Author: webrwanda

Aba bacuruzi bose ni abakorera muri gare yo mu Mujyi ahazwi nko muri Down Town, bafungiwe kubera kutagira ibikoresho by’ubwirinzi birimo kandagira ukarabe, kutambara udupfukamunwa, kurenza umubare w’abagomba kwinjira mu iduka,gusuzugura inzego inzego zinyiranye n’ibindi.

RBA dukesha iyi nkuru yatangaje ko abafashwe amaduka yabo yafunzwe mu gihe cy’ukwezi,bacibwa amande hagendewe ku mabwiriza barenzeho ndetse bajyanwa muri stade kwigishwa.

Ubuyobozi bw’akarere buvuga ko abafashwe bose basobanukiwe n’aya mabwiriza ku buryo ibyo barigukora ari ugukinisha iki cyorezo cya COVID19.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Uyu mugabo avuga ko impano y’ubupfumu ari iyo yasigiwe n’ibisekuru bye kandi birakora, avuga ko imyitwarire y’abapfumu n’ubwo itavugwaho rumwe muri rubanda ariko ari umwuga nk’indi dore ko umutunze kandi hari n’abandi utunze.

Kanyamahanga ntabwo yemeranya n’abavuga ko abapfumu iteka baba bagomba kuba munzu z’ibyatsi, kwambara nk’inyamanswa n’ibindi.

Mu kiganiro na UKWEZI yavuze ko kuri ubu hari abapfumu bagenzi be bakigaragara babayeho muri ubwo buzima ariko bidakwiye kuko nabo bakagombye kujyana n’ibigezweho n’ubwo akenshi bitwaza abakurambere.

Ati 'Ugasanga ntibubaka ngo niko abakurambere babo babategetse, ugasanga ntabwo ari byiza. Icyo ushaka n’icyo utekereza muri wowe nicyo kikubaho niba njyewe Eric nkunda kuba ahantu heza nyine ngakunda kwiyambarira neza nabo [abakurambere] babimfashamo nyine.'

'Ntabwo baza bambwira ngo uraba mu kazi nk’aka oya ariko nyine bitavuze koi zo nzu ziba zidahari, ziba zihari z’imiterekero yabo na gakondo urayubahiriza ariko atari ukuvuga ngo iyo nzu niyo ubamo, amafaranga abonetse na etage urayubaka.'

Reba ikiganiro n’umupfumu..

Kanyamahanga ntiyemeranya n’abavuga ko umupfumu akwiye kubaho muri ubwo buzima busa nabi kuko utavura umuntu inyatsi cyangwa ngo umuhe umuti wo kubona amafaranga nawe warayabuze.

Ati 'Ntabwo wavura umuntu inyatsi nawe uyifite, icya mbere ni uko ubanza ukivura muri wowe, wowe banza wiyiteho ku buryo n’umuntu azaza yabona aho utaha akavuga ko hari aho wivanye n’aho wigejeje.'

Uyu mupfumu akomeza avuga ko nkawe mu myaka irindwi amaze ari umupfumu yabashije kubaka inzu ya miliyoni 40Frw, ndetse akaba ari gushaka uko yakubaka igorofa y’amasaziro.

Yakomeje agira ati 'Byumvikane ko byose mbivana mu kuvura, nta handi mbikura ariko kuvuga ngo mbivana mu kuvura ntabwo ari uko mbona abakiliya benshi kurusha abandi ahubwo ni kwa kundi ukorera umuntu akaza kukwitura.'

Avuga ko mu minsi ishize aherutse kubona miliyoni 5Frw yahawe n’umuntu wari ufite umwana we wagize ikibazo cy’uburwayi bwo mu mutwe, aramuvura dore ko yamaze igihe cy’ibyumweru bibiri abana nawe.

Ati 'Ni umuntu wari ufite umwana we 'wasaze’, yari umunyeshuri aragenda anywa ibitabi aza gusara, icyo gihe mbasha kubihagarika yabaye aha ngaha ibyumweru bibiri nta n’ijana yampaye. Ngiye kubona mbona araje azanye aka envelope ati Eric akira aka kantu ndagushimiye.'

Kanyamahanga avuga ko afite n’umuhigo wo kubakira abaturage babiri baherutse gusenyerwa n’ibiza. Aba ntabwo ari abakiliya be ahubwo ni umuhigo yahigiye imbere y’Ubuyobozi bw’Umurenge ko azubakira abaturage babiri batishoboye.

Reba ikiganiro n’umupfumu..

Amakuru y’urupfu rwa Padiri Aloys yamenyekanye ku mugoroba wo ku wa Gatandatu tariki 12 Ukuboza 2020, aho bivugwa ko yakoze impanuka y’imodoka.

Itangazo ryatanzwe na Musenyeri wa Diyoseze ya Butare, Philippe Rukamba, ryashyizweho umukono n’Igisonga cya Musenyeri, Musenyeri Gahizi Jean Marie Vianney, rivuga ko Padiri Aloys Guillaume yazize impanuka ku wa Gatandatu tariki 12 Ukuboza 2020, rikavuga ko imihango yo kumushyingura izamenyekana nyuma.

Bivugwa ko Padiri Aloys Guillaume yakoze imanuka ageze aho bita i Mwurire mu Murenge wa Mbazi mu Karere ka Huye.

Ubwo yakoraga impanuka yari avuye i Kigali mu modoka itwawe n’umushoferi wa Economat General ari kumwe n’ abandi bantu babiri, ageze hafi y’i Save aciye ku gikamyo cyapfuye giparitse ahura n’ indi kamyo yihuta cyane bahita bagongana.

Kugeza ubu abo bari bari kumwe muri iyi modoka barakomeretse bikomeye aho bari kwitabwaho n’abaganga mu bitaro bya CHUB.

Padiri Aloys Guillaume yahawe ubusaseridoti ku wa 26 Nyakanga 1981 ahita ajya kuba Padiri wungirije muri Paruwasi ya Cyahinda mu Karere ka Nyaruguru kugera mu 1983.

Muri Nzeri 1983 yabaye umwarimu ashinzwe n’amasomo mu Iseminari Ntoya ya Karubanda (Petit séminaire Virgo Fidelis). Nyuma y’umwaka umwe muri Nzeri 1984 yashinzwe amashuri yisumbuye muri Diyoseze ya Butare.

Nyuma y’imyaka itatu muri Nzeri 1987 yagiye kwiga i Tours mu Bufaransa amarayo imyaka itatu, agarutse mu Ukuboza 1990 yabaye Aumonier mu yahoze ari Kaminuza Nkuru y’u Rwanda (UNR) ushinzwe gukurikirana ubuzima bwa roho, abifatanya no kwigisha mu Iseminari Nkuru i Nyakibanda.

Mu 1991 yabaye Padiri Mukuru wa Paruwasi Univestaire St Dominique, nyuma yaho mu Ukwakira 1994 yashinzwe amashuri Gatulika muri Diyoseze ya Butare. Mu 1997 yabaye Umuyobozi w’amashuri Gatulika mu Rwanda.

Mu 2006 yasubiye kwiga mu Bufaransa agaruka mu 2011 aba umwarimu mu Iseminari Nkuru ya Nyakibanda ari n’umuyobozi wungurije wayo.

Muri Kanama 2017 yabaye Padiri Mukuru wa Cathedrale ya Butare, nyuma y’umwaka umwe muri Kanama 2018 aba uhagarariye amashuri gatulika muri Diyoseze ya Butare.

Yitabye Imana yari Intumwa ya Musenyeri ishinzwe Ubuzima bw’Abihayimana muri Diyoseze ya Butare, umwanya yagiyeho mu Ugushyingo 2020.

Padiri Aloys Guillaume yarokotse Jenoside yakorewe Abatutsi muri Mata 1994. Abamuzi n’abababaye hafi ye bavuga ko ari umuntu wakundaga abantu kandi Abanyarwanda bose yababereye Umusaserodoti mwiza.

“No gusenga ibishushanyo, no kuroga no kwangana no gutongana, n’ishyari n’umujinya n’amahane, no kwitandukanya no kwirema ibice, no kugomanwa no gusinda, n’ibiganiro bibi n’ibindi bisa bityo. Ndababwira hakiri kare nk’uko nababwiye kera, yuko abakora ibisa bityo batazaragwa ubwami bw’Imana.” Abagalatiya 5: 20-21

Kwirema ibice bigenda bigaragara ahantu hose yewe no mu bakijijwe. Pawulo yandikiye Abakolinto avuga ukuntu bateranaga bakirema ibice ubwo babaga bagiye ku ifunguro/ igaburo ryera, ati” Irya mbere iyo muteraniye mu iteraniro numva yuko mwiremamo ibice” 1Abakolinto 11: 18.

Mu kiganiro ‘Ubutumwa bukiza’ kinyura kuri Agakiza Tv, pasiteri Desire Habyarimana yagarutse ku ngeso mbi ya kamere yo kwitandukanya no kwirema ibice.

Iyo urebye ukuntu abantu bajyenda babana cyane cyane mu nzu y’Imana abantu bajyenda birema ibice. Aho mu rusengero abacuruzi bakomeye bajyenda babana, abacuruza agataro n’abo bakabana, aho abantu biganye nabo babana, aho abahuje imibereho babana , aho abantu bagerageza kubana bashingiye ku bushobozi.

Bibiliya ntabwo yemera ko abantu birema ibice bishingiye ku mpamvu izo ari zo zose. Ntabwo dukwiye kwanga abantu bitewe n’uruhu rwabo, bitewe n’ubwoko bavukamo, iyo bigeze igihe cyo gufata abantu, tukavuga ngo ‘abo muri iki gihugu bitwara gutya, bose ukabashyira mu itsinda rimwe biba bitangiye kuba bibi.

Mubyukuri kwirema ibice ni icyaha

Ese ko Kristo yakwemeye akakwemera utari mwiza, wowe uvangura abandi ushingiye kuki?, ibi ni ingeso za kamere ntabwo dukwiye kuvangura umuntu uwo ari we wese dushingiye ku mmpamvu izo ari zo zose.

Imana ntishobora gufata ibintu byose ngo ibishyire mu itorero rimwe cyangwa mu itsinda rimwe. Birakomeye cyane aho amatorero avuka buri munsi kandi ashingiye ku bice, niba mu rusengero hari ibintu utemeranywa n’umushumba wawe ukabona igisubizo ari ugusohoka ukajya gushinga iryawe.

Biratangaje kubona mu rusengero rumwe mu myaka nk’itanu hasohoka ibice nka bitatu by’abakristo, wazakurikirana neza ugasanga uko uwo muntu yatangiye itorero nawe yagie yigometse ku bandi. Satani niwe mwami w’ibyigomeke, iyo habonetse ibice mu bizera ntabwo ari umugambi w’Imana kwigomeka kose ni icyaha ntabwo ari umugambi w’Imana. Umugambi w’Imana ni uko abari amaharakubiri babaye umwe kubw’umusaraba.

Birababaje aho abantu babaho badakundana kuko badashingiye kuri disipurine (discipline) imwe!. Ubundi icyaha ni icyaha muri Bibiliya, ni cyaha iburayi, ni icyaha muri asiya ni icyaha ahantu hose, ariko kuko hashyizweho discipline idasa n’iyirindi torero ibyo bikaba impamvu yo kubavangura no kuvuga ko ari abapagani.

Aho umuntu ataha ubukwe mu rundi rusengero abantu bakamuhagarika kuko batambara nka bo, batitwara nka bo ibyo bigatuma babacira urubanza. Uwo ni umwuka wa Satani Imana yaje gutuma abantu baba umwe, ntabwo ibice biva ku Mana ahubwo biva kuri Satani.

Yesu yaravuze ngo ‘abantu nibasenga bahuje umutima, icyo bazasaba cyose Data azagikora’. Imbaraga twirirwa dutatanya turamutse tuzishyize hamwe twakubaka ubwami bw’Imana. Isi yatwubaha ariko uko turushaho gutandukana ni ibigaragaza ko Satani akorera no muri bamwe mu bizera cyangwa se mu bitwa abakristo.

Reba hano inyigisho yose: Wari uzi ko kwitandukanya, kwirema ibice ari zimwe mu ngeso za kamere?

Source: Agakiza Tv

[email protected]