoreshwe mu gihe cyayo.'

Pasiteri Ntawinanirwa Aaron wo mu Murenge wa Rwinkwavu we yavuze ko bagiye kongera inyigisho zigamije guteza imbere abikirisitu, cyane cyane izibafasha mu gukoresha ikoranabuhanga.

Ati 'Telefone na Televiziyo ntabwo bikwiye kurera umwana kereka mu gihe hari nk'inyigisho zigamije kubafasha kwiga. Hari igihe cya ngombwa cyo gukoresha ikoranabuhanga ku mwana ariko dukwiriye no kubibarinda cyane cyane mu gihe harimo ibitaragenewe abana.'

Guverineri w'Intara y'Iburasirazuba, Rubingisa Pudence, yavuze ko amasengesho yabaye ari ayo gutangira umwaka hashimwa ibyagezweho mu Karere ka Kayonza n'ahandi hose muri rusange, yavuze ko mu nshingano z'umuyobozi uwo ariwe wese akwiriye gushyira imbere gutanga serivisi nziza ku muturage ku buryo anyurwa.

Ati 'Umuntu uza gusenga aza yikwije asa neza ariko yataha ugasanga mu rugo siko hameze ubwiherero n'utundi twinshi tutameze neza rero twabigarutseho tunabifata nk'umukoro.'

'Umwana kumurera ni mu buryo bwagutse, umwana muto ubu ejo niwe uzaba umuyobozi cyangwa ingabo y'Igihugu, ntabwo rero yakabaye ajya gukora imirimo itemewe, mbere y'uko arereshwa telefone cyangwa tumusanga mu mirima y'umuceri, mu birombe, ejo ugasanga hari abamukoresha mu rugo afite imyaka y'abato cyangwa se ari gusambanywa twabigarutseho dusaba uruhare rwa buri wese n'amadini n'amatorero, ababyeyi twese dufatanye umwana arerwe neza.'

Guverineri Rubingisa yakomeje avuga ko amakimbirane yo mu miryango ari ikindi kibazo cyatuma abana batarerwa neza, asaba buri wese kuba ijisho rya mugenzi we.

Yabasabye kandi kurebera hamwe ibibazo biri mu miryango, kurwanya ibiyobyabwenge no kwita ku bana byose bigizwemo uruhare n'aba bayobozi b'amadini n'amatorero.

Senateri Bideri yitabiriye aya masengesho

Abadepite n'abandi bayobozi mu nzego zitandukanye bitabiriye aya masengesho

Guverineri Rubingisa yasabye abayobora amadini n'amatorero kugira uruhare mu kwigisha ababyeyi kutareresha telefone abana

Ni icyemezo gikubiye mu itangazo uyu muryango washyize hanze, kuri uyu wa Mbere tariki 6 Mutarama 2025, bigendanye n'intambara ikomeje kubera mu Burasirazuba bwa RDC.

Iri tangazo rivuga ko 'Umuryango w'Ubumwe bw'u Burayi usaba Repubulika Iharanira Demokarasi ya Congo guhagarika ubufatanye na FDLR ndetse n'indi mitwe yitwaje intwaro.'

FDLR ni umutwe umaze igihe mu Burasirazuba bwa Repubulika Iharanira Demokarasi ya Congo, wiganjemo abagize uruhare muri Jenoside yakorewe Abatutsi. Mu bihe bitandukanye RDC yagiye ikorana n'uyu mutwe by'umwihariko mu rugamba irimo n'umutwe wa M23 mu Burasirazuba bw'iki gihugu.

Ni kenshi kandi abayobozi b'iki Gihugu bagiye bumvikana mu mvugo zirengera uyu mutwe. Urugero ni aho muri Nyakanga 2024 Julien Paluku Kahongya wabaye Guverineri wa Kivu y'Amajyaruguru yavuze ko abagize umutwe witwaje intwaro wa FDLR ari abasaza barimo abafite imyaka 70 y'amavuko, agamije kwerekana ko utagifite imbaraga zahungabanya umutekano.

Muri iri tangazo, EU yakomeje kandi yamagana igikorwa cya M23 cyo gufata Umujyi wa Masisi n'ibindi bice biwegereye muri Kivu y'Amajyaruguru, ndetse ivuga ko ibiri kuba bisubiza inyuma ubushake bwagaragajwe mu gushaka ibisubizo bishingiye ku mahoro, ku bibazo biri mu Burasirazuba bwa RDC.

Yasabye M23 kuva mu bice yafashe no kubahiriza ibihe by'agahenge byashyizweho.

Nubwo Umuryango w'Ubumwe bw'u Burayi watangaje ibi, ni kenshi umutwe wa M23 wagiye ugaragaza ibimenyetso by'uko wubahiriza ibihe by'agahenge biba byashyizweho, ariko ugashotorwa n'Ingabo za RDC zifatanyije n'imitwe irimo FDLR, bikarangira izisubije inyuma ndetse ikigarurira ibice zari zirimo.

EU yavuze ko 'ishimangira umumaro wo kuba impande zose zahosha imirwano ndetse mu buryo bwihuse zigashyira mu bikorwa imyanzuro yose n'ibyemejwe binyuze mu biganiro bya Luanda.'

Iki cyemezo cya EU kije nyuma y'uko imirwano ihanganishije M23 n'ihuriro ry'Ingabo za Leta ya RDC ikomeje gufata indi ntera. Ni imirwano yasize uyu mutwe wigaruriye ibindi bice birimo Masisi, Katale yafatwaga nk'ibirindiro bikomeye by'umutwe w'iterabwoba wa FDLR.

Abarwanyi b'umutwe w'iterabwoba wa FDLR bamaze igihe kinini bakorana na Leta ya Repubulika Iharanira Demokarasi ya Congo

Abakunzi ba sinema nyarwanda bari bamaze igihe bahuriza ku ngingo ivuga ko uruganda nyarwanda rwa sinema rwahombye byinshi kubera batakibona abakinnyi bamamaye muri Filime “Amarira y'urukundo” ari bo Manzi na Fabiola.

Amarira y'urukundo ni filime yari yarigaruriye imitima ya benshi, yahagaritswe mu gihe yari ikunzwe cyane. Ni Filime yatumye  Manzi na Fabiola bagira izina rikomeye mu ruganda rwa sinema nyarwanda. 

Gusa, Manzi yari amaze igihe kinini adakina filime, ibintu yavuze ko byatewe n'imishinga yari ahugiyemo. Manzi yabwiye abamukurikira kuri Instagram ko we na Fabiola bagiye kugaruka mu isura nshya.

Mu kiganiro Manzi na Fabiola bagiranye na MIE Empire, bemeje ko urukundo abakunzi ba filime babakunda rwabaye impamvu yo kugaruka muri sinema. Manzi ati: “Abantu kubera urukundo badukunda n'uburyo bakunda ibyo dukora, barampize mpaka barambona. Nta hantu wapfa kwihisha muri iki gihugu.”

Yongeyeho ko nubwo yatangiye gukina filime atabyumvaga neza, nyuma yo kubona inyungu zabyo, yahisemo kubikora kinyamwuga. Ati “Ubu nditeguye neza. Ndabasezeranya ko abantu bagiye kuryoherwa na filime nshya. Narabyize, kandi ubu ngiye kubikora kinyamwuga.”

Kayumba Vianney uzwi nka Manzi yanavuze ko amaze gufasha urubyiruko rwinshi kwinjira muri sinema, ahamya ko hari benshi bamaze kugera ku rwego rwiza bitewe n'ubufasha yabahaye.

Nubwo “Tears of Love” bisobanuye “Amarira y'urukundo” mu Kinyarwanda, Manzi na Fabiola basobanuye ko ari filime itandukanye cyane n’iyo bahoze bakina.

Bavuze ko iyi nshya izibanda ku bibazo bigezweho mu miryango nyarwanda, birimo gutandukana ku bashakanye, ubushukanyi hakoreshejwe ikoranabuhanga n'ingaruka z'ibikorwa bibi umuntu akora.

Fabiola wayigarutseho yagize ati: “Inkuru dushaka kugarukaho ni uramutse ukoze ikibi, ingaruka zacyo uhura nazo mu gihe kingana gute. Ni inkuru abantu bazakunda.”

“Tears of Love” izajya itambuka ku muyoboro wa YouTube witwa Hobe TV, ikaba yitezweho kuzana umwihariko mu ruganda rwa sinema nyarwanda. 

Mukasekuru Hadidja Fabiola wamamaye nka Fabiola yavuze ko iyi filime izigisha ibyiza byo kubaka umuryango uhamye no kwirinda ibikorwa bishobora kuwusenyera.

Manzi na Fabiola bamamaye muri Filime “Amarira y’urukundo” bagiye kugaruka mu nshya yitwa “Tears of Love”

Byiringiro Lague yageze mu Rwanda kuri uyu wa Mbere tariki ya 6 Mutarama 2025 avuye muri Sweden. Yakiriwe na Perezida wa Murera, Twagirayezu Thaddée ndetse na Mushimire Claude ushinzwe imishinga muri iyi kipe.

Amakuru yavugaga ko uyu mukinnyi agiye gusinyira iyi kipe yambara Ubururu n’Umweru dore ko bari bamaze n’igihe bari mu biganiro ariko Police FC byarangiye ariyo imusinyishije.

Amakuru avuga ko uyu mukinnyi ukina asatira anyuze ku ruhande rw’ibumoso yasinye amasezerano y’umwaka umwe n’igice afite agaciro ka miliyoni 80 Frw.

Ibi bibaye nyuma yuko ikipe Byiringiro Lague yakinagamo ya Sandvikens IF yaherukaga gutangaza ko yatandukanye nawe kubwumvikane aho baseshe amasezerano.

Uyu mukinnyi yari yarerekeje muri iyi kipe mu kwezi kwa Mutarama muri 2023 aho yari yarayisanze iri muri shampiyona y’icyiciro cya Gatatu muri Suède gusa akaba yarayivuyemo iri mu cyiciro cya Kabiri.

Yatangiye gukina ruhago ahereye muri Vision FC , nyuma yerekeza mu Intare FC,mu 2018 azamurwa muri APR FC yitwaramo neza bituma aza kubengukwa na Sandkvens IF.

Police FC imusinyishije nyuma yuko ititwaye neza mu mikino ibanza ya shampiyona dore ko yayisoje iri kumwanya wa 4 n’amanota 23.

Byiringiro Lague wakiriwe n’abayobozi ba Rayon Sports ku kibuga cy’indege i Kanombe yasinyiye Police FC 

Byiringiro Lague ni umukinnyi wa Police FC 

Mu minsi yashize ni bwo CAF yemeje ibihugu 17 bizitabira CHAN 2024 aribyo Kenya, Uganda, Tanzania Sudani muri CECAFA, Guinea, Senegal na Mauritania muri WAFU A, Niger, Burkinafaso na Nigeria muri WAFU B na Morocco muri UNAF.

Hari kandi Centrafrique, Congo na Dr Congo muri UNIfAC ndetse na Angola, Zambia na Madagascar muri COSAFA.

CAF yavuze ko ibindi bihugu bibiri byabonye itike bizatangazwa nyuma none iyi mpuzamashyirahamwe yamaze kumenyesha u Rwanda ko ruri muri ibi bihugu.

Ikipe y’igihugu y’u Rwanda, Amavubi, ibonye itike ya CHAN 2024 nyuma yuko isezereye Sudani y’Epfo igahita iba iya kabiri muri CECAFA mu ijonjora rya nyuma ryo gushaka itike y’iri rushanwa.

CHAN 2024 iteganyijwe tariki ya 1 kugeza tariki ya 28 Gashyantare 2025 muri Tanzania, Kenya na Uganda.

Amavubi yabonye itike yo gukina imikino ya CHAN 2024