Webrwanda Backend

Author: webrwanda

  • Rwanda's Dr. Sezibera Appointed Commonwealth's Special Envoy #rwanda #RwOT

    The Commonwealth Secretary-General Patricia Scotland has today announced the names of four special envoys and champions who will promote the Commonwealth's values and principles around the world.

    The four roles will be responsible for portfolio areas covering key issues designed to support and assist the Commonwealth's 54 countries and 2.5 billion people.

    The four individuals taking on these new roles are: Former director of The Prince of Wales's International Sustainability Unit, Justin Munday, as the Special Envoy on Climate Change, Environment and Socio-Economic Affairs.

    He will support the Commonwealth's climate strategy with a focus on preparing for next year's COP 26 in Glasgow and mobilising resources to help achieve Paris Agreement ambitions and relevant Sustainable Development Goals (SDGs) in member states.

    The Secretary-General's Special Envoy for Health and Education is Rwandan medical doctor, diplomat and politician, Richard Sezibera.

    He will focus on the attainment of the Sustainable Development Goals (SDGs) relating to health and well-being (SDG3) and quality education (SDG4).

    Prof Praja Trevedi, former economic adviser to the Government of India, has been named the Secretary-General's Special Envoy for SDG Implementation.

    His focus will be on implementing the UN Agenda 2030 and its 17 Sustainable development goals; including combatting poverty and reducing inequalities.

    Finally, the Secretary-General's Champion for Equality in Sports is British Paralympic athlete, Anne Wafula Strike.

    Her role involves connecting sporting initiatives and supporting the implementation of SDGs relating to sport, peace and development and improving equality in sport.

    Speaking on the announcements, the Secretary-General Patricia Scotland said, 'I am deeply honoured that these Special Envoys and Champions of such exceptional talent, quality and experience have generously agreed to help us promote the values and principles of the Commonwealth so that we can better deliver the Sustainable Development Goals and assist the 2.5 billion people in the Commonwealth in need of our support.'

    The post Rwanda's Dr. Sezibera Appointed Commonwealth's Special Envoy appeared first on Taarifa Rwanda.

    Source : https://taarifa.rw/rwandas-dr-sezibera-appointed-commonwealths-special-envoy/

  • Umwana wavuzweho kuguruka hejuru y’inzu ameze neza #Rwanda #RwOT via @kigalitoday #rwanda #RwOT

    Amakuru y’umwana w’umukobwa wo mu Mudugudu wa Ryabega, Akagari ka Mubuga mu Murenge wa Musaza, uri mu kigero cy’imyaka 14-15, wagurukaga akajya hejuru y’inzu, yatangiye gucicikana ku wa Gatanu tariki 11 Ukuboza 2020.

    Amakuru yavugaga ko uwo mwana yari afite imbaraga zidasanzwe, zatumaga aguruka akajya hejuru y’inzu z’ubucuruzi ziri muri ako gace, ndetse abantu bagerageza kumukurayo bikananirana.

    Icyakora, Umunyamabanga Nshingwabikorwa w’Umurenge wa Musaza, Bihoyiki Leonard, yabwiye Kigali Today ko yigereyeyo ejo ku wa Gatanu, agasanga uwo mwana yacururutse ameze neza.

    Uyu muyobozi ariko ananyomoza amakuru avuga ko uwo mwana yagurukaga, kuko ngo amakuru yiherewe n’abaturage bamwiboneye, avuga ko yuririraga ku nzu z’ibikoni (ngufi), akajya hejuru y’inzu nini.

    Agira ati “Gusa ibyo bavuga ko aguruka si byo, ahubwo yaruriraga. Yuririraga ku nzu z’ibikoni kuko ziba ari ngufiya, hanyuma akajya hejuru y’inzu nini. Ibyo byo kuguruka si byo rwose”.

    Bihoyiki yemereye Kigali Today ko yibonaniye n’uwo mwana, agasanga yorohewe.

    Ati “Yasaga n’uworohewe, umuryango twawusabye ko yongeye kugira ikibazo bamujyana kwa muganga kugira ngo bamusuzume barebe niba yaba hari ikibazo afite”.

    Amakuru uwo muyobozi yahawe n’ababyeyi b’umwana avuga ko uwo mwana yari amaze iminsi arwaye, akamera nk’uta ubwenge ndetse agashaka kwiruka.

    Ababyeyi bavuga ko bagerageje kumuvuza ariko bikananirana, ndetse uyu muyobozi avuga ko akurikije uko yaganiriye na bo, basa n’aho barambiwe kuvuza umwana wabo.

    Ati “Icya mbere umuryango wari warishyizemo ko bamuvuje igihe kinini byananiranye, ariko ugasanga ni bya bindi byo kuvuza umuntu ku kigo nderabuzima, indwara yagaruka ukabona ntibabyumva”.

    Uyu muyobozi avuga ko amakuru yahawe n’abaturage, ari uko uwo mwana yajyaga hejuru y’inzu, akavayo ari uko haje abantu bakamusengera, nyuma bakamuterera urwego akamanuka.

    Uwo mwana kandi ngo yabaye avanywe mu rugo iwabo ajyanwa mu wundi muryango bafitanye isano, aho ngo hari abantu bamusengera.

    Ku ruhande rw’uwo mwana, Gitifu Bihoyiki baganiriye yabwiye Kigali Today ko we avuga ko ibyo bamuvugaho byo kuguruka nta byo azi.

    Agira ati “Umwana avuga ko atazi ibyamubayeho. Naramubajije aramwbira ngo baramubeshyera”!

    source https://www.kigalitoday.com/amakuru/amakuru-mu-rwanda/article/umwana-wavuzweho-kuguruka-hejuru-y-inzu-ameze-neza

  • 'Génération Paul Kagame': Ishyirahamwe ry'urubyiruko rwo muri Repubulika Iharanira Demokarasi ya Kongo, ruraharanira gutera ikirenge mu cya Perezida w'u Rwanda mu guharanira imiyoborere myiza n'imibereho iboneye mu gihugu cyabo. #rwanda #RwOT

    Iri shyirahamwe 'Génération Paul Kagame', rimaze amezi make rivutse, ariko rimaze kugira abasore n'inkumi babarirwa mu bihumbi, mu ntara zose zigize Repubulika Iharanira Demokarasi ya Kongo.

    Aganira na Televiziyo MNCTVCONGO, Umuyobozi waryo Rames MWENZE NKULU yavuze ko bahisemo izina rya Perezida w'uRwanda kubera indangagciro bamubonamo, ngo bakaba bifuza ko, nk'imbaraga z'igihugu, bazifashisha bubaka Kongo itekanye, ikorera mu mucyo kandi ituwe n'abaturage bafite imyumvire n'imibereho myiza, nk'uko Paul Kagame abiharanira mu Rwanda, kandi bikaba bitanga umusaruro ugaragagarira buri wese ushyira mu gaciro.

    Iri shyirahamwe rifite icyicaro ahitwa LIKASI muri Haut-Katanga,ariko rikaba riteganya kucyimurira mu murwa mukuru, Kinshasa, ngo kuko aribwo ibikorwa byaryo byamenyekana kurushaho. Ubu rero riri mu bukangurambaga mu gihugu hose, rishishikariza cyane cyane urubyiruko gutera ikirenge mu cya Perezida Kagame, ngo kuko ari uburyo bwiza bwo kwihuta mu iterambere, kurwanya ruswa n'akarengane, kugira uruhare mu bibakorerwa kandi bakabaza abayobozi uko buzuza inshingano bahawe n'abaturage. Rames Nkulu yavuze ko iyo urebye aho uRwanda rwavuye n'aho rugeze ubu, nta gushidikanya ko rubikesha umugabo w'ibikorwa, Paul Kagame. Yakomeje asobanura ko we na bagenzi be bishimira uburyo umubano hagati y'uRwanda n'igihugu cyabo uhagaze neza, nabyo bakabibonamo andi mahirwe yo gushyikirana n'Abanyarwanda, bagahahirana, bakajya inama mu mahoro n'umutekano.

    Mu bikorwa 'Génération Paul Kagame ' imaze gukora kandi ngo izageza mu ntara n'imijyi yose igize RDC, harimo gutoza abanyekongo umuco w'isuku ku mubiri, aho batuye, aho bakorera n'aho bagenda, intego ari ukugera ku isuku irangwa muri Kigali no bindi bice by'uRwanda. Magingo aya barafatanya n'abandi baturage mu bikorwa rusange, twagereranya n'umuganda ukorwa mu Rwanda.Bararemera abafite intege nkeya,aho bashakira igishoro abafite ubushake bwo gukora, ariko bakabura amikoro.

    Ababijjwe niba ibikorwa byabo bitazabangamirwa n' imitwe y'iterabwoba nka FDLR, FLN n'indi yagize Kongo indiri yayo, kandi yanga umuntu wese wavuga neza uRwanda na Perezida warwo, umuyobozi wa 'Génération Paul Kagame', yavuze ko iyo mitwe igenda itakaza imbaraga ku buryo bugaragara,kandi inzego z'umutekano muri Kongo zikaba zishyigikiye ibikorwa by'ishyirahamwe ryabo. Ikindi ngo iyo ibikorwa byawe bishingiye ku kuri, ababishyigikira baba benshi kurusha abagerageza kubikoma mu nkokora.

    The post 'Génération Paul Kagame': Ishyirahamwe ry'urubyiruko rwo muri Repubulika Iharanira Demokarasi ya Kongo, ruraharanira gutera ikirenge mu cya Perezida w'u Rwanda mu guharanira imiyoborere myiza n'imibereho iboneye mu gihugu cyabo. appeared first on RUSHYASHYA.

    Source : https://rushyashya.net/generation-paul-kagame-ishyirahamwe-ryurubyiruko-rwo-muri-repubulika-iharanira-demokarasi-ya-kongo-ruraharanira-gutera-ikirenge-mu-cya-perezida-wu-rwanda-mu-guhar/

  • Dr Richard Sezibera wahoze ari Minisitiri yahawe akazi #rwanda #RwOT

    Dr Sezibera yashyizwe muri izi nshingano ari kumwe n’abandi bantu bagera kuri bane aho bashyizweho n’Umunyamabanga Mukuru wa Commonwealth, Patricia Scotland.

    Itangazo ryashyizwe ahagaragara ku wa Gatanu tariki 11 Ukuboza 2020, rivuga ko Dr Sezibera ari Intumwa yihariye ya Commonwealth ishinzwe Uburezi n’Ubuzima.

    Rikomeza rivuga ko 'Azibanda ku bikorwa bigamije kugera ku Ntego z’Iterambere Rirambye (SDGs) zijyanye n’ubuzima hamwe n’imibereho myiza (SDG3) n’ireme ry’uburezi (SDG4).'

    Dr Sezibera ni umuganga wabyigiye, yabaye Visi Perezida w’Inama Rusange ya OMS, anaba kandi Perezida wa Komite Nyafurika ya OMS. Yabaye mu nzego z’ubuyobozi z’Ihuriro Mpuzamahanga rishinzwe Inkingo, GAVI (Global Alliance for Vaccine).

    Yabaye Intumwa yihariye (Special Envoy) ya Perezida Kagame mu Karere k’Ibiyaga Bigari, Umudepite mu Nteko Ishinga Amategeko y’u Rwanda kuva mu 1995 kugeza mu 1999, Umusenateri kuva mu 2016 kugera mu 2018 ubwo yagirwaga Minisitiri w’Ububanyi n’Amahanga mu Ugushyingo 2019 ari nawo mwanya w’ubuyobozi aheruka mu Rwanda.

    Dr Sezibera yahagarariye u Rwanda ku rwego rwa Ambasaderi muri Leta Zunze Ubumwe za Amerika, Argentine, Mexique na Brésil. Yabaye kandi Umunyamabanga Mukuru w’Umuryango wa Afurika y’Uburasirazuba, kuva mu 2011 kugeza mu 2016.

    Usibye ubuyobozi na dipolomasi, yanabaye umusirikare wo ku rwego rwa Majoro. Amashuri ya Gisirikare yanyuzemo amenshi ni ayo muri Leta Zunze Ubumwe za Amerika muri leta zitandukanye nka Rhode Island, California, Florida n’ahandi.

    Dr Richard Sezibera ni umugabo w’igikwerere wavutse ku wa 5 Kamena 1964, arubatse, afite abana batanu.

    Abandi bagizwe Intumwa zihariye za Commonwealth harimo nka Justin Munday washinzwe ibijyanye n’Imihindagurikire y’Ikirere hamwe n’Ibidukikije ; Prof Praja Trevedi washinzwe Ishyirwa mu bikorwa ry’Intego z’Iterambere rirambye na Anne Wafula washinzwe Ubwuzuzanye mu mikino.

    Source : http://www.ukwezi.rw/mu-rwanda/3/article/Dr-Richard-Sezibera-wahoze-ari-Minisitiri-yahawe-akazi

  • Minisiteri ya Siporo yahagaritse imikino ya shampiyona y’ikiciro cya mbere #rwanda #RwOT

    Itangazo ryasinywe na Minisitiri Aurore Munyengaju rivuga ko hashingiwe ku nama Minisiteri yagiranye n’inzego zishinzwe kurwanya icyorezo cya Covid-19 hafashwe ikemezo cyo guhagarika imikino ya Shampiyona kuva kuri uyu wa 12 Ukuboza, kugera mu gihe 'gikwiye' kitatangajwe itariki.

    Itangazo rivuga ko abakinnyi batagiye baguma aho bari gukorera imyitozo ndetse ngo bakomeje gusurwa, bikagaragazwa n’uko hari amakipe amwe bapimye basanga hari abanduye Covid-19.

    Minisiteri yategetse FERWAFA gutanga amafaranga yo gupimisha umukinnyi wese n’abatoza, kandi hakaba nta mukinnyi wemerewe kuva aho ari ajya iwe atabanje kwipimisha covid-19 no kubona ibisubizo.

    Source : http://www.ukwezi.rw/Imikino/article/Minisiteri-ya-Siporo-yahagaritse-imikino-ya-shampiyona-y-ikiciro-cya-mbere

  • Musanze: Barashimira Ingabo z’Igihugu zabatunganyirije igishanga #Rwanda #RwOT via @kigalitoday #rwanda #RwOT

    Umuganda wo gutunganya icyo gishanga witabiriwe n
    Umuganda wo gutunganya icyo gishanga witabiriwe n’inzego zinyuranye z’ubuyobozi

    Ni igishanga cyari cyararengewe ku buso bwa hegitari 79, aho cyagaburiraga imiryango isaga 500, ku ikubitiro imiryango 375 yimurwa muri icyo gishanga umushinga wo kugitunganya uhabwa ingabo z’igihugu.

    Nyuma y’uko ibiza bije ari simusiga mu mpera z’umwaka wa 2019 abo baturage bakimurwa, umushinga wo gutunganya icyo gishanga wahise ushyirwa mu bikorwa, aho muri Gicurasi 2020 wari urangiye abaturage batangira guhinga.

    Ubwo ingabo z’igihugu zatangiraga gutunganya icyo gishanga mu ntangiro za 2020, Maj Gen Andrew Kagame yabwiye abaturage ko ingabo zije kurwanya umutekano muke uterwa n’ibiza, abibutsa ko ikintu cyose kibangamira umudendezo w’abaturage ingabo ziba ziteguye kugihagarika.

    Ni uku byari byifashe mbere y
    Ni uku byari byifashe mbere y’uko igishanga cya Mugogo gitunganywa

    Yagize ati “Ibiza na byo ni umutekano muke ku banyagihugu, ntabwo umutekano muke tuwubonera gusa mu bacengezi, n’ibiza ni umutekano muke ni nayo mpamvu twe ingabo mutubona hano, iyo abaturage bagize umutekano muke twe nk’ingabo z’igihugu turatabara, iki kibazo tukijemo kandi kirakemuka vuba”.

    Ibyari amarira ubu ni ibyishimo, aho abo baturage bavuga ko ibyo biza byari byarabasize iheruheru babura aho bahinga ubu bakaba bishimira ko bahinga bakeza.

    Mu gutunganya icyo gishanga umubare munini w’abaturage bahawe akazi, ubu icyo gishanga kikaba cyaratangiye gukoreshwa aho abaturage bashimira Leta by’umwihariko ingabo z’igihugu zabagobotse muri icyo ibazo cy’ibiza cyari kibagwiriye.

    Akanyamuneza ni kose abaturage barejeje nyuma y
    Akanyamuneza ni kose abaturage barejeje nyuma y’uko icyo gishanga gitunganyijwe bagahinga

    Uwamahoro Béâtrice ati “Twabyakiriye neza kuba igishanga cyaratunganyijwe, amazi aturuka muri Nyabihu ni yo adusenyera, twari twarimutse ariko aho ingabo ziziye gutunganya iki gishanga, amazi yari yarakirengeye barayakamije ubu twaragarutse turahinga ibirayi bireze, ubu nta nzara”.

    Irankunga Marcelline ati “Hano tuhafite imirima, twari twarimutse kubera amazi aho iki gishanga cyari cyararengewe, ariko aho ingabo ziziye zaragitunganyije baduha n’akazi ubu igishanga cyarongeye kiba cyiza turahinga, umukuru w’igihugu yaduhaye imbuto ubu turejeje turi kurya nta kibazo”.

    Nyuma yo gutunganya icyo gishanga abaturage bongeye guhinga
    Nyuma yo gutunganya icyo gishanga abaturage bongeye guhinga

    Ni umushinga wuzuye utwaye angana na miliyari imwe y’amafaranga y’u Rwanda, aho washyizwe mu bikorwa mu byiciro bibiri. Icyiciro cy’ibanze mu gutunganya imirima y’abaturage cyatwaye miliyoni 300, mu gihe icyiciro cyo gukumira inzira z’amazi cyatwaye miliyoni 700.


    source https://www.kigalitoday.com/ubuhinzi/ubuhinzi/article/musanze-barashimira-ingabo-z-igihugu-zabatunganyirije-igishanga

  • Imyambaro abakobwa bambara batazi ko abahungu bayikunda – Inyarwanda.com #rwanda #RwOT

    Kwambara neza ni kimwe mu bintu biranga igitsinagore muri rusange. Iyo bigeze ku kwambara neza kugira ngo bagaragare neza imbere y'igitsinagabo biba akarusho, gusa hari imyambaro abakobwa bambara batazi ko ariyo abasore/abagabo bakunda.

    Source : https://rss.app/articles/cb4e791f267872da1d4d595068d7bb8f0a50132e1270bbefc9f7950fcad73796b74cf61330859739aef03b3f80095ec1318e37b385436646da669732c393576ec2f234a8fcae2beda58f2fa424fc240897794d094a05f6e6a6dd76149882e7f7899fd78f014382

  • Ba Nyampinga b'u Rwanda babayeho kuva mu 1993 kugeza ubu mu 2020 -AMAFOTO – Inyarwanda.com #rwanda #RwOT

    U Rwanda kimwe niibindi bihugu, bigira amarushanwa y'ubwiza aho umukobwa urushije abandi yambikwa ikamba ndetse akanahabwa izina rya Miss w'icyo gihugu. Mu guhitamo ubikwiye ahanini hagenderwa ku bwiza bw'inyuma, ubuhanga n’umuco ndetse n'uburyo abahatana basubiza ibibazo babazwa n'akanama nkemurampaka.

    Source : https://rss.app/articles/cb4e791f267872da1d4d595068d7bb8f0a50132e1270bbefc9f7950fcad73796b74df1133b89c336baf3373d864a58c27d872dfc80552a4adf6ad831d0901b75c6ee3afffef636e3a58338e87db0735ccf3f5a0f5616fcbebddb6214c4c7a4ab979ec9d545038f13c6956571872b7f79c4cf00d4de0efdc47f

  • Ibiciro byo kwinjira mu gitaramo 'Christmas Carols Concert’ cya Chorale de Kigali #rwanda #RwOT

    Iki gitaramo cya Christmas Carols Concert giteganyijwe kuba ku wa Gatandatu tariki 19 Ukuboza 2020 2020, kibaye mu gihe Isi yose yugarijwe n’icyorezo cya COVID19 cyahungabanyije ubukungu mu buryo bukomeye ndetse kuri ubu ingamba zo gukumira icyo cyorezo zikaba zigikomeje.

    Mu kiganiro ubuyobozi bwa Chorale de Kigali bufatanyije n’abahagarariye Kigali Arena ari naho iki gitaramo kizabera, bwagiranye n’abanyamakuru kuri uyu wa Gatandatu aho bwagarutse ku bijyanye n’imyiteguro y’iki gitaramo kizaba hubahirizwa amabwiriza ya Minisiteri y’Ubuzima, iy’Urubyiruko n’Umuco ndetse n’Urwego rw’Igihugu rw’Iterambere , RDB.

    Cyari cyitabiriwe n’abayobozi barimo Visi Perezida wa Mbere ushinzwe Imari n’Ubutegetsi muri Chorale de Kigali, Rukundo Charles Lwanga, Visi Perezida wa Kabiri ushinzwe ibya tekiniki, Hodari Jean Claude, Umunyamabanga Mukuru w’iyi korali, Bigango Valentin ndetse na Perezida wa Komisiyo ya tekiniki, Shema Patrick.

    Mubyo bamwe batekerezaga bijyanye n’umubare w’abantu bagomba kuzitabira iki gitaramo, harimo ibiciro bihanitse, ariko aba bayobozi batangaje ko abazitabira iki gitaramo bazishyura ibiciro bisanzwe aho ahasanzwe ari ibihumbi 5Frw, 10Frw ndetse na 15Frw mu myanya y’icyubahiro.

    Hodari yavuze ko ibijyanye no kwishyura bizakorwa hifashishijwe ikoranabuhanga mu rwego rwo gukomeza kubahiriza amabwiriza yo kwirinda Coronavirus.

    Ubuyobozi bwa Kigali Arena ari naho hazabera iki gitaramo bwatangaje ko mu gihe cya vuba burashyiraho urubuga rwa Internet abantu bazajya bakoresha bagura tickets zo kwinjira muri Christmas Carols Concert ndetse ubu buryo bukazanakoreshwa mu bindi bitaramo.

    Source : http://www.ukwezi.rw/Imyidagaduro/article/Ibiciro-byo-kwinjira-mu-gitaramo-Christmas-Carols-Concert-cya-Chorale-de-Kigali

  • Dore abahanzi baba ari ibikomerezwa iyo batishora mu biyobyabwenge bakisanga Iwawa no muri za gereza – Inyarwanda.com #rwanda #RwOT

    Gukora muzika bisaba ko hari byinshi umuhanzi yigomwa, iyo bitagenze gutyo muzika iba ifite imbaraga nke. Nyuma yo kwigomwa, umuhanzi yakagendeye kure ibiyobyabwenge kuko biri mu bituma abanyempano zitangaje baburirwa irengero kandi bari barigaruriye imitima ya benshi mu njyana bakora.

    Source : https://rss.app/articles/cb4e791f267872da1d4d595068d7bb8f0a50132e1270bbefc9f7950fcad73796b74df4133d879c3deef3382c874551d939c83ab090436645c962d83ad39b1163cee327b7eff421afe19722e82ee83e06913c401a5241f0e6e5db7e40c6d0afa3d8db9c89124bc31cc698637689682928d89345818707a4c77c63e29d328f83cd61b9b8da9b9c2b36ceec