Webrwanda Backend

Author: webrwanda

  • Kuki Imana ireka ibibi bikatugeraho? #rwanda #RwOT

    Mu gitabo cy’itangiriro 1: 27 muri Bibiliya Yera, hagaragaza uko Imana yaremye umuntu, imurema mu ishusho yayo, Ishusho yo kwera no gukiranuka. Iyi shusho umuntu yaremwemo igizwe n’ibice bitatu aribyo umwuka, ubugingo n’umubiri nk’uko bigaragara mu 1 abatesaronike 5:23.

    Reka ibi bice uko ari bitatu tubigereranye n’inzinga eshatu ariko zikikoramo rumwe aho zikurikirana rumwe ruri mu rundi. Umwuka uba mu bugingo ubugingo bukaba mu mubiri, kandi imibereho ya rumwe ishingira ku rundi.Ibi bisobanura ko umuntu aremwa igice cy’umwuka nicyo gice cy’Imana yaremanywe, niyo mpamvu bibiriya ivuga ko umuntu yaremwe mu ishusho y’Imana.

    Igice cy’umwuka ni igice cy’ubusabane bw’umuntu n’Imana, niho hafatirwa ibyemezo biyobora umuntu, mu gice cy’ubugingo niho haba amarangamutima n’ibyiyumviro bigendana no kwishima no kubabara naho igice cy’umubiri cyo ni igice cyo gushyira mu bikorwa. Niyo mpamvu ibyo dukora byose ntibishingira ku miterere yacu y’umubiri ahubwo bishingira ku mitere yacu y’umwuka.

    Umuntu amaze gucumura, yatakaje ishusho y’Imana yaremanywe, by’umvikane neza ntabwo yatakaje ubugingo ahubwo yatakaje umwuka w’Imana maze birangira ubugingo n’umubiri bigiye munsi y’ububasha bw’undi mwuka atari umwuka w’Imana, ariwo Bibiliya yita “Kamere” cyangwa “Umwuka w’umubi”. “Ndavuga nti”Muyoborwe n’Umwuka”, kuko ari bwo mutazakora ibyo kamere irarikira kuko kamere irarikira ibyo Umwuka yanga, kandi Umwuka yifuza ibyo kamere yanga kuko ibyo bihabanye, ni cyo gituma ibyo mushaka gukora atari byo mukora. (Abagalatiya 5:16-17).

    Umuntu amaze gutakaza ishusho y’Imana, yarayimugaruriye binyuze muri Yesu kristo. Imana yahaye umuntu ukwera kwayo no gukiranuka nk’uko yaremanywe, ibicishije mu gutanga umwana wayo Yesu Kristo ari nawe shusho yayo akaba no gukiranuka kwayo.

    “Kuko utigeze kumenya icyaha Imana yamuhinduye kuba icyaha ku bwacu, kugira ngo muri we duhinduke gukiranuka kw’Imana.” (2 Abakorinto 5:21)
    Mu rwandiko Pawulo yandikiye itorero ry’i Roma cyane mu bice bya 1-6, n’urwo yandikiye itorero ry’i Korinto yagarutse cyane ku gukiranuka Imana yahereye inyokomuntu muri Kristo Yesu ariko na none uku gukiranuka kukaba kugomba amahitamo ya muntu ariyo “kwizera”. Urwo yandikiye abefeso yagize ati “Mwakijijwe n’ubuntu kubwo kwizera, ntibyavuye kuri mwe ahubwo ni impano y’Imana.” (Abefeso 2:8)

    Kwizera ni amahitamo y’umuntu agira nyuma yo kumva ijambo ry’Imana. “Dore kwizera guheshwa no kumva, no kumva kukazanwa n’ijambo rya Kristo.” (Abaroma 10:17) kandi aya mahitamo yo kwizera niyo azanira uyakoze ubugingo. “Kuko Imana yakunze abari mu isi cyane, byatumye itanga Umwana wayo w’ikinege kugira ngo umwizera wese atarimbuka, ahubwo ahabwe ubugingo buhoraho.” (Yohana 3:16) ariko na none gukora amahitamo mabi yo kutizera bituma ubikoze acirwaho iteka ry’urupfu.

    “Umwizera ntacirwaho iteka, utamwizera amaze kuricirwaho kuko atizeye izina ry’Umwana w’Imana w’ikinege.”(Yohana 3:18), ibi bisobanuye ko umuntu yasubiranye gukiranuka yaremanywe ariko noneho abiheshejwe no “kwizera.”

    Twumve neza ibimaze kuvugwa ku “kwizera n’amahitamo”. Nyuma y’uko Imana imaze kurema umuntu yamushyize imbere ibintu bibiri kandi byose binganya ubushobozi, 'Ikibi n’ikiza” cyangwa “ubugingo n’urupfu” ariko nanone umuntu yasigaranye ubudahangarwa ntavogerwa bwo guhitamo icyo akwiye kubakiraho ubuzima bwe muri ibi byombi. Byumvikane neza ko amahitamo y’umuntu hagati y’ikibi n’ikiza niyo mahitamo akomeye kandi Imana itajya yivangamo kuko umuntu yaremanywe ubwenge buhagije bwo gushobora gutandukanya ibi byombi no kumenya ingaruka za buri kimwe. Aha niho ubudahangarwa bw’umuntu buherereye mu guhitamo ikibi n’ikiza akaba ari naho gukiranuka kw’Imana n’ubutabera bwayo bigaragarira mu kutivanga mu mahitamo y’umuntu no kugororera buri wese ibikwiranye n’amahitamo ye.

    “Dore uyu munsi ngushyize imbere ubugingo n’ibyiza, n’urupfu n’ibibi, Uyu munsi ntanze ijuru n’isi ho abahamya bazabashinja, y’uko ngushyize imbere ubugingo n’urupfu, n’umugisha n’umuvumo. Nuko uhitemo ubugingo, ubone kubaho wowe n’urubyaro rwawe.”
    (Gutegeka 30:15,19)

    Nubwo Imana yahaye umuntu uburenganzira bw’amahitamo yanamugaragarije ingaruka zayo mahitamo arizo “urupfu” mu gihe umuntu yahisemo gukurikiza imirimo ya kamere (ikibi), cyangwa “kurama” igihe umuntu yahisemo icyiza.

    “Kuko niba mukurikiza ibya kamere y’umubiri muzapfa, ariko nimwicisha Umwuka ingeso za kamere muzarama. Abayoborwa n’Umwuka w’Imana bose ni bo bana b’Imana” (Abaroma 8:13-14).

    Mu kutivanga mu mahitamo y’umuntu, ntibyabujije Imana no gushyiraho inzira zo kumugira inama yo gukora amahitamo meza, niyo mpamvu, yashyize mu mutima w’umuntu wese umwuka wayo wo kumugira inama ku mahitamo meza ariwo abatizera benshi bakunze kwita umutimanama ariko nanone nubwo Imana yashyizeho ubu bujỵanama bw’umwuka wayo, ntiyigeze ivogera ihame ry’amahitamo ya muntu. Niyo mpamvu umuntu ahitamo kumvira ubujyanama bwa mwuka cyangwa agahitamo kwinangira umutima ntabwumvire agakomeza guhitamo gukora ibyangwa n’Uwiteka.

    Mu kubaha ihame ry’amahitamo niho twabonera n’igisubizo cy’impamvu Imana ihitamo gukoresha ibyago, ibyorezo, inzara n’amakuba kugira ngo abantu bayo bayigarukire. Ibikoresha nko gutanga ubutabera bw’amahitamo yabo, maze ubu butabera bukabereka ko bahisemo nabi, ari nabwo bubagarurira guhitamo igikwiye.

    “Ni cyo cyatumye Imana ibareka ngo bakurikize ibyo imitima yabo irarikiye, bakora ibiteye isoni bonone imibiri yabo, kuko baguraniye ukuri kw’Imana gukurikiza ibinyoma, bakaramya ibyaremwe bakabikorera kubirutisha Imana Rurema, ari yo ishimwa iteka ryose. Nicyo cyatumye Imana ibarekera kurarikira ibyonona, ndetse bigeza ubwo abagore babo bakoresha imibiri yabo uburyo bunyuranye n’ubwo yaremewe. Kandi n’abagabo ni uko, bareka kugirira abagore ibyo imibiri yabo yaremewe, bashyushywa no kurarikirana. Abagabo bagirirana n’abandi bagabo ibiteye isoni, bituma mu mibiri yabo bagarurirwa ingaruka mbi ikwiriye kuyoba kwabo.

    Kandi ubwo banze kumenya Imana, nicyo cyatumye Imana ibareka ngo bagire imitima yabaye akahebwe bakora ibidakwiriye. Buzuye gukiranirwa kose n’ububi no kurarikira n’igomwa, buzuye n’ishyari n’ubwicanyi, n’intonganya n’ubugambanyi no gukina ku mubyimba, no gusebaniriza mu byongorerano, n’abatukana, n’abanga Imana n’abanyagasuzuguro, n’abirarira n’abahimba ibibi, n’abatumvira ababyeyi n’indakurwa ku izima, n’abava mu masezerano n’abadakunda ababo n’intababarira, nubwo bamenye iteka ry’Imana y’uko abakora ibisa bityo bakwiriye gupfa, uretse kubikora ubwabo gusa bashima n’abandi babikora.” Abaroma 1:24-32

    Ubwo Pawuro yandikiraga itorero ry’i Roma(abaroma 1:24-32) yarigaragarije impamvu Imana izakoresha ibyago kugira ngo bayigarukire. Icyambere yababwiye ko bakurikije ibyo imitima yabo irarikiye, icya kabiri bononnye imibiri yabo bakoresheje ibiteye isoni, icya gatatu baguraniye ukuri ku Imana gukurikiza ibinyoma, icyakane baramya cyangwa baha agaciro ibyaremwe n’abantu, icya gatanu banze kumenya Imana, icya gatandatu imitima yabo yabaye akahebwe, icya karindwi buzuye gukiranirwa kose, icya munani bashima abakora ibibi.

    Ibi byose babikoze bazi neza ko abakora ibisa bityo bakwiriye gupfa. Akenshi, Ibyago byose biza mu gihugu, biza ku nyokomuntu biba ari nk’ubutabera butanzwe mu gukoresha amahitamo k’ihame ntavogerwa ku nyokomuntu.

    Urinzwenayo Mike

    Source : https://agakiza.org/Kuki-Imana-ireka-ibibi-bikatugeraho.html

  • Kigali: Mu masaha 24 hafashwe imodoka zirenga 100 n’abantu 170 barenze kuri Guma mu rugo – #rwanda #RwOT

    Izi modoka ngo zafashwe zitwawe n’abantu badafite ibyangombwa bitangwa na Polisi y’igihugu byemerera umuntu gusohoka muri ibi bihe bya Guma mu rugo.

    Mu kiganiro Umuvugizi wungirije wa Polisi y’u Rwanda, CSP Africa Sendahangarwa Apollo yagiranye na RBA yavuze ko muri rusange amabwiriza ya Guma mu rugo ari kubahirizwa neza mu Mujyi wa Kigali ngo n’ubwo hatabura abayarengaho.

    Ati “Kuva aho twatangiriye gahunda ya Guma mu rugo kuva tariki ya 19 Mutarama bimaze kumenyerwa serivisi z’ingenzi zafunguwe zikomeje gukora neza urebye birimo birajya ku murongo cyangwa byamaze no kujya ku murongo ariko nubwo bijya ku murongo bwose ntabwo bivuze ko abantu badakomeje kwica amabwiriza. »

    CSP Africa Sendahangarwa Apollo yavuze ko kimwe mu bikorwa byahonyoye amabwiriza ya Guma mu rugo biherutse kugaragara harimo n’icyakozwe n’abakunzi b’Amavubi basohotse mu ngo zabo bakirara mu muhanda bishimira intsinzi yayo.

    Uretse aba CSP Africa Sendahangarwa Apollo yavuze ko mu masaha 24 bafashe abantu 170 bavuye mu rugo nta ruhushya rubibemerera bafite.

    Ati “Usibye n’ibyo gufana ariko n’ubusanzwe hari abakomeje kuyarengaho nko mu masaha 24 ashize hari imodoka zirenga 100 zabonetse abantu bazitwaye badafite impushya, hari abantu 170 nabo babonetse badafite impushya turakomeza rero gukangurira abantu kubahiriza gahunda ya Guma mu rugo neza.”

    Icyemezo cyo gushyira Umujyi wa Kigali muri Guma mu rugo cyafashwe n’Inama y’Abaminisitiri yateranye ku wa 18 Mutarama 2021 iyobowe na Perezida w’u Rwanda, Paul Kagame. Iki cyemezo cyaturutse ahanini ku mubare w’abandura icyorezo cya COVID-19 wari ukomeje kwiyongera ubutitsa muri uyu mujyi.

    CSP Africa Sendahangarwa Apollo yavuze ko muri rusange mu Mujyi wa Kigali amabwiriza ya Guma mu rugo ari kubahirizwa neza

    source http://igihe.com/amakuru/u-rwanda/article/kigali-mu-masaha-24-hafashwe-imodoka-zirenga-100-n-abantu-170-barenze-ku

  • Minisitiri Munyangaju yakebuye abitwaza Amavubi bakishora mu bishobora gutuma bandura Covid-19 – #rwanda #RwOT

    Kuba Abanyarwanda bashobora gutwarwa n’intsinzi y’Amavubi bakarenga ku mabwiriza yo kwirinda COVID-19 byagaragaye ku wa 26 Mutarama ubwo yatsindaga Togo ibitego 3-2, maze abakunzi bayo bakirara mu mihanda kandi bitemewe.

    Uretse gusohoka bitemewe, abakunzi b’Amavubi bagaragaye kandi barenze ku yandi mabwiriza yo kwirinda COVID-19 arimo kwambara agapfukamunwa neza no guhana intera.

    Mu kiganiro Minisitiri Munyangaju Aurore Mimosa yagiranye na RBA kuri uyu wa 28 Mutarama, yavuze ko abakunzi b’umupira bakunze kurangwa n’amarangamutima iyo ikipe yabo itsinze ko ariko bitari bikwiye ko bigera ku rwego rwo kurenga ku mabwiriza yo kwirinda COVID-19.

    Ati “Mu busanzwe Abanyarwanda cyangwa umuntu wese ukunda umupira w’amaguru nk’uko byagaragaye bagira imbamutima, bagira uburyo bishima iyo ikipe yabo yatsinze, aha turi kuvuga uko Amavubi yatsinze abantu benshi rero barishimye ariko noneho barenga no ku mabwiriza yo kwirinda COVID-19.

    “Nka Minisiteri ako kanya tukimara kubona ko Abanyarwanda bari hanze, basohotse bari kwica amabwiriza icya mbere twakoze ni ukubabwira no kubereka ko koko tutabishyigikiye atari ngombwa ko abantu bishima ngo basohoke mu ngo zabo bajye hanze kutubahiriza amabwiriza ya COVID-19.”

    Minisitiri Munyangaju yakomeje avuga ko umukunzi wa siporo wa nyawe arangwa no kugira ikinyabupfura no kubaha amabwiriza ya Leta.

    Munyangaju yavuze ko Amavubi agifite urugendo rurerure imbere kandi ko ashobora kurwitwaramo neza, asaba abakunzi bayo kutazongera kurangwa n’imyitwarire yabaranze ubwo yatsindaga uyu mukino uheruka.

    Ati “Amavubi aracyafite urugendo, agiye muri kimwe cya kane biranashoboka ko dushobora kugera ku mukino wa nyuma wenda tukazanatahana n’iki gikombe ariko se noneho uko twitwaye niko dushaka gukomeza kwitwara kugeza ku munsi wa nyuma? Abenshi barasohotse mwarabibonye, mwabonye amashusho uko babaga banambaye, bakibagirwa no kwambara kubera amarangamutima yabo […] Usohotse hanze ariko wibagiwe ko ushobora gutahana icyorezo.”

    Minisitiri Munyangaje yasabye Abanyarwanda kwitwararika ku buryo intsinzi y’Amavubi itababera icyuho cyo kwandura COVID-19.

    Ati “Niyo mpamvu twavuze ko uyu ari umwanya mwiza wo kongera kwinenga no kwibutsa Abanyarwanda ko turi mu bihe bidasanzwe, turi mu bihe by’icyorezo niba tugiye muri kimwe cya kabiri ntabwo ari umwanya wo kugira ngo tujye gukwirakwiza iki cyorezo.”

    “Tubigiremo uruhare, tubishyiremo imbaraga nyinshi nk’abakunzi ba siporo twubahe amabwiriza badushyiriraho gutsinda kw’Amavubi ntibibe icyuho cy’uko dukwirakwiza COVID-19 cyangwa se bibe icyuho cyo kutubahiriza amabwiriza.”

    Yavuze ko byaba bibabaje mu gihe Abakinnyi b’Amavubi bakwitwara neza ariko bazataha bagasanya umwe mu bagize imuryango yabo n’inshuti yaranduye iki cyorezo biturutse ku kwitwara neza kwabo.

    Ikipe y’Igihugu Amavubi niyo yonyine yo mu karere yabashije kugera muri kimwe cya kane mu mikino Nyafurika ihuza abakinnyi bakina imbere mu bihugu byabo (CHAN 2020). Ku Cyumweru biteganyijwe ko izahura n’iya Guinea.

    Minisitiri wa Siporo, Munyangaju Aurore Mimosa yasabye Abanyarwanda kutirara ngo Amavubi ababere intandaro yo kwandura COVID-19

    source http://igihe.com/amakuru/u-rwanda/article/minisitiri-munyangaju-yasabye-abanyarwanda-kutirara-ngo-amavubi-ababere

  • Gasabo: Umugabo yishe umugore we yishyira polisi – #rwanda #RwOT

    Mu gitondo cyo kuri uyu wa Kane tariki 28 Mutarama, nibwo uyu mugabo yagiye kuri polisi yo ku Murenge wa Kimisagara, ajya kwirega ko umugore we witwaga Uwamariya Jacqueline, yamwishe.

    Inzego zishinzwe umutekano zahise zimuzana mu rugo iwe, zihageze zisanga umugore yamaze gushiramo umwuka, gusa zasanze n’umwana w’imyaka umunani w’uyu muryango yamaje guhamagaza abaturanyi.

    Amakuru IGIHE yamenye ni uko uyu muryango wari umaze amezi abiri uje gutura muri aka gace, gusa ngo ibijyanye n’amakimbirane adakabije wari ufitanye ubuyobozi bwari bwarayamenye.

    Umunyamabanga Nshingwabikorwa w’Umurenge wa Gatsata, Munyaneza Aimable yabwiye IGIHE ko ubuyobozi bw’umudugudu bwari bumaze igihe gito bumenye ko muri urwo rugo harimo amakimbirane adakabije.

    Ati “Bari bamaze nk’amezi abiri baje gutura mu Gatsata, bari babanye nabi ariko bidakabije, ni intonganya zo mu muryango bisanzwe. Abayobozi bari bakibikurikirana ngo barebe uko bashaka umuti.”

    Munyaneza yasabye abaturage kujya bihutira gutanga amakuru mu gihe babonye hari imiryango ifitanye ikibazo icyo aricyo cyose aho kugira ngo bigere aho kuba umwe yakwambura undi ubuzima.

    Yagize ati “Abaturage bite ku mibanire ya bagenzi babo, ingo babona zirimo amakimbirane bakabimenyesha ubuyobozi bukaba bwabikemura mu maguru mashya.”

    Kugeza ubu Hategekimana yahise atabwa muri yombi mu gihe iperereza ryatangiye gukorwa n’Urwego rw’Ubugenzacyaha, RIB naho umurambo wa nyakwigendera wo wahise ujyanwa mu bitaro gukorerwa isuzuma.

    Uhamijwe n’Urukiko icyaha cyo kwicwa ahanishwa igifungo cya burundu.

    Mu Murenge wa Gatsata haravugwa umugabo wishe umugore we agahita ajya kwirega kuri polisi

    source http://igihe.com/amakuru/u-rwanda/article/gasabo-umugabo-yishe-umugore-we-yishyira-polisi

  • Urwego rw’Umuvunyi rwagaragarije abadepite ingamba zo guhangana n’ibibazo bya ruswa n’akarengane – #rwanda #RwOT

    Yabitangaje kuri uyu wa Gatatu tariki 27 Mutarama 2020, ubwo yasubizaga bimwe mu bibazo yabajijwe na Komisiyo ya Politiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu mu Nteko Ishinga Amategeko, Umutwe w’Abadepite, ku bibazo byagaragaye muri raporo y’ibikorwa by’Urwego rw’Umuvunyi by’umwaka wa 2019-2020.

    Nirere yabwiye Abadepite ko muri rusange, hari intambwe nini igihugu kimaze gutera mu kurwanya ruswa n’akarengane, kandi bigizwemo uruhare n’Urwego rw’Umuvunyi n’izindi nzego zitandukanye, yaba iza Leta, abikorera n’imiryango y’iterambere, yaba iyo mu Rwanda na mpuzamahanga, ndetse n’abaturage.

    Abadepite babajije impamvu mu isesengura rya raporo z’Urwego rw’Umuvunyi mu myaka itatu ishize, kuva muri 2017 kugera muri 2020, igaragaza ko mu bibazo byerekeranye no kwimura abaturage ku mpamvu z’inyungu rusange, imanza zitarangizwa ndetse n’ibibazo by’ubutaka bihora biza ku isonga mu bibazo bigaruka buri mwaka.

    Nirere yabwiye Abadepite ko ibibazo bikigaragara mu kwimura abaturage ku mpamvu z’inyungu rusange bituruka ku kudakora neza inyigo y’imishinga bityo ntihateganywe amafaranga ahagije yo kwishyura ibikorwa biba byangijwe.

    Ikindi kibazo yagaragaje ni inzira ndende bifata kugira ngo umuturage yishyurwe kuva abaruriwe umutungo kugeza yishyuwe ndetse n’ikibazo cya ba rwiyemezamirimo batoroka batarangije amasoko batsindiye, bagasiga bambuye abaturage.

    Yagize ati “Haracyagaragara kandi abaturage bakorera ba rwiyemezamirimo ntibahabwe amasezeramo y’umurimo, ntibanagire nibura n’ibipande byerekana iminsi baba bakoze cyangwa ikindi cyangombwa cyanditse, cyagaragaza ko bakoreye uwo rwiyemezamirimo.”

    Yasobanuye ko kubera iyo mikorere, “Igihe havutse ibibazo, usanga biragoranye gukurikirana uwo rwiyemezamirimo, cyangwa igihe ibibazo bigiye mu nkiko hakabura inyandiko yatangwa nk’ikimenyetso cyanditse .”

    Uretse ibyo bibazo hari nanone ibirebana n’imanza zitarangizwa, aho ngo abahesha b’inkiko batari ab’umwuga bataziha ubwihutirwe bukwiye, bigatuma zitinda kurangizwa.

    Ibibazo by’ubutaka biracyari ingorabahizi

    Ibibazo by’ubutaka ni bimwe mu bibazo bikomereye umuryango nyarwanda muri rusange, aho bigize igice kinini cy’ibibazo bigana inkiko ndetse n’ibigana Urwego rw’Umuvunyi.

    Muri rusange, Abanyarwanda benshi bashingiye imibereho yabo ku butaka, bityo hakaba ubwo usanga imiryango cyangwa abafitanye amasano rimwe na rimwe bananiwe kumvikana ku micungire y’ubutaka. Ibi kandi byiyongera ku byuho biri mu itegeko ry’ubutaka bigomba gukemurwa binyuze mu ivugururwa ry’ayo mategeko.

    Mu bindi bibazo byagaragajwe, hari iby’ibigo by’ubucuruzi byatsinzwe imanza ariko ntizirangizwe kuko ibyo bigo byahombye cyangwa bitakibaho.

    Icyakora Urwego rw’Umuvunyi rwasabye inzego zirebwa n’ibi bibazo kwihutira kubikemura, ndetse n’imishinga yo kwimura abantu ku mpamvu z’inyungu rusange ikagenerwa ingengo y’imari ihagije mbere yo gutangira.

    Nirere yagize ati “Ibi bibazo bikigaragara birakwiye ko bikemuka vuba. Ubuvugizi burakomeza gukorwa mu nzego bireba cyane cyane ibyerekeye kwimura abaturage ku mpamvu z’inyungu rusange.”

    “Ku byerekeye ibibazo by’ubutaka n’imanza zitarangizwa, amategeko abigenga arimo kunozwa, akazasohoka hari ibibazo byinshi akemura.”

    Kurwanya ruswa bikwiye kuba umuco

    Ku birebana no gukumira ruswa, abadepite babajije impamvu hari amatsinda yo kurwanya ruswa (Anti-corruption clubs) akunze kumvikana mu mashuri makuru na kaminuza ariko ugasanga ari make.

    Abadepite babajije icyakorwa kugira ngo no mu byiciro by’amashuri yo hasi, ayo matsinda ahagezwe kandi akurikiranywe uko bikwiye kugira ngo atange umusaruro.

    Urwego rw’Umuvunyi rugaragaza ko rwasuye abanyeshuri bo mashuri yisumbuye ari mu turere 12 muri uyu mwaka w’ingengo y’Imari wa 2019-2020, aho bigishijwe ku bubi bwa ruswa n’uruhare rwabo mu kuyirwanya ndetse banashishikarizwa gushinga amatsinda arwanya ruswa aho biga.

    Umuvunyi Mukuru yavuze ko ari byiza ko urubyiruko rutangira gutozwa indangagaciro zo kwanga ruswa hakiri kare, ndetse ko ari na ngombwa ko mu masomo bigishwa hakwiye kongerwamo ubumenyi ku bijyanye no gukumira ruswa. Ati “Kwanga no kutihanganira ruswa bikwiye kuba umuco.”

    Uru rwego kandi ruvuga ko rukomeje gushyira imbaraga nyinshi mu kwigisha umuturage uruhare rwe mu kurwanya ruswa, ndetse no kumwigisha uburenganzura n’amategeko amurengera kugira ngo agire uruhare mu kwanga akarengane na ruswa.

    Yakomeje agira ati “Mu bijyanye no gukumira no kurwanya ruswa, turasanga guhera mu mashuri abanza, mu nteganyanyigisho zabo hakwiye kujyamo inyigisho zijyanye no gukumira no kurwanya ruswa kugira ngo gahunda yo kurandura ruswa burundu ibe umuco.”

    Ikibazo cy’abashoferi batwara abakozi ba Leta cyagarutsweho

    Urwego rw’Umuvunyi rwanasubije ku kibazo kireba abashoferi basabye kurenganurwa kubera ibirarane baberewemo n’ibigo byatsindiye amasoko yo gutwara abakozi ba Leta mu kazi hirya no hino mu gihugu.

    Urwego rw’Umuvunyi ruvuga ko rumaze kubona ko ibi bibazo bihuriweho n’abantu benshi kandi bishyuza amafaranga menshi, rwakoze igenzura muri ibyo bigo (RTTA, PTS, GORILLAND SAFARIS Ltd) kuva muri Kamena kugeza muri Nzeri 2019 ndetse na SGES/ATT yasabwe imibare y’imyenda iberewemo kuko igenzura ryakozwe yarahagaze.

    Muri iryo genzura, ibyo bigo byagaragarije Urwego rw’Umuvunyi intonde z’Inzego za Leta n’imyenda baberewemo ndetse basobanurira Urwego rw’Umuvunyi ko ari yo ntandaro yo kuba nabo batishyura abo bahaye akazi.

    Nyuma yo kwegeranya iyi mibare, Urwego rw’Umuvunyi rwandikiye Minisiteri y’Ibikorwaremezo ruyigezaho raporo y’igenzura ikubiyemo n’inama zitandukanye iyo Minisiteri igomba gushyira mu bikorwa hagamijwe kunoza imikorere n’imikoranire n’ibyo bigo.

    Perezida wa Komisiyo ya Politiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu, Depite Rubagumya Furaha Emma, mu izina rya Komisiyo ayoboye, yashimye raporo bagejejweho n’Urwego rw’Umuvunyi ndetse avuga ko banyuzwe n’ibisobanuro bahawe.

    Ibi biganiro hagati y’Urwego rw’Umuvunyi na Komisiyo ya Politiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu mu Nteko Ishingamategeko byabaye hifashishijwe ikoranabuhanga mu rwego rwo kwirinda ikwirakwira ry’icyorezo cya Coronavirus.

    Umuvunyi Mukuru, Nirere Madeleine, yavuze hari intambwe nini yatewe mu kurandura ruswa n’akarengane mu Rwanda

    source http://igihe.com/amakuru/u-rwanda/article/urwego-rw-umuvunyi-rwagaragarije-abadepite-ingamba-zo-guhangana-n-ibibazo-bya

  • FARG yiyemeje gukurikirana ikibazo cy’abarokotse Jenoside batishoboye basabwa ibibanza ngo bubakirwe – #rwanda #RwOT

  • U Rwanda rwahaye ikaze icyemezo cya USA cyo kuzashyira mu bikorwa amaserano ya Kigali #Rwanda #RwOT via @kigalitoday #rwanda #RwOT

    Ibyuma bishyushya mu nzu ni kimwe mu birekura imyuka ya HCFs iteza imihindagurikire y
    Ibyuma bishyushya mu nzu ni kimwe mu birekura imyuka ya HCFs iteza imihindagurikire y’ibihe

    Iyo myuka ituruka ku ikoreshwa ry’ibyuma bikonjesha cyangwa bishyushya, iteza ikirere cy’isi gushyuha bikabije, aho kilogarama imwe yayo itanga toni imwe y’imyuka ya karubone yitwa C02 (umwuka mubi).

    Mu mwaka wa 2016 abayobozi b’ibihugu bitandukanye bigize isi bahuriye i Kigali, bavugurura Amasezerano y’i Montreal muri Canada abuza ibikorwa bya muntu kohereza imyuka ihumanya mu kirere, kuko ari yo mpamvu y’imihindagurikire y’ibihe iteza ibiza by’imyuzure n’amapfa.

    Ayo masezerano ya Kigali yasabye ibihugu bigize isi cyane cyane ibifite inganda nini, kugabanya kohereza mu kirere imyuka ya karubone igera kuri toni miliyari 70 bitarenze mu mwaka wa 2050, bikaba byakumira ko ubushyuhe bw’isi bwakwiyongeraho ‘degree Celsius’ 0.5Co.

    Mu bihugu 120 byamaze gutangira gushyira mu bikorwa ayo masezerano n’u Rwanda rurimo, igihugu cya Leta zunze Ubumwe za Amerika cyari cyarayashyizeho umukono ariko kitaragaraza uburyo kizayashyira mu bikorwa.

    Ibyuma bituma ahantu hakonja byagaragaje ko byohereza mu kirere imyuka ya HCFs iteza imihindagurikire y
    Ibyuma bituma ahantu hakonja byagaragaje ko byohereza mu kirere imyuka ya HCFs iteza imihindagurikire y’ibihe

    Ministiri w’Ibidukikije mu Rwanda, Dr Jeanne d’Arc Mujawamariya yishimiye ko Perezida Joe Biden uherutse gutorwa, atumye USA itangira gufatanya n’isi mu ishyirwa mu bikorwa ry’amasezerano ya Kigali, kuko abaturage muri rusange n’ab’u Rwanda by’umwihariko bibasiwe n’ibiza by’amapfa hamwe n’imyuzure.

    Ati “Amerika yiyemeje gufatanya n’isi yose, ayo masezerano afite ingingo zitandukanye zitubuza kwangiza ikirere kuko bituma habaho imihindagurikire y’ibihe. Icyo twongeyemo mu maseserano ya Montreal, ni ukugabanya ibyuka bya HFCs bituruka mu byuma bishyushya cyangwa bikonjesha”.

    Mu bihugu bishyuha, cyane cyane ibyo mu Barabu, usanga bakoresha mu nzu no mu modoka bagendamo, ibyuma bibaha akayaga gakonje ndetse na za ‘frigo’ zikonjesha ibiribwa, mu gihe mu bihugu bya Amerika ya ruguru n’i Burayi hakonja, ho bakoresha ibyuma bituma mu modoka no mu nzu hashyuha.

    Mu Rwanda na ho akenshi bakoresha ibyuma bikonjesha iyo ikirere gishyushye, ariko ibishyushya na byo bikitabazwa mu gihe hakonje.

    Amasezerano ya Kigali ategeka ibihugu gukoresha ibyuma bikonjesha cyangwa bishyushya n
    Amasezerano ya Kigali ategeka ibihugu gukoresha ibyuma bikonjesha cyangwa bishyushya n’imodoka ariko bitohereza imyuka mu kirere

    Umuryango urwanya ihumana ry’ikirere muri USA witwa NRDC, uvuga ko Inteko Ishinga Amategeko (Congress) yajyaga igenera inkunga ikigega cyo gufasha ibihugu biri mu nzira y’amajyambere kubahiriza Amasezerano ya Montreal, none bibaye amahire ko Amerika nayo izemeza mu gihe kitarenze amezi abiri, ko iyashyize mu bikorwa.

    Biteganyijwe ko u Rwanda ruzifashisha ayo masezerano rugatangira gukoresha ibyuma bikonjesha umusaruro w’ibiribwa, mu rwego rwo kuwurinda kwangirika.


    source https://www.kigalitoday.com/ibidukikije/ibungabunga/article/u-rwanda-rwahaye-ikaze-icyemezo-cya-usa-cyo-kuzashyira-mu-bikorwa-amaserano-ya-kigali

  • Umugore w'imyaka 33 yavuye I London ajya kubana n'umukunzi we w'imyaka 19 mu ishyamba rya Amazon #rwanda #RwOT

    Uyu musore uhinga Cacao ukomoka muri Peru yatunguwe no kubona uyu mugore yemera kureka ubuzima bwiza bwo mu mujyi akamusanga mu ishyamba ngo babane ahantu hatari iterambere n'ibikorwaremezo bihambaye.

    Uyu mugore yavuze ko atatekerezaga ko azatangira 2021 ari kuba mu ishyamba ndetse ibirometero birenga 80 kure y'iwabo gusa ngo ubuzima bwiza ntibwari kuryoha nkuko bimeze ubu.

    Caroline aba muri iri shyamba ahantu hataba amazi cyane ko iyo akeneye koga no kumesa imyenda abikorera mu mugezi utemba.

    Uyu mugore wabaga I London yagize ati '2020 wari umwaka ugoye kumenya ibizaba ndetse sinari nzi ko nzatangira 2021 ndi kuba mu ishyamba riri kugwamo imvura nyinshi.

    Ariko kugendana na Romulo mu ishyamba twumva amajwi menshi y'inkende bituma ibihe bikomeye ducamo byoroha.'

    Caroline yerekeje muri America y'Amajyepfo muri Werurwe 2020 agiye kumara iminsi 10 yigisha yoga ahitwa Hoja Nueva hafi y'ahitwa Puerto Maldonado atumiwe n'inshuti ye.

    Uyu mugore yari abeshejweho no kwigisha Yoga abantu bambaye ubusa ndetse akanakorera massage abantu mu mujyi wa London gusa yavuye mu Bwongereza mbere ya Guma mu rugo ya mbere yatewe na Covid-19.

    Caroline ati 'Ubwo nahageraga numvise ntameze neza,gusa agace karimo amafu meza cyane byatumye nsaba kongererwa iminsi yo kuhaguma kugira ngo menye neza Peru.

    Nahuye na Romulo yakoraga nk'umurinzi w'abandi ariko yanacungaga inyamaswa.Nimugoroba twahuriraga mu matsinda kandi Romulo yabaga ari inyuma mu kiganiro.

    Yahoraga afite isoni ndetse iyo namusuhuzaga yahitaga yubika umutwe.Natekerezaga ko bitamushimishaga kubera ko yatinyaga kuza hagati mu mubano wanjye n'undi muntu twabanaga muri iyo nkambi.

    Ariko umunsi umwe wihariye naje kubona Romulo ari wenyine,tugirana ikiganiro cyihariye.Ibyiyumvo nari mufitiye byari birenze ibisanzwe.'

    Umwiherero w'aba bantu uyu mugoreyigishaga wakomwe mu nkokora na Guma mu rugo yatangajwe na Peru.Itsinda ryarimo Abongereza benshi ryasabwe kuguma mu ishyamba cyangwa se kwerekeza ahitwa Puerto Maldonado ku birometero birenga 80 uvuye aho bakoreraga.

    Caroline yagize ati 'Kuri njye wari umwanzuro w'umutwe kurusha umutima.Nifuzaga kuhaguma ariko numvaga I Puerto ariho hari amahirwe menshi yo kurokora ubuzima.Nashatse icyumba cy'amapawundi 10 I Puerto kugira ngo mpakorere Guma mu rugo.'

    Uyu mugore yavuze ko ubwo yari muri Guma mu rugo,yatunguwe no kubona ubutumwa bwa Romulo nubwo atari afite telefoni.

    Yagize ati 'Nta telefoni yari afite ndetse numvaga ko ntazongera kumwumva ukundi.ariko hashize iminsi 10 nakiriye ubutumwa bwa Romulo.Yatiye telefoni.Twaganiriye ku myaka arangije arambwira ati 'Hari ikintu nifuza kukubwira,ndumva ngukunda.

    Nubwo nari maze iminsi mike mumenye,nanjye niko niyumvaga.Umutwe wanjye wambwiraga ko naba nitonze ariko namubwiye ko nanjye mukunda.

    Mu kwezi kwakurikiyeho Caroline yagowe no kuvugana na Romulo.Aba bombi bandikiranaga ubutumwa rimwe mu cyumweru bakanahana za videwo mbere y'uko Romulo yiyemeje gusanga Caroline I Puerto.

    Uyu mugore yagize ati 'Icyo cyumweru cyari cyiza cyane.Twamaze iminsi turi kumwe mu bwogero,nijoro tugatembera ndetse umwe agatekera undi.Nibwo twararanye bwa mbere.Navuga ko twagize ibihe byiza.'

    Romulo yahise asubira mu muryango we mu ishyamba kugira ngo abafashe guhinga mu gihe cy'ibyumweru 3,ibihe Caroline yavuze ko byari bibi ndetse byuzuye kwigunga.

    Ati “Abandi,buri wese yari yarasubiye muri UK.Nari njyenyine ndi mu bwigunge.Romulo ntiyigeze ampamagara.Ubwo yagarukaga nyuma y'ibyumweru 3 ahita antumira ngo tujye kubana na mama we,n'abavandimwe be 6 mu ishyamba.Nanze kwitesha ayo mahirwe.”

    Uyu Caroline yavuze ko akigera muri iri shyamba we na Romulo bahawe inzu yo kubamo hafi y'imirima ndetse ngo batangiye gutema ishyamba ryari hafi aho.

    Aba bombi batuye mu gace k'inyuma y'ishyamba ahitwa Lucerna,gatowe n'abantu 70 gusa.




    Caroline yirengagije ubuzima bwo mu mujyi wa London ajya kubana n'umukunzi we uba mu ishyamba rya Amazon

    Source : http://umuryango.rw/ubuzima-115/udushya/article/umugore-w-imyaka-33-yavuye-i-london-ajya-kubana-n-umukunzi-we-w-imyaka-19-mu

  • Tidjara yakoze ikiganiro cye cya mbere kuri Radio VISION FM anavuga impamvu yahisemo gukorera iyi radio avuye kuri RBA – YEGOB #rwanda #RwOT

    Umunyamakuru Tidjara Kabendera uherutse gusezera kuri RBA yatangiye akazi ke ku gitangazamakuru gishya aricyo VISION FM KIGALI. Nkuko Tidjara yabitangaje mu kiganiro yagiranye na YAMBI, yavuze ko yishimiye cyane kugaruka kuri micro za radio akongera kuganira n'abakunzi be ndetse avuga ko hari byinshi abateganyirije kuri iyi radio by'umwihariko bijyanye n'imyidagaduro. Tidjara yavuze ko yari yarasezeranyije abafana be ndetse n'abakunzi be ko atavuye mu mwuga w'itangazamakuru kuko avuga ko iyo ataza gukora kuri VISION FM yari no gukora ku yindi radio gusa yahisemo VISION FM kuko nkuko izina ryayo ribisobanura ni radio y'icyerekezo.

    Tidjara Kabendera yatangiye akazi kuri 104.1 VISION FM KIGALI

    Tidjara Kabendera yakomeje abwira abakunzi be ko ntaho yagiye nubwo afite ubundi bucuruzi akora ariko avuga ko ntacyo bizabangamira mu kazi ke k'itangazamakuru dore ko avuga ko yumvikanye n'abo bakorana kuri VISION FM ku buryo abona nta mpungenge ko akazi ke katagenda neza bitewe n'ubundi bucuruzi akora. Tidjara Kabendera kandi yabwiye abakunzi be ko arimo no kubategurira ibiganiro byihariye bizaca kuri YouTube channel ye. Tidjara Kabendera wamamaye nka TK yasoje avuga ko ikiganiro akora kuri VISION FM KIGALI, ivugira ku murongo wa FM 104.4, gitangira guhera saa yine kikageza saa saba z'amanywa. Iki kiganiro kiba guhera ku wa mbere kugeza ku wa gatanu wa buri cyumweru.

    Like this:

    Like Loading…

    Source : https://yegob.rw/tidjara-yakoze-ikiganiro-cye-cya-mbere-kuri-radio-vision-fm-anavuga-impamvu-yahisemo-gukorera-iyi-radio-avuye-kuri-rba/

  • U Rwanda rwongeye kuza ku mwanya wa  mbere mu karere k'Afrika y'Iburasirazuba mu gukumira no kurwanya  ruswa n'akarengane, ruza ku mwanya wa 4 muri Afrika yose! #rwanda #RwOT

    Nk'uko bisanzwe buri mwaka,  Umuryango Mpuzamahanga Urwanya Ruswa n'Akarengane, Transparency International, wongeye gushyira ahagaragara uko ibihugu bikurikirana mu guhashya iyo  mungu y'ubukungu, ubutabera, umutekano n'imibereho y'abaturage muri rusange. Hagendewe ku bushakashatsi bukorwa n'inzobere, ibihugu bihabwa amanota kuva ku 100 kugeza kuri zeru, hamaze gusuzumwa uko igiturire, akarengane no kunyereza ibya rubanda, birwanywa mu nzego za Leta.

    Icyegeranyo cy'umwaka wa 2020 rero, cyongeye gushyira u Rwanda ku mwanya wa mbere mu Muryango w'Ibihugu by'Afrika y'Uburasirazuba, no mu Karere k'Ibiyaga Bigari muri rusange, nk'uko byari byagenze mu myaka myinshi ishize.

    Muri Afrika yose ,u Rwanda ruri ku mwanya wa 4, nyuma  ya Seychelles  iza ku mwanya wa mbere, Botswana ku mwanya wa 2, na Cap Vert iza ku mwanya wa 3 kuri uyu mugabane.

    Ku isi yose Denmark na Nouvelle Zélande nibyo bihugu biza ku isonga mu guhashya ruswa n'ibigendana nayo, naho Somaliya na Sudani y'Amajyepfo bikaba aribyo bifite amanota ya nyuma.

    Turebye uko ibihugu byo muri aka kare byakurikiranye mu ishusho y'isi yose, u Rwanda ruri  ku mwanya wa 54, Tanzaniya  kuwa 94, Kenya kuw'102, Uganda ku mwanya w'123, u Burundi kuw'142, naho Repubulika Iharanira Demukarasi ya Kongo (RDC) iza ku mwanya w'146.

    Nk'uko icyegeranyo cya Transparency International kibigaragaza, 2/3 by' ibihugu 180 byakozweho ubushakashatsi, bifite impuzandengo y'amanota 40% (atageze nibura kuri ½) , akaba ari make cyane niba isi ishaka kwigobotora ingaruka za ruswa n'akarengane. Zimwe muri izo ngaruka ni ubukene bwabaye akarande ku gice kinini cy'abaturage, umutekano n'ubutabera byazahaye bitewe na ruswa mu nzego zishinzwe kubibungabunga, n'akandi kaga kagaragara cyane cyane mu bihugu bitaratera imbere.

    U Rwanda rwakomeje gushimirwa ubushake bwa politiki mu guhashya ruswa n'akarengane, amategeko asobanutse abikumira kandi agashyira mu bikorwa, no guha agaciro imiryango n'amashyirahamwe arwanya ruswa n'akarengane. Nubwo ariko u Rwanda ruri mu bihugu bigaragaza ubushake bwo kurandura'bituga', Abaturarwanda baracyatunga agatoki ahakiri ibisigisigi bya  ruswa, nk'icyenewabo, gutonesha no kunyereza umutungo w'Igihugu cyane cyane mu masoko ya Leta.

    Icyizere ariko bakagishingira ku gitsure cy'abayobozi bakuru  b'Igihugu, cyagaragaye kenshi mu guhana 'ibifi binini',  bikibeshya ko 'umugabo ari urya utwe akarya n'utw'abandi'. Uko kutajenjekera abanyabyaha, gukorera mu mucyo  n'uruhare rw'abaturage mu miyobore y'Igihugu, abahanga mu guhashya ruswa n'akarengane bavuga ko ari intwaro ikomeye mu guhashya uwo mwanzi wa twese.

    The post U Rwanda rwongeye kuza ku mwanya wa  mbere mu karere k'Afrika y'Iburasirazuba mu gukumira no kurwanya  ruswa n'akarengane, ruza ku mwanya wa 4 muri Afrika yose! appeared first on RUSHYASHYA.

    Source : https://rushyashya.net/u-rwanda-rwongeye-kuza-ku-mwanya-wa-mbere-mu-karere-kafrika-yiburasirazuba-mu-gukumira-no-kurwanya-ruswa-nakarengane-ruza-ku-mwanya-wa-4-muri-afrika-yose/