Author: webrwanda

Yabigarutseho mu kiganiro cyihariye yagiranye na IGIHE kuri iki Cyumweru tariki 26 Mutarama 2025.

Mukuralinda yagaragaje ko nubwo imirwano hagati y'Umutwe wa M23 n'Ingabo za Leta ya Repubulika Iharanira Demokarasi ya Congo n'imitwe zifatanyije irimo Ingabo z'u Burundi, Wazalendo, FDLR, SAMDRC n'abacanshuro ikomeje, kandi hari ibera hafi n'umupaka w'u Rwanda, nta mpungenge abaturage bakwiye kugira.

Ati 'Icyo nakubwira cyo ni uko umutekano w'u Rwanda n'uw'Abanyarwanda by'umwihariko hariya i Rubavu n'ahandi hafi y'ahari kubera imirwano urarinzwe nta kibazo gihari.'

'Nta muntu wavuye muri Congo ngo yambuke aze kuwuhungabanya, ariko abaturage baratubwira ko urusaku rw'amasasu barimo bararwumva kandi koko kuba imirwano yegereye umupaka w'u Rwanda nta gitangaza kirimo, kandi nta n'igitangaza ko hagira isasu rigwa mu Rwanda.'

Bamwe mu baturage bo mu Karere ka Rubavu bavuga ko bafite impungenge zishingiye ku kuba bari kumva urusaku rw'amasasu hafi yabo, ndetse hari n'amwe mu masasu yavuye muri RDC akagwa ku butaka bw'u Rwanda.

Alain Mukuralinda yavuze ko kuba imirwano iri kubera hafi y'umupaka w'u Rwanda isasu rishobora kuba ryagwa ku butaka bwarwo, ariko ko bigomba gusuzumwa n'inzego bireba kugira ngo hamenyekane impamvu yabyo.

Ati 'Byarabaye n'ubundi mu bihe byashize turabizi icy'ingenzi ni uko iyo bibaye Ingabo z'u Rwanda nazo ziba zireba zumva, zirakurikirana kugira ngo zimenye niba hari irihaguye, hari uwahakomerekeye, haba hari ibyangiritse, hanyuma se niba rihaguye ni impanuka yabaye? Ni ukwibeshya cyangwa se ni urashe abigambiriye abishaka?'

Yemeje ko iyo bimaze kugenzurwa Guverinoma y'u Rwanda itangariza Abaturarwanda icyavuyemo. Yongeye gushimangira ko nta mpungenge zihari ku birebana n'umutekano w'Igihugu.

Mukuralinda yagaragaje kandi ko umuturage wagira impungenge yakwegera ubuyobozi bwa gisivili n'ubwa gisirikare bukaba bwamugira inama y'uburyo agomba kwitwara.

Amakuru yizewe IGIHE ifite ni uko hari isasu rimwe ryatoboye inzu y'umuturage wo mu Murenge wa Cyanzarwe, Akagari ka Busigari, Umudugudu wa Bugu, ryinjiramo imbere.

Ni mu gihe ariko no mu Murenge wa Rubavu ahitwa mu Rutagara isasu ryahageze rikica ihene y'umuturage.

Ku batekereza ko amasasu yaguye mu Karere ka Rubavu yaba ari ibikorwa by'ubushotoranyi byakozwe na RDC, Mukuralinda yavuze ko byagenzurwa bigashyikirizwa komisiyo ibifataho icyemezo.

Ati 'Biramutse bibaye, Ingabo z'u Rwanda zirabisuzuma zibikoreho iperereza niba n'abaturage babyibuka twagiye tubiganiraho ko hari na komisiyo ibihugu byombi bihuriyeho, ku buryo iyo hari igisasu kiguye mu Rwanda, iyo hari indege irenze umupaka, umusirikare kwa kundi yinjira ibyo byose hari komisiyo ibishinzwe ikabifataho umwanzuro kugira ngo hagaragazwe iki kintu cyakozwe mu ruhe rwego.'

Yaciye amarenga ko mu gihe byagaragara ko hari abaturage bari mu gace kagirwaho ingaruka n'intambara ibera muri RDC bashobora kuba bahimuwe.

Kuva umubano w'u Rwanda na Repubulika Iharanira Demokarasi ya Congo wazamo agatotsi, hakunze kumvikana ibikorwa by'ubushotoranyi ku ruhande rwa Leta ya Congo, birimo n'indege y'intambara y'iki gihugu yagiye ivogera kenshi ikirere cy'u Rwanda ndetse muri Mutarama mu 2023, iza kuraswa ku ibaba, n'ibindi bitandukanye.

Mukuralinda yashimangiye ko Ingabo z'u Rwanda ziri maso kandi ziteguye guhagarika igitero icyo ari cyo cyose cyagabwa ku Rwanda.

Alain Mukuralinda yashimangiye ko umutekano w’u Rwanda n’Abanyarwanda urinzwe kandi ko Ingabo z’u Rwanda ziteguye kurinda ubusugire bw’Igihugu

Hashobora gukorwa ubugenzuzi ku gikomeje gutuma amasasu ava muri RDC akagwa mu Rwanda

Abaturage b’i Rubavu bamazwe impungenge

Byiringiro Lague yavuze ko iyi ndirimbo izasohoka mu ijoro ryo kuwa Kabiri cyangwa Kuwa Gatatu w’icyumweru gitaha ikaba yarakozwe na Producer Kompressor ukorera muri 1:55 AM.

Yagize ati: “Indirimbo ndayifite izasohoka nko kuwa Kabiri nijoro cyangwa kuwa Gatatu. Ikozwe mu buryo bw’amajwi gusa ikaba yarakozwe na Kompressor”.

Yavuze ko usibye gukina umupira w’amaguru nta yindi mpano afite ahubwo ari ukubera ko iyi ndirimbo yayikoreye umugore we ndetse no kwishimisha.

Ati” Indi mpano mfite ntabwo ari ukuririmba gusa nuko nari ndyamye numva mama Isla namuririmbira akaririmbo. 

Nta yindi mpano mfite ni iyo gukina umupira w'amaguru, nuko nyine ari ibyo kwishimisha ngo nyisohorere umugore wanjye kuko ni umugore nzi ko ankunda peeh ndabizi neza arankunda cyane”.

Byiringiro Lague n’uyu mugore we yakoreye indirimbo, Uwase Kelia, bakoze ubukwe muri 2021 none kugeza ubu bamaze kwibaruka abana babiri.

Lague agiye kuba undi mukinnyi w’Umunyarwanda usohoye indirimbo nyuma ha Haruna Niyonzima wigeze kwisunga Nyakwigendera Jay Poly bagakora indirimbo iri mu njyana ya HipHop.

Byiringiro Lague agiye gusohora indirimbo yakoreye umugore we Uwase Kelia 

Byiringiro Lague avuga ko umugore we amukunda by’ukuri 

Lague yateguje indirimbo yakoreye umugore we

Byatangajwe n’Umuyobozi w’Itorero Ishyaka ry’Intore, Cyogere ubwo yabashimiraga uruhare bagize mu kwamamaza igitaramo cyabo bise ‘Indirirarugamba’ bakoze mu ijoro ryo kuri uyu wa Gatandatu tariki ya 25 Mutarama 2025. 

Cyabereye muri Kigali Conference and Exhibition Village ahazwi nka Camp Kigali. Bwari ubwa mbere bahataramiye nk’itorero rishya nyuma yo gutandukana na bagenzi babo mu Itorero Ibihame by’Imana.

Cyogere yavuze ko Inyamibwa babafashije cyane mu kwamamaza igitaramo cyabo, asaba buri wese kuzabashyigikira ku munsi w’igitaramo cyabo bise ‘Inka’.

Yavuze ko iki gitaramo kizabera muri Camp Kigali, aho nabo bataramiye mu gitaramo ‘Indirirarugamba’.

Yavuze ati “Mwabonye ko amatorero yadushyigikiye, ni ibintu ubundi bidasanzwe. Niyo mpamvu natwe tugiye kubashishikariza, uku ni ukwezi kwa Mutarama dusoje, harakurikira ukwezi kwa Kabiri nitugusimbuka, harakurikira ukwa Gatatu, tariki 15 muri iyi ngoro twicayemo hari igitaramo bita ‘Inka’ cy’Itorero Inyamibwa z’u Rwanda, mu muco mwiza twatojwe wo gushyigikirana, namwe muzaze dufatanye twongere tubashyigikire dusa gucya.”

InyaRwanda ifite amakuru yemeza ko uretse gutaramira mu Mujyi wa Kigali, iki gitaramo bise ‘inka” bazakigeza no muri Kaminuza y’u Rwanda ishami rya Huye n’ahandi.

Bisa n’ibihura n’intego z’umuyobozi w’iri torero, Rodrigue Rusagara kuko aherutse gutangaza ko bari muri gahunda yo gukorera ibitaramo no hirya no hino ku Isi mu rwego rwo kwegera abakunzi babo.

Amateka azisubiramo?

Mu 2024, Inyamibwa baciye agahigo, kuko babaye itorero rya mbere ryakoreye igitaramo muri BK Arena.

Cyaritabiriwe ku rwego rwo hejuru, bashyigikirwa n’abantu bari hagati y’ibihumbi icyenda n’ibihumbi 10.

Wanabaye umunsi udasanzwe kuri iri torero, kuko igitaramo cyabo bise “Inkuru ya 30” cyaritabiriwe na Perezida Kagame na Madamu Jeannette Kagame.

BK Arena bataramiyemo yakira abantu Ibihumbi 10, ni mu gihe ihema rya Camp Kigali bazataramiramo ryakira nibura abantu 4,500.

Mu bijyanye no gukodesha, BK Arena yishyurwa nibura Miliyoni 27 Frw, ni mu gihe muri Camp Kigali wishyura ari hagati ya Miliyoni 3 na Miliyoni 4 Frw.

Itorero Inyamibwa ni itorero ry’umuco Nyarwanda ryashinzwe n’Umuryango w’Abanyeshuri Barokotse Jenoside yakorewe Abatutsi (AERG). Rifite intego yo kwimakaza no guteza imbere umuco gakondo binyuze mu mbyino, indirimbo, n’imivugo. 

Mu myaka irenga 25 rimaze rishinzwe, Itorero Inyamibwa ryagiye ritegura ibitaramo bitandukanye bigamije gusigasira umuco Nyarwanda no kuwumenyekanisha mu gihugu no mu mahanga.

Mu bikorwa byaryo, Itorero Inyamibwa ryateguye ibitaramo bikomeye birimo “Inkera i Rwanda” cyabaye mu mwaka wa 2018, aho ryashishikarizaga Abanyarwanda gukunda ibikorerwa mu gihugu no gusura ahantu nyaburanga. 

Mu mwaka wa 2023, ryizihije isabukuru y’imyaka 25 mu gitaramo cyiswe “Urwejeje Imana”, cyabereye muri Camp Kigali, kikitabirwa n’abantu benshi.

Itorero Inyamibwa kandi ryitabiriye iserukiramuco mpuzamahanga nka “Festival des cultures du monde” mu Bufaransa, aho ryaserutse mu mbyino gakondo, rikamenyekanisha umuco Nyarwanda ku rwego mpuzamahanga.

Mu rwego rwo kwimakaza umuco mu rubyiruko, Itorero Inyamibwa ryagiye ritegura amahugurwa y’abana bari hagati y’imyaka 7 na 16, ribigisha imbyino, imivugo, ibisakuzo, n’ibindi bigize umuco Nyarwanda, kugira ngo bakure bawukunda kandi bawusigasire.

Mu rwego rwo kwizihiza imyaka 30 u Rwanda rumaze rwibohoye, Itorero Inyamibwa ryakoze igitaramo cyiswe “Inkuru ya 30”, kigamije kwerekana iterambere ry’igihugu mu bijyanye n’umuco n’ubukungu.

Itorero Inyamibwa rikomeje kuba icyitegererezo mu guteza imbere Umuco Nyarwanda, rikaba rizwiho ubuhanga mu mbyino n’indirimbo gakondo, ndetse no mu bikorwa byo gusigasira umurage w’igihugu.

Ku wa 24 Werurwe 2025, Itorero Inyamibwa ryakoreye igitaramo gikomeye muri BK Arena bise 'Inkuru ya 30'

Inyamibwa bari kwitegura gukora igitaramo bise 'Inka' kizabera muri Camp Kigali no muri Kaminuza y'u Rwanda ishami rya Huye 

Inyamibwa bubatse ibigwi kuva mu myaka 30 ishize bari mu muziki gakondo 

Inyamibwa bari bahurije hamwe ibihumbi by'abantu mu gitaramo cyihariye mu rugendo rwabo 

Perezida Kagame yitabiriye igitaramo ‘Inkuru ya 30’ cy’Itorero Inyamibwa 

Madamu Jeannette Kagame yari muri BK Arena tariki 24 Werurwe 2024 mu gitaramo cy’Inyamibwa 

KANDA HANO UREBE UKO IGITARAMO 'INKURU YA 30' CY'ITORERO INYAMIBWA CYAGENZE

Ibi ni ibikubiye mu bushakashatsi bw'Ikigo cy'Igihugu cy'Ibarurishamibare, NISR, ku miterere y'umurimo mu Rwanda bwanagaragaje ko abari ku isoko ry'umurimo mu Rwanda bafite kuva ku myaka 16, barenga miliyoni 5,3, abafite akazi muri bo bakaba miliyoni 4,5.

Imibare igaragaza ko abafite akazi biyongereyeho 4,7% kugeza mu Ugushyingo 2024, mu gihe mu Ugushyingo 2023 bari bazamutseho 4%.

Iyi raporo igaragaza ko abitabira umurimo mu Ugushyingo 2024 biyongereye cyane ugereranyije no mu bihe bya Covid-19, ndetse imibare y'ubushomeri yagiye hasi ugereranyije na mbere ya Covid-19, ni ukuvuga mu Ugushyingo 2019.

Yakomeje igira iti: 'Ibi bishobora gusobanurwa n'uko ubukungu buri kongera kwiyubaka n'abantu batari bari ku isoko ry'umurimo barigarutseho banabona akazi.'

Imibare yerekana ko abagabo bari ku isoko ry'umurimo ari 71,9% mu gihe abagore ari 57,1%. Icyuho hagati y'ibitsina byombi ku isoko ry'umurimo ni 14,8%.

Imibare y'inzego z'umurimo mu Rwanda igaragaza ko mu mwaka wa 2023/2024, abagore ibihumbi 29 bitabiriye gupiganira imyanya y'imirimo y'akazi muri Leta, ariko 1.574 gusa ni bo bagitsinze, 716 bahita bashyirwa mu myanya, mu gihe abandi 745 bashyizwe ku rutonde rw'abategereje ahaboneka umwanya.

NISR igaragaza ko abantu bari mu gihugu badafite akazi, ariko bagashakisha kandi biteguye gukora ngo bagire icyo binjiza basaga ibihumi 749, bangana na 14,7%.

Ubu bushakashatsi bugaragaza ko 3.018.614 batari ku isoko ry'umurimo kandi atari n'abashomeri, barimo 24,7% bakiri abanyeshuri na 27,7% bageze mu zabukuru, abafite ubumuga n'abatakaje icyizere bakareka gushaka akazi, na 47,6% bakora ubuhinzi buciriritse.

Ni mu gihe muri gahunda y'igihugu yo kwihutisha iterambere mu cyiciro cyayo cya kabiri (NST2) izagenderwaho muri manda y'imyaka itanu ya Perezida Kagame, hagaragaramo ko Guverinoma yiyemeje ko hazahangwa imirimo ibyara inyungu nibura miliyoni 1,25 ndetse buri mwaka hazajya hahangwa imirimo ibihumbi 250.

Ubushakashatsi bwa NISR, bugaragaza ko abari ku isoko ry'umurimo mu Rwanda bafite kuva ku myaka 16, barenga miliyoni 5,3, abafite akazi muri bo bakaba miliyoni 4,5.

Imibare igaragaza ko abafite akazi biyongereyeho 4,7% kugeza mu Ugushyingo 2024, mu gihe mu Ugushyingo 2023 bari bazamutseho 4%.

Raporo igaragaza ko abitabira umurimo mu Ugushyingo 2024 biyongereye cyane ugereranyije no mu bihe bya Covid-19, ndetse imibare y'ubushomeri yagiye hasi ugereranyije na mbere ya Covid-19, ni ukuvuga mu Ugushyingo 2019.

Iti 'Ibi bishobora gusobanurwa n'uko ubukungu buri kongera kwiyubaka n'abantu batari bari ku isoko ry'umurimo barigarutseho banabona akazi.'

Imibare yerekana ko abagabo bari ku isoko ry'umurimo ari 71,9% mu gihe abagore ari 57,1%. Icyuho hagati y'ibitsina byombi ku isoko ry'umurimo ni 14,8%.

Imibare y'inzego z'umurimo mu Rwanda igaragaza ko mu mwaka wa 2023/2024, abagore ibihumbi 29 bitabiriye gupiganira imyanya y'imirimo y'akazi muri Leta, ariko 1.574 gusa ni bo bagitsinze, 716 bahita bashyirwa mu myanya, mu gihe abandi 745 bashyizwe ku rutonde rw'abategereje ahaboneka umwanya.

Magingo aya ntihazwi impamvu zituma abagore batitabira gupiganirwa akazi mu myanya ya Leta, ariko biteganyijwe ko hazakorwa ubushakashatsi buzashyira hanze izi mpamvu.

NISR igaragaza ko abantu bari mu gihugu badafite akazi, ariko bagashakisha kandi biteguye gukora ngo bagire icyo binjiza basaga ibihumi 749, bangana na 14,7%.

Ubu bushakashatsi bugaragaza ko 3.018.614 batari ku isoko ry'umurimo kandi atari n'abashomeri, barimo 24,7% bakiri abanyeshuri na 27,7% bageze mu zabukuru, abafite ubumuga n'abatakaje icyizere bakareka gushaka akazi, na 47,6% bakora ubuhinzi buciriritse.

Abari ku isoko ry’umurimo kandi bafite akazi bariyongereye

Abarwanyi Denise Nyakeru Tshisekedi yasuye ni abari mu mavuriro ari mu bigo bya gisirikare bya Kokolo na Tshatshi.

Amafoto yashyizwe hanze, agaragaza Denise Nyakeru Tshisekedi aganiriza abakomerekeye ku rugamba barimo n'umusore wari wambaye isengeri afite ku kaboko ibirango bya CRAP.

Commando de recherche et d'action en profondeur (CRAP) ni umutwe w'ingabo udasanzwe wa FDLR. Bivuze ko uyu musore wasuwe n'umugore wa Perezida Tshisekedi ari wo abarizwamo.

Ubutumwa Denise Nyakeru yashyize hanze bushimangira ko azi neza ko mu bo yasuye harimo n'abarwanyi ba FDLR, kuko nyuma y'aho yahise asohora ubutumwa bushimira ihuriro ry'imitwe ya Wazalendo ikorana bya hafi na FDLR mu rugamba rwo guhangana na M23.

Minisitiri w'Ububanyi n'Amahanga w'u Rwanda, Amb. Olivier Nduhungirehe, yagaragaje ko iki gikorwa cya Denise Nyakeru gishimangira imikoranire iri hagati ya FDLR na Leta ya RDC.

Ati 'Uyu ni umutwe wakoze Jenoside washyizwe ku rutonde rw'imitwe y'iterabwoba na Leta Zunze Ubumwe za Amerika mu 2001, ariko ukaba warabaye umufatanyabikorwa ukomeye w'igisirikare cya Congo mu ntambara yo kurwanya M23 n'Abanye-Congo b'Abatutsi, bifatanyije n'Ingabo za Monusco, iz'u Burundi, iza SADC, abacanshuro b'Abanya-Burayi n'imitwe ya Wazalendo na Nyatura.'

Yakomeje avuga ko 'ndatekereza ko tudakeneye ibindi bimenyetso by'ubufasha uyu mutwe ukomoka mu Rwanda wakoze Jenoside, ndetse ukaba ukomeje gukwirakwiza iyi ngengabitekerezo y'ubwicanyi mu ihuriro ryose rya FARDC, uhabwa n'inzego zo hejuru i Kinshasa.'

Minisitiri Nduhungirehe yakomeje avuga ko iki gikorwa cya Denise Nyakeru, cyabaye nyuma y'amasaha make uwari umuyobozi w'umutwe w'igisirikare wa FDLR, Pacifique Ntawunguka uzwi nka Omega yishwe, nyuma yo kugerageza kumuramira kwa FARDC.

Umugore wa Tshisekedi yasuye abarwanyi ba FDLR mu bitaro, bishimangira ubufatanye bwayo na FARDC

Iki kirango kigaragaza ko uyu musore wasuwe na Denise Nyakeru Tshisekedi, abarizwa muri FDLR

Ibyo uwo mushoferi yabikoze ku wa 17 Mutarama 2025.

Polisi yatangaje ko yafashwe yanyweye ibisindisha biri ku kigero cya 251.

Umuvugizi wa Polisi y'u Rwanda Ishami rishinzwe umutekano wo mu muhanda, SP Emmanuel Kayigi, yagaragaje ko uyu mushoferi yapimwe n'ibiyobyabwenge bikagaragara ko akoresha urumogi kuko yasanzwemo ururi ku gipimo cya 136 ml mu mubiri we.

Yasobanuye ko amakuru y'uwo mushoferi, Polisi yayamenye ubwo yari yahagaze mu muhanda i Nyanza ya Kicukiro agafunga umuhanda, abaturage bagatabaza Polisi y'u Rwanda.

Ubwo Abapolisi bahageraga basanze koko yaparitse mu muhanda ndetse yanasinziririye muri iyo bisi itwara abagenzi mu buryo bwa rusange, bamusaba ko yasohoka undi arabyanga ahitamo gutwara ariruka.

Imodoka ya Polisi yaramukurikiye imusaba guhagarara undi akomeza gutsimbarara, byatumye abapolisi babona ko ashobora guteza ibibazo mu muhanda bavugana n'abandi bari imbere na bo abagezeho yanga guhagarara.

SP Kayigi yavuze ko uwo mushoferi yahagaze ari uko abapolisi bashyizeho inzitizi mu muhanda zimubuza gutambuka (barrier) afaritwa ageze Kacyiru.

Yasabye ibigo bifite imodoka zitwara abagenzi mu buryo bwa rusange, kujya bitanga akazi ku bashoferi bazima kandi bikanshyiraho uburyo bwo kugenzura imyitwarire yabo umunsi ku wundi.

Ati 'Ba nyiri bigo bafite abantu batwara imodoka zitwara abantu mu buryo bwa rusange ni bo ba mbere bo guha akazi abashoferi bazima, b'inyangamugayo bakora akazi kinyamwuga kandi bamara kubaha akazi ntibaterere iyo. Impanuka ntizishobora guhagarara dufite abantu bafite imyitwarire nk'iyi.'

Abashoferi na bo basabwe kwigengesera no guharanira kurangwa n'imyitwarire myiza mu gihe bari mu kazi kabo ka buri munsi.

Ati 'Ntabwo Polisi izihanganira umushoferi ufite imyitwarire mibi nk'iyi. Umushoferi utwara abagenzi azi neza ko atwaye ubuzima bw'abantu ariko we akabirengaho akagira imyitwarire nk'iriya. Ntabwo bikwiye ko utwara imodoka ngo wirengagize nkana ube wanywa ku bisindisha noneho ukarenzaho ugafata n'ibiyobyabwenge. Nta na rimwe bazajya bihanganirwa kandi hagiye gushyirwaho ingamba zidasanzwe ku buryo bazajya bakurikiranwa n'amategeko.'

Yashimye uko Abaturarwanda bakomeje gufatanya na Polisi binyuze mu gutanga amakuru ku byaha bitandukanye.

SP Kayigi yatangaje ko uyu mugabo w'imyaka 48 akekwaho ibyaha bitandukanye birimo gutwara ikinyabiziga wanyoye ibisindisha no gukoresha ibiyobyabwenge.

Akekwaho kandi amakosa yo mu muhanda arimo kugenda nabi, kwanga kubahiriza amabwiriza no kuba polisi yaramuhagaritse akanga guhagarara.

Itegeko riteganya ibyaha n'ibihano muri rusange riteganya ko umuntu wese urya, unywa, witera, uhumeka cyangwa wisiga mu buryo ubwo ari bwo bwose ibiyobyabwenge bito cyangwa urusobe rw'imiti ikoreshwa nka byo, aba akoze icyaha.

Iyo abihamijwe n'urukiko ahanishwa igifungo kitari munsi y'umwaka umwe ariko kitarenze imyaka ibiri cyangwa imirimo y'inyungu rusange.

Ibindi byaha byo ashobora gucibwa amande bijyanye n'amabwiriza agenga imikoreshereze y'umuhanda.

Umushoferi w’imyaka 48 wagerageje kwiruka nyuma yo guhagarikwa n’Umupolisi, akurikiranyweho ibyaha birimo no gukoresha ibiyobyabwenge