Webrwanda Backend

Author: webrwanda

  • Gatsibo: Umusore arakekwaho kwica nyina amuciye umutwe akawuhisha – #rwanda #RwOT

    Ibi byabaye mu ijoro rishyira kuri iki Cyumweru mu Mudugudu wa Kamuhenda mu Kagari ka Karubungo mu Murenge wa Gitoki mu Karere ka Gatsibo.

    Amakuru avuga ko uyu musore asanzwe azwiho kunywa ibiyobyabwenge byinshi muri aka Kagari. Ngo yari amaze iminsi afitanye amakimbirane na nyina aterwa nuko ngo yanze kumuha isambu uyu musore yifuzaga.

    Umunyamabanga Nshingwabikorwa w'Akagari ka Karubungo, Mutuyimana Jean Baptiste, yabwiye IGIHE ko uyu musore yatawe muri yombi nyuma yo gukekwaho kwica nyina umubyara babanaga mu nzu amushinja kumwima isambu.

    Yagize ati ' Uyu mwana w'umuhungu afite imyaka 20, yari afitanye amakimbirane n'umubyeyi we, aravuga ko amakimbirane bafitanye aterwa na mukuru we wo kwa se wabo, uyu muhungu aravuga ko bamwimaga isambu, yajyaga ahora ahiga ko azamwica.'

    Yakomeje avuga ko ' Nimugoroba mu mvura nyinshi yaguye muri aka gace nibwo yamwiciye mu nzu, ubu umutwe twawubuze, turi kubona ikindi gice ariko kidafite umutwe, nabimenye mugitondo cya kare ubwo umuturanyi yari agiye gusuhuza uyu mukecuru agezeyo asanga yapfuye.'

    Gitifu Mutuyimana yavuze ko nyuma yo kuhagera afatanyije n'abaturage bahise bata muri yombi uwo musore, ngo kuko yari amaze iminsi ahiga ko azica nyina natamuha iyo sambu.

    Ati ' Arahakana ko ariwe wamwishe ariko akavuga ko amakimbirane bafitanye aterwa na mukuru we wo kwa se wabo ngo kuko ari gufatanya na nyina bagashaka kumunyaga isambu se yasize asize.'

    Yavuze ko kuri ubu barindiriye inzego z'umutekano n'ubugenzacyaha kugira ngo zize zibafashe gushakisha umutwe wa nyakwigendera kuko utaraboneka ndetse zinakomeze iperereza kuri iki kibazo.

    Yavuze ko mu nzego z'ibanze bari baramaze kwakira ikirego cya nyakwigendera aho bari buzamuganiriza n'umuhungu we kuwa Kabiri utaha.

    Source : http://igihe.com/amakuru/u-rwanda/article/gatsibo-umusore-arakekwaho-kwica-nyina-amuciye-umutwe-akawuhisha

  • Gakenke: Bagaragaje ibimina nk'intwaro ibafasha kwesa umuhigo wo gutanga mituweli ku bwinshi – #rwanda #RwOT

    Kuri ubu, ijanisha mu kwitabira gutanga umusanzu w'ubwisungane mu kwivuza rigaragaza ko Akarere ka Gakenke kari ku mwanya wa kabiri mu gihugu mu kugira umubare munini w'abagatuye bamaze gutanga umusanzu wabo, kuko kageze kuri 92,3%.

    Bamwe mu baturage baganiriye na IGIHE, bemeza ko aho ibihe bigeze batakiri abo kongera kwigishwa ubwiza bwo gutanga mutuweli kuko bamaze kwibonera akamaro kayo.

    Maniraguha Andre wo mu Murenge wa Muyongwe, yagize ati “Twe twamaze kumenya ibyiza bya mituweli, dutangira umwaka twibumbiye mu bimina ku buryo turasa ku ntego mbere y'uko umwaka wa mutuweli utangira. Aba mbere barangiza mu Ukuboza naho aba nyuma bo muri Werurwe baba barangije kwishyura. Abana bashinga ingo ubu tugomba kubigisha bikababera umuco”.

    Twagirimana wo mu Murenge wa Gakenke na we yagize ati “Natinze kumva ubwiza bwa mituweli maze nkora impanuka ntayo ariko icyo gihe navuye mu bitaro tugurishije inka n'umurima. Ubu ninjye wishyura mbere kuko sinshobora kugeza kuri Noheli ntaratanga mituweli y'umwaka ukurikiyeho”.

    Umuyobozi w'Akarere ka Gakenke Wungirije Ushinzwe Imibereho myiza y'Abaturage, Uwimana Catheline, yavuze ko bafite amahirwe mu karere kabo yo kuba abaturage bamaze kumva ibyiza byo gutanga umusanzu w'ubwisungane mu kwivuza.

    Ati “Abaturage bacu bafite ibanga ryo kwitegura kare bakibumbira mu bimina ku buryo umwaka usanzwe ujya kurangira bagahita barasa ku ntego, abandi basigaye tubashakira imirimo nabo bagakora bazigama make ku buryo nabo batanga umusanzu kare”.

    “Tuzakomeza kubashyigikira cyane kuko bamaze kubyumva ndetse n'abo bake baba bataratanga dukomeza kubashakisha tukabigisha, ndizera ko nabo bazagera aho bakabyumva tukajya twuzuza ijana ku ijana muri gahunda nziza y'ubwisungane mu kwivuza”.

    Imibare y'Ikigo cy'Igihugu cy'Ubwiteganyirize, RSSB, igaragaza uburyo uturere turutana mu gutanga mituweli, igaragaza ko Akarere ka Gakenke kari ku mwanya wa kabiri mu gihugu mu kugira abantu benshi bitabira gutanga mituweli, aho bangana na 92,3% by'abagatuye, gakurikira Akarere ka Gisagara gafite 94.1% kaza ku mwanya wa mbere.

    Ku rundi ruhande, akarere ka Nyaruguru gafite 91.4% kaza ku mwanya wa gatatu, naho Ruhango ifite 90.4 ikaza ku mwanya wa kane mu gihe Nyamagabe ifite 90.3% iza ku mwanya wa gatanu.

    Uturere dutanu twa nyuma mu gihugu ni Kicukiro ifite 69.4% iza ku mwanya wa nyuma, Rutsiro na 74.5% ikaza ku mwanya wa 29, Gasabo na 78.4 ikaba iya 28, Nyagatare na 78.5% ikaba 27 mu gihe Nyarugenge iza ku mwanya wa 26 n'abaturage 78.8%.

    Mu gihugu hose, umubare w'abamaze gutanga mituweli ugeze kuri 84.7% by'abanyarwanda bose muri rusange.

    Abatuye Gakenke bavuga ko kwibumbira mu matsinda yo kwiziga bituma bishyura umusanzu wa mituweli ku gihe

    Source : http://igihe.com/amakuru/u-rwanda/article/gakenke-bagaragaje-ibimina-nk-intwaro-ibafasha-kwesa-umuhigo-wo-gutanga

  • Perezida Kagame arageza ku bayobozi ba Afurika Raporo y'Amavugurura mu nzego za AU – #rwanda #RwOT

    Ibikorwa byo kuvugurura imikorere y'inzego nkuru z'Umuryango wa Afurika Yunze Ubumwe byatangijwe mu mwaka wa 2016, icyo gihe Perezida Kagame agirirwa na bagenzi be icyizere cyo kuyobora ayo mavugurura, nawe ashyiraho itsinda ry'abahanga bamufashije kwiga uburyo bushya Umuryango wa Afurika Yunze Ubumwe wakoramo mu rwego rwo gufasha uyu mugabane kugera ku ntego z'iterambere wiyemeje, zikubiye muri gahunda ya 'Agenda 2063'.

    Muri aya mavugurura, Perezida Kagame n'itsinda rye babanje kugaragaza ibibazo bituma imikorere y'Umuryango wa Afurika Yunze Ubumwe idatanga umusaruro, bavuga ko kuba Umuryango ufite intego ushaka kugeraho nyinshi icya rimwe, inzego zawo zikaba zitagira imikorere isobanutse neza ndetse nta n'uburyo bw'amafaranga bukunze guteganywa mu gutera inkunga imishinga y'Umuryango, ari imbogamizi zikomeye.

    Nyuma yo kujya inama n'abafatanyabikorwa ndetse n'ibindi bihugu bigize AU, itsinda riyobowe na Perezida Kagame ryaje gufata ingamba zirimo ko AU ikeneye gushyira ingufu mu bikorwa bicye by'ingenzi kurusha ibindi, kandi bifite ingaruka ku Mugabane wose.

    Banasabye ko kandi hakwiye kubaho ihindurwa ry'imikorere y'inzego za AU, inshingano za buri rwego zigasobanurwa neza kugira ngo rutange serivise rutegerejweho.

    Iri tsinda kandi ryavuze ko bikwiye ko inzego za AU zigomba kujya zigera ku nshingano zahawe kandi ku kigero gishimishije, ndetse ko AU ikwiye gushyiraho uburyo burambye bwo gutera inkunga gahunda zayo, ikagabanya kuzishingira ku mikoro aturuka hanze y'uyu mugabane.

    Banasabye ko mu rwego rwo kugira ngo ibi bikorwa byose bizagerweho, hakwiye gushyirwaho Komite izakurikirana neza ishyirwa mu bikorwa ry'aya mavugurura, umwanzuro wanamaze gushyirwa mu bikorwa kuko muri Nzeri umwaka wa 2017, Prof. Pierre Moukoko Mbonjou na Ciru Mwaura bashyizweho mu kuyobora urwego rushya rushinzwe kuzakurikirana ishyirwa mu bikorwa ry'aya mavugurura.

    Perezida Kagame kandi araza gutangaza aho gahunda yo gushishikariza ibihugu bya Afurika kongera ingano bishobora mu bikorwa by'ubuzima bw'abaturage babyo igeze.

    Iyi ni gahunda igamije gufasha ibihugu bya Afurika gushyira imbaraga nyinshi mu guteza imbere ubuvuzi bw'imbere mu bihugu, kuko uru rwego ari rumwe mu ziterwa inkunga ifatika n'amahanga, kandi ari ingenzi cyane ku buzima rusange bw'ibihugu.

    Nk'urugero, igihugu cya Leta Zunze Ubumwe za Amerika kimaze gutera Afurika inkunga ya miliyari zirenga 10$ mu myaka 10 ishize, yashowe mu bikorwa byo guteza imbere ubuzima ku Mugabane wa Afurika. Intego za gahunda yo gushishikariza ibihugu bya Afurika kongera ishoramari bishyira mu rwego rw'ubuzima ikaba ari ukugira ngo mu bihe by'amajye, ubwo ibihugu bikize bishobora kwanga gufasha ibya Afurika, nk'uko biri kugenda ku nkingo za Coronavirus, ibihugu bya Afurika bizakomeze kuba bifite ubushobozi bwo kwita ku bushobozi bw'abaturage babyo.

    Akamaro k'iyi gahunda kandi kagaragaye muri ibi bihe bya Coronavirus, ubwo byinshi mu bihugu bikize, birimo Canada n'u Bwongereza byaguze inkingo ziruta umubare w'abaturage bifite, nyamara Umugabane wa Afurika utuwe na 13% by'abaturage b'Isi ukirengagizwa.

    Umuryango wa Afurika Yunze Ubumwe uherutse gutangaza ko ufite gahunda yitwa AVATT izafasha ibihugu bya Afurika kubona inkingo za Coronavirus.

    Magingo aya, inkingo miliyoni 670 ni zo zimaze kuboneka, aho zishobora kuzakingira nibura 25% by'abatuye Afurika. Ibihugu birimo u Rwanda byamaze gutanga ubusabe bwabyo kugira ngo bizabone inkingo muri iyi gahunda.

    Ku rundi ruhande, iyi gahunda yo ubwayo ntizaba ihagije kugira ngo Afurika nibura ikingire 60% by'abayituye mbere yo kwizera guhashya, cyangwa kurandura Coronavirus kuri uyu mugabane burundu. Igiteye impungenge ni uko ibihugu biri munsi ya 20 muri 54 by'Afurika ari byo byonyine byamaze kugaragaza gahunda ihamye y'uburyo bizabonamo ubushobozi bwo kugura izindi nkingo zikenewe kugira ngo icyorezo cya Coronavirus kiranduke burundu.

    Mu bindi biza kubera muri iyi Nama ya 34 ya AU harimo ko Perezida Felix Tshisekedi aza guhabwa ubuyobozi bw'uyu Muryango mu gihe cy'umwaka uri imbere, asimbuye mugenzi we wa Afurika y'Epfo, Cyril Ramaphosa, uri busoze manda ye.

    Perezida Kagame yitabiriye Inama y’Umuryango wa Afurika Yunze Ubumwe yifashishije ikoranabuhanga mu rwego rwo kwirinda Coronavirus

    Perezida Kagame aratanga raporo ku mavugurira yayoboye agamije guteza imbere imikorere ya AU

    Perezida Felex Tshisekedi wa Repubulika Iharanira Demokarasi ya Congo ni we ugiye kuyobora AU muri uyu mwaka

    Perezida Cyril Ramaphosa arasoza manda ye yari amazeho umwaka ku buyobozi bwa AU

    Source : http://igihe.com/amakuru/u-rwanda/article/perezida-kagame-arageza-ku-bayobozi-ba-afurika-raporo-y-amavugurura-mu-nzego-za

  • Apotre Kamuhanda wibasiye urubyiruko akarwita… – #rwanda #RwOT

    Mu kiganiro Apotre Kamuhanga Claude aherutse gutanga kikanyura ku rubuga rwa Youtube kuri shene yitwa Blessing Miracle Church Tv y’itorero rye, yaragize ati “Buriya iyo umuntu akiri wenyine, iyo umuntu akiri umusore, ni mayibobo, umusore ni mayibobo, umukobwa ni mayibobo, mayibobo, mayibobo”. 

    Yakomeje agira ati “Va mu bumayibobo wa musore we, va mu bumayibobo. Nonese mayibobo utaniye he nayo irara aho ishaka, irara aho ibonye, irya ibyo ibonye, yambara ibyo ibonye ntawuyibaza. Abasore muri ba mayibobo muraza kuvuga ngo kubera iki uyu Apotre”. InyaRwanda ntibyadukundiye kuvugana na Apotre Kamuhanda kuri ibi aherutse gutangaza kuko tutamubonye kuri telefone ye igendanwa. 

    Apotre Kamuhanda umuyobozi w’itorero Blessing miracle church

    Mu kiganiro yagiranye na InyaRwanda Tv, Murengezi Assouman uzwi nka Mcy Amandah yavuze ko acyumva amagambo yatangajwe na Apotre Kamuhanda, yababaye cyane, yibaza impamvu adakurikiranwa n’inzego zibishinzwe kuko yatutse urubyiruko rwose. Yavuze ko kwifata ugatuka urubyiruko rw’igihugu ukarwita mayibobo ntaho bitaniye no gupfobya bamwe mu bayobozi bayoboye urwo rubyiruko. Yagize ati “Niba urubyiruko ari mayibobo ubwo abaruhagarariye bose bahagarariye mayibobo”. 

    Mcy Amandah avuga ko mu Rwanda hari abayobozi b’urubyiruko nabo ubwabo bafite abana b’urubyiruko ndetse anavuga ko Apotre Kamuhanda nawe ashobora kuba afite abana batarashaka. Akomeza avuga ko niba buri muntu wese utarashaka umugabo/umugore yiswe mayibobo ntaho u Rwanda rwaba rugana kuko urubyiruko ni rwo Rwanda rw’ejo.

    Apotre Kamuhanda avuga ko abasore n’inkumi batarashaka ari mayibobo

    Amandah arasaba ko Apotre Kamuhanda akurikiranwa akaryozwa ibyo yatangaje

    Murengezi Assouman Madona atuye mu karere ka Bugesera mu murenge wa Ntarama, Akagari ka Cyugaro aho anahagarariye urubyiruko rwo mu murenge w’iwabo. Yavuze ko nyuma yo kubona videwo y’umupasiteri wise urubyiruko mayibobo, yagize akababaro kenshi ari nayo mpamvu agiye kwandikira ibaruwa Nyakubahwa Perezida wa Repubulika y’u Rwanda, Paul Kagame amusaba kumubariza ababishizwe impamvu abantu nka bariya bameze nka Apotre Kamuhanda batuka inshuti ze zose badakurikiranwa n’inzego zibishinzwe.

    Murengezi akomeza avuga ko agiye kuboneraho kuvuga ikibazo afite cyijyanye n’Akarere ke, aho avuga ko bitagakwiye kuba umujyi wa Nyamata wo mu karere ka Bugesera utari mu mijyi irindwi (7) yunganira umujyi wa Kigali mu gihe harimo imwe mu mijyi inatwara amasaha hafi 5 kugira ngo uyigeremo uvuye i Kigali. 

    Nk’uko abisobanura avuga ko Nyamata ari wo mujyi wa mbere wegereye umujyi wa Kigali, akaba ari nawo mujyi wa mbere ufite sitade n’ama hoteli byegereye umujyi wa Kigali n’ibindi bikorwa remezo by’akarere byegereye umujyi harimo nk’ikibuga mpuzamahanga cy’indege n’uruganda rw’amazi.

    Mu gusoza ikiganiro twagiranye, uyu musore yasabye imbabazi anasabira abaturage bose muri rusange kuba bararenze ku mabwiriza yo kwirinda icyorezo cya Covid-19 (Corona Virus) igihe ikipe y’igihugu Amavubi yatsindaga aho yavuze ko nabo atari bo byari ibyishimo byinshi byabarenze dore ko nawe ubwe yari ari muri abo. 

    REBA IKIGANIRO TWAGIRANYE NA AMANDAH WABABAJWE CYANE N’IBYATANGAJWE NA APOTRE KAMUHANDA

    Source : https://inyarwanda.com/inkuru/102901/apotre-kamuhanda-wibasiye-urubyiruko-akarwita-mayibobo-yarakaje-umusore-wiyemeje-kwandikir-102901.html

  • Shimwa Guelda yifashishije indirimbo y'umuhanzi ukomeye agaragariza umwana we ko amukunda byahebuje – YEGOB #rwanda #RwOT

    Miss Shimwa Guelda wamamaye cyane hano mu Rwanda ubwo yegukanaga ikamba rya Nyampinga w'umurage n'umuco ku mwaka wa 2017 (Miss Heritage 2017) yigashishije indirimbo y'umwe mu bahanzi bakomeye maze yereka umwana we ko amukunda byahebuje. Ibi Shimwa Guelda yabikoze abinyujije kuri story ya instagram ye.

    Shimwa Guelda

    Shimwa Guelda ateruye umwana we

    Nkuko byagaragaye kuri story ya instagram ya Shimwa Guelda, uyu mubyeyi yashyize hanze ifoto y'umwana we maze akoresha indirimbo Je t'aime à mourrir y'umuhanzi Francis Cabrel mu rwego rwo kwereka umwana we ko amukunda byahebuje.

    Si ubwa mbere Miss Shimwa Guelda yereka umwana we ko amukunda byahebuje kuko mu minsi ishize Miss Shimwa Guelda abinyujije nanone kuri story ya instagram ye yerekanye ko yishimiye cyane umuryango we ndetse akoresheje indirimbo Blessings y'umuhanzi Angel yerekanye ko kuba afite umuryango we ari umugisha kuri we.

    Umuryango wa Miss Shimwa Guelda

     

    Like this:

    Like Loading…

    Source : https://yegob.rw/shimwa-guelda-yifashishije-indirimbo-yumuhanzi-ukomeye-yagaragarije-umwana-we-ko-amukunda-byahebuje/

  • Ikanzu ya ShaddyBoo yari imwambitse ubusa ku karubanda – YEGOB #rwanda #RwOT

    Nkuko mu bizi Shaddy Boo amaze iminsi yibera mu mugi wa Dubai, aho yagiye ajyanywe n'ifata ry'amashusho y'indirimbo Helena ya Platini gusa nyuma yaho yahise aba yigumiyeyo ari kwishimisha. Ku munsi w'ejo rero akaba yari yagiye kuryoshya ku mazi muri yacht gusa ikanzu yari yambaye ikaba yari imukojeje isoni ku karubanda.

    Nkuko bigaragara muri Video yashyize ku mbuga nkoranyambaga, ShaddyBoo yarimo atembera kuri iyo Yacht yereka abafana be uburyo ubuzima ari bwiza gusa yaje kwinjira mu cyumba igihe yari ari gukinira ku gitanda akaba aribwo ikanzu ye ya manutse nabi ishaka kumwambika ubusa gusa ahita ayifata ari nako avuza induru.

     

    Like this:

    Like Loading…

    Source : https://yegob.rw/ikanzu-ya-shaddyboo-yari-imwambitse-ubusa-ku-karubanda/

  • Cameroon yakiriye irushanwa rya CHAN 2020 yatashye imbokoboko _AMAFOTO #rwanda #RwOT

    Kuri uyu wa Gatandatu tariki ta 06 gashyantare 2021, kuri Douala Reunification Stadium muri Cameroon hakiniwe umukino wa guhatanira umwanya wa gatatu mu irushanwa rya CHAN 2020 .

    Umwanya watwawe na Guinea kunsinzi y'ibitego 2-0 itsinzemo Cameroon yakiriye irushanwa .


    Guinea yasezereye ikipe y' igihugu ya Cameroon

    Igitego cyambere cya Guinea cyabonetse kumunota wa 9 gitsinzwe na Morlaye Sylla, mbere gato y'uko igice cya mbere kirangira kumunota wa 45.

    Mugice cya 2 cy'umukino hagaragayemo uguhangana kumpande zombi, Cameroon yari imbere y'abafana bayo ntabwo yabyitwayemo neza kuko itigeze ibasha kwishyura ibitego 2 yari yatsinzwe mugice cyambere ari nako umukino waje kurangira

    Guinea nyuma yo gusezerera u Rwanda muri ¼ yatsinzwe na Mali biyibuza amahirwe yo gukina umukino wanyuma uhatanira umwanya wa mbere .

    Kuri iki Cyumweru taliki ya 07 gashyantare 2021 hateganijwe umukino wanyuma uhuza ikipe y'igihugu ya Mali na Maroc utangira ku isaha ya saa 21h00, ubwo irushanwa riza kuba risozwa.


    Morlaye Sylla umukinnyi w'umukino

    Source : https://impanuro.rw/2021/02/07/cameroon-yakiriye-irushanwa-rya-chan-2020-yatashye-imbokoboko-_amafoto/

  • Idagadure: MTN yadabagije abakiriya bayo ibas… – #rwanda #RwOT

    MTN Rwanda yasoje umwaka iri muri kampanye yitwa 'Big Tings Happen', aho yari yiyemeje kugeza ibyiza ku bakiriya bayo basaga Miliyoni 6. Binyuze muri iyi kampanye, MTN yateguye kubagezaho byinshi bitandukanye kandi bishya, kugira ngo ihaze ukwifuza kwa buri mukiriya wese.

    Agaruka kuri iyi gahunda ya ‘Idagadure’ yashyizweho muri iki gihe, Umuyobozi Mukuru muri MTN ushinzwe ubucuruzi, Desire Ruhinguka, yagize ati “Twishimiye gutangaza ko ipaki zose zo guhamagara zifunguye ku bakiriya bose bahamagaza nimero za  MTN kuri MTN ndetse n’abahamagara nimero zo ku yindi miyoboro ku giciro kimwe. Haba ku bakiriya bakoresha Irekure, Prestige cyangwa Yolo voice bundles, bose ubu buryo bwabashyiriweho. Ubu buryo buri ku mapaki yacu yose yo guhamagara”.

    Ubu buryo bw’amapaki yo guhamagara MTN yafunguye, ni ubwa mbere ku isoko, uburyo bwari busanzwe bwo kugura iminota yo guhamagara buzajya bukoresha ku muyoboro wa MTN gusa. Aya mavugurura agamije kunezeza no guha abakiriya ibyo bakeneye, aho batazongera guhinduranya za SIM Card mu gihe bagiye guhamagara inshuti n’abavandimwe ku yindi miyoboro.

    Kugira ngo ubone ubu buryo bw’amapaki yo guhamagara, umukiriya wa MTN, arasabwa gukanda *140# kuri Irekure, *165# kuri Prestige ndetse na *154# kuri Yolo.

    MTN yadabagije abakiriya bayo ibashyiriraho uburyo bushya bwo guhamagara imirongo yose

    Source : https://inyarwanda.com/inkuru/102904/idagadure-mtn-yadabagije-abakiriya-bayo-ibashyiriraho-uburyo-bushya-bwo-guhamagara-ku-miyo-102904.html

  • Perezida Kagame yasabye abayobozi ba Afurika kwita ku iterambere ry'urwego rw'ubuzima – #rwanda #RwOT

    Perezida Kagame asanzwe ari Umuyobozi wa gahunda igamije gushishikariza ibihugu bya Afurika kongera ubushobozi bw'urwego rw'ubuzima mu bihugu byabo, kuko uru rwego rukibeshejweho cyane n'inkunga z'amahanga kandi ari urw'ingenzi mu iterambere ry'umugabane muri rusange.

    Perezida Kagame witabiriye Inama y'Abakuru b'Ibihugu ya 34 y'Umuryango wa Afurika Yunze yatangiye kuri uyu wa Gatandatu, yasabye bagenzi be gufata ingamba zigamije guteza imbere urwego rw'ubuzuma.

    Ati “Ndifuza gukoresha uyu mwanya mu gushimangira akamaro ko gutera inkunga ubuvuzi bwa Afurika, cyane cyane muri ibi bihe by'icyorezo cya Covid-19. Tudafite urwego rw'ubuzima rukomeye muri buri gihugu, Umugabane wacu uzakomeza kwibasirwa n'ibyorezo”.

    Umukuru w'Igihugu yongeyeho ko ibyo bigomba kujyana no guteza imbere Ikigo cya Afurika Gishinzwe kurwanya Indwara z'Ibyorezo (Africa CDC).

    Ati “Dukwiye gukomeza ubushake bwo kongera ibyo dushyira mu rwego rw'ubuzima no kuzamura umusaruro ubiturukamo. Ndanasaba ko twongera ubushobozi bwa 'Africa CDC' kugira ngo igire ububasha kandi itange umusaruro”.

    Perezida Kagame kandi yanatanze raporo igaragaza aho gahunda y'amavugurura y'inzego z'Umuryango wa Afurika Yunze Ubumwe igeze.

    Yavuze ko muri rusange hari byinshi byo kwishimira byagezweho, ati “Hari intambwe twateye nko mu bikorwa byo kugarura amahoro, n'ubwo ingengo y'imari igishingiye ku nkunga ituruka hanze”.

    Yongeyeho ko uku gushyira hamwe kwa Afurika kwatumye intego yo gushyiraho Isoko Rusange rya Afurika (AfCFTA) igerwaho.

    Ati “Ibi ni byo byatumye tugera ku bikorwa bikomeye, birimo Isoko Rusange rya Afurika. Ndashimira Moussa Faki na komisiyo yari ayoboye ku bw'akazi k'intangarugero bakoze mu gihe cy'imyaka ine”.

    Ku bijyanye n'aya mavugurura, Perezida Kagame yavuze ko hari ibitarabashije kugerwaho, birimo amavugurura ajyanye n'inzego z'ubutabera, Inteko Ishinga Amategeko y'Umuryango wa Afurika Yunze Ubumwe, ndetse n'imiterere ya Komisiyo”.

    Yasabye Komisiyo nshya igiye guhabwa inshingano zo kuyobora Umuryango wa Afurika Yunze Ubumwe, kuzahera kuri ibi bibazo bigihari bigakemurwa vuba.

    Perezida Kagame kandi yanifurije imirimo myiza Perezida Felx Tshisekedi wa Repubulika Iharanira Demokarasi ya Congo ugiye kuyobora Umuryango wa Afurika Yunze Ubumwe muri uyu mwaka, amusezeranya ko igihe cyose azakenerwa, azatanga umusanzu we.

    Ijambo Perezida Kagame yagejeje ku bayobozi ba Afurika mu Nama ya 34 ya AU

    Perezida Kagame yitabiriye Inama ya 34 y’umuryango wa Afurika Yunze Ubumwe

    Ni Inama yabaye hifashishijwe ikoranabuhanga mu kwirinda ikwirakwira ry’icyorezo cya Coronavirus

    Perezida Kagame yasabye ko ibihugu bya Afurika birushaho guteza imbere urwego rw’ubuzima

    Perezida Kagame yavuze ko amavugurura y’Umuryango wa Afurika Yunze Ubumwe yagenze neza, ariko hari ibikeneye kunozwa

    Perezida Kagame yishimiye amasezerano y’Isoko Rusange rya Afurika yatangiye gushyirwa mu bikorwa ku wa 1 Mutarama uyu mwaka

    Iyi Nama yari yitabiriwe n’Abakuru b’Ibihugu batandukanye

    Perezida Tshisekedi wa RDC agiye kuyobora AU muri uyu mwaka

    Amafoto na Video: Village Urugwiro

    Source : http://igihe.com/amakuru/u-rwanda/article/perezida-kagame-yasabye-abayobozi-ba-afurika-guteza-imbere-urwego-rw-ubuzima

  • Monique Nsanzabaganwa yatorewe kuba Umuyobozi Wungirije wa Komisiyo ya Afurika Yunze Ubumwe – #rwanda #RwOT

    Dr Nsanzabaganwa w'imyaka 50 agiye kuri uyu mwanya asimbuye Umunya-Ghana, Quartey Thomas Kwesi, wari uwuriho kuva mu 2017. Agiye kungiriza Moussa Faki Mahamat wongeye gutorerwa kuba Perezida wa Komisiyo y'Umuryango wa Afurika yunze Ubumwe.

    Umuyobozi Mukuru Wungirije wa Komisiyo ya AU aba afite inshingano zo gufasha Umuyobozi Mukuru wa Komisiyo ya AU kuzuza inshingano, ariko akibanda ku bijyanye no kwita ku mutungo n'ingengo y'imari bya Komisiyo.

    Agomba kandi kuba afite uburambe bw'imyaka itari munsi ya 20 mu nzego zizwi, ariko 10 muri iyo akaba yarayimaze mu buyobozi bukuru bw'ibigo binini.

    Mu gihe Umuyobozi Mukuru wa Komisiyo adahari, Umuyobozi Mukuru Wungirije afata inshingano ze, akayobora inama ndetse akanafata ibindi byemezo bikomeye.

    Dr Nsanzabaganwa kandi azaba ari umujyanama wa Moussa Faki kuri buri cyemezo cyose azajya afata.

    Yari ahatanye n'abakandida babiri barimo Hasna Barkat Daoud ukomoka muri Djibuti wigeze kuba Minisitiri w'Urubyiruko, Imikino n'Ubukerarugendo wagize amajwi abiri na Pamela Kasabiiti Mbabazi usanzwe ari Umuyobozi w'Ikigo cy'Igenamigambi muri Uganda, umwanya yari yaragiyeho mu mwaka wa 2019. Mbere yaho, yari Umuyobozi Wungirije wa Kaminuza y'Ubumenyi n'Ikoranabuhanga ya Mbarara wagize 10.

    Mu ntangiriro za Ukuboza 2020, nibwo u Rwanda rwatanze Kandidatire ya Dr Monique Nsanzabaganwa nk'umukandida warwo kuri uyu mwanya Minisitiri w'Ububanyi n'Amahanga, Dr Vincent Biruta, yakiriyemo abahagarariye ibihugu byabo mu Rwanda.

    Dr Nsanzabaganwa mu 2017 yahawe Impamyabumenyi y'Ikirenga y'icyubahiro na Kaminuza ya Stellenbosch yo muri Afurika y'Epfo, kubera umusanzu we mu iterambere ry'u Rwanda.

    Ni Guverineri wungirije wa Banki Nkuru y'Igihugu kuva muri Gicurasi 2011. Yagiye kuri uyu mwanya nyuma yo kuba Minisitiri w'Ubucuruzi n'Inganda, umwanya yakozeho kuva mu 2008 kugeza mu 2011, ndetse yanabaye Umunyamabanga wa leta muri Minisiteri y'Imari n'Igenamigambi kuva mu 2003-2008.

    Yize muri Kaminuza ya Stellenbosch muri Afurika y'Epfo, ibijyanye n'ubukungu, abona impamyabumenyi y'icyiciro cya gatatu cya kaminuza mu 2002, abona n'impamyabumenyi y'ikirenga, PhD, mu 2012.

    Ubwo yari muri Minisiteri y'Ubucuruzi n'Inganda, nibwo amavugurura mu bucuruzi yakozwe bijyana n'amategeko anyuranye yatowe, byatumye u Rwanda ruza ku mwanya wa mbere ku Isi mu bihugu byakoze impinduka zikomeye mu 2010.

    Dr Nsanzabaganwa ari mu Nama z'Ubutegetsi zitandukanye, ayoboye Inama y'ubutegetsi y'Ikigo cy'Igihugu cy'Ibarurishamibare, ari no mu y'Umuryango Women's World Banking, uharanira kuzamura ubukungu bw'abagore, aho ahagarariye Inama Ngishwanama ya Afurika.

    Dr Nsanzabaganwa kandi niwe uhagarariye umuryango New Faces New Voices ishami ry'u Rwanda, uharanira gufasha abagore kugerwaho na serivisi z'imari, akaba n'Umuyobozi Mukuru wungirije wa Unity Club.

    Itorwa rya Dr Nsanzagabanwa ryishimiwe n'abantu benshi

    Félicitations nyinshi à mon ancienne collègue, une femme travailleuse et très capable Monique @mnsanzabaganwa fraîchement élue nouvelle vice-présidente de la Commission de l'Union Africaine @_AfricanUnion. Clin d'œil à mon pays le #Rwanda!!

    — Louise Mushikiwabo (@LMushikiwabo) February 6, 2021

    Congratulations to Rwanda's candidate, @mnsanzabaganwa on her election as Deputy Chairperson of the African Union Commission, elected by 42 votes out of 55 member states. #AUsummit2021 #AU #TheAfricaWeWant #RwOT https://t.co/2y3UMMdQtZ pic.twitter.com/GJS85Vjc38

    — Ministry of Foreign Affairs & Int’l Cooperation (@RwandaMFA) February 6, 2021

    The Women, Gender and Development Directorate wishes to congratulate Chairperson @AUC_MoussaFaki on his unanimous re-election.

    Congratulations to Dr. Monique Nsanzabaganwa @mnsanzabaganwa on your election as the Deputy Chairperson. Great to have a woman at the helm of leadership pic.twitter.com/6F8zDBCl0u

    — African Union Women & Gender Development. (@AU_WGDD) February 6, 2021

    I congratulate my dear brother @AUC_MoussaFaki on his brilliant re-election as Chairperson of the African Union Commission. I also extend in the same vein warm felicitations to Monique Nsanzabaganwa @mnsanzabaganwa on her election as Deputy Chair of the AUC. Congratulations.

    — Hage G. Geingob (@hagegeingob) February 6, 2021

    Congratulations Hon. Dr Monique Nsanzabaganwa for a well deserved position. Thanks to the Goverment support. Proudly Rwandan.👍

    — UWUMUKIZA Françoise (@uwumukiza11) February 6, 2021

    Congratulations to Dr. Monique N. and our country at large! U Rwanda rweme!! Intsinzi bana b’u Rwanda👏👏👏

    — Mujawamariya Jeanne d’Arc (@MujaJeanne) February 6, 2021

    Congratulations dear @mnsanzabaganwa, we are proud of you and wish you success in your new continental assignments.

    — Rwangombwa John (@rwangombwajRW) February 6, 2021

    Waoooh……!!! Biranshimishije cyane! Sinshidikanya ko uzaduhesha ishema kuri uwo mwanya!! Mbega ibintu [email protected] Uzagura!!🤣🤣🤣

    — Emmanuel Havugimana (@manuhavuga) February 6, 2021

    Congratulations @mnsanzabaganwa 👏👏👏 Nyagasani akujye imbere nk’ibisanzwe, portes très haut ce drappeau 🇷🇼

    — Isabelle Kalihangabo (@KalihangaboIsa) February 6, 2021

    Congratulations to her. #Rwanda 🇷🇼 👏🏾👏🏾💪🏾💪🏾

    — NKURANGA Alphonse (@Nkurangalphonse) February 6, 2021

    Congratulations!!!! @mnsanzabaganwa

    — Fanfan Rwanyindo.K (@FRwanyindo) February 6, 2021

    Congratulations to Dr Monique for this well deserved position as AUC Vice Chair. Wishing you all the best in this continental leadership responsibility.

    — Josephine Uwamariya (@Josephine287) February 6, 2021

    Congs Dr Monique. We with you every kind of success and to become good Brand for Rwanda like Dr Kaberuka & other.

    — Charles Kayumba (@CharlesKayumba1) February 6, 2021

    Great news!! Warm congratulations to Rwanda’s Candidate @mnsanzabaganwa

    — MUKANGIRA Jacqueline. (@MUKANGIRA1) February 6, 2021

    Warmest congratulations @mnsanzabaganwa on your election as Deputy Chairperson #AUsummit2021 we are very proud 🇷🇼🇷🇼🇷🇼.👏👏 🙌🙌

    — Sandrine Uwimbabazi Maziyateke (@Suwimbabazi_M) February 6, 2021

    U Rwanda rwacu rutanga abageni👍👍congrats Dr @mnsanzabaganwa 🙏Uwiteka azabane namwe mu mirimo mishya!

    — Claudine Baraka (@Baraka71) February 6, 2021

    Congratulations @mnsanzabaganwa What a great week it has been for African women!!💪🏾

    — Louise Kanyonga (@LouiseKanyonga) February 6, 2021

    Congratulations to our Rwandan candidate Dr. Monique. All the best

    — Uwamariya Odette (@UwamariyaOdette) February 6, 2021

    🙌🏿🙌🏿🙌🏿🙌🏿🙌🏿🙌🏿🎊🎊🎊🎊💃🏿💃🏿💃🏿 what a smart choice! congratulations Dr. @mnsanzabaganwa #WomenShouldLead

    — Nsanga Sylvie (@NsangaSylvie) February 6, 2021

    Congratulations!!

    — Edda Mukabagwiza (@EddaM2012) February 6, 2021

    Congratulations Dr Monique 💪💪

    — Vincent Nyirigira🇷🇼 (@vincent_flug) February 6, 2021

    Congratulations Sister @mnsanzabaganwa we wish you success.

    — Germaine Mukabalisa (@gmukabalisa) February 6, 2021

    Tiutes mes felicitations Dr. Monique Nsanzabaganwa. God bless you in your new position and from your established records we know you will do an excellent job.

    — Innocent Kabenga. (@KabengaKabenga) February 6, 2021

    Dr Nsanzabaganwa ni umwe mu bahanga u Rwanda rufite mu bijyanye n’ubukungu n’imari

    Source : http://igihe.com/amakuru/u-rwanda/article/monique-nsanzabaganwa-yatorewe-kuba-umuyobozi-wungirije-wa-komisiyo-ya-afurika