Author: webrwanda

Kuri uyu wa Gatanu itariki 21 Werurwe 2025 ikipe y'igihugu y'u Rwanda (Amabubi) yakiriye iya Nigeria (The Super Eagles) mu mukino wa Gatanu mu majonjora yo gushaka itike y'igikombe cy'Isi cya 2026 kizabera muri Leta Zunze Ubumwe za America, Canada na Mexico.

Abakinnyi 11 babanje mu kibuga ku ruhande rw’u Rwanda ni Ntwali Fiacre, Niyomugabo Claude, Djihad Bizimana, Ange Mutsinzi, Samel Guellete, Hakim Sahabo, Fitina Omborenga, Bonheur Mugisha, Thiery Manzi, Nshuti Innocent na Kwizera Jojea.

Abakinnyi 11 ikipe y’igihugu ya Nigeria ibanza mu kibuga ni Stanley Bobo Nwabili, Ola Aina, Wilfried Ndindi, William Trost Ekong, Victor Osmhen, Samuel Chukueze, Bright Osayi-Samuel, Simon Moses, Alexis Iwobi na Calvin Bassey.

Abakinnyi b’u Rwanda mu myitozo mbere y’uko umukino utangira

Victor Osmhen

Abakinnyi ba Nigeria mu nyitozo mbere y’uko umukino utangira

17:57′ Abakinnyi bari kuririmba indirimbo yubahiriza igihugu cy’u Rwanda’

17:57′ Abakinnyi bari kuririmba indirimbo yubahiriza igihugu cya Nigeria’

17:56′ Abakinnyi ku mpande zombi basohotse mu rwambariro’

17:42′ Abakinnyi ku mpande zombi bamaze gusubira mu rwambariro noneho aho baza kugaruka mu kibuga amakipe yombi acakirana’

17:17′ Abasore ba Nigeria The Super Eagles bamaze kugera mu kibuga aho bari kwishyushya mbere yo gucakirana n’amavubi’

17:12′ Abakinnyi b’Amavubi basohotse mu Rwambariro baje kwishyushya maze abafana barongera babakomera amashyi’

17:11′ Abazamu ku mpande zombi yaba Amavubi na Nigeria bamaze gusohoka mu rwambariro aho baje kwishyushya mbere y’uko umukino utangira’

17:00′ Abakunzi ba Nigeria The Super Eagles bagera muri 300 bamaze kugera muri Stade Amahoro aho baje gushigikira igihugu cyabo’

16:56′ Abafana ba Nigeria bagera muri 300 basesekaye musi Stade Amahoro kuza gushyigikira The Super Eagles’

16:40′ Abasore ba Nigeria bamaze gusuzuma ikibuga basubira mu rwambariro’

16:30′ Abakinnyi ba Nigeria The Super Eagles nabo basohotse mu rwambariro baje kureba uko ikibuga kimeze maze abakunzi b’Amavubi babaha inkwenene’

16:26′ Abakinnyi b’ikipe y’igihugu y’u Rwanda Amavubi bamaze gusuzuma ikibuga uko kimeze basubiye mu rwambariro’

16:19′ Abakinnyi b’ikipe y’igihugu y’u Rwanda Amavubi basohotse mu rwambariro baje kureba niba ikibuga kimeze neza ariko abakunzi b’Amavubi babakomeye amashyi Stade Amahoro irirangira’

16:00″ Igice cyo hejuru cya Stade Amahoro kimaze kuzura abafana ku kigero cya 95% mu gihe igice cyo hasi ari nacyo gitoya cyo kimaze kugeramo abafana bangana na 40%’

15:30″ Abanyarwanda bategerezanyije amatsiko umukino ugiye guhuza u Rwanda na Nigeria kuko abafana barenga ibihumbi 30 bamaze kugera muri Stade Amahoro baje gushigikira ikipe y’igihugu y’u Rwanda Amavubi’

Abakunzi b’u Rwanda mu matsiko yo kumenya ikiza kuva mu mukino

Abakunzi ba Nigeria nabo bategerezanyije amatsiko umukino ukomeye cyane

Abakinnyi ba Nigeria ubwo bari bari gusuzuma ikibuga mbere y’uko umukino utangira

Abakinnyi b’ikipe y’igihugu y’u Rwanda ubwo bari bari gusuzuma ikibuga bareba ko kimeze neza’

Stade Amahoro iri hafi kuzura

Abakunzi b’Amavubi bategerezanyije amatsiko isaha ya saa 18h:00 kugira ngo rwambikane hagati y’Amavubi y’u Rwanda na za Kagoma za Nigera’

Igice cyo hejuru cya Stade Amahoro cyamaze kuzira abafana baje kureba umukino ugiye guhuza Nigeria n’u Rwanda

Abafana Hanze ya Stade bagitegereje kwinjira baracyari uruvunganzoka

MC Bryan akomeje gususruta abafana bamaze kugera muri Stade Amahoro

Mu mikino 4 u Rwanda rumaze gukina mu itsinda C, rwatsinze imikino ibiri, runganya umwe, ndetse rutsindwa umwe. Imikino rwatsinze harimo uwa Afurika y'Epfo na Lesotho, Rwanganije na Zimbabwe ndetse rutsindwa na Benin ubu rufite amanota 7.

Ikipe y'igihugu ya Nigeria mu mikino ine imaze gukina muri aya marushanwa, yatsinzwe umwe wa Benin maze indi itatu irayinganya, ubu ikaba ifite amanota atatu mu itsinda C.

Iyo u Rwanda rwakinnye na Nigeria bikunda kugenda bite?

Uyu mukino ni uwa Munani mu mateka ugiye guhuza aya makipe yombi mu marushanwa yose. Mu mikino irindwi iheruka guhuza ibi bihugu u Rwanda rwatsinzemo umukino umwe, Nigeria itsinda imikino ibiri maze amakipe yombi anganya imikino ine. Muri iyi mikino u Rwanda rwinjije ibitego bitatu, rwinjizwa ibitego bitandatu.

Umukino wa Mbere wahuje ibi bihugu byombi wakinwe ku itariki 5 Kamena 2004. Ni umukino wari uwo gushaka itike y'igikombe cy'Isi ariko warangiye Nigeria itsinze u Rwanda rwari rufite abakinnyi bakomeye nka Gatete Jimmmy ibitego 2-0

Umukino wa Kabiri wahuje u Rwanda na Nigeria wakinwe tariki ya 6 z’ukwezi kwa Gatanu mu 2005, ukaba wari uwo gushaka itike y’igikombe cy’Isi, wasoje amakipe yombi aguye miswi 0-0.

Umukino wa gatatu wahuje aya makipe y’ibihugu byombi wakinwe tariki ya 29 z’ukwezi kwa 2 mu 2012 mu gushaka itike y’igikombe cy’Afurika, ukaba wararangiye amakipe yombi anganya 0-0.

Umukino wa Kane wakinwe tariki ya 6 z’ukwezi kwa 6 mu 2012, ukaba wari uwo kwishyura mu gushaka itike y’igikombe cy’Afurika. Warangiye Nigeria itsinze u Rwanda ibitego 2-1.

Umukino wa Gatanu aya makipe yombi wakinwe tariki ya 15 z’ukwezi kwa Mbere muri 2018 muri CHAN, ukaba wararangiye amakipe yombi anganya 0-0.

Umukino wa 6 wakinwe ku itariki 10 Nzeri 2024 nawo warangiye amakipe yombi anganya 0-0 mu marushanwa yo gushaka itike y'igikombe cya Africa AFCON kizabera mu gihugu cya Morocco.

Umukino wa karindwi wahuije u Rwanda na Nigeria wabaye ku itariki 18 Ugushyingo 2024, ukaba wararangiye u Rwanda rutsinze Nigeria imbere y'abafana babo ibitego 2-1. Ibitego byarwo byatsinzwe na Nshuti Innocent na Mutsinzi Ange mu gihe Nigeria yatsindiwe na Samuel Chukwueze.

Ibihe by'ingenzi byaranze imikino ine y'u Rwanda mu itsinda C mu gushaka itike y'igikombe cy'isi cya 2026

1. Rwanda VS Zimbabwe

Umukino wa mbere w'u Rwanda mu itsinda C mu gushaka itike y'igikombe cy'isi Amavubi yanganyije na Zimbabwe 0-0 mu mukino wabereye kuri Stade Huye ku itariki umukino wakinwe ku itariki 15 Ugushyingo 2023.

Muri uwo mukino Zimbabwe yabonye amahirwe akomeye yo gutsinda ku munota wa 7, ariko Muskwe Admiral Dalindela ntiyashobora gutsinda. Ku ruhande rw'Amavubi, Byiringiro Lague yabuze igitego ku munota wa 20, naho Djihad Bizimana agerageza ishoti rikomeye ku munota wa 21, umupira uca hanze. Igice cya mbere cyarangiye ari 0-0, Mugisha Bonheur yari abonye amahirwe akomeye kuri koruneri ya Hakim Sahabo.

Mu gice cya kabiri, umutoza w'Amavubi yakoze impinduka, ariko ikipe ya Zimbabwe yakomeje kwiharira umukino, ibona amahirwe menshi harimo koruneri enye mu minota 20 ya mbere. Amavubi nayo yagize uburyo bubiri bukomeye, harimo igitego cyari gishoboka ku munota wa 90, ariko Niyomugabo Claude ateye umupira uca hejuru y'izamu.

Umukino warangiye amakipe yombi anganyije 0-0 maze Amavubi ajya kwitegura umukino wa Afurika y'Epfo wabaye tariki 21/11, naho Zimbabwe ijya kwitegura Nigeria umukino wakinwe tariki 19/11/2023.

Muri uwo mukino abakinnyi babanje mu kibuga ku ruhande rw'u Rwanda ni Ntwari Fiacre, Bizimana Djihad, Omborenga Fitina, Imanishimwe Emmanuel, Mutsinzi Ange, Manzi Thierry, Mugisha Bonheur, Hakim Sahabo, Mugisha Gilbert, Nshut Innocent na Byiringiro Lague

Ku ruhande rwa Zimbabwe ni Donovan Fungai, Takwara John Gerald, Hadebe Teenage Lingani, Lunga Divine Xolile, Mbeba Andrew Kabila, Brian Banda Jasper, Marshall Munetsi Nyasha, Marvellous Nakamba, Prince Dube Mpumeleo, Musona Walter Tinotenda, Muskwe Admiral Dalindela.

 2. Rwanda VS South Africa

Umukino wa kabiri mu itsinda C Ikipe y'Igihugu Amavubi yatsinze Afurika y'Epfo ibitego 2-0 ku itariki 21/11 2023 mu mukino wo gushaka itike y'Igikombe cy'Isi cya 2026 maze ibona amahirwe yo kuyobora itsinda C n'amanota 4.

Igitego cya mbere cy'Amavubi cyatsinzwe na Nshuti Innocent ku munota wa 11 nyuma yo gucika ba myugariro ba Afurika y'Epfo maze atera ishoti rikomeye. Ku munota wa 27, Mugisha Gilbert yatsinze igitego cya kabiri, aciye mu bakinnyi ba Afurika y'Epfo, asigarana n'umunyezamu Williams, maze atera umupira mu rushundura.

Amavubi yakomeje kwihagararaho, abona andi mahirwe ariko ntiyongera gutsinda. Abafana bari kuri Stade ya Huye batashye bishimiye intsinzi, kuko Amavubi yari amaze kugira amanota ane yayahaye amahirwe yo kuyobora itsinda C.

Muri uwo mukino abakinnyi umutoza w'u Rwanda Trosten Frank Spitller yari yabanje mu kibuga ni Ntwari Fiacre, Omborenga Fitina, Imanishimwe Emmanuel, Mutsinzi Ange, Manzi Thierry, Niyonzima Olivier, Muhire Kevin, Bizimana Djihad, Byiringiro Lague, Nshuti Innocent na Mugisha Gilbert.

Abakinnyi babanje mu kibuga ku ruhande rwa Africa y'Epfo ni Ronwen Haydrn Williams, Bongokuhle Mayambela, Mihlali Mayembela, Aubrey Maphosa Modiba, Tebeho Mokena, Khuliso Mudau, Nkosinathi Sibisi, Sphephelo S’miso Sithole, Percy Muzi Tau, Siyanda Xulu na Themba Zwane.

3. Rwanda VS Benin

Ku itariki ya 6 Kamena 2024 Ikipe y'Igihugu y'u Rwanda yatsinzwe na Benin igitego 1-0 mu mukino wa gatatu wo gushaka itike y'Igikombe cy'Isi cya 2026.

Umukino wakiniwe muri Côte d'Ivoire, aho igitego rukumbi cyatsinzwe na Dodo Dokou ku munota wa 37, nyuma y'aho Benin yari imaze kurusha Amavubi mu guhanahana no gutera koruneri nyinshi.

Mu gice cya kabiri, u Rwanda rwagerageje gushaka igitego cyo kwishyura, umutoza Torsten Frank Spittler akora impinduka zinjijemo abakinnyi barimo Muhire Kevin na Jojea Kwizera. Amavubi yabonye amahirwe, ariko ba myugariro ba Benin n'umunyezamu Dandjinou Marcel bakomeza kwihagararaho.

Umukino warangiye ari 1-0, u Rwanda rugumana amanota ane, rusigara ruyanganye na Benin Benin mu itsinda C, ariko atakaza umwanya wa mbere mu itsinda C kuko wahise ufatwa na Lesotho yari igize amanota atanu.

Muri uwo mukino abakinnyi u Rwanda rwari rwabanje mu kibuga ni Ntwari Fiacre, Omborenga Fitina, Imanishimwe Emmanuel, Manzi Thierry, Mutsinzi Ange, Rubanguka Steve, Bizimana Djihad, Rafael York, Hakim Sahabo, Mugisha Gilbert na Nshuti Innocent.

Abakinnyi bari babanje mu kibuga ku ruhande rwa Benin muri uwo mukino ni Marcel Dandjinou, Cedric HOUNTONDJI, Abdoul Rachid MOUMINI, David KIKI, Mohamed TIJANI, Hassane IMOURANE, Sessi D ALMEIDA, Junior OLAITAN ISHOLA, Dokou DODO, Steve MOUNIE na Jodel DOSSOU.

4. Rwanda VS Lesotho

Ku itariki 11 kamena 2024 Ikipe y'Igihugu y'u Rwanda, Amavubi, yatsinze Lesotho igitego 1-0 mu mukino wa kane wo gushaka itike y'Igikombe cy'Isi cya 2026, biyifasha kongera kuyobora itsinda C n'amanota arindwi.

Igitego cyatsinzwe na Kwizera Jojea ku munota wa 45, ku mupira yari ahawe na Fitina Omborenga nyuma y'aho Bizimana Djihad awuteye neza ni nacyo cyasoje umukino. Mu gice cya kabiri, Lesotho yagerageje gusatira, ariko Amavubi bakomeza kwihagararaho, umukino urangira ari 1-0.

Amavubi yahise afata umwanya wa mbere mu itsinda kuko yahise agira amanota 7, anganya na Afurika y'Epfo na Benin ariko ikazigama ibitego bibiri mu gihe Afurika y'Epfo izigamye kimwe.

Muri uwo mukino abakinnyi u Rwanda rwari rwabanje mu kibuga ni Ntwari Fiacre, Omborenga Fitina, Mutsinzi Ange, Manzi Tierry, Imanishimwe Emmanuel, Muhire Kevin, Mugisha Bonheur, Bizimana Djihad, Kwizera Jogea, Nshuti Innocent. na Mugisha Gilbert.

Ku ruhande rwa Lesotho abakinnyi bari babanje mu kibuga ni Moerane, Malane, Mkwanazi, Makhele, Rasethuntsa, Lebokollane, Lesoaoana, Thaba, Fothoane, Sefali na Motebang. 

Ikipe y’igihugu y’u Rwanda igiye kwakira Nigeria mu mukino wo gushaka itike y’igikombe cy’Isi

Abafana barenga ibihumbi 28 bamaze kugera mu byicaro byabo kuri Stade Amahoro aho bategerezanyije amatsiko umukino ukomeye

Abafana bari mu marembo ya Stade Amahoro bategereje kwinjira ngo bahanye amaso umukino ugiye guhuza u Rwanda na Nigeria

“>

Umunyarwenya Pirate mu bitabiriye umukino w’u Rwanda na Nigeria

“>

AMAFOTO: Emile Maurice na Ngabo Serge

VIDEO: #Director_melvin_pro

Source : https://inyarwanda.com/inkuru/153759/live-amavubi-agiye-kwakira-nigeria-mu-mukino-wakataraboneka-153759.html

Amakuru aturuka mu binyamakuru byo muri Espagne birimo Marca na AS aravuga ko myugariro w'inyuma w'iburyo wa Liverpool, Trent Alexander-Arnold, ari hafi kwerekeza muri Real Madrid ku kigero cya 99%.

Mu kwezi kwa Mutarama 2025, Real Madrid yari yashyize imbaraga nyinshi mu kugerageza gusinyisha uyu musore w'imyaka 25, akaba kapiteni wungirije wa Liverpool.

 Gusa, ibyo biganiro byaje guhagarara kubera ko impande zombi zitigeze zumvikana ku bijyanye n'amasezerano. Icyakora, uko igihe cyagiye gihita, Madrid yongeye kugaruka ku mugambi wo kumwegukana, by'umwihariko nyuma yo kubona ko uyu mukinnyi akomeje kwanga kongera amasezerano mashya mu ikipe ye.

Amasezerano ye ari hafi kurangira ku itariki ya 30 Kamena 2025, kandi kugeza ubu nta kimenyetso cy'uko azayongera.

Liverpool irimo kugerageza kumusaba kuguma muri iyi kipe, ariko ubuyobozi bwa Real Madrid bwizeye ko buzabona umukinnyi mushya uzasimbura Dani Carvajal, umaze igihe kinini ari we mukinnyi wa mbere w'iyo kipe kuri uwo mwanya.

Alexander-Arnold amaze imyaka irenga 10 muri Liverpool, aho yinjiriye mu ikipe nkuru muri 2016 avuye mu ishuri ry'umupira w'amaguru ry'iyi kipe.

Kuva ubwo, yabaye umukinnyi w'ingenzi, atwarana na Liverpool ibikombe bikomeye birimo Champions League (2019) na Premier League (2020).

Nubwo Liverpool yakomeje kumwizeza ko ashobora kuzakomeza kuba igice cy'ahazaza h'iyi kipe, amakuru aturuka mu bashinzwe gushakira abakinnyi amakipe agaragaza ko Real Madrid yiteguye kumwemeza binyuze mu masezerano afatika, bityo akajya gukinana na bagenzi be bo mu Bwongereza nka Jude Bellingham nabandi.

Kugeza ubu iBisigaye n'ukureba niba Alexander-Arnold azahitamo gukomeza urugendo rwe muri Liverpool, cyangwa niba azemera kwerekeza muri Santiago Bernabéu aho yakwiyongera ku bakinnyi bakomeye bagiye bayoboka iyi kipe mu bihe bitandukanye.

Source : https://kasukumedia.com/trent-alexander-arnold-ikirenge-kimwe-kiri-i-liverpool-ikindi-i-madrid/

In an exhilarating match held at the Kigali Pele Stadium, Nigeria’s national football team, the Super Eagles, emerged victorious over Rwanda’s Amavubi, with a final score of 2-0. The highly anticipated game drew a massive crowd, with fans from both nations eagerly awaiting the face-off.

From the onset, Nigeria dominated the field, showcasing their exceptional skills and coordination. The first goal came in the 24th minute, courtesy of a powerful strike by Nigeria’s star forward, Kelechi Iheanacho. The Super Eagles maintained their lead, denying Rwanda any opportunity to equalize.

The second half saw Rwanda attempting to make a comeback, but Nigeria’s solid defense proved impenetrable. In the 68th minute, Ahmed Musa, the Super Eagles’ captain, delivered a stunning goal, sealing the team’s victory.

Rwanda’s Amavubi put up a commendable fight, demonstrating tenacity and determination. However, they were outmatched by Nigeria’s superior gameplay and strategic prowess.

The match concluded with a 2-0 win for Nigeria, further solidifying their position as one of Africa’s football powerhouses. The Super Eagles’ triumph has instilled a sense of pride among their fans and has set the stage for future encounters between these two talented teams.

As the players celebrated their victory, the Kigali stadium erupted with a mix of emotions, ranging from elation among Nigerian supporters to disappointment among Rwandan fans. Nonetheless, the spirit of sportsmanship prevailed, with both teams acknowledging each other’s efforts and the fans appreciating the display of exceptional football.

This match will undoubtedly be remembered as one of the most thrilling encounters in recent African football history, setting the bar high for future competitions and fueling the passion for the beautiful game across the continent.

Umutoza wa Nigeria, Éric Chelle, na kapiteni William Troost-Ekong batangaje ko bagize ibibazo mu mikino ibanza yo gushaka itike y'Igikombe cy'Isi cya 2026. Gusa, bahamya ko umukino bazahuramo n'u Rwanda ari amahirwe ya kabiri yo kwitwara neza. Ibi babivuze ku wa Kane, tariki ya 20 Werurwe 2025, mu kiganiro n'itangazamakuru kibanziriza umukino.

Umutoza Chelle yavuze ko Amavubi ari ikipe ifite ubushake bwo gutsinda, cyane cyane kubera impinduka mu batoza. Yongeyeho ko na Nigeria ifite intego nk'iyo, akaba yizeye ko bazitwara neza. Yagize ati: 'U Rwanda ni ikipe nziza, ariko abakinnyi banjye nabasezeranyije ko tuzakora ibishoboka byose kugira ngo dutsinde.'

Kapiteni wa Nigeria, William Troost-Ekong, na we yashimangiye ko bafite inshingano yo gutsinda kugira ngo umutoza mushya abagirire icyizere. Yavuze ko Amavubi ari ikipe ikomeye, ariko Nigeria ifite ba rutahizamu beza bazabafasha gutsinda uyu mukino.

Amavubi ayoboye itsinda n'amanota arindwi, anganya na Benin na Afurika y'Epfo. Lesotho ifite amanota ane, Nigeria itanu ifite atatu, mu gihe Zimbabwe ari iya nyuma n'amanota abiri. Ibi byashyize Nigeria mu mwanya ugoye, kuko gutsindwa bishobora kuyikura mu nzira igana mu Gikombe cy'Isi.

Uyu mukino uzabera kuri Stade Amahoro ku wa Gatanu, tariki ya 21 Werurwe 2025. Nigeria izaba ikeneye intsinzi kugira ngo yongere amahirwe yo gukomeza, mu gihe u Rwanda narwo rukeneye gukomeza kuyobora itsinda.

 

Source : https://yegob.rw/nigeria-yahize-gukoresha-ba-rutahizamu-beza-ku-isi-igatsinda-amavubi/

Ikipe y'igihugu ya Benin yabaye iya mbere mu itsinda C nyuma yo kunganya na Zimbabwe ibitego 2-2 mu mukino wabaye ku wa Kane, tariki ya 20 Werurwe 2025. Uyu mukino wari uw'umunsi wa gatanu w'amajonjora yo gushaka itike y'igikombe cy'Isi cya 2026 kizabera muri USA, Canada na Mexico.

Benin yafunguye amazamu ibifashijwemo na Dodo Doku na Steve Monue, mu gihe Zimbabwe yishyuwe ibitego bibiri na Lunga na Munetsi. Uko kunganya byatumye Benin igira amanota umunani, ihita ifata umwanya wa mbere mu itsinda C.

Mu gihe Benin yafashe umwanya wa mbere, Mozambique yo yagumye ku mwanya wa nyuma n'amanota atatu. Ikipe y'igihugu ya Nigeria nayo iracyafite amahirwe yo kuzamuka mu gihe yatsinda umukino ifitanye n'u Rwanda.

Kugeza ubu, Benin ifite amanota umunani, u Rwanda na Afurika y'Epfo bifite amanota arindwi, Lesotho ifite amanota atanu, mu gihe Nigeria na Zimbabwe zifite amanota atatu. Iyi mikino iracyakomeza, bivuze ko umwanya wa mbere ushobora guhinduka.

Nubwo Benin iri ku mwanya wa mbere, bishoboka ko izawutakaza mu gihe u Rwanda rwatsinda Nigeria cyangwa Afurika y'Epfo igatsinda Lesotho. Iyi mikino yombi izakinwa ku wa Gatanu, bikaba bizagaragaza niba Benin izakomeza kuyobora itsinda cyangwa niba u Rwanda cyangwa Afurika y'Epfo bizayisimbura.

 

Source : https://yegob.rw/ikipe-yigihugu-ya-benin-yaraye-yitije-umwanya-wa-mbere-wu-rwanda-mu-gushaka-itike-yigikombe-cyisi/

Rutahizamu w'umunya-Brazil Vinicius Jr yongeye kwerekana ubuhanga bwe, atsinda igitego cy'intsinzi kuri penaliti yatewe ku munota wa 99, bituma ikipe y'igihugu ya Berezile itsinda umukino wari ukomeye cyane wabahuzaga na Colombia.

Nyuma yo gutsinda, Vinicius Jr ntiyahishe ibyishimo bye, ahita agira icyo abwira abafana n'abanya-Brazil bose. ati: 'Nari nkwiriye iyi ntego kubw'ibintu byose nakoreye, kuko ngomba cyane Seleção kubyo bankoreye byose, ndetse n'ibyo bagenzi banjye bankorera buri munsi.'

Iri jambo ryagaragaje urugendo rurerure uyu mukinnyi amaze kugenda, rikaba ryarakoze ku mitima y'abafana be, cyane cyane Abanya-Brazil bamukunda byimazeyo.

Uyu mukino wari urimo ishyaka ryinshi, aho Brazil yahanganye bikomeye n'ikipe bari bahanganye. Ku munota wa nyuma, bigaragara ko amakipe yombi ashobora kunganya, ariko penaliti yabonetse mu minota y'inyongera yahaye Vinicius Jr amahirwe yo kuba intwari y'umukino.

Ubwo yari ahagaze imbere y'umunyezamu, abafana benshi bari bafite igitutu, ariko uyu mukinnyi wa Real Madrid yagaragaje ituze, atereka umupira neza mu rushundura, maze atsindira Brazil.

Ibyishimo byahise biseseka ku kibuga, abakinnyi bagenzi be baramuhobera, naho abafana bari kuri sitade na bo barahaguruka, bavuza akaruru ko kwishimira intsinzi.

Vinicius Jr akomeje kugaragaza ko ari umwe mu bakinnyi bakomeye muri iki gihe, ndetse Brazil imwitezeho byinshi mu marushanwa ari imbere.

Ubusanzwe, ni umukinnyi ufite umuvuduko, tekinike n'ubuhanga bwo gutsinda ibitego, ari na yo mpamvu abafana be bamwubaha cyane.

Gutsinda kuri penaliti, mu minota y'inyongera y'umukino ukomeye, ni ikimenyetso cy'ubushishozi bwe ndetse n'ubushobozi afite bwo kwihagararaho mu bihe bikomeye.

Ntabwo ari ubwa mbere agaragaje imbaraga nk'izi, kuko no muri shampiyona y'u Burayi akinamo, akunze gutsinda ibitego by'ingenzi bikiza ikipe ye.

Uyu mukino wahaye ikizere gikomeye Brazil, kandi Vinicius Jr yahamije ko ari umwe mu nkingi za mwamba z'iyi kipe. Abanya-Brazil barishimye, abafana ba Real Madrid na bo bishimira ko umukinnyi wabo akomeje kwigaragaza nk'icyamamare ku rwego mpuzamahanga.

Source : https://kasukumedia.com/vinicius-jr-yongera-kugaragaza-ubuhanga-igitego-cye-cya-penaliti-ku-munota-wa-99-cyahesheje-brazil-intsinzi/

Umunyamideli Hailey Baldwin Bieber, umugore w'umuhanzi w'icyamamare Justin Bieber, yafashe ingamba zikakaye zo guhangana n'abantu bamusebya ku mbuga nkoranyambaga no mu binyamakuru bitandukanye. Yiyemeje gukoresha inzira z'amategeko kugira ngo ahashye ibihuha bimwandikwaho ndetse n'ibindi byibasira ubuzima bwe bwite.

Hailey Bieber ari mu byamamare byo muri Leta Zunze Ubumwe za Amerika bikunze kwibasirwa cyane ku mbuga nkoranyambaga, aho ahura n'ibitutsi, ibihuha, ndetse n'amagambo y'urwango ava mu bafana batamushyigikiye.

Kubera iyo mpamvu, uyu munyamideli yifashishije umunyamategeko ukomeye Lisa Moore kugira ngo amufashe gukurikirana abantu n'ibinyamakuru bikwirakwiza ibihuha bimugirira nabi.

Amakuru aturuka ku bantu ba hafi ya Hailey avuga ko yarambiwe amagambo mabi akomeza gukwirakwizwa, cyane cyane ku mbuga nkoranyambaga nka Instagram, Space X (Twitter) na TikTok, aho akunze kwibasirwa n'abafana ba Selena Gomez, wahoze akundana na Justin Bieber.

Aba bafana bamushinja kuba ari we watumye Justin atandukana na Gomez, ibintu bikomeje gutuma Hailey ahora mu nkundura y'urwango n'ibitutsi.

Lisa Moore, umunyamategeko Hailey yitabaje, ni umwe mu b'inararibonye mu gukurikirana ibibazo nk'ibi. Ni we wahagarariye umuraperikazi Cardi B mu rubanza yaregagamo umunyamakuru Tasha K, wari waramusebeje akamuvugaho ibihuha. Cardi B yaje gutsinda uru rubanza, ndetse anishyurwa miliyoni 4 z'amadolari.

Hailey Bieber rero yizeye ko uyu munyamategeko amufasha gutsinda abamusebya no gusubiza agaciro ke imbere y'abamukurikira.

Muri iyi minsi, Hailey Bieber akomeje kuvugwa cyane mu itangazamakuru kubera amakuru avuga ko urugo rwe na Justin Bieber ruri mu bibazo bikomeye. Hari ibihuha bivuga ko aba bombi batameranye neza ndetse ko bashobora kuba bagiye gutandukana. Nubwo aba bombi batigeze bemeza aya makuru, bikomeje gukurura impaka nyinshi mu bafana babo.

Uretse ibyo, Hailey Bieber akunze gushinjwa ko atagira impuhwe cyangwa urukundo nka Selena Gomez, ibintu bikomeza gutuma bamwe bamwibasira.

Icyakora, Hailey na Justin bakomeje kugaragaza ko bashyigikiranye, nubwo badakunze kuvuga cyane ku buzima bwabo bwite.

Kuba Hailey yafashe icyemezo cyo kwitabaza inkiko, ni ikimenyetso cy'uko adashaka gukomeza kwihanganira guharabikwa. Ibi bishobora guha isomo abantu benshi bakoresha imbuga nkoranyambaga mu buryo bwo gutuka no gusebya ibyamamare.

Ibi kandi ni urugero rwiza ku byamamare bishobora kuba bifite ibibazo nk'ibyo, bigaragaza ko amategeko ashobora kwifashishwa mu guhangana n'irondaruhu, ibitutsi, ndetse no kwibasirwa ku mbuga nkoranyambaga.

Hailey Bieber arifuza ko uku gukurikirana abamusebya bizatuma abantu bacika ku muco wo gusebanya, ndetse n'itangazamakuru rikajya rikora kinyamwuga, rigatanga amakuru y'ukuri aho gukwirakwiza ibihuha bishobora kwangiza isura y'ibyamamare.

Source : https://kasukumedia.com/hailey-bieber-yitabaje-inkiko-mu-kurwanya-abamusebya-ku-mbuga-nkoranyambaga/

Ngwinondebe Josette, wagiye agarukwaho mu nkuru zitandukanye zamushinjaga kugirana umubano wihariye n'Umunyamakuru Murungi Sabin ndetse n'Umuhanzi Dany Nanone, yateye utwatsi ibyo bimuvugwaho, abishimangira mu kiganiro yahaye Kiss FM kuri uyu wa 21 Werurwe 2025.

Uyu mugore, byigeze kuvugwa ko yari yaratandukanye n'umugabo we, yavuze ko ibi ari ibihuha byacicikanye mu itangazamakuru, nyamara ntaho bihuriye n'ukuri.

Yashimangiye ko afite umugabo umwe kandi amukunda cyane, avuga ko nta kindi kimuhangayikishije uretse kubana neza n'umuryango we.

Ngwinondebe yongeyeho ko asanga amagambo amuvugwaho afitanye isano n'abantu bashaka kumuharabika no gusenya umuryango we, ariko we ngo ntazatezuka ku byo yemera.

Ati: 'Ndagira ngo mbwire abantu bose banyarukira gukwirakwiza ibihuha ko mfite umugabo, ndamukunda kandi ntakindi nshyize imbere uretse urugo rwanjye. Ibyo bavuga byose sibyo, ni ibinyoma.'

Ku rundi ruhande, Umuhanzi Dany Nanone na we yagarutse kuri ayo makuru ubwo yari mu kiganiro na B&B Kigali FM, avuga ko Ngwinondebe ari inshuti ye isanzwe, nta wundi mubano wihariye bafitanye.

Yagize ati: 'Hari igihe abantu babona ko inshuti zisanzwe zigirana ibihe byiza, bagatangira kubyitirira ibindi bintu. Ngwinondebe ni umuntu tuziranye, tugirana ibiganiro bisanzwe ariko ibindi byose bivugwa sibyo.'

Umunyamakuru Murungi Sabin, na we wakunze kuvugwa mu nkuru zijyanye na Ngwinondebe, ntiyigeze agira byinshi abitangazaho, ariko inshuti ze za hafi zavuze ko aya makuru nta shingiro afite.

Ibi byatumye abantu bibaza impamvu Ngwinondebe akomeje kuvugwa mu nkuru z'uburyo nk'ubu, bamwe bakeka ko ari uburyo bwo kumuharabika cyangwa hari abamugirira ishyari.

Gusa we ahamya ko adatewe ubwoba n'ibyo abantu bavuga, ko yitaye ku muryango we no ku buzima bwe bwite.

Ibihuha nk'ibi bikunze gukwirakwira cyane ku bantu bazwi muri sosiyete, aho abenshi bahura n'ibibazo by'amakuru atariyo ajyanye n'ubuzima bwabo bwite. Nyamara, bamwe mu basesenguzi bavuga ko kurwanya ibi ari uko abantu bibanda ku kuri, bakirinda guha agaciro ibivugwa n'abashaka kwangiza isura yabo.

Source : https://kasukumedia.com/ngwinondebe-josette-ahakanye-ibivugwa-ku-mubano-we-na-murungi-sabin-na-dany-nanone/

Mu nama mpuzabikorwa y'Akarere ka Kamonyi yo kuri uyu wa 20 Werurwe 2025 yahuje inzego z'Ubuyobozi kuva kuri ba Midugudu, Gitifu b'Utugari, ab'Imirenge, Akarere n'izindi nzego zirimo iz'Umutekano, Umuyobozi wa Polisi y'u Rwanda mu Karere yabwiye abayitabiriye ko ibyo bakora byose ntacyo bageraho mu gihe nta Mutekano uhari. Yasabye uruhare rwa buri wese mu gukumira no kurwanya abakora ibikorwa bibi bihungabanya Umutekano, agaragaza bimwe mu biwubangamiye n'ingamba zafashwe.

SP Furaha, yabwiye inzego z'Ibanze(bose) ko babaye bari maso, begereye neza abaturage nti hagire ugira uburangare kandi bagatangira amakuru ku gihe y'aho bazi hakorerwa ibyaha cyangwa se ababikora byatuma Kamonyi iba Akarere katarangwamo icyaha.

Yagaragaje ko mu mezi atagera kuri atatu gusa( Mutarama, Gashyantare na Werurwe), hari bimwe mu byaha byakozwe birimo; Gukubita no Gukomeretsa, Ubujura, Gusambanya abana, Ibiyobyabwenge, Guhoza ku nkeke, Ubuhebyi, Ingengabitekerezo ya Jenoside, Kwangiza ikintu cy'undi, Ubujura bwibasira ibikorwa remezo n'Ibindi.

Yagaragaje kandi ko muri iki gihe cy'amezi hafi atatu, ibyaha byose byakozwe muri Kamonyi ari 283, ibyo bikiyongeraho impanuka zo mu muhanda 43 zaguyemo abantu 10 hakomerekeramo 86.

Mu rwego rwo gukumira no kurwanya ibyaha kandi, Polisi ifatanije n'izindi nzego ndetse n'abaturage, hakozwe Operasiyo 22 hagamijwe kurwanya ibiyobyabwenge, aho Litiro 5,275 za Muriture zamenwe, Kanyanga Litiro 5,5 zirafatwa ziramenwa, naho Amacupa 1200 ya Kambuca arafatwa ziramenwa.

Uretse ibyo kandi, muri izo Operasiyo zakozwe mu bice bitandukanye bigize Akarere ka Kamonyi, hafashwe Bule 890 z'Urumogi, hafatwa kandi ibiro 5 by'urumogi ndetse hanafatwa ibiti byarwo 4 bihinzwe. Ibyo byose bijyana no kuba bamwe mu babikoraga barafashwe bagashyikirizwa ubutabera.

Mu byagaragajwe muri iyi nama Mpuzabikorwa, Polisi yagaragaje ko abantu 27 muri iki gihe cy'amezi hafi atatu bapfuye biturutse ku mpamvu zitandukanye zirimo; Abiyahuye, Urupfu rutunguranye, Ubwicanyi, Kwiyahura, Inkuba yakubise umuntu, Gukuramo inda, Gukubita byateye urupfu, Kurohama byateye urupfu, Impanuka ndetse n'abagwiriwe n'ibirombe.

SP Furaha, Umuyobozi wa Polisi y'u Rwanda ikorera mu Karere ka Kamonyi yabwiye abitabiriye iyi nama ko ibyagaragaye nk'ibitera ibyaha ari; Ubusinzi, Urugomo ruturuka k'Ubusinzi, Ubushoreke, Amakimbirane aturuka ku miryango ibana itarasezeranye, Urugomo ruturuka ku bucukuzi bw'amabuye butemewe hamwe n'inzoga z'inkorano.

Mu rwego rwo gukumira no kurwanya ibyaha, SP Furaha yasabye ko inzego zose zigomba kubigiramo uruhare, abafite amakuru bakayatanga neza kandi ku gihe. Yasabye ko hashyirwa hamwe imbaraga mu mikorere y'amarondo, Gukangurira Abaturage kwicungira Umutekano no gutangira amakuru ku gihe, Gukaza ingamba zo gukora imikwabu yo gufata Abanyabyaha, Gushyira imbaraga muri gahunda y'igororamuco rishingiye ku muryango haganirizwa imiryango ibana mu makimbirane ndetse n'urubyiruko rwitwara nabi, Gushyira imbaraga mu bukangurambaga ndetse no kwigisha abaturage ko hari amategeko ahana usinda ku mugaragaro.

Munyaneza Théogène

Source : https://www.intyoza.com/2025/03/21/kamonyi-nta-mutekano-nta-terambere-sp-furaha-dpc/

Ibi yabigarutseho kuri uyu wa Kane 20 Werurwe 2025, ubwo yasuraga abanyeshuri biga ku Rwunge rw'Amashuri rwa Gahengeri, ishuri yarereweho riri mu Mudugudu wa Gahengeri, Akagari ka Kadaho, Umurenge wa Cyabakamyi, mu Karere ka Nyanza.

Ni urugendo yakoze mu gikorwa cyiswe ' Nawe wagera kure' cyateguwe na Minisiteri y'Uburezi kigamije kuganiriza abakiri bato kugira ngo bamenye akamaro k'ishuri, banafatiye ingero ku babanjirije ku ntebe y'ishuri aho biga nabo ubwabo.

Depite Uwumuremyi wize amashuri abanza kuri G.S Gahengeri, yabwiye abahiga ubu ko ari mu bahize akanigisha muri iri shuri ritaratangira kugira icyiciro cy'amashuri yisumbuye.

Depite Uwumuremyi yatangiye kwiga kuri iri shuri mu 1986, ahasoreza amashuri abanza, akomereza amashuri yisumbuye mu Birambo, Jenoside iba amaze kwiga ibuhembwe bibiri gusa, inamutwara ababyeyi n'abandi bo mu muryango we.

Uwumuremyi utaraciwe intege no kuba imfubyi, yakomeje avuga ko ataretse ishuri, uhubwo yakomereje amashuri ahitwa i Rwaza, mu Karere ka Musanze, ari naho yasoreje icyiciro rusange.

Umwaka wa kane yawukomereje muri 'Ecole des Sciences Byimana', aho we ubwe yagiye kwishakira umwanya, akabanza kwiga Inderabarezi igihembwe kimwe, nyuma agakomeza Ibinyabuzima n'Ubutabire kubera ko yifuzaga kuzaba umuganga.

Nyuma yaje kwiga ubumenyi bw'Isi muri Kaminuza, ibyatumye mu 2007 aba umuyobozi w'ubutaka mu Karere ka Nyanza.

Uko yinjiye muri Politiki

Nyuma yo gusoza ayisumbuye mu 2001, Depite Uwumuremyi yahise asubira kwigisha mu mashuri abanza, anitegura kujya muri Kaminuza Nkuru y'u Rwanda i Huye.

Muri uyu mwaka ni bwo hahise habaho impinduka mu mitegekere y'igihugu hashyirwaho uturere twasimbuye komini; maze ajya mu Nama Njyanama y'Akarere ka Kabagari, ari nabyo byatumye yinjira muri politiki.

Yakomeje kuba hafi y'inzego zifatirwamo ibyemezo, maze mu 2007 atorerwa kuyobora Urugaga rw'Abagore rushamikiye ku Muryango FPR-Intotanyi mu Ntara y'Amajyepfo.

Mu 2011 no mu 2016 yatorewe kuba Umuyobozi w'Inama y'Igihugu y'Abagore(CNF) mu Ntara y'Amajyepfo, aho yavuye mu 2018 atorewe kuba Depite uhagarariye icyiciro cy'abagore ndetse no 2024 yongera gutorwa.

Ashingiye ku rugendo rwe, Depite Uwumuremyi, yeretse ababyiruka ubu ko bafite byinshi byabarukururira kujya mu ishuri ugereranyije no mu bihe byahise, ababwira ko abana bata ishuri bidakwiye kuko nta rwitwazo.

Ati 'Twe twigaga twicaye ku misambi igeretse ku matafari ya rukarakara, waba udafite umubyeyi uzi kuboha, ukabyikorera. Twigiraga mu mashuri arimo ivumbi, tugakora ingendo tujya kuvoma amazi yo gusukamo ngo ducubye ivumbi ariko mwe ayanyu arimo isima n'ibirahure, ntabwo amahuhwezi y'imvura abasanga mu ishuri.''

Yakomeje abereka kandi ukuntu hariho n'izindi nyoroshyo amashuri y'ubu yashyizeho arimo gufatira ifunguro ku ishuri mu gihe abo mu bihe bye bo bapfunyikaga amafunguro mu bihoho kandi banakora ingendo ndende.

Ati 'Ko kera twe twigiraga mu bukene bw'amashuri n'ubukene bw'abayobozi batadutekererezaga neza barabaswe no kuvangura abantu, ubu mwe mukaba mufite amashuri meza, ifunguro rya saa Sita, intebe nziza n'amashuri mwebwe murabura iki ngo mwige neza kandi muba mwabishishikarijwe n'abayobozi benshi guhera ku mudugudu n'akagari? Nimukunde ishuri kandi munarikundishe abandi, ni nacyo igihugu kibakeneyeho.'

Yakomeje agira ati 'Ese ko numvise muvuga ko ngo mushaka kuba abasirikare, abaganga n'abandi, mwabigeraho mute mutize? Tubakeneyemo abaveterineri, abaganga, abagorome bahinga kijyambere, n'abikorera beza, ariko urufunguzo rwa mbere ni ishuri. Natangiriye aha mfite imyaka 7 none ubu mfite 46 ariko ndagira ngo mbabwire ko intango ya byose ari hano, ni ho nigiye inyuguti ya mbere.'

Yasabye abana kwirinda gusimbuka inzego no kwirinda ibishuko byose kuko igihe cyabyo kizagera.

Ati 'Wikwifuza telefone ya depite, cyangwa imodoka y'umucuruzi ukomeye kuko wowe uracyari umwana. Uyu munsi munsi twe dufite imodoka, ariko mwe muri aha, wasanga muzatunga n'indege. Kwiga ni ibya mbere, mube ari byo muha agaciro.''

Nuwayo Gérard, uhagarariye ibiga muri GS Gahengeri, yavuze ko ibi biganiro bahawe byabubatsemo imbaraga zo kwiga cyane, kugira ngo bazabe ingirakamaro.

Umuhoza Pélagie wiga mu mwaka wa Gatanu w'amashuri abanza ati 'Twiyemeje gutsinda neza amasomo kugira ngo tuzagere nk'aho Depite wacu nawe ageze.''

Kugeza ubu, kuri GS Gahengeri higa abanyeshuri 1158, barimo incuke, abiga mu mashuri abanza n'ayisumbuye.

Abiga kuri GS Gahengeri batahanye umugambi wo kwigisha abataye ishuri bose

Kuri ubu kuri GS Gahengeri higa abanyeshuri 1158

Iki gikorwa cyanitabiriwe n’abandi bayobozi, batanga impanuro nyinshi

Abana bari baryohewe no kuba bari kumwe n’umudepite wize iwabo

Depite Uwumuremyi yishimiye gusabana n’abana b’aho yize kera

Umuyobozi ushinzwe uburezi mu Karere ka Nyanza, Mushimiyimana Edouard yasabye abanyeshuri kutazaba ibigwari

Umuhoza Pélagie wiga mu mwaka wa gatanu w'amashuri abanza, yavuze ko bagiye kwiga neza kugira ngo bagere kure

---

Source : http://igihe.com/amakuru/u-rwanda/article/twize-twicara-ku-misambi-mwe-mufite-amashuri-meza-n-intebe-bibananire-depite