Webrwanda Backend

Author: webrwanda

  • Avoka wa Kabuga Félicien yikuye mu rubanza –

    Kabuga afatwa nk’uwabaye umuterankunga ukomeye wa Jenoside, ashinjwa ko mu Ugushyingo 1993 sosiyete ye yinjije mu gihugu toni 25 z’imihoro ivuye mu Bushinwa, nyuma muri Werurwe 1994 agura indi mihoro ibihumbi 50. Ni intwaro zakoreshejwe mu kwica abatutsi muri Jenoside.

    Nyuma y’igihe kinini ashakishwa, muri Gicurasi 2020 nibwo Kabuga yatawe muri yombi n’inzego z’umutekano z’u Bufaransa. Akurikiranyweho ibyaha birindwi birimo icyaha cya Jenoside, ubufatanyacyaha mu cyaha cya Jenoside, gukangurira abantu gukora Jenoside, ubwinjiracyaha bwa Jenoside n’ibindi bifitanye isano na Jenoside yakorewe Abatutsi mu 1994.

    Kuva yatabwa muri yombi, yunganirwaga mu buryo bw’amategeko n’Umufaransa, Emmanuel Altit gusa Jeune Afrique yatangaje ko uyu mugabo yatangiye kuzuza ibisabwa kugira ngo yikure mu rubanza.

    Ntihigeze hatangazwa impamvu Altit yahisemo kwikura muri uru rubanza, gusa ibi bivuze ko Kabuga agomba gushaka abagomba kumwunganira bashya.

    Altit yaherukaga kunganira Kabuga mu Ugushyingo 2020, ubwo yagaragaraga bwa mbere mu Rukiko rw’i La Haye ari nacyo gihe aheruka kuburanira.

    Emmanuel Altit yamaze kwikura mu rubanza rwa Felcien Kabuga

  • Kimihurura: Umusaza yiyahuriye mu rugo rw'umukwe we – #rwanda #RwOT

    Mu rukerera rwo kuri uyu wa Mbere tariki ya 22 Gashyantare 2021, nibwo umurambo w'uyu musaza wagaragaye mu giti cy'ipera kiri mu rugo rw'umukwe we mu Kagari ka Kamukina.

    Abaturage bo muri aka gace babwiye IGIHE ko batunguwe n'urupfu rw'uyu musaza cyane ko nta makimbirane yagiranaga n'umukwe we cyangwa umwana we.

    Ushinzwe irangamimerere mu Murenge wa Kimihurura, Muhongerwa Olive, yabwiye IGIHE ko aya makuru bayamenye mu gitondo ndetse ko uyu musaza yari amaze imyaka ine acumbitse ku mukwe we.

    Ati 'Nibyo uwo murambo wagaragaye bujya gucya mu rukerera. Ni umusaza wari ucumbitse ku mukwe we aho yari ameze imyaka ine.'

    Yongeyeho ko pasiporo y'uyu musaza yagaragaye hafi y'umurambo we.

    Umurambo wa nyakwigendera wajyanywe mu bitaro bya Kacyiru kugira ngo ukorerwe isuzuma.

    Source : http://igihe.com/amakuru/u-rwanda/article/kimihurura-umusaza-yiyahuriye-mu-rugo-rw-umukwe-we

  • Bamwe mu banyamakuru b’imikino ba Radio 10 basezeye muri AJSPOR nyuma y’ubwumvikane buke #rwanda #RwOT

    Nyuma y’uko ishyirahamwe ry’abanyamakuru b’imikino mu Rwanda 'AJSPOR’ risohoye itangazo ryitandukanya n’imikorere y’abanyamakuru b’imikino ba Radio 10 bise iyitari iya kinyamwuga, abanyamakuru batunzwe agatoki n’abo bavuze ko bitandukanyije naryo barisezeramo.

    Kuri uyu wa Mbere tariki ya 22 Gashyantare 2021, AJSPOR yasohoye itangazo ivuga ko yitandukanyije n’imyitwarire itari iya kinyamwuga yaranze abanyamakuru ba Radio 10 b’imikino.

    AJSPOR yavuze ko yafashe uyu mwanzuro ishingiye ku nama yabaye ku wa 12 Ugushyingo 2020, yahuje inzego zitandukanye zifite aho zihuriye n’itangazamakuru rya siporo zirimo Minisports, RGB, OGS, RURA, MHC na RMC.

    Abitabiriye iyi nama banenze imikorere y’itangazamakuru rya Siporo mu Rwanda ahanini bishingiye ku mvugo bakoresha.

    Muri iyi baruwa ya AJPSOR ivuga ko ibyagarutsweho cyane ari ibyavuzwe n’ikinyamakuru cya Radio 10 ndetse bikaba byaragize ingaruka kuri umwe mu bakinnyi bagombaga kwitabira ubutumire bw’ikipe y’iguhugu ntaze(Kevin Monnet Paquet).

    Iyi baruwa kandi yagarutse ku nama y’ Urwego rw’abanyamakuru bigenzura (RMC) rwagiranye n’abanyamakuru ba siporo ku wa 3 Ukuboza 2020, aho bagaragaje amakosa y’umwuga arimo kubogama cyane, kudatandukanya ibimenyetso n’ibitekerezo by’umunyamakuru byagiye bikorwa na Radio 10.

    AJSPOR ishingiye kuri ibyo byose n’amategeko agenga umwuga w’itangazamakuru yavuze ko yasanze abanyamakuru barimo Kazungu Claver, Kalisa Bruno Taifa, Sam Karenze na Biganiro Antha barakoze amakosa bityo ko bitandukanyije nabo.

    Bagize bati' Dusanze hari amakosa mu mwuga menshi yakozwe n’abanyamakuru ba Radio 10: Karenzi Samuel (umunyamuryango wa AJSPOR), Kalisa Bruno (umunyamuryango wa AJSPOR), Kazungu Claver (utari umunyamuryango wa AJSPOR) na Biganiro Antha (utari umunyamuryango wa AJSPOR) bihabanye n’amahame y’umwuga w’itangazamakuru mu Rwanda ndetse n’intego za AJSPOR by’umwihariko;'

    'Ku bw’iyo mpamvu, AJSPOR yitandukanyije n’imikorere idakurikiza amahame y’umwuga iranga aba banyamakuru kuko idahesha ishema AJSPOR ndetse AJSPOR ikibutsa ko iyi mikorere itagombye kuyitirirwa.'

    Mu kiganiro cy’imikino cyo kuri Radio 10 cy’uyu munsi cyizwi nk’Urukiko rw’Imikino, Sam Karenzi na we yavuze ko we na bagenzi be bitandukanyije n’imikorere ya AJSPOR ndetse atakiri umunyamuryango wayo, ibintu byaje gushimangirwa na Kalisa Bruno Taifa na we wavuze ko atakiri umunyamuryango.

    Sam Yagize ati' Njyewe ndi umunyamakuru wa siporo, guhera uyu munsi si ndi umunyamuryango wa AJSPOR. Icya kabiri, ndagira ngo mbwire ASPOR, Abanyarwanda bose bumva, mu izina ry’uhagarariye ishami ry’imikino kuri Radio 10, twitandukanyije na AJSPOR ku mugaragaro n’imikorere idahwitse ya ASPOR, n’urwango n’ishyari biri muri AJSPOR(…) ndaza no kubandikira ibaruwa mbamenysha ko ntakiri umunyamuryango nasezeye.'

    Sam kandi yongeye kugaruka ku ngingo AJSPOR yashyize mu ibaruwa ivuga ko abaturage bandikiye RMC barega Radio 10, yavuze ko bakwiye kureka kubeshya abanyarwanda bagasobanura abo baturage abo ari bo kuko umuntu ashobora kubyumva akagira ngo ni benshi kandi batarenze babiri ari bo; Ntalindwa Theodore wari visi perezioda wa Kiyovu Sports na Munyakazi Sadate wabaye perezida wa Rayon Sports.

    Ikipe y’abanyamakuru ba Siporo ya Radio 10 yatunzwe agatoki, Horaho Axel(ubanza ibumoso), Kazungu Claver(uwa kabiri ibumoso), Kalisa Bruno Taifa(uwa kabiri iburyo) na Sam Karenzi(ubanza iburyo)

    Taifa(ibumoso) na Karenzi (iburyo), bavuze ko nabo bitandukanyije na AJSPOR ndetse bayisezeramo

    Source : http://isimbi.rw/siporo/article/bamwe-mu-banyamakuru-b-imikino-ba-radio-10-basezeye-muri-ajspor-nyuma-y-ubwumvikane-buke

  • Inzu nziza cyane i Kanombe igurishwa ku giciro cyiza #rwanda #RwOT

    Iyi ni inzu nziza igurishwa kuri miliyoni mirongo itandatu (60.000.000 Frw) ikaba iri Kanombe kuri kaburimbo. Ni inzu ifite ibyumba bine, toilettes eshatu na cuisines nziza kandi yubakishije amatafari ahiye.
    Uyishaka cyangwa ukeneye ibindi bisobanuro wahanagara 0788328340.

    Source : http://www.ukwezi.rw/gura/article/Inzu-nziza-cyane-Kicukiro-irimo-byose-irakodeshwa-kuri-macye

  • Imirimo yo kubaka ibyumba bishya by’amashuri igeze kuri 92% –

    Muri Kamena umwaka ushize hirya no hino mu gihugu hatangijwe iyubakwa ry’ibyumba by’amashuri 22 505 n’ubwiherero 31 932, bigamije gufasha kugabanya ubucucike mu mashuri n’ingendo ndende zikorwa n’abanyeshuri hamwe na hamwe.

    Ibi byumba by’amashuri byari bikenewe cyane kuko abanyeshuri bagomba kwiga bahanye intera mu kwirinda ikwirakwira rya Covid-19, ndetse n’abatangira mu wa mbere bakabona aho bigira kuko bari gusangamo bagenzi babo batasoje umwaka w’amashuri kubera iki cyorezo.

    Imirimo yo kubakisha ibi byumba by’amashuri yarihutishijwe ku bufatanye bwa Minisiteri y’Uburezi, ibigo by’amashuri ndetse n’ababyeyi muri rusange.

    Mu gihe hitegurwa ko abanyeshuri bo mu Mujyi wa Kigali basubukura amasomo yabo nyuma y’igihe gisaga ukwezi batiga kubera Covid-19, Misitiri w’Uburezi yabwiye Radio Rwanda ko imirimo yo kubaka aya mashuri igeze kuri 92%, ko habayeho gutinda kubera ibikoresho bitabonekeraga igihe.

    Ati “Biri ku gipimo kigeze kuri 92% cy’ibyumba byari bikenewe, hari aho wasangaga ibyumba byaruzuye ariko nta birahure birajyamo cyangwa ugasanga nta ntebe zihari, abacuruzi bagiye bazamura ibiciro bigatuma amafaranga yagenwe arenga ariko ubu byose byahawe umurongo.”

    Yakomeje avuga ko amashuri ataruzura ari ayubatswe mu buryo bugeretse kuko hari aho amafaranga yagiye yiyongera bigatuma bategereza ingengo y’imari y’umwaka utaha.

    Ati “Amashuri ataruzura ni ariya ageretse kuko ntabwo yubakwa kimwe n’andi, kuko hari aho twagiye tugera ubushobozi bwateganyijwe ntabe aribwo bukoreshwa.”

    “Nko Mujyi wa Kigali hari aho twateganyaga kugereka rimwe ntibikunde kubera umubare w’abana, tukemeza ko tuzagereka gatatu kugira ngo abana bari muri ako gace bahakwirwe, ibi byafashe no mu ngengo y’imari y’undi mwaka kuko aya mafaranga ntiyari kuzayuzuza.”

    Inama y’Abaminisiteri yateranye ku wa 19 Gashyantare yemeje ko amashuri yose yo mu Mujyi wa Kigali azasubukura amasomo ku wa 23 Gashyantare.

    Imirimo yo kubaka ibyumba by’amashuri bishya igeze kuri 92%

  • RIB yataye muri yombi ukekwaho kwica umuntu akanamwiba –

    RIB yatangaje ko icyo cyaha cyabaye tariki 11 Gashyantare 2021. Iperereza rirakomeje kugira ngo hakorwe dosiye ishyikirizwe Ubushinjacyaha.

    Ingingo ya 107 mu gitabo cy’amategeko ahana ibyaha mu Rwanda ivuga ko umuntu wica undi abishaka, aba akoze icyaha. Iyo abihamijwe n’urukiko, ahanishwa igihano cy’igifungo cya burundu.

    Ingingo ya 166 ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe ariko kitarenze imyaka ibiri ,ihazabu y’amafaranga y’u Rwanda atari munsi ya miliyoni imwe ariko atarenze miliyoni ebyiri , imirimo y’inyungu rusange mu gihe cy’amezi atandatu cyangwa kimwe gusa muri ibyo bihano.

    Inkuru irambuye ni mukanya…

    Ukekwa ubwo yerekwaga itangazamakuru kuri uyu wa Mbere

  • Mbese ubasha kumva by’ukuri? #rwanda #RwOT

    Dore kwizera guheshwa no kumva, no kumva kukazanwa n’ijambo rya Kristo.Muri iyi minsi nasanze kwizera ari cyo kintu kigoye abakristo kandi buri wese agikeneye. Mubyukuri hari ibica mu matwi yacu ariko ntibisobanuye kuba twabuyumvise, ni yo mpamvu ukwiye guharanira kuba umwe mu bakristo bumva

    Hari ibintu bibiri tugiye kwibandaho mu bijyanye no kumva kugira ngo turusheho gusobanukirwa:

    1. Ibitunyura mu matwi byose ntituba twabyumvise.

    Prezida Franklin D. Roosevelt wahoraga yakira abashyitsi mu Ngoro y’Igihugu (White House) ngo umunsi umwe yibajije impamvu abantu bose asuhuza baseka. Anibaza niba abantu bose bamusuhuza baseka baba basekejwe n’ibyo yavuze. Umugoroba umwe mu muhango yarafite wo kwakira abantu ahitamo gusuzuma abumva ibyo avuga abasuhuza.

    Noneho aho kubasuhuza bisanzwe ngo akavuga amagambo agira ati 'Muri iki gitondo nishe nyogokuru' (I murdered my grandmother this morning).

    Uwamugeragaho wese yamubwiraga iryo jambo aho kumusuhuza. Yatangajwe no kumva abamusuhuzaga hafi ya bose bamusubiza ibitandukanye.

    Bamwe bati ' mwiriwe namwe nyakubahwa', 'mbega byiza', 'komerezaho turishimye', 'uri gukora umurimo mwiza', 'yego tukwitezeho byinshi'….kugeza igihe ngo yasuhuje umu 'diplomate' w’umunyamahanga noneho amubwiye ya magambo we amusubiza ati 'Nizere ko ari we wizize'. Ibi bitwereka ko ababwirwa bose atariko bumva.

    Nk’umuvugabutumwa, maze kugenzura ko abumva ijambo ry’Imana ari bake n’ubwo rivugwa bahari. Namenye y’uko abantu badafite gusa ikibazo cyo kwizera ahubwo bafite cyane icyo kumva Ijambo bizera.

    Byatumye ngera kuri iri hame rya kabiri rigira riti:

    2. Amatwi yahawe bose ariko kumva n’impano ifite abantu bake.

    Yesu yahoraga yigisha mu migani. Bamwe mu bamwumvaga ntibibashimishe kubera ko yabasigaga mu migani aho kubabwira neza ibyo bashobora kumva byoroshye. Impamvu yabyo ni uko batabaga baje kumva ibyo avuga ahubwo babaga bazanye ibyo bashaka kumva.

    Na nubu nasanze abantu benshi batumva ibyavuzwe ahubwo bumva ibyo bazanye mu matwi!

    Umunsi umwe abigishwa baramwegera bati dusobanurire impamvu uvuga mu migani. Niko kubabwira ati: 'Kumva muzumva, ariko ntimuzabisobanukirwa (…) (Mat. 13:14-15).

    Incuro nyinshi Bibiliya igaruka ku ijambo ngo 'Ufite amatwi niyumve'. Haranira kuba mu bumva!

    src: amasezerano.com

    [email protected]

    Source : https://agakiza.org/Mbese-ubasha-kumva-by-ukuri.html

  • Iyica rubozo ryakorewe Agnes KABARENZI umugore rukumbi wicankwe n’abanyapolitiki #rwanda #RwOT

    Coup d’Etat yabaye Agnes KABARENZI ari umukobwa w’inkumi, ufite imyaka makumyabiri n’ine. Yavukiye Imuyunzwe, mu cyahoze ari komine Masango, muri prefegitura ya Gitarama. Ababyeyi be bari Languida MUBILIGI, na Anaclet SEBUSIRIRA. Uyu SEBUSIRIRA akaba yari na burugumesitiri wa komine Masango.

    Agnes KABARENZI yavukiye mu umuryango w’abana icyenda, abahungu batanu n’abakobwa bane, amashuri ye yayize, Muyunzwe akomeza segonderi muri Byimana i Gitarama akomereza muri Lyce Notre Dame de citeau, i Kigali, aza kurangiriza i Karubanda muri Sosiyale (Social).
    Imfura yari GAKIRE wahoz ari umunyamabanga mukuru muri ministeri y’ububanye n’amahanga, n’ubutwererane naho KABARENZI yari umwana wa kane. GAKIRE, uyu akaba ari mu bishwe mbere. KABARENZI yakuze nkabandi bana, ntakintu abuze dore ko na ise yari burugumesitiri wa komine Masango.

    Agnes KABARENZI, yakuze ari umukobwa w’intangarugero nk’uko abakuranye nawe bagiye babitangaza.
    Immaculata MUKAMUGEMA yagize ati:'Agnes uko mwibuka, nziko yari umukobwa witondaga cyane, utarakundaga kuvuga, warufite imico nk’iya nyina, ariwe mama wo mu batisimu, wakundaga guceceka cyane, utarakundaga kuvuga no gusamara, akaba yari umuntu wari umukobwa uvugira k’umutima, utanavuga cyane. Akaba ikintu cyamurangaga cyane twamubonagaho kandi cyamutandukanyaga n’abandi, yari umuntu wicisha bugufi cyane ariko ibintu byose abonye byose ntabivuge'

    Michael SHUMBUSHO, ni umuhungu wa KANANI Aminadabu wafunzwe nyuma ya coup d’Etat, nawe waguye muri gereza ya Ruhengeri (KANANI). Michael SHUMBUSHO nawe yafunganwe na nyina, ahurira na Agnes KABARENZI muri gereza umwe afite amezi abiri, undi afite imyaka makumyabiri n’ine, yamubwiwe neza kuko yamurereye muri gereza n’ubwo KABARENZI yaravukijwe amahirwe yo kurera uwo yibarutse kuko we, yabyaye umwana bagahita bamutwara akajya kurererwa ukubiri na nyina wamubyaye, ibi ababyeyi babyaye bakaba bumva neza cyane uburibwe buri mu kuvutswa konsa umwana.
    Michael SHUMBUSHO yagize ati: 'Nabwiwe ko yari umuntu uri calme wakundaga gusenga cyane, yagiraga ishapure agakunda kuvuga ndakuramutsa Mariya.'

    Mu ukwezi kwa karindwi nyuma ya coup d’Etat, Agnes KABARENZI yakoraga mu ibitaro bya Kigali. Ntiyigeze akora muri ministeri y’ububanyi n’amahanga cyangwa se muri presidence nkuko bamwe babitekerezaga bashakisha icyo yazize, nta ikigaragara kuko yari umukozi usanzwe ugitangira akazi. Nubwo bwose rero yari atwite, yarafashwe arafungwa, afunganwa n’undi mukobwa rudori Anne Marie NIKUZE, ariko we yaje gufungurwa. Agnes KABARENZI yafungiwe muri gereza ya Kigali kugeza yibarutse imfura ye ku itariki ya cumi n’icyenda z’ukwezi kwa mbere, umwaka w’igihumbi kimwe maganacyenda na mirongwirindwi n’ine. umuntu wabonye Agnes KABARENZI ajyanywe mu ibitaro by’ababyeyi bategereje ko abyara, yambaye imyenda y’umukara. Uwo muntu niwe watumye kuri mukuru we nyakwigendera Cecile KAMUKUNZI NYIRIBAKWE, amubwira ko murumuna we agiye kwibaruka umwana. Mukuru we nubwo bwose yari afungiye muri komini, yakoresheje amayeri agenda nta uruhushya, yitabaza inshuti yitwa Anastasiya NYIRAHABIMANA wari ufite imodoka ya VoksVagen yumweru. Niwe bajyanye i Kigali maze bagerageza kugera kuri HABIMANA Bonaventure wari ministre w’ubutabera, baramutakambira, abajyana kwa major Theoneste RIZINDE wayoboraga ibiro bishinzwe iperereza. Bagezeyo yahise ababwira ko bishe amategeko, ko batagombaga kuva muri komine, ubwo yavugaga madame NYIRIBAKWE warufungiye muri Komini, ariko ministre HABIMANA Bonaventure yinginga RIZINDE kugeza yemeye kubaha uruhushya rwo kujya muri gereza gufata umwana. Bagiye muri gereza ya Kigali, Agnes KABARENZI abahereza imfura ye, ababwira ko yitwa UWIMANA barayitahana.
    Mu ukwezi kwa kabiri, umwaka w’igihumbi kimwe maganacyenda na mirongwirindwi n’ine nibwo Agnes KABARENZI yavanwe muri gereza ya Kigali, ajyanwa muri gereza ya Ruhengeri, afunganwa n’abanyapolitiki atari umunyapolitiki, afunganwa n’abagabo atari umugabo.

    Agnes, yari afunganwe n’umucuruzi KANANI Aminadabu n’umugore we Poline we warufite uruhinja rw’amezi abiri gusa.
    Mu umwaka w’igihumbi kimwe Magana cyenda na mirongwirindwi n’irindwi (1977), abayobozi ba gereza ya Ruhengeri bafashe icyemezo cyo kwicisha imfungwa inzara, bikavugwako imbarutso yabaye ko bari banze kurya kugira ngo bagaragaze ko batishimiye indyo mbi bahabwaga, noneho bihumira ku mirari. Wa mutsima umeze nk’ibuye barawubura, byabishyimbo birimo umunyu w’igisoryo barabibura, na cya gikoma kiba ingume.

    Yustin MUGENZI, wabaye na ministre mu Rwanda yari ahari ubwo izo mfungwa zicishwaga inzara, yagize icyo atangaza ku minsi yanyuma ya Agnes KABARENZI , 'Nko k’umunsi wa cumi, cyangwa cumi n’ibiri, nibwo baje kuza basanga munsi y’urugi hari amaraso. Ubwo baraje kugira ngo barebe ibyari byo, ubwo hari kuri serire (kasho) yuwitwa MIVUMBI Damiyani basanga, sinzi aho yavanye akembe (urwembe), basanga yarikase umuhogo, cyangwa umutsi wo ku ijosi, hanyuma aratembagana. Uwo rero, uwo aratambutse, haca igihe nta wundi, nta iyindi serire bakinguye, de temps en temps cyokora SEMBAGARE yarazaga agakingura, akarunguruka akareba uko umuntu ameze, ntakumuvugisha, yasanga yarapfuye agakingura akazana umunyururu, uzanye ibyo guteruza bakabitunganya agashyira ku ingorofani akajyana. Abandi, uwapfuye mbere, yapfuye k’umunsi wa mirongwitatu n’umwe (31) ndetse abanda bapfa hagati y’iminsi 31 na 44 nibwo bose bapfuye hasigara Agnes KABARENZI, wapfuye ku munsi wa 52 atarya atanywa.'

    Mu minsi ya nyuma ya Agnes KABARENZI, yifuje amazi yo kubobeza umuhogo, maze atakambira SEMBAGARE wari umuyobozi mukuru muri perezidansi akaba n’umwe muncurabwenge zo kwica rubozo inzirakarengane nka Agnes KABARENZI, igisubizo cyabaye kumurenza ingohe.

    Abanyarwanda bakwiye kumenya ko ubuhemu n’ubugome ndengakamere byaranze bamwe mubari abayobozi b’igihugu cy’uRwanda, ubu byaciwe himakazwa ubumwe n’Ubwiyunge.

    Turandure ikibi twimike Ndi Umunyarwanda

    Nelly

    Source : https://www.imirasire.rw/?Iyica-rubozo-ryakorewe-Agnes-KABARENZI-umugore-rukumbi-wicankwe-n

  • Igisubizo cya Mineduc ku kibazo cy’abanyeshuri biga nijoro bakigongwa n’ingamba zo kwirinda Covid-19 –

    Kuwa 23 Gashyantare nibwo amashuri yo muri Kigali ari bwongere gusubukura imirimo yo kwigisha, nyuma y’aho ku wa 17 Mutarama Minisiteri y’Uburezi yafashe icyemezo cyo kuba iyafunze kubera ubwiyongere bukabije bw’abanduye COVID-19 bwari bukomeje kugaragara.

    Nubwo amashuri agiye kongera gufungura ariko hari zimwe mu ngamba zo kwirinda COVID-19 zikiriho kandi zigaragara nk’izishobora kubangamira abanyeshuri cyane cyane abo muri kaminuza.

    Urugero ni amabwiriza avuga ko isaha ntarengwa yo kugera mu rugo ari saa Mbiri z’ijoro, mu gihe hari abanyeshuri bo muri kaminuza bigaga ijoro bakaba bageza na Saa Yine.

    Ikindi kigaragara nk’igishobora kubangamira aba banyeshuri ni ukuba ingendo zihuza Umujyi wa Kigali n’intara zigifunze, mu gihe hari abanyeshuri biga kaminuza muri Kigali ariko baturutse mu ntara kimwe n’abatuye muri Kigali ariko biga mu ntara.

    Mu kiganiro Minisitiri w’Uburezi, Dr Uwamariya Valentine, yagiranye na RBA yavuze ko ibi bibazo byose babizi ariko yemeza ko abanyeshuri bafite imodoka zabo bashobora gusobanurira inzego zibishinzwe zikabareka bagatambuka.

    Minisitiri Uwamariya yasabye abadafite imodoka zabo kwishyira hamwe bagashaka imodoka izajya ibatwara ubundi bakabisabira uruhushya.

    Ati “Aho bizakomerera abagenda mu modoka rusange kuko zo byaba ikibazo kuko nta nubwo aba ari benshi ku buryo bakuzura imodoka ariko iyo ari benshi bakwishyira hamwe bakaka uruhushya bakaruhabwa.”

    Ku bijyanye n’abiga n’ijoro, Minsitiri Uwamariya yavuze ko hazakomeza kubahirizwa gahunda kaminuza zari zarumvikanyeho n’Inama y’Amashuri makuru na kaminuza, HEC.

    Ati “Birumvikana ndetse si n’ubwa mbere bibaye na mbere y’uko dufunga amashuri yose ku itariki ya 18 hari abigaga nimugoroba icyo gihe HEC yakoranye inama n’abayobozi ba za kaminuza bumvikana amasaha abo banyeshuri bajya biga ntibarenze noneho bagakomeza muri Weekend.”

    Yakomeje avuga ko abiga n’ijoro ko batari buhagarike amasomo ko ariko batari bunemererwe kurenza isaha yashyizweho yo kuba abantu bageze mu ngo zabo. Ati “Ntabwo bari buhagarike ariko nta nubwo turi bwemere ko ya masaha yategenyijwe bayarenza.”

    Inama y’Abaminisitiri yateranye ku wa 19 Gashyantare, yiga ku buryo icyorezo cya COVID-19 gihagaze mu gihugu ni yo yafatiwemo umwanzuro wo kongera gufungura amashuri yo muri Kigali nyuma y’ukwezi kurenga yari amaze afunze.

    Minisitiri w’Uburezi, Dr Uwamariya Valentine yavuze ko hazarebwa uburyo abanyeshuri biga mu masaha y’ijoro bazakomeza amasomo yabo ariko batarenze ku isaha yo kuba abantu bose bageze mu ngo

  • TI Rwanda yasabiye ubufasha abakene n'abarya ari uko bakoze bahungabanyijwe na COVID-19 – #rwanda #RwOT

    Mu bushakashatsi bwakozwe n'uyu muryango, bwagaragaje ko kuva leta yashyiraho ingamba zo guhangana n'ikwirakwira ry'icyorezo cya Covid-19, zirimo guma mu rugo, no guhagarika ibikorwa bimwe na bimwe, byashyize mu kaga imibereho ya bamwe, bituma imibare y'abashoboraga kumara umunsi batariye yiyongera, iyo abaryaga kabiri ikagabanuka.

    Umuyobozi Mukuru wa Transparency International Rwanda, Ingabire Marie Immaculée yagize ati 'Bahuye n'ubukene bukabije bugeza igihe umuntu abura n'icyo kurya pe, abandi bakakubwira bati iyo nagize Imana ndya rimwe ku munsi, hari nubwo mburara, hari abantu bakubwira bati ubu naniwe kwishyura inzu mba aho.'

    Akomeza avuga ko yemera ko ingamba za Covid-19 zigomba gushyirwaho, ariko asaba leta ko yafasha abo zigiraho ingaruka zikomeye, ikagenzura neza niba koko imfashanyo bagenerwa zibageraho ku gihe.

    Agira ati 'Uroye nka LODA (Ikigo Gishinzwe Gutera Inkunga Ibikorwa by'Iterambere mu Nzego z'Ibanze), abo igomba guha amafaranga y'abo bantu batishoboye basanzwe batunzwe na ya mirimo bakoraga, leta ikabishyura cyangwa se wenda na ba basaza b'intege nke cyane bagakora nk'isaha imwe ariko bakagira icyo bamugenera, abo hasi bagomba kuyabaha niba usanga batayabahera ku gihe ngo bayabahe neza.'

    Mu bushakashatsi bwakozwe na TI Rwanda bwagaragaje ko abantu batishoboye bahabwaga inkunga ya VUP muri bo 23% batigeze bayihabwa mu gihe cya Covid-19, atari ukubera ko itatanzwe ahubwo abashinzwe kuyibagezaho batinze kuyibaha.

    Ingabire agira ati 'Ikindi ni ugutanga ibiribwa, ni ukuri bagerageze aba abantu batishoboye rwose, nk'uwo muntu ugera igihe akakubwira ati ndanabwiriwa nkaburara. kandi bakabikora (gutanga ibiribwa) mu bunyangamugayo, bakareka kubijyana.”

    “Hari nk'aho twabonye umukuru w'umudugudu afata imodoka ye agapakiramo ibyo kurya ariko ugatanga amafaranga magana atanu, iyo ni ruswa ni n'akarengane gakomeye.'

    Ku ruhande rw'abantu baryaga ari uko bakoze na bo bazahajwe n'iki cyorezo. Mu kiganiro bagiranye n'abakoze ubushakashatsi bwa TI Rwanda, bavuze ibibazo bikomeye bahuye nabyo.

    Umwe yagize ati 'Mu mudugudu ibyo kurya babitanze rimwe, kuko baduhaga n'ibishyimbo bidashya, cyari ikilo kimwe n'ikilo cya kawunga, n'ikilo cy'umuceri.'

    Undi ati 'Ntabwo mu mudugudu ntuyemo umusiribateri bamufashaga.'

    Hari abandi batigeze boroherwa no kwishyura inzu batuyemo kubera ikibazo cy'uko batakoraga.

    Bamwe muri bo bagize bati 'Namaze amezi ane ntakora, no kugira ngo mfungure ni uko nashyizweho igitutu na nyir'inzu, mu mezi ane nari maze ntakora, ansonera amezi abiri mwishyura abiri. Ubwo urumva namwishyuye amafaranga agera mu bihumbi 200 ntakoreye cyangwa ntinjije.'

    Undi ati 'Usibye n'akazi k'uburezi nari mfite ubushabitsi bw'akabari, umushahara wo waragiye, akabari karagiye, igishoro cyako narakiriye kuko cyagombaga kuntunga.'

    Aba n'abandi benshi bagaragaje ibibazo bahuye nabyo, byatumye bahura n'ubukene bukibakurikirana uyu munsi, bikaba ariyo mpamvu Umuryango urwanya Ruswa n'Akarengane mu Rwanda, TI Rwanda, usaba leta ko yafasha aba baturage bakivana mu bukene.

    Ingabire Marie Immaculée yasabye leta kwita ku bakene bahungabanyijwe na Covid-19

    Source : http://igihe.com/amakuru/u-rwanda/article/ti-rwanda-yasabiye-abakene-n-abarya-ari-uko-bakoze-bahungabanyijwe-na-covid-19