Webrwanda Backend

Author: webrwanda

  • Sankara yabajije Rusesabagina uko yari kuzayobora u Rwanda kandi yihakana ko ari umunyarwanda #rwanda #RwOT

    Mu gutangira urubanza,Umucamanza yabajije Rusesabagina niba yemera umwirondoro yasomewe urimo ko ari umunyarwanda avuga ko atari we.

    Mu Kinyarwanda cyumvikana neza, Paul Rusesabagina yagize ati 'Ndabisubiramo ku nshuro ya gatanu. Njyewe si ndi Umunyarwanda. Ndi Umubiligi.''

    Rusesabagina yavuze ko kuva yava mu Rwanda atongeye gukoresha ubwenegihugu bw'u Rwanda ubwo yari asabye ijambo bwa kabiri.

    Ati 'Njye ntabwo ndi Umunyarwanda. Mvuye hano mu 1996 mpunze, kuva icyo gihe icyo natanze ni ikarita y'indangamuntu na pasiporo. Nari meze nk'umuntu. Nafashwe nk'umwana w'imfubyi, wapfushije ababyeyi bombi, ibyanjye byose narabitanze.''

    'Kuva icyo gihe nabonye ikarita ya Loni yanditseho u Bubiligi. Iyo pasiporo nari mfite ububasha bwo kujya mu bihugu byose byo ku Isi usibye icyanjye cya kavukire cy'u Rwanda.

    Icyo gihe u Bubiligi bwaje kumpa ubwenegihugu mu 2000, ubw'Ubunyarwanda ntabwo nabusubiranye. Nashatse kuza mu Rwanda mu 2003. Nagiye muri Ambasade bambaza pasiporo mfite, mbabwiye ko ari iy'Ababiligi, bambwiye ko banterera visa nkajya mu Rwanda. Nishyuye amadolari angana n'amayero 120. Naje hano I Kigali, mwanyakiriye nk'Umubiligi, si nk'Umunyarwanda. Nyuma yaho nisubiriye iwacu mu Bubiligi. Nyuma y'umwaka umwe naragarutse, icyo gihe ni bwo nazaga nka Rusesabagina w'Umubiligi. Ndi hano bitemewe n'amategeko.''

    Ubwo Callixte Nsabimana wari wariyise Majoro Sankara yabazwaga inzitizi abona ziri mu rubanza,yavuze ko amaze imyaka ibiri imbere y'urukiko kandi we yifuza ko urubanza rwihuta rukava mu nzira akamenya aho ahagaze.

    Ati 'Ndifuza ko urubanza rwihuta. Ndabona ari nk'aho Rusesabagina ashaka gutinza urubanza nkana. Ndashaka ko rwihuta nkamenya aho mpagaze.''

    Sankara yatewe isoni nibyo shebuja Paul Rusesabagina [wari ukuriye uriya mutwe MRCD-FLN] yavuze yihakana kuba umunyarwanda kandi yarifuzaga kuzaba Perezida w'u Rwanda hanyuma uyu akamwungiriza nka Visi Perezida.

    Ati 'Hari ibyo numvise numva mbigizeho isoni. Bwana Paul Rusesabagina yari Perezida wacu. Kandi yashakaga kuba Perezida w'u Rwanda. None mu rukiko aravuga ko atari Umunyarwanda. Twatangaje intambara mu gihugu, baradufata.

    Njye nari Visi Perezida we wa Kabiri mu Mpuzamashyaka ya MRCD. Ese ni ya Politiki ya Mpatsibihugu?

    Me Nkundabarashi Moïse wunganira Sankara yavuze ko nta nzitizi abona zatuma urubanza rutaburanishwa. Yasabye ko umukiliya we yari amaze kwisobanura ku byaha 10 ariko byaba byiza ari we uhereweho mu kwisobanura kugira ngo dosiye ye yihutishwe.

    Umucamanza Antoine Muhima ukuriye Inteko Iburanisha yasoje iburanisha ry'uyu munsi avuga ko umwanzuro ku nzitizi zatanzwe na Rusesabagina uzatangazwa ku wa 26 Gashyantare 2021 saa Mbili n'igice. Kuri uwo munsi hazanumvwa abandi bafite izindi nzitizi.

    Source : http://umuryango.rw/amakuru/mu-rwanda/ubutabera/article/sankara-yabajije-rusesabagina-uko-yari-kuzayobora-u-rwanda-kandi-yihakana-ko

  • Rusesabagina yongeye kwihakana ko ari umunyarwanda ubushinjacyaha bumusubiza ko agamije gutinza urubanza gusa #rwanda #RwOT

    Mu baregwa hamwe na Paul Rusesabagina uko ari 21 harimo umugore umwe rukumbi Mukandutiye Angelina wahoze ari Umugenzuzi w'Uburezi muri Nyarugenge.

    Uyu mukecuru yatahutse ku wa 21 Ukuboza 2019 ava mu mashyamba ya Repubulika ya Demokarasi ya Congo (RDC), aho yari kumwe n'abarwanyi bo mu mutwe wa FDLR bashyikirijwe u Rwanda.

    Mukandutiye afite igifungo cya burundu yakatiwe n'inkiko Gacaca atigeze arangiza.

    Ubushinjacyaha buhagarariwe n'abashinjacyaha batanu barimo na Habyarimana Angelique usanzwe ari Umushinjacyaha Mukuru Wungirije, Murerwa Bonaventure na Habarurema Jean Pierre.

    Rusesabagina akurikiranyweho ibyaha icyenda birimo:
     
    Kurema umutwe w'ingabo utemewe cyangwa kuwujyamo
    Gutera inkunga iterabwoba
    Iterabwoba ku nyungu za politiki
    Gukora no kugira uruhare mu bikorwa by'iterabwoba
    Kuba mu mutwe w'iterabwoba
    Kugambana no gushishikariza abandi gukora iterabwoba
    Ubufatanyacyaha ku cyaha cy'ubwicanyi buturutse ku bushake
    Ubufatanyacyaha ku cyaha cyo kwiba hakoreshejwe intwaro
    Ubufatanyacyaha ku cyaha cyo gutwikira undi ku bushake inyubako

    Abaturage bagizweho ingaruka n'ibitero byagabwe na MRCD-FLN mu bice bitandukanye ni bo baregeye indishyi.

    Rusesabagina yatangiye avuga ko afite inzitizi zituma urubanza rutatangira.Abajijwe niba umwirondoro wasomwe ari uwe, yahise abihakana, ati 'Ndabisubiramo ku nshuro ya gatanu. Njyewe sindi Umunyarwanda. Ndi Umubiligi.Njye nk'Umubiligi waje nshimuswe, nabonaga urukiko rudafite ubushobozi bwo kumburanisha. Umwavoka wanjye yabisobanura mu magambo arambuye.''

    Abajijwe niba yemera ibyaha, yagize ati 'Ibyaha byose ni byo.''

    Me Gatera Gashabana umwunganira yakomeje agira ati 'Twasabaga ko ikirego kitakwakirwa hashingiwe ku iburabubasha ry'urukiko rw'Urugereko rwihariye rw'Urukiko ruburanisha Ibyaha Mpuzamahanga.''

    Gatera yavuze ko Urukiko rukwiye kwakira inzitizi y'iburabubasha hanyuma rugategeka ko Rusesabagina yoherezwa imbere y'inkiko z'u Bubiligi zibifitiye ububasha.

    Gatera yavuze ko Paul Rusesabagina yafatiwe i Kigali ku wa 28 Kanama 2020, atangira gukurikiranwa. Yagize ati 'Ese yafashwe mu buhe buryo? Hakurikijwe ayahe mategeko?.

    Gatera yavuze ko Urukiko rukwiye kwakira inzitizi y'iburabubasha hanyuma rugategeka ko Rusesabagina yoherezwa imbere y'inkiko z'u Bubiligi zibifitiye ububasha.

    Ati 'Kubera ko twazamuye ikibazo cy'inzitizi ariko hari utundi tubazo twari dufite two kubagezaho. Ndumva mwakubahiriza amategeko, mukemeza ko urukiko nta bubasha rufite bwo kuburanisha uru rubanza.''

    Ubushinjacyaha bwahawe ijambo buvuga ko inzitizi zatanzwe na Rusesabagina zigamije gutinza urubanza gusa. Bwavuze ko amazina ya Rusesabagina yombi ari ay'Abanyarwanda kimwe n'ababyeyi be.

    Ubushinjacyaha bwagaragaje kandi ko ibihugu byose [u Rwanda cyangwa u Bubiligi] byemera ko umuntu agira ubwenegihugu bubiri butandukanye.
    Buti 'Ubwenegihugu bwe bw'ifatizo ni Umunyarwanda. Kuba mu 2000 yarabonye ubwenegihugu bw'u Bubiligi, ntibimukuraho ko ari Umunyarwanda.

    Ntabwo kubona ubwenegihugu bw'u Bubiligi bihita bigukuraho ubwenegihugu bw'u Rwanda.''

    Ubushinjacyaha buvuga ko urukiko rufite ububasha bwo kuburanisha Rusesabagina Paul.

    Urukiko rwavuze ko ruzagena igihe urubanza rugomba kumara kuko bidakozwe urubanza rwazatinda kubera ko rurimo abantu benshi.

    Umucamanza yakomeje ati 'Twese tugomba kubahiriza amahame yemewe arimo kubahiriza uburenganzira bwo kwiregura no kunganirwa.

    Abantu 21 barimo Rusesabagina Paul, Nsabimana Callixte Sankara bagejejwe imbere y'urukiko mu rubanza baregwamo ibyaha bifitanye isano n'iterabwoba.

    Ibyaha Rusesabagina akurikiranyweho birimo ibyakorewe mu duce turimo Nyabimata mu Karere ka Nyaruguru ahabaye ibitero muri Kamena 2018 no muri Nyungwe mu Karere ka Nyamagabe mu Ukuboza 2018,byigambwa na FLN umutwe wa gisirikare wa MRCD wari ufite umuvugizi witwa Callixte Nsabimana uzwi nka Sankara waje gufatwa n'u Rwanda asimburwa na Nsengimana Herman.

    Urubanza rwa Paul Rusesabagina rwitabiriwe n'abantu batandukanye barimo n'abadipolomate bahagarariye ibihugu byabo mu Rwanda. Aba barimo Ambasaderi wa Leta Zunze Ubumwe za Amerika mu Rwanda, Peter Vrooman. n'abandi bahagarariye ibihugu birimo Suède n'u Bubiligi.

    Source : http://umuryango.rw/amakuru/mu-rwanda/ubutabera/article/rusesabagina-yongeye-kwihakana-ko-ari-umunyarwanda-ubushinjacyaha-bumusubiza-ko

  • Umurobyi ukomeye i Madeira! Cristiano Ronaldo… – #rwanda #RwOT

    Uretse igikombe cy’Isi ataratwarana n’ikipe y’igihugu ya Portugal, nta kindi gikombe Cristiano ataregukana ku Isi, ibyo bikaba bimugira umukinnyi wa mbere ku Isi magingo aya.

    Uyu mukinnyi ufite amateka akomeye cyane, yafashije amakipe yakiniye kwegukana ibikombe bitandukanye birimo bitanu bya UEFA Champions League, afasha ikipe y’igihugu ya Portugal kwegukana igikombe cy’u Burayi ‘EURO 2016’ ndetse anahembwa umupira wa zahabu (Ballon d’Or) inshuro eshanu.

    Cristiano w’imyaka 36 y’amavuko aherutse guhabwa igihembo nk’umukinnyi w’ikinyejana cya 21.

    Uyu munya-Portugal kandi niwe mukinnyi umaze gutsinda ibitego byinshi mu mateka ya ruhago, kuko amaze gutsinda ibitego birenze 760 kurusha undi mukinnyi uwo ariwe wese ku Isi.

    Nubwo uyu mukinnyi yahiriwe cyane n’umupira w’amaguru, mu bwana bwe ntiyatekerezaga ko azakora uyu mwuga kuko yatekerezaga ko ku myaka 35 azaba ari umwe mu barobyi bakomeye i Madeira.

    Yagize ati”Ubwo nari muto, natekerezaga ko ku myaka 35 nzaba ndi umwe mu barobyi bakomeye i Madeira, sinigeze na rimwe ndota ko nzagera kubyo nagezeho magingo aya”.

    Uyu mukinnyi yahaye umwanya cyane nyuma yo kwirukanwa ku ishuri ubwo yari afite imyaka 14, azira gukubita umwalimu. Icyo gihe umubyeyi we yafashe umwanzuro wo kumukura mu ishuri amuhatira cyane kwita no gukunda umupira w’amaguru, byaje no kumufasha kuba icyamamare, kuri ubu akaba aririmbwa n’Isi yose.

    Cristiano yegukanye hafi ibikombe byose bikomeye ku Isi

    Cristiano afatwa nka nimero ya mbere ku Isi muri ruhago

    Ubu Cristiano akinira Juventus yo mu Butaliyani

    Source : https://inyarwanda.com/inkuru/103163/umurobyi-ukomeye-i-madeira-cristiano-ronaldo-yahishuye-inzozi-yari-afite-mu-bwana-bwe-bens-103163.html

  • Hari inyandiko y’Abasenateri ba USA basaba ko Rusesabagina arekurwa #rwanda #RwOT

    Iyi nyandiko yanditswe tariki 20 Ukuboza 2020, iriho n’imikono ya bariya bashingamategeko, ivuga ko batumva uburyo Paul Rusesabagina nk’umuturage wemerewe gutura muri Leta Zunze Ubumwe za America (Resident) yageze mu Rwanda avuye i Dubai.

    Aba bashingamategeko ba USA bavuga ko u Rwanda rwarenze ku mategeko yo gufata umuturage wa kiriya gihugu, bagasaba ko yarekurwa nk’umuturage ufite ibyangombwa byo guturayo kandi nk’umuntu wahembwe na Perezida wa kiriya gihugu.

    Batanga n’ingero z’abaturage boherejwe na kiriya gihugu binyuze mu nzira ziteganywa n’amategeko n’amasezerano ahuriweho.

    Ni ingingo itari nshya kuko mu minsi yashize, Inteko Ishinga Amategeko y’Ubumwe bw’u Burayi na yo yasohoye imyanzuro ivuga ko u Rwanda rwashimuse Paul Rusesabagina kandi isaba ko uburenganzira bwe bwubahirizwa.

    Muri iyi nyandiko igaragaza ko bariya basenateri bayishyigikiye, hari aho ivuga ko kuba u Rwanda rwarekura Rusesabagina ari inyungu ku bihugu byombi bisanzwe bifitanye umubano mwiza.

    Hari aho igira iti 'Twizera ko kurekura Rusesabagina bifite ishingiro kandi bishyize mu gaciro, kubera ko afite uburwayi bwa Cancer bwendaga kumuhitana muri iki gihe cya COVID-19 akaba anafite izindi ndwara zikomeye yivuza.'

    Mu minsi yashize kandi inteko y’Umuryango w’Ubumwe bw’u Burayi yageneye imyanzuro u Rwanda irusaba kwita ku burenganzira bwa Rusesabagina.

    Inteko Ishinga Amategeko y’u Rwanda yasubije iya EU, yayisabye kutivanga mu mikorere y’ubucamanza bw’u Rwanda.

    Muri iyi myanzuro y’Inteko Ishinga Amategeko y’u Rwanda, ivuga ko itumva ukuntu Inteko Ishinga Amategeko y’Ubumwe bw’u Burayi ifata Rusesabagina nk’impirimbanyi y’Uburenganzira bwa muntu mu gihe we yigeze kwigamba ibitero byaguyemo Abanyarwanda ariko ntibagira icyo babivugaho.

    Rusesabagina watangiye kuburana mu mizi uyu munsi, yabanje gutanga inzitizi zibanziriza urubanza zirimo iz’iburabubasha bw’urukiko zishingiye kuba avuga ko atari Umunyarwanda ahubwo ko akwiye koherezwa kuburanishirizwa mu Bubiligi afitiye Ubwenegihugu.

    Mu mpaka zo kuri izi nzitizi zihariye iburanisha ry’uyu munsi, Ubushinjacyaha bwavuze ko Rusesabagina afite ubwenegihugu bw’Ubunyarwanda bw’inkomoko kandi ko atigeze ajya mu nzira zo kubutakaza.

    Nsabimana Callixte wari wariyise Majoro Sankara, na we waste ijambo, yavuze ko Rusesabagina yari Perezida w’iriya mpuzamashyaka ya MRCD yari yaranashinzwe umutwe wa FLN ndetse ko ubwo uyu mutwe watangizaga ibitero wari ugamije gufata u Rwanda kandi ko Rusesabagina yavugaga ko azahita aba Perezida w’u Rwanda.

    Sankara wavugaga ko yatunguwe n’ibyavuzwe na Rusesabagina, yagise ati 'none se yari kuba Perezida w’u Rwanda atari Umunyarwanda.'

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Hari-inyandiko-y-Abasenateri-ba-USA-basaba-ko-Rusesabagina-arekurwa

  • Amwe mu masengesho yafasha umukristo guhangana n’ibibazo by’ubukungu #rwanda #RwOT

    Muri iki gihe isi iri ku muvuduko udasanzwe w’iterambere ry’ubukungu, amafaranga ni ingenzi kuko adufasha kubona ibyo dukeneye kandi kuyabura bishobora kongerera umuntu umuhangayiko.

    Niwumva ibibazo by’amafaranga biganje ibitekerezo byawe, ujye usubizwamo imbaraga, humura! Yesu si imvano y’agakiza kacu gusa, ni n’umugenga, umurinzi ndetse umufasha utajya ubura kuboneka mu byago no mu makuba. Imana ihora yifuza kugushyira ku rwego aho uba mu munezero w’agatangaza, no mu mu gihe udafite amafaranga.

    Aha hari amasengesho atanu azagufasha gutegura umutima wawe, ibikorwa byawe, by’umwihariko no gukoresha amafaranga yawe uko Imana ibishaka:

    1. Mwami, mfasha nkwiringire

    Ushobora kuba uzi neza ko Imana izi byose, ari inyembaraga muri byose kandi ifite imigambi myiza kuri wowe ariko biroroshye ko ibyo byose wabyibagirwa mu gahe gato igihe hari imyenda ufite wabuze ayo wishyura.

    Hari ubwo umuntu agera mu bukene, ibitekerezo bye bigahindukirira ku bibazo afite aho guhindukirira Imana imukunda. Ibi bimutera kwiheba kwinshi bikagabanya kwizera kwe.

    Ibintu byose bijyana n’icyerekezo uha ibitekerezo byawe, saba Imana kugufasha kandi uhitemo kuyiringira izabikemura. Iyo habayeho gushidikanya uhora wishinja wumva ko ibiri kukubaho byose ari ingaruka z’ibyo wakoze, ariko uko urushaho kwegera Krisito mu masengesho, Mwuka Wera azaguha imbaraga, aguhe kwizera, aguhe gutuza n’ihumure, akwibutse kandi ko azahaza kwifuza kwawe mu butunzi bwe buri muri Kristo Yesu (Abifilipi 4.19).

    2. Mwami, hindura umutima wanjye

    Mu gihe ubukungu butifashe neza, irinde guha umutima wawe ubutunzi ngo uhangayike nk’abadafite Imana.

    Nureka ubutunzi bwawe cyangwa ibyo ufite akaba ari byo bigusobanura, bikakuyobora uba wishyize mu bigirwamana, ibyo bikagutera kuva mu bushake bw’Imana.

    Niba ushaka kongera ubusabane cyangwa ubushuti bwawe n’Imana ndetse n’amahoro n’ubwenge itanga, ufite kuyisaba ko ihindura umutima wawe wari wimitse ibigirwamana ikaguha umutima uhora uyitumbiriye.

    3. Mwami, mpa umutima utanga

    Kwifuza amafaranga byica imibanire y’abantu n’abandi n’imibanire yabo n’Imana. Hari ubwo umuntu agera mu gihe cy’ubukungu butifashe neza akumva ko atagomba kugira icyo atanga haba kuri bagenzi be no kugira icyo aha Imana mu buryo bw’amaturo na kimwe mu icumi. Ibuka ko Imana yasezeraniye abayigerageresha gutanga ko na yo izabagomororera imigisha bakabura aho bayikwiza.

    Ibuka ko ibyo ufite byose ari Imana yabiguhaye ngo ubikoreshe neza kubw’icyubahiro cyayo. Wikumva ko uzagira icyo utanga ari uko umutima wawe wanejejwe n’uko utunze ibya mirenge.

    Ni byiza ko usaba Imana umutima utanga kuko ari byo ishima ikanaguha byinshi byisumbuye kubyo wari ufite, ariko iyo udatanga na yo ishobora kutaguha.

    4. Mana, mfasha kugira intumbero

    Umukirisito ntakwiye kwicara ngo aganyishwe n’ibihe arimo ngo birangirire aho.

    Mu gihe ukeneye kuzamura urwego uriho mu butunzi, ukwiye gusaba Imana ikabanza kuguha ibitekerezo bituma wiha intumbero y’ahazaza. Ibyanditswe bibivuga neza, 'Uhinga imirima ye azahaga ibyo kurya, ariko ukurikiza inkorabusa azahaga ubutindi' (Imigani 28.19).

    Hari ubwo ubuzima bukomera n’ibibazo by’amafaranga bikaza kabone nubwo waba warakoresheje imbaraga nyinshi, gusa kugira intumbero y’aho ushaka kuzaba ejo hazaza, utitaye kubyagushimisha uyu munsi by’akanya gato, bifasha ubukungu bwawe bikanarinda ubutunzi bwawe bukaguka.

    5. Mana, shyira ibitekerezo byanjye n’umutima wanjye ku bintu by’iteka

    Mu gihe ugeze mu gihe cy’akaga, ntabwo ukwiye kuva ku Mana, Ukwiye gusaba Umwami Imana ibitekerezo byagutse kandi bigari bigufasha kwibuka ko nyuma y’ubu buzima bwo ku isi, hari ubundi buzima abera bazabamo maze ugakomeza kuba indahemuka ku Mana.

    Ibi bizagufasha kwirinda gukoresha inzira mbi mu gushakisha ubutunzi kandi Imana na yo izabana nawe iguhe umugisha mu byo uzaba ukora byose.

    Source:cepurhuye.org

    [email protected]

    Source : https://agakiza.org/Amwe-mu-masengesho-yafasha-umukristo-guhangana-n-ibibazo-by-ubukungu.html

  • Griezmann na Pique batukaniye mu kibuga, ibitutsi biteye isoni ubwo batsindwaga na PSG – YEGOB #rwanda #RwOT

    Ku munsi w'ejo imikino 1/8 cya Champions League nibwo yatangiye hariya ku mugabane w'i Burayi aho ikipe ya PSG yari yasuye FC Barcelone maze ikayinyagira ibitego 4 byose kuri kimwe. Uyu mukino rero bikaba byumvikana ko utari  uw'ibyishimo ku ruhande rw'abakinnyi b'ikipe ya Barca, nkuko byaje kugaragara ubwo Griezmann na Pique. baje gutukana ku babyeyi.

    Ku munota wa 38 w'igice cya mbere, Gerard Pique nibwo yatangiye kubwirana nabi Griezmann amusakuriza amusaba kugaruka kumufasha kugarira, maze Griezmann ahita amusubiza amusaba kureka kumusakuriza akavuga gake.

    Pique akaba yahise arakara niko gutangira gutuka Griezmann, ari Grizou nako nawe yamusubizaga> Bombi bakomeje gutukana kugeza ubwo Lenglet yabakijije.

     

    Like this:

    Like Loading…

    Source : https://yegob.rw/griezmann-na-pique-batukaniye-mu-kibuga-ibitutsi-biteye-isoni-ubwo-batsindwaga-na-psg/

  • Inteko y'u Rwanda yamaganye ibyo Inteko Ishinga Amategeko ya EU ivuga kuri Paul RUSESABAGINA #rwanda #RwOT

    Inteko y'u Rwanda mu ngingo 11 yasabye ko uyu mwanzuro uvaho kuko udahuje n'ukuri,yerekana ko Inteko y'Ubumwe bw'Uburayi yirengagije amategeko y'u Rwanda, Mpuzamahanga n'amasezerano anyuranye u Rwanda rwasinye, ndetse umwanzuro wafashwe ku Rwanda ukaba urimo kubogamira kuri Rusesabagina kuko afite ubwenegihugu bwa kimwe mu bihugu by'Uburayi, ukaba kandi winjira mu mikorere y'Ubutabera.

    Ni Umwanzuro ukubiyemo ingingo zitandukanye zerekana ko ibyakozwe n'Inteko ya EU bidakwiye. Inteko y'u Rwanda kandi yanzuye ko ibikubiye muri uyu mwanzuro bishyikirizwa Inzego zitandukanye ku Mugabane w'u Burayi zirimo n'Inama y'Abakuru b'Ibihugu bw'Ubumwe bw'u Burayi.

    Ibikubiye muri uyu mwanzuro

    Inteko Ishinga Amategeko y'u Rwanda,

    A. IMAZE KUBONA umwanzuro (2021/2543(RSP) Inteko Ishinga Amategeko y'Ubumwe bw'Uburayi yafashe ku Rwanda ku bijyanye na Paul RUSESABAGINA ku wa 11 Gashyantare 2021 usaba Perezida w'iyo Nteko kuwoherereza Inteko Ishinga Amategeko y'u Rwanda n'izindi nzego zo mu Karere no ku rwego mpuzamahanga;

    B. ISHINGIYE ko Paul RUSESABAGINA n'abareganwa nawe makumyabiri (20), bose bakaba bafite ubwenegihugu nyarwanda, bakurikiranywe n'ubutabera ku byaha byakozwe mu bitero binyuranye imitwe yabo yitwaje intwaro ikekwa kuba yaragabye mu gice cy'Amajyepfo ashyira Uburengerazuba bw'u Rwanda hagati ya Kamena n'Ukuboza 2018 bigahitana abasivili icyenda (9) bikanakomeretsa bikomeye abandi baturage ndetse bikanabasigira ubumuga, bikanangiza imitungo myinshi;

    C. ISHINGIYE ko Paul RUSESABAGINA avugwa kuba yarigambye, mu izina ry'umutwe we witwaje intwaro yari ayoboye kugira uruhare muri ibyo bitero mu kwezi k'Ukuboza 2018 nk'uko bigaragara mu gika G cy'umwanzuro w'Inteko Ishinga Amategeko y'Ubumwe bw'Uburayi, kandi akaba yaravuze kenshi ku mugaragaro ko intego y'ibyo bitero kwari uguhirika ubutegetsi bw'u Rwanda;

    D. IMAZE KUBONA ko amategeko y'u Rwanda n'Amategeko Mpuzamahanga ateganya ihame ry'ubwigenge bw'ubucamanza n'uburenganzira ku butabera buboneye;

    E. ISHINGIYE ko umwanzuro w'Inteko Ishinga Amategeko y'Ubumwe bw'Uburayi ugamije gufata icyemezo bidasubirwaho ku kibazo cyamaze gushyikirizwa urukiko kandi iyo Nteko idafite ububasha bwo kuba yabikoraho iperereza ritabogamye ndetse ikaba mu by'ukuri itaranarikoze;

    F. IMAZE KUBONA ko kuba umwanzuro w'Inteko Ishinga Amategeko y'Ubumwe bw'Uburayi wiha uburenganzira bwo gutanga amabwiriza ku manza ziri mu nkiko kandi bitakorwa mu bihugu byabo;

    1 YAMAGANYE ibyo Inteko Ishinga Amategeko y'Ubumwe bw'Uburayi ivuga mu buryo buhabanye n'ukuri kandi budafite ishingiro ko ifatwa rya Paul RUSESABAGINA ari ukumurigisa cyangwa kumushyikiriza igihugu mu buryo bunyuranye n'amategeko;

    2 IHAKANYE ibyo Inteko Ishinga Amategeko y'Ubumwe bw'Uburayi ivuga ko ifatwa rya Paul RUSESABAGINA rinyuranyije n'amasezerano mpuzamahanga u Rwanda rwashyizeho umukono idafite ububasha bwo kubisuzuma ndetse uko bigaragara ikaba ntacyo yigeze ibisuzumaho, kuko Paul RUSESABAGINA wari usanzwe ashakishwa n'ubutabera bw'u Rwanda ku byakorewe ku butaka bw'u Rwanda kandi bikaba biri mu bubasha bw'inkiko z'u Rwanda.

    3 ISHINGIYE ko amategeko mpuzamahanga adasaba kohereza mu kindi gihugu ukekwaho ibyaha mu gihe hari ubundi buryo bwo kumufata bwemewe n'amategeko kandi ubwo ari uburyo busanzwe bukurikizwa mu mategeko hirya no hino ku isi;

    4 YAMAGANYE ibyo Inteko Ishinga Amategeko y'Ubumwe bw'Uburayi ivuga bidafite ishingiro ko Paul RUSESABAGINA atazahabwa ubutabera buboneye, kandi IRIBUTSA ko abakoze ibyaha binyuranye bashyikirijwe u Rwanda baturutse mu bihugu by'i Burayi n'ahandi hose bahawe ubutabera buboneye n'inkiko z'u Rwanda;

    5 YIBUKIJE ko Itegeko Nshinga rya Repubulika y'u Rwanda riha uburenganzira ku butabera buboneye kuri bose , kandi ikaba ISABA ko Guverinoma y'u Rwanda ikomeza gukurikirana ko ubwo burenganzira bwubahirizwa ndetse no ku bahohotewe;

    6 ITANGAJWE KANDI INABABAJWE no kubona ko Inteko Ishinga Amategeko y'Ubumwe bw'Uburayi ifata Paul RUSESABAGINA nk'impirimbanyi y'uburenganzira bwa Muntu mu gihe yiyemerera kandi yigamba ko umutwe we witwaje intwaro ari wo wagabye ibitero binyuranye muri 2018 byahitanye ubuzima bw'abasivili ariko ikaba itarabyamaganye. Uko guceceka igihe cy'ibyo bitero bigaragaza ko iyo Nteko yashyigikiye mu buryo buziguye ibyo bitero ari na byo bishobora gushishikariza uwo mutwe kugaba ibindi;

    7 IBABAJWE no kubona ko hari abumva ko kugira ubwenegihugu bwa kimwe mu bihugu by'i Burayi bibahesha uburenganzira buziguye bwo kudakurikiranwa n'inkiko zo mu Rwanda cyangwa muri Afurika;

    8 ISANGA kuba Inteko Ishinga Amategeko y'Ubumwe bw'Uburayi yarafashe umwanzuro udafite aho ushingiye ndetse no kuba yaranzuye idashingiye ku kuri ibyerekeye uburenganzira bwa Muntu mu Rwanda bibangamiye ibiganiro byo mu rwego rwa politiki ku burenganzira bwa Muntu biteganywa n'Ingingo ya 8 y'Amasezerano ya Cotonou, byari byaragiye bigenda neza kuva muri 2004, ikaba ISABA iyo Nteko guha imbaraga ibiteganywa n'ingingo ya 8;

    9 ISANGA ibyatangajwe mu biganiro na Komiseri w'Ubumwe bw'Uburayi, Nicolas SCHMIDT, bigaragaza ubufatanye bwiza buri hagati y'abayobozi b'u Rwanda n'ab'Uburayi ku byerekeye Paul RUSESABAGINA, haba ibyerekeye guhabwa serivisi za ambasade, kwivuza, guhabwa ubwunganizi mu nkiko, bikanerekana icyizere cy'Inteko Ishinga Amategeko y'Ubumwe bw'Uburayi ko azahabwa ubutabera buboneye, ikaba IBABAJWE no kuba iyo Nteko mu mwanzuro wayo itaritaye kuri ayo makuru;

    10 YANZUYE ko umwanzuro w'Inteko Ishinga Amategeko y'Ubumwe bw'Uburayi ugamije gutegeka mu buryo butari bwo imigendekere y'imirimo ubutabera bwatangiye, kandi IHAMAGARIYE iyo Nteko gukuraho umwanzuro wayo kuko ihame ry'ubwigenge bw'ubucamanza ari ntavogerwa ndetse inzego z'ubutegetsi bwa Leta zitandukanye kandi buri rwego rwigenga;

    11 IRIBUTSA ubushake ifite mu gushyigikira umubano ushingiye ku bwubahane usanzwe urangwa hagati yayo n'Inteko Ishinga Amategeko y'Ubumwe bw'Uburayi,

    12 YANZUYE ko uyu mwanzuro ushyikirizwa Inama y'Abakuru b'Ibihugu by'Ubumwe bw'Uburayi; Komisiyo y'Ibihugu by'Ubumwe bw'Uburayi; Visi Perezida wa Komisiyo y'Ibihugu by'Ubumwe bw'Uburayi/Intumwa Nkuru y'Ibihugu by'Ubumwe bw'Uburayi ishinzwe Ububanyi n'Amahanga n'ibirebana na politiki mu by'umutekano; Ibihugu by'Ubumwe bw'Uburayi; Intumwa yihariye y'Ibihugu by'Ubumwe bw'Uburayi ishinzwe uburenganzira bwa muntu; Umunyamabanga Mukuru w'Umuryango w'Abibumbye; Umuyobozi Mukuru w'Ishami ry'Umuryango w'Abibumbye rishinzwe uburenganzira bwa muntu; inzego z'Umuryango w'Afurika Yunze Ubumwe.

    Source : http://umuryango.rw/amakuru/mu-rwanda/politiki/article/inteko-y-u-rwanda-yamaganye-ibyo-inteko-ishinga-amategeko-ya-eu-ivuga-kuri-paul

  • Watch UEFA Europa League on StarTimes #rwanda #RwOT

    Source : http://umuryango.rw/inkuru-z-amamaza/article/watch-uefa-europa-league-on-startimes

  • Icukumbura ku mwana wakatiwe imyaka 15 azira gufata ku ngufu no kwica abagore babiri i Rusizi – #rwanda #RwOT

    Ibyo byaha uwo mwana yabikoze mu bihe bitandukanye. Ku itariki ya 06 Mutarama 2020 saa tanu n'igice z'amanywa umurambo w'umugore wabonetse mu gashyamba mu Mudugudu wa Nyagatare, Akagari ka Shagasha mu murenge wa Gihundwe ndetse no ku wa 12 Mutarama 2020 haboneka undi murambo w'umugore mu gashyamba k'inturusu kari mu mudugudu wa Isha, Akagari ka Kamashangi, Umurenge wa Giheke, hafi y'ahabonetse uwa mbere, kandi bombi bagaragaza ko basambanyijwe. Uregwa yaraketswe, atangira no gukorwaho iperereza.

    Ku wa 16 Gashyantare 2020 uyu mwana yaje gufatirwa hafi y'aho iyo mirambo yabonetse ari gukurubana undi mugore yamutuye hasi ashaka kumujyana mu ishyamba ateshwa n'abagenzi bari mu modoka batambukaga mu muhanda.

    N'ubwo N.D yaranzwe no guhindura imvugo no kwivuguruza mu nzego z'iperereza no mu rukiko, ibizamini bya ADN byagaragaje ko yasambanjije umwe muri ba nyakwigendera mbere yo kumwica.

    Ku wa 10 Gashyantare Urukiko rwanzuye ko uregwa ahamwe n'icyaha cyo gukoresha undi imibonano mpuzabitsina ku gahato n'icyaha cy'ubwicanyi buturutse bushake maze ahanishwa igihano cy'igifungo cy'imyaka 15.

    Umuryango ntuzi uwawiciye

    Umugabo w'umwe mu bagore bishwe, Ndayambaje Evariste yavuze ko amakuru y'uko uwamuhemukiye yakatiwe atari ayazi kuko atigeze amumenya ndetse atigeze anamenya igihe yaburaniye.

    Ati 'Ntabwo twabimenye, navuganye na RIB batubwira ko bakiri mu iperereza ariko batubwiye ko yafashwe kugeza na n'ubu ntabyo twari tuzi, ni wowe mbyumvanye, Ntabwo twamenye amazina. Icyo dushaka nuko twamenya uko yaburanye kuko hari abana batatu bagiye bavuga ko bafite ubwoba ko nabo bazakwicwa nka nyina.'

    Ndayambaje yavuze ko igihano uwo wabahemukiye yahawe ari gito, byongeye bakaba bashaka indishyi kuko umufasha we yamusigiye abana bato.

    Yagize ati 'Yadusiye abana b'impinja. Twebwe twumvaga yakatirwa burundu. Ntacyo twungutse twebwe twumva twasubiza urubanza inyuma kuko dukeneye n'indishyi z'akababaro.'

    Umwe mu banyamategeko wanakurikiranye uru rubanza yabwiye IGIHE ko kuba abo mu miryango yahemukiwe bataramenyeshejwe iburanishwa, hari amategeko abyemera.

    Yavuze ko kuba uwo mwana yarahawe igihano gito, bishingira ku mpamvu zitandukanye zirimo no kuba ataruzuza imyaka y'ubukure, icyakora ngo imiryango yiciwe ifite uburenganzira bwo kujurira.

    Ati 'Ntabwo ari ngombwa ko batumirwa mu rubanza mu gihe ubuhamya batanze bwakoreshejwe cyeretse urukiko rwongeye kubakenera. Bashobora kuregera indishyi nyuma y'uko umwanzuro w'urukiko ubaye itegeko.'

    IGIHE yabashije kubona kopi y'umwanzuro w'urubanzwa aho umwana wiswe ND yakatiwe imyaka 15. Iyo kopi igaragaza ko uyu mwana avuka mu kagari ka Burunga Murenge wa Gihundwe akarere ka Rusuzi. Umwaka ushize yari yarakatiwe igihano gisubitse cyo gufungwa umwaka umwe biturutse ku cyaha cy'ubujura. Yigaga mu mashuri abanza.

    Source : http://igihe.com/amakuru/u-rwanda/article/icukumbura-ku-mwana-wakatiwe-imyaka-15-azira-gufata-ku-ngufu-no-kwica-abagore

  • Polisi yataye muri yombi abagabo 2 bagaragaye bakurura ikibumbano cya Perezida Museveni mu mujyi rwagati[AMAFOTO] #rwanda #RwOT

    Aba bagabo babiri umwe witwa Luta Ferdinand na mugenzi we, Nsereko Asharf batawe muri yombi ku wa 15 Gashyantare 2021. Biregura imbere ya Polisi ya Uganda bavuze ko ari impirimbanyi zishaka impinduka mu mibereho y'Abanya-Uganda.

    Bavuze ko Museveni yagaragaje uburiganya mu matora y'umukuru w'igihugu yabaye ku wa 14 Mutarama 2021.

    Umuvugizi wa Polisi muri Kampala yabwiye BBC ko aba bagabo batawe muri yombi, kuri ubu bakaba bari gukorerwa dosiye kugira ngo bashyikirizwe ubutabera.

    Kuva Museveni yatorerwa kongera kuyobora Uganda bamwe mu baturage b'iki gihugu biganjemo urubyiruko bakomeje kugaragaza ko batabyishimiye cyane ko abenshi muri bo bari bashyigikiye Robert Kyagulanyi uzwi nka Bobi Wine na we ukomeje kuburana agaragaza ko yibwe mu matora.


    Source : http://umuryango.rw/amakuru/mu-mahanga/article/polisi-yataye-muri-yombi-abagabo-2-bagaragaye-bakurura-ikibumbano-cya-perezida