Webrwanda Backend

Author: webrwanda

  • Marina yasabye imbabazi kuba yaritabiriye irushanwa rya The Next Pop Star #Rwanda #RwOT via @kigalitoday #rwanda #RwOT

    Nyuma y’igihe kirenze ukwezi amarushanwa ya The Next Pop Star yo gushakisha umuhanzi ufite impano akazahabwa igihembo gikuru cya miliyoni 50frw, cyitabiriwe na benshi barimo na Marina.

    Kuri ubu hari hagezweho icyiciro cyo gutorwa n’abantu, ubonye amanota menshi agakomeza mu cyiciro gikurikira.

    Mu minsi ishize ariko, Marina ntiyemeraga ko ari muri ayo marushanwa. Kigali Today yaganiriye na Aristide Gahunzire uharanira inyungu za The Mane bikivugwa ko Marina yaba ari muri The Next Pop Star, avuga ko batari bazi ko yagiye muri aya marushanwa kuko Marina atigeze abyemera.

    Icyo gihe yagize ati “Ibyo bintu biri kuvugwa ni ibihuha kuko twe ntabyo tuzi nka Label cyangwa abaharanira inyungu za Marina”.

    Nyuma y’itangazo ryasohotse Marina asaba imbabazi, Aritside yavuze ko hari n’ibindi bihano ateganyirijwe, ati “impamvu yasabye imbabazi ni uko yarenze ku mabwiriza agenga akazi ke muri The Mane akajya mu marushanwa ntawe ubizi yewe akanabihisha. Kuba yasabye imbabazi bisobanura ko atari bwirukanwe ariko ntabwo bikuraho ko hari ibindi bihano azahabwa kugira ngo bitongera nk’uko byanditse mu masezerano y’akazi”.

    Mu itangazo Marina yavuze ko yiteguye gukurikiza buri gihano azahabwa na The Mane. Si ubuyobozi gusa yasabye imbabazi, ahubwo yanazisabye abahanzi bakorana ndetse n’abakunzi b’ibihangano bye.

    source https://www.kigalitoday.com/imyidagaduro/muzika/article/marina-yasabye-imbabazi-kuba-yaritabiriye-irushanwa-rya-the-next-pop-star

  • Huye: Imiryango 100 yiganjemo impunzi z’Abarundi yahawe ibiribwa n’ibikoresho byo kwirinda Coronavirus #Rwanda #RwOT via @kigalitoday #rwanda #RwOT

    Abiganjemo impunzi z
    Abiganjemo impunzi z’Abarundi bahawe ibyo kurya n’ibikoresho by’isuku

    Ihuriro ry’abafasha mu by’amategeko (LAF), ku nkunga ya Ambasade y’Abadage, ni ryo ryatanze ibyahawe iyi miryango 100, harimo 60 y’impunzi ziba mu mujyi wa Huye, hamwe n’abaturanyi babo 40 na bo bakennye bitewe na guma mu rugo.

    Buri muryango wahawe ibiro 25 by’umuceri, ibiro 10 bya kawunga, ibiro bitanu by’ifu y’igikoma, n’ibiro bitanu by’isukari. Yahawe kandi udupfukamunwa, icupa ry’isabune yo gukaraba intoki n’umuti wo gusukuza intoki.

    Umubyeyi witwa Lucie Gacoreke utuye mu Murenge wa Tumba, akaba impunzi yaturutse i Burundi, nyuma yo kwakira ibi byose yagize ati “Turashimye. Nta kuntu tutashima ngo dukenguruke, kubera ko muduhaye umunsi mukuru wa Noheli. Ntabyo twari twiteze, ariko Imana irabiduhaye muradufashije”.

    Uyu mubyeyi anavuga ko yabanaga n’umwana ufite akazi none yarigendeye, byatumye ubuzima busigaye bumugoye. Anifuza uwamuha ubufasha bwo kwivuza diyabete kuko kuyivuza bimutwara amafaranga menshi, abona bimugoye.

    Abafashijwe ni abakennye biturutse ku ngaruka za Covid-19
    Abafashijwe ni abakennye biturutse ku ngaruka za Covid-19

    Eugénie Mukarutesi w’i Simbi, ngo yari asanzwe akora ibiraka hirya no hino, harimo n’ibyo kubaka, akabasha kubaho hamwe n’abana be bane.

    Mu gihe cya guma mu rugo ntiyabashije kongera kubona ibiraka, byaje kumuviramo kugira intege nkeya cyane kuko abana n’ubwandu bwa sida. Nubwo yongeye kujya abona ibiraka, ngo ntagifite imbaraga zo gukora nka mbere.

    Yagize ati “Barabimpaye, abana bagiye kurya, ubundi nkomeze nshyiremo imbaraga nirinde icyorezo, kuko njyewe kingezeho cyamputa vuba”.

    Umuyobozi w’Akarere ka Huye wungirije ushinzwe imibereho myiza, Annonciata Kankesha, yashimye ababahereye abaturage ubufasha, anavuga ko hari n’abandi baturage ibihumbi bibiri bakeneshejwe cyane na Coronavirus bari guhabwa ibyo kurya na Croix Rouge.

    Aba bose abasaba guhera ku byo bahawe bakarushaho gukora cyane ngo babashe kwitunga, kuko ak’imuhana kaza imvura ihise.

    Ihuriro ry’Abafasha mu by’Amategeko ryagennye gutanga muri rusange udupfukamunwa 16,844, udukarito 90 tw’uturindantoki, amacupa 600 y’umuti usukura intoki, amacupa 156 y’amasabune y’amazi yifashishwa mu gukaraba intoki, udupfukamunwa 900 twifashishwa n’abaganga, na terimometere 12.

    Uretse ibiryo byahawe impunzi z’Abarundi batuye mu mujyi i Huye, ibindi bizatangwa no mu nkambi ya Kigeme muri Nyamagabe, mu nkambi ya Mugombwa muri Gisagara, no mu nkambi ya Mahama muri Kirehe.

    Muri rusange mu mujyi i Huye hatuye impunzi z’abarundi zisaga 800. Abavugwa ko batuye mu mujyi i Huye ni abatuye mu mijyi yo mu majyepfo y’u Rwanda, uhereye ku Kamonyi kugera i Rusizi. Abafashijwe ni abari bababaye kurusha abandi.

    source https://www.kigalitoday.com/amakuru/amakuru-mu-rwanda/article/huye-imiryango-100-yiganjemo-impunzi-z-abarundi-yahawe-ibiribwa-n-ibikoresho-byo-kwirinda-coronavirus

  • Ikarita y’umutuku yahawe Orotomal Alex ashinjwa gutukana igitutsi gikomeye, ahamya ko umusifuzi yumvise ibyo atavuze #rwanda #RwOT

    Rutahizamu wa AS Kigali, Orotomal Alex ku munsi w’ejo hashize yahawe ikarita itukura, umusifuzi amuziza kumutuka mu ijambo ry’icyongereza 'Fuck’, ibintu we ahamya ko habayeho kutumva ibintu neza kuko atari byo yari avuze.

    Hari ku mukino w’umunsi wa 3 wa shampiyona AS Kiali yaraye itsinzemo Mukura VS 2-0, uyu rutahizamu akaba ari we wanafunguye amazamu ku munota wa 2.

    Ubwo umukino wari ugeze ku munota wa 74, uyu rutahizamu yaje guhabwa ikarita itukura, ni nyuma yo gukorera ikosa Mutijima Janvier wa Mukura umusifuzi yasifura akagenda amusatira aho byavuzwe ko uyu mukinnyi ukomoka muri Nigeria utazi ikinyarwanda yarimo amubwira ijambo ry’icyongereza ngo 'Fuck’, ijambo rimenyerewe nk’igitutsi.

    Aganira n’ikinyamakuru ISIMBI, Orotomal Alex yavuze ko habayeho kutumvikana kuko atari byo yavuze, ngo yagize ati'I told him that boy hasn’t power, then refer said that I say fuck' tugenekereje mu Kinyarwanda yavuze ati'namubwiye ko uriya muhungu ntambaraga afite(uwo yari akoreye ikosa), ahita avuga ngo ndavuze ngo Fuck'

    Umutoza wa AS Kigali, Eric Nshimiyimana avuga ko na we ariko yabwiwe ko rutahizamu we ariko avuze ariko akaba atabyemeza bitewe n’uko azi uriya musore kuko adakunze kwenderanya ari umuntu witurije.

    Alex yahawe umutuku ashinjwa gutuka umusifuzi

    Ahamya ko atigeze atuka umusifuzi ahubwo habayeho kutumvikana

    Alex niwe watsindiye AS Kigali igitego cya mbere

    Source : http://isimbi.rw/siporo/article/ikarita-y-umutuku-yahawe-orotomal-alex-ashinjwa-gutukana-igitutsi-gikomeye-ahamya-ko-umusifuzi-yumvise-ibyo-atavuze

  • Amabwiriza akakaye agenga ibikorwa by’imyidagaduro n’ibitaramo by’abahanzi #rwanda #RwOT

    Inama y’Abaminisitiri yo ku wa 27 Ugushyingo 2020 yemeje ko ibikorwa by’imyidagaduro, ibirori, amamurikagurisha n’ibitaramo ndangamuco bisubukurwa ariko bikazajya bikorwa hubahirizwa amabwiriza yo kwirinda COVID-19

    Amabwiriza yashyize hanze na Minisitiri w’Urubyiruko n’Umuco,ndetse na RDB, reba ingeri z’ubuhanzi zitandukanye zirimo ibijyanye n’ibirori, imurikagurisha, iserukiramuco n’ibitaramo ndangamuco mu byiciro bya muzika, imbyino, ubugeni, ikinamico, urwenya, ubwiza n’imideli, sinema, ubuvanganzo (ubusizi n’ubwanditsi).

    Aya mabwiriza agena ko ibikorwa byinshi bizajya bikorwa hifashishijwe ikoranabuhanga kugera no ku kugura itike bizwi nka ‘e-ticketing’ mu kwirinda kwanduzanya.

    Akomeza ati “Ugura itike yo kwinjira mu bitaramo ndangamuco byavuzwe haruguru ni uwipimishije COVID-19 agahabwa icyemezo cy’uko atanduye.”

    Ubusanzwe Minisiteri y’Ubuzima yagennye ko ikiguzi cyo kwipimisha Coronavirus ari amadolari 50 ya Leta Zunze Ubumwe za Amerika mu gihe umuntu ategereje ibisubizo mu masaha 24.

    Hari n’uburyo bwo gupima byihuse, ibisubizo bigatangwa mu minota itarenze 15 buzwi nka ‘rapid test’ ndetse nibwo bushobora kwifashishwa na benshi muri ibi bitaramo.

    Aya mabwiriza ya Minisiteri y’Urubyiruko n’Umuco agena ko ahakirirwa abitabiriye ibikorwa byavuzwe hagomba kuba hari aho gukarabira intoki hisanzuye cyangwa imiti yo gukaraba intoki yabugenewe, abitabira ibi bikorwa kandi bagomba kubanza gupimwa umuriro, bagakaraba intoki kandi bakambara neza agapfukamunwa kandi bakubahiriza guhana intera.

    Ahabera ibi bikorwa hagomba guterwa umuti no gusukurwa ndetse hakamanikwa amatangazo yerekana amabwiriza yubahirizwa mu rwego rwo kwirindakwandura no gukumira ubwandu bwa COVID-19 ku bagana ahabera ibikorwa.

    Itangazo rya Minisiteri y’Urubyiruko n’Umuco na RDB rikomeza riti “Ahabera ibi bikorwa kandi hagomba kuba hafite umuryango abantu bashobora kwinjiriramo utandukanye n’uwo basohokeramo, kandi mu gihe abantu binjizwa bigakorwa bahana intera nibura ya metero imwe kandi hagashyirwaho ibimenyetso bigaragaza aho buri muntu agomba guhagarara.”

    Aha hantu hakira ibi bikorwa bitandukanye, amabwiriza agena ko hazajya hakira 50% by’umubare w’abantu hari hasanzwe hakira mu bihe bisanzwe, kandi igihe abantu bicaye hagati y’intebe n’indi hakajyamo intera ya metero imwe n’igice naho hagati y’ameza n’andi hakaba metero ebyiri.

    Abaririmba n’ababyina batambaye agapfukamunwa bagomba kujya bahana intera ya metero ebyiri hagati yabo igihe bari ku rubyiniro (stage) n’intera ya metero eshatu hagati yabo n’abitabiriye igitaramo n’abafata amashusho. Abakoresha indangururamajwi cyangwa ibindi bikoresho by’amashusho n’amajwi bagomba gusukura intoki hakoreshejwe amazi n’isabune cyangwa umuti wemewe mbere y’uko hagira abandi babikoresha.

    Abategura imurikagurisha na ba nyiri ahakorerwa imurikagurisha bagomba gukora ku buryo aho ribera hatajya munsi y’ubuso bungana na metero kare enye kandi hakajyamo abantu babiri gusa bashobora kwicara bamurika kandi batandukanyijwe na metero imwe. Mu gihe ahakorerwa igikorwa cyo kumurika harengeje ingero zavuzwe, hagomba gukurikizwa amabwiriza agenga ihana ry’intera hagati y’abakora imurikagurisha.

    Abategura ibi bikorwa bitandukanye byavuzwe hejuru basabwa kubanza kwaka uruhushya, gusaba uruhushya rwo gutegura ibitaramo ndangamuco bikorwa n’ibura iminsi iminsi icumi mbere y’uko igitaramo kiba, hagatangwa amakuru ku bijyanye n’aho kizabera, abazagikora n’uburyo buzakoreshwa mu kubahiriza ingamba zo kwirinda COVID-19.

    Usaba uruhushya yandikira ubuyobozi bw’Akarere igikorwa kizaberamo cyangwa ubw’Umujyi wa Kigali akamenyesha Minisiteri y’Urubyiruko n’Umuco na RDB binyuze kuri [email protected]

    Source : http://www.ukwezi.rw/mu-rwanda/Umuco/article/Amabwiriza-akakaye-agenga-ibikorwa-by-imyidagaduro-n-ibitaramo-by-abahanzi

  • Mu mafoto : Polisi iri kwegereza abaturage ibikorwa by’iterambere no kurengera ibidukikije #rwanda #RwOT

    Ni igikorwa cyatangijwe kuri uyu wa Kane tariki ya 10 Ukuboza, mu Ntara y’Amajyepfo mu Karere ka Kamonyi na Nyamagabe no mu Karere ka Rubavu mu Ntara y’Iburengerazuba.

    Mu Karere ka Kamonyi igikorwa cyo gutera ibiti cyabereye mu Murenge wa Rukoma mu Kagari ka Remera Umudugudu wa Kanyinya, aho Polisi ifatanyije n’abaturage babarirwaga kuri 800 bateye ibiti ibihumbi bitanu, biterwa ku buso bungana na hegitari 5 ziri ku musozi wa Kanyinya.

    Iki gikorwa cyari kitabiriwe n’umuyobozi w’Intara y’Amajyepfo, Madamu Kayitesi Alice ari kumwe n’umuyobozi w’ishami rya Polisi rishinzwe guhuza ibikorwa bya Polisi n’abaturage, Commissinner of Police (CP) Bruce Munyambo, umuyobozi wa Polisi mu Ntara y’Amajyepfo, CSP Innocent Rutagarama Kanyamihigo ndetse n’umuyobozi w’akarere ka Kamonyi, Thadee Tuyizere.
    Ubuyobozi bwa Polisi y’u Rwanda bwatangije ibikorwa bigamije kwegereza abaturage ibikorwa by’iterambere no kurengera ibidukikije

    Hari kandi bamwe mu bapolisi bakorera mu Ntara y’Amajyepfo n’abaturage bo mu Murenge wa Rukoma na Gacurabwenge.

    Nyuma yo gutera ibiti ku musozi ufite ubuso bungana na hagitari 10 zambaye ubusa kubera ibikorwa bya muntu, umuyobozi w’intara y’Amajyepfo yashimiye Polisi y’u Rwanda yafashe iya mbere ikaza gutangiza iki gikorwa cyo gutera ibiti kuri uwo musozi. Yasabye abaturage kuzafata neza ibyo biti ntibazongere kubyangiza.

    Guverineri Kayitesi Alice yagize ati 'Ndagira ngo dushimire ubuyobozi bwa Polisi y’u Rwanda ku bufatanye duhora tugirana mu kubungabunga umutekano ndetse no mu bikorwa by’iterambere muri rusange. Ndizera ko ubwo bufatanye buzakomeza, iki gikorwa cyo gutera ibiti hagamijwe kubungabunga ibidukikije ni kimwe mu bikorwa Polisi ifashamo Intara y’Amajyepfo kimwe n’ahandi hose mu gihugu.'

    Yakomeje asaba abaturage kutazasubira mu makosa bakoze batema ishyamba ryari kuri uwo musozi wa Kanyinya bikagera aho hegitare 10 zose zisigara zambaye ubusa.

    Ati 'Hari ibikorwa byinshi byari bifitiye akamaro abaturage b’uyu murenge wa Rukoma n’uwa Gacurabwenge byahungabanye kubera ko iri shyamba ryangijwe. Ariko binyuze muri bwa bufatanye bwo gukumira icyaha murabizi ko no kwangiza ibidukikije ari icyaha, turabasaba ubufatanye mu kubungabunga iri shyamba ririmo kongera guterwa kugira ngo rizadufashe kubona imvura, gutuma ubutaka butuma, kuzana umwuka mwiza abantu bahumeka n’ibindi.'

    Usibye aha Polisi yatangirije igikorwa cyo gutera ibiti, umuyobozi w’Intara y’Amajyepfo yashimiye Polisi ku gikorwa yanakoze mu Karere ka Nyamagabe mu Murenge wa Uwinkingi mu Mudugudu wa Subukiniro, cyo guha abaturage 217 umuriro w’amashanyarazi aturuka ku mirasire y’izuba.

    Yanavuze ko mu minsi ishize abaturage bo muri uyu Mudugudu, Polisi y’u Rwanda yari yabahaye ikimasa cy’imfizi ya kijyambere mu rwego rwo kuvugurura ubworozi.

    CP Bruce Munyambo mu ijambo rye yakanguriye abaturage gukomeza ubufatanye na Polisi y’u Rwanda mu bikorwa byose by’umutekano n’ibindi bigamije kuzamura imibereho yabo.

    Yagize ati 'Iki ni igikorwa dufatanyamo namwe mwese kandi tugifitemo inyugu twese, ndagira ngo mbasabe dufatanye urugendo rwo kubungabunga ibidukikije kuko ntabwo urwego rumwe rwakwifasha kubungabunga ibidukikije. Twatanze amashanyarazi aturuka ku mirasire y’izuba mu Karere ka Nyamagabe mu Mudugudu wa Subukiniro, ariko siho honyine kuko bizaba no mu yindi midugudu yagaragayemo kutagira umuriro w’amashanyarazi.'

    CP Munyambo yavuze ko ibi byose Polisi y’u Rwanda irimo kubikora mu rwego rwo gushyigikira abaturage mu rugendo rw’iterambere no kuzamura imibereho myiza yabo. Yavuze ko abaturage bafite uruhare mu kurinda ibikorwa bibegerezwa, ariko cyane cyane barwanya icyaha kuko iyo hari umutekano muke rya terambere ntiriboneka.

    Bamwe mu baturage bo mu Murenge wa Rukoma na Gacurabwenge bari bitabiriye igikorwa cyo kwifatanya na Polisi y’u Rwanda mu gutera ibiti bavuze ko batazasubira mu makosa bakoze yo kwangiza ibidukikije bikagera aho umusozi bawambika ubusa. Biyemeje ko buri muntu agiye kugira uruhare mu kurinda ibikorwa Leta igenda ibegereza kandi bagakumira icyaha kitaraba batangira amakuru ku gihe.

    Mu karere ka Rubavu igikorwa cyo gutera ibiti Polisi ifatanyije n’abaturage yagikoreye mu Murenge wa Kanama ahatewe ibiti bigera ku bihumbi 5,600. Byatewe ku buso bungana na hegitari 20, byatewe ku musozi wa Ndongoshori uri mu Mudugudu wa Ndongoshori. Nyuma yo gucunga umutekano, Abapolisi b’u Rwanda banakora ibikorwa biteza imbere abaturage Polisi y’u Rwanda isanzwe ikora ibikorwa bigamije guteza imbere abaturage
    Amafoto:RNP

    Source : http://www.ukwezi.rw/mu-rwanda/2/article/Mu-mafoto-Polisi-iri-kwegereza-abaturage-ibikorwa-by-iterambere-no-kurengera-ibidukikije

  • Guhungabanya uburenganzira bwa muntu muri Covid-19 byabayeho ariko byubahirije amategeko – NCHR #Rwanda #RwOT via @kigalitoday #rwanda #RwOT

    NCHR yeretse inzego zimwe na zimwe uko zitwaye muri iki gihe cya Covid-19
    NCHR yeretse inzego zimwe na zimwe uko zitwaye muri iki gihe cya Covid-19

    Itegeko Nshinga rya Repubulika y’u Rwanda, ingingo yaryo ya 26 ivuga ko buri Munyarwanda afite uburenganzira bwo kujya aho ashaka hose no gutura aho ari ho hose mu Rwanda, ndetse no kuva mu gihugu hamwe no kukigarukamo uko abishatse.

    NCHR ivuga ko ubu burenganzira hamwe n’ubundi bwahungabanyijwe muri iki gihe cya Covid-19, ariko ngo byari byemewe n’Itegeko Nshinga, aho rikomeza rigira riti “ubwo burenganzira buzitirwa gusa n’itegeko ku mpamvu z’ituze rusange rya rubanda n’umutekano w’igihugu, kugira ngo icyahungabanya abaturage gikumirwe cyangwa abari mu kaga barengerwe”.

    NCHR yizihije isabukuru ngarukamwaka ya 72 Itangazo Mpuzamahanga ry’Uburenganzira bwa Muntu rimaze rishyizweho, aho yatumiye inzego zitandukanye izigaragariza ibikwiye gukosorwa.

    Perezida w’iyi Komisiyo, Marie Claire Mukasine, yagize ati “Birumvikana ko hari uburenganzira bwagiye bugabanuka, niba umuntu yemerewe kujya aho ashaka, gukora imirimo inyuranye, ibyo byose byabaye bisubitswe…kandi ibyemezo nk’ibyo na byo biteganywa n’amategeko”.

    Perezida wa Komisiyo y
    Perezida wa Komisiyo y’Uburenganzira bwa muntu, Marie Claire Mukasine

    Minisitiri w’Ubutabera akaba n’Intumwa Nkuru ya Leta, Johnston Busingye, akomeza ashimangira ko ibyakozwe mu kubuza abaturage kwandura Covid-19 byemewe n’amategeko, kandi ko Leta izakomeza kubikora mu gihe nta rukingo n’umuti biraboneka kugeza ubu byo kurwanya iyi ndwara.

    Minisitiri Busingye yagize ati “Ni ukureba urugero twageraho twemerera abaturage kubona uburenganzira busesuye, hamwe n’urwo twageraho tubabuza mu rwego rwo kurengera ubuzima bw’Abanyarwanda benshi bashoboka, kabone n’ubwo bajya kurega ku Rwego rw’Umuvunyi ariko bagende ari bazima”.

    Mu bitemewe n’amategeko NCHR ivuga ko byakozwe na bamwe mu bakorera inzego za Leta, hari aho abapolisi, abayobozi mu nzego z’ibanze n’abasirikire bahohoteye abaturage bikanaviramo bamwe impfu.

    Komisiyo y’Uburenganzira bwa Muntu ivuga ko hari abantu bane bishwe, ariko igashima ko abakoze ibyo byaha bakurikiranywe mu mategeko bakabihanirwa.

    Iyi komisiyo yakomeje igaragaza ko uburenganzira ku butabera butatanzwe neza kubera Covid-19, aho mu mwaka wa 2018/2019 inkiko zari zifite imanza z’ibirarane 13, 010 ariko zikaza kwiyongera kugera kuri 25, 356 muri 2019/2020.

    Minisitiri w
    Minisitiri w’Ubutabera akaba n’Intumwa Nkuru ya Leta, Johnston Busingye avuga ko Leta izakomeza kurinda abaturage bayo kabone n’ubwo hari aho bibabuza uburenganzira

    NCHR irashima ariko ko hari abantu 2,855 bari bafungiwe muri kasho barekuwe ku bwo kwirinda Covid-19, kandi ko Polisi itakumiriye abanyamakuru ahubwo yaborohereje kubona inkuru bakeneye.

    NCHR kandi irashima ibyumba by’amashuri 22,500 birimo kubakwa hamwe n’uburezi bwatanzwe hifashishijwe ikoranabuhanga, n’ubwo abana bo mu cyaro benshi ngo batigeze bakurikirana ayo masomo, ndetse ko hari n’abaretse ishuri bagatwara inda.

    Ku bijyanye n’uburenganzira ku murimo, ubushomeri ngo bwageze ku rugero rwa 22.1% muri Gicurasi 2020 ariko bwongera kumanuka kugera kuri 16% muri Kanama 2020, ndetse kugeza ubu imirimo imaze kuboneka ngo iraruta ubwinshi iyari isanzweho mbere ya Covid-19 nk’uko bitangazwa na Minisiteri y’Imari n’Igenamigambi (MINECOFIN).

    NCHR isaba inzego zishinzwe gushyiraho amategeko gutangira gutekereza ku itegeko rirengera abantu mu gihe hateye icyorezo nk’iki cya Covid-19.

    Umuhuzabikorwa w’Umuryango w’Abibumbye mu Rwanda, Fodé Ndiaye, avuga ko Covid-19 ishobora kuba atari cyo cyago cya nyuma isi ihuye na cyo, ariko ko buri gihe igihugu kiba kigomba gufata ingamba zirengera abantu bose cyane cyane ab’amikoro make n’abafite intege nke z’umubiri.

    source https://www.kigalitoday.com/amakuru/amakuru-mu-rwanda/article/guhungabanya-uburenganzira-bwa-muntu-muri-covid-19-byabayeho-ariko-byubahirije-amategeko-nchr

  • Muhanga: Babiri barokotse impanuka y’ikorombe, ba nyiracyo barakurikiranwa #Rwanda #RwOT via @kigalitoday #rwanda #RwOT

    Abacukura bagomba kuba bujuje ibya ngombwa kugira ngo harinwe ubuzima bw
    Abacukura bagomba kuba bujuje ibya ngombwa kugira ngo harinwe ubuzima bw’abaturage

    Umuyobozi w’Akarere ka Muhanga Kayitare Jacqueline, avuga ko nyuma y’uko ikirombe gicukurwamo amabuye y’agaciro cya Kompanyi yitwa (Etablissement Karinda) kigwiriye abakozi bacyo babiri ba nyiracyo bagerageje kubikuriramo batamenyesheje inzego z’ubuyobozi.

    Kayitare avuga ko iyo Kompanyi yari yarahagaritwe by’agateganyo kubera ko itujuje ibisabwa, ari na yo mpamvu yaba yatumye abantu bahera mu kirombe cyayo amakuru agahishwa kugeza bukeye ari na bwo inzego z’ubuyobozi zatabaye zigafasha abaturage gukomeza gukora ubutabazi abantu bagakurwamo.

    Agira ati “Kompanyi n’ubundi yari yaragaragayeho imikorere mibi, amakuru bayaduhishe kuko iyo kompanyi yari yarenze ku mategeko igakora mu buryo butemewe kuko bari barahawe igihano cyo kudakora ukwezi kose, ndatekereza ko ari yo mpamvu bari baduhishe, babitubwiye mu gitondo”.

    Kayitare avuga ko ibyo bihano byari byatanzwe n’ikigo cy’igihugu gishinzwe ubucukuzi (RMB) kugira ngo Kompanyi yuzuze ibisabwa birimo n’imashini, kubera iyo mpamvu ba nyirayo bakaba bagomba kubihanirwa kuko bongeye kurenga ku mabwiriza.

    Umuyobozi w’Akarere ka Muhanga asaba abaturage kutishora mu bucukuzi bw’amabuye y’agaciro butemewe, kuko ari ho hava impanuka zirimo n’imfu za hato na hato, kuko hari hashize iminsi mike mu Murenge wa Muhanga ikirombe kigwiriye abantu batanu bagapfa.

    Mu Murenge wa Kabacuzi na ho ikirombe kimaze imyaka ibiri kigwiriye abantu babiri bikaba byarananiranye kubakuramo kugeza n’uyu munsi.

    Ku bijyanye no kuba gufunga ibirombe biri mu bitera kwishora mu bucukuzi butemewe, Kayitare avuga ko uko byamera kose abaturage bagomba gukorana na Kompanyi zujuje ibisabwa, kuko amabuye y’agaciro ari umutungo ukwiye kuba ubagirira akamaro aho kubatwara ubuzima.

    Agira at, “Amabuye y’agaciro ni umutungo kamere ukwiye kuba utubyarira ubukungu aho kudutwara ubuzima, bugomba gukorwa neza rero, abujuje ibisabwa akaba ari bo babukora kinyamwuga batagira ibyo bangiza”.

    Yongeraho ati “Ibya ngombwa bizatangwa kandi bihabwe abujuje ibisabwa, ubucukuzi bukorwe kinyamwuga kandi n’ubuzima bw’abaturage bacu bukomeze kurengerwa, turi gukorana na (RMB) kugira ngo abasabye hagenzurwe niba bujuje ibisabwa bahabwe ibya ngombwa abaturage bacu bagomba kuba bihanganye”.

    Kompanyi 11 ni zo zifite uburenganzira bwo gucukura amabuye y’agaciro mu mirenge 11 icukurwamo amabuye y’agaciro mu karere kose.


    source https://www.kigalitoday.com/amakuru/amakuru-mu-rwanda/article/muhanga-babiri-barokotse-impanuka-y-ikorombe-ba-nyiracyo-barakurikiranwa

  • Ntibisanzwe! Batunguwe no kubona uwo bashyingura bicaranye ku kiriyo cye #rwanda #RwOT

    Umuryango umwe w'i Kanuni, mu gihugu cya Kenya ubwo wari mu myiteguro yo gushyingura , abari aho batunguwe no kubona uwo bashyingura arimo gutembera mu baje mu kiriyo cye.

    Ku wa kane, tariki ya 3 Ukuboza 2020, Osca Mithika ufite imyaka 23 y'amavuko nibwo yagarutse mu rugo iwabo asanga imyiteguro yo kumushyingura irarimbanyije atungurwa n'uko bari bazi ko yamaze gupfa ndetse n'umurambo we bawufite.

    Nyina wa Mithika, Regina Choa, yavuze ko byasabye ubutwari bwinshi kugira ngo yegere umuhungu we nyuma yuko abantu bose bagize ubwoba bagahita baburirwa irengero bakimara kumubona asubiye mu rugo.

    Yavuze ko umuryango ndetse na bene wabo bemeraga badashidikanya ko yarohamye mu mazi mu byumweru bibiri byari bishize.

    Ati'Ntabwo twashoboye kwizera n'amaso yacu igihe twamubonaga. Abantu bose umutekano warabuze. Abantu barahunze bamwe baragwa kuko twari tumaze kumuririra no kwihanagura.

    Ikinyamakuru Kenyans dukesha iyi nkuru  gitangaza ko Choa yakomeje avuga ko kwegera umuhungu we nawe byamuteye ubwoba.

    Ati:'Nahindaga umushyitsi uko narushagaho kumwegera kugira ngo ndebe ko ari muzima kuko twatekerezaga ko twakuye umurambo we mu ruzi rwa Urra.'

    Atanga ubuhamya bw'iki kibazo, uwo bari bazi ko ari nyakwigendera Mithika,ubwe yavuze ko yavuye mu rugo ajya kwishakira akazi gasanzwe i Mutuati mu majyaruguru ya Igembe bityo ko atigeze apfa nkuko umuryango we wabitekerezaga.

    Mithika akimara kuburirwa irengero umuryango we wabimenyesheje polisi itangira gushakisha.Nyuma uyu muryango wahamagawe ku buruhukiro bw'ibitaro bya Nyambene kugirango barebe neza ko umurambo wavumbuwe mu ruzi rwa Urra  ari uw'umuntu wabo. Uyu muryango bivugwa ko wahageze ukibonera neza ko umurambo ari uwa Mithika.

    Umuyobozi w'akarere Japhet Kaindiria yemeje ko ngo uyu muryango wari umaze gukoresha amashilingi ya Kenya ibihumbi 16 mu myiteguro yo gushyingura umuntu wabo, mu gihe we yarimo yidegembya mu gihugu ari muzima.

    Source : https://impanuro.rw/2020/12/11/ntibisanzwe-batunguwe-no-kubona-uwo-bashyingura-bicaranye-ku-kiriyo-cye/

  • 18th Umushyikirano to be held under intense COVID-19 control observations #rwanda #RwOT

    This year’s Umushyikirano will be attended by 500 participants at Kigali Convention Center instead of 2000 who have been attending since inception.

    To control the spread of COVID-19 all participants will be tested and respect other health guidelines instituted including hand washing, wearing face masks and social distancing.

    Among other changes, this year’s Umushyikirano will last one day on 16th December instead of the usual two days.

    It will bring together Rwandans from inside the country and abroad while others will follow activities virtually at different meeting points.

    There will be four established centers across in the countryside thus; Karongi, Nyaruguru, Kirehe and Gicumbi, and one at Intare Arena convening 500 participants of YouthConnect summit.

    During the council, the president will deliver 'State of the Nation’ address.

    The address is expected to give hope to Rwandans especially during the period when the country’s economy has been shaken by Coronavirus pandemic.

    There have been several reshuffles in top Government officials following the previous Umushyikirano. Some institutions got new heads while others have been suspended or appointed to new duties.

    Umushyikirano is Kinyarwanda’s equivalent of 'dialogue’. During the dialogue, participants exchange ideas, share experiences, peer review and question each other. Today Umushyikirano is known as the National Dialogue Council.

    As part of efforts to reconstruct Rwanda and nurture a shared national identity, the Government of Rwanda drew on aspects of Rwandan culture and traditional practices to enrich and adapt its development programs to the country’s needs and context.

    The result is a set of Home Grown Solutions — culturally owned practices translated into sustainable development programs. One of these Home Grown Solutions is Umushyikirano.

    Governed by the Rwandan Constitution (Article 168), Umushyikirano is a forum where participants debate issues relating to the state of the nation, the state of local government and national unity. The Office of the Prime Minister is responsible for the overall co-ordination of Umushyikirano.

    Umushyikirano is an annual event chaired by the President of Rwanda that gives Rwandans from all walks of life the opportunity to ask questions directly to their leaders.
    The event is attended by members of the Cabinet and Parliament, representatives of the Rwandan community abroad, local government, media, the diplomatic community and others invited by the President.

    Those unable to attend in person at Rwanda’s parliament building can participate via telephone, SMS, Twitter and Facebook as well as follow the debate live on television and radio.

    The first National Dialogue Council took place on 28 June 2003 and has been held each year since.

    Umushyikirano aims to be a leading example of participatory and inclusive governance. It is hoped that by directly engaging with their leaders, Rwandans feel part of the decision making that affects their lives. Umushyikirano also serves as a forum for Rwandans to hold their leaders and government to account.

    Once a participant has asked a question, either in person, via Twitter, Facebook, SMS, the web or phone, the leader responsible for that area responds. All questions asked are recorded.

    Senior Government officials attending last year’s Umushyikirano.

    IGIHE

    Source : https://en.igihe.com/news/article/18th-umushyikirano-to-be-held-under-intense-covid-19-control-observations

  • COVID-19: Rwanda records 74 recoveries, 71 new cases #rwanda #RwOT

    The statement released last night shows that new cases were found in Kigali: 24, Rubavu: 15, Huye: 14, Rusizi: 8, Kayonza: 3, Gicumbi: 3, Muhanga: 1, Gisagara: 1, Kamonyi: 1 and Nyagatare: 1.

    Rwanda confirmed the first COVID-19 patient on 14th March 2020.

    Since then, 6349 people have been infected out of 657 995 sample tests of whom 5789 have recovered, 507 are active cases while 53 have succumbed to the virus.

    Coronavirus symptoms include coughing, flu, and difficulty in breathing. The virus is said to be transmitted through the mucous membranes of the respiratory tract.

    Rwandans are urged to adhere to COVID-19 health guidelines, washing hands frequently using soaps and safe water, wearing face masks and respecting social distancing.

    IGIHE

    Source : https://en.igihe.com/news/article/covid-19-rwanda-records-74-recoveries-71-new-cases