Author: webrwanda

Ushobora kumva ibi ukabyumva nk’ibikabyo nk’uko byagendekeye itsinda ry’abanyamakuru ba Ukwezi TV, bakoze urugendo rurerure bakajya kureba niba ibyavugwaho ko uyu mwana yakoze byaba ari ukuri. Umunyamakuru wacu akigera mu murenge wa Nyakabuye aho umuryango w’uyu mwana utuye, twasanze abaturage bazi cyane ibyo bita igitangaza byabaye mu gace batuyemo, bahamya ko uyu mwana ibye byabarenze.

Emma Radio ivugira ku murongo wa FM kuri 96.4 na 96.5, ariko abayumva bisaba ko baba bari hafi aho. Mbere yabashaga kugera muri metero 200 ariko kubera kwangirika kwa bimwe mu bikoresho bigize umunara wayo ubu ntirenga muri metero 50. Emma Radio ifite umunara wayo bwite wakozwe n’uyu mwana mu dukoresho duciriritse, ikanagira utundi dukoresho tuyikoresha turimo indangururamajwi ubona ko tudasanzwe, ibyinshi muri ibi bikoresho bikozwe mu bijerekani byashaje.

REBA VIDEO IBIGARAGAZA NEZA BYOSE HANO :

Uyu mwana asobanura uko yakoze iyi radio wabijyanisha n’uko ahamya ko ntaho yabyize bikakuyobera, gusa ikigaragara cyo yifitemo impano n’ubuhanga budasanzwe. Ababyeyi be bamaze kubona ko afite impano bamwubakiye inzu hafi y’aho batuye, ayigira inzu y’ubushakashatsi bwe anashyiramo studio za Radio ye, aheraho anakora ibindi bikoresho bitandukanye birimo telefone idasanzwe agamagariraho abantu batuye hafi aho cyane cyane abo mu rugo iwabo, igakora nta Sim Card irimo ndetse ntinatware amafaranga kugirango uhamagare.

Mu bindi bikoresho yakoze, harimo intabaza (Alarm) imufasha gucunga umutekano kuburyo ukinguye urugi rwa Studio za Emma Radio atari we ugukingiriye, ihita isakuza igatabaza. Yakoze kandi akadege gato avuga ko kabura gato ngo kabashe kuguruka kuko kabasha kwaka no kwikaraga, intego ikaba ari uko kazajya kagera hejuru ikagatuma amakuru runaka akeneye.

Yakoze kandi akamodoka kabasha kwitwara nta mushoferi, iyi modoka yo ikaba ibasha kugenda ku rwego yabyifuzagamo. Yanakoze kandi akabombe gato gashobora guturika ariko ko akaba agikomeje ubushakashatsi kugirango kazabashe kugera ku rwego abyifuzamo.

Muri rusange, ibi byose uyu mwana yakoze avuga ko byakageze ku rwego ruhambaye akaba yanagira Radio yumvikana ku isi yose, ariko imbogamizi afite ikaba ari ibikoresho bigezweho atabasha kubona kuko umuryango we ukennye batabasha kubimubonera. Se nawe yadutangarije ko bifuza ko Leta yazabafasha umwana we akaba yanabona ishuri ryigisha iby’ikoranabuhanga kugirango azagera ku rwego ruhambaye.

Ibijyanye n’imikorere ya Radio Emma FM, Emma Phone n’ibindi bitandukanye, byose twagerageje gufata amashusho agaragaza uko bikora n’uko abikoresha, uyu mwana nawe akaba yaragerageje kutwereka no kudusobanurira imikorere y’ibikoresho bye muri rusange.

REBA VIDEO IBIGARAGAZA NEZA BYOSE HANO :

Ce jeune homme qui faisait le taximoto dans la ville de Nyagatare et ses environs, avait été décapité deux jours auparavant, le 12 novembre dans le lieudit Gihorobwa de Gitaraka du Secteur et District Nyagatare. Le mobile du crime : lui prendre sa moto.

Les agents de RIB, dans leurs investigations sur le crime, ont été dirigés vers une résidence d’un suspect qu’ils ont perquisitionné pour saisir la motocyclette volée et ses documents d’immatriculation.

“L’interrogatoire de ce suspect nous a permis d’arrêter trois complices. Le dossier est en cours d’instruction pour le transmettre au parquet de la République”, a dit le Porte parole de la Police criminelle.

Une certaine opinion publique locale ne comprend pas néanmoins pourquoi ce crime abject. Elle pense que la Police devra aller plus loin et demander aux criminels si d’autres mobiles se cachent derrière le vol de cette motocyclette car le meurtre commis sur la victime est si sauvage qu’il peut cacher d’autres mobiles sauvages et antisociaux.

IGIHE

Sinifuzaga kugira icyo nkora ku bijyanye no kwizera Imana. Nyamara kwizera niko kwampinduye mu ijoro nagerageje kwiyahuramo!.

Alia Joy ni umuvugizi akaba n’umwanditsi w’ikinyamakuru 'AliaJoy.com’. We n’umuryango we batuye muri Oregon ho muri Leta zunze ubumwe za Amerika.

Bitewe no gutakariza Imana ikizere kubwo ubuzima busharira yabayemo n’umuryango we, yagerageje kwiyambura ubuzima biranga kuko Imana yari imufiteho umugambi w’uko azayikorera. Mu buhamya bwe nkuko tubikesha Christianity Today atangira agira ati'

Nakuriye mu muryango w’ababyeyi b’abamisiyoneri b’intangarugero. Bakoreraga umurimo w’ivugabutumwa mu mahanga, ariko nyuma yo gufatwa n’indwara ya leukemia nkiri umwana, twavuye mu gihugu kandi duhura n’ibibazo byo kubura amafaranga. Inshuro nyinshi twimukiye muri Hawaii, hanyuma tujya muri Nepal, tuza kugaruka muri Hawaii, tuza no kwimukira muri New Mexico.

Mu myaka myinshi yanjye y’ubwangavu, twabaga muri Albuquerque, muri icyo gihe kandi natangiye kwinubira inzira z’Imana kubera ko yemeye ko duhangayika. Natangiye gutekereza ko Imana ari umugome, ko itatwitayeho kandi ko Imana yatwimye mu maso hayo mu bukene twarimo.

Ababyeyi banjye bampaye umwanya kandi ntibampatiye kujyana nabo mu rusengero, ariko nari nzi ko basengera kugira ngo menye Kristo. Papa yakundaga kuvuga ati: “Nizera ko Imana iguhamagarira kuyimenya Alia.” Ariko sinifuzaga gukora ikintu na kimwe kijyanye n’ibyo kwizera.'

Ibintu byose byarahindutse ubwo nari nkiri muto. Ni igihe ababyeyi banjye bahamagarirwaga kujya mu wundi murimo w’iyamamazabutumwa, maze badusubiza muri Hawaii.

Tugeze i Pahoa, papa yakoze ubushakashatsi ku nzu minisiteri yaduhaye. Yasanze iyo yari ikidaturwa: Ntiyari ifite amazi, nta nkuta z’imbere yagiraga, beto yari irimo ibinogo by’amazi y’ibiziba yabaye indiri y’imibu. Ibyatsi byari byaramennye sima harabaye amatongo kandi inzu yari ikikijwe n’ishyamba. Hari ibiti byari byaramennye amadirishya. Nta muntu wari waritaye kugenzura ibiba muri iyonzu yari mu kirwa kinini kandi twayigiyemo hashize imyaka myinshi, ku buryo hari harahindutse mu kidaturwa.

Twabaye muri Nepal mu kazu kameze nabi. Minisiteri yari yaremeye kwishyura kimwe cya kabiri cy’ubukode bw’amacumbi. Ariko n’ukwezi kumwe tumaze kwimuka, nta bikoresho byo mu nzu twari dufite kandi no kubona iby’ibanze nkenerwa ntibyadushobokeraga dore ko n’ubukode twishyuraga igice gusa. Twari dufite intebe ebyiri mu cyumba gusa. Nubwo byari bimeze bityo ariko, ababyeyi banjye bahisemo kuguma muri ubwo buzima bategereje icyo Imana izakora.

Imvura yo muri Pahoa iyo yagwaga byasaga nk’igitero hejuru y’inzu yacu. Kandi nabifashe uko nyine: cyari igitero cy’umuntu ku giti cye. Hari ubwo nari nicaye ku rubaraza rw’icyumba cya papa numva imvura igwa nk’urufaya rw’amasasu, ubwo kandi narimo ntumura isigara, Iyo niyo yari kuzimu yanjye.

Guhuza iyi myaka y’ubukene n’ububabare hamwe n’Imana yuje urukundo n’impuhwe, byasaga nk’ibidashoboka kuri njye. Sinashoboraga kwizera iyo Mana yahoraga idutererana. Nababriye ahantu hose ku buryo numvaga narabuze aho nkwirwa. Mu rugo si ahantu niyumvagamo.

Aho niho nahuriye n’Imana ijoro rimwe, Cyangwa ahari n’Imana yahuye nanjye!

Imvura yari imaze iminsi 42 igwa ubwo natekerezaga kwiyahura. Nta byiringiro by’ejo hazaza nari mfite. Muri iryo joro ndi muri Hawayi, n’amarira natangiye gusahura akabati k’imiti yo mu bwiherero. Nahisemo ko igihe kigeze cyo gucecekesha umubabaro wanjye burundu. Nashakaga ko amajwi yambyiganiragamo ahagarara, kandi nizeraga ko urupfu arirwo nzira yonyine nkwiye gukoresha.

Ukuboko kwanjye kwahinze umushyitsi ubwo nafataga urwembe ngiye kwikata. Nagerageje kwishyiramo akanyabugabo ngo nikate uruhu urwembe ruratakara. Muri ako kanya ko kwiheba, natakambiye Imana nti: Sinigeze mpitamo kuvuka! Nta na kimwe nigeze mpitamo muri ibi!

Sinigeze ntekereza ko Imana yansubiza. Ubwo nari niteguye kwiyahura, naje gusanga Imana imfiteho umugambi , uwo munsi nuzuwemo amahoro kugeza uyu munsi, sinabona uburyo mbisobanuramo neza. Numvise nuzuye ubuntu.

Nyuma y’iryo joro ariko, natangiye kwisobanukirwa. Ahari Imana yigaragariza abakobwa bihebye ikavuga iti: “Uri uwanjye. Nagukunze urukundo ruhoraho. Uri uwanjye. ' Nashakaga ikintu cyansobanurira mu buryo bwose bushoboka ukubaho kw’Imana kandi niba hari icyo inshakaho. Numvaga muri njye hari ikintu ndimo kumva ntigeze numva mbere, iyo yari Imana.

Ababyeyi banjye bari barampaye Bibiliya ntigeze nkoresha, ahubwo narayihishe. Nayikuye aho nari narayihishe mu nsi y’ameza ntangira kuyisoma nijoro nifungiranye kuko Sinifuzaga ko ababyeyi banjye babimenya. Sinifuzaga ko papa avuga ati: “Nari nzi ko Imana iguhamagarira kuyimenya Alia Joy.” Sinifuzaga ko ambwira ko yari yarabimbwiye.

Igihe nasomaga Bibiliya yanjye, nagize ibibazo byinshi kandi ngira n’ubwoba. Naryamaga nijoro nizeye ko ndi kumwe n’Imana, kandi nizeraga ko hari umuntu urimo kunsubiza. Nkuko byagenze kuri Yakobo wakiranye n’Imana ijoro ryose, iryo joro ryose nanjye ryampinduriye izina.

Ndatekereza uburyo ababyeyi banjye bahisemo kuguma muri Hawaii bagategereza Uwiteka. Ndashimira Imana kubwo kumvira kwabo, kuba yaramfashije guhamya ibyiza byayo muri ubwo bukode twabagamo buteye ubwoba.

Nagarutse mu buzima muri urwo rugo rutari iwacu kuri njye. Aho ni ahantu nahuriye na Yesu, niho hantu namenyeye ko Imana yahoraga impamagarira kuyimenya.

Source : Christianity Today

[email protected]

Muri iki gihe usanga abantu bavuga ko abanyamahirwe cyangwa se abanyamugisha ari abafite impamyabumenyi zo ku rwego ruhanitse, umuryango mwiza, incuti nziza, amafaranga n’ibindi. Nk’abakristo natwe dukoresha iryo jambo, birumvikana. Turasenga ngo Imana ihe umugisha imiryango yacu. Ariko se ni gute twakumva imigisha y’Imana?

Sobanukirwa Imigisha ihebuje iva ku Mana

Gushaka Imana kwanjye kwariyongereye cyane bitewe n’ibyo nari nkeneye. Kuba naraguye mu bihombo ngatakaza ibintu byinshi byatumye nkomeza gupfukama nsenga byimbitse, nsoma Bibiliya ndetse ntekereza ku masezerano y’Imana.

Imigisha yo ku isi ni iy’igihe gito kandi yose ishobora gukurwaho. Imigisha ya Yobu yose yagendeye umunsi umwe. Nanjye, nagize ubuzima bwiza kandi mbwamburwa mugihe cyibyumweru bicye aho urushako rwanjye rwajemo ibibazo, abana banjye barigomeka, ubuzima bwanjye bumererwa nabi, umuryango wanjye uradogera ndetse n’inzozi zanjye zirapfa.

Ariko hagati aho muri iyo mibabaro, nabonye imigisha ikomeye yImana:Ukwizera gukomeye kurenza uko nahoranye mbere. Urukundo rwimbitse kuruta uko nari narigeze mbimenya. Kugenda cyane kuruta uko nabisobanura. Ibigeragezo byanjye byazamuye kwizera kwanjye mu buryo bukomeye ntatekeerezaga ko bushoboka.
N’ubwo ibigeragezo byanjye bitari imigisha ubwabyo, byari inzira iganisha ku migisha.

Bibiliya ivuga iki ku bijyanye no guhirwa?

Iyo dusomye mu Isezerano rishya ijambo umugisha cyangwa umunyamugisha nta na hamwe rihuriye n’ubutunzi bwa hano mu isi.

Hahirwa abakene mu mitima yabo…, Hahirwa abashavura…, Hahirwa abafite inzara n’inyota byo gukiranuka…, Hahirwa abarenganyirijwe gukiranuka (Matayo 5:3-4, 10-11)

Nawe aramusubiza ati:”Ahubwo hahirwa abumva ijambo ry’Imana bakaryitondera” Luka 11:28

Hahirwa abababarirwa ibicumuro byabo, kandi ibyaha byabo bigatwikirwa (Abaroma 4:7)

Hahirwa umuntu wihanganira ibimugerageza, kuko namara kwemerwa azambikwa ikamba ry’ubugingo, iryo Imana yasezeranije abayikunnda (Yakobo 1:12)
Uhereye none hahirwa abapfa bapfira mu Mwami wacu, Umwuka nawe aravuga ati “Yee ngo baruhuke imihati yabo, kuko imirimo yabo ijyanye na bo ibakurikiye”.
Ibyahishuwe 14:13.

Mubyukuri ubutunzi nta hantu tubona ko ari bwo shingiro ryo kwitwa uhiriwe dukurikije ibyo dusoma mu Isezerano Rishya. Ibinyuranye na byo abakene n’abageragezwa nibo bafite amahirwe yo kwegera Yesu no kumwizera.

Ibyanditswe Byera bitwereka ko umugisha ari ikintu iduha kigatuma tunyurwa mu Mana. Ikintu kidufasha kwegera Yesu. Ikintu kidufasha guhora dukomeye mu ntambara no mu bigeragezo bityo tukabasha kugenda uko Imana ishaka.

Kubabara no guhomba iby’isi, bidusunikira mu kugirana umubano wimbitse n’Imana kuruta uko twabyiyumvisha. Bituma turuhukira mu Mana yonyine.Ni byiza gusobanukirwa ko umugisha w’Imana utandukanye n’ibyo ab’isi bita guhirwa, bityo duharanire gushaka kugirana umubano mwiza n’Imana.

www.desiringgod.org

[email protected]

Yavuze ko ubu hagiye kugabwa igitero cya nyuma ku murwa mukuru Mekelle.

Yagize ati: “Igihe ntarengwa cy’iminsi itatu cyari cyahawe umutwe udasanzwe w’ingabo za Tigray n’intagondwa ngo bamanike amaboko… cyarangiye uyu munsi”.

Muri ubwo butumwa bwo kuri Facebook, Bwana Abiy yongeyeho ati: “Igikorwa cya nyuma cy’ingenzi cyo gutuma habaho iyubahirizwa ry’amategeko kigiye kuba mu minsi iri imbere”.

Ntacyo abategetsi ba Tigray bigometse kuri leta ya Ethiopia bahise batangaza ku mugaragaro kuri ayo magambo ya Bwana Abiy.

Mbere yaho, Bwana Abiy yavuze ko igihugu cye cyiteguye “kwakira no gusubiza mu buzima busanzwe” impunzi zibarirwa mu bihumbi zikomeje guhunga ziva muri leta ya Tigray ahari kubera imirwano hagati y’ingabo za Ethiopia n’iza Tigray.

Mu butumwa bwo kuri Twitter, Bwana Abiy yasezeranyije “kurinda umutungo wabo” ndetse abizeza “amahoro nibasubira” muri Tigray.

Umuryango w’abibumbye (ONU/UN) ugereranya ko mu minsi 10 ishize abantu barenga 20,000 bamaze kwambuka bava muri Tigray bahungira mu gihugu cya Sudan baturanye.

Leta ya Ethiopia yanze ubusabe bw’ibiganiro ivuga ko byaba ari ibyo gushyigikira umuco wo kudahana, ariko abaturage b’abasivile bakomeje kugirwaho ingaruka n’iyo mirwano.

Bwana Abiy yasezeranyije gukoresha igisirikare mu kunganira ibikorwa byo gutanga imfashanyo, ariko ntibizwi uko ibyo byakorwa muri iyi mirwano irimo kurushaho gukomera.
Ingabo za Ethiopia zivuga ko zafashe umujyi w’ingenzi wa Alamata wo muri leta ya Tigray.

Ku rundi ruhande, ishyaka Tigray People’s Liberation Front (TPLF) riri ku butegetsi muri iyo leta, ryashinje leta ya Ethiopia kumisha ibisasu n’indege mu murwa mukuru Mekelle.

Ibyo bivugwa n’impande zombi biragoye kubigenzura mu buryo budafite aho bubogamiye kubera ko leta ya Ethiopia yahagaritse itumanaho muri Tigray.

Abenshi mu baheze muri Libya ni urubyiruko rwashakaga kwambuka inyanja ya Mediterranée rwizeye kubona ubuzima bwiza mu bihugu by'i Burayi