Author: webrwanda

Aba baturage bari gutaka umutekano muke batezwa n'utu ducurama twirirwa mu buvumo hagoroba tukigabiza imihana tukababuza amahwemo,babwiye TV1 ko bahangayikishijwe n'ubuzima bwabo kuko bamaze kumenya ko ari tumwe mu dutera indwara z'ibyorezo.

Umwe ati 'Ubu bucurama twabuze aho twabuhungira saa kumi n'imwe n'igice nibwo busohoka natwe tugakinga tukaryama kuko iyo ukinguye kagusanga mu nzu.'

Undi ati ' Ujya kubona ukabona uducurama turinjiye ubwo nkakirana natwo nkazimya amatara kugira ngo ndebe ko busohoka bukanga noneho tumwe tukankwepa tukinjira hejuru mu gisenge, byagera nijoro ndyamye bugatangira gucuranga, bugakubita amabati nkagira ngo ni ibirogano .'

Abahanga mu by'ubuvuzi bemeza ko agacurama ari bumwe mu dusimba tudatanga umutuzo mu guturana n'abantu kuko turi mu bisimba bikwirakwiza indwara z'ibyorozo

Umuyobozi w'Ibitaro bya Musanze, Dr Muhire Philbert yagize ati ' Hari indwara butera inyinshi zirimo iz'ubuhumekero, zirimo nk'izi za Covid, za Ebola n'ibindi. Hari igihe ubucurama buba buzifite.'

Yongeyeho ko bigoye ko umuturage yabwirinda mu gihe aturiye hafi yabwo cyane.

Aba baturage banavuga ko bahangayikishijwe n'uko uturindantoki n'udupfukamunwa bari bahawe n'Urwego rw'Igihugu rushinzwe Iterambere (RDB) bakoresha igihe bashaka kudufata badukura mu nzu zabo byabashiranye.

Mu minsi ishize ubuyobozi bw'Akarere ka Musanze bwari bwatangaje ko buri kwiga kuri iki kibazo ariko nta kirakorwa.

Inzobere zagaragaje ko uducurama iyo tuba hafi y’abantu dushobora kubatera indwara

Phocas Ndayizera wajyaga anaha inkuru ikinyamakuru BBC Gahuza, aburanishwa n’Urugereko rw’Urukiko Rukuru ruburanisha ibyaha mpuzamahanga n’ibyambukiranye imipaka ruri i Nyanza.

Amaze iminsi aburanishwa ku byaha bifitanye isano n’iterabwoba, uyu munsi yavuze ijambo rya nyuma muri uru rubanza aregwamo na bagenzi be 13.

Ubwo bahabwaga umwanya ngo bavuge ijambo rya nyuma, Phocas Ndayizera yongeye guhakana ibyaha ashinjwa ndetse ko Ubushinjacyaha bwagiye burangwa no kwivuguruza mu kumushinja.

Yavuze ko nta perereza ryakozwe ku byaha ashinjwa yagize ati 'Sinigeze ncura uwo mugambi nta n’ubwo nigeze mba icyitso… Nkaba nsanga nta shingiro urukiko rugomba kubiha.”

Me Ntare Paul wunganira Phocas Ndayizera na we yunganiye umukiliya we, avuga ko ibyaha ashinjwa ari ibikorwa byagakwiye kujya ku gahanga ka RNC aho kujya ku mutwe wa Phocas.

Uyu munyamategeko yagize ati'Hahanwa umuntu wakoze icyaha, umukiliya wanjye Phocas nta cyaha yakoze.'

Undi kandi wavuze ijambo uyu munsi, ni Karangwa Eliakimu ufite ubuhanga mu ikoranabuhanga uregwa kuba yari kurikoresha mu guturitsa biriya biturika bivugwa ko byagombaga guturitswa muri Kigali.

Me Munyakazi Edmond wunganira iyi nzobere mu by’ikoranabuhanga, yavuze ko ibyavuzwe n’Ubushinjacyaha nta shingiro bifite kuko bitatangiwe ibimenyetso bifatika.

Uyu munyamategeko yagize ati 'Umukiliya wanjye ntaho ahuriye n’ukuriye ibyo bikorwa by’ubugizi bwa nabi Cassien Ntamuhanga bityo akwiye kugirwa umwere kuko nta cyaha yakoze.'

Yavuze ko umukiliya we ntaho ahuriye n’umutwe wa RNC uhungabanya umutekano w’u Rwanda kuko na we nta n’umwe uba muri uriya mutwe baziranye.

Abaregwa muri uru rubanza bose bagize icyo bavuga ku bihano basabiwe, urubanza ruhita rupfundikirwa, rukazasomwa tariki 06 Gicurasi 2021.

UKWEZI.RW

Kiyange Adda Darlene, Umuvugabutumwa mu itorero ADEPR arubatse afite umutware n’abana babiri. N’umunezero mwinshi arashima Yesu ko yabanye na we mu kato, akamuhumuriza ndetse yamukijije covid-19. Aboneraho kandi guhwitura abakerensa iki cyorezo ko bakwiye guhindura imyumvire.

Mu magambo ye Adda arasobanura uburyo yarwaye ndetse n’uburyo imana yamukijije icyorezo cya covid-19.

Ati 'Impamvu narwaye covid-19 nkayikira, byari ukugira ngo nzabashe kuvuga imbaraga z’Imana. Hari amagambo ngira ngo dusangireavuga imbaraga z’Imana mu gukiza indwara Kuva 23:25 'Kandi muzakorere Uwiteka Imana yanyu, na yo izaha umugisha umutsima wawe n’amazi yawe, kandi nzakura indwara hagati muri mwe'.

'Nari umwe mu bantu bazi kwirinda ngakarababa intoki neza, nkirinda gusuhuzanya, nkambara agapfukamunwa neza ariko burya birashoboka ko umuntu yarangara akaba yakoze ahantu hari covi-19 hanyuma akikoraho.Mbese ni ibintu bibaho umuntu atabizi. Byabaye ngombwa ko twipimisha n’abandi twari kumwe maze bambwira ko nanduye, nahise menyesha abo mu rugo ko nanduye maze umutware ahita yihuta aza kwipimisha, ariko we basanze ari muzima.

Kuva icyo gihe abashinzwe gukurikirana abarwayi ba covid19, bahise bampamagara bambaza ibimenyetso mfite, icyakora uwo mwanya nta bimenyetso bidasanzwe nari mfite, uretse kumva ka gripe, agakorora n’intege nke. Bambwiye ko ngomba kujya mu rugo hazagira igihinduka nkabahamagara, muganga yakomeje kunganiriza kuri whatsapp turebana areba uko meze akoresheje video call, ibi byaramfashije cyane uburyo bamabaye hafi.

Bangiriye inama ko ngomba kujya mu cyumba cya njyenyine, nkakoresha ibikoresho bya njyenyine, ubwiherero bwa njyenyine. Ngeze mu rugo nabigenje ntyo ariko icyiyongereyeho nagombaga gukora siporo kuko ari ingenzi.

Mubyukuri Imana yabanye nanjye mu kato (aho ntemerewe guhura n’abandi) aha hantu nahagiriye ibihe byiza, nararirimbaga, ngasenga mbese narasinziraga nkarota Imana ikampishurira byinshi. Mubyukuri Imana yagumanye nanjye n’ubwo itahise inkiza ako kanya, ariko yari irimo gukorana na njye natabwo umurimo w’Imana muri njye wigeze uhagarara.

Imana yagiye iganira na njye mu bihe bikomeye kuko uko iminsi yagendaga yicuma niko nageraga mu bihe bikomeye nkumva mbabara mu gatuza ndetse hari igihe guhumeka byambereye ikibazo mpita mbwira Yesu nti 'Wamapaye Umwuka Wera, kandi Umwuka Wera ni umwuka, none wambabariye ukampa oxygene? Ubungubu mukanya baraza banjyane njye kwishyura kandi oxygene urayifite , wambabariye ukayimpa koko? Muri uwo mwanya numvise ijwi rimbwira ngo humura witinya.

Numvise nkomeye ndavuga ngo reka ndyamye Umwami Yesu amaze impungenge. Naryamye mu buryo bugoye, narasohokaga ngo numve ko nahumeka ariko Imana abanye nanjye mbona buracyeye'.

Iryojoro nabuzemo oxygene hari ku munsi wa gatatu bamaze kumbwira ko ndwaye, bwaracyeye bigeze nka 13:00 nongeye kumva ijwi ry’Imana rimbwira riti 'Ngukijije icyago cyawe.Nahise numva mu gatuza hafungutse mpumeka neza, mbese numva cya kintu cyari gifungiranye gikuweho. Mubyukuri sinari nkize burundu kuko gripe yari igihari ariko ikibazo cyo kubura umwuka cyari gishize. Nahise nsinzira ariko nkomeza kubahiriza amabwiriza yose bampaye'.

Ku munsi wa 14 nagombaga kujya kwa muganga kwipimisha ngo barebe ko nakize,ariko nakomeje kubyangira mvuga ko nzajyayo ku munsi ukurikira. Mugitondo ndi muri siporo mu rugo, nongeye kumva ijwi rirambwira ngo jya kwa muganga kuko nagukijije noneho abantu banjye baruhuke mu mitima yabo. Bivuze ngo abansengera nibumva ko nakize baruhuke mu mitima yabo.

Nagiye kwa muganga nzi neza ko nakize mvuga ko ngiye kuzana igisubizo nkakibwira bene Data ngo bumve ko nakize baruhuke mu mitima. Ngeze kwa muganga bampaye igisbizo cy’uko nakize, nuko mpita mbwira bene Data ngo bahagarike kunsengera nakize, nabo bashimye Imana bigenda neza'.

Asoza ubuhamya bwe, Adda Darlene Kiyange arashima Imana yamukijije covid-19, ariko agira n’ubutumwa atanga ku batuye isi cyane abakerensa iki cyorezo bavuga ko ari ibintu bya politike, ari imikino, n’andi mazina menshi babyita kandi bakarangara bakarwara, nyamara Yesu ashaka ko abantu birinda kuko icyorezo cyo kirahar,i kandi aboneraho guhumuriza abayirwaye koYesu ahari ko icyo asabwa ari ukwizera kuko Imana yatwemereye ko izadukiza indwara.

Source:Sinai tv

[email protected]

Ijambo 'Abasatuzi' ni ijambo rikunzwe kwitwa bamwe mubavugabutumwa barangwa n’imico itari myiza. Ibikorwa nabo bishobora koreka, kuyobya imbaga nyamwinshi y’abakristo, niba batabaye maso ngo bashungure, bagenzure ibyo babwirizwa n’aba basatuzi.

Ni bamwe mu bavugabutumwa mu buryo bw’Ijambo ry’Imana bafite umwihariko wabo, mu kubwiriza kwabo nubwo bifashisha Bibiliya ariko usanga batari mu murongo w’ivugabutumwa.

IZINA ABASATUZI RYAKOMOTSE HE?

Ni umuco waje utamenyerewe, iyo babaga bamaze kubwiriza, babwiraga uyoboye idini/itorero ko bagomba gusatura amaturo yose yatuwe bakanganya. Bakoreshwa cyangwa bakitabazwa mu gihe cy’ubwitange n’aho bakeneye inyigisho z’igikabyo zijyana abantu mu marangamutima yabo, babinjiza mu kwishima kw’irari ry’iby’isi, aho gufashwa kuganisha k’ubugingo.

NI IBIHE BINTU BIRANGA ABASATUZI?

1.Baca amafaranga ntibashobora kugenda kubwiriza aho babatumiye batumvikanye ayo bari bubahe

2.Bagira amajwi manini akanganye ntibajya bavugira hasi.

3.Mumvugo zabo harangwamo itera bwoba n’amagambo arimo ibitutsi, urugero: dore uko bikanura, gufinina, n’ibindi.

4.Ni abashyushya rugamba bakoresheje Bibiliya abantu bakajya mu birere, bamwe bakabyita gufashwa kandi ari ukwidagadura (kuzamura amarangamutima)

5.Nibo bakundwa kugaragarwaho n’imico mibi y’imirimo ya kamere, nko gusambana, ubutekamutwe, ubusinzi, guta abo bashakanye n’ibindi bikorwa bigayitse.

6.Ntibahugurika, ntibagirwa inama, kwikakaza no kwishyira hejuru, ntibemera abandi.

7.Imibwiririze yabo irangwa no kwemeza no kwivuga no kwiyubakira, urukuta rw’amazina yabo kuruta uko bavuga Kristo ngo ubuzima bwa benshi buhembuke.

8.Abenshi baba ari ababwirizabutumwa rimwe na rimwe baratenzwe mu madini/amatorero bakomokamo, ariko kubera ibyo abanyamadini baba babashakaho bakaguma kubakoresha.

9.Abenshi baba ari ibyigenge batabanye neza, batanumvira abayobozi b’amadini/amatorero babarizwamo.

10.Iherezo ryabo rirangira nabi, imico yabo ibashyize kukarubanda bagasigara ku mateka atagira ubuhamya.

Source: Urugero.rw

[email protected]

Mu butumwa bukomeje gutangwa n’abiganjemo urubyiruko bwo kwitegura igihe cyo Kwibuka ku nshuro ya 27 Jenoside yakorewe Abatutsi, Hon. Bamporiki Edouard yibukije ko iyi Jenoside yashegeshe u Rwanda kuko yatwaye inzirakarengane z’Abatutsi zirenga Miliyoni imwe.

Hon Bamporiki kandi yagarutse ku bakomeje guhakana no gupfobya Jenoside yakorewe Abatutsi.

Yavuze ko ukora ibikorwa nk’ibi aba ameze nk’umupfafa uba 'yipfiriye ubusa, adupfiriye ubusa, aba aciye ipfundo ry’ubupfura, aba adupfunyikiye ubusa.'

Muri ubu butumwa bwa Bamporiki akomeza avuga ko umuntu nk’uriya upfobya Jenoside yakorewe Abatutsi 'aba ahamije ko ari icyihebe, tukaba duhebye umusanzu we, ajye ahanwa bijyanye n’igoma rye.'

Mu cyumweru gishize, Komisiyo y’Igihugu yo kurwanya Jenoside, yasohoye itangazo riburira abakomeje kwijandika mu bikorwa byo guhakana no gupfobya Jenoside kimwe n’abakomeje kubiba amacakubiri.

Iri tangazo ryavugaga ko abariho babikora muri ibi bihe, bifashisha imbuga nkoranyambaga zirimo nka Youtube. CNLG yabibukije ko amategeko yo mu Rwanda ahana buri wese wabiba urwango, arimo itegeko Nshinga ndetse n’Itegeko ryerekeye Ibyaha n’ibihano.

Perezida wa CNLG, Dr Bizima Jean Damascene mu kiganiro yagiranye na RBA, yagarutse kuri zimwe muri Youtube zagaragaweho gutambutsa buriya butumwa, azisaba kubireka.

UKWEZI.RW

Iyi ndwara yadutse muri kariya Karere ko mu Burengerazuba bw’Amajyepfo ya Tanzania, ngo hari abo yahitanye mu masaha macye bagaragaje ibimenyetso.

Ibinyamakuru bikorera muri Tanzania biravuga ko iyi ndwara itaramenyekana guso ngo abayirwaye barangwa no kuruka amaraso mu gihe Minisiteri y’Ubuzima yo ivuga ko biriya bimenyetso nubundi byagaragaye muri 2018.

Iyi Minisiteri ihakana ko iriya ndwara yaba ari nshya yateye, yahise yohereza itsinda ryihariye gukora igenzura n’iperereza, yasabye abaturage kudacika igikuba mu gihe hagikorwa iperereza.

Minisitiri w’Ubuzima Dorothy Gwajika yahise ahagarika umukozi ushinzwe ubuzima muri kariya Karere kuko yatanze amakuru ku binyamakuru bimwe na bimwe ku byerekeye iriya ndwara kandi atabifitiye ububasha.

Iki gihugu ni kimwe muri bicye ku Isi byakunze kuvuga ko bidatewe impagarara n’icyorezo cya COVID-19 ndetse kikaba kitarashyizeho ingamba zikarishye zo kukirinda nk’uko byagiye bikorwa n’ibihugu byinshi.

Abayobozi bakomeye muri kiriya Gihugu barimo Perezida Dr Magufuli ubwe ndetse na Minisitiri w’Ubuzima baherutse gutangaza ko badakeneye urukingo rwa COVID-19 ruriho rutangwa mu bihugu binyuranye.

UKWEZI.RW

Perezida Paul Kagame yasabye abakinnyi b’ikipe y’igihugu kurangwa n’ikinyabupfura bakumvira umutoza wabo kuko ikinyabupfura ari ryo nzingiro rya byose, ibi yabihuje n’ibyabaye kuwahoze ari umutoza w’Amavubi, Ratomir Dujković.

Ibi yabivugiye mu muhango wo kwakira ikipe y’igihugu Amavubi yari ivuye muri CHAN 2020 muri Cameroun aho yaviriyemo muri 1/4 batsinzwe na Guinea Conakry 1-0.

Mu ijambo rye Perezida Kagame yibukije abakinnyi ko ibyo bakora byose nta kinyabupfura ntacyo byaba bimaze. Bagomba kubaha ababakuriye.

Yavuze ko bitewe n’imyitwarire y’abakinnyi uwahoze ari umutoza w’Amavubi, umunya- Serbia Ratomir Dujković yamusezeye amubwira ko akazi kamunaniye kubera imyitwarire y’abakinnyi aho bose bashaka kuba umutoza.

Ati“Aho mugereyeho mubajije, ambwira amagambo make ati ntabwo nshaka guhemberwa ubusa, ati aba bakinnyi ureba hano imbere yawe, buri wese ni umutoza, ndababwira ariko buri wese ni umutoza, hari abababwira ibyo bashaka gukora, buri wese akazamura ijwi. Ajya kugenda ni uko byagenze, bivuze ko nta kinyabupfura cyari gihari.'

'Ushoboye kumenya uko wifata neza mu minota 90 cyangwa iyiyongeraho bigufitiye akamaro, bifitiye ikipe akamaro. Bigomba guhoraho, iyo myifatire igomba kujya mu bakinnyi ikaba umuco.'

Ratomir Dujković yatoje ikipe y’igihugu Amavubi imyaka 3, kuva muri 2001 kugeza muri 2004 ubwo yahise ajya gutoza Ghana.

Perezida Kagame yasuye Amavubi ayasaba kurangwa n’ikinyabupfura