Kapiteni w’ikipe y’igihugu y’u Rwanda, Haruna Niyonzima yaraye akoze impanuka ikomeye ariko Imana ikinga akaboko.

Iyi mpanuka ikaba yaraye ibaye mu ma saa tatu z’ijoro ubwo yari avuye mu Bugesera ku Gahembe, amakuru avuga ko yari yagiye gusura mushiki we akaba n’umugore wa Ndayishimiye Eric Bakame umunyezamu wa AS Kigali n’Amavubi.

Haruna akaba yari kumwe n’umugore we muto aherutse gushaka. Bivugwa ko muri iyi modoka yari kumwe n’abantu batatu.

Haruna Niyonzima ubwo yari ageze Nyamata munsi y’isoko yahuye na Fuso agiye gukatira umunyonzi ahita yinjira muri Fuso imodoka ye irangirika ariko nta muntu n’umwe wigeze ayikomerekeramo bose ni bazima n’uwajyanywe kwa muganga yahise asezererwa.

Kugeza ubu nta kintu Haruna arabitangazaho dore ko inshuro zose ISIMBI yagerageje kumuvugisha ntabwo yigeze yitaba telefoni ye ngendanwa.

Ikamyo yagonze Haruna Niyonzima

Imdoka Haruna yari atwaye yangiritse

Urubuga rwa Catchyz rufasha abantu guhaha binyuze kuri murandasi, rwazanye poromosiyo idasanzwe ku bakiriya bayo izwi nka 'Black Friday’ ibicuruzwa byabo bizaba byagabanyirijwe ibiciro.

Black Friday ni umunsi ufite inkomoko muri Amerika, akaba ari umunsi udasanzwe wo guhaha muri Amerika n’uburayi kandi uyu munsi akaba ari umunsi ukurikira uwa Kane w’umuganura uba ku wa Kane w’icyumweru cya kane cy’Ugushyingo muri Amerika (Thanksgiving). Kuri uyu munsi abacuruzi bose, yaba abacuruza bisanzwe ndetse n’abacuruza bakoresheje internet, usanga bagabanije ibiciro cyane ku bicuruzwa byabo.

Kuri iyi nshuro mu Rwanda, urubuga rufasha abantu kugura no kugurisha kuri murandasi rwa Catchyz rwazanye iyi poromosiyo ya Black Friday.

Black Friday kuri Catchyz izatangira ku wa Gatanu tariki ya 20 Ugushyingo 2020 ikazasozwa ku wa 5 Ukuboza 2020.

Muri iyi poromosiyo, buri muntu wese ufite iduka kuri Catchyz azaba yagabanyije ibiciro ku bicuruzwa bye acururiza kuri uru rubuga.

Guhera ejo ibiciro bizaba byagabanyijwe

Nyuma yo kuva mu kibuga ku mukino w’u Rwanda rwanganyijemo na Cape Verde kubera imvune, rutahizamu Jacques Tuyisenge ashobora kudakina umukino w’ijonjora ry’ibanze rya CAF Champions League ikipe ye ya APR FC izakiramo Gor Mahia mu mpera z’icyumweru gitaha.

Amavubi yari yakiriye Cape Verde ku wa Kabiri w’iki cyumweru tariki ya 17 Ugushyingo 2020. Ubwo umukino wari ugeze ku munota wa 56 Jacques Tuyisenge yasohotse mu kibuga kubera gutonekara kw’imvune ye yo mu ivi ahita asimburwa na Sugira Ernest.

Iyi mvune yo mu ivi yatumye ava mu kibuga, n’ubundi yari yagiye gukina uyu mukino bizwi ko atameze neza 100% kuko n’imyitozo imwe n’imwe mbere yo kujya muri Cape Verde ntabwo yigeze ayikora kubera ububabare bwo mu ivi ry’ibumoso.

Iyi mvune yo mu ivi ikaba atari nshya kuri we kuko ayimaranye igihe kinini. Nyuma yo kuyitoneka amakuru ISIMBI yamenye ni uko ashobora kudakina umukino wa Gor Mahia bitewe n’iyi mvune yongeye gutoneka.

Nta gihindutse biteganyijwe ko uyu munsi ari buze kunyura mu cyuma kugira ngo barebe uko imvune ye imeze ndetse n’icyo bagomba kumukorera.

Nyuma yo kuva mu ikipe y’igihugu akaba yarahise ajya mu mwiherero na bagenzi be i Shyorongi kugira ngo akomeze akurikiranwe n’abaganga.

APR FC izakira Gor Mahia mu ijonjora ry’ibanze rya CAF Champions League hagati ya 27 na 29 Ugushyingo, ni mu gihe umukino wo kwishyura uzaba hagati ya 4 na 6 Ukuboza 2020.

Jacques Tuyisenge imvune yakuye mu ikipe y’igihugu ishobora gutuma adakina umukino wa Gor Mahia na APR FC

Umuhererwekazi w’umugande, Zari Hassan yavuze ko nta mugabo akeneye wo gukora ubukwe ahubwo uwo ashaka ari uzamufasha kwishimisha gusa.

Uyu mugore wari umaze iminsi muri Tanzania aho yari yashyiriye Diamond abana babyaranye ngo bamusure, mbere yo gusubira muri Afurika y’Epfo yavuze ko nta gahunda yo gusubirana na Daimond batandukanye muri 2018 kuko ngo akeneye umugore ukiri muto uzamwitaho akamufasha gukura.

Ati'nabona uzamufasha gutuza, akamufasha gukura n’aho ubundi ndabona arimo gukora neza yaba mu muziki ndetse nk’umubyeyi, ndatekereza ko nabona umugore uzamwitaho buri wese azishima.'

Yakomeje avuga ko kuba yashaka umugabo icyo gitekerezo yamaze kukirenga ahubwo uwo akeneye ari uwo bazajya bishimishanya.

Ati'mu by’ukuri ntabwo nkeneye gushaka umugabo. Ndi kuri rwa rwego numva ngomba kwigenga nkakora buri kimwe nshaka. Abantu benshi bashinga ingo ku bw’umutekano ndetse no gushaka uwo bazasazanya. Njyewe kuri iyo ngingo ubukwe ntabwo bundi mu ntekerezo, nkeneye umwunganizi gusa twazajya twishimana.'

Zari avuga ko agomba gufata umwanya akita ku bana be 5, barimo 2 yabyaranye na Diamond n’abahungu 3 yabyaranye na Ivan Semwanga.

Amaze iminsi muri Tanzania aho yari yashyiriye Diamond abana be

Agomba kwita ku bana be uko ari 5

Umuhererwekazi w’umugande, Zari Hassan yavuze ko nta mugabo akeneye wo gukora ubukwe ahubwo uwo ashaka ari uzamufasha kwishimisha gusa.

Uyu mugore wari umaze iminsi muri Tanzania aho yari yashyiriye Diamond abana babyaranye ngo bamusure, mbere yo gusubira muri Afurika y’Epfo yavuze ko nta gahunda yo gusubirana na Daimond batandukanye muri 2018 kuko ngo akeneye umugore ukiri muto uzamwitaho akamufasha gukura.

Ati'nabona uzamufasha gutuza, akamufasha gukura n’aho ubundi ndabona arimo gukora neza yaba mu muziki ndetse nk’umubyeyi, ndatekereza ko nabona umugore uzamwitaho buri wese azishima.'

Yakomeje avuga ko kuba yashaka umugabo icyo gitekerezo yamaze kukirenga ahubwo uwo akeneye ari uwo bazajya bishimishanya.

Ati'mu by’ukuri ntabwo nkeneye gushaka umugabo. Ndi kuri rwa rwego numva ngomba kwigenga nkakora buri kimwe nshaka. Abantu benshi bashinga ingo ku bw’umutekano ndetse no gushaka uwo bazasazanya. Njyewe kuri iyo ngingo ubukwe ntabwo bundi mu ntekerezo, nkeneye umwunganizi gusa twazajya twishimana.'

Zari avuga ko agomba gufata umwanya akita ku bana be 5, barimo 2 yabyaranye na Diamond n’abahungu 3 yabyaranye na Ivan Semwanga.

Amaze iminsi muri Tanzania aho yari yashyiriye Diamond abana be

Agomba kwita ku bana be uko ari 5