Webrwanda Backend

Author: webrwanda

  • COVID-19: 49th death, 15 new cases #rwanda #RwOT

    A statement from the Ministry of Health released last night reported 15 new cases out of 2196 samples and 36 recoveries.

    New patients were found in Kigali: 2, Burera: 6, Rwamagana: 3, Rubavu: 2, Nyaruguru: 1 and Musanze: 1.’

    The first case was confirmed in Rwanda on 14th March 2020.

    So far 5934 cases have been found out of 626311 sample tests. 5516 have recovered, 369 are active cases while 49 have succumbed to the pandemic.

    Coronavirus symptoms include coughing, flu, and difficulty in breathing. The virus is said to be transmitted through the mucous membranes of the respiratory tract.

    Rwandans are urged to adhere to COVID-19 health guidelines, washing hands frequently using soaps and safe water, wearing face masks and respecting social distancing.

    IGIHE

    Source : https://en.igihe.com/sports/article/covid-19-49th-death-15-new-cases

  • Minisitiri Mukeshimana yasabye aborozi kwishamo ibisubizo aho gutegereza inkunga #Rwanda #RwOT via @kigalitoday #rwanda #RwOT

    RDDP yafashije aborozi kuzamura umukamo, no mu mpeshyi amata aboneka ku bwinshi
    RDDP yafashije aborozi kuzamura umukamo, no mu mpeshyi amata aboneka ku bwinshi

    Abitangaje mu gihe umushinga wa RDDP usanzwe utera inkunga aborozi n’amakoperative yabo kongera umukamo no kuwufata neza urimo gusoza imishinga y’aborozi itacyakirwa, aborozi bakifuza ko uyu mushinga wakongera igihe.

    Umucungamutungo w’ihuriro ry’aborozi mu Karere ka Nyagatare Niyonzima Ivan Bienvenue, avuga ko guhera mu Ukwakira uyu mwaka, BDF yahagaritse kwakira imishinga y’aborozi bigaragara ko RDDP irimo gusoza ibikorwa byayo.

    Arasaba ko bakongererwa igihe cy’umwaka cyangwa amezi atandatu, nibura abasabye bose bakabanza bakabona inkunga.

    Agira ati “RDDP yaradufashije cyane ariko nanone ntabwo turagera aho twifuza, badufashije ikongerwa nk’umwaka cyangwa amezi 6 nibura abasabye bakabanza bakabona inkunga byarushaho kuzamura ubworozi”.

    Iki kibazo cyagejejwe kuri Minisitiri w’Ubuhinzi n’Ubworozi Dr. Geraldine Mukeshimana kuwa 25 Ugushyingo 2020 ubwo yari mu Karere ka Nyagatare, maze asaba aborozi kwishakamo ibisubizo.

    Yavuze ko ari ukuri BDF itacyakira imishinga y’aborozi kubera ko RDDP ifite impungenge z’uko ishobora kwemera gutera inkunga imishinga itagifitiye amafaranga.

    Ati “Hari impungenge ko bakomeje kwakira imishinga yaburirwa amafaranga, baracyareba niba hari amafaranga agihari ku buryo yenda bakongera kwakira indi. Gusa ni byiza kwishakamo ibisubizo aho gutegereza ko buri gihe hazajya haza imishinga ibafasha”.

    Avuga ko hashobora kuza undi mushinga ufasha mu bworozi ariko nanone babanza kureba ikibazo cy’igihugu cyose aho kureba akarere runaka.

    Avuga ko ubu hari imishinga irimo gutegurwa izafasha mu kuzamura ubworozi bw’amatungo magufi kuko bigaragara ko nabwo bukeneye kuzamurwa.

    Agira ati “Hari imishinga hafi 2 cyangwa 3 irimo ijya mu matungo magufi, RDDP iri mu bworozi bw’inka, dushobora gushaka undi ugaruka cyangwa ukajya mu bindi bitewe n’ibibazo bihari”.

    Aborozi batewe inkunga yo kugura imashini zisya ubwatsi
    Aborozi batewe inkunga yo kugura imashini zisya ubwatsi

    Akomeza agira ati “Ni imishinga iri ku rwego rw’igihugu rero ikibazo cya Nyagatare yonyine gishobora kudatuma habaho umushinga munini ujya mu kibazo cyayo, ahubwo tukareba ikibazo igihugu cyose gihuriyeho, amafaranga akaba ari ho ajya”.

    Umushinga RDDP wafashije cyane gushyira amazi mu nzuri no gutera ubwatsi bw’amatungo, ku buryo impeshyi ishize nta nka zapafuye cyangwa ngo zigandare nk’uko byagendaga mu myaka ya mbere.

    Umukamo wariyongereye ndetse ukomeza no kuboneka mu gihe cy’impeshyi, nyamara mbere hari amakusanyirizo y’amata yafungaga kubera kubura amata yakira.

    Mu myaka itatu RDDP ikorera mu Karere ka Nyagatare, amwe mu makoperative y’aborozi yatewe inkunga yo kugura imodoka, ibyuma bikonjesha amata, amakusanyirizo y’amata ahabwa umuriro w’amashanyarazi n’ibindi.


    source https://www.kigalitoday.com/ubuhinzi/ubworozi/article/minisitiri-mukeshimana-yasabye-aborozi-kwishamo-ibisubizo-aho-gutegereza-inkunga

  • Rwatubyaye Abdul yahishuye ko afite tatuwaje zirenga 50 ku mubiri #rwanda #RwOT

    Uyu musore unakinira ikipe ya Colorado Springs Switchbacks FC, yo mu cyiciro cya kabiri muri Leta Zunze Ubumwe za Amerika, ni umwe mu bakinnyi b’abanyarwanda bazwiho kujyana n’ibigezweho haba mu kibuga ndetse no hanze yacyo.

    Uyu musore avuga ko atigeze agira amahirwe yo kubona Se umubyara kuko yamenye ubwenge utamubona iruhande rwe gusa azakumva ko yitabye Imana. Ubwo yari afite imyaka 3 gusa ni bwo yaje kubura nyina ahinduka imfubyi ariko arerwa na nyina wabo.

    Rwatubyaye wakuriye I Nyamirambo mu Mujyi wa Kigali avuga ko amaze gukura yatangiye kujya yishyirishaho ibishushanyo [tattoos], birimo ibigaragaza agahinda yatewe no kuba yarakuze ari imfubyi.

    Mu kiganiro yagiranye na Isibo tv yavuze ko ateranyije ku mubiri we afite tatuwaje zirenga 50 zirimo ebyiri zifite ibisobanuro bikomeye cyane ku buryo bibaye ngombwa ko asiba izo afite zose agasigarana ebyiri arizo yasigarana.

    Yagize ati 'Zishobora kuba zirenze 50 ndekeka. Izo nshobora gusigazaho ni iyo mfite ku kuboko iriho indabo ebyiri, nazituye ababyeyi banjye ndetse n’indi y’isaha igaragaza itariki navukiyemo.'

    'Impamvu nakuze nta Papa mfite nyuma na Maman wanjye yaje gupfa ubwo nari ngize imyaka itatu y’amavuko.'

    Yavuze ko ashimira cyane uwasigaye ari nka Maman we, wamwitayeho we n’abandi bana yareraga aho ngaho.

    Uyu musore avuga ko urugendo rwo muri ruhago yarutangiye ubwo yajyaga mu ishuri ryigisha umupira rya APR FC miuri 2010.

    Avuga ko umukino wamushimishije ari kuva yatangira gukina ari umukino yatsinze ibitego 3 ikipe ya Mbabane Swallows ubwo yari muri APR FC hari mu mikino nyafurika ya CAF Champions League.

    Uwamubabaje ngo ni umukino we wa mbere yari ahamagawe mu ikipe y’abatarengeje imyaka 17 muri 2012 ubwo baje gutsindwa na Botswana hari mu gushaka itike y’igikombe cy’Afurika.

    Mu gihe cyose yamaze muri APR FC uyu musore avuga ko ikintu ahora yibukira kuri APR FC ari uburyo buri gihe baba banyotewe n’intsinzi bashaka ibikombe. Ikindi ni imibanire iba iri hagati y’abakinnyi n’abayobozi kuko bisanzuranaho kandi akaba ari n’umuryango witeguye gufasha umukinnyi no hanze y’ikibuga mu buzima bwe bwa buri munsi.

    Ku ruhande rwa Rayon Sports avuga ko ahora yibuka urukundo yeretswe n’abafana b’iyi kipe ndetse n’abayobozi ubwo yari agarutse mu Rwanda nyuma yo kugenda abasinyiye ariko ntabakinire akamara umwaka wose atari mu Rwanda.

    Kuba yararezwe na APR FC akaza kujya muri Rayon Sports avuga ko atari ibintu bikomeye ko ahubwo ari kwa kundi umubyeyi abyara umwana akamurera, akamukuza akazagira igihe cyo gushaka umugore agatandukana n’iwabo.

    Nyuma yo gusinyira Rayon Sports yaje kuburirwa irengero aho yagiye ku mugabane w’u Burayi, gusa ntiyaciye mu ikipe imwe ahubwo yanyuze mu makipe menshi kandi atandukanye aho avuga ko yanakuye isomo ry’ubuzima.

    Mu gihe amaze akina umupira w’amaguru amaze gutunga imodoka zigera kuri 4 ariko akaba yarazigurishije ubu atunze Touareg agendamo, ntarabasha kubaka ariko ubu ni byo ari gutekereza uburyo yagira iwe hihariye.

    Ni umusore ugaragaza ibishushanyo byinshi ku mubiri we 'Tatoo’ aho avuga ko ari uko azikunda gusa, ariko yemeza ko izifite igisonuro kinini ari izina rya mama we rivaze ni rye byanditse mu rurimi rw’igishinwa ndetse n’ibya marira ari ku maso bisobanura amarira y’ubuzima yanyuzemo.

    Nta kipe n’imwe afana mu Rwanda ndetse no hanze ya rwo, gusa abakinnyi afata nk’itegererezo harimo Sergio Ramos wa Real Madrid na Espagne, mu Rwanda yakundaga imikinire y’abakinnyi nka Mbuyu twite na Kalisa Mao. Rwatubyaye afite tatuwaje nyinshi ku mubiri we Uyu musore hari na tatuwaje afite mu isura [mu maso]

    Source : http://www.ukwezi.rw/Imikino/article/Rwatubyaye-Abdul-yahishuye-ko-afite-tatuwaje-zirenga-50-ku-mubiri

  • Jeannette Kagame yagaragaje ubufatanye bukenewe ngo Isi ihashye icyorezo cya SIDA #rwanda #RwOT

    Ni ubutumwa yagarutseho kuri uyu wa Kabiri tariki 1 Ukuboza 2020, ubwo Isi yose yizihiza Umunsi Mpuzamahanga kurwanya SIDA, ku nsanganyamatsiko igira iti 'Guhashya SIDA ni inshingano zanjye nawe’.

    Mu butumwa yanyujije ku rukuta rwe rwa Twitter, Madamu Jeannette Kagame yavuze ko kurwanya icyorezo cya sida birashobora gutsinda, ariko bisaba ubufatanye butajegajega.

    Yakomeje agira ati 'Duhamagariwe rero twese gufatanya n’iyi ntego twiyemeza gushora imari mu mutungo wabantu no kubaka sisitemu zifite ishingiro, nkinzira yizewe yo kugera kuntego zacu no kuzikomeza.'

    Imibare ya 2019, y’Ishami ry’Umuryango w’Abibumbye rishinzwe kurwanya SIDA rigaragaza ko ku isi abantu miliyoni 37.9 bafite virusi itera SIDA.

    Muri abo bantu 2/3 babarizwa mu bihugu biri munsi y’Ubutayu bwa Sahara. NNi mu gihe kandi abana bangana miliyoni 3,300,000 bo mu bihugu byo mu burasirazuba n’amajyepfo ya Afurika bafite virusi ya SIDA, aba bangana 8% by’abantu bose bafite SIDA mu karere.

    “The fight against the #AIDS epidemic can be won, but it requires unwavering global partnerships…” – First Lady Jeannette Kagame#WorldAIDSDay2020 #WAD2020RW pic.twitter.com/EDXc3CbL16

    — First Lady of Rwanda (@FirstLadyRwanda) December 1, 2020

    Source : http://www.ukwezi.rw/mu-rwanda/3/article/Jeannette-Kagame-yagaragaje-ubufatanye-bukenewe-ngo-Isi-ihashye-icyorezo-cya-SIDA

  • Abo mu muryango wa Kayumba Rugema Alias Gafirifiri, bati:'Twarapfushije ntitwahamba' #rwanda #RwOT

    Aya magambo yuzuyemo akababaro ko kugira umuntu nka Kayumba Rugema warumbiye umuryango n' igihugu, yavuzwe n'umugore we Peace NASASIRA , ndetse na Sebukwe Kamanzi bombi batuye muri Uganda.

    Baganira n'umunyamakuru wa Rushyashya, yaba Peace yaba na se, Muzehe Kamanzi, bombi bavuga ko iyo bumvise amateshwa Kayumba Rugema yirirwamo, asebya Igihugu cye, ngo bibatera kwibaza niba atararozwe cyangwa akaba yaragize uburwayi bwo mu mutwe, ngo kuko atandukanye cyane n'uwo bari bazi. Uyu musaza Kamanzi ngo ababazwa no kumva ko Rugema yabaye mayibobo muri Norvège, kandi ngo atarabuze ikimutungira umukwe, dore ko Muzehe Kamanzi ari umuntu wishoboye, ufite ubutaka n'inka nyinshi ahitwa Kibenja hafi ya Lyantonde muri Uganda. Ngo kuva Kayumba Rugema yajya muri RNC yabaye icyihebe, kuko adashobora no kumva inama abo mu muryango we bamugiriye kenshi.Asoza asaba umukwe we kwitandukanya n'amashitani bakorana, agasaba imbabazi umuryango n'Igihugu.

    Peace Nasasira, wahoze ari umugore wa Kayumba Rugema nawe yabwiye Rushyashya ko aterwa ipfunwe no kwitwa umugore w'umuntu usa n'utakigira umutima, ngo bigatuma atanifuza kubonana n'abandi Banyarwanda batuye muri Uganda, barimo n'ababyeyi be, ngo batamubaza uko yayobye agashakana n' inzererezi. Uyu mudamu yemeza ko hashize imyaka myinshi atavugana n'uwahoze ari umugabo we, ngo kuko n'iyo agerageje kumuvugisha atamusubiza, atinya ko yamusaba kuva mu biryabarezi yiroshyemo.Muri make, Peace na Muzehe Kamanzi basanga Kayumba Rugema yarapfuye ahagaze, bati:'N' iyo apfa burundu tukabimenya, nibura tukanamushyingura'.

    Kayumba Rugema yahoze mu ngabo z'uRwanda, aza gutorokera muri Uganda, kubera uburiganya yari akurikiranyweho. Yaje gufatanya na mwenewabo Kayumnba Nyamwasa bashinga umutwe w'iterabwoba, RNC, uretse ko batatinze gushwana bapfa ibisabano birirwa basaruza mu mpunzi, bazibeshya ko bari hafi gufata ubutegetsi mu Rwanda. Abanyarwanda baba cyangwa bagenze muri Uganda ntibazibagirwa ubugome Kayumba Rugema yabakoreye, we na CMI, bababeshyera ngo ni intasi z'uRwanda. Ubu aba mu gihugu cya Norvège. Iyo avuye mu kazi ko gusukura abasaza n'abakecuru ndetse n'abarwayi bo mu mutwe, yirukira ku rubuga rwe rwa Youtube' Inda y'ingoma', maze si ugutukana akiva inyuma.

    Birababaje kubona umuntu wagize uruhare mu kubohora u Rwanda yifatanya n'abari bararushyize ku ngoyi, barimo abajenosideri, abajura n'abandi batagira indangagaciro na mba. Imana yari ikwiye kumutabara, akava ibuzimu akajya ibumuntu, nk'uko abo mu muryango we babimwifuriza.

    The post Abo mu muryango wa Kayumba Rugema Alias Gafirifiri, bati:'Twarapfushije ntitwahamba' appeared first on RUSHYASHYA.

    Source : https://rushyashya.net/abo-mu-muryango-wa-kayumba-rugema-alias-gafirifiri-batitwarapfushije-ntitwahamba/

  • Uburanga bwa Miss Uwicyeza Pamella wigaruriye umutima w’umuhanzi The Ben #rwanda #RwOT

    Ahari umwotsi haba hari n’umuriro. Umunyarwanda yabivuze neza ngo nta wutwika inzu ngo ahishe umwotsi, n’ubwo umuhanzi The Ben na Uwicyeza Pamella baterura ngo bashyire hanze ukuri ku by’urukundo rwabo, ibimenyetso bigaragaza ko aba bombi bari mu munyenga w’urukundo.

    Uwicyeza Pamella, umwe mu bakobwa bitabiriye irushanwa rya Nyampinga w’u Rwanda 2019, urukundo rwe na The Ben rumaze igihe ruvugwa mu itangazamakuru, ndetse yakunze kugenda aca amarenga y’uko ari mu rukundo n’uyu muhanzi bitewe n’amagambo yagendaga atangaza ku mbuga nkoranyambaga ze, gusa impande zombi ntizibyemera.

    Ubwo The Ben yizihizaga isabukuru ku wa 9 Mutarama 2020, abinyujije ku rukuta rwe rwa Instagram, Uwicyeza Pamella yagize ati“Uri umunyamutima mwiza, ugira urukundo, uri uwo kwizerwa ndetse umutima wawe ni munini kukurusha. Imana ihe umugisha undi mwaka wawe.”

    Uyu mukobwa kandi aherutse gushyira ifoto hanze ari kumwe na The Ben iherekezwa n’amagambo agira ati 'Mine', bivuze ngo 'uwanjye'.

    Ibi byose byasembuwe n’amashusho The Ben aherutse gushyira hanze mu mpera z’icyumweru gishize ari kumwe n’uyu mukobwa ubona ko bishimye bari mu munyenga w’urukundo, bivugwa bari mu gihugu cya Tanzania ari ho bagiye kuryohereza.

    Uwicyeza Pamella wahogoje umuhanzi The Ben

    Imiterere ye ntacyo wagaya

    Araseka amasa…….

    Yakunze guca amarenga y’urukundo afitiye The Ben

    Ubwiza bwe ni kimwe mu byakuruye The Ben

    The Ben na Pamella bari bamaze neza mu mpera z’icyumweru gishize

    Source : http://isimbi.rw/imyidagaduro/article/uburanga-bwa-miss-uwicyeza-pamella-wigaruriye-umutima-w-umuhanzi-the-ben

  • Menya ibyo kurya no kunywa bya gufasha kugabanya impumuro mbi yo mu kanwa #rwanda #RwOT

    Ikibazo cyangwa ubundwaye byo kunuko mu kanwa nikimwe mubintu bibangamira ugifite ndetse nabo bari kumwe muri rusange, ariko birasoboka ko hari cyo wakora ukabigabanya cg se ukaba wanabirwanya burundu wifashijije ibi byokunwa no kurya bikurikira

    1. Amazi

    Amazi agufasha kuvanamo imwe mu myanda iba yasigaye mu kanwa , iba yaturutse ku biribwa uba wariye  kandi kunywa mazi bituma uhumeka umwuka mwiza uhumura .bigatuma ugira impumuro nziza yo mukanwa .

    2. Icyayi cya mukaru
    Icyayi cya mukaru ni cyiza mubuzima  kuko cyigufasha kurwanya umwuka mubi wo mukanwa iyo rero unyoye icyayi cya mukaru cyibasha kwica microbe zose zo mukanwa bigatuma ugira impumuro nziza mu kanwa.

    3. Pome na Karoti

    pome ndetse na karote bigufasha koza imyanya yu buhumekero ndetse na menyo bityo bigatuma impumuro yo mukanwa ibanziza.bikaba byiza iyo pome na karote ubihecyenye.

    4. Ishu

    ishu irimubintu bya gufasha kurwanya impumuro mbi yo mukanwa . ishu ibasha kurwanya methly mercaptan ni gaze ituruka kugifu iterwa ni impumuro mbi yo mu kanwa bityo guhekenya amashu mabisi bikaba aricyimwe cyigufasha ku rwanya iyi mpumuro mbi yo mukanwa.

    5. Yoghurt cyangwa Yahurute
    yoghurt cg s yahurute nayo igufasha kurwanya mikorobe ziba ziri mukanwa bityo ukabasha kugira impumuro nziza zo mukanwa  nu mwuka uhumeka ugasohoka uhumura

    6. Ibiribwa bikungahaye kuri Vitamine C

     kurya  ibiribwa bi kungahaye kuri vitamini c bizagufasha kurwanya mikorobe ziza mukanwa no kurwanya irwara zi byuririzi zo mukanwa.

    muri ibibiribwa bikungahaye kuri vitamini c uzasangamo nka :

    -fruit cg imbuto nk imineke amacunga inyeri

    -imboga : dodo ,puwavuro,tugurusumu….

    -ibinyampeke nka ubunyobwa /ibihwagari

    7. Amata

    amata agufasha kurwanya impumuro mbi yo mukanwa sicyo gusa kuko amata yinshyuahyu  ari bimwe bituma umuntu abasha kugira mukanwa heza cyane (humukara) bikaba byiza iyo uya nywoye umaze gufata ibyo kurya

    Source : https://impanuro.rw/2020/12/01/menya-ibyo-kurya-no-kunywa-bya-gufasha-kugabanya-impumuro-mbi-yo-mu-kanwa/

  • Umunyarwanda umwe rukumbi yatoranyijwe mu bazasifura CHAN 2021 #Rwanda #RwOT via @kigalitoday #rwanda #RwOT

    Guhera tariki 16 Mutarama kugera tariki 07 Gashyantare 2021, hateganyijwe igikombe cya Afurika gihuza abakinnyi bakina imbere mu gihugu “CHAN”, kizabera mu gihugu cya Cameroun ndetse kikazanitabirwa n’igihugu cy’u Rwanda.

    Umusifuzi mpuzamahanga Ishimwe Jean Claude
    Umusifuzi mpuzamahanga Ishimwe Jean Claude

    Ishyirahamwe ry’umupira w’amaguru mu Rwanda “Ferwafa”, ryatangaje ko mu basifuzi batoranyijwe kuzasifura iki gikombe, harimo umunyarwanda umwe gusa, ari we Ishimwe Jean Claude usanzwe usifura hagati.

    Kugeza abasifuzi b’abanyarwanda usibye abari gusifura imikino ya CAF Champions League na CAF Confederation Cup, abandi babiri Ruzindana Nsoro na Bwiriza Raymond Nonati, bari gusifura CECAFA y’abatarengeje imyaka 20 iri kubera muri Tanzania.


    source https://www.kigalitoday.com/imikino-11/football/article/umunyarwanda-umwe-rukumbi-yatoranyijwe-mu-bazasifura-chan-2021

  • Umuyobozi ku nkiko na we ni ingabo agomba guhora ari maso – Minisitiri Shyaka #Rwanda #RwOT via @kigalitoday #rwanda #RwOT

    Minisitiri Shyaka yasabye abayobozi begereye imipaka kurushaho kubungabunga umutekano
    Minisitiri Shyaka yasabye abayobozi begereye imipaka kurushaho kubungabunga umutekano

    Muri iyo mirenge uko ari itatu, Minisitiri w’Ubutegetsi bw’Igihugu wari uri kumwe n’Umuyobozi wa Polisi wungirije DIGP Felix Namuhoranye, Guverineri w’Intara y’Iburengerazuba Munyantwari Alphonse n’abandi bayobozi batandukanye, bahuye n’abayobozi b’inzego z’ibanze ndetse n’abavuga rikumvikana.

    Abayobozi muri aka Karere ka Rusizi, bose bagaragaza ko batewe ipfunwe no kuba akarere kabo karabaye aka nyuma mu kwesa imihigo y’umwaka wa 2019/20.

    Bavuga ko bafashe ingamba zirimo kwihutisha ikemurwa ry’ibibazo bibangamiye imibereho y’abaturage, kurushaho kwegera abaturage bakabakemurira ibibazo, kwihutisha gahunda zivana abaturage mu bukene, n’ibindi nk’uko byatangajwe n’umuyobozi w’aka karere Kayumba Ephrem.

    Minisitiri Shyaka yaganiriye n
    Minisitiri Shyaka yaganiriye n’abayobozi n’abavuga rikumvikana

    Minisitiri w’ubutegetsi bw’Igihugu Prof. Shyaka Anastase, yabashimiye ko bahagurukiye kwiyambura ipfunwe batewe no kuba ku mwanya wa nyuma mu mihigo, gusa avuga ko bisaba ko hubakwa imikoranire hagati y’abaturage n’abayobozi mu kwesa imihigo, kandi imihigo ikagera ku rwego rw’umuryango kuko ari bwo n’akarere kazabasha kwesa imihigo.

    Mu butumwa yagejeje ku bayobora imirenge itatu ikora ku mipaka yose yasuye, Minisitiri Shyaka yibanze cyane ku gushishikariza abaturage kurushaho kugira uruhare mu kwicungira umutekano, ndetse abasaba kujya bahora bari maso kugira ngo basigasire umutekano w’igihugu n’ibyo bamaze kugeraho.

    Yagize ati “Iyo ubaye umuyobozi ugashingwa inkiko z’igihugu, burya ni icyizere Nyakubahwa Perezida wa Repubulika aba akugiriye, mugomba guharanira ko kidatakara. Umuyobozi wo ku nkiko n’abo ayobora na bo ni ingabo”.

    Yabasabye kandi guhashya ingeso zo kwambuka imipaka binyuranye n’amategeko n’ibyaha bibishamikiraho birimo magendu.

    Mu bindi, yabasabye ko bitarenze ukwezi gutaha ibibazo bibangamiye imibereho y’abaturage cyane cyane kubakira abatagira aho baba; ndetse no gusoza itangwa ry’umusanzu w’ubwisungane mu kwivuza bizaba byarangiye; kandi bakihutira kugera ku ntego bihaye muri Ejo Heza.

    Minisitiri Shyaka kandi yashishikarije abaturage kurandura umuco wo guharika ndetse n’ihohotera ryo mu ngo n’irikorerwa abana, no kongera imbaraga mu kwimakaza isuku.

    Abaturage bo mu Mirenge ya Bweyeye, Gikundamvura na Nzahaha bashimira Leta ko bagenda bagezwaho ibikorwa remezo by’umwihariko imihanda irimo kubakura mu bwigunge bahozemo, bagasaba ko n’ibindi nk’amazi n’amashanyarazi bitarakwira hose na byo byakwihutishwa.

    source https://www.kigalitoday.com/amakuru/amakuru-mu-rwanda/article/umuyobozi-ku-nkiko-na-we-ni-ingabo-agomba-guhora-ari-maso-minisitiri-shyaka

  • Nihoreho Arsene na Bugesera FC basubije Rayon Sports #rwanda #RwOT

    Rutahizamu w’umurundi Rayon Sports yatije muri Bugesera FC, Nihoreho Arsene yamenyesheje iyi kipe ko yamaze guhabwa na Bugesera FC ibyo imugomba ahubwo hasigaye bo kubahiriza ibyo bumvikanye.

    Ku munsi w’ejo nibwo hasohitse ibaruwa ya Rayon Sports yandikiye Bugesera FC bayisaba kwishyura miliyoni y’amafaranga bemeye guha Arsene nk’amufasha gutangira akazi nk’uko babyumvikanye , bitankunda agasubira muri Rayon Sports.

    Mu masaha y’ejo nimugoroba, hasohotse ibaruwa Nihoreho Arsene yandikiye ubuyobozi bwa Rayon Sports abumenyesha ko Bugesera FC yamaze kumwishyura amafaranga bumvikanye angana na miliyoni 1, bityo ko hasigaye ko iyi kipe na yo(Rayon Sports) imwishyura miliyoni 2 zisigaye.

    Ibaruwa Arsene yandikiye Rayon Sports

    Uretse Arsene, Bugesera FC nayo yahise yandikira Rayon Sports, iyimenyesha ko ibyo bari bumvikanye ubwo batizwaga uyu mukinnyi harimo kumuha amafaranga y’u Rwanda angana na miliyoni azakurwa ku mafaranga ya recruitment Rayon Sports imusigayemo, yamaze kuyahabwa.

    Ibaruwa Bugesera FC yandikiye Rayon Sports

    Mu mpera za Kamena 2020 ni bwo Rayon Sports yasinyishije imyaka 2 uyu rutahizamu watsinze ibitego 17 mu mwaka w’imikino wa 2019/2020 ndetse aba uwa 3 mu batsinze ibitego byinshi i Burundi.

    Uyu musore yaguzwe miliyoni 7 aho yahise yishyurwa 4, bamusigaramo miliyoni eshatu.

    Nihoreho Arsene yamaze kwishyurwa na Bugesera FC

    Source : http://isimbi.rw/siporo/article/nihoreho-arsene-na-bugesera-fc-basubije-rayon-sports