Author: webrwanda

Nubwo muri iyi mijyi hari hakonje mu ijoro ryakeye,benshi ntibatinye imbeho bagiye mu tubari banywa inzoga nyinshi ubundi gutaha biba ikibazo cy'ingutu.

Aba bantu kandi bishimiraga ko nubwo umwaka wari ushize bahanganye na Covid-19 yatumye habaho Guma mu rugo ariko bemerewe kwizihiza noheli.

Ibihugu byinshi byashyizeho ingamba zikomeye zo kwirinda Covid-19 ariko aba bakunzi b'agasembuye ntibazubahirije banyoye karahava bataha basinze.

Amafoto yagaragaje bamwe mu bagore bagizweho ingaruka n'agasembuye baryamye hasi ariko bari gufashwa na bagenzi babo guhaguruka.

Amakuru avuga ko bamwe mu banyamerika barenze ku mabwiriza y'umukwabu was aa tanu z'ijoro bigira mu tubari kwinywera inzoga.

Icyakora ikinyamakuru The Sun cyavuze ko abacuruzi b'inzoga n'ibyokurya batazacuruza cyane nkuko byagendaga mu myaka yashize.

Source : http://umuryango.rw/ubuzima-115/udushya/article/agasembuye-karaje-benshi-mu-mihanda-mu-rwego-rwo-kwitegura-noheli-amafoto

Source : http://umuryango.rw/inkuru-z-amamaza/article/ishyura-abonema-ya-startimes-na-mtn-momo-ubashe-gutombola

Aba bari bafunzwe kuva mu kwezi kwa cumi k'umwaka wa 2019 bashinjwa “ubufatanyacyaha mu guhungabanya umutekano w'igihugu” ,ariko uyu munsi bafunguwe nkuko itangazo ryasohowe na Perezida Ndayishimiye ribitangaza.

Ibi birego byari bijyanye n'igitero cy'abantu bitwaje intwaro cyabaye ku musozi wa Musigati mu ntara ya Bubanza ku itariki ya 22 Ukwakira 2019.

Nyuma y'iminsi 430 muri gereza,aba banyamakuru bahawe imbabazi nyuma yo kwandika bazisaba gusa amande ya miliyoni FBU baciwe aragumaho.

Bavugana na BBC kuri uyu mugoroba wo kuri uyu wa Kane, bakimara gusohoka gereza, bavuze ko banezerewe cyane kuko bagiye kurira Noheli mu miryango yabo.

Agnes Ndirubusa, umwe muri bo,yabwiye BBC yishimye ati:“Ndanezerewe cane kuba turekuwe, jewe n'abo turi kumwe tugasubira mu miryango yacu.

“Tuvuye kure, tukaba tugiye gusangira Noel n'incuti n'imiryango mu munezero nta ngere. “

Mu ibaruwa yo kubarekura yo kuwa gatatu tariki 23 Ukuboza 2020, umukuru w'igihugu Gen. Evariste Ndayishimiye avuga ko nyuma yo kwakira amabaruwa yabo yo gusaba imbabazi yafashe ingingo yo kubababarira, ariko bagomba kuriha amande baciwe.

Aba banyamakuru batawe muri yombi ubwo bari mu kazi kabo ko gutara inkuru mu Ntara ya Bubanza iherereye mu Burengerazuba bw'iki gihugu, ku bijyanye n'igitero cyagabwe n'inyeshyamba z'Abarundi (RED Tabara) ziturutse muri Repubulika iharanira Demokarasi ya Congo.

Aba banyamakuru bane:Térence Mpozenzi, Agnès Ndirubusa, Egide Harerimana na Christine Kamikazi,bagejejwe imbere y'urukiko ku wa gatatu tariki 06 Gicurasi 2020 nyuma y'amezi agera kuri atandatu bari bamaze bari muri gereza.

Aba bakatiwe igifungo cy'imyaka 2 n'amezi 6 banacibwa ihazabu ya miliyoni imwe y'amarundi buri umwe mu kwa mbere uyu mwaka, bashinjwa kugerageza kugambanira inzego za Leta z'ubutasi bw'imbere mu gihugu.

Itangazo rigenewe abanyamakuru ryasohowe n'ubushinjacya bukuru bw'u Burundi ryo mu mpera y'ukwezi kwa cumi umwaka ushize, ryavugaga ko ibimenyetso bufite “bigaragaza ko bishoboka ko bari basanzwe bazi iby'icyo gitero”.

Ryavuze kandi ko “bafatiwe ku musozi waberagaho imirwano”.

Umuryango uharanira uburenganzira bwa muntu, Human Rights Watch, wavuze ko icyemezo cyo gukomeza gufunga abo banyamakuru ari “ibintu bibabaje…ku kinyamakuru cya nyuma kigenga gisigaye mu Burundi, mu gihe haburaga gusa amezi atandatu ngo amatora yo mu 2020 abe”.

Source : http://umuryango.rw/amakuru/mu-mahanga/politiki/article/burundi-perezida-ndayishimiye-yahaye-imbabazi-abanyamakuru-b-ikinyamakuru-iwacu

Uyu munsi kandi abantu 72 basanzwemo ubwandu bwa COVID-19 mu bipimo 6,436 byafashwe, mu gihe abantu 40 bayikize mu masaha 24 yashize.

Abanduye iki cyorezo babonetse I Kigali: 35, Rubavu: 25, Nyamasheke: 5, Huye: 2, Muhanga: 2, Rusizi: 2, Nyamagabe: 1.

Kuva ku wa 14 Werurwe 2020 ubwo umurwayi wa mbere yabonekaga mu Rwanda,abantu 7,670 banduye Coronavirus. Muri bo 6,203 barasezerewe nyuma yo gupimwa bagasangwa nta bwandu bagifite mu mibiri yabo mu gihe 1,398 bakiri kwitabwaho.

Kugeza ubu nta muti n'urukingo bya Coronavirus biragera mu Rwanda, hakoreshwa uburyo bwo kuvura ibimenyetso by'iki cyorezo gusa, kugeza umubiri w'umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n'umuriro. Yandura binyuze mu matembabuzi aturuka mu myanya y'ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n'amazi n'isabune, kwambara udupfukamunwa n'amazuru mu gihe umuntu avuye mu rugo cyangwa ahuye n'abantu benshi.

Imibare itangazwa n'inzego z'ubuzima z'u Butaliyani igaragaza ko Coronavirus, yaraye ihitanye abantu 553 mu masaha 24, bakurikirana n'abagera kuri 626 bahitanywe nayo kuwa kabiri bituma kiba igihugu cya mbere ku mugabane w'u Burayi kigize abishwe na Covid-19 barenga ibihumbi 70.

U Butaliyani, ni cyo gihugu ku mugabane w'i Burayi cyashegeshwe na Covid-19 cyane dore ko ari icya gatanu ku isi muri rusange.

Ubwo u Butaliyani bwongeraga gutangaza ko Covid-19 yagarutse mu Ugushyingo, icyo gihe ibitaro byatangazaga ko byakira abantu 1000 ku munsi, mu gihe abarembye barengaga abantu 100 ku munsi.

Kugeza ubu mu Butaliyani harabarurwa umubare w'abamaze kwandura urenga miliyoni 1,9, abamaze guhitanwa n'iki cyorezo barenga ibihumbi 70, abakirwaye bagera 596192.

Kuva umuntu wa mbere yagaragara muri iki gihugu mu mpera za Mutarama, umubare w'abandura wakomeje kugenda wiyongera uza kugabanuka muri Gicurasi, gusa mu Ugushyingo imibare yongeye kuzamuka ku buryo buteye inkeke bituma u Butaliyani bugira abishwe na Coronavirus bangana 70.395.

Minisitiri w'intebe, Giuseppe Conte, aherutse gutangaza ko mu bihe bya Noheli n'Ubunani, amaduka, utubari na restaurant bizaba bifunze ndetse ingendo zizaba zibujijwe kubera gukangaranywa n'ubwiyongere bw'abarwara iki cyorezo.

Source : http://umuryango.rw/amakuru/mu-rwanda/ubuzima/article/abantu-3-bahitanwe-na-covid-19-mu-rwanda-abandi-72-barayandura

Uyu munyezamu yagiranye na Radio TV1 ayitangariza ko akeneye ubufasha akava muri Ethiopia akerekeza muri Australia hatuye nyina umubyara ndetse n'umugore we babyaranye abana 2 mbere y'uko batandukana.

Mosi uherutse kubabaza benshi mu bakunzi b'umupira w'amaguru mu Rwanda kubera ifoto yagiye hanze asa nabi cyane ndetse ubona nta buzima afite.

Nyina wa Muhamudu Mosi witwa Mbiwa Seraphine yabwiye Radio &TV1 ko umwana we ahangayitse cyane kuko arwaye indwara zitandukanye z'ubuhumekero ndetse ngo yabwiwe ko natabagwa azarwara Kanseri.

Yagize ati 'Muhamudu Mosi arahangayitse cyane.Arwaye indwara nyinshi ariko no mu mutwe ntabwo ameze neza.Afite ikibazo mu mazuru guhumeka ntibimworoheye.Bari bamusabye kubagwa ariko arabitinya muganga amubwira ko azarwara kanseri.

Nta muntu n'umwe wo kumufasha,abantu bose bamuvuyeho.Ndabaririra,mufashe Muhamudu Mosi kubera akazi yabakoreye abashe kuva hariya muri Ethiopia aze hano ndi.Aha muri Australia mba njyenyine.Natwaye abana be 2 mbafasha kwiga barangiza kaminuza ariko nyuma baransiga nsigara njyenyine.

Aho ndi niyishyurira inzu na Muhamudu Mosi mwishyurira inzu buri kwezi.N'ubufasha mbasaba,mumfashe ave hariya muri Ethiopia.'

Uyu mubyeyi yasabye abakunzi b'umupira w'amaguru mu Rwanda kumufasha nibura kugera mu Rwanda hanyuma akazabona uburyo bwo kugera muri Australia.

Uwahoze ari kapiteni w'ikipe y'igihugu mu gihe cya Muhamudu Mosi witwa Mbonabucya Desire yatangaje ko uyu munyezamu bagerageje kumufasha kuko ngo hari amadolari 800 bamwoherereje ayamara mu minsi 2 gusa.

Yagize ati 'Twashatse amadolari turayamwoherereza.Bwa mbere yabonye nk'amayero 200,ubundi tumwoherereza andi 600.Urumva ko yabonye amayero nka 700 cyangwa 800.

Bebe [Mosi] turamuzi uburyo akunda amafaranga kandi yabaye mugenzi wacu mu ikipe y'igihugu ntabwo ari umuntu twatererana,twaramufashije ayo mafaranga twarayatanze.

Ibyo kugaruka mu Rwanda naba abyemeye twamufasha wenda akabona n'abandi bantu bakamufasha kuko yabaye umusinzi,n'umuntu wirirwa yinywera ku muhanda.Namenye ko abana n'abantu bacuruza amakara ibintu nk'ibyo.

N'ukubyigaho ukuntu abantu bakongera kumufasha,ariko Bebe umuhaye amafaranga mu ntoki ayo twamuhaye yaraye ayamaze,mu minsi 2 yari ayamaze.'

Uyu Muhamud Mosi kuri ubu ubarirwa mu myaka 43, ni umwe mu banyezamu bashimishije bikomeye abakunzi ba ruhago nyarwanda mu myaka yo hambere bitewe n'udushya, amafiyeri no gusetsa abafana byamuranze mu gihe yamaze akina mu Rwanda.

Uyu mugabo ari mu bakinnyi bahetse ikipe y'igihugu Amavubi ubwo yatsindaga Uganda ku wa 6 Kanama 2003, igitego kimwe ku busa mu mukino utazasibangana mu mateka y'ibihugu byombi.

Uyu mugabo yanyuze mu makipe menshi arimo Mityana Fc, Express Fc, Victors Fc,SC Villa yose yo muri Uganda ndetse na APR FC, AS Kigali na Kiyovu Sports ya hano mu Rwanda.

Source : http://umuryango.rw/imyidagaduro/imikino/article/muhamudu-mosi-wakiniye-amavubi-arasaba-ubufasha-kuko-arembeye-muri-ethiopia

Gotz Neef w'imyaka 32 yahuye n'uruva gusenya kuwa 07 Ukuboza 2020,ubwo yari muri iri hema rye hanyuma iyi nyamaswa y'inkazi iramwinjirana ishaka kumwica.

Dr Rainer Von Brandis nawe w'umushakashatsi bari begeranye muri ako gace bari bakambitsemo bitavuzwe niba ari muri pariki,yumvise rwahanye inkoyoyo niko kuza gutabara yambaye ubusa atera umwanda w'inzovu iyi ntare mu rwego rwo gutabara mugenzi we biranga, ahagura ishami ry'igiti arayitera biranga.

Ubwo Bwana Neef yari hafi yo gupfa,umurinzi w'izi nyamaswa witwa Tomalets Setlabosh yahise ahagoboka agerageza kuyikanga ngo ihunge ahubwo itangira kwiruka ku modoka ye ngo nawe imwice.
Uyu murinzi yayisatiriye n'imodoka,iyi ntare ibona urugamba rurenze niko kwiruka igana mu bihuru bwana Neef arokoka atyo gusa yari yamuteye inzara n'amenyo yayo atyaye.

Neef yahise ajyanwa ku bitaro afite ibikomere 16 bikomeye ku mubiri we,yari yavunitse igufwa ryo ku kuboko ndetse birumvikana ko iyi ntare yari yamuteye ibisebe ku mubiri.Kugeza ubu, Neef ari koroherwa ariko yari ameze nabi mu minsi ishize.

Icyakora aba barinzi ba pariki bahise bahise bagerageza gufasha iyi ntare ishaje yari yirukanwe mu cyanya cyayo na ngenzi zayo bigatuma inzara yari ifite iyitura Neef.

Bwana Dr Von Brandis w'imyaka 46 avuga kuri iyi ntambara yamaze iminota 5 yagize ati 'Ntabwo nari mberewe kurebwa kuko nari nambaye agapira ko hejuru gusa ndi gusakuza ngo iyi ntare ihunge ye kwica inshuti yanjye.

Numvise Gotz avuza induru ko hari ikintu kinini kiri inyuma y'ihema rye nsohokana itoroshi ndebye mbona n'intare yamaze gusenya iryo hema.Yari iri hejuru ya Gotz ariko kubw'amahirwe yari ikirya iryo hema,nibwo nabonye umwanda w'inzovu wumye ndayitera cyane.

Nabonye ntacyo bitanze mpita nyitera ishami ry'igiti naryo ntiryagira icyo rimara ahubwo mbona itangiye kurya bya nyabwo Gotz ku kuboko ari kuvuza induru cyane.

Nabonye bikomeye mpita niruka nyisanga nambaye ubusa nyikubita igiti kinini nari mfite nabwo ntiyagenda.Kubw'amahirwe umukuru w'abarinzi witwa Tomalets Setlabosha yahise aza.

Iyo ntare yatinye imodoka ariko kubera ko yari ishonje cyane yakomeje kurya Gotz nibwo Tomalets Setlabosha yazanye Land Cruizer ayegereye yirukira mu bihuru.'

Iyi ntare imaze guhunga aba bagenzi be bahise bamujyana ku bitaro bya Maun biri ku birometero birenga 50 uvuye aho ariko abaganga baramunaniwe ajyanwa I Windhoek muri Namibia ari naho ari kuvurirwa.

Uyu Dr Rainer Von Brandis, afite umugore n'abana 2 n'umunyafurika y'Epfo aho ayoboye ikigo cyitwa Wild Bird Trust ndetse yari yagiye muri Botswana ajyanye n'uyumugenzi we Neef.

Gotz yari amaze inshuro 500 arara mu ihema mu bushakashatsi ariko nibwo bwa mbere yatewe n'intare yari igiye kumuhitana

Source : http://umuryango.rw/ubuzima-115/udushya/article/umugabo-yarwanye-n-intare-akoresheje-ibipfunsi-yari-ije-kumurya-atabarwa-na

Source : https://en.igihe.com/news/article/paul-muvunyi-former-rayon-sports-president-arrested

Umuherwe wigize kuyobora Rayon Sports akanayihesha igikombe cya shampiyona cya 2019-2019 ari cyo iheruka, Muvunyi Paul amaze iminsi 4 atawe muri yombi n’Urwego rw’Igihugu rw’Ubugenzacyaha ‘RIB’ aho akurikiranyweho gukoresha impapuro mpimbano.

Muvunyi Paul yatawe muri yombi ku wa 24 Ukuboza 2020, akaba yarafatanywe n’abandi 4 bakurikiranyweho iki cyaha cyo gukoresha impapuro mpimbano.

Mu bandi bafatanywe nawe harimo Rtd Col Ruzibiza Eugène wigeze kuba Umuyobozi ushinzwe Ingabo mu Karere ka Karongi ndetse mu 2015 yari Umuyobozi wa Brigade ya 307 yakoreraga mu Ntara y’Uburengerazuba.

Hafunzwe kandi Umunyamabanga Nshingwabikorwa w’Akagari ka Gasura mu Karere ka Karongi, Niyongamije Gérald n’umuturage witwa Kayigema Félicien.

Umuvugizi w’Umusigire w’Urwego rw’Igihugu rw’Ubugenzacyaha, RIB, Dr Murangira B. Thierry yabwiye ISIMBI ko Muvunyi Paul ari mu maboko y’Urwego rw’Igihugu rw’Ubugenzacyaha ariko yirinda kuvuga byinshi ku byo akurikiranyweho.

Ati“Nibyo. Akurikiranyweho gukoresha impapuro mpimbano, ndumva ari ayo makuru twatanga byaka kanya.”

Kuba icyaha akurikiranyweho cyaba gifitanye isano na hoteli yo mu karere ka Karongi yitwa Kivu Safari Lodge iri mu Murenge wa Gishyita, yatashywe mu 2016 itwaye miliyari 1,2 Frw cyane ko n’abo bafunganywe ari abo muri aka karere harimo n’umuyobozi wayo, yavuze ko ntacyo yabivugaho amakuru ahari ari uko bari mu maboko y’Urwego rw’Igihugu rw’Ubugenzacyaha gusa.

Muvunyi Paul yatawe muri yombi

Source : http://isimbi.rw/siporo/article/muvunyi-paul-wayoboye-rayon-sports-amaze-iminsi-4-atawe-muri-yombi